Tag: արձակուրդային

Համատեղությամբ աշխատելու դեպքում

Մարիաննա.

Բարև Ձեզ։ Համատեղությամբ աշխատելու դեպքում, ո՞ր դեպքում է հասնում արձակուրդային և վերջնահաշվարկ։

Դեկրետ գնալու վերաբերյալ

Լուսինե.

Հարգելի հաշվապաներ, խնդրում եմ ասացեք, աշխատողը չի ցանկանում գնալ ֆիզ. արձակուրդ, ուզում է աշխատել մինչև երեխայի ծնվելը: Արդյոք իրավունք ունի՞, և այդ դեպքում ինչպե՞ս է հաշվարկվում արձակուրդի օրերը:

Ավել վճարված արձակուրդայինի գումար

Շուշան Դարինյան.

Հարգելի հաշվապահներ, խնդրում եմ՝ կնշե՞ք դեպքերը, բայց խնդրում եմ՝ ոչ հոդվածներով, այլ ուղղակի թվարկել դեպքերը։ Աշխատողին տրված ամենամյա արձակուրդի տևողությունը գերազանցել է իրեն հասանելիք արձակուրդի տևողությանը։ Աշխատանքից ազատման ո՞ր դեպքերում աշխատողը պետք է գործատուին հետ վերադարձնի իրեն ավել վճարված գումարը։

Ամենամյա արձակուրդ

Տիրուհի.

Բարև Ձեզ: Ես մի հարց ունեմ, եթե աշխատողի 6-ամիսը լրացել է, պարտադի՞ր է ամենամյա արձակուրդի գնալը, եթե աշխատողը չի ցանկանում գնալ, իրավունք ունի, թե՞ ոչ։

Ամենամյա արձակուրդ

Մարինե.

Հարգելի հաշվապահներ, եթե հիմնարկի տնօրենը իր պարտականությունները ստանձնում է 2022 թվականի փետրվարի 14-ից, նա կարո՞ղ է 2022թ. հոկտեմբերի 10-ից 15 աշխատանքային օր տևողությամբ մեկնել արձակուրդի: Կանխավ շնորհակալություն:

Վերջնահաշվարկ

Կարինե.

Աշխատողը իր հերթական ամենամյա արձակուրդից օտվելուց հետո ազատվել է աշխատանքից։ Այդ դեպքում աշխատողին վերջնահաշվարկ հասնու՞մ է, թե՞ ոչ (դիմումի համաձայն):

Վերջնահաշվարկ

2020թ․ հունվարի 8-ից մինչև 2022 սեպտեմբերի 01-ը աշխատակիցն աշխատելէ ՏՏ ոլորտի արտոնագրով աշխատող ՍՊԸ-ում՝ 5-օրյա գրաֆիկով, սկզբում ոչ լրիվ աշխ․ժամանակով, վերջին մեկ տարուց ավելին նորմալ տևողությամբ։ Այս ընթացքում երբևէ արձակուրդ չի գնացել։ Ինչպե՞ս է հաշվարկվում վերջնահաշվարկը այս դեպքում։ Նշեմ նաև, որ ոչ լրիվ աշխ․ժամանակով աշխատելիս, զուգահեռաբար աշխատել է մեկ այլ ՍՊԸ-ում նույնպես ոչ լրիվ աշխ․ժամանակով։ Չօգտագործված արձակուրդային օրերն ինչպե՞ս են հաշվարկվում ոչ լրիվ աշխատաժամանակի դեպքում։

Վերջնահաշվարկ

Նարե.

Բարև Ձեզ, հարգելի հաշվապահններ։ Վարձու աշխատողը ընդունվել է աշխատանքի 03.05.2022թ. 5-օրյա աշխատանքային գրաֆիկով: Ամսական հաշվարկային աշխատավարձն է 138 255 դրամ: Ազատման դիմում է գրել 06.09.2022թ.: Կխնդրեի օգնեիք ինձ՝ ի՞նչ ունեմ այս դեպքում հաշվարկելու սեպտեմբեր ամսվա աշխատավարձից բացի՝ արձակուրդի չօգտագործած օրերի գումար, վերջնահաշվարկ: Կխնդրեի նաև օգնել կատարել անհրաժեշտ հաշվարկները: Կանխավ շնորհակալություն:

Արձակուրդից հետ կանչելու դեպքում

Մարինե.

Բարև Ձեզ, հարգելի հաշվապահներ։ Եթե բաժնի պետը գնում է ամենամյա արձակուրդի, իսկ նրա փոխարինողը, անձնական խնդիրներից ելնելով, անհապաղ մեկնում է արձակուրդի: Բաժնի պետին հե՞տ են կանչում ամենամյա արձակուրդից, թե՞ պարտականությունները վերապահում են մեկ այլ աշխատողի, հաշվի առնելով, որ բաժնում չկա ուրիշ աշխատող: Կարո՞ղ ենք պարտականությունները վերապահել մյուս բաժնի աշխատողին և, եթե հետ ենք կանչում՝ հաշվարկի տեղեկագրում ո՞նց ենք օրերը նշում: Կանխավ շնորհակալություն:

Արձակուրդի հրաման

Կարինե.

Բարև ձեզ։ Եթե աշխատողին ընդունում ես, օրինակ՝ 2021թ․ դեկտեմբեր ամսին, իրեն արձակուրդ տրամադրելու ժամանակ հրամանի մեջ գրվում է տրամադրել արձակուրդ 2021-2022թթ․-ի համար, թե՞ 2022-2023թթ․-ի համար։ Կանխավ շնորհակալություն։

Արձակուրդի դիմում

Բարև Ձեզ։ Խնդրում եմ ասեք՝ արձակուրդի դիմումը գրվում է արձակուրդ գնալուց մեկ ամիս առա՞ջ, իսկ հրամանը` 5 օր շու՞տ։ Շնորհակալ եմ։

Արձակուրդայինի հաշվարկ

Անի.

Բարև Ձեզ։ Եթե աշխատողը գտնվում է դեկրետի մեջ և վերադարձի դիմում է գրում, միևնույն ժամանակ օգտվում է չօգտագործված արձակուրդից։ Ինչպե՞ս պետք է հաշվարկվի արձակուրդայինը։

Վերջնահաշվարկի հետ կապված

Անի.

1. Եթե աշխատակիցը ազատվում է և բերում է բանկից պարտավորության մասին տեղեկանք, սոց. փաթեթը կազմակերպությունը պե՞տք է փոխանցի մինչև տարեվերջ հաշված չափո՞վ։
2. Աշխատակիցս ուսուցչուհի է և ընդունվել է աշխատանքի 2020թ. նոյեմբերի 13-ին, հուլիսին իրեն տվել եմ 42 օր արձակուրդից 26 օր 7,5 ամսվա համար, օգոստոսին աշխատանքի է եղել։ Այդ ժամանակ 6 օրյա ենք աշխատել։ 2021 սեպտեմբերից 5 օրյա ենք աշատում և այս տարի 35 օր եմ տվել։ Այժմ ազատվում է, նրան վերջնահաշվարկ հասնու՞մ է։
Եվս մեկ հարց. արձակուրդի ժամանակ արձակուրդի օր կուտակու՞մ է աշխատողը։

Անաշխատունակության թերթիկ

Յանա.

Բարև Ձեզ։ Խնդրում եմ պատասխանեք․ եթե աշխատողը գտնվում է ամենամյա արձակուրդում և միարժամանակ ստացել է անաշխատունակության թերթիկ նույն ժամանակահատվածում, արդյո՞ք պետք է վճարվի այդ թերթիկի դիմաց նպաստ։ Կանխավ շնորհակալ եմ։

Վերջնահաշվարկի հետ կապված

Արմինե.

Բարև ձեզ։ Մի հարց ունեմ. եթե հաշվապահը թոշակառու է և ազատվելու դիմում է գրել, նա իրեն վերջնահաշվարկ է հաշվել և արձակուրդային։ Սեպտեմբերի 1֊ից չի աշխատելու, բայց ասաց՝ այս սեպտեմբերի 1-ից մինչև օգոստոսի 2023 թիվ իրեն արձակուրդային է հաշվել։ Ասացեք խնդրեմ՝ արդյո՞ք կարելի է նման բան անել։ Նախապես շնորհակալություն։

Վերջնահաշվարկ

Ռուզաննա.

Բարձ ձեզ։ Համաձայն աշխ.օրենսգրքի 130 հոդվածի՝ աշխատողի հետ վերջնահաշվարկ կատարելիս վճարվում է աշխատավարձը և դրան հավասարեցված վճարումները: Խնդրում եմ ասեք՝ արդյո՞ք վերջնահաշվարկի ժամանակ հաշվարկվում է վերջին 5 տարվա աշխատանքային տարիների ընթացքում աշխատողին կազմակերպության կողմից կուտակված պարտքը։

Քանի՞ արձակուրդային օր է հասնում ՀՈԱԿ տնօրենին

Աննա.

Բարև Ձեզ: Հարցս հետևյալն է. ՏԻՄ-ի ՀՈԱԿ-ի տնօրենին հատկացվել է արձակուրդ 24 աշխատանքային օր, 5-օրյա աշխատանքային շաբաթվա դեպքում: 6-օրյա աշխատանքային շաբաթվա դեպքում քանի՞ արձակուրդային օր է հասնում ՀՈԱԿ-ի տնօրենին: Կանխավ շնորհակալություն:

Եկամտային հարկի հաշվարկ

Անի․

Հարգելի հաշվապահներ, եթե արձակուրդի ընթացքում աշխատակիցը ֆիզ․ է գնում և արձակուրդը տեղափոխում ենք ֆիզ․-ից 140օրից անմիջապես հետո։ Արձակուրդը եղել է հուլիսի 8-ից օգոստոսի 25-ը ներառյալ, իսկ ֆիզը օգոստոսի 8-ից է։ Այդ տեղափոխված օրերի համար վճարել եմ և պետք է ցու՞յց տամ օգոստոսի հաշվետվության ժամանակ։

Ամենամյա արձակուրդ

Նարե․

Փոխանակման կետի աշխատակցին ամենամյա արձակուրդ հասնու՞մ է, թե՞ ոչ։

Ամենամյա արձակուրդ

Անի.

Բարև Ձեզ։ Եթե աշխատողը վերցնում է չվճարվող արձակուրդ մեկ ամիս տևողությամբ, ապա ամենամյա արձակուրդ գնալուց արդյոք տրամադրու՞մ ենք նախատեսված 20 օր արձակուրդը, թե՞ մեկ ամսվա օրերը կրճատվում է։

Ամենամյա արձակուրդ

Վարդուհի.

Բարև Ձեզ։
Կասեք՝ եթե մինչև 3 տարեկան երեխայի խնամքի արձակուրդից վերադարձել են աշխատանքի, սակայն երեխայի մեկ տարեկանը լրանալուն պես, ե՞րբ կարող է այդ աշխատակցուհուն տրվել ամենամյա արձակուրդը։ Արդյոք այս պարագայում անհրաժե՞շտ է անընդմեջ աշխատանքի 6 ամիսը լրանալը։

Աշխատանքի տարակարգ

Լուսինե.

Բարև ձեզ։ Կարո՞ղ եք ասել՝ ինչպե՞ս է հաշվարկվում ուսուցչի տարակարգի գումարը արձակուրդային հաշվելիս, կամ եթե հուլիս ամսից 2 օր ենք աշխատել ու արձակուրդ է եղել, ապա տարակարգի գումարը ինչպե՞ս է հաշվարկվում։

Վերադարձ արձակուրդից

Սոնա.

Բարև Ձեզ: Աշխատակիցը գտնվում է ամենամյա արձակուրդում: Հանգամանքներից ելնելով նա ցանկանում է հետ վերադառնալ աշխատանքի և արձակուրդի մնացած 10 օրը օգտագործել հաջորդ ամիս: Ինչպե՞ս կատարել այդ թղթային ձևակերպումը և վճակման հետ կապված գործողությունը: Կանխավ շնորհակալություն:

Ամենամյա արձակուրդի վերաբերյալ

Գոհար.

Բարև ձեզ: Եթե պետական հիմնարկի աշխատողը չի օգտագործել իր ամենամյա արձակուրդից ոչ մի օր և այս պահին իրեն պետք է 5 օր, օրենքը՝ մասերով արձակուրդ գնալու դեպքում 10 օրից պակաս թույլ չի տալիս վերցնել արձակուրդ, ի՞նչ անել, 5 օր չվճարվող արձակուրդ տրամադրելու դեպքում արդյո՞ք համարվում է օրենքի խախտում:

Անաշխատունակության թերթիկ

Էլլա.

