Category: Հարկեր, տուրքեր, վճարներ

Առցանց ծառայություններ

Վահան․

Բարև ձեզ, հարգելի հաշվապահներ։ Ես ուզում եմ կայքի միջոցով օնլայն ծառայություն մատուցել։ Կայքը արհեստական բանականության միջոցով նկարներ է գեներացնում։ Ամեն նկարի համար օգտվողը պետք է վճարի։ Կարո՞ղ եմ գործել որպես միկրոձեռնարկատիրություն այս դեպքում։

Ռուսաստանից պրոպան գազի ներմուծում

Աշոտ․

Բարև Ձեզ: Խնդրում եմ տեղեկացնել՝ ի՞նչ հարկեր և տուրքեր են գումարվում Ռուսաստանից ներմուծվող պրոպան գազի գնին:

Շրջանառության հարկ վճարողի դիմում

Հայկ․

Բարև Ձեզ։ Նորաբաց ԱՁ-ն գործունեություն չէր ծավալել, ԱԱՀ համակարգում էր ու հանձնում էր 0-ական հաշվետվություններ: Այս տարվանից ուզում եմ դիմում ներկայացնել շրջ. հարկի համակարգ անցնելու համար: Դիմումն հիմա ներկայացնելուց կարո՞ղ եմ նշել, որ 2024-ի Հունվարի 1-ից համարվեմ շրջանառության հարկ վճարող:

Մարդատար մեքենայի ԱԱՀ հաշվանցում

Սեդա․

Բարև Ձեզ։ Եթե ԱԱՀ վճարող կազմակերպությունը 2024թ սրահից ձեռքբերի մարդատար ավտոմեքենա, ԱԱՀ-ն ե՞րբ պետք է հաշվանցենք:

Եկամտային հարկ շահաբաժնից

Քրիստինա․

Բարև ձեզ, ՍՊԸ-ի համար շահաբաժնից առաջացած եկամտային հարկը (վճարված) կարո՞ղ եմ ծախս ճանաչել։

Գումարի փոխանցում ֆիզիկական անձին

Սոնա․

Բարև Ձեզ։ Եթե Հայաստանում գտնվող ընկերությունը (որը այլ երկրի մասնաճյուղ է) գումար փոխանցի ֆիզիկական անձի անձնական հաշվեհամարին 400 000-ի չափով, արդյո՞ք ֆիզիկական անձը խնդիրներ կունենա հարկային դաշտում։

Հարկային պարտավորություն նկարիչի համար

Արև․

Բարև ձեզ։ Նկարիչը իր ցուցադրության ժամանակ վաճառած նկարից արդյո՞ք հարկ պետք է վճարի։ Եթե այո, ապա ինչպե՞ս և որտե՞ղ։

ԱՁ տարեկան դրոշմանիշային վճար

Քրիստինա․

Բարև Ձեզ, ես անհատ ձեռնարկատեր եմ, ունեմ վճարելու 24 000 դրոշմանիշային վճար, սկսել եմ գործունեությունը 2023թ. ապրիլի 1-ից։ Ե՞րբ պետք է վճարել դրոշմանիշային վճարը, ո՞ր հաշվեհամարին։ Օրենքի հղում կուղարկե՞ք:

Նախապես շնորհակալություն:

Օտարեկրացին ծառայություն է մատուցել կազմակերպությանը

Սերգեյ․

Բարև Ձեզ: Խնդրում եմ օգնել հետևյալ հարցում:

Հայկական ՍՊԸ-ն տեսահոլովակ է պատրաստում և պատվիրում է նկարչական ծառայություններ քաղաքացիաիրավական պայմանագրով այդ տեսահոլովակի համար օտարերկրյա (ոչ ԵԱՏՄ և ԱՊՀ անդամ երկրի) քաղաքացի հանդիսացող ֆիզю անձին, որը չունի ՀՀ կացություն:

1. Կարո՞ղ է հայկական ՍՊԸ-ն վճարել գումար օտարերկրյա քաղաքացուն: Եթե այո, ապա ո՞նց է հարկվում:

2. Եթե չի կարող, ապա ի՞նչ հնարավոր ձևեր կա էդ մարդուն կցել նախագծի աշխատանքներին: Նա պետք է ծառայություն մատուցի և ստանա վճար, սա աշխատավարձ չէ:

