Category Archive: Հարկեր, տուրքեր, վճարներ

Jul 10 2020

ՀԿ-ն կրթության ծրագիր է շահել

Գայանե.

Բարև ձեզ, հարգելի հաշվապահներ: Խնդրում եմ օգնել հետևյալ հարցում. ՀԿ-ն կրթության ծրագիր է շահել, 100 000 դրամ փորձագետի գումարն է: Այդ գումարից ես պե՞տք է հարկեր պահեմ:

Jul 10 2020

Ի՞նչ է հարկավոր նեղ մասնագիտական դասընթացներ իրականացնելու և եռալեզու վկայական տալու համար

Nona.

Բարև Ձեզ: Կասեք` ի՞նչ է հարկավոր նեղ մասնագիտական դասընթացներ իրականացնելու և եռալեզու վկայական տալու համար: Արդյո՞ք հնարավոր է բացել ԱՁ և գործել միկրոձեռնարկատիրության համակարգում: Տարեկան Ֆինանսական հաշվետվությունների կազմումը ո՞ր դեպքում է պարտադիր:

Jul 09 2020

Արդյո՞ք հարկման դեպքում ենթակա են նվազեցման հարկերը և հարկային տույժերը

Բարև Ձեզ, շրջանառության հարկով հարկման դեպքում հարկերը, հարկային տույժերը ենթակա՞ են նվազեցման։

Jul 09 2020

ԱՁ ցանկանում է զբաղվել մրգի և բանջարեղենի առևտրով

Զառա․

Բարև Ձեզ։ Եթե բացել ենք ԱՁ և ցանկանում ենք զբաղվել մրգի և բանջարեղենի առևտրով, կասե՞ք՝ մեր հետագա գործողությունները որոնք են, ի՞նչ հարկով ենք հարկվելու, ի՞նչ վճարներ ենք անելու, ու՞ր ենք դիմելու, և այլ մանրամասներ են հետաքրքիր, նշեմ, որ գործունեությունը լինելու է Երևանում։ Կխնդրեմ նշեք նաև, եթե աշխատող չենք գրանցելու, ընտանիքի մանդամներից է լինելու, դա հնարավո՞ր է ինչ որ խնդիր առաջացնի։

Jul 08 2020

Եթե հայտնաբերվել է ապրանքների մնացորդի պակասորդ

Խնդրում եմ օգնեք` շտապ է։ Եթե շրջանառության հարկով եմ աշխատում, ձեռքբերումներս շատ են, իրացման շրջանառությունը՝ քիչ, ստուգման արդյունքում մնացորդային ապրանքս մոտ 20 մլն քիչ եղավ, ի՞նչ հետևանքներ կլինեն։ Այսինքն՝ ստացվում է 20 մլն ՀԴՄ չեմ տպել։

Jul 07 2020

Փայտանյութի առքուվաճառքով զբաղվող ՍՊԸ-ն կամ ԱՁ-ն կարո՞ղ է գործել միկրոձեռնարկատիրության դաշտում

Արաքսյա.

Փայտանյութի առքուվաճառքով զբաղվող ՍՊԸ-ն կամ ԱՁ-ն կարո՞ղ են գործել միկրոձեռնարկատիրության դաշտում, եթե գրանցված չեն Երևանում: Եթե այո, ապա ինչպիսի՞ հարկային պարտավորություններ ունեն:

Jul 07 2020

Արդյո՞ք հողի հարկ կա, թե՞ ոչ

Ալինա.

Խնդրում եմ պարզաբանել 2019 և 2020 թթ. համար Մասիսի շրջանում հողի հարկը կա, թե՞ ոչ։
Անշարժ գույքի հասցեն՝
Արարատ, Մասիս ք., Մասիս Կայարան Սայաթ-Նովայի փողոց, 13
Անշարժ գույքի տեսակը՝
Արտադրական (առանձին կանգնած)
Հողամասի գործող կադաստրային արժեքը (ՀՀ դրամ)՝
4 547 208.00
Շինության գործող կադաստրային արժեքը (ՀՀ դրամ)՝
13 133 621.00
Գործող հողի հարկը (ՀՀ դրամ)՝
0.00
Գործող գույքահարկը (ՀՀ դրամ)՝
39 400.86

Jul 07 2020

Արդյո՞ք անհրաժեշտ է սոց. վճարի վճարումից հրաժարվելու համար դիմում ներկայացնել

Գևորգ.

Բարև Ձեզ, ես հանդիսանում եմ Անհատ ձեռնարկատեր և միկրոձեռնարկատիրության սուբիեկտ համարվելու հայտարարություն եմ տվել, հարցս վերաբերվում է սոց. վճարին: Արդյո՞ք անհրաժեշտ է սոց. վճարի վճարումից հրաժարվելու համար դիմում ներկայացնել, թե՞ ուղղակի անհրաժեշտ է չմուծել և վերջ: Շնորհակալություն:

Jul 07 2020

Արդյո՞ք արձակման նպաստից պահումներ լինում են

Anna.

Բարև Ձեզ: Խնդրում եմ ասել` արձակման նպաստից պահումներ լինու՞մ են:

Jul 06 2020

Անձը աշխատելու է որպես մեդիա մարքեթինգի ֆրիլանսեր

Բարև Ձեզ: Ես պատրաստվում եմ աշխատել որպես սոցիալական մեդիա մարքեթինգի ֆրիլանսեր մասնագետ Եվրոպայի շուկայի համար, և ցանկանում եմ հարկեր վճարել ՀՀ-ում: Կասեք` ինչպե՞ս պետք է ձևակերպեմ եկամուտներս հաշվապահության տեսանկյունից և ի՞նչ փաստաթղթեր են անհրաժեշտ:
Կանխավ շնորհակալություն:

Jul 06 2020

Արդյո՞ք “Նաիրի Ինշուրնս”-ի ապահովագրության գործակալը կարող է շրջհարկի դիմում ներկայացնել

Աննա.
Բարև Ձեզ: Մի հարց. արդյո՞ք կարող եմ շրջհարկի դիմում ներկայացնել և շրջանառության հարկի հաշվետվություններ ներկայացնեմ` այլ ծառայություններ 5%-ով, եթե Նաիրի Ինշուրնս ապահովագրության գործակալ եմ:

Jul 06 2020

ՍՊԸ-ն աշխատում է շրջհարկով և զբաղվում է երգարվեստով

Գայանե.

Բարև Ձեզ, հարգելի հաշվապահներ: ՍՊԸ-ն աշխատում է շրջհարկով և զբաղվում է երգարվեստով: Վերջերս միջոցառում է կազմակերպել և մասնակիցները 10 000 դրամ անդամավճար են մուծել: 10 հոգի են մասնակցել, այսինքն` ես պետք է 5 տոկոս շրջանառության հարկ վճարեմ այդ 100 000-ից։ Գրանցված են 2 աշխատող:
Գրանցված են 2 աշխատող։ Հիմա ուզում եմ հասկանալ՝ ինչպե՞ս ճիշտ վարվեմ այդ գումարի հետ: 5 տոկոսը, այսինքն՝ 5 000 դրամը հանե՞մ, իսկ այդ 95 000 – ը 2 աշխատողների միջև բաժանե՞մ՝ իր համապատասխան հարկերով։

Jul 05 2020

Չինաստանից ներկրման պայմանները

Բարև Ձեզ, ես Ալիբաբա կայքի միջոցով գնել եմ սարքավորում /էլեկտրոտեխնիկա/, անձնական օգտագործման համար:
Հարց առաջին. ինչպե՞ս ապահով կազմակերպեն տեղափոխումը բեռի Երևան:
Հարց երկրորդ. ի՞նչ թղթեր են հարկավոր այն մաքսազերծելու համար: Որտե՞ղ պետք է գնամ և ինչպե՞ս պետք է անեմ այդ ամենը: Եթե կա հաշվապահ և իրավաբան խնդրում եմ արձագանքեք էլի հարցեր ունեմ:

Jul 04 2020

Արդյո՞ք պետք է ՍՊԸ-ն բացելուց հետո տնօրենի համար գրանցման հայտ ուղարկել

Araqsya.

