Category Archive: Աշխատավարձ, կադրեր

Aug 17 2019

Աշխատավարձի վճարման վերաբերյալ

Արա.

Արդյո՞ք ճիշտ է այն տեղեկատվությունը, որ 2020 հունվարի 1-ից 10 աշխատողից ավել ունեցող կազմակերպությունները պետք է աշխատավարձի վճարումը իրականացնեն քարտային համակարգով:

Aug 16 2019

Անձը գտնվում է մինչև 3 տարեկան երեխայի խնամքի արձակուրդում

Մարիա․

Բարև ձեզ: Եթե անձը գտնվում է մինչև 3 տարեկան երեխայի խնամքի արձակուրդում և ունի 1 տարի մինչև աշխատանքի վերադառնալը, կարո՞ղ է արդյոք այդ ընթացքում աշխատել այլ տեղ։

Aug 15 2019

Անձը ծառայություն է մատուցում

Արփի.

Բարև ձեզ:

Եթե անձը աշխատում է (գրանցված է) որպես ծառայություն մատուցող, արձակուրդ և ֆիզ. արձակուրդ գնալու դեպքում վճարվու՞մ է, թե՞ ոչ:

Նախապես շնորհակալություն:

Aug 15 2019

Ուսուցչուհու հավելավճարը չի հաշվարկվել

Անուշ.

Բարև ձեզ: Ես ուսուցչուհի եմ: Մեզ հասնում է տետրերի ստուգման գումար՝ աշխատավարձի 10 %, սակայն հաշվապահի չհաշվարկելու պատճառով ես այդ գումարը չեմ ստացել մեկ ամբողջ ուսումնական տարի: Հիմա ես ի՞նչ օրենքով կարող եմ ստանալ այդ գումարը, և արդյո՞ք ինձ դրա համար տուգանքներ չպետք է վճարեն: Հաշվապահն ասում է՝ «հիմք չունեմ վճարելու», քանի որ ՀՀԿԳՄՍՆ առանց այդ գումարի է հաստատել տարիֆիկացիան:

Aug 13 2019

Ինչպե՞ս ձևակերպել արձակուրդը

Մանուկ.

Բարև ձեզ: Խնդրում եմ ձեզ պատասխանել՝ եթե աշխատողը գտնվում է ֆիզ. արձակուրդում, երեխան 2 տարեկան 4 ամսական է, վերադարձել է աշխատանքի, այնուհետև մեկ ամիս անց ուզում է գնալ: Ինչպե՞ս է ձևակերպվում նրա արձակուրդը, արդյո՞ք նա կարող է շարունակել իր ֆիզ. արձակուրդը:

Aug 08 2019

Հաշվապահի փորձ ձեռք բերելու համար

Գևորգյան․

Բարև ձեզ: Այսպիսի մի հարց ունեմ․ ես հաշվապահ եմ, դեռ համալսարանը չեմ ավարտել, ուզում եմ աշխատել, բայց քանի որ փորձ չունեմ՝ չեն ընդունում։ Ի՞նչ խորհուրդ կտաք փորձ ձեռք բերելու և մինչև աշխատանքի անցնելը մասնագիտությամբ աշխատելու համար։

Նախապես շնորհակալություն։

Aug 07 2019

Կհատուցվի՞ արդյոք չօգտագործված արձակուրդի համար

Աննա.

Բարև ձեզ: Ես գնալու եմ դեկրետ մեկ ամսից, բայց ունեմ մնացած արձակուրդ՝ մոտ 12 օր, եթե չօգտագործեմ, ապա կփոխհատուցվի՞, թե՞ կկորցնեմ:

Aug 07 2019

Անձը փոխարինում է ֆիզ. արձակուրդում գտնվող աշխատակցին

Լիաննա.

Անձը փոխարինում է ֆիզ. արձակուրդում գտնվող աշխատակցին, սակայն նա նույնպես մինչև պայմանագրի ավարտը հղիանում է, նրան ազատու՞մ են աշխատանքից, թե՞ գնում է դեկրետ:

Aug 06 2019

Համատեղությամբ աշխատանք

Սուսաննա.

Բարև ձեզ։ Խնդրում եմ պատասխանել հետևյալ հարցին՝ տնօրենը կարո՞ղ է այլ գործատուի մոտ իրականացնել 0,5 դրույքով մանկավարժական աշխատանք։

Շնորհակալություն։

Aug 05 2019

Արտաժամյա աշխատանքի վերաբերյալ

Ռոբերտ.

Աշխատանքային օրենսգրքում արտաժամյա աշխատանքը տարվա ընթացքում չպետք է 180 ժամից ավել լինի, իսկ խախտման համար պատասխանատվության ի՞նչ եղանակներ կան, տուգանքի չափը ի՞նչքան է այդ դեպքում: Եվ մյուս հարցը՝ շաբաթվա ընթացքում 40 ժամից ավել չի կարող աշխատողը աշխատել, ստացվում է՝ 6-օրյա աշխատանքային գրաֆիկի դեպքում ամեն օր 8 ժամ աշխատելով՝ խախտվու՞մ է օրենքի այդ կետը: Նշեմ, որ արտաժամյա աշխատանք այդ գործի համար նախատեսված չէ:

Aug 02 2019

Մայրության նպաստի հաշվարկ

Ինա.

Բարև ձեզ: Խնդրում եմ, ինձ ևս մեկ հարցում օգնեք: Եթե տարվա ընթացքում աշխատում եմ 8 ամիս (սեզոնային), ֆիզ. արձակուրդ գնալիս աշխատած ամիսների եկամուտը կրկին պետք է բաժանել 12-ի՞։ Եվ արդյո՞ք սեզոնային աշխատողների համար չկա այլ տարբերակ։

Aug 02 2019

Աշխատողի կողմից ներկայացվել է անաշխատունակության թերթիկ

Ռիտա.

Բարև ձեզ:

Աշխատողը բերել է անաշխատունակության թերթիկ անընդմեջ 120 օրից ավել: Կարո՞ղ եմ վճարել նպաստի գումարը 3 ամսից ավել ժամանակահատվածի համար:

Aug 02 2019

Հերթափոխով ծառայողի շաբաթական ծառայության տևողությունը

Վահրամ.

Բարև ձեզ: Խնդրում եմ, ինձ ասեք՝ 24 ժամ հերթափոխով ծառայողին կարելի՞ է շաբաթական 72 ժամ ներգրավել ծառայության։

Նախապես շնորհակալ եմ:

Aug 02 2019

Մայրության նպաստ ժամանակավոր աշխատողին

Աննա.

Բարև ձեզ: Ես աշխատում եմ ժամանակավոր՝ որպես ֆիզ. արձակուրդում գտնվողի փոխարինող։ Եվ հիմա ես բալիկի եմ սպասում: Հնարավո՞ր է՝ ինձ դեկրետի գումար չվճարեն, ինձ ասել են, որ իմ պայմանագիրը լուծարվելու է, և գումարը ինձ չի վճարվելու։ Խնդրում եմ, պատասխանեք:

Նախապես շնորհակալություն:

Jul 31 2019

Անձը դեռ գրանցված է որպես աշխատող

Էմիլյա.

Բարև ձեզ: Ես գրանցված աշխատող եմ եղել, բայց դիմում եմ ներկայացրել, որ հունիսի 1-ից դուրս գամ, բայց ազատվել եմ ամսի 15-ից: Հիմա ուզում եմ աշխատել, բայց իմ անվան տակ ցույց է տալիս, որ գրանցված աշխատող եմ, իսկ նոր աշխատատեղից չեն կարող գրանցել դրա պատճառով: Իրենք էլ ասում են, թե ազատել են, բայց 3 ամիս հետո նոր կմաքրվի իմ անունից: Կօգնե՞ք ինձ:

Jul 29 2019

Եթե գործատուն կրճատում է աշխատողին

Հարգելի գործընկերներ,
եթե գործատուն կրճատում է աշխատողին (կազմակերպության գործունեության ծավալի նվազման պատճառով), ապա ի՞նչ վճարումներ է տալիս աշխատողին, եթե համատեղությամբ աշխատանք էր: Պարապուրդ ուղարկելուց առաջ արդյո՞ք իրավունք ունի ազատման հրաման տալ և պարապուրդից վերադառնալուց անմիջապես հետո արձակել աշխատողին առանց արձակման նպաստի:

Շնորհակալություն:

Jul 29 2019

Անձը մեկնել է արտերկիր չվճարվող արձակուրդի ընթացքում

Ռոզա.

Անձը իր հաշվին գնացել է արձակուրդ երկրից դուրս անհայտ ժամկետով: Հարկայինով իր հաշվին արձակուրդ գնալու վերաբերյալ հայտ չի ներկայացվել՝ հստակ ժամկետ չիմանալու պատճառով, դա որևէ խնդիր կարո՞ղ է առաջացնել:

Jul 29 2019

Կարո՞ղ է աշխատողը հրաժարվել հղիության և ծննդաբերության արձակուրդից

Սոնա.

Բարև ձեզ:

Խնդրում եմ, ասեք՝ կարո՞ղ է արդյոք աշխատողը հրաժարվել հղիության և ծննդաբերության արձակուրդից:

Կանխավ շնորհակալություն:

Jul 27 2019

Կարո՞ղ է աշխատողը հինգ օր առաջ ներկայացնել ազատման դիմումը

Վարդուհի.

Բարև ձեզ: Եթե այլ աշխատանքի վայրում աշխատանքի է անցնում աշխատողը, կարո՞ղ է այդ դեպքում 5 աշխատանքային օր առաջ գրել դիմում դուրս գալուց առաջ: Եվ արդյո՞ք խախտումներ չեն լինի աշխատավարձից վերջնահաշվարկի ժամանակ։

Jul 27 2019

Աշխատանքային գրքույկների թվայնացման հանձնման գործընթացը սկսվել է

Լուսինե․

Հարգելի հաշվապահներ, աշխատանքային գրքույկների թվայնացման հանձնման գործընթացը սկսվել է։ Ինչպե՞ս պետք է իրականացվի տվյալ գործընթացը։

Jul 27 2019

Շահութահարկի հաշվետվության վերաբերյալ

Գևորգ.

Բարև ձեզ: Հաշմանդամի համար հաշվարկված աշխատավարձի և դրան հավասարեցված այլ վճարումների, ինչպես նաև քաղաքացիաիրավական պայմանագրից ստացվող եկամուտների հանրագումարի 150 %-ը, լսել եմ, որ հանել են, բայց ոչ մի տեղ չեմ հանդիպել, և այս պահին էլ շահութահարկի ձևը բացելուց այն դեռ երևում է 78-րդ կետով: Խնդրում եմ, եթե իրականում այն դադարեցրել են, ասեք՝ որտե՞ղ կարող եմ որոշումը տեսնել, և արդյո՞ք 2018թ. շահութահարկի հաշվետվությունը պետք է ներկայացվեր առանց նշված հոդվածով ծախսերը նվազեցնելու:

Կանխավ շնորհակալություն:

Jul 26 2019

Աշխատավարձի չափի մասին տեղեկանքի ի՞նչ ձև է սահմանված

Մարինե.

Բարև ձեզ:

Քաղաքացիաիրավական պայմանագրով աշխատող աշխատակիցներին աշխատավարձի չափի մասին տեղեկանքի ի՞նչ ձև է սահմանված՝ հաշվարկային թերթի՞կ, թե՞ աշխատանքների կատարման հանձնման-ընդունման ակտ: Հղում օրենքին կարո՞ղ եք տալ:

Jul 25 2019

Մշակույթի տան տնօրենին հասանելիք արձակուրդի տրամադրման կարգը

Անժելա.

Բարև ձեզ: Ինձ հետաքրքրում է մշակույթի տան տնօրենին հասանելիք արձակուրդի տրամադրման կարգը: Որքա՞ն օր է հասնում, և Աշխատանքային օրենսգրքի ո՞ր հոդվածներին է պետք հղում կատարել:

Շնորհակալություն:

Jul 25 2019

Ո՞վ է փոխարինում տնօրենին արձակուրդի ընթացքում

Արմինե.

Բարև ձեզ: Խնդրում եմ ինձ օգնել հետևյալ հարցում՝ ՍՊԸ-ն ունի միայն տնօրեն և բանվորներ: Տնօրենի արձակուրդի ընթացքում պարտականությունների կատարման հարցը ինչպե՞ս պետք է կարգավորել, և եթե հնարավոր է նաև հրամանի ձև ուղարկեք:

Շնորհակալություն:

Jul 25 2019

Դեկրետից դեկրետ գնալու վերաբերյալ

Անի.

Բարև ձեզ:

Ես փորձում եմ հոդված գտնել օրենսգրքից, որտեղ դեկրետից դեկրետ գնալու մասին մանրամասն տեղեկություն կա: Օրինակ՝ եթե աշխատողը 2 կամ 3 երեխաների համար դեկրետից դեկրետ է գնացել, 4-րդի համար կարո՞ղ է դեկրետից դեկրետ գնալ, թե՞ պետք է պարտադիր մի քանի ամիս աշխատի կամ ազատվի աշխատանքից:

Jul 21 2019

Համարվու՞մ է արդյոք համակարգչային օպերատորի աշխատանքը վնասակար

Հերիքնազ.

Դպրոցի համակարգչային օպերատորի աշխատանքը համարվու՞մ է արդյոք առողջությանը վնաս տվող աշխատանք:

Jul 21 2019

Ժամանակավոր աշխատողի ստաժի վերաբերյալ

Մարո.

Ըստ ՀՀ աշխատանքային օրենսգրքի ժամանակավոր աշխատողի ստաժը թոշակի ժամանակ հաշվու՞մ են, թե՞ ոչ:

Jul 21 2019

Ինչպե՞ս է հաշվարկվում աշխատավարձը

Տիգրան.

Բարև ձեզ: Ես հերթապահող մասնագետ եմ, աշխատում եմ կամ 16 (17:00-09:00) կամ 24 ժամ: Աշխատանքիս մեկ ժամը 610 դրամ է: Կարո՞ղ եք հուշել՝ ինչպես է հաշվարկվում աշխատավարձը՝ հաշվի առնելով գիշերային ժամանակը:

Jul 19 2019

Աշխատանքային օրենսգրքի 113-րդ հոդվածի 1-ին կետի 7-րդ ենթակետ

Աստղիկ.

Բարև ձեզ: Խնդրում եմ մանրամասնել Աշխատանքային օրենսգրքի 113-րդ հոդվածի 1-ին կետի 7-րդ ենթակետի հետևյալ հարցը, թե որ հիվանդությունների դեպքում է պահպանվում աշխատողի աշխատատեղը ու պաշտոնը և ինչքան ժամանակով (նշեմ, որ աշխատողը արդեն 140 օր չի ներկայանում աշխատանքի՝ անաշխատունակության պատճառով):

Կանխավ շնորհակալություն:

Jul 19 2019

Արձակուրդում գտնվող աշխատողը ցանկանում է վերադառնալ աշխատանքի

Գոհար.

Բարև ձեզ:

Խնդրում եմ, օգնեք ինձ: Ֆիզ. արձակուրդում գտնվող աշխատողը ցանկանում է վերադառնալ աշխատանքի, բայց դեռ չի լրացել նրա ֆիզ. արձակուրդի ժամկետը: Նա ցանկանում է երեխայի խնամքը հանձնել դայակին: Օրենքով սա թույլատրելի՞ է: Ինչպիսի՞ ձևակերպում, ի՞նչ պետք է անել:

Jul 18 2019

Ինչպե՞ս է հաշվարկվում վերջնահաշվարկը

Զանուշ.

Բարև ձեզ: Խնդրում եմ, օգնեք: ՊՈԱԿ-ի պահակին պետք է տրվի վերջնահաշվարկ 5.5 տարվա համար, որից 4 տարին վերջինս աշխատել է 1 դրույք, վերջին 1.5 տարին կես դրույք, ինչպե՞ս է հաշվարկվում վերջնահաշվարկը, մասնավորապես՝ միջին ամսական աշխատավարձը:

Կանխավ շնորհակալություն:

Jul 18 2019

Ե՞րբ է վճարվում մայրության նպաստը

Աղավնի.

Բարև ձեզ: Ես 2019 թվականի հուլիսի 1-ին ներկայացրել եմ իմ հիմնարկ տեղեկանք, բյուլետեն, որպեսզի ինձ տրամադրեն հղիության և ծննդաբերության արձակուրդ։ Հրամանս պատրաստ է եղել հուլիսի 3-ից, սակայն մինչ օրս հաշվապահությունը փոխանցում չի արել։ Կասե՞ք՝ քանի օրում է պարտավոր գործատուն գումարը փոխանցել։

Jul 17 2019

Օտարերկրյա քաղաքացուն աշխատանքի ընդունելու վերաբերյալ

Արմինե.

Բարև ձեզ: Մի հարց ունեմ: Նոր բացված ՍՊԸ է, ուզում ենք աշխատող ընդունել, բայց աշխատողը ազգությամբ վրացի է, ու գործունեություն պետք է ծավալի ոչ թե ՀՀ-ում, այլ ՀՀ տարածքից դուրս: Ճի՞շտ է՝ կնքվի ծառայության մատուցման պայմանագիր, թե՞ աշխատանքային: Եվ եթե այստեղ չի գործունեություն իրականացնում, առանց սոց. քարտի ու կացության քարտի կարո՞ղ ենք հայտ ուղարկել:

Jul 17 2019

Նախածննդյան արձակուրդի վերաբերյալ

Լուս.

Բարև ձեզ: Կարո՞ղ եմ արդյոք նախածննդյան արձակուրդը հասանելի օրվանից մոտ 10 օր ուշ գնալ:

Jul 16 2019

Վերջնահաշվարկ կատարելիս

Գուրգեն.

Բարև ձեզ: Պարգևավճարները հաշվարկվու՞մ են վերջնահաշվարկի ժամանակ, թե՞ միայն ֆիքսված աշխատավարձը։

Jul 14 2019

Կարգապահական տույժ ուշանալու համար

Արման.

Ժողովուրդ ջան, խնդրում եմ պարզաբանել՝ «գործատուն իրավունք ունի աշխատավարձից պահում կատարել ուշանալու համար, եթե աշխատավարձը հաշվարկվում է ամսական, այլ ոչ թե ժամավարձով»:

Jul 13 2019

Միջին աշխատավարձի հաշվարկ

Աննա.

Միջին աշխատավարձի հաշվարկման ժամանակ, եթե աշխատողը որևէ ամսում գտնվել է արձակուրդում, արդյո՞ք վերցնում ենք 11 ամսվա աշխատավարձը և բաժանում 11-ի, թե՞ արձակուրդի ամիսը բաց ենք թողնում և վերցնում 1 ամսով ավելի վաղ ժամանակահատված:

Շնորհակալություն:

Jul 13 2019

Երբ աշխատողը ներկայացնում է անաշխատունակության թերթիկ

Անուշ.

Բարև ձեզ: Ինձ կարո՞ղ եք ասել՝ երբ են տալիս հրաման, երբ աշխատողը ներկայացնում է հիվանդության թերթիկ:

Jul 12 2019

Ինչպե՞ս ձևակերպել

Ռուզան.

Հարգելի հաշվապահներ, բարև ձեզ: Ինչպե՞ս կարող եմ ձևակերպել այն պահը, երբ փոխտնօրենը հրաժարվում է իր աշխատավարձից՝ թողնելով այն ՍՊԸ-ի տրամադրության տակ:

Jul 11 2019

Ոչ լրիվ աշխատաժամանակ

Լուսինե.

Բարև ձեզ: Կա՞ արդյոք այնպիսի օրենք, որի համաձայն մինչև 3 տարեկան երեխա ունեցող աշխատող մայրերի համար սահմանել 7-ժամյա աշխատանքային օր։ Շնորհակալություն:

Jul 11 2019

Ամենամյա արձակուրդի տրամադրման վերաբերյալ

Գեղամ.

Ինձ կազմակերպությունում առաջին արձակուրդը տրամադրվել է առաջին 14 ամիսը լրանալուց հետո, և ստացել եմ 20 օրվա գումար (5-օրյա աշխատանքային շաբաթ), 2-րդ արձակուրդը տրվել է առաջինից 15 ամիս հետո՝ 20 օրով: Ստացվում է, որ 29 ամսվա փոխարեն ինձ տրամադրվել է 24 ամսվա կամ պակաս 5 ամսվա համար 8.3 օր (20:12*5=8.3), որը այլևս չի փոխհատուցվի: Արդյո՞ք ճիշտ չէր լինի՝ ամեն արձակուրդի ժամանակ վճարվեր համապատասխան ամիսների համար, և եթե այո, ապա դա կարո՞ղ է խախտում դիտվել և ո՞ր օրենքի հիման վրա:

Jul 11 2019

Արդյո՞ք պարտավոր են անձին տեղափոխել այլ աշխատանքի

Սաթենիկ․

Բարև ձեզ։ Ես աշխատում եմ բժշկական կենտրոնում դեկրետում գտնվող անձի փոխարեն, որը վերադարձել է աշխատանքի։ Արդյո՞ք պարտավոր են ինձ տեղափոխել այլ աշխատանքի, թե ես ազատվելու եմ աշխատանքից։

Jul 11 2019

Արդյո՞ք գործում է տուգանք աշխատավարձը ուշ փոխանցելու համար

Շուշան․

Բարև ձեզ: Մի հարց ունեմ։ Ես գիտեմ, որ աշխատանքային օրենսգրքով աշխատավարձը պետք է փոխանցվի մինչև հաջորդ ամսվա 15֊ը, հակառակ դեպքում՝ գործատուն տուգանք է մուծում։ Իսկ եթե գործատուն ներքին կանոնադրությամբ սահմանում է, որ աշխատավարձը փոխանցվում է մինչև ամսի 7֊ը, բայց ուշացնում է ամսի 7֊ից, այդ դեպքում տուգանք գործու՞մ է։

Jul 10 2019

Եթե անձը անցնի երկրորդ աշխատանքի ՀԿ-ում

Սարգիս.

Բարև ձեզ։ Եթե անձը, աշխատելով պետական համակարգում, անցնի երկրորդ աշխատանքի ՀԿ-ում ամբողջական դրույքով և չգերազանցի օրական սահմանված 12 ժամը, պարտադի՞ր է կնքվող պայմանագրում նշել, որ համատեղության կարգով է անցնում աշխատանքի։

Jul 07 2019

Գիշերային պահակը կարո՞ղ է աշխատել առանց հանգստյան օրերի

Արմինե.

Բարև ձեզ:

Գիշերային պահակը դպրոցում կարո՞ղ է աշխատել առանց հանգստյան օրերի:

Jul 02 2019

Վերջնահաշվարկ

Լիանա.

Բարև ձեզ: Ինձ օգնեք, խնդրում եմ, չեմ կարողանում վերջնահաշվարկ կատարել: Աշխատողը ընդունվել է աշխատանքի 23.04.2018թ. և ազատվել է աշխատանքից 29.06.2019թ., նա 2019թ. մայիսի 8-ին գնացել է ամենամյա արձակուրդ 10 օր, աշխատում էր հնգօրյա շաբաթով: Ինչպե՞ս կատարել վերջնահաշվարկ, օգնեք:

Jun 27 2019

Ամենամյա արձակուրդի տրամադրում

Յուրա.

Բարև ձեզ: Խնդրում եմ, պատասխանեք հետևյալ հարցերին՝
1. դպրոցներում տնօրենն ու հաշվապահը կարո՞ղ են միաժամանակ գնալ արձակուրդ,
2. դպրոցի հավաքարարը քանի՞ օր իրավունք ունի արձակուրդ գնալու:

Նախապես շնորհակալություն:

Jun 27 2019

Քանի՞ օր առաջ պետք է ներկայացնել արձակուրդի դիմումը

Ասյա.

Բարև ձեզ:

Կցանկանայի իմանալ, թե արձակուրդ գնալու համար դիմումը քանի օր շուտ պետք է գրել: Եթե կարելի է, խնդրում եմ, Աշխատանքային օրենսգրքով սահմանված կետը նշեք:

Jun 25 2019

Ուսման ժամանակաշրջանը հաշվառվու՞մ է աշխատանքային ստաժում

Հասմիկ.

Բարև ձեզ։ Ուսանողական տարիների առկա ուսուցումը համարվո՞ւմ է ստաժ, և ավարտելուց հետո կարո՞ղ եմ համալսարան ներկայանալ, որպեսզի աշխատանքային գրքույկում գրանցվի։

Կանխավ շնորակալություն:

Jun 25 2019

Չվճարվող արձակուրդի դեպքում

Նարինե.

Բարև ձեզ, կոլեգաներ:

Չվճարվող արձակուրդի դեպքում հրաման տալի՞ս ենք, թե՞ ոչ:

Older posts «

Loading...