Կանխավ շնորհակալություն:

Հողամասի ու շինությունների օտարում

Լիլիթ․

Ֆիզիկական անձի կողմից հողամասի ու շինություննների օտարումը ի՞նչ հարկային պարտավորություն է առաջացնում։

Նորաբաց ՍՊԸ

Միքայել․

Բարև Ձեզ, հարգելի գործընկերներ։ Խնդրում եմ օգնել հետեվյալ հարցերում․

• ՍՊԸ գրանցելու օրը կնքելու եմ պայմանագիր տնօրենի հետ։ Հարց – պարտավո՞ր է արդյոք ՍՊԸ-ն պաշտոնապես տեղեկացնել որևէ պետական մարմնին տնօրենին աշխատանքի վերցնելու փաստի մասին։ Եթե այո, խնդրում եմ հուշել՝ ի՞նչ պետք է անել

• Որտե՞ղ պետք է ընտրել հարկման տարբերակը – ԱԱՀ վճարող և այլն

• Ի՞նչ հաշվետվություն է պետք հանձնել։ Մոտակա երեք ամիսը գործունէություն չի ծավալվելու, լինելու է միայն տնօրենի աշխատավարձ և հարկեր

Ներքին հարդարման ծառայություններ

Վարդան․

Բարև Ձեզ, սիրելի հաշվապահներ։ Բնակարանների ներքին հարդարման ոլորտում վերանորոգման ծառայություններ եմ ուզում մատուցել (սալիկապատւմ, ջրագծերի անցկացում, պատերի և առաստաղի նրոգում և այլն)։ ԱՁ պետք է բացեմ։ Տվյալ գործունեության ոլորտը արդյո՞ք համարվում է միկրոձեռնարկատիրություն։ Ի՞նչ հարկ պետք է վճարեմ, ու արդյո՞ք լիցենզիա անհրաժեշտ է, թե՞ ոչ։

Հարկատեսակի դիմումներ դադարեցման դեպքում

Գոհար․

Բարև Ձեզ։ Մի քանի հարց ունեմ, խնդրում եմ օգնեք․

  1. Եթե ԱՁ կամ ՍՊԸ-ն դադարեցված է եղել, այս տարվա համար պե՞տք է հարկատեսակի համար հայտեր ներկայացնել և փակել 2023-ի տարեկան հաշվետվություններն
  2. ԱԱՀ-ով աշխատող ԱՁ-ի շրջանառությունն 0 է եղել։ Տարեկան ի՞նչ հաշվետվություն և հարկային պարտավորություն ունի

Ավտոլվացման կետը որպես միկրոձեռնարկատիրություն

Բարև Ձեզ։

Ա/Ձ ունի ավտոլվացման կետ, շրջհարկով է  աշխատում։ 2024թ-ից կարո՞ղ է աշխատել միկրոձեռնարկատիրության համակարգում։

Շնորհակալություն։

Ձեռքբերում գյուղացուց

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։

ԱՁ-ն տարածք է վարձակալել ֆիզ. անձից

Հարութ․

Բարև Ձեզ, հարգելի հաշվապահներ, խնդրում եմ ինձ օգնել հետևյալ հարցում. ԱՁ-ն տարածք է վարձակալել ֆիզ. անձից, արդյո՞ք պայմանագրի սկիզբ է համարվում հարկային մարմնում հատարարագրման օրը, և վարձավճարը կարող եմ վճարել ամբողջ տարվանը դեկտեմբեր ամսին և հանձնել հաշվետվություն միայն այդ ամսվա համար, թե՞ պետք է ներկայացնել զրոյական հաշվետվություն մյուս ամիսների համար, և կարո՞ղ է արդյոք ԱՁ-ն վարձավճարը ֆիզ անձին վճարել կանխիկ։

ԱՁ-ն ցանկանում է ՍՊԸ բացել

Աշոտ․

Բարև ձեզ։ Եթե ԱՁ-ն ուզում է ՍՊԸ բացել, որտեղ կլինի միակ բաժնետերը և տնօրենը, և աշխատելու է ԱԱՀ-ով, ԱՁ-ն նույնպե՞ս դառնում է ԱԱՀ վճարող, թե՞ ոչ։

