Архив по категории: Այլ

Авг 10 2020

Սոցիալական վճարի վերաբերյալ

Nona.

Հաշվապահներ ջան, խնդրում եմ ասեք ինձ այս հոդվածը սոց. վճարի մասին ԱԱՀ-ով հարկվող ԱՁ-ին կամ Նոտարին է վերաբերու՞մ.
2) ձեռնարկատիրական եկամտի /բացառությամբ սույն մասի 3-րդ կետով նախատեսված դեպքի/՝
ա. 5 տոկոսի չափով, եթե այդ եկամտի տարեկան չափը չի գերազանցում 6 000 000 դրամը,
բ. 10 տոկոսի և 300 000 դրամի տարբերության չափով, եթե այդ եկամտի տարեկան չափը գերազանցում է 6 000 000 դրամը:

Авг 10 2020

Ովքե՞ր են ներառված միկրոձեռնարկատեր չհամարվելու հոդվածի այս մասում

Nona.

Հաշվապահներ ջան, օրինակով կբացատրեք միկրոձեռնարկատեր չհամարվելու հոդվածի այս մասում ովքե՞ր են ներառված.
8) ապրանքների մատակարարմանկոմիսիայի կամ ապրանքների մատակարարման գործակալի անունից հանդես գալու պայման նախատեսող գործակալության պայմանագրի կողմ հանդիսացող կազմակերպությունները և ֆիզիկական անձինք:

Авг 10 2020

Տարբեր կարծիքներ արտադրություն իրականացնող միկրոձեռնակատիրության սուբյեկտի վերաբերյալ

Nona.

Հարգելի հաշվապահներ, էջում տարբեր կարծիքներ եմ տեսնում կապված միկրոձեռնարկատիրության դրույթներից մեկի հետ: Այն, որ արտադրություն իրականացնող միկրոձեռնարկատերը, եթե վաճառի ապրանք ԱՁ-ի և կազմակերպության՝ կանցնի շրջհարկի դաշտ, բայց չէ ո՞ր դա առք ու վաճառք չէ, իսկ օրենքում գրված է հստակ առք ու վաճառքի գործունեությանն է վերաբերում

Авг 10 2020

Դեղատները և ատամնաբուժարանները կարո՞ղ են համարվել միկրոձեռնարկատիրության սուբյեկտ

Բարև Ձեզ: Արդյո՞ք դեղատները և ատամնաբուժարանները կարող են համարվել միկրոձեռնարկատեր:

Авг 09 2020

Միկրոյով աշխատող Ա/Ձ-ն վճարու՞մ է դրոշմանիշային վճար

Բարև Ձեզ։ Միկրոյով աշխատող Ա/Ձ-ն վճարու՞մ է դրոշմանիշային վճար։

Авг 09 2020

Ինչպե՞ս ստանալ մաքսային բրոքերի որակավորում

Բարև Ձեզ։ Ով կասի՝ ինչպե՞ս և ի՞նչ կարգով ստանամ մաքսային ձևակերպողի /բրոքերի/ որակավորում։ Որտե՞ղ դիմեմ։

Авг 07 2020

ՀԴՄ կտրոնի կրկնօրինակը համարվու՞մ է արդյոք ուղեկցող փաստաթուղթ

Գայանե․

Բարև Ձեզ։ ՀՀ Հարկային օրենսգրքի Հոդված 345-ի 11-րդ կետի 1-ին ենթակետով, եթե հսկիչ գնման ժամանակ տրամադրվել է հսկիչ դրամարկղային մեքենայի կտրոն, ապա ապրանքի վերադարձը կատարվում է կտրոնի հետ միասին, ընդունվում է վերադարձման ենթակա ապրանքը /ապրանքները/, վերադարձվում է ստացված գումարը և հսկիչ դրամարկղային մեքենայի միջոցով սահմանված կարգով ձևակերպվում է ապրանքի վերադարձը: Խնդրում եմ ասեք՝ ՀԴՄ կտրոնի կրկնօրինակը համարվու՞մ է արդյոք ուղեկցող փաստաթուղթ, և կարելի՞ է ՀԴՄ կրկնօրինակով կատարել ապրանքի վերադարձ:
Շնորհակալություն

Авг 07 2020

Գնումների համակարգողների որակավորման հարցաշար

Բարև Ձեզ։ Խնդրում եմ, կարո՞ղ եք a_anna_a77 շնիկ mail.ru էլ. հասցեին ուղարկել գնումների համակարգողների որակավորման հարցաշարը, ինչպես կազմակերպվում է քննության ժամանակ՝ հարց իր 3 պատասխաններով: Նախապես շնորհակալ եմ:

Авг 07 2020

Ո՞րն է համարվում մանկավարժական ստաժ

Արմինե.

Բարև Ձեզ: Կպարզաբանեք, թե ո՞րն է համարվում մանկավարժական ստաժ: Որտե՞ղ կարող եմ գտնել հստակ ձևակերպում, և արդյոք համալսարանում դասավանդող դասախոսը համարվու՞մ է մանկավարժ և համարվու՞մ է արդյոք դասախոսական աշխատանքը մանկավարժական գործունեություն:

Авг 07 2020

Ի՞նչ գին պետք է նշել պայմանագրում

Nona.

Խնդրում եմ ասեք. Երևանում կատարվող շինարարության 1 մետր քառակուսու համար մոտ ի՞նչ գին պետք է սահմանել և կնքել պայմանագիր պատվիրատուի հետ, որպեսզի հարկային տեսչությունում կասկածներ չառաջանան գնի հետ կապված, և արդյո՞ք կարող ենք պայնագրում նշել, որ շին. նյութերը տրամադրելու է մատակարարը և պայմանագրի գինն այդպիսով ցածր գրենք:

Авг 07 2020

Տերմինալով վճարում կատարելու դեպքում հնարավո՞ր է նաև ՀԴՄ կտրոն պահանջել

Բարև Ձեզ: Խնդրում եմ պատասխանել. արդյոք վճարային տերմինալով վճարում կատարելու դեպքում կարո՞ղ եմ նաև ՀԴՄ կտրոն պահանջել: Վճարումը կատարել եմ բժշկական կենտրոնում՝ բուժօգնության դիմաց: Վերցրել եմ տերմինալի անդորրագիրը: Այժմ անհրաժեշտ է ՀԴՄ կտրոն, սակայն կենտրոնը հրաժարվում է տրամադրել՝ պատճառաբանությամբ, որ վճարումը տերմինալով է կատարվել: Խնդրում եմ ասել՝ ի՞նչ օրենքով է սա կանոնակարգվում: Արդյո՞ք տերմինալը պետք է միացված լինի ՀԴՄ-ին և արդյո՞ք այս դեպքում պարտավոր են տրամադրել ՀԴՄ կտրոն:
Կանխավ շնորհակալ եմ:

Авг 07 2020

Ե՞րբ է դուրս գրվում հաշիվը

Խնդրում եմ ասեք` արդյո՞ք կա օրենքի հղում, որտեղ նշվում է, թե՞ բեռնափոխադրման վճարի հաշիվը ծառայությունը մատուցելուց հետո են գրում, թե՞ փոխանցման օրը։

Авг 06 2020

Անձը ցանկանում է գյուղական համայնքում արվեստի դպրոց բացել

Գայանե.

Բարև Ձեզ, հարգելի հաշվապահներ: Խնդրում եմ օգնեք հետևյալ հարցում. գյուղական համայնքներում ուզում եմ արվեստի դպրոց բացել: Ինձ հաշվապահորեն կօգնեք ՀԿ բացեմ, թե՞ ՓԲԸ: Եվ խնդրում եմ հարկերի մասով կասեք, ո՞րն է ավելի շահեկան: Մի հարց էլ. ես իմ միջոցներով եմ շենքը կառուցելու, տարածքը անհատույց է տրամադրվում, ի՞նչ նվազեցումներ կարող եմ անել իմ ծախսերից և ի՞նչ հարկատեսակով եմ աշխատելու:
Կանխավ շնորհակալ եմ:

Авг 06 2020

Կարո՞ղ է արդյոք վարձատուն խզել պայմանագիրը

Գրիգոր.

Կազմակերպությունն ունի հողի վարձակալության պայմանագիր համայնքապետարանի հետ, 2015 թվականին ավարտվել է պայմանագրի ժամկետը, սակայն համայնքապետարանը շարունակել է դուրս գրել հաշիվ ապրանքագիր, որի արդյունքում էլ վարձակալի կողմից վճարվել են բոլոր վարձավճարները: Նշեմ, որ աշխատանքը սեզոնային է՝ մայիսից մինչև հոկտեմբեր ամիսը ներառյալ /այգի է/: Կարո՞ղ է արդյոք վարձատուն խզել պայմանագիրը, եթե այո, ի՞նչ հիմքով /եթե հնարավոր է՝ հղում կատարեք/: Նշեմ, որ քսան տարուց ավելի է պայմանագիրը կնքված է, վարձակալի կողմից կատարվել են ներդրումներ և որևէ հիմք չկա լուծելու պայմանագիրը:

Авг 06 2020

Հնարավո՞ր է որ չգա ֆիսկալներին վարչական տույժ

Անի.

Բարև Ձեզ: Հարկատուն չի ներկայացրել ֆիսկալի 60 համարը, որը 0 է: Մեկ ամիս է ու դեռ ծանուցում չկա, հնարավո՞ր է որ չգա ֆիսկալներին վարչական:

Авг 05 2020

Արդյոք հնարավո՞ր է ՀԴՄ-ն գրանցել տան հասցեով

Բարև Ձեզ: Ուզում եմ ԱՁ բացել, ներմուծել ու վաճառել, բայց օնլայն տարբերակով ու տանից: Ուզում եմ իմանալ, հնարավո՞ր է արդյոք ՀԴՄ-ն գրանցել տան հասցեով:

Авг 05 2020

Հնարավո՞ր է գործունեությունը շարունակել որպես ինքնազբաղված անձ

Սարգիս.

Հարգելի գործընկերներ, մասնագիտությամբ թարգմանիչ եմ՝ արտոնագրված ՀՀ արդարադատության նախարարության կողմից: Կարո՞ղ եմ իմ գործունեությունը շարունակել որպես ինքնազբաղված անձ, քանի որ այժմ գրանցված եմ որպես աշխատող ԱՁ-ի մոտ: Շնորհակալություն ուշադրության համար:

Авг 04 2020

Ի՞նչ է անհրաժեշտ գինու արտադրությամբ զբաղվելու համար

Սեդա.

Ցանկանում եմ գինու արտադրությամբ զբաղվել տնական: Դրա համար ի՞նչ է անհրաժեշտ նոր արտադրություն հիմնելու համար: Սկսնակ եմ ու բիզնեսով երբևիցե չեմ զբաղվել: Ի՞նչ թղթաբանական գործընթացներ կան:

Авг 04 2020

Միկրոձեռնարկատիրությամբ աշխատող ՍՊԸ-ն իրավունք ունի՞ սարքավորումներ վարձակալել

Սուսաննա.

Բարև Ձեզ: Միկրոձեռնարկատիրությամբ աշխատող ՍՊԸ-ն իրավունք ունի՞ գործունեություն ծավալելու համար սարքավորումներ վարձակալել:

Авг 04 2020

Քաղաքացիություն չունեցող անձին աշխատանքի գրանցելու վերաբերյալ

Բարև Ձեզ:
Իրավիճակը հետևյալն է․ անձը ՀՀ քաղաքացի է եղել, գրանցված աշխատել է, ՌԴ քաղաքացիություն ձեռք բերելու համար հրաժարվել է ՀՀ քաղաքացիությունից, բայց ինչ-ինչ պատճառներով ՌԴ-ինն էլ ձեռք չի բերել և արդյունքում անձը ՓԱՍՏԱՑԻ դարձել է քաղաքացիություն չունեցող անձ /նշեմ, որ այդ ընթացքում ևս շարունակել է աշխատել և վճարել եկամտային հարկ/։ Այժմ, երբ ցանկանում է փոխել աշխատանքը խնդրի առաջ է կանգնել, քանի որ “Քաղաքացիություն չունեցող անձ”-ի կարգավիճակի վկայականը տրամադրվելու է 2 ամսից ոչ շուտ։ Այս պարագայում արդյո՞ք առկա է լուծում տվյալ անձին այլ անձը հաստատող փաստաթղթի հիման վրա գրանցել աշխատանքի։
Կանխավ շնորհակալ եմ:

Авг 03 2020

Ա/Ձ, թե՞ ՍՊԸ

Nare.

Բարև Ձեզ: Որ խնդրեմ, ինձ կասե՞ք ԱՁ կամ ՍՊԸ բացելու առավելություններն ու թերությունները, և տարբերությունները:

Авг 02 2020

Առևտրի կենտրոնում աշխատող ատելյեն կարո՞ղ է միկրոյով աշխատել

Անիկա.

Առևտրի կենտրոնում աշխատող ատելյեն կարո՞ղ է միկրոյով աշխատել՝ 24 մլն-ի շեմը չի գերազանցում: Միկրոյով աշխատող կազմակերպությունների աշխատողների հետ կապված կա՞ն ինչ-որ սահմանափակումներ։

Авг 01 2020

Կազմակերպության անձնական հաշվի քարտ քաղվածքի հետ կապված

Բարև Ձեզ: Կազմակերպության անձնական հաշվի քարտ քաղվածքի միասնական հաշվում առկա է բավականին խոշոր գումար: Խնդրում եմ օգնել. այդ գումարը ինչի՞ց է գոյացել, այսինքն` ավել եմ փոխանցել և, եթե այո, կարո՞ղ եմ դիմում գրել, որ այն հետ վերադարձնեմ:

Июл 31 2020

Քաղաքաշինության բնագավառում լիցենզիա ունեցող ընկերությունը կարո՞ղ է հանդես գալ որպես բնակարանների կառուցապատող

Nona.

Հարգելի հաշվապահներ, խնդրում եմ ասեք. շինարարական ընկերությունը, որն ունի լիզենզիա քաղաքաշինության բնագավառում շինարարության իրականացման, կարո՞ղ է չէ առանց որևէ խնդիր հանդես գալ բնակարանների կառուցապատող, երիտասարդ ընտանքիներին տրվող հիփոթեքային վարկի միջոցներն ուղղել կառուցապատմանը, գնել տարածք ընկերության անունով, կառուցել բնակարանը կամ սեփական տունը և վերջում կադաստրի միջոցով հանձնել երիտասարդ ընտանիքին: Խնդրում եմ մանրամասն բացատրել՝ ո՞նց է կատարվում պրոցեսը, վարկը ընտանիքին է տրվում, թե՞ կազմակերպությունն է վերցնում: Եվ եկամտային հարկի հետ կապված, եթե տվյալ երիտասարդ ընտանիքը գրանցված աշխատող է՝ կարծեմ կառուցապատողից եկամտային հարկի գումար է հե՞տ ստանում:

Июл 28 2020

Ինչպե՞ս ներկայացնել աշխատանքի ազատման հայտը

Karinka.

Բարև Ձեզ: Կօգնեք՝ ինչպե՞ս աշխատանքի ազատման հայտ ներկայացնեմ հարկային, գիտեմ, որ պետք է լրացնել 79 ձևը, բայց չի ընդունում գրանցման, սխալ է տալիս:

Июл 28 2020

Ինչպե՞ս գտնել մասնագիտական որակավորում պահանջող աշխատանքների ցանկը

Գայանե.

Բարև Ձեզ: Կարո՞ղ եք ինձ օգնել գտնելու մասնագիտական որակավորում պահանջող աշխատանքների /պաշտոնների/ ցանկը: Այսինքն՝ այն աշխատանքները, որոնց համար աշխատողին աշխատանքի ընդունելու համար մասնագիտական որակավորման փաստաթղթեր են պետք: Նշեք խնդրեմ իրավական ակտերը: Շնորհակալ եմ:

Июл 28 2020

Ինչպե՞ս է կատարվում ՍՊԸ-ի միակ մասնակցի անձնագրային տվյալների փոփոխության պետական գրանցումը

Մանե.

Կարո՞ղ եք հստակ նշել՝ ՍՊԸ-ի միակ մասնակցի անձնագրային տվյալների փոփոխության պետական գրանցումն ինչպե՞ս է կատարվում /նշեմ՝ կանոնադրությունը չի փոխվելու/: Խնդրում եմ օրենքի հոդվածը նշել։ E-register-ը հստակ պատասխան չի տալիս: Շնորհակալ եմ:

Июл 28 2020

Կարո՞ղ է գյուղատնտեսական կոոպերատիվը գործել միկրոյի դաշտում

Սիմոնյան.

Հարգելի հաշվապահներ, խնդրում ե ասեք. արդյո՞ք կարող է տվյալ գործունեությունը գործել միկրոյի դաշտում՝ գյուղատնտեսական կոոպերատիվը արտադրում է բանջարեղեն և վաճառում Երևանում: Չէ ո՞ր դա առք և վաճառք չէ:

Июл 28 2020

Գումարի վերադարձ առանց ՀԴՄ կտրոնի առկայության

Բարև Ձեզ: Խնդրում եմ ասեք, եթե ՀԴՄ-ով գործարք եմ արել, ծառայության համար նախօրոք վճարել են, բայց հետո այդ գումարը ինչ-ինչ պատճառներով պետք է հետ վճարեմ հաճախորդին։ Դիմումը վերադարձի գրված է, սակայն ՀԴՄ կտրոնը կորցրել է, ես վերադարձ եմ տվել առանց ՀԴՄ-ի՝ հիմք ընդունելով դիմումը, անձնագիր, ԴՄՕ մյուս կեսը։
Այսօր գրություն եմ ստացել, որ այդքանով եկամուտը այդ ամսվա պակաս եմ ցույց տվել։ Կասեք ի՞նչ պետք է անել նման դեպքերում, հատկապես, երբ հաճախորդը միշտ ճիշտ է։

Июл 27 2020

Բարեգործական հասարակական կազմակերպության գործունեության հետ կապված

Արմեն.

Բարև ձեզ: Ցանկանում եմ տեղեկանալ՝ բարեգործական հասարակական կազմակերպության գործունեության մեջ կարո՞ղ եմ ներառել նաև ԶԼՄ – էլեկտրոնային կայք և լրատվություն:

Июл 27 2020

Հաշվապահի որակավորման նոր հարցաշար

Մանե.

Հաշվապահի որակավորման նոր հարցաշարը որտեղի՞ց կարող եմ գտնել, և ո՞վ է հանդիսանում, որպես լիազոր /մասնագիտացված կառույցը/:
Շնորհակալություն:

Июл 24 2020

Որտեղի՞ց կարելի է ստանալ աշխատանքային գրքույկը

Gor.

Առաջին աշխատանքից դուրս գալուց, որտեղի՞ց ստանամ աշխատանքային գրքույկ։ Գործատուն պնդում է, որ այդ ամենը օնլայն է արվում և պարտադիր չի գրքույկը, բայց ինձ գրքույկնել է պետք։ Ի՞նչ կարող եմ անել այդ դեպքում։

Июл 24 2020

Ի՞նչ ժամանակահատվածում կարելի է բողոքարկել ազատման որոշումը

Մարինա.

Բարև Ձեզ: Ուզում եմ ճշտել, եթե գործատուն աշխատողին ազատում է աշխատանքից, մեկնաբանելով, որ հաստիքի անվանափոխություն է տեղի ունենալու և դրանից հետո ուրիշի է ընդունում աշխատանքի: Ազատված անձը որքա՞ն ժամանակում կարող է բողոքարկել և արդյո՞ք կվերականգնի իր աշխատանքը։ Կանխավ շնորհակալություն:

Июл 24 2020

Առցանց գրքերի խանութի հետ կապված

Անուշ.

Բարև ձեզ: Եթե ես բացել եմ գրքերի օնլայն խանութ և հանդիսանում եմ միջնորդ գնորդի և վաճառողի միջև, այսինքն՝ երրորդ օղակ, պե՞տք է հարկային դաշտ մտնեմ, գումարը առձեռն չի փոխանցվում:

Июл 24 2020

Գնումների համակարգողների որակավորման քննություների հարցաշար

Լիաննա.

Բարև Ձեզ, կարո՞ղ եք lianatel շնիկ mail.ru-ին ուղարկել գնումների համակարգողների որակավորման հարցաշար, ինչպես կազմակերպվում է քննության ժամանակ՝ հարց իր 3 պատասխաններով:

Июл 23 2020

Ապրանքային նշանի գրանցման արժեքի հետ կապված

Karlen.

Բարև Ձեզ: Ինձ հետաքրքրում է ապրանքային նշանի գրանցման արժեքը: Ներգնա տուր ընկերության համար, որը ղեկավարվում է Ա/Ձ-ի կողմից:

Июл 22 2020

Ի՞նչ է անհրաժեշտ ՍՊԸ բացելու համար

Nara.

Սիրելի կոլեգաներ, կարո՞ղ եք նկարագրել կարճ այն քայլերի հաջորդականությունը, որը պետք է ձեռնարկել ՍՊԸ բացելուց և հարկայինում գրանցվելուց հետո, ինչպե՞ս նաև գործունեության լիցենզիաներ ստանալուց հետո: Ի նկատի ունեմ հարկային պարտավորությունները:

Июл 22 2020

Կարո՞ղ է ընկերությունը հրաման տալ և ազատել որոշ աշխատակիցների

Anya.

Բարև Ձեզ, այսպիսի մի հարց ունեմ. հյուրանոցը համաճարակի հետ կապված՝ պարետի որոշումն ընդունվելուց հետո չի աշխատում, հնարավոր է աշխատի մեկ տարի հետո: Այս պահին առաջարկում են աշխատակիցներին՝ մաքրուհիներին, ինքնակամ գրել ազատման դիմում և մեկ տարի անց նորից կվերականգնվեն իրենց հաստիքին: Բայց մյուս աշխատակիցները պահպանում են իրենց հաստիքը և վարձատրվում են ամեն ամիս: Մաքրուհիները չեն վարձատրվում, բայց նրանց համար վճարվում է հարկ: Համաճարակի այս պայմաններում կարո՞ղ է ընկերությունը հրաման տալ ազատել որոշ աշխատակիցների:

Июл 21 2020

Արդյո՞ք հուլիս ամիսը համարվում է ֆորսմաժորային իրավիճակ

Hermine.

Բարև Ձեզ, ՀՀ ԱՕ 186 հոդցածի 6-րդ մասի համաձայն գործատուն կարող է չվճարել աշխատավարձ՝ ելնելով արտակարգ դրությունից: Հարց. արդյո՞ք հուլիս ամիսը համարվում է ֆորսմաժորային իրավիճակ, և կարո՞ղ է գործատուն չաշխատած օրերի համար չվճարել պարապուրդ, այլ վճարել փաստացի աշխատանքի եկած օրերի համար:

Июл 19 2020

Որո՞նք են ցորենից ալյուրի ստացման նորմատիվները

Եվա.

Բարև Ձեզ: Ցորենից ալյուր ստացման նորմաները կարո՞ղ եք գրել, թեկուզ մոտավորապես: Ալյուրի արտադրություն է, ցորենից ստացվում է ալյուր և թեփ /բարձր տեսակի, առաջին տեսակի և երկրոդ տեսակի/:

Июл 17 2020

Արդյո՞ք թեյերը ենթակա են տեղական մակագրությամբ դրոշմապիտակներով դրոշմավորման

Narine.

Ընկերությունը աշխատելու է ընդհանուր հարկման դաշտում և հաշվարկային փաստաթղթով ձեռք է բերելու տեղական թեյ (չփաթեթավորված), օրինակ՝ ուրց։ Փաթեթավորելուց և ապրանքային տեսքի բերելուց հետո վաճառելու է այն։ Մեկ տուփի պարունակությունը լինելու է 40գ, իսկ փաթեթավորման հետ միասին՝ 108գ։

Ունենք նաև երկրորդ տարբերակը. մեկ տուփի պարունակությունը՝ 40գ, իսկ փաթեթավորման հետ միասին՝ 115գ։
Համաձայն ՀՀ հարկային օրենսգրքի 390-րդ հոդվածի`
ԱՏԳ ԱԱ 0405, 0406, 0901, 0902, 0903 00 000, 1806 և 2101 ծածկագրերին դասվող՝ մինչև 100 գրամ՝ (ներառյալ) կամ 100 գրամից առավելագույնը 10 տոկոս շեղումով, պարունակություն ունեցող տարայավորված (փաթեթավորված) ապրանքները ենթակա չեն դրոշմապիտակներով դրոշմավորման։
Խնդրում եմ պատասխանել՝ արդյո՞ք վերը նշված թեյերը ենթակա են տեղական մակագրությամբ դրոշմապիտակներով դրոշմավորման, թե՞ ոչ:

Июл 17 2020

Վարսավիրական գործունեության հետ կապված դասակարգիչ

Lusi.

Բարև Ձեզ, հարգելի հաշվապահներ: Չէիք նշի՞ S96.02.0 /վարսավիրական գործունեության/ դասակարգիչը ինչո՞վ է փոխարինվել: Անցած տարվա հաշվետվության ուղղում պետք է արվի, թույլ չի տալիս համակարգը:

Июл 16 2020

Թել Սելի գործունեության հետ կապված դասակարգիչ

Արմինե․

Բարև Ձեզ։ Կօգնե՞ք Թել Սելի գործունեության հետ կապված ճիշտ դասակարգիչը գտնել։

Июл 16 2020

ՀԿ-ի կողմից հիմնադրած ՍՊԸ-ից ստացված շահաբաժին

Խաչատուր․

Խնդրում եմ օգնեք ճշտել, եթե հասարակական կազմակերպությունը չի զբաղվում ձեռնարկատիրական գործունեությամբ, իր կողմից հիմնադրած ՍՊԸ-ից ստացված մասնահանումը արդյո՞ք կարող է համարվել հարկվող եկամուտ։

Июл 16 2020

Ինչպե՞ս տրամադրել ՀԴՄ կտրոն

Հարգելի Հաշվապահներ. այսպիսի մի հարց. հանրային սննդի ոլորտում ինչպե՞ս տրամադրել ՀԴՄ կտրոն, եթե պատվերը գերազանցում է 300 000 ՀՀ դրամը։
Կանխավ շնորհակալ եմ:

Июл 16 2020

Անձը ցանկանում է զբաղվել ախտահանիչ նյութերի արտադրությամբ

Արմինե.

Բարև Ձեզ, հարգելի հաշվապահներ: Խնդրում եմ օգնեք, չգիտեմ Ա/Ձ բացեմ, թե՞ որպես Ֆիզ. անձ, և, ո՞րն է տարբերությունը: Ուզում եմ ախտահանիչ նյութերի արտադրությամբ զբաղվեմ, կարո՞ղ եմ միկրոյով աշխատել, թե՞ ոչ: Ում որ պիտի մատակարարեմ, հաշիվ ապրանքագիր է ուզում, ես մարզից եմ: 2-րդ հարցս ՀԴՄ-ին է վերաբերում. դեռ չեմ ուզում ՀԴՄ գնել, որովհետև վստահ չեմ, ոնց կլինի գործերս, վարձակալությամբ էլ չեմ ուզում, փորձնական 1 ամիս աշխատելուց հետո կերևա: Կարո՞ղ եմ այդպես անել: Եթե շրջհարկով աշխատեմ և ՀԴՄ չունենամ` հաշիվ ապրանքագրերից կարո՞ղ եմ նվազեցում անել այդ 5 %-ից: Շատ շնորհակալ եմ:

Июл 16 2020

Ինչպե՞ս գտնել ՌԴ-ում իրենց գործունեությունը ծավալող հայերին

Սյուզն.

Բարև Ձեզ: Խնդրում եմ ինձ ուղղորդել, թե ինչպես կարո՞ղ եմ գտնել Ռուսաստանի Դաշնությունում իրենց գործունեությունը ծավալող հայերի, մասնավորապես՝ սննդի ոլորտում: Կա ինչ-ո՞ր հարթակ, որտեղ կարող եմ փնտրել:
Նախապես շնորհակալ եմ:

Июл 15 2020

Եթե դեղատանը առկա է ժամկետանց դեղորայք

Դեղատանը, եթե առկա է ժամկետանց դեղորայք, որը ըստ կարգի ոչնչացման թույլտվություն ունեցող կազմակերպության կողմից ոչնչացվում է, որի համար դուրս է գրում հաշիվ, ստորագրում է ակտ դեղերի անվանցանկով, հարկային առումով որևէ՞ անելիք կա, թե՞ պետք է բազայից դուրս գրվի համապատասխան ակտի։

Июл 15 2020

Մետաղադրամով աշխատող սուրճի մեքենա դնելու համար

Միքայել.

Բարև Ձեզ: Կասե՞ք մետաղադրամով աշխատող սուրճի մեքենա դնելու համար անհրաժեշտ բոլոր քայլերը` պետ. ռեգիստրում գրանցումից մինչև հարկային կարգավորումներ:
Շնորհակալություն

Июл 14 2020

Ինչպե՞ս իմանալ, որ միկրոձեռնարկատիրության սուբյեկտի հայտարարությունն արդեն ընդունվել է

Araqsya.

Միկրոձեռնարկատիրության դաշտում գործելու համար հայտ ուղղարկելուց հետո ինչպե՞ս կարելի է իմանալ սուբյեկտը արդեն գտնվում է այդ դաշտում, թե՞ ոչ։

Предыдущие сообщения «