Արամ.
Հարգելի գործընկերներ, խնդրում եմ հիմնավոր պատասխանեք հետևյալ հարցին.
ընկերությունը 10.06.2013թ-ին էլեկտրոնային եղանակով ներկայացրել է հայտարարություն ԱԱՀ վճարող համարվելու վերաբերյալ, սակայն հայտարարության մեջ “Կազմակերպությունը իրեն համարում է ԱԱՀ վճարող” տողում սխալմամբ նշել է 31.12.13թ: Արդյունքում զրոյանում է կազմակերպության 14.06.13թ-ի կատարած ներմուծման մոտ 2 200 000 դեբետ և առաջանում է 25.06.2013թ-ին դուրս գրված հաշիվներից մոտ 470 000 դրամի կրեդիտ: Խնդրում եմ պատասխանեք` ինչպե՞ս վարվել այս դեպքում:
Հարգելի Արամ, եթե կազմակերպություն իրեն համարել է ԱԱՀ վճարող մինչև 31.12.2013թ, ապա 14.06.13թ-ին առաջացած ԱԱՀ դեբետը ենթակա է հաշվանցման:
Կապված Հարությունի պատասխանի հետ` նշեմ, որ տվյալ հայտարարության էլեկտրոնային ձևում կարելի է մուտքագրել միայն մեկ ամսաթիվ` այն ամսաթիիվը, որ օրվանից որ հարկ վճարողը իրեն համարում է ԱԱՀ վճարող: Տվյալ դեպքում, եթե հայտարարությունը ճիշտ լրացվեր, ապա հարկ վճարողը ԱԱՀ վճարող կհամարվել տվյալ եռամսյակի առաջին օրվանից, այսինքն` 01.04.2013-ից: Քանի որ ամսաթիվը սխալ է մուտքագրվել, ապա դուք ԱԱՀ վճարող եք համարվելու 2013թ.հոկտեմբերի 1-ից: Այս պարագայում իմ կարծիքով երկու ելք կա`
1. Ամբողջ իրացման շրջանառությունը հարկել շրջանառության հարկով: Այս դեպքում ինձ մոտ հարց է առաջանում` ինչպես եք դուք կարողացել հարկային հաշիվ դուրս գրել, եթե ԱԱՀ վճարող համարվելու հայտարարությունը ներկայացվել է սխալ: Էլեկտրոնային տարբերակով հաշիվ դուրս գրելը բացառվում է, քանզի ծրագիրը պարզապես թույլ չէր տա: Իսկ թղթային հաշիվ դուրս գրելու դեպքում հարց է առաջանում` որտեղից ձեզ թղթային համարակալված ձևաթղթեր, եթե հարկային տեսչությունը առանց ԱԱՀ վճարող համարվելու հայտարարության առկայության պարզապես ձեզ չէր տրամադրի ձևաթղթեր:
2. հաջորդ տարբերակը դա մինչև հոկտեմբեր ամիսը ամբողջ իրացումը հետաձգելն է, քանի որ հոկտեմբերի մեկից նոր համարվելու էք ԱԱՀ վճարող: