«

»

Sep 12 2019

Ի՞նչ հարկեր է վճարում ԱՁ-ն

Գարեգին.

Բարև ձեզ: Կասե՞ք, թե ինչ հարկեր պետք է մուծի ԱՁ-ն, եթե աշխատում է արտոնագրային հարկով (ավտոտեխսպասարկում): Անձամբ ես մուծում եմ 15 750 դրամ որպես արտոնագիր + 5 000 դրամ սոց. և 5 000 դրամ որպես եկամտահարկ: Հարցս հիմնականում ուղղված է այդ վերջին 5 000 դրամանոց հարկին: Եթե ես մուծում եմ 15 750 որպես արտոնագիր, այդ դեպքում ի՞նչ 5 000 դրամանոց եկամտահարկի մասին է խոսքը: Շնորհակալություն:

Facebook մեկնաբանություններ

8 մեկնաբանություն

Skip to մեկնաբանություն form

  1. Avatar
    Մարինե

    Արտոնագրի հարկը՝ 12 000
    Եկամտահարկը՝ 5 000
    Սոց. վճար-կուտակային՝ 5 000
    Դրոշմանիշային վճար՝ 1 000
    23 000՝ ամեն ամիս

     
    1. Avatar
      Լիլիթ

      Ներեցեք, իսկ՝

      1. 5 000 դրամ սոց. վճարը ֆիքսվա՞ծ գումար է ԱՁ-ների համար: Չէ՞ որ ֆիզ. անձանց համար չհարկված եկամուտի 2,5 տոկոսն է:
      2. Ընտանեկան ձեռնարկատիրության ԱՁ-ների համար սոց. վճար կա՞, եթե նույն ԱՁ-ից որպես վարձու աշխատող այլ կազմակերպությունում արդեն պահվում է 2,5 տոկոս սոց. վճար:

      Նախապես շնորհակալ եմ:

       
      1. Avatar
        Լուսինե

        Բարև Ձեզ, Լիլիթ։ Համաձայն «Կուտակային կենսաթոշակների մասին» ՀՀ օրենքի 6-րդ հոդվածի՝

        3) Հայաստանի Հանրապետության հարկային օրենսգրքով սահմանված՝ շրջանառության հարկի և արտոնագրային հարկի համակարգերում հարկվող գործունեության տեսակների մասով՝ ամսական 5 000 դրամի չափով:

        Իսկ 6-րդ կետով՝

        Եթե անձը եկամուտ է ստանում մի քանի աղբյուրից (ստանում է ձեռնարկատիրական եկամուտ և աշխատավարձ), ապա հաշվարկված և փոխանցված (գանձված) սոցիալական վճարների՝ սույն հոդվածի 7-րդ մասով սահմանված չափը գերազանցող գումարները (եթե այդպիսիք առկա են) մասնակիցներին վերադարձնելու կարգը սահմանում են հարկային մարմինը և Հայաստանի Հանրապետության կառավարության ֆինանսական ոլորտի պետական լիազորված մարմինը համատեղ հրամանով:

         
    2. Avatar
      Գարեգին

      Հարգելի Մարինե, իմ արտոնագրային վճարը ամսական կազմում է 15 750 դրամ, աշխատում եմ Երևանում, Արաբկիրի շրջանում:

       
  2. Avatar
    Լուսինե

    Բարև Ձեզ, Գարեգին։ ՀՕ հոդված 125-ի համաձայն՝

    Օրենսգրքի 13-րդ բաժնով սահմանված՝ հարկման հատուկ համակարգերում գործունեություն իրականացնող անհատ ձեռնարկատերերը և նոտարները գործունեության այդ տեսակների մասով շահութահարկը վճարում են ամսական հինգ հազար դրամի չափով (անկախ այն հանգամանքից, թե անհատ ձեռնարկատերը կամ նոտարը քանի հարկման հատուկ համակարգում է գործունեություն իրականացնում), որը նրանց համար գործունեության այդ տեսակների մասով համարվում է շահութահարկի գծով վերջնական հարկային պարտավորություն:

     
  3. Avatar
    Արա

    Դուք ճիշտ եք վճարում, դա օրենքի պահանջ է, անկախ ընտրված հարկատեսակից՝ 5 000 դրամ եկամտային հարկը և 5 000 դրամ սոցիալական վճարը գոյություն ունեն:

     
  4. Avatar
    Հայկանուշ

    Ըստ Հարկային օրենսգրքի՝ ամսական 5 000 դրամ եկամտային հարկ (որը դարձավ շահութահարկ) մուծելը համարվում է վերջնական պարտավորություն այդ հարկատեսակի գծով:

     
  5. Avatar
    Գարեգին

    Բոլորից շնորհակալ եմ պատասխանների համար:

     

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *

Loading...