Բարև ձեզ: Հարցս հետևյալն է. ամենամյա արձակուրդի մեջ գտնվող վարձու աշխատողը ներկայացրել է հղիության և ծննդաբերության անաշխատունակության թերթիկ։ Համընկումը 6 օր է կազմում։ Ամենամյա արձակուրդի երնարաձգումը ինչպե՞ս է կատարվում։ Եթե թերթիկը ավարտվում է ասենք դեկտեմբերկ 5-ին, ուրեմն այդ 6 օրերը գումարվում են անաշխատունակության թերթիկի ավարտին հաջորդող օրվան` գումարած 6 արձակուրդային օ՞ր։

Արձակուրդի հետ կապված

Անահիտ.

եթե աշխատողը նոր է ընդունվել պետական աշխատանքի և ամուսնանում է՝ արձակուրդային տրվու՞մ է։

Ամենամյա արձակուրդի հետ կապված

Նարինե.

Բարև Ձեզ: Խնդրում եմ ասեք՝ 1997թ-ից հերթական արձակուրդ չի օգտագործվել, մինչև 2010թ. գործատուն վճարում է միայն 2005թ. մինչև 2010թ.։ Ասում են, որ նոր օրենքով է, արդյո՞ք դա իրավունքների խախտում չի և կա՞ այդպիսի որոշում։ Շնորհակալություն։

Աշխատավարձի հաշվարկ

Աննա.

Բարև ձեզ։ Կօգնե՞ք խնդրում եմ՝ արձակուրդայինի հետ կապված։ Ինչպե՞ս հաշվեմ մանկապարտեզի տնօրենի արձակուրդայինը, այս ամիս ինչքա՞ն աշխատավարձ պետք է ստանա, եթե 27.07.2022 մինչև 16.08.2022 գնացել է արձակուրդ։ Ամսական աշխատավարձը կազմում է 150 000, 5 օրյա է։

Դրոշմանիշային վճար

Արդյո՞ք արձակուրդային հաշվարկելիս պահվում է դրոշմանիշային վճարը։ Բերեմ օրինակ. օգոստոս ամսվա 18-31 նախատեսվում է արձակուրդ (10օր): ՏՏ ոլորտի արտոնագրով աշխատող կազմակերպությունում աշխատակիցը վերջին 12 ամիսներին ստացել է 250 000 գրանցված աշխատավարձ, աշխատանքը 5-օրյա գրաֆիկով։ Խնդրում եմ ստուգել՝ արդյոք ճի՞շտ եմ հաշվարկում արձակուրդայինն ու աշխատավարձը։
Արձակուրդային՝
250000/21=11904.7
10 x 11904.7= 119047
119047-11905-5357-3000=98785
Աշխատավարձ
2022 Օգոստոսն ունի 23 աշխ. օր, այսինքն՝ վարձատրվելու է 13 աշխատած օրվա համար։
250000/23=10869.5
13 x 10869.5= 141304
141304-14130-6359-3000=117815

Փաստացի ստացվում է, որ դրոշմանիշային վճարը գանձվում է 2 անգամ 3 000-ական դրամ, այնինչ այդ 2-ի գումարայինի դեպքում պետք է պահվեր 5500 դրամ։
Խնդրում եմ օգնել հասկանալ՝ արդյո՞ք ճիշտ եմ կատարել հաշվարկները։

Արձակուրդի ձևակերպում

Սեյրան.

Բարև ձեզ։ Ա/Ձ-ն գործում է որպես միկրոձեռնարկատիրություն, ունի երկու աշխատող, ուզում եմ մեկին ուղարկել 10-օրյա արձակուրդ։ Ինչպե՞ս դա փաստաղթավորեմ։

Չվճարվող արձակուրդ

Աննա.

Բարև ձեզ։ Պետական հիմնարկի աշխատակիցը կարո՞ղ է ամենամյա հասանելիք արձակուրդի դիմումի հետ ներկայացնել նաև չվճարվող արձակուրդի դիմում հասանելիք արձակուրդի ավարտին հաջորդող օրվանից չվճարվող արձակուրդը շարունակելու համար։ Եվ արդյո՞ք գործատուն կարող է մերժել չվճարվող արձակուրդի տրամադրումը այն պատճառաբանությամբ, որ տվյալ հիմնարկում և ժամանակահատվածում աշխատակիցների մի մասը ևս արձակուրդում են լինելու։ Շնորհակալ եմ։

Արձակուրդի ձևակերպում

Արթուր.

Բարև Ձեզ։ Կարո՞ղ եք օգնել՝ միկրոձեռնարկատեր ԱՁ-ն ինչպե՞ս է ձևակերպում աշխատակցի արձակուրդը, հաշվետվության մեջ դա ինչպե՞ս է արտացոլվում։

Վերջնահաշվարկ

Արսեն.

Բարև Ձեզ, հարգելի հաշվապահներ։ Աշխատողի հետ կնքվել է աշխատանքային պայմանագիր` գործավարձային աշխատավարձով։ Ենթադրենք ընդունվել է մարտի 5-ին, ազատվել է 17 մայիսի։ Վճարվել է 50 000 մարտ, 400 000 ապրիլ, 60 000 մայիս։ Վերջնահաշվարկը կատարելիս պետք է արձակուրդային օրերի դիմաց վճարե՞լ (50 000+400 000+60 000)/3/21*(1.67/22*18+1.67+1.67/21*10), թե՞ վերցվում է միայն ապրիլի աշխատավարձը՝ 400 000/21*1,67։ Կանխավ շնորհակալություն։

Ա/Ձ աշխատակցի մայրության նպաստ

Բարև ձեզ, հարգելի հաշվապահներ։ Խնդրում եմ օգնեք. Ա/Ձ-ի աշխատակիցը գնում է ֆիզարձակուրդ, գրանցված է կես դրույքով ու գրանցված աշխատավարձը 50 000 է /հարկերը վճարում է գործատուն/, աշխատում է 12 ամիս, այլ վճարներ չունի։ Խնդրում եմ ասեք՝ ինչպե՞ս հաշվեմ արձակուրդայինը և ի՞նչ թղթեր են անհրաժեշտ ներկայացնել հարկային, որպեսզի պետությունը փոխանցի Ա/Ձ-ին։

Նպատակային արձակուրդ

Արմինե.

Բարև Ձեզ։ Խնդրում եմ պարզաբանել՝ նպատակային արձակուրդը հաշվարկվու՞մ է որպես փաստացի աշխատած ժամանակահատված, վճարովի արձակուրդ ձևակերպելիս, թե՞ ոչ։

Միջին աշխատավարձ

Լիլիթ․

Բարև ձեզ։ Աշխատողը աշխատում է հունիսի 14-ից համատեղությամբ շաբաթական 10 ժամ, 5 օրյա, ամսական աշխատավարձը 40 000դ։ Օգոստոսի 3-ին գնալու է արձակուրդ։ Ինչպե՞ս պետք է որոշեմ միջին աշխատավարձը։

Ամենամյա արձակուրդ

Զարինե․

Եթե ուսուցչուհին ծննդաբերությունից հետո 3 տարվա արձակուրդը չի վերցրել, այսինքն՝ աշխատել է և անցել է 1 տարի 3 ամիս։ Հիմա է ուզում վերցնել՝ հասնու՞մ է։

Տնօրենին հասանելի արձակուրդ

Կիմա․

Բարև ձեզ, հարգելի հաշվապահներ։ Տնօրենի ժ/պ (2022թ․ հունվարի 3-ից) արձակուրդ հասնու՞մ է 25 օր, թե՞ որպես ուսուցիչ 35 օր։
Մեկ հարց ևս․ ինչպե՞ս լրացնել հետ հաշվարկի 12 ամիսները, եթե այդ ամիսները համընկնում են 2021թ․ արձակուրդի ամիսներին։ Հին արձակուրդը իրավունք ունե՞նք հաշվել նորի մեջ։
ՇՆՈՐՀԱԿԱԼՈԻԹՅՈՒՆ

Միջին ամսական աշխատավարձ

Արփի.

Բարև ձեզ, հարգելի հաշվապահներ։ Խնդրում եմ օգնեք ճիշտ հաշվարկել արձակուրդայինը.
ուսուցիչը 08.01.2020թ.-ից գնացել է ֆիզարձակուրդ, որից անմիջապես հետո գնացել է մինչև 3 տարեկան երեխայի խնամքի արձակուրդ: Վերադարձել է աշխատանքի 20.03.2022թ-ին: 01.07.2022թ-ից նրան պետք է տրվի ամենամյա արձակուրդ 35 օր տևողությամբ։ Հարսց հետևյալն է` ամենամյա արձակուրդը հաշվարկելու համար ո՞ր ամիսների հիման վրա պետք է ձևավորվի միջին ամսական աշխատավարձը. նա 2022թ-ին ունի աշխատած 3 լրիվ ամիս /ապրիլ, մայիս, հունիս/ “Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:” Այս դեպքում ինչպե՞ս ենք որոշում միջին ամսական աշխատավարձը:

Դպրոցի տնօրենի արձակուրդի ձևակերպում

Հասմիկ.

Բարև ձեզ, հարգելի հաշվապահներ։ Խնդրում եմ ասեք՝ եթե դպրոցի ուսուցիչը փետրվար ամսին դարձել է դպրոցի տնօրեն, բայց շարունակում է մնալ նաև ուսուցիչ, ինչպե՞ս է կարգավորվում արձակուրդը։ Նկատի ունեմ՝ որպես տնօրեն նախարարությունն է ձևակերպում, իսկ որպես ուսուցիչ՝ դպրոցը։

ՆՈՒՀ տնօրենի ամենամյա արձակուրդ

Սուսաննա.

Բարև ձեզ։ Խնդրում եմ՝ կնշե՞ք, ՆՈՒՀ-ի տնօրենի ամենամյա արձակուրդի տևողությունը 20, թե՞ 25 օր։ Ըստ ՀՀ կառավարության ամենամյա երկարացված արձակուրդի մասին որոշման 3-րդ կետի` նշված է նախադպրոցական դաստիարակության և ուսուցման անձնակազմ` 25 օր։ Համայնքային մի քանի մանկապարտեզների տնօրեններին տրվել է 25 օր։ Ո՞րն է ճիշտ։ Շնորհակալություն։

Ամենամյա արձակուրդ

Ռուզաննա.

Բարև Ձեզ։ Խնդրում եմ պատասխանել՝ եթե աշխատակիցը առաջին տարում 11 ամիս աշխատել է և ցանկանում է ամբողջ արձակուրդը, այսինքն՝ ընդունվել է 2021 թվականի օգոստոսի 1-ին և հուլիսի 1-ից ցանկանում է գնալ ամբողջ արձակուրդը, արդյո՞ք կարող ենք տրամադրել։ Կանխավ շնորհակալ եմ։

Արձակուրդի հետ կապված

Մանու.

Բարև Ձեզ: Արձակուրդի գրաֆիկ կազմելու վերջնաժամկետը ե՞րբ է։ Շնորհակալություն։

Չօգտագործված արձակուրդ

Հասմիկ.

Բարև ձեզ, հարգելի մասնագետներ։ Եթե աշխատողը 2020 թվականի հուլիսին օգտագործել է իր հասանելիք արձակուրդը, 2021 թվականինը ոչ, և հրամանով տեղափոխում չի եղել՝ գործատուն կարո՞ղ է 2022 թվականին տրամադրել 2021 թվականի չօգտագործված արձակուրդը։ Խնդրում եմ հստակ պատասխան։

Վերադարձ դեկրետից

Աստղիկ.

07.07.2022թ-ին աշխատողը վերադառնում է ֆիզ. արձակուրդից (երեխայի 3 տարին լրանալուց հետո): Մնում է աշխատանքի մեջ, թե՞ արձակուրդային է ստանալու: Ավելացնեմ, որ 2019թ-ին ստացել է իրեն հասանելիք հերթական արձակուրդը:

Ամենամյա արձակուրդի հաշվարկ

Բարև ձեզ։ Դպրոցի ուսուցչուհին հերթական արձակուրդն է գնում։ Հետհաշվարկում ներառվու՞մ են հղիության և ծննդաբերության ամիսներ՝ 140 օրը։ Դրանք գրել 0, իսկ դրանից առաջ ստացած ամիսների աշխատավարձը հաշվե՞լ։

Արձակուրդայինի հաշվարկ

Արփիկ Գևորգյան.

Բարև ձեզ։ Աշխատակիցը արձակուրդ է գնում 02.06.2022թ., սակայն հաշվարկի մեջ, որը կատարում եմ մայիսի 30-ին, ներառվում է 2021թ. մայիսի աշխատավարձը: Ինչպե՞ս հաշվեմ արձակուրդայինը մայիսի 30-ին և, բացի դա, չունեմ 2022թ. մայիսի աշխատավարձի թիվը:

Արձակուրդի հետ կապված

Լիլիթ.

Բարև ձեզ: Հարգելի հաշվապահներ, այսպիսի հարց ունեմ. եթե ուսուցիչը ազատվել է աշխատանքից իր դիմումի հիման վրա և մրցույթով ընդունվել է մեկ այլ դպրոց, ընդունվել է մարտ ամսին։ Արդյո՞ք հասնում է արձակուրդ և քանի՞ օր։