Accountant.am

Գտնել աշխատանք

Արդյո՞ք անհրաժեշտ է ՀԴՄ

Աննա․

Բարև ձեզ, հարգելի հաշվապահներ։ Մեքենաների տեխզննման համար անհրաժե՞շտ է ՀԴՄ, եթե վճարումը կատարվում է տերմինալով, կանխավ շնորհակալ եմ։

Հաշվապահական խնդիր

Նարե․

Բարև Ձեզ, կխնդրեմ ստուգել՝ արդյո՞ք ճիշտ են կատարված բոլոր գործառնությունները։ Տվյալներ. Ընկերությունը հետ է գնել 2000 դրամ անվանական արժեք ունեցող 600 հատ սովորական բաժնետոմս և 3000 դրամ անվանական արժեք ունեցող 300 հատ արտոնյալ բաժնետոմս։ Դրամարկղից վճարվել է հետ գնված բաժնետոմսերի արժեքը. յուրաքանչյուր սովորական բաժնետոմսի՝ համար` 2400 դրամ, իսկ յուրաքանչյուր արտոնյալ բաժնետոմսի համար` 3300 դրամ: Հետ գնված սովորական բաժնետոմսերը վաճառվել են` յուրաքանչյուրը 2300 դրամով: Բաժնետերերի կողմից վճարումները այդ բաժնետոմսերի դիմաց կատարվելու են երկու ամսվա ընթացքում։ Արտոնյալ բաժնետոմսերը մարվել են:

1. Սովորական բաժնետոմսերի հետ գնում՝
Դտ – 3131 1.440.000
Կտ – 251 1.440.000
600×2400= 1.440.000

2. Արտոնյալ բաժնետոմսերի հետ գնում՝
Դտ – 3132 990.000
Կտ – 251 990.000
300×3300= 990.000

3. Հետ գնված սովորական բաժնետոմսերի վերավաճառք.
ա) վաճառքի գնով
Դտ – 3123 1.380.000
Կտ – 3131 1.380.000
600×2300= 1.380.000
բ) վաճառքի և հետ գնման գնի տարբերությամբ՝
Դտ – 3131 180.000
Կտ – 314 180.000
600x(2300-2000)= 180.000

4. Հետ գնված արտոնյալ բաժնետոմսերը մարվել են.
ա) անվանական արժեքով՝
Դտ – 3112 900.000
Կտ – 3132 900.000
300×3000= 900.000
բ) հետ գնման գնի և անվանական արժեքի տարբերությամբ՝
Դտ – 314 90.000
Կտ – 3132 90.000
300x(3300-3000)= 90.000

Դիտել այլ հաշվապահական խնդիրներ

Նկարչական գործունեություն

Շուշանիկ․

Խնդրում եմ պատասխանել հետևյալ հարցին՝ եթե ՌԴ-ում գրանցված ինքնազբաղված ԱՁ-ն, ով ՌԴ-ի քաղաքացի է (ИП на НПД), զբաղվում է նկարչությամբ և սեփական նկարած նկարների վաճառքով ցանկանում է ՀՀ -ում զբաղվել նույն գործունեությամբ, ի՞նչ կազմակերպաիրավական ձևով է նպատակահարմար իրականացնել գրանցումը ՀՀ-ում:

Շահաբաժնի հաշվարկ

Արեն․

Բարև ձեզ, հարգելի հաշվապահներ: Խնդրում եմ օգնել հետևյալ հարցում: Կազմակերպությունը աշխատում է ընդհանուր հարկման դաշտում: Իրականացնում է մի քանի գործունեություն: Կազմակերպությունը տարվա ընթացքում ունեցել է այնպիսի եկամուտներ և ծախսեր, որոնք շահութահարկի հաշվարկի մեջ համապատասխանորեն չեն դիտարկու եկամուտ և ծախս: Հարցս հետևյալն է՝ շահաբաժինը հաշվարկելիս և վճարելիս վերը նշված եկամուտներն և ծախսերն պե՞տք է հաշվի առնել, թե՞ ոչ։

Համատիրության գործունեություն

Արթուր․

Հարգելի գործընկերներ, այսպիսի մի հարց ունեմ․ մենք ունենք համատիրություն: Ֆիզիկական և իրավաբանական անձանցից ստանում ենք փայավճարներ, որոնք հիմնված են անդամության վրա ըստ Համատիրությունների մասին օրենքի, և դա ֆիքսված է մեր կանոնադրությունում: Խնդրում եմ պարզաբանել՝ այս վճարները արդյո՞ք համարվում են անդամավճարներ, եթե այո, ապա 108 հոդվածի 11 մասով նվազեցվող եկամուտներ կլինեն, իսկ հոդված 410-ով քանի որ ձեռնարկատիրական չէ, հաշվարկային փաստաթղթի կարիք չկա: Արդյո՞ք այս մասով պետք է դուրս գրվեն հաշվարկային փաստաթղթեր, և կառաջանա՞ արդյոք վճարման ենթակա շահութահարկ: Եթե հնարավոր է՝ խնդրում եմ նշել օրենքի հղումներ:

Մնացորդային ապրանքների դրոշմանիշներ

Արմինե․

Բարև Ձեզ, հարգելի հաշվապահներ: Հարցս հետևյալն է. ԱՁ-ն ժամանակավոր դադարեցնում է գործունեությունը: Զբաղվում է միգային օղիների վաճառքով: Ասացեք խնդրեմ՝ ինչպե՞ս վարվել չօգտագործված և փակցված մնացորդային ապրանքների դրոշմանիշերի հետ` ստացվել է 2023թ-ի մայիս ամսին: Խնդրում եմ մանրամասնել հետագա անելիքը:

Եկամուտների հայտարարագիր

Կարեն․

Բարև Ձեզ։ Ֆիզ․անձը 2022 թվականին ընկերությանը տրամադրել է 35 000 000 ՀՀ դրամի փոխառություն։ 2023 թվականին ընկերությունը վերադարձրել է նույն ֆիզ․ անձին 25 000 000 ՀՀ դրամի փոխառություն։ Արդյո՞ք այս տարի ֆիզ անձը պետք է ներկայացնի եկամուտների հայտարագրում։

Հողամասի առք և վաճառք

Կարո․

Բարև ձեզ։

Ես ունեմ հողատարածք Հայաստանում, որը ցանկանում եմ վաճառել և փոխարենը գնել բնակարան։ Հողը գնել եմ 1 մլրդ և վաճառում եմ 10 մլրդ, իսկ բնակարան արժե 50 մլրդ։

Ի՞նչ հակեր պետք է վճարեմ։

Ավելացնենք, որ ես աշխատում և ապրում եմ Հայաստանից դուրս, բայց Հայաստանի քաղաքացի եմ։

Շահութահարկի հաշվարկ

Շողեր․

Բարև Ձեզ, 2020թ․ շահութահարկի հաշվարկը գրանցելիս այս հաղորդագրությունն է բերում՝

Հաշվարկը հնարավոր է ներկայացնել միայն հարկի գումարի ավելացման կամ դեբետի (հաշվանցվող գումարի) պակասեցման դեպքում:

Նույնականացման քարտը բլոկավորվել է

Ջուլիա․

Բարև Ձեզ: PIN կոդը բլոկավորվել է, բայց ստորագրությունը mID բջջային օպերատորների միջոցով է արվում, հնարավո՞ր է առանց նույնականացման քարտի PUK կոդի վերականգնել PIN կոդը։

ԱՁ-ն կարո՞ղ է շրջ. հարկ վճարող համարվել

Ռուբեն․

Մերսող/մերսող-թերապևտ (ոչ բժշկական ծառայություն) ԱՁ-ն կարո՞ղ է աշխատել շրջանառության հարկի շրջանակներում։ Եթե ոչ, ապա կա՞ն արդյոք որևէ այլ արտոնյալ պայմաններ նշված ոլորտում ԱՁ-ների համար։

Ինքնարժեքի հաշվարկ

Անահիտ․

Կազմակերպությունը հաշվետու ժամանակահատվածում արտադրում է Ա, Բ, Գ արտադրանքներ, Ա-ի վրա կատարվող ուղղակի նյութական ծախսերը կազմել են 600.000, աշխատանքային ծախսումները 350.000, Բ-ի նյութական ծախսումները 500.000, աշխատանքայւն ծախսումները 300.000, Գ-ինը համապատասխանաբար `400.000 և 250.000 : Հաշվետու ժամանակաշրջանում անուղղակի ծախսերը կազմել են 1.200.000։ Որոշել ըստ արտադրատեսակների, արտադրված արտադրանքի լրիվ ինքնարժեքը։

Այլ հաշվապահական խնդիրներ

Ձեռքբերում միկրոձեռնարկատիրության սուբյեկտից

Իլոնա․

Կազմակերպությունը (Հիմնադրամը) միկրոյից գնում կատարելիս ինչ-որ հարկե՞ր են առաջանում։ Եվ գնումը ինչպե՞ս պետք է լինի, միկրոն կարո՞ղ է հաշիվ դուրս գրել։

Վարձատուն գտնվում է արտերկրում

Աննա․

Բարև Ձեզ։ Եթե ֆիզ․ անձը տարածքը տալիս է վարձակալությամբ ԱՁ-ին, բայց գտնվում է արտերկրում, ինչպե՞ս պետք է հայտարարագիր ներկայացնի։ Եվ եթե լիազորագրով է՝ օրինակ կտրամադրե՞ք։

Բաժնետոմսերի ստացման ձևակերպումներ

Աշոտ․

Բարև ձեզ։ Ուրիշ կազմակերպության բաժնետոմսերի մի մասը անհատույց տրվել է մեր կազմակերպությանը, դրա հաշվապահական ձևակերպումները ինչպե՞ս տալ, ո՞վ կօգնի։

Հաշիվ վավերագրի դուրս գրում նախորդ տարով

Անի․

Բարև Ձեզ։ ԱՁ-ն աշխատում է միկրոձեռնարկատիրության համակարգում և իրականացնում է բեռնափոխադրումներ: Արդյո՞ք կարող է Ծառայությունների մատուցման, աշխատանքների կատարման հաշիվ վավերագիր դուրս գրել նախորդ տարով: Կանխավ շնորհակալություն:

Ֆիզ. անձի հայտարարագրի համար մուտքանուն/գաղտնաբառ

Եվա․

Կասե՞ք՝ այս հասցեով – https://self-portal.taxservice.am/sign-in/ մուտք գործելու մուտքանուն գաղտնաբառ ինչպե՞ս կարող ենք վերցնել, դիմում-լիազորագրո՞վ ՊԵԿ-ից։

Լիզինգի ձևակերպումներ

Սիրանուշ․

Բարև Ձեզ։ Կարո՞ղ եք օգնել մի հարցով․ լիզինգով ՀՄ ենք ստացել 50 000 եվրո գումարով։ Ինչպիսի՞ ձևակերպումներ պետք է տրվեն ստացման, տոկոսների վճարման և մայր գումարի վճարման ժամանակ։ Շնորհակալություն։

Ֆիզ. անձի եկամուտների հայտարարագիր

Լուսինե․

Բարև Ձեզ։ Ֆիզ․ անձանց հայտարարագրերի հետ կապված է հարցս։ Այսինքն, որևէ կազմակերպության իրական շահառու հանդիսացող ֆիզ․ անձը պետք է մոտենա ՊԵԿ սպասարկման գրասենյակ և ստանա ՀՎՀՀ։ Հետո այս հասցեով – https://self-portal.taxservice.am/sign-in/ մուտք գործի և հանձնի հայտարարագիրը։ Իսկ ինչպե՞ս է հանձնելու, եթե նույնականացման քարտ չունի։

Շնորհակալություն։

Շահաբաժնի վճարում

Գայանե․

Բարև Ձեզ, այսպիսի մի հարց՝ եթե շահույթը կազմել է 12 457 782, շահութահարկի գումարը 2 242 401, այսինքն զուտ շատ շահույթը կկազմի 10 215 381, կարո՞ղ ենք տրամադրել շահաբաժին հենց այս թվի չափով։ Եվ եթե այո՝ ընկերությունը տնօրենին տրամադրել է փոխառություն 10 960 000, կարո՞ղ եմ դա փոխմարեմ , և այս ամսվա մեջ շահաբաժնի 5 % հարկը վճարե՞մ։ Շնորհակալություն։

Աշխատանք կես դրույքով

Հասմիկ․

Բարև Ձեզ, կարո՞ղ եք ինձ օգնել հասկանալ՝ եթե աշխատում եմ մեկ լրիվ դրույք առողջության կենտրոնում, կարո՞ղ եմ կես դրույքով էլ աշխատել դպրոցում։ Կանխավ շնորհակալ եմ։

Ծանուցում հայտարարագիր ներկայացնելու վերաբերյալ

Աննա․

Հարգելի հաշվապահներ, ՍՊԸ ստացել է ծանուցում, որ ծանուցվեն կազմակերպության անդամները, իրական շահառու հանդիսանալու հիմքով ներկայացնեն հայտարարագիր, կասե՞ք խնդրեմ՝ դա պետք է ներկայացնեն պարտադիր, անկախ եկամտի ստացման չափից։ Կանխավ շնորհակալ եմ։

Աշխատակիցը ե՞րբ պետք է վերադառնա աշխատանքի

Նարե․

Բարև ձեզ, խնդրում եմ օգնել այս իրավիճակում ճիշտ գործել։ Այսպես, դպրոցի աշխատակիցը հոկտեմբերի 5-ից (2023թ.) բացակայել է աշխատանքից հիվանդության պատճառով։ Ներկայացվել են անաշխատունակության թերթիկներ՝ բուժման կուրսին համապատասխան։ Սական այս ընթացքում եղել են նաև կարճ (մի քանի օր) ընդմիջումներ անաշխատունակության թերթիկների միջև, բայց քանի որ աշխատակիցը ի վիճակի չի եղել ներկայանալու աշխատանքի, դրանք էլ ձևակերպվել են որպես չվճարվող արձակուրդնեդ։ Այս պարագայում աշխատակիցը ե՞րբ պետք է վերադառնա աշխատանքի՝ պե՞տք է դիտարկվի աշխատանքից անընդմեջ առավելագույնը 180 օր բացակայելու կետը, թե՞ կան այլ ավելի խելամիտ մոտեցումներ։ Ի դեպ, բացակայության 180-րդ օրը լրանում է ապրիլի 1-ին, սակայն բուժման կուրսը տևելու է դեռ մինչ ապրիլի 5-ը։ Կանխավ շնորհակալություն։

Վերջնահաշվարկի վճարում

Նելլի․

Եթե աշխատակիցը սեպտեմբերից մինչև դեկտեմբերի 25 աշխատել է, այնուհետև ազատվել, և չի վճարվել վերջնահաշվարկ: Նորից մտել է և աշխատել 2 ամիս, կարո՞ղ եմ այս անգամ վերջնահաշվարկ հաշվարկելիս նախորդն էլ վճարել:

ՊԵԿ-ը գործարկել է ֆիզիկական անձանց էլեկտրոնային ծառայությունների միասնական համակարգը

💻Պետական եկամուտների կոմիտեն գործարկել է ֆիզիկական անձանց էլեկտրոնային ծառայությունների միասնական համակարգը՝ https://self-portal.taxservice.am/, որը հասանելի է վեբ տարբերակով։ Համակարգով քաղաքացիները կարող են ներկայացնել եկամուտների համընդհանուր հայտարարագիր։

«Ես եմ» ազգային նույնականացման հարթակում ֆիզիկական անձինք հնարավորություն ունեն պարզեցված կարգով հաշվառվել հարկային մարմնում և ստանալ հարկ վճարողի հաշվառման համար (ՀՎՀՀ), տեսնել իրենց եկամուտները և կատարած սոցիալական ծախսերը, ներկայացնել «Եկամտային հարկի և սոցիալական վճարի հաշվարկ (հայտարարագիրը)» և ստանալ ծախսերի փոխհատուցում։

ՊԵԿ-ը հայտարարագիր ներկայացնող քաղաքացիներին ևս մեկ անգամ հիշեցնում է, որ հայտարարագիր ներկայացնելու համար նախօրոք պետք է իրականացնել անձի նույնականացման գործընթաց և ձեռք բերել էլեկտրոնային ստորագրություն:

«Ես եմ» hարթակում անձի նույնականացման համար գործում է երկու տարբերակ՝ բջջային հեռախոսի միջոցով կամ էլեկտրոնային կրիչ պարունակող նույնականացման քարտով։

Ավելին՝ https://src.am/am/getNews/431

ԱՁ-ն ՀՀ-ում չի բնակվում

Հարութ․

Հարգելի հաշվապահներ, հարցս հետևյալն է․ ԱՁ- ն, որն աշխատում է ՏՏ ոլորտում, գրանցված է ՀՀ-ում և ծառայություն է մատուցում օտարյեկրյա կազմակերպության, ԱՁ-ն ՀՀ քաղաքացի չէ և ՀՀ-ում չի բնակվում, աշխատում է շրջանառության հարկով։ Հարց՝ նշված իրավիճակում կարո՞ղ է խնդիրներ ունենալ հարկման դաշտի ընտրության կամ այլ հարցերում։

Ֆրիլանսեր ծրագրավորող

Մարինա․

Բարև ձեզ, եթե տանից աշխատում եմ որպես ֆրիլանսեր ծրագրավորող՝ ծառայություն մատուցելով արտասահմանյան կազմակերպությանը, կարո՞ղ եմ արդյոք գրացվել որպես ԱՁ և աշխատել միկրոյի դաշտում։

Հյուրատնային գործունեություն

Մարգարիտա․

Ողջույն, կարո՞ղ եք տալ տեղեկատվություն հետևյալ հարցերի շուրջ:

1. Հյուրատնային գործունեություն ծավալող կամ քոթեջներ տրամադրող ԱՁ-ն կարո՞ղ է արդյոք համարվել միկրոձեռնարկատիրության սուբյեկտ

2. Առաջին կետին զուգահեռ, եթե հանգստի կազմակերպան մեջ ներառվի նաև նախաճաշ (տեղում պատրաստելու եղանակով կամ սննդի կետերից գնելով և հյուրասիրություն կազմակերպելով), արդյո՞ք տվյալ դեպքում էլ կարող է ԱՁ-ն միկրոձեռնարկատիրության սուբյեկտ հանդիսանալ (Հարկային օրենսգրքի հոդված 267, 5-րդ կետի 2-րդ ենթակետ), թե՞ դա համարվում է հանրային սնունդ, որի համար թույլտվություն է պետք ստանալ

Բնապահպանական հարկ ավտոտեխսպասարկման կետի համար

Վահագն․

Բարև Ձեզ։ Ավտոտեխսպասարկման կետը ավտոմեքենայի յուղի վաճառքի և փոխելու դեպքում, ո՞ր դեպքում պետք է վճարի բնապահպանական վճար։ Ինձ ասում են, եթե թափոններ չեն առաջանալու, ապա բնապահպանական հարկի խնդիր չի առաջանա, ի՞նչ է նշանակում թափոններ չեն առաջանա, դա հին յուղի կուտակու՞մն է, թե մեկ այլ բան։ Եվ ավտոտեխսպասարկման կետը իրավունք ունի՞ ընդհանրապես ավտոմեքենայի փոխված հին յուղը վաճառել։ Ավտոտեխսպասարկման կետը աշխատում է միկրոյի դաշտում և գտնվում է Երևան քաղաքից դուրս։

Հարկեր շուկայից ձեռքբերումների դեպքում

Գայանե․

Բարև Ձեզ, հարգելի հաշվապահներ։ Խաղալիքի խանութ է մարզում, շրջհարկով է աշխատում, ապրանքները ձեռք է բերում առանց փաստաթղթերի, շուկայից է գնում։ Բացի շրջանառության հարկ 5 %-ից էլի հարկ կա՞, որ պետք է վճարի։ Դա խնդի՞ր է, որ առանց փաստաթղթի է ապրանք գնում։ Շնորհակալ եմ շատ։

Շրջանառության հարկի հայտարարություն չի ներկայացվել

Lia.

Բարև Ձեզ։ ԱՁ-ն 2023 թվականին շրջանառության հարկի հայտարարություն չի տվել, հայտնվել է ԱԱՀ-ի դաշտում։ Ներկայացրել է 216 ձևը, որը հարկայինի պնդմամբ որևէ ազդեցություն չունի, սակայն կամերալներ է գալիս, որ ԱԱՀ հաշվանցելու իրավունք չունեինք։ Նման պրակտիկա ունեցե՞լ եք։ Արդյո՞ք բողոքարկման հանձնաժողով դիմելուց կարելի է արդյունքի հասնել։

Ֆիզ. անձանց հայտարարագրում

Եվա․

Ֆիզիկական անձանց հայտարարագրման քայլերը կնշե՞ք, և եթե ուշացված հանձնվի, քանի որ երկրում չի տվյալ անձը, դա խնդի՞ր է։

Քանի՞ օր է կազմելու արձակուրդը

Արմինե․

Բարև Ձեզ, հարգելի հաշվապահներ: Խնդրում եմ օգնել: Ընկերությունն ունի երկու պահակ, ովքեր աշխատում են օր ու մեջ, 12- ժամյա ռեժիմով` ժամը 80:00-8:00-ն: Քանի՞ օր է կազմելու ամենամյա վճարովի արձակուրդը իրենց համար: Կանխավ շնորհակալություն։

Կառուցապատող ֆիզիկական անձի հարկեր

Ժանետա․

Ողջույն բոլորին։ Հարցս հետևյալն է․ կառուցապատող ֆիզիկական անձը ի՞նչ հարկեր պետք է վճարի։

Եթե անձը գրանցում չունի

Զառա․

Բարև ձեզ: Կարո՞ղ եմ իմանալ` արդյո՞ք հնարավոր է որպես ԱՁ գրանցվել, եթե անձնագրով ոչ մի տեղ գրանցում չունեմ։

Փոխառության ներում

Հերմինե․

Բարև Ձեզ։ ԱԱՀ-ով աշխատող ՍՊԸ-ն անտոկոս փոխառություն է տվել ֆիզ․ անձի, որը հիմնադիր չէ։ Կարո՞ղ է ՍՊԸ-ն ներել այդ փոխառությունը, և արդյո՞ք հարկ կառաջանա։

Ծառայությունների արտահանում

Ժաննա․

Հայաստանում գրանցված ՍՊԸ-ն պատրաստվում է հեռահար ծառայությունների մատուցման պայմանագիր կնքել Գերմանիայի Դաշնության Հանրապետության ռեզիդենտ ֆիզիկական անձի հետ (ֆիզիկական անձը Գերմանիայի Դաշնության Հանրապետությունում ունի Մշտական կացության իրավունքի փաստաթուղ) ։ Ի՞նչ հարկեր (ԱԱՀ և/կամ շահութահարկ, եկամտային հարկ) պետք է վճարի հայկական ՍՊԸ-ն Հայաստանի տարածքում և ի՞նչ փաստաթղթեր են անհրաժեշտ ոչ ռեզիդենտի կողմից։

Ոսկու արտադրություն և վաճառք

Հեղինե․

ԱՁ-ն ցանկանում է զբաղվել ոսկու արտադրությամբ և վաճառքով: Կարո՞ղ է աշխատել շրջանառության հարկով: Կանխավ շնորհակալություն:

Անչափահասը որպես ԱՁ

Աննա․

Բարև Ձեզ։ 17 տարեկան անչափահաս քաղաքացին ուզում է գրանցվել որպես Ա/Ձ, ՏՏ ոլորտի ծառայություն` օնլայն խաղերի ծրագրավորում իրականացնելու և խաղի մեջ գովազդների միջոցով եկամուտ ստանալու համար։ Հայր չունի, ունի մոր համաձայնությունը։ Ինչպե՞ս պետք է տեղի ունենա որպես Ա/Ձ գրանցվելու պրոցեսը` նույն կե՞րպ, բայց ծնողի համաձայնությամբ, թե՞ ինչ-որ կոնկրետ տարբերություն կա։ Եվ այլ հարց` եթե քաղաքացին հաջորդ տարի մեկնի ԱՄՆ սովորելու F-1 վիզայով և ֆիզիկապես չգտնվի Հայաստանում 4 տարով (բացառությամբ ամառների), ինչ որ խնդիրներ կառաջանա՞ն Ա/Ձ կարգավիճակի հետ։ Լսել եմ, որ այդ դեպքում ավելի ճիշտ է գրանցվել որպես ՍՊԸ, բայց վստահ չեմ։ Շնորհակալություն։

Արտարժույթի փոխանցում ԱՁ անձնական հաշվին

Գագիկ․

Բարև Ձեզ։ ԱՁ-ն ծառայության համար ստացել է գումար՝ ԱՄՆ դոլարով, պարտավորությունները կատարելուց հետո ցանկանում եմ օգտագործել մնացած գումարը։ Այլ հաշվեհամարի չեմ կարող փոխանցել (ներառյալ իմ անձնական հաշվին)։ Այսինքն կարող եմ միայն կանխիկացնել, որից առաջանում են լրացուցիչ ծախսեր։

– դոլար կանխիկացնելու դեպքում բանկը պահում է 1%
– իսկ դրամի վերածելուց բանկի տոկոսադրույքը բավականին ցածր է

Գումարը պլանավորում եմ օգտագործել դոլարով՝ արտասահմանից գնումներ կատարելու համար։

– ԱՁ հաշվից դոլարով կանխիկացնելու դեպքում պետք է մուտք անեմ այլ դոլարային հաշվի՝ կորցնելով 1%
– Դրամով կանխիկացնելու դեպքում առաջանում է կրկնակի փոխանակում, երբ մուտք անեմ այլ հաշվի

Կասե՞ք, խնդրում եմ, թե ինչու չեմ կարող ուղղակի փոխանցել իմ անձնական դոլարային հաշվին։

Կարո՞ղ է ԱՁ-ն համարվել միկրոձեռնարկատիրության սուբյեկտ

Աննա․

Բարև Ձեզ։ ԱՁ-ն ցանկանում է բացել Yandex սպասարկման կետ՝ գրանցել վարորդներին։ Այսինքն՝ լինել Yandex-ի ֆրանչայզինգ։ Կարո՞ղ է այդ դեպքում աշխատել միկրոձեռնարկատիրության տակ։

Կանոնադրական կապիտալի համալրում արտարժույթով

Ռազմիկ․

ՀՀ-ում գրանցած կազմակերպության հիմանդիրը հանդիսանում է Գերմանական կազմակերպություն, և այնպես է ստացվել, որ կանոնադրական կապիտալի մուտքը կատարվել է արտարժույթով (ԱՄՆ դոլլարով), բանկային փոխանցման միջոցով, կազմակերպության արտարժույթային հաշվին։ Սա ինչքանո՞վ է խնդիր, և եթե խնդիր է, ինչպե՞ս պետք է փոխանցվեր, որպեսզի ճիշտ լիներ՝ հաշվի առնելով, որ դրսից ՀՀ դրամ չեն կարող փոխանցել։

Ներմուծում Չինաստանից

Վահե․

Բարև ձեզ։ Ես ցանկանում եմ ներմուծել Չինաստանից մանր էլէկտրատեխնիկա և զբաղվել դրանց վերավաճառքով ՀՀ-ում։ Կասե՞ք՝ ո՞ր տարբերակն է ինձ ավելի շահավետ՝ ԱՁ, թե՞ ՍՊԸ, և ի՞նչ հարկեր, տուրքեր պետք է վճարել, հատկապես ՍՊԸ-ով կամ ԱՁ-ով մաքսազերծման ժամանակ։ Ի՞նչ է անհրաժեշտ ՍՊԸ բացելու համար։ Նախապես շնորհակալ եմ։

Աշխատողի աշխատավարձը փոփոխվել է

Հայկ․

Բարև ձեզ: Աշխատողի աշխատավարձը փոփոխվել է փետրվարի 11-ից՝ կապված աշխ. պայմանների փոփոխության հետ: Այս դեպքում ճի՞շտ է փետրվար ամսվա աշխատավարձի հետևյալ հաշվարկը. մինչև փետրվարի 11-ը աշխատած օրերի համար՝ հին աշխատավարձը բաժանել փետրվարի աշխ. օրերի վրա և բազմապատկել աշխատած օրերի քանակ: Իսկ փետրվարի 11-ից հետո նույն կերպ հաշվել նոր աշխատավարձով: Եվ գումարել իրար։

Շահութահարկի գերավճար

Հասմիկ․

Բարև ձեզ, խնդրում եմ օգնել հասկանալ այս հարցը․ եթե կազմակերպությունը ունի գերավճար շահութահարկի կանխավճարներից, որը առաջացել է 2023թ․ վճարված 2022թ․ շահույթից, իսկ 2023թ․ շահույթը քիչ է, կրկի՞ն պետք է փոխանցեմ կանխավճար, թե՞ դա կմաշացնեն։

Հաստիքի կրճատում և/կամ աշխատանքի էական պայմանների փոփոխում

Տաթևիկ․

Բարև Ձեզ: Ըստ ՀՀ ԱՕ 129-րդ հոդվածի 1-Ին մասի՝ «1. Սույն օրենսգրքի 113-րդ հոդվածի 1-ին մասի 1-ին, 2-րդ և 4-րդ կետերով նախատեսված հիմքերով աշխատանքային պայմանագիրը լուծվելու դեպքում գործատուն աշխատողին վճարում է արձակման նպաստ նրա մեկ ամսվա միջին աշխատավարձի չափով, իսկ 113-րդ հոդվածի 1-ին մասի 3-րդ և 7-րդ կետերով, ինչպես նաև 109-րդ հոդվածի 1-ին մասի 9-րդ կետով և 124-րդ հոդվածով նախատեսված դեպքերում աշխատանքային պայմանագիրը լուծելու դեպքում գործատուն, հաշվի առնելով տվյալ գործատուի մոտ աշխատողի անընդմեջ աշխատանքային ստաժը, աշխատողին վճարում է արձակման նպաստ`…….»:

Հարցս հետևյալն է․ եթե պետական ՀՈԱԿ-ի աշխատակիցների հաստիքը 1 դրույքից փոփոխվել է 0.75-ի, 0.25-ի, արդյո՞ք դա համարվում է հաստիքի կրճատում և/կամ աշխատանքի էական պայմանների փոփոխում, ըստ վերը նշված հոդվածների հիմքերի (113-րդ հոդվածի 1-ին մասի 2-րդ կետ, 109-րդ հոդվածի 1-ին մասի 9-րդ կետ ), և արդյո՞ք արձակման նպաստ տրամադրվում է աշխատակիցներին, թե՞ ոչ: ՇՆՈՐՀԱԿԱԼ ԵՄ։

ԱՁ-ն ստացել է վարկ

Վահագն․

ԱՁ-ն ստացել է վարկ իր բանկային հաշվին, որի մի մասը փոխանցվել է իր անձնական ֆիզ. անձի հաշվին, որպես ԱՁ-կողմից տրամադրված անտոկոս փոխառություն ֆիզ անձին (իրեն)։ Այդ փոխառությունը վերադարձվում է մաս-մաս ԱՁ-ի հաշվեհամարին։

Հարց․ թույլատրելի՞ է օրենքի տեսանկյունից։ Այդ փոխառության վերաբերյալ պե՞տք է ինչ որ հաշվետվություն ներկայացնել։ Փոխառությունը չի գերազանցում 20 000 000 դրամը)։ ԱՁ-ն աշխատում է շրջ. հարկի դաշտում։

Անձնական իրերի վաճառք

Անի․

Հարգելի հաշվապահներ, արդյո՞ք առաջանում են հարկային պարտավորություններ անձնական իրերն վաճառելիս, օգտագործված կամ նոր: Ո՞ր օրենքներն են կարգավորում այս կարգի եկամուտներն:

Թեստ ՀՀ Աշխատանքային օրենսգրքից (թեստ #22)

900
Created on By Accountant.am

Թեստ ՀՀ Աշխատանքային օրենսգրքից (թեստ #22)

1 / 10

Աշխատանքային պայմանագիրը աշխատողի նախաձեռնությամբ լուծվելու դեպքում աշխատողի կողմից ծանուցման ժամկետները չպահպանելու դեպքում՝

2 / 10

Ամենամյա արձակուրդի վճարման ժամանակ միջին ամսական աշխատավարձի հաշվարկման համար հաշվառման ենթակա տասներկու ամիսներում չպետք է ներառվի նաև՝

3 / 10

Եթե աշխատողը երկուսուկես աշխատանքային տարի անընդմեջ խուսափում է կամ հրաժարվում է իրեն հասանելիք ամենամյա արձակուրդի կամ դրա մի մասի օգտագործումից, ապա՝

4 / 10

Մինչև տասնվեց տարեկան անձանց հետ կնքվում է՝

5 / 10

Համատեղությամբ աշխատողին՝ հիմնական աշխատավայրում գործուղման մեջ գտնվելու դեպքում՝

6 / 10

Ի՞նչ ժամկետով կարող է սահմանվել փորձաշրջան՝

7 / 10

Տարիքային կենսաթոշակի իրավունք ունեցող աշխատողի վաթսուներեք տարին, իսկ տարիքային կենսաթոշակի իրավունք չունեցող աշխատողի վաթսունհինգ տարին լրանալու դեպքում՝

8 / 10

Սահմանված ժամկետում աշխատողին ամենամյա արձակուրդը կամ ամենամյա արձակուրդի տեղափոխված մասը չտրամադրելու դեպքում՝

9 / 10

Համատեղությամբ աշխատանքի դեպքում՝

10 / 10

Աշխատանքի առաջին տարվա համար ամենամյա արձակուրդը տրամադրվում է տվյալ գործատուի մոտ անընդհատ աշխատանքի վեց ամիսը լրանալուց հետո՝

Your score is

The average score is 54%

0%

Կազմակերպությունը ճանաչվել է սնանկ

Գայանե․

Բարև Ձեզ։ Կազմակերպությունը ճանաչվել է սնանկ, կարո՞ղ է հաշիվների փոխմարման եռակողմ համաձայնագիր կազմել և իր կրեդիտորական պարտքը փակել։