Եթե ՍՊԸ-ն հիմնադրվել է մեկ անձի կողմից, և այդ անձը հանդիսանում է տնօրեն, ապա նրան ևս պե՞տք է նշանակվի աշխատավարձ և պահվեն համապատասխան հարկերը: Պե՞տք է ՍՊԸ-ն բացելուց հետո, որպես տնօրեն գրանցման հայտ ուղարկվի:
Հիմնադիր տնօրենը իրավունք ունի՞ վարելու իր ֆիրմայի հաշվապահություն և կարո՞ղ է հետագայում այլ մարդու նշանակել տնօրեն և ունենալ առանձին հաշվապահ, թե՞ ոչ։

Jul 03 2020

Վարսավիրական գործունեությամբ զբաղվող Ա/Ձ-ի անվանման հետ կապված

Մանե.

Բարև Ձեզ: Նոր բացված Ա/Ձ-ն զբաղվելու է վարսավիրական գործունեությամբ, գործելու է միկրոձեռնարկատիրության դաշտում։ Խնդրում եմ կասեք` սալոնի անվանման հետ կապված ի՞նչ քայլեր պետք է անել, նաև, եթե ցանկանում է ընթացքում իրականացնել վարսավիրական ուսուցում, հարկային դրույթները կնշե՞ք, եթե դրանք կան։ Շնորհակալ եմ:

Jul 02 2020

Ա/Ձ-ն զբաղվելու է առևտրով

Բելլա.

Բարև Ձեզ: Տարածք ենք վարձակալել, ԱՁ բացել և ցանկանում եմ մթերային և տնտեսական փոքր խանութ բացել: Աշխատելու եմ աղջկաս հետ, այլ աշխատող չենք ունենալու: Ուզում էի իմանալ` մոտավոր ի՞նչ վճարներ և ի՞նչ հարկեր պետք է վճարեմ՝ իմ ծախսերը հաշվարկելու նպատակով: Ի՞նչ հարկատեսակով եմ հարկվելու:
Շնորհակալություն:

Jul 02 2020

Ինչպե՞ս է կատարվում շահութահարկի հաշվարկը

Արման.

Բարև Ձեզ: Կարո՞ղ եք ասել` շահութահարկի նվազեցումները իրականացնելու համար աշխատավարձը վերցնում ենք մաքուրը, թե՞ հարկերը ներառյալ: Շնորհակալ եմ:

Jul 02 2020

Հնարավո՞ր է Ա/Ձ-ն դադարեցնել և բացել ՍՊԸ

Araqsya.

Բարև Ձեզ: խնդրում եմ պատասխանեք հետևյալ հարցերին.

  1. Եթե անձն ունի Ա/Ձ, ապա կարո՞ղ է դադարեցնել (չլուծարել, այլ անորոշ ժամկետով դադարեցնել կամ լուծարման համար դիմել և մինչև գործընթացի ավարտը հիմնել ՍՊԸ): Նշեմ, որ Ա/Ձ-ն աշխատում է ԱԱՀ դաշտում ու, եթե հնարավոր լինի հիմնադրել ՍՊԸ, ապա այդ ՍՊԸ-ն շարունակելու՞ է աշխատել ԱԱՀ դաշտում, թե՞ կարող է հայտարարություն ներկայացնել շրջհարկով աշխատելու համար։

  2. Շրջհարկով աշխատող ՍՊԸ-ն, ի՞նչ վճարումներ ունի անելու, եթե չունի գրանցված աշխատող։

3 ՍՊԸ-ի հիմնադիր տնօրենը կարո՞ղ է վարել հաշվապահություն և հետագայում արդեն տնօրեն ու հաշվապահ նշանակել:

Jul 01 2020

Ինչպե՞ս դառնալ միկրոձեռնակատիրության սուբյեկտ

Ալլա.

Բարև Ձեզ։ Խնդրում եմ ասացեք, Ա/Ձ բացելուց հետո, եթե ցանկանում ենք միկրոբիզնեսի դաշտում գործել, ի՞նչ գործունեություն պետք է անել։

Jul 01 2020

Ինչպե՞ս պետք է հաշվարկել ԱԱՀ-ն

Araqsya.

Ինչպես պետք է հաշվեմ ԱԱՀ-ն, երբ ապրանքը ձեռք եմ բերել ԱԱՀ-ով և վաճառել ԱԱՀ-ով` վաճառված գնի 20%, ձեռք բերման գնի 16,67%, թե՞ վաճառված գնից էլ պետք է հաշվարկել 16,67%-ը։

Jun 30 2020

ԱԱՀ վճարող Ա/Ձ-ն ամսական պե՞տք է վճարի 5 000 դրամ շահութահարկ

Արաքսյա.

ԱԱՀ վճարող Ա/Ձ-ն ամսական պե՞տք է վճարի 5 000 դրամ շահութահարկ, թե՞ տարվա վերջում իր ստացած շահույթի 20 %-ը:

Jun 30 2020

Հանրային սննդի հաշվապահություն

Բարև Ձեզ: Կասեք հանրային սննդի ոլորտում ինչպե՞ս են աշխատում: Հաշվապահությունն ինչպե՞ս են կազմակերպում: Պահեստային մաս մուտք արվու՞մ է ինչպես ԱԱՀ-ով աշխատելու դեպքում, թե՞ ոչ: ՍՊԸ է` աշխատում է շրջհարկով, զբաղվում է ռեստորանային ոլորտով: Կանխավ շնորհակալություն:

Jun 30 2020

Արդյո՞ք պահվում է դրոշմանիշային վճար քաղաքացիաիրավական պայմանագրի դեպքում

Անի.

Բարև Ձեզ: Քաղիրավական պայմանագրով աշխատողի դեպքում դրոշմանիշային վճար պահվու՞մ է, թե՞ ոչ:

Jun 30 2020

Անձը ցանկանում է ապրանք ներմուծել

Գրետա.

Բարև ձեզ: Մոսկվայից ցանկանում եմ ներկրել ապրանք (հագուստ), կցանկանայի իմանալ ներկրման հետ կապված լիարժեք և սպառիչ ինֆորմացիա։

  1. Ցանկանում եմ իմանալ ֆիզիկական անձի համար թույլատրելի չափը։

  2. Եթե այդ չափը գերազանցում է, արդյո՞ք պետք է գրանցվել որպես ԱՁ:

  3. Եթե գրանցվում ենք որպես ԱՁ, ապա ի՞նչ հարկեր կան վճարելու։

Նախապես շնորհակալություն ❤

Jun 29 2020

Արդյո՞ք հնարավոր է աշխատողներին կանխիկ աշխատավարձ վճարել

Բարև Ձեզ։ Ա/Ձ-ն միկրոձեռնարկություն է ունի երկու աշխատող։ Կարո՞ղ եմ աշխատողներին կանխիկ աշխատավարձ վճարել՝ 5 000 եկամտային պահեմ, սոց. պահեմ և զինվորի գումար չէ՞։

Jun 29 2020

ՍՊԸ-ն ի՞նչ հարկային պարտավորություն ունի դրամաշնորհի հետ կապված

Gayane.

Հարգելի հաշվապահներ, խնդրում եմ օգնեք հետևյալ հարցում․ ՍՊԸ-ի գործունեության ոլորտը մշակույթն է, շրջհարկով է աշխատում։ Հիմա հարցս. այդ մշակութային, ստեղծագործական ծրագրերի համար ոմն կազմակերպությունը բարեգործական դրամաշնորհ է տրամադրում։ ՍՊԸ-ն ի՞նչ հարկային պարտավորություն ունի այդ գումարի հետ կապված։ Խնդրում եմ բոլոր տեսակի հաշվետվության ձևերը գրեք, այդ թվում նաև տարեկան։ Շատ շնորհակալ կլինեմ։

Jun 29 2020

ՍՊԸ-ն աշխատում է շրջհարկով

Gayane.

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ ՍՊԸ-ն աշխատում է շրջհարկով, ստեղծագործական ոլորտ է՝ մրցույթների է մասնակցում և այլն։ Առաջին անգամ այս տարվա մեջ մրցույթի է մասնակցել երեխաները մասնակցության վճար են արել ընդամենը 50 000 է կազմել։ Դրանից 5% պետք է շրջհարկ վճարի չէ՞։ 2-րդ հարցս, եթե այդ ՍՊԸ-ն ունի աշխատող, որի համար վճարում է ընդամենը 3 510 դրամ աշխատավարձ՝ դե գրեթե չի գործում, այսինքն՝ դեռ գործունեություն նորմալ չի ծավալել։ Կարո՞ղ եմ 0.25 դրույքի աշխատավարձ ձևակեևպել և նվազագույն ժամային սանդղակով հաշվարկել։ Արդյո՞ք խնդիր չի ունենա նման աշխատավարձի դեպքում։

Jun 29 2020

Արդյո՞ք պետք է վճարվի ԱԱՀ և մաքսատուրք

Բարև Ձեզ։ Պատրաստվում եմ գնել փայտե տուն ՌԴ-ից։ Շինանյութը պետք է տեղափոխվի Հայաստան և այստեղ կառուցվի ամբողջովին։ Արդյո՞ք պետք է վճարվի ԱԱՀ և մաքսատուրք։ Տունը բնականաբար անձնական օգտագործման համար է լինելու։

Jun 29 2020

Որքա՞ն է կազմում ակցիզային հարկը

Բարև Ձեզ։ Խնդրում եմ ասացեք, թե որքա՞ն է կազմում ակցիզային հարկը օծանելիքի արտադրության և դրոշմապիտակի գինը։

Jun 29 2020

Արդյո՞ք Ա/Ձ-ն պետք է եկամտային հարկ վճարի ամսական կտրվածքով

Լուսինե.

Բարև ձեզ: Եթե Ա/Ձ-ն գրանցված է մարզում, իսկ նա գործունեություն է ուզում ծավալել Երևանում, արդյո՞ք պետք է եկամտային հարկ մուծի ամսական կտրվածքով։ Եվս մեկ հարց. աշխատողի սոց․ վճարը ինչպե՞ս է հաշվարկվում։

Jun 27 2020

Ինքնազբաղված անձը առցանց մարքեթինգային ծառայություններ է ցանկանում մատուցել

Նինա․

Բարև Ձեզ:
1. Ինքնազբաղված անձը, ով օնլայն մարքեթինգային ծառայություններ է ցանկանում ապահովել Հայաստանում և դուրս, հարկ պե՞տք է վճարի, թե՞ ազատված է։
2. Անհատ Ձեռներեցը ի՞նչ հարկ է վճարում։
Պատասխանին զուգահեռ կխնդրեմ աղբյուրներ նշել, որտեղ ավելի մանրամասն կարող եմ ծանոթանալ։
Նախապես շնորհակալություն:

Jun 26 2020

ՍՊԸ-ն շահաբաժինների վճարման որոշում է ընդունել

Hayk.

Բարև Ձեզ: Շրջ. հարկով աշխատող ՍՊԸ-ն 2020թ. հունիսին որոշում է ընդունել շահաբաժինների վճարման: Այդ որոշման հիման վրա պետք է 2020թ. հունիս ամսվա եկամտային հարկի հաշվետվության մեջ` Բաժին II-ում ներկայացնեմ շահաբաժնի և եկամտային հարկի չափը։ Իսկ կարո՞ղ եմ արդյոք վճարումը կատարել 2020թ․ դեկտեմբերին՝ կանխիկ եղանակով։ Կա՞ որևէ օրենսդրական սահմանափակում։ Նախապես շնորհակալություն։

Jun 26 2020

Ա/Ձ-ն հայտնվել է ԱԱՀ դաշտում

Արաքսյա.

Ա/Ձ-ն բացվել է 1 ամիս առաջ, և շրջանառության հարկով աշխատելու համար չեն հասցրել ուղարկել հայտարարություն, և ավտոմատ կերպով հայտնվել է ԱԱՀ դաշտում։ Ցանկանում եմ լուծարել Ա/Ձ-ն և նորը բացել (նշեմ, որ որևէ գործունեություն չեմ ծավալել): Բայց այս պահին իմ տարածքային բաժնից գտնվում եմ շատ հեռու։ Կցանկանայի իմանալ՝ որևէ այլ տարբերակ կա՞: Որքա՞ն կտևի լուծարման գործընթացը, և լուծարելուց անմիջապես հետո կարո՞ղ եմ նորը բացել, թե՞ ոչ։

Jun 24 2020

ԵԱՏՄ երկրներից ներմուծվող կոսմետիկան ենթակա՞ է հարկման

Ժաննա.

Ողջույն։ ԵԱՏՄ երկրներից ներկրվող կոսմետիկան ենթակա՞ է հարկման։

Jun 24 2020

Ինչքա՞ն կկազմի ամսական եկամտահարկը

Anna.

Բարև Ձեզ։ Ամուսինս մասնագիտությամբ քարտաշ է և հիմա ցանկանում է Ա/Ձ բացել իր անունով։ Ամսական շարժը կազմում է 300 000-350 000 դրամ։ Հարցս հետևյալն է. ինչքա՞ն կկազմի եկամտահարկը ամսական և արդյո՞ք այդ գումարը բավարար է Ա/Ձ-ի համար։ Խնդրում եմ ասել` ինչ փաստաթղթեր են հարկավոր գրանցվելու համար:

Jun 24 2020

Շահաբաժինների 5 % հարկման մասին օրենքի հոդված

Հայկ.

Բարև ձեզ: Խնդրեմ, կհուշե՞ք՝ շահաբաժինների 5 % հարկման մասին օրենքի հոդվածը 2018թ. հունվարի 1-ի՞ց է մտել ուժի մեջ: Այսինքն՝ եթե 2017թ. հունիսին հայտարարագրվել են, իսկ դեկտեմբերին վճարվել են նախորդ տարիների կուտակված շահաբաժինները, ապա, կարծեմ, հարկման ենթակա չեն: Կխնդրեմ օրենքի հղում անել:

Jun 23 2020

Ինչպե՞ս կատարել ԱՁ-ի կասեցում, եթե կա չկատարված պարտավորություն

Եթե հնարավոր է պատասխանեք հետևյալ հարցին: Որպես ԱՁ ունենք դատական կարգով շահած գործ (գումարի բռնագանձում): ԱՁ-ն ցանկանում ենք կասեցնել: Ցանկանում եմ հասկանալ` ԱՁ-ի կասեցման դեպքում տվյալ պարտավորությունը դառնու՞մ է անձնային և գումարի բռնագանձում տեղի է ունենում, թե՞ ԱՁ-ն կասեցնելու դեպքում դատարանի որոշումը ևս չեղարկվում է: Ուղակի այս պահին ԱՁ-ն այլևս ոչ մի գործունեություն չի իրականացնում:

Jun 23 2020

ՍՊԸ-ն կարո՞ղ է գործունեություն ծավալել որպես միկրոձեռնարկատեր

Բարև Ձեզ: Հարցս հետևյալն է. ՍՊԸ-ն, որը ներմուծում է քսայուղեր ՌԴ-ից, կարո՞ղ է մյուս տարի դառնալ միկրոձեռնարկատեր, եթե այժմ աշխատում է շրջհարկով, և տարեկան շրջանառությունը չի գերազանցում 2 միլիոնը: Շնորհակալություն:

Jun 23 2020

Ինչպե՞ս պետք է վարվի շրջ. հարկով աշխատող ՍՊԸ-ն անհուսալի դեբիտորական և կրեդիտորկան պարտքերի մասով

Հայկ.

Բարև ձեզ: Շրջ. հարկով աշխատող ՍՊԸ-ն անհուսալի դեբիտորական և կրեդիտորկան պարտքերի մասով ինչպե՞ս պետք է վարվի, եթե վերագրում է համապատասխանաբար ծախսերին և եկամուտներին: Նկատի ունեմ՝ ի՞նչ հարկեր կառաջանան և ո՞ր հաշվետվության մեջ պետք է արտացոլվեն:

Jun 23 2020

Արդյո՞ք նպաստը պակասեցվում է եկամտային հարկից

Naira.

Բարև Ձեզ։ Եթե հաշվետու ժամանակահատվածի նպաստը վճարվել է մինչև հաշվետու ժամանակահատվածի համար ամփոփ եկամտային հարկի հաշվետվություն ներկայացնելը, այսինքն` մինչև հաջորդ ամսվա քսանը, ապա եկամտային հարկից պակասեցվում է թե՞ ոչ:

Jun 23 2020

Արդյո՞ք ԱԱՀ-ով պետք է հարկվի նշված շահումը

Vahan.

Բարև Ձեզ։ ԱՁ-ն գրանցվել է 2019թ-ի հոկտեմբեր ամսին, հարկվում է ԱԱՀ-ով։ ԱՁ-ն բացվել է մրցույթի` շահում ստանալու նպատակով, և ոչ մի գործունեություն չի իրականացրել։ Շահումը փոխանցվել է նվիրաբերության տեսքով, որից հետո ԱՁ-ն 2020-ի փետրվար ամսին կասեցրել է գործունեությունը։ Այդ ընթացքում ԱՁ-ն բացառապես ոչ մի վճար չի իրականացրել։ Ներկայացրել է 0-ական ԱԱՀ հաշվետվություններ, 0-ական շահույթ, 0-ական սոց. վճար։ Ի՞նչ վճարներ պետք է անի ԱՁ-ն։ Արդյո՞ք ԱԱՀ-ով պետք է հարկվի նշված շահումը։

Jun 22 2020

Արդյո՞ք դա կդիտվի որպես գյուղատնտեսական գործունեություն

Հենրիխ.

Բարև ձեզ, հարգելի կոլեգաներ: Կազմակերպությունը զբաղվում է խոզաբուծությամբ՝ խոզ մորթելով և միս վաճառելով: Արդյո՞ք դա կդիտվի որպես գյուղատնտեսական գործունեություն, և արդյո՞ք կարող ենք օգտվել արտոնությունից՝ ազատվել շահութահարկ և ԱԱՀ վճարելու պարտավորությունից:

Jun 22 2020

Ինչպե՞ս է հաշվարկվում մաքսային ձևակերպումը

Վաչե.

Խնդրում եմ ասեք` մաքսային ձևակերպումը ինչպե՞ս է հաշվարկվում և որտե՞ղ պետք է վճարել։ Կրկին անգամ շնորհակալություն։

Jun 22 2020

ՀԿ-ն վարձակալության է հանձնում տարածք

Վարդիթեր.

Հանդիսանում եմ Հասարակական Կազմակերպություն, որտեղ չկա գրանցված աշխատող: Խնդրում եմ ասել` ինչպե՞ս և ի՞նչ պայմաններով ես վարձակալության կկարողանամ հանձնել ֆիզիկական անձին տարածք։ Ոչ ռեզիդենտ հարկատու եմ։ Հարկայինի հետ ինչ պարտավորություններ կունենամ, և ի՞նչ տեսակ պայմանագիր պետք է կապվի վարձակալի հետ՝ նոտարով թե՞ կադաստրով հաստատված, ի՞նչ % մուծումներ է անհրաժեշտ ՊԵԿ-ին և ի՞նչ հաշվետվություն է անհրաժեշտ տալ: Կանխավ շնորհակալություն:

Jun 22 2020

ՌԴ քաղաքացին ցանկանում է Ա/Ձ բացել

Աննա.

Բարև ձեզ։ Խնդրում եմ պատասխանել իմ հետևյալ հարցին։ Անձը հանդիսանում է ՌԴ քաղաքացի, ցանկանում է բացել Ա/Ձ։ Ա/Ձ-ի գործունեության ընթացքում, ո՞ր դեպքում նրանից սոցիալական քարտ կամ հաշվառման մասին տեղեկանք կարող են պահանջել։ Ա/Ձ բացելն ի՞նչ բացասական կողմ կարող է ունենալ։ Հարկի վճարման գործընթացն ինչպե՞ս է իրականացվում։ Ա/Ձ-ի լուծարման համար ի՞նչ փաստաթղթեր են անհրաժեշտ։ Առանց օնլայն ստորագրության կարո՞ղ է ԱՁ-ն բացվել։

Jun 22 2020

Եթե արվեստագետը ցանկանում է վաճառել իր քանդակը

Diana․

Բարև Ձեզ: Կարո՞ղ եք ասել՝ եթե արվեստագետը ցանկանում է վաճառել իր քանդակը, ինքը ինչ որ հարկեր պե՞տք է վճարի, և եթե այո, կասե՞ք՝ որ օրենքով է դա կարգավորվում:

Jun 20 2020

Արդյո՞ք ոչ ռեզիդենտ անձը այսուհետ ԱՁ-ի համար պետք է վճարի ամսական 11 000 դրամ

Ժենյա․

Բարև Ձեզ։ Արդյո՞ք ոչ ռեզիդենտ անձը այսուհետ ԱՁ-ի համար պետք է վճարի ամսական 11 000 դրամ։ Եվ 2019թ ֊ի համար նույնպես վճարի չվճարված 5 000 դրամները (2019թ֊ից մինչև այսօր վճարում էին 6 000 դրամ)։ Այժ ասում են, թե պետք է վճարենք այդ բոլոր 5 000֊ները։ Խնդրում եմ արձագանգեք, եթե որևէ ինֆորմացիա ունեք։

Jun 19 2020

Ֆիզ. անձը ԵՏՄ-ից ապրանք է ներկրել

Անի.

Հարգելի՛ հաշվապահներ, ֆիզ. անձը ԵՏՄ-ից ապրանք է ներկրել և թույլատրելի սահմանից ավել քաշով է կատարել ներկրումը։ Հարցս կայանում է նրանում, թե արդյո՞ք ֆիզ. անձը հարկ վճարելիս վճարելու է միայն գերազանցած քաշի հարկը, թե՞ ներկրած ապրանքի ողջ քաշի համար։ Շնորհակալություն։

Jun 19 2020

Պե՞տք է եկամտային հարկի հաշվարկ ներկայացնել

Nara.

Բարև Ձեզ: Խնդրում եմ օգնել: Ես նոր եմ անում Ա/Ձ հաշվապահությունը: Պատասխանեք խնդրեմ, եթե Ա/Ձ-ն չունի աշխատող, ապա պե՞տք է եկամտային հարկի հաշվարկ ներկայացնի իր համար ամեն ամիս` վճարումները կատարված են: Որտեղի՞ց իմանալ վիճպետկոմին հաշվետվության վերաբերյալ: Էլ ի՞նչ հարկեր պետք է մուծի միկրոձեռնարկության կարգավիճակ ունեցողը:

Jun 18 2020

Շինարարական լիցենզիա ստանալու համար

Հռիփսիմե.

Բարև Ձեզ: Խնդրում եմ պատասխանել հետևյալ հարցերիս.
1) Շինարարական լիցենզիա ստանալու դեպքում կարո՞ղ ենք արդյոք դիմում գրել էլեկտրոնային, եթե այո` խնդրում եմ գրեք ինչպե՞ս, և բացի 80 000 ՀՀ դրամ պետ. տուրքից ի՞նչ այլ վճարներ են վճարվում: Ինչպես նաև ինձ պետք է այն տեղեկանքի ձևը, որը լրացվում է այն կազմակերպությունների կողմից, որի մոտ մեր շինարար-մասնագետը նախկինում ունի կատարած շինարարական աշխատանքներ, ում անունով էլ ՍՊԸ-ն ուզում է ստանալ լիցենզիա:
2) ՍՊԸ-ի բաժնետերերի փոփոխության դեպքում կարո՞ղ ենք արդյոք դիմել պետ. ռեգիստր էլեկտրոնային եղանակով, եթե այո՝ ինչպե՞ս և ի՞նչ վճարներ ենք վճարելու:

Older posts «

» Newer posts