Tag: ռեզիդենտ

Հողամասի առք և վաճառք

Կարո․

Բարև ձեզ։

Ես ունեմ հողատարածք Հայաստանում, որը ցանկանում եմ վաճառել և փոխարենը գնել բնակարան։ Հողը գնել եմ 1 մլրդ և վաճառում եմ 10 մլրդ, իսկ բնակարան արժե 50 մլրդ։

Ի՞նչ հակեր պետք է վճարեմ։

Ավելացնենք, որ ես աշխատում և ապրում եմ Հայաստանից դուրս, բայց Հայաստանի քաղաքացի եմ։

Կրեդիտորական պարտքի փոխանցում երրորդ կողմին

Ժաննա․

Բարև Ձեզ, հարգելի հաշվապահներ, խնդրում եմ օգնել հետևյալ հարցում․

Եթե ՀՀ ռեզիդենտ ՍՊԸ-ն ունի կրեդիտորական պարտք ոչ ռեզիդենտ ՍՊԸ-ին, և այդ ՍՊԸ-ն զիջում է մեր պարտքը մեկ այլ ոչ ռեզիդենտ ՍՊԸ-ի։ Ասացեք խնդրեմ՝ ի՞նչ հաշվապահական ձևակերպումներ պիտի տամ, և ի՞նչ փաստաթղթեր են անհրաժեշտ, արդյո՞ք պետք է պարտքի փոխանցման եռակողմ համաձայնագիր։

Ինքնահաշիվ

Արեն․

Բարև ձեզ: Ոչ ռեզիդենտ կազմակերպությունը ՀՀ ռեզիդենտ կազմակերպությանը ծառայություն է մատուցել: Պայմանագրի մեջ գործարքի գումարը նշված է 20 000 ԱՄՆ դոլլար, և ՀՀ կազմակերպությունը 20 000 ԱՄՆ դոլլար է փոխանցել:

Հիմա պետք է դուրս գրեմ մատակարարի անունից հարկային հաշիվ: Հաշվի մեջ պե՞տք է նշված լինի 20 000 + 4 000 ԱԱՀ, թե՞ սխալվում եմ։

Արդյո՞ք անձը ՀՀ ռեզիդենտ է

Lili.

ՀՀ քաղաքացին, որը բնակվում է ԱՄՆ-ում արդեն 2 տարուց ավելի, ստացել է աշխատանքի առաջարկ այլ երկրում (ոչ ՀՀ-ում) սկսած սույն թվականի հոկտեմբեր ամսից։ ՀՀ-ում լինում է ոչ ավել, քան տարեկան մոտավոր 60 օր։ Քաղաքացին ունի սեփական բնակարան ՀՀ-ում։ Հաշվի առնելով այս տեղեկությունները, խնդրում եմ պարզաբանել հետևյալ հարցերը․

1․ Արդյո՞ք քաղաքացին հանդիսանում է ՀՀ-ի ռեզիդենտ և հետևաբար հարկ վճարող, եթե այո, ապա

2․ ի՞նչ հարկեր են առաջանում, ի՞նչ չափով և ի՞նչ է անհրաժեշտ անել օրենքի շրջանակներում առաջացած հարկերը վճարելու համար

Կանխավ շնորհակալություն։

Բաժնեմասի գնում

Nora.

Բարև Ձեզ։ ՀՀ ռեզիդենտ կազմակերպությունը (ԱԱՀ վճարող) ՌԴ ռեզիդենտ կազմակերպությունում ցանկանում է բաժնեմաս կամ այլ ալտիվներ գնել: ՀՀ կազմակերպությունում ինչ որ հարկային պարտավորութուններ առաջանու՞մ են։

Կազմակերպության բաժնետերը ոչ ռեզիդենտ է

Անուշ․

Բարև Ձեզ, խնդրում եմ պարզաբանել, եթե կազմակեպությունը գրանցված է ՀՀ-ում, իսկ 100% բաժնետերը ոչ ռեզիդենտ է, ապա կազմակերպությունը կհամարվի ռեզիդենտ, թե՞ ոչ ռեզիդենտ։ Շնորհակալություն։

Համատեղ գործունեություն օտարերկրյա ընկերության հետ

Գրիգոր․

Բարև ձեզ։ Օգնեք հասկանալ սա․ եթե ՏՏ կազմակերպությունը օտարերկրյա կազմակերպությունից ձեռք է բերել օնլայն բազա, ավելի կոնկրետ օտարերկրյա կազմակերպությունը տրամադրել է բազմաֆունկցիոնալ օնլայն հարթակի օգտանուն գաղտնաբառ, կա պայմանագիր, որ տվյալ օնլայն հարթակում և ՀՀ ռեզիդենտ, և օտարերկրյա կազմակերպությունը միասին պետք է մշակեն ծրագրեր և հասցնեն վերջնական մակարդակի, այսինքն առանց օտարերկրյա կազմակերպության մուտքի և գործունեության ՀՀ ֆիրման չի կարող վերջնական պրոդուկտ ստանալ։ Այս գործունեությունը ի՞նչ տեսակի գործունեություն է։ Ի՞նչ հարկեր կարող են առաջանալ։ Պասի՞վ եկամուտ է, թե՞ ոչ։

Ի՞նչ հարկեր են առաջանում

Լուսինե․

Բարև ձեզ։ Ռեզիդենտ կազմակերպությունը գումար է ստանում Ղազախստանի ֆիզիկական անձից ծառայության դիմաց։ Այս դեպքում ի՞նչ հարկեր կարող են առաջանալ։

Ինքնահաշիվ գրելու պարտավորություն

Ռուբեն․

Բարև ձեզ, հարգելի հաշվապահներ։ ՀՀ ռեզինդենտ կազմակերպությունը Ղրղզստանի կազմակերպությունից ստացել է թույլտվություն ՝ օնլայն հարթակի մուտքի, որի դիմաց վճարվել է գումար։ Տվյալ օնլայն հարթակի մուտքի համար ՀՀ ռեզիդենտ կազմակերպությանը էլ․ փոստով ուղարկվել է կոդեր օնլայն հարթակի մուտքի համար։ ՀՀ ռեզիդենտ կազմակերպությունը տվյալ օնլայն հարթակի միջոցով այլ օտարերկրյա կազմակերպություններին պետք է մատուցի էլեկտրոնային ծառայություններ։ Թույլտվության ժամկետը սահմանված է մեկ տարի։ Խնդրում եմ պատասխանել հետևյալ հարցերի։

Հարց 1․ այս գործարքը կդիտվի՞ որպես ՀՀ-ում մշտական հաստատություն չունեցող ոչ ռեզիդնետ կազմակերպության կողմից ՀՀ կազմակերպությանը ծառայության մատուցում։ Եթե այո, ապա արդյո՞ք պետք է ՀՀ կազմակերպությունը դուրս գրի ինքնահաշիվ

Հարց 2․ Ռեզիդենտության տեղեկանքը պահանջել և ստացել է ՀՀ ռեզիդենտ կազմակերպությունը։ Այս փաստաթուղթը բավարա՞ր է որպես հարկային գործակալ ոչ ռեզիդնետի շահութահարկի վճարումից ազատվելու համար

Հարց 3․ Եթե ծառայության մատուցման ավարտը մեկ տարի հետո է, եթե ինքնահաշիվը գրվի հաջորդ տարի, արդյո՞ք շահութահարկի մասով ծախսագրման խնդիրներ կարող ենք ունենալ։ Նշեմ, որ ՊԵԿ պարզաբանմամբ տվյալ գործարքը շահութահարկի տեսանկյունից դիտվելու է որպես ոչ նյութական ակտիվ

Հարց 4․ ԱԱՀ-ի հաշվետվության մեջ ե՞րբ և ինչպե՞ս արտացոլել տվյալ գործարքը

Հարկային ռեզիդենտի սերտիֆիկատ

Անի․

Բարև ձեզ, հարգելիներս: Որևէ մեկը ստացե՞լ է հարկային ռեզիդենտի սերտիֆիկատ: Ինձ հետաքրքրում է ողջ գործընթացը քայլ առ քայլ: Կարո՞ղ եք օգնել:

Հաշվետվությունների վերջնաժամկետներ

Լուսինե․

Հարգելի հաշվապահներ, խնդրում եմ գրել հետևյալ հաշվետվությունների վերջնաժամկետները․

  • 165. Տեղեկություններ՝ ֆիզիկական անձանց եկամուտների և եկամտային հարկի մասին
  • 240․ Հաշվարկ՝ ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի
  • 244․ Հաշվարկ՝ անհատ ձեռնարկատիրոջ և նոտարի սոցիալական վճարի
  • 273. Այլ պետություններում գրանցված կազմակերպություններին վճարված եկամուտների, եկամուտների վճարման ամսաթվի, այդ եկամուտներից հաշվարկված և պահված շահութահարկի վերաբերյալ տեղեկություններ

Ոչ ռեզիդենտը ծառայություն է մատուցել

Ալլա․

Բարև ձեզ, այսպիսի մի իրավիճակ․ ճապոնական կազմակերպության կողմից մատուցվել է ծառայություն (նախագծերի կազմում, հեղինակային իրավունք, փաստաթղթավորում) հենց Ճապոնիայում, բայց ՀՀ ռեզիդենտ ԱԱՀ վճարող կազմակերպությանը, հետևաբար ինչպե՞ս է հարկվում այս գործարքը։

ԱՁ-ն գրանցված է ՏՏ ոլորտում

Անա․

Հարգելի հաշվապահներ, շնորհավորում եմ տոների կապակցությամբ։ Խնդրում եմ օգնել հասկանալ հետևյալ հարցերը․

ՌԴ քաղաքացիություն ունեցող անձը, ով ՀՀ-ում չունի հատուկ կեցություն, այստեղ գրանցվել է ԱՁ, Ռեզիդենտ չի համարվում, քանի որ 183 օր դեռ չի եղել ՀՀ-ում։ ԱՁ-ն գրանցված է ՏՏ ոլորտում , աշխատում է շրջհարկով, կարո՞ղ եք ասել՝ այս պարագայում բացի շրջանառության հարկից մնացած վճարները պարտադի՞ր են համարվում։ Շնորհակալություն։

Պե՞տք է գրել ինքնահաշիվ

Գայանե․

Բարև Ձեզ։ ՀՀ ռեզիդենտ կազմակերպությունը ոչ ռեզիդենտ կազմակերպությունից ձեռք է բերել ծառայություն, նյութեր են ուղարկել Ռուսաստան, փորձաքննություն են անցկացրել և տրամադրել են սերտիֆիկատ։ Հաշիվ ֆակտուրա են գրել, որտեղ գրված է նաև ԱԱՀ։ Ունենք կնքված պայմանագիր։ Վճարումը կատարել ենք պայմնագիրը կնքելուց հետո 5-օրյա ժամկետում, իսկ հաշիվ ֆակտուրան գրվել է 3 ամիս հետո։ Հարցս հետևյալն է՝ պե՞տք է գրել ինքնահաշիվ և ԱԱՀ հաշվետվության կազմելիս ե՞րբ պետք է ներառեմ, ըստ վճարման ամսի, թե՞ հաշիվ ֆակտուրայի ամսում։

Ոչ ռեզիդենտի շահութահարկ

Սուրեն․

ՀՀ ռեզիդենտ կազմակերպությունը ՀՀ ոչ ռեզիդենտ, ՀՀ-ում մշտական հաստատություն չունեցող ֆիրմայից ՀՀ տարածքում գնել է ապրանքներ 10 միլիոն ՀՀ դրամ արժողությամբ, որի վճարումը միանգամից կատարել է։ Գույքի գնման մասին վաճառողը փաստաթուղթ չի տվել։ Որքա՞ն շահութահարկի պարտավորություն է ինձ մոտ առաջանում ոչ ռեզիդենտին վճարված եկամուտների մասով։ Նախապես շնորհակալություն։ Եթե օրենքի հղում տաք, շատ ավելի լավ։

Ռեզիդենտության տեղեկանքի անհրաժեշտություն

Աննա․

Բարև Ձեզ։ ՏՏ ոլորտի ընկերություն ենք, ստանում ենք ոչ ռեզիդենտ կազմակերպությունների կողմից վիտուալ ծառայություններ, որի համար մեզ հաշիվ է գրվում, համապատասխանաբար մենք էլ ինքնահաշիվ ենք գրում։ Ինձ հետաքրքիր է՝ բացի կրկնակի հարկման երկրների միջև համաձայմանգրերից, անհրաժե՞շտ է նաև կոնկրետ կազակերպության ռեզիդենտության տեղեկանքը, որպեսզի ոչ ռեզիդենտ շահութահարկի մասով նվազեցում կատարվի, և եթե ունեք Slack, AWS (Ամազոն) ընկերության հրապարակային ռեզիդենտության տեղեկանքները, խնդրում եմ կիսվել։

Արդյո՞ք պետք է ինքնահաշիվ գրել

Հասմիկ․

Բարի երեկո, հարգելի կոլեգաներ։ Ա/Ձ, որը աշխատում է շրջանառության հարկով և J 62.01.0 դասակարգիչով: Աշխատում է ամերիկյան կազմակերպության հետ և ուղարկել է ինվոյսը, որ ստանա գումարը: Կարո՞ղ եք հուշել՝ ի՞նչ պետք է անել: Ծառայության մատուցման վայրը ՀՀ -ից դուրս է, գումարը ստանալու ենք դոլարով: Պե՞տք է ինքնահաշիվ գրել, որից կհաշվարկվի հարկը: Եթե ինչ որ բան թերի եմ գրել, խնդրում եմ ներողամիտ լինել: Ոլորտին ծանոթ չեմ: Կանխավ շնորհակալություն:

Ինքնահաշիվ գրելու պահանջ

Նարեկ․

Բարև Ձեզ։ ՀՀ ռեզիդենտ կազմակերպությունը ոչ ռեզիդենտ կազմակերպությունից ձեռք է բերել ծառայություն, որի մատուցման վայրը համարվում է ՀՀ-ն, որի դիմաց ոչ ռեզիդենտը ինվոյս է գրել։ Այս դեպքում պե՞տք է արդյոք ռեզիդենտ կազմակերպությունը ինքանահաշիվ գրի։

ՀՀ ռեզիդենտի տեղեկանք

Մայա․

Բարև Ձեզ, հարգելի հաշվապահներ։ ՀՀ մշտական քաղաքացի եմ: Ա/Ձ վկայական եմ ստացել ընդամենը 3 օր առաջ: ՀՏ-ից ստացել եմ անհրաժեշտ անուն, ծածկանունները: Գործունեություն դեռևս չեմ սկսել: ՏՏ ոլորտում գործունեություն սկսելու համար ցանկանում եմ պայմանագիր կնքել օտարերկրյա մատակարար կազմակերպության հետ: Վերջինիս կողմից պահանջվող փաստաթղթերից մեկը ՀՏ-ի կողմից տրվող ռեզիդենտի կարգավիճակի մասին տեղեկանքն է: Գրավոր դիմումիս և զանգերիս ի պատասխան ՀՏ-ից միայն մեկ ցուցում եմ ստացել՝ նայել ՀՕ հոդված 134: Խնդրում եմ, կարո՞ղ եք ասել՝ իմ պարագայում անհրաժեշտ տեղեկանքը ստանալու համար, բացի անձնագրիս բոլոր էջերի պատճեններից սահմանված այլ ի՞նչ փաստաթղթեր եմ պարտավոր ներկայացնելու ՀՏ:

ՀՕ հոդված 314. Հայաստանի Հանրապետության ռեզիդենտի կարգավիճակի հաստատումը կամ կարգավիճակը հաստատող տեղեկանքի տրամադրումը

4. Հայաստանի Հանրապետության ռեզիդենտի կարգավիճակի հաստատման տեղեկանք ստանալու համար հարկ վճարողը ներկայացնում է`
2) ֆիզիկական անձի դեպքում`
ա. տեղեկություն օտարերկրյա պետությունում ստացված եկամտի տեսակի և մեծության վերաբերյալ, ինչպես նաև օտարերկրյա պետությունում եկամուտների ստացումը հիմնավորող փաստաթղթերի պատճենը՝ եկամուտների առկայության դեպքում,
բ. քաղաքացու անձնագրի բոլոր էջերի պատճենները,
գ. Հայաստանի Հանրապետության տարածքում անձի գտնվելու ժամանակահատվածի հաշվարկման աղյուսակը կամ Հայաստանի Հանրապետության տարածքում կենսական շահերի կենտրոնի գտնվելու մասին ազատ ոճով շարադրած հիմնավորումը` կցելով հաստատող փաստաթղթերի պատճենները:

Կրկնակի հարկում

Տիգրան.

ՀՀ ռեզիդենտ ֆիզիկական անձը ՌԴ-ում ունի կազմակերպության բաժնեմաս և պետք է վճարի շահաբաժնից հարկ: Արդյո՞ք կարող է շահաբաժինը վճարվի ՀՀ-ում 5 տոկոս դրույքաչափով և ներկայացնի ՌԴ` ռեզիդենտության տեղեկանք ՀՀ-ից: Եվ 2 հարցը. եթե տվյալ դեպքում կիրառելի է կրկնակի հարկումը բացառելու համաձայնագիրը, ապա որտե՞ղ պետք է վճարվի շահաբաժնի հարկը և ի՞նչ դրույքաչափով:

ՀՀ ռեզիդենտ

Համիկ.

Բարև Ձեզ։ Կասե՞ք` խնդրում եմ, ՀՀ-ում բնակվող օտարերկրյա ուսանողները համավու՞մ են ՀՀ ռեզիդենտ, թե՞ ոչ, հաշվի առնելով այն փաստը, որ նրանք 183 օրից ավել բնակվում են ՀՀ-ում, թե՞ միայն դա բավարար չէ։

Ծառայության մատուցման վայր

Արմեն.

ՀՀ ռեզիդենտ կազմակերպությունը 3-րդ երկրում գործող կազմակերպության պատվերով ԵԱՏՄ-ում գործող կազմակերպության հետ համագործակցության պայմանագիր է կնքում և ծառայության մատուցման գումար վերցնում։ Որտե՞ղ է համարվում ծառայության մատուցման վայրը։

Կազմակերպությունը ցանկանում է կնքել ֆինանսական ծառայությունների մատուցման պայմանագիր

Nora.

Հարգելի հաշվապահներ, բարև ձեզ:
ՀՀ ռեզիդենտ ընկերությունը կնքում է Կիպրոսում գտնվող ընկերության հետ ֆինանսական ծառայությունների մատուցման պայմանագիր (ծառայությունը Կիպրոսի կազմակերպություն է մատուցելու): Ի՞նչ պետք է ներառվի պայմանագրում, ի՞նչ նրբություններ կարող են լինել (հարկային դրույթ):

Արդյո՞ք պետք է հանձնել 240 ձև հաշվետվությունը

Լիաննա.

Բարև Ձեզ: Ռեզիդենտ շահութահարկ վճարող կազմակերպության ծախսերն ավելի շատ են, քան եկամուտը։ Այս դեպքում 240 ձև հաշվետվությունը ներկայացվու՞մ է արդյոք:

Ոչ ռեզիդենտ շահութահարկ վճարողի հաշվարկի լրացման կարգը

Բարև Ձեզ: Ա/Ձ-ն զբաղվում է մանրածախ վաճառքով, շրջանառության հարկ վճարող է: Խնդրում եմ պատասխանեք 2 հարցի:
1) Գործունեությունը դադարեցված է 2020թ. ապրիլի 1-ից: Արդյոք պե՞տք է ներկայացնել մինչև 20.02.2021 – 201. Շրջանառության հարկ վճարող համարվելու վերաբերյալ հայտարարություն, թե՞ հայտարարությունը ներկայացվում է գործունեություն վերսկսելու ժամանակ:
2) Խնդրում եմ հուշեք – 240. ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի ՀԱՇՎԱՐԿԻ լրացման կարգը: Լրացվու՞մ է միայն – 107. Շրջանառության հարկով և (կամ) արտոնագրային հարկով հարկվող գործունեության տեսակներով զբաղված անհատ ձեռնարկատերերի և նոտարների շահութահարկի գումարը տողը:
Կանխավ շնորհակալ եմ:

240 ձև հաշվետվության հետ կապված

Գայանե.

Բարև Ձեզ, հարգելի հաշվապահներ: Ա/Ձ-ն 2020թ-ին շրջհարկով է աշխատել, բանջարեղենի խանութ է: Հիմա 240 ձևն եմ ուզում ուղարկել, Ա/Ձ նոտարն է ակտիվ, ռեզիդենտ շահութահարկը ակտիվ չի: Ի՞նչն է պատճառը, ով կարող է ասել: Դասակարգիչը կարո՞ղ է պատճառ լինել, որովհետև պետ. գրանցամատյանի քաղվածքում դասակարգիչը G47.21.0, սակայն ես G47.21.1 եմ ուղարկել, որովհետև G47.21.0-ով չէր գրանցվում: Խնդրում եմ օգնեք՝ այս դեպքում ի՞նչ անեմ: Կանխավ շնորհակալ եմ:

Շահութահարկի հաշվարկի վերաբերյալ

Լիլիթ.

Բարև Ձեզ:
Ա/Ձ-ի շահութահարկի հաշվարկը գրելիս չի թողնում նշել ռեզիդենտ շահութահարկ վճարող կետը, այն ակտիվ չի։ Միայն Ա/Ձ նոտար կետն է թողնում նշել, բայց անցած հաշվարկի մեջ գրել եմ ռեզիդենտ շահութահարկ վճարող կետը (ուրեմն ակտիվ է եղել այդ ժամանակ)։ Ճի՞շտ կլինի, եթե Ա/Ձ նոտար կետը նշելով ուղարկեմ (կարող ա համակարգում ա փոփոխություն եղել), թե՞ սխալ է այսպես, ու համակարգից է խնդիրը:
Շնորհակալություն:

Կարո՞ղ է ոչ ռեզիդենտը ներդրում անել

Նառա.

Բարև ձեզ: Հարց՝ կարո՞ղ է ՀՀ ռեզիդենտ կազմակերպության՝ արտերկրում բացված հաշվին ոչ ռեզիդենտը կապիտալ ներդրում անել:

ԱՁ զբաղվում է մանրածախ առևտրով

Լիանա.

Բարև ձեզ: ԱՁ զբաղվում է մանրածախ առևտրով, խնդրում եմ ասեք` նա համարվում է “Ռեզիդենտ շահութահարկ վճարող”, թե “ԱՁ Նոտար”: Տարեկան հաշվետվության 240 ձևի համար է անհրաժեշտ: Նախապես շնորակալություն:

Արդյո՞ք ՌԴ քաղաքացին կարող է լինել ԱՁ

Նարինե.

Ցանկանում եմ իմանալ` արդյո՞ք ՌԴ քաղաքացին, ով բնակվում է ՀՀ-ում, կարող է լինել անհատ ձեռներեց: Եվ ՌԴ քաղաքացին կարո՞ղ է աշխատել ՀՀ-ում որպես հաշվապահ:

Արդյո՞ք անձը համարվում է ոչ ռեզիդենտ

mt.

Ես ՀՀ-ի բնակիչ եմ, գրանցվել եմ պետռեգիստրռւմ որպես ԱՁ, հարկային համակարգում գրանցվելու համար համարվու՞մ եմ ոչ ռեզիդենտ ֆիզանձ:

Արդյո՞ք թարգմանչական ծախսերը կարող են նվազեցվել շահութահարկի հաշվարկի ժամանակ

Hasmik.

Հարգելի կոլեգաներ, կցանկանայի իմանալ Ձեր կարծիքները հետևյալ հարցի մասին: ՀՀ ռեզիդենտ համարվող կազմակերպության 100 տոկոս բաժնետերը օտարերկրյա ընկերություն է: Բաժնետերը ամբողջությամբ վերահսկում է դուստր ընկերության գործունեությունը և անհրաժեշտություն է առաջանում թարգմանել բոլոր փաստաթղթերը և ներկայացնել բաժնետիրոջը: Թարգմանչական ծախսերը “Շահութահարկի մասին” օրենքով ծախս կարո՞ղ են համարվել, թե՞ ոչ: Կանխավ շնորհակալություն արձագանքների համար:

ՀՀ-ում ռեզիդենտ հանդիսանալու վերաբերյալ տեղեկանք

Արմեն.

Հարգելի հաշվապահներ, մեր ռուս գործընկերները ՀՀ-ում ռեզիդենտ հանդիսանալու վերաբերյալ տեղեկանք են ուզել մեր կազմակերպությունից: Խնդրում եմ բացատրել այդ փաստաթուղթը ստանալու կարգը: Շնորհակալություն:

Ո՞ր ամսաթվի միջին փոխարժեքով հաշվարկել ինքնարժեքը

216

Նարինե.

Համաձայն “Շահութահարկով հարկման նպատակով արտարժույթով արժութային գործարքները հաշվառելու վերաբերյալ” 22.03.2010թ-ի N 4 պաշտոնական պարզաբանման 4-ի ա կետի արտաքին տնտեսական գործունեությանը դասվող գործարքների շրջանակներում ռեզիդենտի կողմից ձեռքբերված ապրանքների և պարտավորությունների սկզբնական (ձեռքբերման) արժեքները որոշվում են մինչև Հայաստանի Հանրապետության պետական սահմանը հատելը ապրանքների նկատմամբ սեփականության իրավունքի ոչ ռեզիդենտից ռեզիդենտին անցնելու պահին (այլ ոչ թե` ներմուծված ապրանքների մաքսային մարմիններում հայտարարագրման օրը) միջին փոխարժեքից ելնելով:

Արդյո՞ք սա չի նշանակում, որ անկախ ինկոթերմս-ից, սեփականության իրավունքը ոչ ռեզիդենտից ռեզիդենտին անցնելու պահը ինվոյսի դուրս գրման ամսաթիվն է, և բոլոր դեպքերում ինքնարժեքը պետք է հաշվարկվի ինվոյսի ամսաթվի միջին փոխարժեքով:

Կա՞ որևէ սահմանափակում շահաբաժինները արտարժութային հաշվից վճարելու համար

Տնօրեն.

Բարև բոլորին:

ՀՀ ռեզիդենտ ՍՊԸ-ն ունի արտարժութային հաշիվ: ՍՊԸ հիմնադիրները ՀՀ քաղաքացիներ են:
Կա՞ որևէ սահմանափակում շահաբաժինները արտարժութային հաշվից նրանց արտարժութային հաշիվներին անկանխիկ վճարման համար: Հասկանալի է, որ շահաբաժինը հաշվարկվում է ՀՀ դրամով և արտարժույթով վճարումը կատարվում է տվյալ օրվա համար ՀՀ ԿԲ սահմանած փոխարժեքով:

Շնորհակալություն:

Ոչ ռեզիդենտի շահութահարկի դրույքաչափ

Իզաբելա.

Հարգելի գործընկերներ, հարցս հետևյալն է: Եթե ոչ ռեզիդենտ կազմակերպությունը հիմնական միջոցի տեղադրման ծառայություն է մատուցել ՀՀ ռեզիդենտ կազմակերպությանը, ապա ՀՀ ռեզիդենտը քանի՞ տոկոս շահութահարկ պետք է հաշվարկի` 10՞, թե՞ 20:

Ովքե՞ր են համարվում ՀՀ ռեզիդենտ

Վահագն.

Բարև ձեզ: Խնդրում եմ օգնել հասկանալ մի հարց: Եթե օտարերկրյա քաղաքացին ՀՀ-ում գրանցվում է որպես անհատ ձեռնարկատեր և ՀՀ-ում զբաղվում է մանրածախ առևտրով, այդ դեպքում նա ՀՀ-ում համարվում է ռեզիդե՞նտ, թե՞ ոչ ռեզիդենտ: Իմ կարծիքով նա կհամարվի ռեզիդենտ ՀՀ-ում գրանցման պահից սկսած: Չգիտեմ` ճիշտ եմ արդյոք, թե ոչ: