Ընկերությունը վճարել է գովազդի համար

Սոնա.

ԱԱՀ վճարող ընկերությունը վճարել է Facebook – ին գովազդի համար: Ի՞նչ գործողություններ պետք է կատարվեն:

Կիսվել՝

Facebook մեկնաբանություններ

Հետևել այս նյութին
Ստանալ նամակ
guest
11 Մեկնաբանություն
Հները
Նորերը Most Voted
Inline Feedbacks
Դիտել բոլոր մեկնաբանությունները
Tigran

Հստակեցրեք հարցը, ինչ եք ուզում գումարի հետ վերադարձ, ծախսի ձևակերպում, թե այլ:

Սոնա

Ուզում եմ հասկանալ գործընթացը լիովին, հասկացել եմ որ ֆեյսբուքը ունի տեղեկանք համաձայն որի չեմ վճարի ոչ ռեզիդենտի շահութահարկ, նաև պետք է գրեմ իքննահաշվի և ԱԱՀ և դեբետ անեմ և կրեդիտ: ՀԻմա ուզում եմ հասկանալ՝ ո՞նց գրեմ ինքնահաշիվը և ո՞նց տամ ձևակերպումները ՀԾ-ում: Նաև ո՞ր հոդվածի համաձայն է, որ եթե ֆեյսբուքը տեղեկանք ունի, ապա ես ազատվում եմ ոչ ռեզիդենտի շահութահարկից։

Tigran

Դուք գումարը վճարել եք ֆեյսբուքի ԱՄՆ կազմակերպությանը,ՀՀ-ն չունի ԱՄՆ-ի հետ կրկնակի հարկումը բացառող պայմանագիր: Իսկ հաշվային պլանով ձևակերպումը այս է. դտ 7126 կտ 224 «Տրված ընթացիկ կանխավճարներ», կամ 251 «Դրամարկղ», 252«Հաշվարկային հաշիվ»,253 «Արտարժութային հաշիվ»,
521 «Կրեդիտորական պարտքեր գնումների գծով»: Համաձայն ՀՕ Հ.315-ի Հարկային մարմինը Օրենսգրքի 22-րդ հոդվածով սահմանված ոչ ռեզիդենտ կազմակերպություններին տրամադրում է ՀՀ-ում ոչ ռեզիդենտի վճարած շահութահարկի մասին տեղեկանք՝ օտարերկրյա հարկային մարմին ներկայացնելու նպատակով: ՀՀ-ում ոչ ռեզիդենտի վճարած շահութահարկի մասին տեղեկանքը ստանալու համար հարկերը վճարած ոչ ռեզիդենտը կամ նրա լիազորած անձը գրավոր դիմում է ներկայացնում ՀՀ-ում հարկը պահած հարկային գործակալի հաշվառման վայրի հարկային մարմին: Տվյալ դեպքում հարկային գործակալը դուք եք: Եթե ոչ ռեզիդենտը ՀՀ-ում շահութահարկը վճարել է առանց հարկային գործակալի, ապա դիմումը ներկայացվում է հարկային մարմնի՝ Երևան քաղաքի Կենտրոն վարչական շրջանն սպասարկող ստորաբաժանում:
Դիմումում նշվում են դիմող ոչ ռեզիդենտի լրիվ անվանումը, ռեզիդենտության պետությունը, ռեզիդենտության պետությունում նույնականացման համարը (առկայության դեպքում), եկամտի ստացման հայաստանյան աղբյուրը` նշելով եկամուտ վճարողի անվանումը և հաշվառման (գտնվելու) հասցեն, ժամանակահատվածը, որի համար պահանջվում է տեղեկանքը: Դիմումը ստորագրվում է դիմողի կամ նրա պաշտոնատար անձի կողմից՝ նշելով դիմումի լրացման վայրն ու ամսաթիվը: Դիմումին կցվում են ոչ ռեզիդենտին եկամուտ հաշվարկելը և վճարելը, ոչ ռեզիդենտի եկամտից հարկը պահելը և ՀՀ պետական բյուջե վճարելը հավաստող փաստաթղթերի պատճենները, մասնավորապես`1) ոչ ռեզիդենտի ստացած եկամուտների հաշվարկման համար հիմք հանդիսացող փաստաթղթերը.2) ոչ ռեզիդենտի եկամուտների ստացումը հավաստող փաստաթղթերը.3) ոչ ռեզիդենտի եկամուտներից Օրենսգրքով սահմանված կարգով հաշվարկված հարկի` Հայաստանի Հանրապետության պետական բյուջե վճարումը հավաստող փաստաթղթերը.4) հարկային գործակալի կողմից ոչ ռեզիդենտի եկամտից պահված հարկի՝ ՀՀ պետական բյուջե վճարումը հավաստող փաստաթղթերը:
Հարկային մարմինը, ուսումնասիրելով ներկայացված փաստաթղթերը, դիմումն ստանալուց հետո՝ տասը աշխատանքային օրվա ընթացքում, դիմողին տրամադրում է տեղեկանքը կամ գրավոր մերժում է դիմումը` նշելով պատճառը: Դիմումը կարող է մերժվել, եթե ոչ ռեզիդենտի ներկայացրած փաստաթղթերից հնարավոր չէ եզրակացնել, որ ոչ ռեզիդենտի ստացած եկամուտների դիմաց հարկը պահվել է հարկային գործակալի կողմից կամ վճարվել է ՀՀ պետական բյուջե ոչ ռեզիդենտի կամ հարկային գործակալի կողմից:ԱԱՀ-ի առումով այն զրոյական հարկվող գործարք է, հաշվի առնելով որ աշխատանքների կատարման և (կամ) ծառայությունների մատուցման, որոնց կատարման վայրը և (կամ) մատուցման վայրը, Օրենսգրքի 39-րդ հոդվածի համաձայն, չի համարվում Հայաստանի Հանրապետությունը. ԱԱՀ-ն կրեդիտ արեք:

Էլինա

Տիգրան ջան, զրոյական ԱԱՀ-ի գործարքի վերաբերյալ՝ 39 հոդվածի 1-ի 4)-ի գ-կետի համաձայն չի՞ ստացվում, որ ՀՀ-ում պետական գրանցում ունեցող կազմակերպությունը ստացել է գովազդային ծառայություն և համապատասխանաբար ծառայությունների մատուցման վայրը համարվում է ՀՀ-ն։ Եթե սխալ եմ հասկացել՝ խնդրում եմ ուղղել։ Կանխավ շնորհակալ եմ:

Anushik

Գովազդային ծառայությունների մատուցումից ստացվող եկամուտներից շահութահարկով հարկման վերաբերյալ ՊԵԿ-ի կողմից հրապարակած իրազեկման թերթիկին կարող եք ծանոթանալ հետևյալ հղմամբ. https://www.petekamutner.am/shared/Information/Irazekum1.pdf:

Մանե

Ներեցեք, իսկ հնարավո՞ր է տեսնել հարցադրումը, ենթադրում եմ՝ կցել են նաև տեղեկանքը, ինձ հետաքրքրում է՝ ի՞նչ տեղեկանք են ստացել Իռլանդիայից։ Շնորհակալ եմ:

Anushik

Հարգելի Մանե, կից ներկայացված էր և հարցը, և պատասխանը: Տեղեկանքի ձևը առկա չէր:

Մանե

Շնորհակալ եմ:

Ara

Հարգելի գործընկերներ, ոչ ռեզիդենտի տեղեկանքները Facebook-ի և այլ ընկերությունների համար կարող եք ներբեռնել այս հղումով:

Մանե

Իսկ փորձ կա՞, որ հարկայինը հիմք է վերցրել այս տեղեկանքները:
Շնորհակալ եմ:

Mane M

ԱԱՀ-ի մասով Տիգրանի հետ չեմ համաձայնվի, քանի որ ծառայության մատուցման վայրը գովազդային ծառայությունների դեպքում համարվում է Հայաստանի Հանրապետությունը՝ ՀՕ հոդված 39, Մաս 1, կետ 4-ի գ), վերջինիս դեպքում պետք է դուրս գրեք ինքնահաշիվ՝ ՀՕ հոդված 70, մաս 2, իսկ ոչ ռեզիդենտի շահութահարկի մասով՝ Արայի նշված հղումում նշված ռեզիդենտության տեղեկանքը կգործի, եթե հարկային մարմինը դա որպես հիմք ընդունի։ Նշեմ, որ Facebook ընկերությունը գրանցված է Իռլանդիայում։