Վերանորոգման ծառայություններ

Նաիրա․

Բարև Ձեզ։ Ես վերանորոգման ծառայություններ եմ ցանկանում առաջարկել, ԱՁ պետք է բացեմ։ Տվյալ դեպքում գործունեությունը համարվում է միկրոձեռնարկատիրություն, թե՞ շրջանառության հարկ պետք է վճարել։

Տեխնիկայի ձեռքբերում լիզինգով

Արամ․

Բարև ձեզ, հարգելի հաշվապահներ։ Եթե ԱՁ-ն լիզինգով շինտեխնիկա է ձեռք բերում, ո՞ր դեպքում չի վճարում ԱԱՀ-ն։ Խնդրում եմ օգնեք հասկանամ՝ ի՞նչ տարբերակներ կան, նախապես շնորհակալություն։

Վարձակալության հաշվետվություն

Կարեն․

163 ձևը գործում էր մինչև 31․12․2023 թվականը, այժմ ո՞ր ձևով պետք է տալ վարձակալության եկամտային հարկի հաշվետվությունը։

ԱԱՀ հաշվանցման ձևակերպումներ

Արթուր․

Բարև ձեզ, սիրելի խմբակիցներ։ ԱԱՀ-ի հաշվետվություն է ներկայացվել մարտ ամսին, որտեղ ներմուծման ԱԱՀ-ն հաշվացվել է, սակայն գումարը վճարվել է 20-ից հետո, դեկտեմբեր ամսին եկել է ծանուցում, որ տրվի ուղղում՝ հաշվանցվի այն ամսում, որ ամսում որ վճարվել է։ Խնդրում եմ օգնել տալ հաշվապահական ձևակերպումները։

ՏՏ ոլորտի շահութահարկի արտոնություն

Մարի․

Բարև Ձեզ, հարգելի հաշվապահներ։ Հարցս հետևյալն է․ ՏՏ ոլորտի հավաստագրված կազմակերպությունը, որը գործում է ԱԱՀ դաշտում, գրանցվել է 2023 թվականի փետրվար ամսին, սակայն հավաստագրվել է հունիս ամսին։ Ճի՞շտ եմ հասկացել արդյո՞ք, որ շահութահարկի արտոնությունը կիրառվելու է հունիսից իրականացված գործարքների վրա, և հաշվարկելու ու բյուջե եմ վճարելու փետրվարից մինչև հունիս առաջացած շահութահարկի պարտավորությունը։ Կանխավ շնորհակալ եմ պատասխաների համար։

Դպրոցական էքսկուրսիաների կազմակերպում

Նաիրա․

Բարև ձեզ։
Ուզում եմ դպրոցական էքսկուրսիաներ կազմակերպել։Խնդրում եմ ասեք՝ ի՞նչ հերթականությամբ պետք է գործեմ և ի՞նչ հարկեր պիտի վճարեմ բացելուց հետո։

Հացի արտադրություն

Նելլի․

Բարև Ձեզ։ Խնդրում եմ ասել՝ ԱՁ-ն, ով Երևան քաղաքում զբաղվում է հացի արտադրությամբ և աշխատում է միկրոձեռնարկատիրության համակարգում, արդյո՞ք համարվում է հանրային սնունդ և պե՞տք է վճարի պետ․ տուրք։

Զուտ շահույթ

Պետրոս․

Բարև Ձեզ։ Ներմուծմամբ զբաղվող ԱՁ-ի դեպքում, որն աշխատում է ԱԱՀ դաշտում և չունի աշխատող, շահութահարկ հաշվարկելիս ինչպե՞ս ստանալ զուտ շահույթը Շնորհակալություն։

Ֆիզ. անձի հաշվետվություններ և հարկեր

Արարատ․

Բարև ձեզ, հարգելի հաշվապահներ, խնդրում եմ օգնել մի հարցում: Ես ԱՁ չհանդիսացող ֆիզիկական անձ եմ, 258 ձևից բացի ի՞նչ հաշվետվություններ պետք է ներկայացնեմ և ի՞նչ վճարումներ պետք է իրականացնեմ, պե՞տք է արդյոք վճարեմ դրոշմանիշային վճար: Շրջանառությունս 2 մլն դրամ է ընդամենը: Կանխավ շնորհակալ եմ։

Տաքսի ծառայության միջնորդ

Նարեկ․

Բարև Ձեզ: Եթե անձը ցանկանում է բացել Յանդեքսի սպասարկման կետ, այսինքն՝ հանդես է գալիս որպես միջնորդ վարորդների և տաքսի ընկերության միջև, ի՞նչ հարկատեսակով պետք է հարկվի նման գործունեությունը։

Ներմուծում Չինաստանից

Նորայր․

Բարև Ձեզ: Չինաստանից ներմուծելու եմ արշավային գույք: Շրջանառության հարկով աշխատող ԱՁ եմ: Ցանկանում եմ իմանալ՝ ի՞նչ դետալների պետք է ուշադրություն դարձնեմ, որ խնդիրներ չառաջանան, և ապրանքի ի՞նչ քանակից հետո պետք է ներմուծման համար հարկեր վճարեմ: Շնորհակալություն։

ՏՏ ոլորտի շահութահարկ 2024

Հայկ․

Բարև ձեզ, ես ունեմ ՏՏ հավաստագիր, և իմացա, որ 2024-ից շահութահարկի արտոնությունը այլևս չի գործելու։ Հիմա մեկ հարց ունեմ. Դեկտեմբեր ամսվա համար ես վարձատրությունը ստացել եմ հունվարի 4-ին։ Արդյո՞ք դրա համար ես պետք է արդեն հարկ վճարեմ, թե՞ ոչ։ Եվ ինչ կասեք դրամարկղային մեթոդի մասին, արդյո՞ք ՏՏ հավաստագիր ունեցողը դրամարկղային մեթոդով է աշխատում։

Ինչպե՞ս ստուգել գույքահարկի պարտավորությունը

Լիլիթ․

Բարև Ձեզ։ Ցանկանում եմ ճշտել անշարժ գույքի գույքահարկի պարտքը։ Ինչպե՞ս ստուգեմ այն։ Նախապես շնորհակալություն։

Ավանդից ստացված տոկոսների հարկում

Ելենա․

Բարև Ձեզ։ Կազմակերպությունը աշխատում է շրջհարկով։ Ազատ գումարը դրել է բանկում որպես ավանդ։ Այդ ավանդից ստացված տոկոսները հարկվու՞մ են եկամտային հարկի 10%-ով և շրջանառության հարկի 5%-ով (որպես այլ եկամուտ շրջանառության հարկի հաշվարկի 16 տողում), թե՞ 10% (որպես տոկոս շրջանառության հարկի հաշվարկի 11 տողում)։ Կանխավ շնորհակալ եմ։

ԱՁ դրոշմանիշային վճար

Գուրգեն․

Բարև ձեզ։ Որքա՞ն և ե՞րբ պետք է ԱԱՀ դաշտում աշխատող ԱՁ-ն վճարի դրոշմանիշային վճարը: ԱՁ-ն անցյալ ամիս է գրանցվել, որևէ եկամուտ դեռ չի ունեցել:

Խմորեղենի արտադրություն

Մերի․

Բարև Ձեզ, հարգելի հաշվապահներ: Ա/Ձ -ն սկսում է խմորեղենի արտադրություն, որը վաճառվելու է տեղում։ Կարո՞ղ է աշխատել որպես միկրոձեռնարկատիրություն։

Ավտոլվացման կետ

Խնդրում եմ պատասխանել՝ ավտոլվացման կետը կարո՞ղ է հարկվել շրջանառության հարկի 5% դրույքաչափով։

Շնորհակալություն։

ԱՁ դրոշմանիշային վճար

Ջուլիա․

Բարև Ձեզ։ ԱՁ-ն 2023թ․ մինչև մայիս ամիսը աշխատել է միկրոյի դաշտում, շրջանառությունը՝ 5 միլիոն դրամ, որից հետո անցել է շրջանառության հարկի դաշտ։ Հիմա միկրոձեռնարկատիրության ժամանակահատվածում պետք է վճարի 24 000 դրամ դրոշմանիշ, իսկ շրջանառության հարկի դաշտում աշխատելու համար տարեկան 40 000 շահութահարկ, 40 000 սոցիալական վճար +120 000 էլի՞ դրոշմանիշ։

Ինքնահաշիվ

Արեն․

Բարև ձեզ: Ոչ ռեզիդենտ կազմակերպությունը ՀՀ ռեզիդենտ կազմակերպությանը ծառայություն է մատուցել: Պայմանագրի մեջ գործարքի գումարը նշված է 20 000 ԱՄՆ դոլլար, և ՀՀ կազմակերպությունը 20 000 ԱՄՆ դոլլար է փոխանցել:

Հիմա պետք է դուրս գրեմ մատակարարի անունից հարկային հաշիվ: Հաշվի մեջ պե՞տք է նշված լինի 20 000 + 4 000 ԱԱՀ, թե՞ սխալվում եմ։

ԱՁ կարո՞ղ է համարվել միկրոձեռնարկատիրություն

Ալեքսանդր․

Բարև ձեզ։ Հետաքրքիր է, արդյո՞ք դաշնակահարը, որը համերգային գործունեություն է հիմնականում ծավալում և գրանցված է որպես Ա/Ձ, կարող է միկրոձեռնարկատիրական գործունեության դաշտ մտնել և համապատասխանաբար հարկվել։

Պարգևավճար

Արմենուհի․

Բարև Ձեզ։

Աշխատողին պարգևավճար տալու դեպքում վերջինս գումարվու՞մ է աշխատավարձին և նոր են հարկերը պահվում։

Կանխավ շնորհակալություն։

Օրավարձով բնակարանների տրամադրման գործունեություն

Արթուր․

Բարև Ձեզ։

Ուզում եմ իմանալ՝ օրավարձով բնակարանների տրամադրման գործունեությունը կարո՞ղ է համարվել հյուրատնային գործունեություն I55 տնտեսական դասակրգչի տակ և հարկվել շրջանառությոան հարկով 5% ով։

Կուտակային կենսաթոշակ

Կարեն․

Ո՞ր դեպքերում է հնարավոր ստանալ կուտակային կենսաթոշակի գումարները նախքան 63 տարեկանը։

Անշարժ գույքի վարձակալություն հարկային գործակալի առկայության դեպքում

Արմեն․

Հարգելի գործընկերներ, եթե անշարժ գույքը վարձակալած կողմն իրավաբանական անձ է, այսինքն հանդիսանում է հարկային գործակալ (վարձավճարը արտացոլվում է ամսական եկամտային հարկի հաշվարկում), արդյո՞ք այդ դեպքում էլ վարձատու ֆիզ․ անձը պետք է ներկայացնի “Անշարժ գույքի հետ կապված եկամտի ստացման իրավունքի և դրա դադարեցման վերաբերյալ հայտարարության ձևը”։ Եվ արդյո՞ք տվյալ դեպքում էլ գործարքը ենթակա է պետական գրանցման։ Շնորհակալություն։

Արդյո՞ք ծախսերը ենթակա են նվազեցման

Աննա․

Ընկերությունն իր գործունեությունը սկսելու համար կատարել է իրեն չպատկանող նոր ճանապարհի կառուցման և ասֆալտապատման աշխատանքներ: Այդ ծախսերը շահութահարկով չնվազեցվո՞ղ են համարվում։ Նախապես շնորհակալ եմ պատասխանների համար:

Լեզուների դասավանդում ֆիզ. անձի կողմից

Վահագն․

Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։

ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։

Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։

Եկամտային հարկ հողամաս գնելու դեպքում

Քրիստինե․

Եթե ՍՊԸ-ն գնել է խաղողի այգի, 10% եկամտային հարկ է վճարելու։ Եվ գնել է դատարկ հողատարածք, սա է՞լ է 10% եկամտային հարկով հարկվում։

Ռեստորանը որպես միկրոձեռնարկատիրություն

Անի․

Բարև Ձեզ։

Ռեստորանը, որը գտնվում է մարզում, աշխատում է միկրոձեռնարկատիրության համակարգում։

Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։

Շնորհակալություն։

ԱԱՀ հաշվետվության լրացման կարգ

Բաբկեն․

Բարև ձեզ, հարգելի հաշվապահներ։ ԱՁ եմ և ունեմ մսի խանութ։ Սխալի պատճառով միկրոձեռնարկատիրությունից անցել եմ ընդհանուր հարկման դաշտ։ Որ խնդրեմ՝ կասե՞ք 260 հաշվետվության լրացման կարգը, և ո՞ր տողում պետք է գրեմ ՀԴՄ շրջանառության թիվը, և մնացած տողերում ի՞նչ լրացնեմ: Նախապես շնորհակալություն: