Tag: փոխանցում

Արտարժույթի փոխանցում ԱՁ անձնական հաշվին

Գագիկ․

Բարև Ձեզ։ ԱՁ-ն ծառայության համար ստացել է գումար՝ ԱՄՆ դոլարով, պարտավորությունները կատարելուց հետո ցանկանում եմ օգտագործել մնացած գումարը։ Այլ հաշվեհամարի չեմ կարող փոխանցել (ներառյալ իմ անձնական հաշվին)։ Այսինքն կարող եմ միայն կանխիկացնել, որից առաջանում են լրացուցիչ ծախսեր։

– դոլար կանխիկացնելու դեպքում բանկը պահում է 1%
– իսկ դրամի վերածելուց բանկի տոկոսադրույքը բավականին ցածր է

Գումարը պլանավորում եմ օգտագործել դոլարով՝ արտասահմանից գնումներ կատարելու համար։

– ԱՁ հաշվից դոլարով կանխիկացնելու դեպքում պետք է մուտք անեմ այլ դոլարային հաշվի՝ կորցնելով 1%
– Դրամով կանխիկացնելու դեպքում առաջանում է կրկնակի փոխանակում, երբ մուտք անեմ այլ հաշվի

Կասե՞ք, խնդրում եմ, թե ինչու չեմ կարող ուղղակի փոխանցել իմ անձնական դոլարային հաշվին։

Կրեդիտորական պարտքի փոխանցում երրորդ կողմին

Ժաննա․

Բարև Ձեզ, հարգելի հաշվապահներ, խնդրում եմ օգնել հետևյալ հարցում․

Եթե ՀՀ ռեզիդենտ ՍՊԸ-ն ունի կրեդիտորական պարտք ոչ ռեզիդենտ ՍՊԸ-ին, և այդ ՍՊԸ-ն զիջում է մեր պարտքը մեկ այլ ոչ ռեզիդենտ ՍՊԸ-ի։ Ասացեք խնդրեմ՝ ի՞նչ հաշվապահական ձևակերպումներ պիտի տամ, և ի՞նչ փաստաթղթեր են անհրաժեշտ, արդյո՞ք պետք է պարտքի փոխանցման եռակողմ համաձայնագիր։

ՀԴՄ կտրոն հաշվի փոխարեն

Աշոտ․

Բարև ձեզ։ Եթե ֆիզանձի հետ գործարք ենք կատարում, և գումարը փոխանցվում է ԱՁ-ի բանկային հաշվին, որպեսզի ֆիզանձի անունով հաշիվ դուրս չգրենք, իրավունք ունե՞նք ՀԴՄ կտրոն տպել, թե՞ ՀԴՄ կտրոնը մենակ կանխիկի ու ՊՕՍ-ի դեպքում ա կարելի։

ԱՁ գումարի տնօրինում

Արամ․

Բարև ձեզ: Ես ԱՁ եմ բացել, գործունեություն եմ ծավալում լուսանկարչության ոլորտում, չունեմ աշխատողներ: Ծառայություն եմ մատուցել այլ ՍՊԸ-ի ու գումարը ստացել եմ իմ բիզնես հաշվին: Կարո՞ղ եմ գումարն այդ հաշվից փոխանցել իմ կամ մեկ ուրիշի ֆիզիկական հաշվին:

Աշխատավարձի փոխանցում բիզնես քարտին

Սուսաննա․

Բարև Ձեզ: Խնդրում եմ պատասխանել մի հարցիս: ՍՊԸ-ն բացելիս բանկում 2 հաշվեհամար են տվել, որից մեկը ընթացիկ հաշիվ, որը բացված է տնօրենի անունով, ու տվել են տնօրենին այդ հաշվեհամարի բիզնես քարտը: Հիմա կարո՞ղ եմ այդ հաշվեհամարին տնօրենի աշխատավարձը փոխանցել, թե՞ դա ՍՊԸ-ինն է, և տնօրենը պետք է իր համար առանձին հաշվեհամար բացի։

Անձնական փոխանցումներ

Վազգեն․

Ողջույն, հարգելի հաշվապահներ և օրենքի գիտակներ։ ՊԵԿ -ից չկարողացան կամ չցանկացան պատասխանել իմ հարցին՝ ուղղորդելով ՀՀ հարկային օրենսգրքի 147 հոդվածին։

Ես եկամուտներ եմ ստանում ինչպես ՀՀ դրամով, այնպես էլ ԱՄՆ դոլարով։ Հարկերը վճարում եմ։ Տան ծախսերը հոգում է կինս, դրա համար ամսական (3 000 ԱՄՆ դոլար կամ 1 մլն ՀՀ դրամը չգերազանցող) գումարներ եմ փոխանցում իմ անձնական հաշվից կնոջս անձնական հաշվեհամարին։ Ես նաև օգնում եմ թոշակառու ծնողներիս՝ էլի ամսական գումար փոխանցելով իրենց հաշվեհամարին։

Հիմա հարց․ արդյո՞ք այդ փոխանցումները (ՀՀ դրամով ու ԱՄՆ դոլարով) կարող ե՞ն համարվել եկամուտ ու հետագայում խնդրո առարկա դառնալ։ Փոխանցումները կատարում եմ ՀՀ բանկերի միջև միայն ֆիզիկական հաշվեհամարից դեպի ֆիզիկական հաշվեհամար։ Շնորհակալություն։

ԱՁ փոխանցում անձնական հաշվին

Վազգեն․

Բարև Ձեզ։ ԱՁ զբաղվում է ՏՏ ծառայությունների մատուցմամբ, աշխատող չունի։ Ծառայությունների համար վճարվում է ԱՄՆ դոլարով։ Փոխանցումը ստանալուց և հարկերը վճարելուց հետո կարո՞ղ եմ ԱՁ հաշվին մնացած «մաքուր» գումարը փոխանցել իմ անձնական հաշվին հետագա ծախսելու համար։ Եվ հարց համար երկու՝ կարո՞ղ եմ փոխանցել կնոջս անձնական հաշվին։ Շնորհակալություն։

Արդյո՞ք ՀԴՄ-ն պարտադիր է

Սուսաննա․

Բարև Ձեզ: Նախադպրոցական կրթություն իրականացնող ՍՊԸ-ն կարո՞ղ է աշխատել միայն անկանխիկ եղանակով, այսինքն չունենալ ՀԴՄ սարք, թե՞ ՀԴՄ չունենալը կարող է հետագայում խնդիրներ առաջացնել։

Գումարի փոխանցում ֆիզիկական անձին

Սոնա․

Բարև Ձեզ։ Եթե Հայաստանում գտնվող ընկերությունը (որը այլ երկրի մասնաճյուղ է) գումար փոխանցի ֆիզիկական անձի անձնական հաշվեհամարին 400 000-ի չափով, արդյո՞ք ֆիզիկական անձը խնդիրներ կունենա հարկային դաշտում։

Փոխանցում այլ անձի

Հարութ․

Հարգելի հաշվապահներ, հարցս հետևյալն է․ ԱՁ-ն կարո՞ղ է իր բանկային հաշվին եղած դրամը կամ արտարժույթը փոխանցել այլ անձի բանկային հաշվին կամ տալ արտարժույթով փոխառություն՝ փոխանցելով օտարերկրյա բանկային հաշվին այդ անձի և հետ ստանալ այդ գումարը կանխիկ մաս մաս։

Մատակարարի հաշիվները բացակայում են

Գոհար․

Բարև Ձեզ: Համայնքային ոչ առևտրային կազմակերպություն է, հաշվառումը վարում ենք հանրային հատվածի հաշվապահական հաշվառման օրենքով: Մատակարարից ստացել ենք ապրանք, որի համար ունենք ակտ և արձանագրություն հանձնման-ընդունման, չունենք հաշիվ ապրանքագիր: Կազմակերպությունը գրանցված է Ղարաբաղում: Հաշիվ ապրանքագրերը բացակայում են մինչև ֆորս մաժորը և դրանից հետո: Արդյո՞ք իրավունք ունենք հաշվապահական ձևակերպում տալ և գումարը փոխանցել: Շնորհակալություն:

Լեզուների դասավանդում ֆիզ. անձի կողմից

Վահագն․

Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։

ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։

Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։

Ա/Ձ ցանկանում է կատարել մաքրման աշխատանքներ

Սյուզան․

Բարև Ձեզ։ Ա/Ձ ցանկանում է կատարել մաքրման աշխատանքներ, ո՞րն է ճիշտ․

1․ Միկրոձեռնարկատիրությա՞ն, թե՞ շրջ․ հարկի հայտը ներկայացնի։ Այս պահին կազմակերպության հետ պետք է աշխատի, հետագայում տան մաքրման ծառայություններ պետք է կատարի։

2․Բանկային հաշիվ բացելուց հետո կարո՞ղ են փոխանցումները հաշվին կատարվել, թե՞ ՀԴՄ է հարկավոր։

Աշխատավարձը չի փոխանցվել

Նարին․

Բարև Ձեզ: Որպես աշխատող սեպտեմբերի կեսին գրանցած ֆիրմայում պետռեգիստր գրանցման հաջորդ օրը գրանցել ենք նաև աշխատող միայն տնօրեն, ոչ լրիվ աշխատաժամանակ շաբաթական 10 ժամ ՝ օրական 2 ժամ, ժամը 1 000դրամ: Տնօրենի հաշվետվությունը եկամտայինի մասով հոկտեմբերին տրվել է, հարկը վճարվել, բայց աշխատավարձի փոխանցում քարտին չի եղել, ինչպե՞ս կարող եմ շտկել խնդիրը։ Արդյո՞ք հնարավոր է սեպտեմբեր և հոկտեմբեր ամսվանը նշել բանկային փոխանցման մեջ, որպեսզի ճիշտ լինի։

Արդյո՞ք առաջանում է եկամտային հարկի պարտավորություն

Արտակ․

Բարև Ձեզ։ Կխնդրեի օգնել հետևյալ հարցում՝ եթե ՌԴ ֆիզիկական անձը ՀՀ ֆիզիկական անձին գումար է փոխանցում, արդյո՞ք ՀՀ ֆիզիկական անձի համար առաջանում է եկամտային հարկի պարտավորություն։

Փոխանցում ԱՁ հաշվեհամարին

Տիգրան.

Աշխատանքի առաջարկ եմ ստացել ՌԴ-ից։ Ցանկանում եմ ԱՁ բացել, բայց փոխանցումը ՌԴ-ից իմ ԱՁ հաշվեհամարին խնդիր է։ Գործը ՏՏ ոլորտում է։ Ո՞վ փորձ ունի, կարո՞ղ եմ արդյոք քարտիս (անհատական) փոխանցված գումարը ներկայացնել հաշվետության մեջ։ Շնորհակալություն։

Փոխանցումներ հաշիվների միջև

Անի․

Բարև Ձեզ։ ԱՁ-ն գործունեություն չի ծավալել: Բանկն ԱՁ-ի հաշվին շարժ չլինելու պարագայում կես տարին մեկ կլորիկ գումար է գանձելու: Բանկին պարտք չմնալու համար ուզում եմ գումարն իմ անձնական հաշվից փոխանցել ԱՁ-ի հաշվին ու հետո հետ անձնականին, այդ կերպ ապահովել շարժն: Արդյո՞ք անհրաժեշտ է ԱՁ-ի հաշվին անձնական հաշվից փոխանցված գումարն փաստաթղթավել ու ձևակերպել:

Ֆրիլանս գործունեություն

Վազգեն․

Բարև Ձեզ։ Ծավալելու եմ ֆրիլանս գործունեություն Upwork հարթակում և ցանկանում եմ աշխատել որպես ԱՁ շրջանառության հարկի համակարգում։ Ունեմ մի քանի հարց ընդհանուր պրոցեսի վերաբերյալ։ Կնկարագրեմ գործընթացը իմ պատկերացմամբ՝ ընթացքում ներկայացնելով հարցերը։

Նախատեսում եմ Հայ Փոստի գրասենյակում հաշվառվել որպես ԱՁ։ Քանի որ աշխատելու եմ տանից, հասցեն կարող եմ ուղղակի նշել իմ գրանցման հասցեն, չէ՞։ Նաև գրանցումից հետո ինչպես եմ ստանալու ՀՎՀՀ-ն և taxservice մտնելու կոդերը։

Ծառայությունների գումարը անմիջապես ստանալու եմ հաշվիս ինչ-որ ժամանակը մեկ, և այդտեղ ՀԴՄ-ով գործառույթ հնարավոր չէ, ինչպե՞ս եմ եկամուտը արտացոլելու և ի՞նչ փաստաթղթաշրջանառություն պետք է անեմ։

Եվ վերջին հարցը հաշվետվությունների մասով։ Պետք է ուղարկեմ շրջհարկով աշխատելու հայտ, որի համար կա նախկին տարվա եկամուտների շեմ։ Քանի որ նոր եմ սկսում, սա հավանաբար արդիական կլինի մյուս տարվանից չէ՞։ Նաև կասե՞ք՝ որքան է շեմը։

Պետք է ուղարկեմ եռամսյակային հաշվետվություններ և ամեն տարվա սկզբում նորից շրջհարկի հայտ, նաև ԱՁ-ի սոցվճարի և շահութահարկի հաշվետվությունները (ամսական 5-5 հազարականների մասով)։ Որևէ բան բաց թողե՞լ եմ։

ԱՁ եկամուտ

Եվա․

Խնդրում եմ կասե՞ք՝ ԱՁ իր ծառայության դիմաց ստացել է դոլլարով գումար, դա որպես անձնական եկամուտ կարո՞ղ է փոխանցել իր անձնական հաշվեհամարին, թե՞ պարտադիր պետք է ՀՀ դրամով փոխանցի, և եթե դժվար չէ՝ հղում կարո՞ղ եք տալ օրենքի կետին։

Վճարումներ տերմինալով

Վահագն․

Բարև Ձեզ։ Տերմինալով բանկային հաշվի վրա փոխանցումները համարվու՞մ են անկանխիկ վճարում։

Գումարի կանխիկ ստացում ֆիզ. անձանց միջև

Վահագն․

Բարև Ձեզ։ Քաղաքացին ավտոմեքենան վաճառում է այլ քաղաքացու, գումարը կարո՞ղ է կանխիկ ստանալ, թե՞ պարտադիր պետք է վճարումը կատարվի անկանխիկ եղանակով։

Աշխատավարձի փոխանցում

Անահիտ․

Խնդրում եմ ասել՝ ԱՁ իր աշխատակցի աշխատավարձը պարտադիր իր ԱՁ հաշվեհամարից պետք է փոխանցի որպես աշխատավարձ, թե՞ կարող է իր անձնական մոբայլ բանկինգով փոխանցել, որը ԱՁ հաշվեհամար չէ։

Աշխատավարձի փոխանցում քարտին

Վահագն․

Ամսական աշխատավարձի անկանխիկ վճարման համար, աշխատողը պե՞տք է պարտադիր ունենա բանկի կողմից տրամադրված աշխատավարձի քարտ, թե՞ կարող եմ աշխատավարձը փոխանցել նրան պատկանող ցանկացած բանկային քարտի։

Հարկերի վճարում անձնական հաշվեհամարից

Տաթև․

Բարև ձեզ, հարգելիներս: ՍՊԸ-ի տնօրենը հարկերը վճարել է անձնական հաշվից՝ նշելով ՀՎՀՀ և ՍՊԸ-ի անունը: Բայց հարկային պարտավորությունը ցույց է տալիս դեռ: Ինչպե՞ս վարվել: Հնարավո՞ր է հետ նստացնել այդ գումարը: Պետք է պարտադիր ՍՊԸ-ի հաշվից վճարել, ճիշտ է չէ՞:

Արդյո՞ք առաջանում է եկամտային հարկ

Էդուարդ․

Բարև Ձեզ։ Եթե ՌԴ-ից կազմակերպության անունից գումար ուղարկեն Հայաստանում ֆիզիկական անձի բանկային հաշվեհամարին, ստացող ֆիզիկական անձից եկամտային հարկ գանձվու՞մ է, թե՞ ոչ։

ԱՁ-ն իր անձնական հաշվին գումար է փոխանցում

Եվա․

Խնդրում եմ կասե՞ք՝ եթե ԱՁ-ն իր անձնական հաշվին գումար է փոխանցում, ինչպե՞ս պետք է ձևակերպել, ի՞նչ պարտավորություն կառաջանա։ ԱՁ-ն ծառայություն է մատուցում, շրջ․ հարկի դաշտում է աշխատում։

Փոխանցման պահումները որպես ծախս

Անի․

Բարև Ձեզ, հնարավո՞ր է միջազգային փոխանցման պահումներն որպես ծախս ձևակերպել: Եթե այո, հոդվածին հղում կանե՞ք: ԱՁ-ն զբաղվում է freelance աշխատանքով ընդհանուր հարկման համակարգում, ծառայություններն արտահանում է` 0-ական ԱԱՀ:

Ապրանքի դիմաց վճարում ֆիզ. անձի կողմից

Կարեն․

Բարև Ձեզ։ ԱԱՀ-ով աշխատող ԱՁ-ն ֆիզ անձին 200 000 ՀՀ դրամի ապրանք է վաճառել՝ դուրս գրելով հարկային հաշիվ։ Քանի որ դիմացի կողմը ֆիզ անձ է, կարո՞ղ է մինչև 300 000 ՀՀ դրամի կանխիկ չափով վճարում կատարի։ Հարկային հաշիվ գրելու դեպքում արդյո՞ք պարտադիր է անկանխիկ վճարում կատարի։

Կայքով թվային ապրանքների վաճառք

Տաթև․

Բարև Ձեզ, սիրելի հաշվապահներ 🙃 ԱՁ-ն շրջհարկով է գործում, կայքով թվային ապրանքներ պետք է վաճառվեն, փոխանցումները իդրամով, ինչպես նաև բանկային քարտերով կայքում կլինի: Խնդրում եմ օգնել հասկանալ.

1. ՀԴՄ կտրոնի գեներացումը բավարա՞ր է, թե՞ նաև հաշիվ վավերագիր պետք է դուրս գրել

2. Եթե գնորդը ՀՀ-ից դուրս է, այլ հարկեր առաջանու՞մ են

3. Վճարման համակարգից պահումները ինչ որ ձևով ծախս հնարավո՞ր է ձևակերպել, եթե արտադրություն է (ապրանքները մշակվում են ԱՁ-ի կողմից / չեն գնվում )։

Շնորհակալ եմ:

Զգուշացեք խաբեությունից

Գոհար․

Բարև Ձեզ։ List.am-կայքով վաճառք կատարելու նպատակով գնորդը ինձ ուղարկում է հայ փոստի լինկ, որտեղ ամեն ինչ շատ պարզ գրված ու լրացրած էր, ինձ միայն մնում էր հաստատել քարտիս տվյալները, որպեսզի գումարը նստեր իմ հաշվին։ Քարտիս տվյալները լրացնելուց հետո սպասում եմ, որպեսզի հաստատվի ու բացում էլի լինկ,որով ես մտնեմ իմ օնլայն բանկինգ,ինձ էդ ընթացքում գալիս է 3 հատ կոդ ու չի հաստատում ոչ մի գործարք։ Ես գնորդին գրում եմ, որ չի հաստատվել Ձեր փոխանցումը, ինքը ինձ ասում է՝ Ձեզ կոդ պետք է գար, ուղարկեք ինձ, ես ուղարկեմ հայփոստ, թող կարգավորեն։ Ես կոդը ուղարկում եմ ու սպասում պատասխանի, էդ ընթացքում մտածում եմ՝ ստուգեմ օնլայն բանկինգս, հնարավոր է նստած լինի էս ընթացքում, ու տեսնում եմ, որ ինչքան գումար ունեի հաշիվներիս վրա, բոլորը զրոյացել է ու ցույց է տալիս, որ իմ հաշվի ուրիշ քարտապանի գումար ա փոխանցվել։ Գրում եմ գնորդին եղելիությունը, ինքը ինձ գրում է, թե ինչ որ վճարահաշվարկային համակարգում տեխնիկական խնդիր կա, պետք է քարտի վրա գումար լցնեք, որ ձեր գումարը հետ վերադարձնեն։ Ուշ, բայց հասկանում եմ, որ խարդախության զոհ դարձա։ Նույն րոպեին զանգում եմ ինձ սպասարկող բանկ, բլոկավորում ենք օնլայն բանկինգս, պատմում եմ կատարվածի մասին ինձ ասում են, որ չեղարկման դիմում կներկայացնեն բանկ։ Ես հաջորդ օրը մոտենում եմ բանկ, ու մինչև օրս ինձ ոչ մի հիմնավոր պատասխան չեն տալիս։ Կասե՞ք՝ ես ունեմ տարբերակ գումարս հետ բերելու։

Աշխատավարձի փոխանցում այլ հաշվեհամարի

Քրիստինե․

Բարև բոլորին։ Կարո՞ղ ենք աշխատողի, տնօրենի աշխատավարձերը փոխանցել ոչ իրենց հաշվեհամարին։ Կանխավ շնորհակալ եմ։

Շահաբաժնի վճարում

Ռոզա․

Բարև ձեզ, հարգելի գործընկերներ։ Կազմակերպությունը կարո՞ղ է դրամարկղի մնացորդից հիմնադրին շահաբաժին վճարել քարտային հաշվին փոխանցման միջոցով, և դա կհամարվի՞ արդյոք անկանխիկ գործարք: Գումարը գերազանցում է 300 000 դրամը: Կանխավ շնորհակալություն։

Աշխատավարձի փոխանցում այլ անձի

Վարդինե․

Բարև Ձեզ։ Խնդրում եմ, ինձ կարո՞ղ եք օգնել՝ գրանցված աշխատողը կարո՞ղ է իր դիմումի համաձայն աշխատավարձը ստանալ ոչ իր անվան քարտով։

Շինարարական կազմակերպություն

Մարիաննա․

Բարև Ձեզ, հարգելի հաշվապահներ։

Շինարարական կազմակերպությունը զբաղվում է և՛ արտադրանք տալով, և՛ վաճառքով։

1.Չունի ՀԴՄ, եկամուտը ստանում է բանկային հաշվի վրա, արդյո՞ք պետք է այդ եկամուտները գրել դրամարկղի գրքում։

2.Ի՞նչ հաշվետվություն պետք է հանձնի տարվա կտրվածքով, եթե աշխատում է ԱԱՀ-ով։ Ունի նաև գրանցված աշխատողներ, դա գիտեմ Ձև 189 է։

3.ՀԴՄ ունենալը պարտադի՞ր է, թե՞ ոչ։

ՍՊԸ-ն ստացել է բիզնես քարտ

Ելենա․

Բարև Ձեզ։ Այսպիսի հարց։ ՍՊԸ ունի հաշվարկային հաշիվ և հիմա ստացել է բիզնես քարտ։ Հնարավո՞ր է դրամարկղից գումարի մուտք անել բիզնես քարտի հաշվարկային հաշվին, թե՞ սկզբից հարկավոր է մուտքագրել ՍՊԸ-ի հաշվարկային հաշվին և այնտեղից փոխանցել բիզնես քարտի հաշվին։ Կանխավ շնորհակալ եմ։

Փոխանցումներ ֆիզ. անձանց կողմից

Մարիամ.

Բարև Ձեզ։ Ֆիզիկական անձը 2021 թվականին ընկերությանը պարբերաբար մատուցել է խորհրդատվական ծառայություն՝ առանց պայմանագրի։ Անձը ենթադրել է, քանի որ գումարը ստանում է բանկային փոխանցումների միջոցով (20 000 դոլար) և գործարքի մյուս կողմը հանդիսանում է իրավաբանական անձ, հարկերը վճարելու է ընկերությունը, բայց բանկային հաշիվների ստուգումից հետո պարզել է, որ գումարները փոխանցվել են ոչ թե ընկերության բանկային հաշվից, այլ փոխանցումները իրականացրել են ֆիզիկական անձանց կողմից։ Արդյո՞ք անձը կարող է այս իրավիճակում որևէ ձևով ազատվել հարկային պատասխանատվությունից։ Գրանվցելու դեպքում և 2021թ. պարտավորությունները կատարելու դեպքում, արդյո՞ք ՊԵԿ-ը կարող է կիրառել հարկային օրենսգրքի 407-րդ հոդվածը կամ ենթարկել քրեական պատասխանատվության ապօրինի ձեռնարկատիրության համար։ Շնորհակալություն։

Փոխանցում հաշվետու անձին

Աննա․

Բարև Ձեզ, ընկերությունը դրամային հաշվից գումար է առհաշիվ անձին փոխանցել: Հաշվետու անձը կանխիկացրել և տարադրամի փոխանակման կետում կոնվերտացիա է արել, դարձրել է ռուբլի և մուտք է արել ընկերության ռուբլու հաշվին (առհաշիվ գումարի վերադարձ՝ ռուբլով): Խնդրում եմ ասեք՝ խնդիրներ կա՞ն անկանխիկ գործառնությունների մասով։ Ըստ անկանխիկ գործառնությունների մասին օրենքի 3-րդ հոդվածի՝ 1) անկանխիկ ձևով գործառնություն (վճարում)` կանխիկ կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) բանկային հաշվին, կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) էլեկտրոնային փողի հաշվին: Ընդ որում, անկանխիկ եղանակով նախաձեռնած վճարում է համարվում նախաձեռնողի բանկային կամ էլեկտրոնային փողի հաշվից կատարված վճարումը (փոխանցումը). 2) 4) կանխիկ ձևով գործառնություն (վճարում)` սույն օրենքով սահմանված` անկանխիկ չհանդիսացող վճարում. Սա վերաբերու՞մ է արդյոք վերոնշյալ գործարքին։ Կանխավ շնորհակալություն:

Հաշվապահական ձևակերպումներ

Ալիսա.

1)Ձեռք են բերվել նյութեր 600.000 դրամի, վճարումը կատարվել է բանկային փոխանցմամբ։

2)60.000 դրամի նյութեր օգտագործվել են իրացման բաժնում։

3)Տրվել է կանխավճար 4000.000դր, որի դիմաց ձեռք է բերվել 7000.000դր ապրանքներ, մնացածը մնալով պարտք։

4)200.000 դր արժողությամբ նյութերը փոխանակվել են համարժեք ապրանքների հետ։

5)Ստացվել է կանխավճար 3000.000դր, որի դիմաց մատակարարվել է 3000.000դրամ արժողությամբ ապրանքները 4000.000դրամով, մնացածը մնալով պարտք։

Ինչպե՞ս ձևակերպեմ։

Աշխատավարձը կրկնակի է փոխանցվել

Բարև Ձեզ։ Եթե օգոստոս ամսին աշխատավարձը պատահական կրկնակի է գնացել՝ ողջ անձնակազմինը, ի՞նչ իրավական և հարկային գործողություններ պիտի արվի։ Կգրեք կարծիք։ 1․ Եկամտային հարկը ամբողջը գրվի օգոստոսում, թե՞ մասնատվի ըստ նախատեսվածի։

ՀԿ օգտվում է թարգմանչական ծառայությունից

Վիգեն.

ՀԿ-ն չունի գրանցված աշխատող, կարո՞ղ է օգտվել ծառայությունից (օրինակ՝ թարգմանչական ծառայությունից) և կատարել փոխանցում համապատ. ծառայության համար։ Կանխավ շնորհակալություն։

Փոխանցում Իդրամով

Արտյոմ.

Բարև ձեզ։ Ընկերությունը աշխատողի աշխատավարձը փոխանցել է Իդրամի աշխատողի էլ․ դրամապանակին՝ ստացող դաշտում նշել է՝ Իդրամ ՍՊԸ, նպատակ դաշտում տվյալ աշխատողի անուն, ազգանունը ստացման հիմքը, այսինքն՝ աշխատավարձ։ Հարցս հետևյալն է․ ինչպե՞ս կդիտարկվի այս փոխանցումը՝ որպես աշխատավա՞րձ, թե՞ ՍՊԸ-ին տրված գումար ինչ որ ծառայության համար։

Pos տերմինալի հետ կապված

Ասյա.

Բարև Ձեզ։ Տանից հագուստի վաճառքով զբաղվող ՍՊԸ-ն, որ վաճառքը իրականացնում է նոր սերնդի ՀԴՄ սարքով՝ առաքումով միայն, նույնպես պե՞տք է pos տերմինալի համար բանկին դիմի, քանի որ տուն մարդ չի գալիս, քարտով վճարում չի իրականացվում, վճարումը իրականացնում են կանխիկ՝ ՀԴՄ կտրոնով՝ առաքիչին տալով կամ անկանխիկ ՍՊԸ-ի քարտային հաշվեհամարին փոխանցելով՝ նշելով հդմ սարքում անկանխիկ և այլ վճարային տերմինալ։ Հիմա Ամերիաբանկը ասում է, եթե 300 000 դրամը pos-ի ակտիվացումից հետո չեք ապահովում, ապա տուգանք է 10 000 դրամ։ Իսկ ինչպե՞ս ապահովենք, եթե տուն հաճախորդ չի մոտենում և հետևաբար քարտով վճարում չի լինում pos-ի միջոցով։ Կխնդրեմ, եթե տեղյակ է որևէ մեկը՝ գրեք։ Նախապես շնորհակալ եմ։

Քարտով աշխատավարձի ստացում

Ալլա․

Բարև Ձեզ, ցանկանում եմ իմանալ՝ Քաղաքացիաիրավական պայմանագրով աշխատողները աշխատավարձը պետք է քարտո՞վ ստանան։

Փոխանցում հաշվեհամարին

Բարև ձեզ: Միկրոյով աշխատող Ա/Ձ-ի հաշվեհամարին, եթե գումարներ փոխանցվի` ի?նչ խնդիր կառաջանա, ու ես եթե հաշիվ չգրեմ:

Կանխիկի ստացում մինչև 300 000 դրամ

Արա․

Բարև ձեզ, հարգելի հաշվապահներ։ Եթե ընկերությունը ֆիզիկական անձանց տվյալներով դուրս է գրում հաշվարկային փաստաթուղթ, և գումարը չի գերազանցում 300 000 դրամը, արդյո՞ք չի կարող դա կանխիկ ստանալ, այլ պետք է փոխանցվի միայն հաշվարկային հաշվին։

Ատամնաբուժարանի գործունեության հետ կապված

Էմի․

Բարև Ձեզ։ Խնդրում եմ ասեք ատամնաբուժարանների գործունեությունը ինչպե՞ս պետք է կազմակերպվի հուլիսի 1-ի օրենքի փոփոխության հետ կապված, վճարումների փոխանցումների հետ կապված, ամեն բժիշկ պետք է ունենա իր հաշիվը ու փոխանցվի այդ հաշվին, թե՞ ԱՁ-ի ընդհանուր հաշվին պետք է փոխանցվի։ Կմանրամասնեք խնդրում եմ:

Ե՞րբ է փոխանցվում մայրության նպաստը

Լիլիթ․

Բարև ձեզ։ Կասեք ինձ՝ ե՞րբ է ֆիզարձակուրդի գումարը նստում գործատու հաշվին։ Աշխատողը արձակուրդի է անցել 01.02.2022թ․։

Դրոշմանիշային վճարի վճարում

Մանե.

Ողջույն: Դրոշմանիշային վճար վճարելիս Շահառուի վանդակում գրելու եմ ՊԵԿ, թե՞ ֆինանսների նախարարություն, թե՞ ընդհանրապես այլ բան:

Աշխատավարձի անկանխիկ վճարումներ

Թամարա․

Հարգելի հաշվապահներ, ասացեք խնդրեմ՝ աշխատավարձի անկանխիկ վճարումները 2022թ․ հունվարի 1-ի՞ց, թե՞ հուլիսի 1-ից պետք է կիրառվեն։ Շնորհակալություն։

Եկամտային հարկի պարտավորություն

Լիլիթ․

Բարև Ձեզ։ Կազմակերպությունը գործում է հանրային սննդի ոլորտում, որպես ՍՊԸ, կասեք խնդրեմ՝ եթե եկամտային հարկը փոխանցում է բանկային համակարգով, ապա ի՞նչ հաջորդականությամբ է կատարվում գործընթացը, ներկայացնում է հաշվետվությունը և ըստ այդմ կատարում վճարումներ։ Շնորհակալ եմ նախապես։