Tag: ազատում

Արձակման նպաստ վճարվու՞մ է

Անահիտ․

Բարև ձեզ, հարգելի գործընկերներ, խնդրում եմ պարզաբանում հետևյալ դեպքում։

Աշխատողի հետ կնքված է եղել որոշակի ժամկետով աշխատանքային պայմանագիր,
դրանից հետո նա գտնվել է անաշխատունակության արձակուրդում։ 120 օրը լրանալուց հետո բժշկական հանձնաժողովը ժամկետը երկարացնելու որոշում է կայացրել, պայմանագիրը երեք ամսով է կնքված եղել, քանի որ անաշխատունակության մեջ է եղել պայմանագիրը չի լուծվել, վերադարձել է աշխատանքի ծանուցում եմ տվել, որ պայմանագիրը տաս օր հետո լուծվելու է, բայց քանի որ ունեցել է չօգտագործված ամենամյա արձակուրդ, տրամադրել եմ արձակուրդը և պայմանագիրը լուծել եմ արձակուրդի ավարտի հաջորդ օրը, կատարել եմ վերջնահաշվարկ, եթե 60 օր հետո չեմ ազատել, արձակման նպաստ վճարվու՞մ է, թե՞ ոչ, և օրենքով ճի՞շտ է կատարվածը։

Աշխատողը 140 օր չի ներկայացել աշխատանքի

Աստղիկ․

Բարև Ձեզ, Հարգելիներս!! Ունեմ Ձեր օգնության կարիքը։ Եթե, օրինակ, Աշխատողն արդեն 140 օր աշխատանքի չի հաճախում՝ անաշխատունակության պատճառով։ Համաձայն ՀՀ ԱՕ-ի պատրաստվում եմ ծանուցել, որ 60 օր հետո ազազտված է աշխատանքից (տասնհինգ տարուց ավելի աշխատողին` 60 օր առաջ)։

Հարց․ 1 Արձակման նպաստը (միջին օրական աշխատավարձի քառասունչորսապատիկի չափով) տրամադրվում է վերջնահաշվարկի հե՞տ։

Հարց 2․ Մինչև ազատումը, այդ 60 օրվա սպասման ժամանակահատվածում աշխատողին ի՞նչ է տրվում, աշխատավա՞րձ, թե՞ այլ վճար, եթե արդեն անաշխատունակ չէ, ուղղակի գործատուն գտնում է, որ աշխատողի երկարատև անաշխատունակության հետևանքով, եթե աշխատողը ժամանակավոր անաշխատունակության պատճառով աշխատանքի չի ներկայացել ավելի քան 120 օր անընդմեջ կամ վերջին տասներկու ամսվա ընթացքում` ավելի քան 140 օր։

Կանխավ շնորհակալություն։

Արձակուրդայինի հաշվարկ

Մանվել․

Եթե աշխատողը ապօրինի կերպով ազատվել է աշխատանքից, նույն գործատուի մոտ այլ աշխատանք է կատարել: Դատարանի վճռով երկու տարի հետո վերականգնվել է նախկին աշխատատեղում և հարկադիր պարապուրդի համար 2 տարվա փոխհատուցում է ստացել: Ընթացիկ տարվա արձակուրդը հաշվարկելիս միջին աշխատավարձի մեջ փոխհատուցման գումարը որպես այլ եկամուտ հաշվի կառնվի՞, թե՞ ոչ…

Հիփոթեք և եկամտային հարկ

Արամ․

Բարև ձեզ, ես օգտվում եմ հիփոթեքի տոկոսների հետ վճարման օրենքից և աշխատանքից դուրս եմ գալիս դեկտեմբերի 30-ին սեփական դիմումիս համաձայն, կուզենայի իմանալ՝ վերջնահաշվարկիս եկամտային հարկը վճարվելու է դեկտեմբերի՞, թե՞ հունվարի համար, ու կարո՞ղ եմ հետ ստանալ մյուս տարվա առաջին եռամսյակի հիփոթեքիս տոկոսները։

Գրանցման հայտ

գրանցման հայտ

Ի՞նչ է գրանցման հայտը և ե՞րբ է այն ներկայացվում

Վարձու աշխատողին աշխատանքի ընդունելու և ազատելու, քաղաքացու հետ քաղաքացիաիրավական պայմանագիր կնքելու և պայմանագրի գործողության ժամկետն ավարտվելու կամ պայմանագիրը լուծելու, վարձու աշխատողին չվճարվող արձակուրդ, մինչև երեք տարեկան երեխայի խնամքի արձակուրդ տրամադրելու, այդ արձակուրդն ավարտվելու, գրանցման հայտում փոփոխություններ կատարելու, ինչպես նաև՝ տարիքային կենսաթոշակի իրավունք տվող տարիքը լրացած վարձու աշխատողի կողմից սոցիալական վճարներ կատարելը դադարեցնելու մասին գործատուին դիմում ներկայացնելու դեպքերում գործատուն ներկայացնում է գրանցման հայտ հաշվետվությունների ներկայացման էլեկտրոնային համակարգում:

Կարդալ ավելին “Գրանցման հայտ”

Ազատման հոդված

Աննա.

Բարև Ձեզ։ Եթե աշխատակիցը ծանուցել է գործատուին ազատման մասին, իսկ գործատուն չի ընդունում ազատման ծանուցումը։ Աշխատակիցը նշված օրը ասում է՝ չի ներկայանալու աշխատանքի, այս դեպքում ո՞ր հիմքով պետք է իրեն ազատել` 113 հոդվածի 1-ին մասի 9-րդ կետի համաձա՞յն։

Ազատում արձակուրդից հետո

Անուշ.

Բարև ձեզ։ Կասեք՝ աշխատողը 2018թ. մայիսից աշխատում է մանկապարտեզում, և 2022թ. հոկտեմբերից ամենամյա արձակուրդի մեջ է՝ 25 օր, և արձակուրդից հետո ուզում է ազատվել աշխատանքից։ Իրավունք ունե՞նք ազատել, թե՞ պիտի հետ գանձում անենք արձակուրդայինից։ Ասում են, որ նրան չի հասնում արձակուրդ, եթե ուզենա հիմա ազատվել։

Աշխատողը ազատման դիմում չի գրում

Հռիփսիմե.

Բարև Ձեզ։ Եթե աշխատողը ազատվում է աշխատանքից և ինչ-ինչ պատճառներով ազատման դիմում չի գրում, ի՞նչ հոդվածով պետք է ազատել։

Ազատման հայտ չի ներկայացվել

Բարև Ձեզ, հարգելի հաշվապահներ։ Խնդրում եմ ասեք՝ 2 օր ուշացումով ազատման հայտի գրանցման համար վարչական տույժ սահմանվու՞մ է, կամ ինչպե՞ս ճիշտ գրանցել, եթե ազատման հրամանը տրված է 20.10.2022թ. և մինչև այսօր հայտն ուղարկված չէ։

Արձակուրդ ազատումից առաջ

Անուշ.

Բարև ձեզ։ Կօգնեք, եթե աշխատողը գործի է ընդունվել 2019թ. մայիսին ու հիմա հոկտեմբեր ամսին ցանկանում է վերցնել իր այս տարվա արձակուրդը և նոր ազատվել աշխատանքից, նա իրավունք ունի՞ վերցնել ամենամյա արձակուրդը 25 օր ու նոր ազատվել։

Ո՞ր դեպքում վերջնահաշվարկ չի կատարվում

Աննա.

Բարև Ձեզ։ Որ խնդրեմ կասեք՝ աշխատողի ազատվելուց ո՞ր դեպքում վերջնահաշվարկ չի կատարվում:

Վերջնահաշվարկ

Արմեն.

Բարև Ձեզ: Վերջնահաշվարկի հետ կապված կարո՞ղ եք օգնել։ Աշխատողը 12.04.22թ ընդունվել է աշխատանքի, 30.09.22թ. ազատվել, 6-օրյա, ապրիլ-136 000, մայիս-200 000, հունիս-200 000, հուլիս-300 000, օգոստոս-80 000, վերջնահաշվարկ 80 608 և սեպտեմբերի աշխատավարձ 80 000։ ճի՞շտ եմ հաշվարկել։

Գրանցման հայտի վերաբերյալ

Դիաննա.

Բարև Ձեզ, հարգելի հաշվապահներ։ Խնդրում եմ պատասխանեք, եթե աշխատողի ազատման հրամանը տրված է 10.10.2022, հարկային հայտը լրացրել եմ 07.10.2022 և ուղարկել եմ։ Սակայն մի քանի ժամ հետո պարզվեց, որ աշխատողը դեռ պետք է աշխատի, բայց հայտն արդեն ուղարկել եմ, հիմա ի՞նչ անեմ այդ հայտը ուղղելու համար։

Վերջնահաշվարկ

Տիգրան.

Բարև ձեզ։ Ես ուղիղ մեկ տարի գրանցված աշխատել եմ 24 ժամյա գրաֆիկով, ամսական 240 ժամ։ Գրել եմ դիմում իմ հայեցողությամբ և ազատվել աշխատանքից։ Գրանցված աշխատավարձս 123 000 դրամ է։ Արձակուրդ չեմ գնացել, բայց երեք աշխատանքային օրվա գումար ստացել եմ։ Ինձ վերջնահաշվարկ կամ ազատման նպաստ հասնու՞մ է և որքա՞ն։

Աշխատողը չի ներկայանում աշխատանքի

Յանա.

Բարև Ձեզ։ Աշխատողը երկարատև ժամանակ աշխատանքի չի ներկայանում։ Հարգելի պատճառով աշխատանքի չներկայանալու հիմնավորող փաստաթղթեր չի ներկայացրել։ Ի՞նչ քայլեր պետք է ձեռնարկի գործատուն, որպեսզի աշխատանքից ազատի այս աշխատողին։ Կանխավ շնորհակալություն։

Եկամտային հարկի հաշվարկ

Գայանե.

Բարև ձեզ: Վերջնահաշվարկից սոց. վճար չի պահվում, սակայն ինչպե՞ս եկամտային հարկի ամսական հաշվետվության մեջ գրանցեմ վերջնահաշվարկը, որ ավտոմատ սոց. չհաշվի։

Ավել վճարված արձակուրդայինի գումար

Շուշան Դարինյան.

Հարգելի հաշվապահներ, խնդրում եմ՝ կնշե՞ք դեպքերը, բայց խնդրում եմ՝ ոչ հոդվածներով, այլ ուղղակի թվարկել դեպքերը։ Աշխատողին տրված ամենամյա արձակուրդի տևողությունը գերազանցել է իրեն հասանելիք արձակուրդի տևողությանը։ Աշխատանքից ազատման ո՞ր դեպքերում աշխատողը պետք է գործատուին հետ վերադարձնի իրեն ավել վճարված գումարը։

Աշխատանքից ազատման դեպքում

Աննա.

Բարև Ձեզ: Եթե աշխատակցի հետ կնքվում է աշխատանքային պայմանագիր 3 ամիս սահմանված փորձաշրջանով, աշխատակիցը մինչ փորձաշրջանի ավարտը 3 օր առաջ պետք է գրավոր ծանուցի գործատուին աշխատանքից ազատվելու համար, թե՞ ըստ 112 հոդվածի 30 օր առաջ։

Ազատման հրաման

Մարինե.

Ասեք խնդրեմ, ազատման հրամանի մեջ վերջնահաշվարկի օրերի քանակը գրվու՞մ է, թե՞ ոչ:

Վերջնահաշվարկ

Նարե.

Բարև Ձեզ, հարգելի հաշվապահններ։ Վարձու աշխատողը ընդունվել է աշխատանքի 03.05.2022թ. 5-օրյա աշխատանքային գրաֆիկով: Ամսական հաշվարկային աշխատավարձն է 138 255 դրամ: Ազատման դիմում է գրել 06.09.2022թ.: Կխնդրեի օգնեիք ինձ՝ ի՞նչ ունեմ այս դեպքում հաշվարկելու սեպտեմբեր ամսվա աշխատավարձից բացի՝ արձակուրդի չօգտագործած օրերի գումար, վերջնահաշվարկ: Կխնդրեի նաև օգնել կատարել անհրաժեշտ հաշվարկները: Կանխավ շնորհակալություն:

Աշխատանքային պայմանագիր

Աննա.

Բարև Ձեզ։ Աշխատակցի հետ կնքվել է աշխատանքային պայմանագիր անորոշ ժամկետով։ Հիմա պետք է պայմանագիրը դարձնել որոշակի ժամկետով։ Պե՞տք է ծանուցում և համաձայնագիր կազմել և վերջում հրաման տա՞լ։
2. Եթե աշխատողին 110 հոդվածով ազատում ենք, հնարավո՞ր է և՛ դիմումը, և՛ համաձայանագիրը, և՛ հրամանը նույն օրը տրվի։ Այսինքն՝ գործատուն նույն օրն էլ իր համաձայնությունը տա աշխատողի ազատման։

Աշխատանքից ազատման վերաբերյալ

Լիլիթ.

Բարև Ձեզ։ Հարցս հետևյալն է. եթե աշխատողը դիմում է գրում և աշխատանքից դուրս գալիս երկրից մեկնելու պատճառով, սակայն հետ գալու ակնկալիքով, այդ դեպքում՝ գործատուն ինչքա՞ն ժամանակ կարող է աշխատողին պահել։ Եվ այդ դեպքում վերջնահաշվարկ արվու՞մ է, թե՞ ոչ։

Աշխատանքից ազատման վերաբերյալ

Անուշ.

Բարև ձեզ։ Ներկայացրել եմ անընդմեջ 90 օրացույցային օր անաշխատունակության թերթիկ, անմիջապես հաջորդ օրը իմ տարեկան հերթական արձակուրդն է սկսվում՝ 20 աշխատանքային օր (30 օրացույցային օր)։ Հարց. արդյո՞ք գործատուն կարող է ընդունել հիմք ԱՕ այն հոդվածը, որ 120 օր անընդմեջ անաշխատունակ ես եղել և ազատի աշխատանքից, թե՞ արձակուրդը դրան չի գումարվում։ Շնորհակալ եմ։

Պայմանագրերի լուծման հրաման

Ռուզաննա.

Բարև ձեզ։ Կազմակերպության լուծարման կապակցությամբ աշխատակազմին տրվել է ծանուցագիր, այն մասին, որ նրանք 2022թ-ի հոկտեմբեր 7-ից ազատվում են աշխատանքից: Խնդրում եմ ասեք՝ աշխատանքային պայմանագրերի լուծման հրամանը ի՞նչ հիմքով և հոդվածով պետք է գրել: Կանխավ շնորհակալություն։

Ազատման դիմումի հետ կապված

Աննա.

Բարև Ձեզ։ Կարո՞ղ է աշխատակիցը ամենամյա վճարովի արձակուրդի ընթացքում գալ ազատման դիմում գրել։

Հրամանների հետ կապված

Սաթենիկ.

Բարև Ձեզ: Երկու հարց ունեմ.
1. Եթե աշխատակցի անաշխատունակության ժամանակահատվածն ավարտվում է և պետք է արդեն աշխատանքային պայմանագիրը լուծել, կնշե՞ք որ հոդվածներով և ո՞ր կետով կազմել հրամանը:
2. Փոխարինող աշխատակքցի համար ո՞ր հոդվածներով և ո՞ր կետով կազմել հիմնական աշխատողի հրաման:

ՍՊԸ գործունեության ժամանակավոր դադարեցում

Լիլի.

Բարև Ձեզ, հարգելի հաշվապահներ։ ԱԱՀ֊ով աշխատող ՍՊԸ-ն հունիսից ժամանակավոր դադար եմ տվել (ՍՊԸ֊ն գրանցվել է ապրիլին, լրիվ զրոյական է եղել, չի աշխատել)։ Այսօր եմ տեսել, որ տնօրենին չեմ ազատել։ Հիմա, եթե ազատեմ` խնդիր կլինի՞, թե՞ ազատեմ ու տամ 0-ական 189, 260 հուլիսի և օգոստոսի համար։

Աշխատանքից ազատման վերաբերյալ

Բարև ձեզ։ Մինչև երեք տարեկան խնամքի արձակուրդում գտնվող ուսուցչի տեղը այլ աշխատող ենք ընդունել։ Հիմնական աշխատողը ավելի շուտ է վերադառնում աշխատանքի (3 տարին չի լրացել)։ Նոր ընդունվողին կարո՞ղ ենք ազատել աշխատանքից առանց նախապես ծանուցելու։

Աշխատանքից ազատման վերաբերյալ

Վարդուհի.

Բարև ձեզ։ Կարո՞ղ եմ թոշակի հիմքով աշխատողին աշխատանքից ազատել, եթե աշխատողը 66 տարեկան է:

Գործունեության վերսկսում

Հասմիկ․

Բարի օր, հարգելի կոլեգաներ։
2022թ․ մայիսի 1-ից ժամանակավոր դադարի 207 ձև եմ ուղարկել: Աշխատակիցները ազատվել են: Հիմա 01 օգոստոսից սկսում ենք աշխատել: Ուղարկել եմ 207 ձև և աշխատակիցներին ընդունել եմ աշխատանքի: Հարցս հետևյալ է․ 201 ձև նորից ուղարկվու՞մ է:

Աշխատանքից ազատում

Արամ.

Բարև Ձեզ։ Աշխատանքից նույն օրը առանց զգուշացման ազատման դեպքում ի՞նչ իրավունքներ ունի աշխատակիցը։

Աշխատանքից ազատման ծանուցում

Ռուզաննա.

Բարև Ձեզ։ Եթե աշխատանքային տարվա ընթացքում կապված ֆինանսական ճգնաժամի հետ կազմակերպության վերադասը առաջարկում է փոխել նախահաշիվը, ինչի հետևանքով կրճատվում են որոշ մարդկանց հաստիքներ։ Խնդրում եմ ասեք՝ արդյո՞ք պետք է տվյալ մարդկանց ծանուցել այդ մասին, և ինչքա՞ն ժամանակ առաջ պետք է դա անել։

Վերջնահաշվարկ

Արմինե.

Բարև Ձեզ։ Ինձ կարո՞ղ եք ասել՝ ինչպե՞ս է տրամադրվում վերջնահաշվարկ, եթե ես հանդիսանում եմ տվյալ կազմակերպության աշխատակից 2011թ.-ից՝ փաստացի գրանցված աշխատող։ Կխնդեմ օգնել ինձ այս հարցում՝ արդյո՞ք ինձ հասնում է վերջնահաշվարկ ասվածը, և եթե այո, ապա ինչպե՞ս է հաշվվում այն, ի դեպ ես տարիների ընթացքում հաստիքներ եմ փոխել։ Եվ ևս մեկ հարց. վերջնահաշվարկ կատարվու՞մ է սպասարկման ոլորտի աշխատակազմին, եթե օրենքով գրանցված աշխատող ենք և մասնակցում ենք և՛ թոշակային ֆոնդին, և՛ եկամտային հարկին։ Նախապես շնորակալություն։

Ազատման հրամանի ձև

Ալվարդ.

Աշխատանքից ազատելու հրամանի քաղվածքի ձև կարո՞ղ եք ասել։

Աշխատանքի չներկայանալու դեպքում

Անի.

Անհարգելի պատճառով ամբողջ աշխատանքային օրվա (հերթափոխի) ընթացքում աշխատողի աշխատանքի չներկայանալու դեպքում՝ գործատուն իրավունք ունի՞ աշխատանքից ազատել աշխատակցին։ Այս դեպքում ծանուցում ենթադրվու՞մ է։ Կանխավ շնորհակալություն։

Վերջնահաշվարկ

Մխիթար.

Բարև Ձեզ։ Ինձ առանց ծանուցման ցանկանում են աշխատանքից ազատել՝ կապված հաստիքի կրճատման հետ։ Ըստ Աշխատանքային Օրենսգրքի 129-րդի սահմանվում է արձակման նպաստ մեկ ամսվա միջին աշխատավարձի չափով, և 115-րդ հոդվածի 2-րդ մասով տուժանք՝ ծանուցման յուրաքանչյուր ժամկետանց օրվա համար միջին օրական աշխատավարձի չափով /2 ամիս առաջ պետք է ծանուցեին/։ Իմ ամսական աշխատավարձը հարկերով 370 000 դրամ էր, մաքուր՝ 270 0000, ունեմ նաև 103 չօգտագործված արձակուրդային օր։ Խնդրում եմ կասեք՝ իմ վերջնահաշվարկը ինչքա՞ն պետք է լինի: Աշխատում եմ հինգ օրյա գրաֆիկով։ Շնորհակալություն

Աշխատակիցը չի ներկայացել աշխատանքի

Հեղինե.

Կազմակերպության աշխատակիցը դիմում է ներկայացրել աշխատանքից ազատվելու, ինչպես օրենքով է սահմանված 30 օր շուտ։ Դիմումը գրելուց հետո չի ներկայացել աշխատանքի։ Արդյո՞ք ունի նման իրավունք։

Վերջնահաշվարկ

Արսեն.

Բարև Ձեզ, հարգելի հաշվապահներ։ Աշխատողի հետ կնքվել է աշխատանքային պայմանագիր` գործավարձային աշխատավարձով։ Ենթադրենք ընդունվել է մարտի 5-ին, ազատվել է 17 մայիսի։ Վճարվել է 50 000 մարտ, 400 000 ապրիլ, 60 000 մայիս։ Վերջնահաշվարկը կատարելիս պետք է արձակուրդային օրերի դիմաց վճարե՞լ (50 000+400 000+60 000)/3/21*(1.67/22*18+1.67+1.67/21*10), թե՞ վերցվում է միայն ապրիլի աշխատավարձը՝ 400 000/21*1,67։ Կանխավ շնորհակալություն։

Ազատում

Մարինե.

Բարև Ձեզ: Ես ուզում եմ իմ Ա/Ձ գրանցված աշխատողին ազատել՝ կօգնե՞ք:

Վերջնահաշվարկ

Սվետլանա.

Բարև Ձեզ։ Եթե աշխատանքից դուրս ես գալիս 5 ամիս աշխատելուց հետո, գործատուն պարտավորվու՞մ է կատարել վերջնահաշվարկ։

Ազատման դիմումի հետ կապված

Ռոբերտ.

Բարև բոլորին: Արդյո՞ք կարող եմ ամենամյա արձակուրդի ընթացքում այլ աշխատանքի անցնելու կապակցությամբ ազատման դիմում ներկայացնել, և ինչպե՞ս է վերջնահաշվարկ կատարվելու։

Ազատման օր

Սոնա.

Հարգելի գործընկերներ, խնդրում եմ պատասխանեք՝ աշխատողը ազատվում է աշխատանքից հուլիսի 7-ին, իսկ ամենամյա արձակուրդ գնում է հուլիսի 4-ից։ Այս դեպքում նրա ազատման օրը համարել արձակուրդի ավարտի հաջորդ օր՞ը։

Վերադարձ դեկրետից

Անի.

Բարև Ձեզ: Եթե ես խնամքի արձակուրդից շուտ եմ վերադառնում՝ մի քանի ամիս առաջ, գնում եմ ընկերություն և տեղեկացնում, որ վերադառնում եմ, ինձ ասում են, որ փոխարինող են բերել, սակայն դեռ հաստիքի պակաս ունեն ու չեն թողնում դիմում գրեմ, ասում են հետո՝ մեկ ամսից, ինձ կարող են ազատել, և դրա համար գումար վճարելու՞ են ինձ, թե՞ ոչ։
Եթե աշխատավայրում անորոշ են պահում, հստակ չեն ասում խնամքի արձակուրդից վերադաձող անձին և անիմաստ սպասեցնում են, ի՞նչ կարող եմ անել ըստ օրենքի։

Նպաստ փոխարինող աշխատակցին

Սոնա․

Հարգելիներս, ունենք մինչև 3 տարեկան երեխայի խնամքի արձակուրդում գտնվող ուսուցիչ, ում փոխարինող ուսուցիչը նույնպես ծննդաբերել է, նրան նույնպես ձևակերպե՞մ երեխայի խնամքի արձակուրդ, թե՞ ազատեմ աշխատանքից:

Ինչպե՞ս հրամանը չեղյալ համարել

Սուսաննա․

Բարև ձեզ։ Ինչպե՞ս կարելի է տնօրենի նախկինում տրված աշխատանքից ազատման հրամանը չեղյալ համարել:

Երեխայի խնամքի արձակուրդի հետ կապված

Արմիդա․

Բարև ձեզ։ Եթե աշխատողը փետրվարի մեկից դեկրետի մեջ է 140 օրը լրանում է հունիսի 20-ին։ Ի՞նչ պետք է անել՝ ազատել աշխատանքից այդ օրը, թե՞ նշել որ արձակուրդի մեջ է։

Վերջնահաշվարկ

Զարինե․

Ընդունել ենք աշխատանքի 17.09.2019թ.-ին, 16.05.2022թ․ ազատվել է աշխատանքից, վերջին արձակուրդը եղել է01.03.2022թ.։ Վերջնահաշվարկ հասնու՞մ է։

Ազատման դիմումի հետ կապված

Լիաննա.

Բարև ձեզ։ Եթե աշխատակիցը ազատման դիմում է գրել և ազատման ամսաթիվ նշել է 06/06/2022թ., արդյո՞ք ազատման օրը համարվում է աշխատանքային օր, թե՞ ոչ։

Վերջնահաշվարկ

Հայկ.

Բարև Ձեզ: Աշխատողն ընդունվել է աշխատանքի 01.11.2021թ., աշխատել է մինչև մայիսի 19-ը, մայիսի 20-ից գնացել է արձակուրդ 20 աշխ. օր: Հիմա դիմում է գրել արձակուրդից անմիջապես հետո ազատվելու համար, որը լրանում է հունիսի 15-ին: Հիմա նա վերջնահաշվարկ ունի՞ ստանալու, երբ ստացել է ամբողջ արձակուրդային գումարը: Նախապես շնորհակալություն։

Աշխատանքից ազատման վերաբերյալ

Սոնա.

Բարև Ձեզ: Հարցս հետևյալն է. կազմակերպությունը կարո՞ղ է աշխատանքից ազատել մի ամբողջ բաժնի աշխատակիցներին, մոտավորապես՝ 30 աշխատակից։ Եվ եթե կարող է, ապա կասեք՝ ի՞նչ հոդվածով և ի՞նչ գործողություններ են պարտադիր կիրառել։