Архив по этикетке: անաշխատունակություն

Июл 06 2020

Եթե աշխատողը վայրի շների հարձակումից տուժել է

Բարև Ձեզ, եթե աշխատողը վայրի շների հարձակումից վնասվել է, և առաջացել է առողջական խնդիր ու բժշկական ուղեցույցով առողջականը չի ներում նախկին աշխատանքը կատարելուն: Ի՞նչ անի այդ անձնավորությունը։

Июл 06 2020

Նպաստը հաշվարկելիս արդյո՞ք հաշվարկվում են օրապահիկները

Բարև Ձեզ, երկու հարց ունեմ.
1․ Ֆիզ․ արձակուրդի գումարը հաշվարկելիս օրապահիկները հաշվարկու՞մ են /ներառվում են հաշվարկվող գումարների մեջ/:
2․ Եթե 7-րդ ամսում չես գնում ֆիզ․ այլ 8-րդ ամսում, այդ դեպքում 140 օրը հաշվարկվու՞մ է 8-րդ ամսից:

Июл 06 2020

Արդյո՞ք աշխատակիցը կստանա մինչև 2 տարեկան երեխայի խնամքի նպաստ

Արթուր.

Դեպք 1. Կազմակերպությունը աշխատակցի կողմից ներկայացված անաշխատունակության թերթիկի հիման վրա հաշվարկել և վճարել է նրան մայրության նպաստ, որից հետո գրանցման հայտով աշխատակցի համար ձևակերպվել է մինչև 3 տարեկան երեխայի խնամքի արձակուրդ: Այնուհետև կազմակերպությունը, հանդիսանալով տուժած ոլորտի սուբյեկտ, դիմում է ներկայացրել անորոշ ժամկետով գործունեությունը դադարեցնելու վերաբերյալ: Հարցս հետևյալն է. արդյո՞ք այդ դեպքում դադարեցվում է երեխայի խնամքի ամսական 18 000 դրամ վճարումը:

Դեպք 2. Կազմակերպությունը աշխատակցի կողմից ներկայացված անաշխատունակության թերթիկի հիման վրա հաշվարկել և վճարել է նրան մայրության նպաստ, և մինչ աշխատակիցը գտնվել է հղիության և ծննդաբերության արձակուրդում, կազմակերպությունը, հանդիսանալով տուժած ոլորտի սուբյեկտ, դիմում է ներկայացրել անորոշ ժամկետով գործունեությունը դադարեցնելու վերաբերյալ: Ո՞վ է վճարելու երեխայի խնամքի նպաստը այս դեպքում, և արդյո՞ք վճարվելու է:

Июл 03 2020

Ինչպե՞ս է հաշվարկվում մայրության նպաստը

Քնքուշ.

Բարև Ձեզ: Ես աշխատում եմ Ա/Ձ-ում 5 ամիս, մինչ այդ աշխատել եմ այլ ՍՊԸ-ում, հիմա պետք է անցնեմ ֆիզ․ արձակուրդի։ Ասեք խնդրեմինչպե՞ս պետք է հաշվարկել արձակուրդս և արդյոք անհրաժեշտ է նախկին աշխատավայրից տեղեկանք ներկայացնել: Ի դեպ, նախկին աշխատավայրից ինձ տեղեկանք չեն տալիս ստացած եկամուտներիս վերաբերյալ:

Июл 02 2020

Որքա՞ն կկազմի մայրության նպաստը

Նարինե.

Բարև Ձեզ: Կցանկանայի իմանալ, եթե ես հղիության 4-րդ ամսին ընդունվել եմ խանութում աշխատանքի, աշխատում եմ 55 000 դրամ աշխատավարձ: Արդյո՞ք ինձ ֆիզ. արձակուրդ կարող է տալ Ա/Ձ-ն, և որքա՞ն կկազմի իմ ֆիզ. արձակուրդի գումարը:

Июл 02 2020

Քանի՞ օրվա ընթացքում պետք է վճարվի բյուլետենը

Ani.

Բարև Ձեզ: Մայիսի 7-ից 22-ը ներառյալ գտնվել եմ բյուլետենի մեջ: Բյուլետենը ներկայացրել եմ գործատուին մայիսի 27-ին,բայց մինչ օրս չեմ վճարվել դրա համար: Արդյո՞ք դա նորմալ է:

Июн 30 2020

Գործատուն 3 000 դրամի պահում է կատարում

Սուսաննա․

Բարև Ձեզ, ասացեք խնդրում եմ՝ երեխայի խնամքի նպաստից՝ 18 000 դրամ-ից, գործատուն ի՞նչ գումար իրավունք ունի հետ պահելու, ինչ-որ 3 000 դրամ է ասում։

Июн 29 2020

Միկրոձեռնարկատիրության սուբյեկտի գրանցած աշխատողը կարո՞ղ է ստանալ մինչև 2 տարեկան երեխայի նպաստ

Բարև Ձեզ։ Միկրոբիզնեսի գրանցված աշխատողը ֆիզ․ արձակուրդ և մինչև 2 տարեկան երեխայի նպաստ կարո՞ղ է ստանալ։

Июн 29 2020

Հնարավո՞ր է նորից վերադառնալ արձակուրդի և խնամել երեխային մինչև 3 տարեկանը

Արմինե․

Բարև Ձեզ։ Հիմա ես գտնվում եմ ֆիզ․ արձակուրդում, կուզենայի իմանալ՝ ես կարող եմ վերադառնալ աշխատանքի, քանի որ երեխայիս խնամող կա։ Բայց, եթե ինչ որ պահի խնամող չլինի, կարո՞ղ եմ նորից վերադառնալ արձակուրդի մեջ և երեխայիս խնամել մինչև 3 տարեկանը։ Նշեմ, որ դպրոցում եմ աշխատում։

Июн 27 2020

Մայրության նպաստի հաշվարկ

Անի․

Բարև ձեզ։ Իմ գործունեությունը հունվար ամսից փոխվել է միկրոձեռնարկատիրականի, 2015-2019թ֊ից հանդիսացել եմ արտոնագրային հարկ վճարող, իմ գրանցված աշխատողը (2016-ից) պետք է գնա ֆիզ արձակուրդ, կուզեի իմանալ՝ որքա՞ն նպաստ է նա ստանալու։

Июн 27 2020

Մայրության նպաստի հաշվարկ կազմակերպության լուծարման դեպքում

Բարև Ձեզ, խնդրում եմ օգնել ինձ։ Եթե հղիության 6-րդ ամսում կազմակերպությունը լուծարվում է, աշխատողը չի՞ օգտվում նպաստից, պետության կողմից կա՞ արդյոք որևէ փոխհատուցում և եթե այո, ապա ի՞նչ կարգով։ Նախապես շնորհակալ եմ։

Июн 25 2020

Բյուլետենի հաշվարկ

Հրաչյա.

Բարև ձեզ։ Հունիսի 9-ից մինչև 30-ը բյուլետենի մեջ եմ լինելու։ Կեղտոտ աշխատավարձս 320 000 է, որքա՞ն եմ վարձատրվելու։

Июн 25 2020

Ինչպե՞ս հաշվարկել մայրության նպաստը

Inna.

Բարև Ձեզ։ Խնդրում եմ օգնել հաշվարկել մայրության նպաստը: Աշխատողի աշխատավարձը կազմում է 55 454 դրամ, աշխատում է 2020 հունվարի 8-ից:

Июн 25 2020

Ի՞նչ գումար է պետությունը տրամադրելու ֆիզ․ արձակուրդի դեպքում

Աննա․

Բարև Ձեզ։ Ես ունեմ Ա/Ձ, որը միկրոձեռնարկատիրությամբ է զբաղվում (գեղեցկության սրահ) և ունեմ 1 աշխատող: Շուտով ֆիզ. արձակուրդ եմ գնալու: Կասե՞ք ինչ գումար է պետությունը ինձ տրամադրելու: Սրահը շարունակելու է աշխատել։

Июн 23 2020

Երեխայի խնամքի համար արձակուրդի հրաման

Ողջույն: Աշխատողի համար մինչև 3 տարեկան երեխայի խնամքի արձակուրդ ձևակերպելու դեպքում հրաման տրվու՞մ է: Եթե տրվում է` խնդրում եմ կարո՞ղ եք ինձ հրամանի օրինակելի ձև ուղարկեք (arpinesoc շնիկ mail.ru):
Կանխավ շնորհակալություն:

Июн 23 2020

Ինչքա՞ն կկազմի մայրության նպաստը

Ինգա.

Բարև Ձեզ: Ես հանդիսանում եմ կես դրույքով վարձու աշխատող (40 000 դրամ աշխատավարձով) և միաժամանակ հանդիսանում եմ Ա/Ձ, որը կապ չունի իմ գրանցված աշխատավայրի հետ: Ինչքա՞ն կկազմի իմ մայրության նպաստը:

Июн 21 2020

Արդյո՞ք երեխայի խնամքի նպաստը կկրկնապատկվի

Աշխեն․

Բարև ձեզ։ Հարցս այսպիսին է․ ես գտնվում եմ մինչև 2 տարեկան երեխայի խնամքի արձակուրդում, և ամսական ստանում եմ 18 000 դրամ նպաստ։ Հուլիսի 1-ից գիտեմ, որ օրենքում փոփոխություն է կատարվելու և 18 000 դրամը դառնում է 26 500 դրամ։ Ես ապրում է գյուղական բնակավայրում, արդյո՞ք այն կկրկնապատկվի և արդեն ամեն ամիս կստանամ 53 000 դրամ։

Июн 19 2020

Ինչքա՞ն կկազմի արձակուրդայինը

Մարիամ.

Բարև Ձեզ: Խնդրում եմ ինձ ասեք, եթե ես աշխատում եմ դպրոցում և 2019թ.-ի օգոստոսի 24-ից մինչև մայիսի 31-ը գտնվել եմ ֆիզ. աձակուրդում, հունիսի 1-ից աշխատանքի մեջ եմ: Արձակուրդային կստանա՞մ և ի՞նչքան` ամսական 65 000 աշխատավարձի դեպքում:

Июн 15 2020

Արդյո՞ք արձակուրդը երկարում է 4 օրով

Հասմիկ․

Բարև ձեզ, եթե աշխատողը հիվանդության պատճառով 2 ամիս չի հաճախել աշխատանքի և վճարվել է անաշխատունակության համար, այս դեպքում հերթական արձակուրդ երկարու՞մ է 4 օրով։ Նախապես շնորհակալություն։

Июн 15 2020

Արդյո՞ք ԱՁ լինելու փաստը կխանգարի մայրության նպաստ ստանալուն

Հերմինե․

Բարև ձեզ։ Ես և իմ ընտանիքս ապրում ենք Տավուշի մարզի Նոյեմբերյան քաղաքում փաստացի, իսկ գրանցումով՝ Ոսկևան։ Նոյեմբերյան ապրում ենք սկեսուրիս տանը իր հետ մեր ընտանիքը կազմված է երեք չափահաս մարդուց և մեկ անչափահաս փոքրիկից, որը պետք է ծնվի հոկտեմբեր ամսին։ Ես երկու օր է աշխատում եմ խանութում, որի գործատուն ինձ գրանցել է որպես ԱՁ, արդյո՞ք կխանգարի այդ փաստը, որ փոքրիկը ստանա իր հասանելիք մայրության նպաստը, ինչպես նաև մեր գրանցումը և փաստացի ապրելու վայրը կապ ունի թղթաբանության հետ, որ չեղյալ համարվի փոքրիկի հասանելիքներն ստանալուն։ Ասեմ նաև, որ փոքրիկի ծնվելուց հետո միայն հայրություն են ճանաչելու, այսինքն միայնակ մայր կարգավիճակում է լինելու։ Նախապես շնորհակալ եմ պատասխանի համար։ Խնդրում եմ որքան հնարավոր է շուտ պատասխանեք, քանի որ ես կարող եմ հրաժարվել ԱՁ լինելուց։

Июн 11 2020

Դեկրետից դեկրետ գնալու դեպքում

Աննա.

Բարև ձեզ: Դեկրետից դեկրետ գնալու դեպքում դեկրետային գումար տալի՞ս են։ Իմ դեկրետը լրանում է սեպտեմբերի վերջին, իսկ այդ ժամանակ իմ հղիությունը կլինի 5 ամսական։

Июн 11 2020

Անաշխատունակություն և արձակուրդ

Դիցուք՝ աշխատողը արձակուրդի դիմում է ներկայացնում հաշվետու ամսվա 10-ին տվյալ ամսվա 15-ից 25-ի համար և նույն ամսվա 13-ից 24-ը գտնվում է անաշխատունակության մեջ։ Արդյո՞ք տվյալ դեպքում խախտում է տեղի ունենում:

Июн 10 2020

Արդյո՞ք նշանակություն ունի, թե որքան ժամանակ է աշխատում անձը

Նարինե.

Բարև ձեզ: 2 ամսվա գրանցված աշխատողը Ա/Ձ-ում կարո՞ղ է ֆիզ. արձակուրդ գնալ, նշանակություն ունի՞, թե քանի ամսվա աշխատող է։ Նախապես շնորհակալություն։

Июн 06 2020

Որքա՞ն է վճարվում մայրության նպաստ պայմանագրային զինծառայողին

Տան.

Բարև: Ես պայմանագրային զինծառայող եմ: Ստանում եմ 165 000 դրամ: Կասե՞ք՝ որ ամսից կարող եմ գնալ ֆիզ. արձակուրդ, և ինչքա՞ն գումար է տրամադրվում ամսական և ինչքա՞ն ժամանակով:

Июн 05 2020

Արդյո՞ք կա մայրության նպաստի առավելագույն շեմ

Լուսինե.

Բարև ձեզ: Ցանկանում եմ իմանալ՝ ֆիզ. արձակուրդի գումարը հաշվելիս որևէ սահմանափակում կա՞ որպես վերևի շեմ: Արդյո՞ք բարձր աշխատավարձ ստացողները ինչ-որ կերպ տուժվում են արդյունքում:

Շնորհակալություն:

Июн 05 2020

Հաշվետվությունը լրացնելու հետ կապված

Հայկ.

Բարև ձեզ: Կխնդրեմ՝ օգնեք.
ՍՊԸ աշխատակիցը 2020թ. մայիսի 19-ից գնացել է հղիության և ծննդաբերության արձակուրդ: Աշխատակցի համար մայիս ամսին հաշվարկել եմ աշխատավարձ՝ 54 398 դրամ և նպաստի գումար՝ 210 173 դրամ: Ընկերության մայիս ամսվա եկամտային հարկը ընդամենը կազմում է 93 708 դրամ: Հարցս հետևյալն է.
Եկամտային հարկի հաշվարկում այս աշխատակցի համար ո՞ր տողերը պետք է լրացնեմ: 1.11 տողը լրացնում եմ, նաև Նպաստների և հետպահման դասակարգման կոդը, Նպաստի գումար կամ հետպահվող գումար բաժինը, սակայն չի ընդունում՝ նշելով, որ կան սխալներ:
Եվ ցանկանում եմ նաև իմանալ՝ հնարավո՞ր է նպաստի գումարից 93 708 դրամը հատուցվի բյուջեի միջոցների հաշվին, իսկ մնացած 116 465 դրամը՝ գործատուի հաշվին:
Նախապես շնորհակալություն:

Июн 04 2020

Եթե աշխատակիցը կապված համավարակի հետ ինքնամեկուսացել է

Սյուզաննա․

Բարև ձեզ: Խնդրում եմ, օգնեք: Եթե աշխատակիցը կապված համավարակի հետ ինքնամեկուսացել է, սակայն բժիշկից որևէ թուղթ, ցուցում կամ անաշխատունակության թերթիկ չի ներկայացրել, արդյո՞ք վճարվելու է 14 օրը և ի՞նչ կարգով:

Июн 04 2020

Եթե անաշխատունակության թերթիկը երկարացվում է

Լիաննա․

Բարև ձեզ: Ուզում եմ հստակեցնել՝ եթե անաշխատունակության թերթիկը շարունակվում է, որպես միջին վերցվում է նախորդ թերթիկի համար հաշվարկված միջի՞նը, թե՞ այդ թերթիկով տրված գումարը հաշվարկի մեջ վերցվում է, թե՞ ոչ, և շարունակվող թերթիկը նու՞յնպես պետք է առաջին օրը չվճարել, 5 օրը գործատուի հաշվին, իսկ մնացածը՝ բյուջեի: Կանխավ շնորհակալություն:

Июн 03 2020

Որքա՞ն կկազմի միջին ամսական աշխատավարձը

Սիրուշո․

Բարև ձեզ: Ֆիզ.-ից ֆիզ. գնացող աշխատողի միջին ամսական եկամուտը 370 000 է: Քանի որ աշխատել է 5 ամիս՝ 74 000-ական դրամով, ստացվում է ներկայիս նվազագույն աշխատավարձից ցածր: Հիմա միջին ամսական աշխատավարձը 44 156՞ է, թե՞ 45 638։

Июн 03 2020

Հղիության և ծննդաբերության արձակուրդ մեկնող աշխատողը ցանկանում է աշխատել ևս մեկ ամիս

Հասմիկ․

Բարև ձեզ: Կցանկանայի իմանալ ՀՀ ԱՕ համապատասխան հոդվածը, որի հիման վրա գործատուն կարողանա վարձատրել, եթե ես հղիության և ծննդաբերության նպատակային արձակուրդի տեղեկանք ունեմ, սակայն ցանկություն ունեմ աշխատել ևս մեկ ամիս:

Июн 03 2020

Եթե աշխատողը ներկայացրել է անաշխատունակության թերթիկ և վճարվել է

Լիաննա․

Բարև ձեզ: Կարո՞ղ եք ասել՝ եթե աշխատողը ներկայացրել է անաշխատունակության թերթիկ և վճարվել է, հաջորդ ամիս չի ներկայացել աշխատանքի և նույնպես ներկայացրել է անաշխատունակության թերթիկ, ապա այս դեպքում․
1. մեկ օրը պետք է վճարել,
2. բոլորը վճարելու եմ բյուջեի հաշվին:

Կանխավ շնորհակալություն:

Июн 03 2020

Աշխատողը ներկայացրել է անաշխատունակության թերթիկ

Արմինե․

Բարև ձեզ, հարգելի հաշվապահներ: Աշխատողը ներկայացրել է անաշխատունակության թերթիկ 21.04.20-02.05.20 ժամանակահատվածի համար։ Աշխատում է շաբաթական 6 օր, 90 000 կեղտոտ աշխատավարձով: Հաշվարկվել է նրա համար 20 328 դրամ անաշխատունակության նպաստ: Հարցս հետևյալն է՝ որքա՞ն աշխատավարձ պիտի վճարվի նրան ապրիլ և մայիս ամիսների համար, և եթե կարելի է, հաշվարկի կարգը ասեք: Ու էլի մի հարց. ե՞րբ պիտի վճարվի նրան այդ նպաստը: Կանխավ շնորհակալ եմ:

Май 23 2020

Մեկուսացման համար աշխատողը ներկայացրել է անաշխատունակության թերթիկ

Գայանե.

Բարև ձեզ: Խնդրում եմ, ասեք՝ կորոնավիրուսի իրավիճակի հետ կապված մեկուսացման համար աշխատողը ներկայացրել է բուժհիմնարկից անաշխատունակության թերթիկ: Նպաստը պետք է վճարվի 100 տոկո՞ս: Շնորհակալություն:

Май 22 2020

Մայրության նպաստի հաշվարկ ընկերության լուծարման դեպքում

Նելլի.

Բարև ձեզ: Խնդրում եմ պատասխանել հետևյալ հարցին. եթե ընկերությունը լուծարվող է, բայց ես դեռևս աշխատում եմ այնտեղ ու ֆիզ. արձակուրդ գնալու եմ երկու ամսից, ո՞վ է պարտավորվում վճարել դեկրետային գումարը ու ի՞նչ կարգով։ Ղարաբաղում հաշվառման հասցե ունենալս կազդի՞ այդ գումարը ստանալու վրա, ու եթե հնարավոր է, ասացեք, խնդրեմ, թե ինչքան կկազմի դեկրետայինը, եթե մաքուր աշխատավարձս 120 000 ՀՀ դրամ է։ Հոգաչափ շնորհակալ կլինեմ հարցերիս լիարժեք պատասխանը ստանալու համար։

Май 21 2020

Անաշխատունակության նպաստի հաշվարկ

Հակոբ.

Բարև ձեզ, հարգելի հաշվապահներ։ Կխնդրեի՝ ինձ օգնեք. աշխատողը 13 օր եղել է բյուլետենի մեջ, թերթիկը ներկայացրել է, աշխատել է 5-օրյա գրաֆիկով, ստացել է 100 000 դրամ մաքուր աշխատավարձ։ Որքա՞ն գումար պետք է տրամադրվի։

Май 19 2020

Աշխատակցի համար հաշվարկվել է մայրության նպաստ

Հայկ.

Բարև, հարգելի հաշվապահներ:
Կխնդրեմ՝ օգնեք.
Հարց 1. Աշխատակցի համար հաշվարկել եմ մայրության նպաստ, որը կազմում է 210 173 դրամ: Այս գումարից պահվում է միայն 23 % եկամտային հա՞րկ, եթե նույնիսկ աշխատողը սոց. վճարող է:
Հարց 2. Համաձայն օրենքի վճարման ենթակա գումարը ե՞րբ պետք է փոխանցվի աշխատողին, եթե անաշխատունակության սկիզբն է 19.05.2020թ.:
Հարց 3. Միայն եկամտային հարկի հաշվարկու՞մ պետք է լրացնել անաշխատունակության ժամկետները, թե՞ նաև գրանցման հայտում:

Май 14 2020

Երեխայի խնամքի արձակուրդից ֆիզ. արձակուրդ գնալու դեպքում

Բարև ձեզ: Խնդրում եմ, կարո՞ղ եք պատասխանել իմ հարցին. այժմ գտնվում եմ մինչև 3 տարեկան երեխայի խնամքի արձակուրդում, եթե մինչև արձակուրդի վերջանալը գնամ երկրորդ ֆիզ. արձակուրդ, այդ դեպքում օգտվելու՞ եմ հղիության և ծննդաբերության արձակուրդի համար տրամադրվող գումարից, և ինչպե՞ս են հաշվարկը իրականացնելու:

Май 12 2020

Ֆիզ. արձակուրդում գտնվելու ժամանակահատվածը հաշվառվու՞մ է աշխատանքային ստաժում

Կարինե.

Բարև ձեզ: Կուզենայի իմանալ՝ ֆիզ. արձակուրդում գտնվելը համարվու՞մ է աշխատանքային ստաժ, և քանի՞ տարի 1 երեխայի համար: Նշեմ նաև, որ այդ ժամանակահատվածում աշխատել եմ, սակայն 1992թ. հրամանագրքում հրամանս գրված չէ, ուզում եմ ճշտել՝ միայն ծննդականի առկայությունը բավարար է ստաժ համարելու համար։ Կանխավ շնորհակալ եմ:

Май 07 2020

Որքա՞ն կկազմի նպաստը

Ալինա․

Բարև ձեզ։ Ինձ կասե՞ք՝ 4 տարի է աշխատում եմ նույն գործատույի մոտ, աշխատավարձս կազմում է 100 000 դրամ, որքա՞ն կկազմի իմ ֆիզ արձակուրդայինը։ Այդ գումարը տալիս է գործատուն, թե պետությունը։

Май 06 2020

Ֆիզ․ արձակուրդի 3-րդ տարվա երկարացման պայմաններ

Աշխատողի ֆիզ․ արձակուրդի 2 տարին լրացել է, սակայն նա ցանկանում է օգտվել նաև 3-րդ տարվա չվճարվող արձակուրդից։ Ի՞նչ է պետք անի գործատուն արձակուրդի երկարացման համար։ Կա՞ որևէ դիմում- հայտ, որ պետք է ներկայացնել պետական մարմիններ։ Արդյո՞ք աշխատողը ևս պետք է արձակուրդի երկարացման դիմում-հայտ ներկայացնի գործատուին։

Май 06 2020

Ե՞րբ է վճարվում մայրության նպաստը

Լիանա.

Բարև ձեզ: Ես մեկ հարց ունեմ. եթե ես ֆիզ. արձակուրդ եմ գնում մայիսի 11-ից, նշեմ, որ աշխատում եմ բանկում, քանի՞ օրվա ընթացքում պետք է վճարեն ֆիզ. արձակուրդիս գումարը։

Май 05 2020

Որքա՞ն կկազմի ԱՁ մայրության նպաստը

Արփինե.

Բարև ձեզ։ Ես ԱՁ ունեմ 2018թ. դեկտեմբերից, աշխատում եմ շրջ. հարկով՝ 5 %, մատուցում եմ վերելակի վերանորոգման աշխատանք և դրա դիմաց վարձատրվում ամսական 200 000 դրամ ստաբիլ։ 2019թ.-ի շրջանառությունը կազմել է մոտ 5 800 000
դրամ, 2020թ. հունվարի 1-ից մինչ այսօր՝ 3 000 000 դրամ: 1 ամսից գնում եմ ֆիզ. արձակուրդ։ Ինչպե՞ս է հաշվարկվում ֆիզ.-իս գումարը, ինչքա՞ն գումար կստանամ ֆիզ. գնալիս:

Май 03 2020

Անաշխատունակության թերթիկը բացվել է աշխատողի՝ արձակուրդում գտնվելու ժամանակահատվածում

Հերմինե.

Բարև ձեզ: Եթե աշխատողը բյուլետենը ներկայացրել է ուշ, օրինակ՝ մարտ ամսվա օրերի բյուլետենը ներկայացրել է ապրիլի 30-ին, ինչպե՞ս պետք է վճարեմ:
Եվ մեկ հարց էլ. ՀՀ ԱՕ 167-րդ հոդվածի 1-ին մասի համաձայն ասվում է՝ եթե հիվանդության թերթիկը բացվել է արձակուրդի ժամանակաընթացքում, արձակուրդի օրերը երկարում են բյուլետենի համապատասխան օրերի քանակով, այդ դեպքում այդ օրերի դիմաց աշխատավարձ վճարվու՞մ է, թե՞ ոչ:

Апр 25 2020

Ինչպե՞ս է հաշվարկվում ԱՁ-ի մայրության նպաստը

Ամալյա.

Բարև ձեզ: 3 տարի է ԱՁ եմ և շուտով պետք է ֆիզ. արձակուրդ գնամ, կասե՞ք՝ հիմա ինչպես են հաշվում ԱՁ-ների դեկրետային արձակուրդը։ Նախապես շնորհակալություն։

Апр 25 2020

Ե՞րբ է վճարվում մայրության նպաստը

Լիլիթ.

Բարև ձեզ: Ես աշխատող մայրիկ եմ, 7 ամսականը լրացել է, և ես գնացել եմ դեկրետ: Օրենքով ե՞րբ պետք է դեկրետայինը փոխանցի կազմակերպությունը:

Апр 24 2020

Անաշխատունակության թերթիկը գործատուին ներկայացնելու վերաբերյալ

Անուշ.

Բարև ձեզ: Խնդրում եմ, կասե՞ք՝ եթե 23.04.2020 թվականին հիվանդանոցից վերցրել եմ ֆիզ. արձակուրդի թերթիկը, կարո՞ղ եմ այն գործատուին ներկայացնել ավելի ուշ:

Апр 23 2020

Անձը գտնվում է մինչև երեք տարեկան երեխայի խնամքի արձակուրդում, իսկ իր աշխատանքի կազմակերպությունը դարձել է միկրոձեռնարկատիրության սուբյեկտ

Վարդուհի.

Բարև ձեզ: Առաջին ֆիզ. արձակուրդի ժամանակ, երբ չէր գործում միկրոբիզնեսի մասին օրենքը, ես ստացել եմ ֆիզ. արձակուրդի գումարը և դեռ շարունակում եմ ստանալ 18 000 դրամ նպաստ: Հիմա դեռ չլրացած իմ ֆիզ. արձակուրդը կրկին հղի եմ, բայց այն աշխատավայրը, որտեղ ես աշխատում էի, դարձել է միկրոբիզնես, այդ դեպքում ես կարո՞ղ եմ ստանալ ֆիզ.-ի գումարը և նպաստը։ Ես աշխատանքի չեմ վերադարձել ես դեռ գտնվում եմ ֆիզ. արձակուրդում։

Апр 21 2020

Արդյո՞ք մայրության նպաստը հաշվարկելիս հարկեր են պահվում

Էլ.

Բարև ձեզ: Ինչպե՞ս կարող եմ հաշվարկել միջին աշխատավարձի չափը, չգիտեմ՝ ինչքան է միջին եկամուտը, գրանցված աշխատող եմ ատամնաբուժարանում, կես դրույք, հաստիքը՝ բժիշկ:
Եվս 1 հարց ունեմ. կասե՞ք՝ ինչ հարկերի մասին է խոսքը, երբ հատուկ ծրագիրը հաշվարկում է դեկրետային գումարի չափը, ու հետո նշվում է՝ «հանած հարկերը», 400 000 դրամի դեպքում դա մոտավորապես 100 000 դրամ կազմեց:

Апр 19 2020

Կստանա՞ արդյոք նպաստ միկրոձեռնարկատիրության մեջ ներգրավված վարձու աշխատողը

Մարիամ.

Եթե 2020 թվականի փետրվարի 22-ից ընդունվել եմ աշխատանքի արագ սննդի կետում, և այդ սննդի կետը հանդիսանում է միկրոձեռնարկատիրություն, իսկ մարտի 25-ին լրացել է հղիությանս 30 շաբաթը, և ստացել եմ անաշխատունակության թերթիկ, կարո՞ղ եմ արդյոք գնալ ֆիզ. արձակուրդ և ստանալ մինչև 2 տարեկան երեխայի խնամքի նպաստ՝ ամսական 18 000 դրամը։

Апр 13 2020

Որքա՞ն է վճարվում աշխատակցին հղիության և ծննդաբերության արձակուրդ ժամկետից ուշ մեկնելու դեպքում

Հասմիկ.

Բարև ձեզ:
Ցանկանում եմ իմանալ դեկրետի հետ կապված մանրամասներ։ Եթե դեկրետ չեմ գնում 7-րդ ամսից և շարունակում եմ աշխատել օրինական գրանցված տարբերակով, ապա ճի՞շտ է այն պնդումը, որ վճարվում եմ կրկնակի՝ հղիության 8-րդ և 9-րդ ամսում աշխատելու համար։ Եթե այո, ապա ո՞վ է վճարում այդ կրկնակի գումարը՝ գործատու՞ն, թե՞ պետությունը։

Предыдущие сообщения «