«

»

Oct 12 2019

Կարո՞ղ է Ա/Ձ-ն համարվել միկրոձեռնարկատիրության սուբյեկտ

Աննա.

Հարգելիներս, ես Ա/Ձ եմ և այս տարի ընտանեկան ձեռնարկատեր եմ, թխվածք եմ թխում և ֆակտուրայով տալիս եմ խանութներին Երևանում: 2020թ. կարո՞ղ եմ համարվել միկրոձեռնարկատեր, թե՞ պետք է ես վաճառեմ ՀԴՄ-ով և ոչ թե խանութներին տամ: Շեմը չի անցնում:

0

Facebook մեկնաբանություններ

5 մեկնաբանություն

Skip to մեկնաբանություն form

  1. Avatar
    Տիգրան

    2020թ. չեք կարող, քանի որ այն վերաբերում է սահմանափակ թվով գործունեություններին: Դուք ավելի լավ է՝ աշխատեք շրջ. հարկի դաշտում և խանութների հետ, եթե համաձայնվում են, տվեք ապրանքը հաշվարկային փաստաթղթերով՝ էլեկտրոնային ծրագրով, ու նույնը տպված թղթային կարող եք տալ խանութին, նրանք պետք է անպայման հաստատեն Ձեր էլ. հաշվարկային փաստաթուղթը, կամ ՀԴՄ-ով, այդ դեպքում շեմը 115 մլն դրամ է: Մի շփոթվեք այն տեղեկատվական մանիպուլյացիային, թե դա նաև Ձեր համար է, հստակ է դրանց ցանկը:

    0
  2. Avatar
    Աննա

    Շնորհակալություն, Տիգրան: Ես ինչպես հասկանում եմ՝ «ընտանեկան» հասկացությունը չի գործելու, այն փոխարինվելու է միկրոձեռնարկատիրությամբ, որից ես չեմ օգտվի, միայն լավագույն տարբերակը շրջ. հարկն է:

    0
  3. Avatar
    Մարինե

    Ճիշտ եք հասկանում՝ ընտանեկան ձեռնարկատիրությունը չի գործելու: Միկրոձեռնարկատիրություն էլ չեք համարվի, օրենքի այս կետի պատճառով՝

    10) կազմակերպություններին կամ անհատ ձեռնարկատերերին ապրանքների մատակարարման գործարքներ իրականացրած՝ առևտրական (առք ու վաճառքի) գործունեությամբ զբաղվող կազմակերպություններն ու անհատ ձեռնարկատերերը:

    Շրջանառության հարկը Ձեզ համար կլինի 3.5 տոկոս, դա արտադրական գործունեություն է:

    0
  4. Avatar
    Անգելինա

    Կներեք, իր գործունեությունը համարվում է ոչ թե առք ու վաճառք, այլ արտադրություն: Դուք կարող եք համարվել միկրոձեռնարկատիրության սուբյեկտ: Ի դեպ առք ու վաճառքով զբաղվող կազմակերպությունը նաև չի կարող համարվել ընտանեկան, սակայն այս պարագայում փաստացի չի համարվում առք ու վաճառք, այլ արտադրություն:

    1+
  5. Avatar
    Անգելինա

    Դուք նշում եք օրենսգրքից այն կետը, որ առք ու վաճառքը չի համարվում միկրոձեռնարկատիրություն, և միևնույն ժամանակ ուղղորդում եք շրջ. հարկի արտադրական գործունեությամբ հարկումը: Բնականաբար եթե ինչ-որ բան է արտադրվում, այն պետք է իրացվի, բայց չի նշանակում, որ այն համարվում է առք ու վաճառք:

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *

Վաստակի՛ր գումար՝ այս նյութը մեկնաբանելով
Loading...