Архив по этикетке: արձակուրդ

Июл 02 2020

Որքա՞ն կկազմի մայրության նպաստը

Նարինե.

Բարև Ձեզ: Կցանկանայի իմանալ, եթե ես հղիության 4-րդ ամսին ընդունվել եմ խանութում աշխատանքի, աշխատում եմ 55 000 դրամ աշխատավարձ: Արդյո՞ք ինձ ֆիզ. արձակուրդ կարող է տալ Ա/Ձ-ն, և որքա՞ն կկազմի իմ ֆիզ. արձակուրդի գումարը:

Июл 02 2020

Քանի՞ օրվա արձակուրդ պետք է ձևակերպել

Sofya.

Դպրոցի տնօրենը 17.06.20թ-ին ազատվել է պաշտոնից, մնացել է որպես ուսուցիչ: Քանի՞ օր պետք է գնա արձակուրդ 2019-2020թթ. ժամանակաշրջանի համար:

Июл 02 2020

Արձակուրդայինի հաշվարկ

Բարև ձեզ: Կօգնե՞ք արձակուրդայինի հարցով:

Աշխատակիցն ընդունվել է աշխատանքի 2018թ. հունիսին, բայց մինչև հիմա դեռ արձակուրդ չի գնացել: Ասեմ, որ աշխատում է ժամավճարով և գալիս է աշխատանքի շաբաթական 2-3 անգամ: Կարո՞ղ եք ասել՝ ինչպես հաշվել արձակուրդայինը: Պետք է 2 տարվա՞ հաշվել: Նախապես շնորհակալ եմ:

Июл 01 2020

Արդյո՞ք աշխատակիցը կստանա մինչև 2 տարեկան երեխայի խնամքի նպաստ

Արթուր.

Դեպք 1. Կազմակերպությունը աշխատակցի կողմից ներկայացված անաշխատունակության թերթիկի հիման վրա հաշվարկել և վճարել է նրան մայրության նպաստ, որից հետո գրանցման հայտով աշխատակցի համար ձևակերպվել է մինչև 3 տարեկան երեխայի խնամքի արձակուրդ: Այնուհետև կազմակերպությունը, հանդիսանալով տուժած ոլորտի սուբյեկտ, դիմում է ներկայացրել անորոշ ժամկետով գործունեությունը դադարեցնելու վերաբերյալ: Հարցս հետևյալն է. արդյո՞ք այդ դեպքում դադարեցվում է երեխայի խնամքի ամսական 18 000 դրամ վճարումը:

Դեպք 2. Կազմակերպությունը աշխատակցի կողմից ներկայացված անաշխատունակության թերթիկի հիման վրա հաշվարկել և վճարել է նրան մայրության նպաստ, և մինչ աշխատակիցը գտնվել է հղիության և ծննդաբերության արձակուրդում, կազմակերպությունը, հանդիսանալով տուժած ոլորտի սուբյեկտ, դիմում է ներկայացրել անորոշ ժամկետով գործունեությունը դադարեցնելու վերաբերյալ: Ո՞վ է վճարելու երեխայի խնամքի նպաստը այս դեպքում, և արդյո՞ք վճարվելու է:

Июн 29 2020

Միկրոձեռնարկատիրության սուբյեկտի գրանցած աշխատողը կարո՞ղ է ստանալ մինչև 2 տարեկան երեխայի նպաստ

Բարև Ձեզ։ Միկրոբիզնեսի գրանցված աշխատողը ֆիզ․ արձակուրդ և մինչև 2 տարեկան երեխայի նպաստ կարո՞ղ է ստանալ։

Июн 29 2020

Կարո՞ղ է աշխատողը միանգամից 40 աշխատանքային օրով մեկնել արձակուրդի

Ani.

Բարև Ձեզ, եթե աշխատողը չի օգտվել երկու տարվա արձակուրդից, արձակուրդի տևողությունը պայմանագրի համաձայն 20 աշխատանքային օր է, կարո՞ղ է միանգամից 40 աշխատանքային օրով մեկնել արձակուրդի:

Июн 29 2020

Հնարավո՞ր է նորից վերադառնալ արձակուրդի և խնամել երեխային մինչև 3 տարեկանը

Արմինե․

Բարև Ձեզ։ Հիմա ես գտնվում եմ ֆիզ․ արձակուրդում, կուզենայի իմանալ՝ ես կարող եմ վերադառնալ աշխատանքի, քանի որ երեխայիս խնամող կա։ Բայց, եթե ինչ որ պահի խնամող չլինի, կարո՞ղ եմ նորից վերադառնալ արձակուրդի մեջ և երեխայիս խնամել մինչև 3 տարեկանը։ Նշեմ, որ դպրոցում եմ աշխատում։

Июн 27 2020

Ինչպե՞ս է հաշվարկվելու արձակուրդային վճարը

Մերի.

Բարև ձեզ: Խնդրում եմ, պատասխանեք հետևյալ հարցին: Աշխատողը (ուսուցիչ) վերադարձել է ֆիզ. արձակուրդից աշխատանքի իր դիմումի հիման վրա /մայիսի 4-ին 2020թ./, աշխատել է 2 ամիս, ինչպե՞ս է հաշվարկվելու արձակուրդայինը (արձակուրդ են գնալու հուլիսի 1-ից), եթե ֆիզ. է գնացել 2017թ.-ից՝ առաջին, և 2018թ.-ին՝ երկրորդ անգամ, ու դեռ երեխայի երկու տարին չի լրացել (18.12.2020թ. նոր է լրանում):

  1. Միջին աշխատավարձը ինչպե՞ս հաշվել:
  2. Քանի՞ արձակուրդային օր վճարել:

ԿԱՆԽԱՎ ՇՆՈՐՀԱԿԱԼՈՒԹՅՈՒՆ:

Июн 26 2020

Ե՞րբ կարող է աշխատողը իր հաշվին արձակուրդ վերցնել

Astghik.

Բարև Ձեզ: Կա՞ նվազագույն ժամանակահատված, որից սկսած աշխատողը կարող է իր հաշվին արձակուրդ վերցնել:

Июн 26 2020

Արձակուրդայինը հաշվարկելու դեպքում

Անի.

Բարև Ձեզ: Արձակուրդայինը հաշվարկելիս 12 ամիս, եթե հետ ենք գնում, և աշխատողը 2 ամիսը գտնվել է արձակուդում.
1․ ընդամենը ԱՎՈՒՄ-ին մասնակցու՞մ են այդ 2 ամիսները,
2․ ընդամենը ԱՎՈՒՄ բաժանվու՞մ է 12-ի, թե՞ այն ամիսիների վրա, որոնք մասնակից ամիսներն են:
Շնորհակալություն:

Июн 25 2020

Արդյո՞ք օրենքի խախտում է համարվում արձակուրդի ուշ տրամադրումը

Անի․

Բարև Ձեզ։ Եթե աշխատողն աշխատել է 1 տարի 6 ամիս և նոր պետք է առաջին անգամ գնա արձակուրդ (իր ցանկությամբ է արձակուրդն ուշ տրամադրվել): Արդյո՞ք օրենքի խախտում է համարվում արձակուրդի ուշ տրամադրումը:

Июн 25 2020

Ինչպե՞ս հաշվարկել մայրության նպաստը

Inna.

Բարև Ձեզ։ Խնդրում եմ օգնել հաշվարկել մայրության նպաստը: Աշխատողի աշխատավարձը կազմում է 55 454 դրամ, աշխատում է 2020 հունվարի 8-ից:

Июн 25 2020

Ի՞նչ գումար է պետությունը տրամադրելու ֆիզ․ արձակուրդի դեպքում

Աննա․

Բարև Ձեզ։ Ես ունեմ Ա/Ձ, որը միկրոձեռնարկատիրությամբ է զբաղվում (գեղեցկության սրահ) և ունեմ 1 աշխատող: Շուտով ֆիզ. արձակուրդ եմ գնալու: Կասե՞ք ինչ գումար է պետությունը ինձ տրամադրելու: Սրահը շարունակելու է աշխատել։

Июн 25 2020

Արդյո՞ք հասնում է արձակուրդային

Լիլիթ.

Բարև Ձեզ։ Եթե ընդունվել եմ աշխատանքի 2020թ. փետրվարի 3-ից ուսումնական հաստատությունում, հիմնական աշխատող եմ, ինձ հասնու՞մ է արձակուրդային։ Շնորհակալ եմ նախապես։

Июн 24 2020

6 ամիս աշխատած աշխատողը քանի՞ օրով իրավունք ունի արձակուրդ ձևակերպել

Mane.

Բարև Ձեզ: Աշխատելուց 6 ամիս անց տեղյակ եմ, որ աշխատողը իրավունք ունի արձակուրդ ձևակերպել, բայց քանի՞ օրով։ Ես աշխատելուց 6 ամիս հետո օգտագործել եմ ինձ հասանելիք 20 աշխատանքային օրից 10-ը, այժմ ազատման դիմում եմ գրել և ինձ նշում են, որ մնացած 10 օրը չեմ կարող օգտագործել, քանի որ 12 ամիսը չի լրացել աշխատանքիս։ Խնդրում եմ օգնեք հասկանալ։

Июн 23 2020

Երեխայի խնամքի համար արձակուրդի հրաման

Ողջույն: Աշխատողի համար մինչև 3 տարեկան երեխայի խնամքի արձակուրդ ձևակերպելու դեպքում հրաման տրվու՞մ է: Եթե տրվում է` խնդրում եմ կարո՞ղ եք ինձ հրամանի օրինակելի ձև ուղարկեք (arpinesoc շնիկ mail.ru):
Կանխավ շնորհակալություն:

Июн 23 2020

Արդյո՞ք նպաստը պակասեցվում է եկամտային հարկից

Naira.

Բարև Ձեզ։ Եթե հաշվետու ժամանակահատվածի նպաստը վճարվել է մինչև հաշվետու ժամանակահատվածի համար ամփոփ եկամտային հարկի հաշվետվություն ներկայացնելը, այսինքն` մինչև հաջորդ ամսվա քսանը, ապա եկամտային հարկից պակասեցվում է թե՞ ոչ:

Июн 23 2020

Ինչքա՞ն կկազմի մայրության նպաստը

Ինգա.

Բարև Ձեզ: Ես հանդիսանում եմ կես դրույքով վարձու աշխատող (40 000 դրամ աշխատավարձով) և միաժամանակ հանդիսանում եմ Ա/Ձ, որը կապ չունի իմ գրանցված աշխատավայրի հետ: Ինչքա՞ն կկազմի իմ մայրության նպաստը:

Июн 22 2020

Միջին աշխատավարձի հաշվարկման ժամանակ արդյո՞ք հաշվի է առնվում այն ամիսը, երբ աշխատողը եղել է չվճարվող արձակուրդում

Մարի.

Բարև ձեզ: Ասացեք, խնդրեմ, միջին աշխատավարձի հաշվարկման ժամանակ արդյո՞ք հաշվի է առնվում այն ամիսը, երբ աշխատողը եղել է չվճարվող արձակուրդում, նշեմ, որ հաշվարկվում է արձակուրդային վճար: Աշխատանքային օրենսգրքում նշված հետևյալ տողերում՝ «Հաշվառման ենթակա տասներկու ամիսներում չպետք է ներառվեն այն ամիսները, որոնց ընթացքում աշխատողը եղել է ժամանակավոր անաշխատունակության մեջ և (կամ) արձակուրդում և (կամ) ոչ իր մեղքով պարապուրդում», արդյո՞ք «արձակուրդ» բառը իր մեջ ներառում է նաև չվճարվող արձակուրդը: Խնդրում եմ, գրեք հիմնավորված պատասխան:

Июн 21 2020

Արդյո՞ք երեխայի խնամքի նպաստը կկրկնապատկվի

Աշխեն․

Բարև ձեզ։ Հարցս այսպիսին է․ ես գտնվում եմ մինչև 2 տարեկան երեխայի խնամքի արձակուրդում, և ամսական ստանում եմ 18 000 դրամ նպաստ։ Հուլիսի 1-ից գիտեմ, որ օրենքում փոփոխություն է կատարվելու և 18 000 դրամը դառնում է 26 500 դրամ։ Ես ապրում է գյուղական բնակավայրում, արդյո՞ք այն կկրկնապատկվի և արդեն ամեն ամիս կստանամ 53 000 դրամ։

Июн 19 2020

Ֆիզ. արձակուրդի երկարաձգում

Qristine.

Ես գտնվում եմ դեկրետում` մինչև 3 տարեկան երեխայի խնամքի արձակուրդում: Հիմա անցել է կեսը, ես հղի եմ կրկին 7 ամսական: Հիմա ինձ ֆիզ.-ից ֆիզ. կտան թե՞ ոչ:

Июн 19 2020

Ինչքա՞ն կկազմի արձակուրդայինը

Մարիամ.

Բարև Ձեզ: Խնդրում եմ ինձ ասեք, եթե ես աշխատում եմ դպրոցում և 2019թ.-ի օգոստոսի 24-ից մինչև մայիսի 31-ը գտնվել եմ ֆիզ. աձակուրդում, հունիսի 1-ից աշխատանքի մեջ եմ: Արձակուրդային կստանա՞մ և ի՞նչքան` ամսական 65 000 աշխատավարձի դեպքում:

Июн 18 2020

Աշխատանքային պարտականությունների մասին

Բարև Ձեզ: Կարո՞ղ եք ինձ օգնել. արձակուրդի ժամանակ հաշվապահի պարտականությունները կարելի՞ է տնօրենի վրա դնել: Եթե այո, ապա պե՞տք է տնօրենին ավել վճարել հաշվապահի հաստիքի չափով: Շնորհակալություն:

Июн 18 2020

Ինչպե՞ս հաշվել ամենամյա արձակուրդը

Աիդա.

Ինձ նույնպես հետաքրքիր է ամենամյա արձակուրդի վճարման կարգը: Եթե նույն ուսումնական հիմնարկում գործավարը, որի հասանելիք արձակուրդը 20 աշխատանքային օր է, համատեղությամբ դասավանդում է, իսկ դասավանդողի արձակուրդը 35 աշխ. օր է, ինչպե՞ս է հաշվարկվում և տրվում արձակուրդ: 20 աշխ. օրվա հաշվարկով, որի մեջ մտնում են երկու աշխատանքների ընդհանուր գումարի միջինը թե՞ առանձին-առանձին՝ 20 օրով և 35 օրով հաշվարկելով համապատասխան եկամուտների նկատմամբ:

Июн 17 2020

Արդյո՞ ք արձակուրդայինի հաշվարկը նույնն է

Անի.

Բարև ձեզ: Բյուջետային և ոչ բյուջետային հիմնարկների համար աշխատողների արձակուրդայինի հաշվարկը նու՞յնն է, թե՞ ոչ:

Июн 17 2020

Վերջնահաշվարկի վերաբերյալ

Հայկ.

Բարև ձեզ:
Հարցս վերջնահաշվարկին է վերաբերում.
Աշխատակիցը աշխատել է 9 ամիս և չի օգտվել իր ամենամյա արձակուրդից: ԱՕ 164-րդ հոդվածի համաձայն աշխատանքի առաջին տարվա համար ամենամյա արձակուրդը, որպես կանոն, տրամադրվում է տվյալ կազմակերպությունում անընդհատ աշխատանքի վեց ամիսը լրանալուց հետո: Այժմ աշխատանքից ազատելիս վերջնահաշվարկը հաշվարկվում է 20 աշխ. օրվա՞, թե՞ 15 աշխ. օրվա (9×20/12) համար:
Նախապես շնորհակալություն։

Июн 15 2020

Արդյո՞ք արձակուրդը երկարում է 4 օրով

Հասմիկ․

Բարև ձեզ, եթե աշխատողը հիվանդության պատճառով 2 ամիս չի հաճախել աշխատանքի և վճարվել է անաշխատունակության համար, այս դեպքում հերթական արձակուրդ երկարու՞մ է 4 օրով։ Նախապես շնորհակալություն։

Июн 12 2020

Վերջնահաշվարկի կատարում

Բորյա

Բարև ձեզ: Հարցս վերաբերում է վերջնահաշվարկի հաշվարկմանը: Ս/թ հունիսի 10-ին աշխատանքից հանել են մեր նախկրթարանի տնօրենին և նախորդ տարիների արձակուրդի պարտք չունեն, ինքը օգտվել է ամենամյա արձակուրդից: Եվ 2020 թ-ին Հունվար ամսին գտնվել է չվճարվող արձակուրդի մեջ և փետրվար, մարտ, ապրիլ, մայիս ամիսներին աշխատել են և ստացել են միայն աշխատավարձ փետրվար, մարտ ամիսների համար, հիմա վերջնահաշվարկ կատարելիս բացի ապրիլ, մայիս և հունիս ամսվա 8 օրվա աշխատավարձի պարտքը վճարելուց բացի, արդյո՞ք հասնում է նաև արձակուրդային վճար, թե՞ ոչ:

Կանխավ շնորհակալ եմ:

Июн 12 2020

Ինչպե՞ս տալ արձակուրդայինի ձևակերպումները

Բարեվ ձեզ: Oգնեք խնդրում եմ` ՀԾ ծրագրում արձակուրդի ձևակերպումները ինչպե՞ս տամ, եթե հունիսի 18-ից աշխատողը գնում է ամենամյա արձակուրդ։

Июн 11 2020

Դեկրետից դեկրետ գնալու դեպքում

Աննա.

Բարև ձեզ: Դեկրետից դեկրետ գնալու դեպքում դեկրետային գումար տալի՞ս են։ Իմ դեկրետը լրանում է սեպտեմբերի վերջին, իսկ այդ ժամանակ իմ հղիությունը կլինի 5 ամսական։

Июн 11 2020

Անաշխատունակություն և արձակուրդ

Դիցուք՝ աշխատողը արձակուրդի դիմում է ներկայացնում հաշվետու ամսվա 10-ին տվյալ ամսվա 15-ից 25-ի համար և նույն ամսվա 13-ից 24-ը գտնվում է անաշխատունակության մեջ։ Արդյո՞ք տվյալ դեպքում խախտում է տեղի ունենում:

Июн 10 2020

Արդյո՞ք նշանակություն ունի, թե որքան ժամանակ է աշխատում անձը

Նարինե.

Բարև ձեզ: 2 ամսվա գրանցված աշխատողը Ա/Ձ-ում կարո՞ղ է ֆիզ. արձակուրդ գնալ, նշանակություն ունի՞, թե քանի ամսվա աշխատող է։ Նախապես շնորհակալություն։

Июн 08 2020

Նպաստների հաշվարկման ժամանակ արդյո՞ք հաշվի են առնվում բոլոր ամիսները

Անուշ.

Բարև ձեզ: Նպաստների հաշվարկման ժամանակ հաշվի՞ են առնվում բոլոր ամիսները (անկախ նրանից՝ այդ ամսին աշխատողը եղել է արձակուրդում, թե ոչ), և արձակուրդայինի ստացած գումարը գումարվու՞մ է ԱՎՈՒՄ-ին։

Июн 08 2020

ԱՁ մայրության նպաստի հաշվարկ

Իննա․

Բարև ձեզ։ Իմ ԱՁ-ն գործել է 2019թ. ապրիլից – 2020թ. հունվարի 31-ը։ 12.05.2020թ.-ից ֆիզ. արձակուրդի մեջ եմ։ Ինչպե՞ս եմ հաշվելու մայրության նպաստը։

Июн 08 2020

Քանի՞ աշխատանքային օր արձակուրդ պետք է ձևակերպել

Լիաննա․

Բարև ձեզ։ Եթե փոխտնօրենը, գրադարանավարը, օպերատորը, տնօրենը նաև դասավանդում են, ունեն ժամեր, ինչպե՞ս եք ձևակերպում և վճարում նրա ամենամյա արձակուրդը՝ 25, 20 աշխ. օր, թե՞ 35։

Июн 07 2020

Ամենամյա արձակուրդ

Հարցս հետևյալն է՝ ՍՊԸ-ում երեք աշխատող ենք՝ տնօրեն, հաշվապահ և մեխանիզատոր:
Ամենամյա արձակուրդի հարցը չգիտեմ՝ ոնց կարգավորեմ, տնօրենի և մեխանիզատորի պարտականությունները հրամանով ու՞մ վրա դնեմ, երբ յուրաքանչյուրը գնա արձակուրդ, կանգնել եմ փակուղու առջև: Խնդրում եմ օգնել:

Июн 06 2020

Որքա՞ն է վճարվում մայրության նպաստ պայմանագրային զինծառայողին

Տան.

Բարև: Ես պայմանագրային զինծառայող եմ: Ստանում եմ 165 000 դրամ: Կասե՞ք՝ որ ամսից կարող եմ գնալ ֆիզ. արձակուրդ, և ինչքա՞ն գումար է տրամադրվում ամսական և ինչքա՞ն ժամանակով:

Июн 05 2020

Արդյո՞ք կա մայրության նպաստի առավելագույն շեմ

Լուսինե.

Բարև ձեզ: Ցանկանում եմ իմանալ՝ ֆիզ. արձակուրդի գումարը հաշվելիս որևէ սահմանափակում կա՞ որպես վերևի շեմ: Արդյո՞ք բարձր աշխատավարձ ստացողները ինչ-որ կերպ տուժվում են արդյունքում:

Շնորհակալություն:

Июн 05 2020

Հաշվետվությունը լրացնելու հետ կապված

Հայկ.

Բարև ձեզ: Կխնդրեմ՝ օգնեք.
ՍՊԸ աշխատակիցը 2020թ. մայիսի 19-ից գնացել է հղիության և ծննդաբերության արձակուրդ: Աշխատակցի համար մայիս ամսին հաշվարկել եմ աշխատավարձ՝ 54 398 դրամ և նպաստի գումար՝ 210 173 դրամ: Ընկերության մայիս ամսվա եկամտային հարկը ընդամենը կազմում է 93 708 դրամ: Հարցս հետևյալն է.
Եկամտային հարկի հաշվարկում այս աշխատակցի համար ո՞ր տողերը պետք է լրացնեմ: 1.11 տողը լրացնում եմ, նաև Նպաստների և հետպահման դասակարգման կոդը, Նպաստի գումար կամ հետպահվող գումար բաժինը, սակայն չի ընդունում՝ նշելով, որ կան սխալներ:
Եվ ցանկանում եմ նաև իմանալ՝ հնարավո՞ր է նպաստի գումարից 93 708 դրամը հատուցվի բյուջեի միջոցների հաշվին, իսկ մնացած 116 465 դրամը՝ գործատուի հաշվին:
Նախապես շնորհակալություն:

Июн 04 2020

Հաշվապահի աշխատանքային պարտականությունները դրվել են հաշվետարի վրա

Անի.

Եթե հաշվապահը մեկնել է արձակուրդ, և աշխատանքային պարտականությունները դրվել են հաշվետարի վրա, ինչպե՞ս պետք է կատարվի վարձատրությունը, կարելի՞ է արդյոք վճարել աշխատավարձի տարբերությունը:

Июн 03 2020

Քանի՞ արձակուրդային օրեր են հասնում աշխատակիցներին

Գայանե․

Բարև ձեզ, հարգելի հաշվապահներ։ Ինձ կօգնե՞ք հետևյալ հարցում. Հասարակական կազմակերպության սոց․ աշխատողին, հոգեբանին, արտթերապևտին և մասնագիտական ուսուցման խմբավարին քանի՞ արձակուրդային օրեր են հասնում: ՀԿ-ն հաշմանդամություն ունեցող անձանց սոցիալ-հոգեբանական աջակցության ցերեկային կենտրոն է։ Շնորհակալ եմ։

Июн 03 2020

Հղիության և ծննդաբերության արձակուրդ մեկնող աշխատողը ցանկանում է աշխատել ևս մեկ ամիս

Հասմիկ․

Բարև ձեզ: Կցանկանայի իմանալ ՀՀ ԱՕ համապատասխան հոդվածը, որի հիման վրա գործատուն կարողանա վարձատրել, եթե ես հղիության և ծննդաբերության նպատակային արձակուրդի տեղեկանք ունեմ, սակայն ցանկություն ունեմ աշխատել ևս մեկ ամիս:

Июн 01 2020

Կարելի՞ է արդյոք ուղղում կատարել գրանցման հայտում

Մարինե.

Բարև ձեզ: Հարցս շտապ է. պարետի՝ մարտի 31-ի որոշմամբ արգելվեց հանրային տրանսպորտի գործունեությունը մինչև մայիսի 18-ը, այդ ժամանակաշրջանի համար աշխատողների համար ԱՎՈՒՄ-ը եղել է զրո: Գրանցման հայտում տվյալ ժամանակաշրջանի համար ցույց եմ տվել չվճարվող արձակուրդ ապրիլի 1-ից մինչև մայիսի 18-ը, կարծում եմ՝ սխալ եմ արել, քանի որ վճարումը չենք կատարել համաձայն ՀՀ ԱՕ 186-րդ հոդվածի 6-րդ մասի: Կարո՞ղ եմ արդյոք ուղղում կատարել հայտում (ծրագիրը թույլ է տալիս), և կա՞ արդյոք որևէ պատասխանատվություն այդ ուղղման համար:

Июн 01 2020

Արձակուրդային գումարը ո՞ր ամսվա հաշվետվությունում պետք է արտացոլել

Գագիկ.

Բարև ձեզ: Կասե՞ք՝ եթե աշխատողը արձակուրդ է գնում հունիսի 1-ից, արձակուրդայինը վճարվել է մայիսի 27-ին, եկամտային հարկի հաշվետվությունը ներկայացնելիս արձակուրդայինի գումարը մայիսի եկամուտների մեջ ներառե՞մ:

Май 31 2020

Ի՞նչ սկզբունքով են հաշվարկում նպաստը

Մարիամ.

Բարև ձեզ։ Մի հարց ունեմ. եթե աշխատողը գտնվում է մինչև 3 տարեկան երեխայի խնամքի արձակուրդում և կրկին ֆիզ. է գնում, այդ դեպքում ի՞նչ սկզբունքով ենք հաշվարկում նպաստը։

Май 30 2020

Աշխատողի համար սահմանվել է ոչ լրիվ աշխատաժամանակ

Արման Մանուկյան.

Բարև ձեզ: Ես ունեմ հարց` կապված ոչ լրիվ աշխատաժամանակի հետ: Աշխատանքային պայմանագրում ճի՞շտ է, որ գրվի՝ Աշխատողի համար սահմանվում է վեցօրյա աշխատանքային շաբաթ՝ 3 (երեք) հանգստյան օրով: Քանի որ աշխատողը աշխատում է շաբաթը 3 օր՝ երեքշաբթի, հինգշաբթի, շաբաթ, և աշխատողին տրամադրվում է ամենամյա նվազագույն արձակուրդ՝ 26 աշխատանքային օր տևողությամբ։ Ավելացնեմ նաև, որ գործատուի գործունեությունը ատամնաբուժական կլինիկա է:

Май 30 2020

Չվճարվող արձակուրդն ամբողջությամբ օգտագործվել է

Հերմինե.

Բարև ձեզ: Մի հարց ԱՁ կազմակերպության աշխատակիցների վերաբերյալ. եթե աշխատողների չվճարվող արձակուրդներն ավարտվել են, և նրանք էլ չունեն օգտվելու այդ հնարավորությունից այս տարի, ինչպե՞ս վարվել, եթե գործատուն չի ցանկանում ազատել կամ դադարեցնել գործունեությունը, չի կարողանում վճարել, մինչև կվերսկսի աշխատանքը, արդյո՞ք բացակա դնելով խախտում չեմ անում:

Май 30 2020

Արձակուրդայինի հաշվարկման կարգ

Բարև ձեզ: Խնդրում եմ, օգնեք: 2020թ. մայիսին աշխատակիցը գնում է արձակուրդ: 2019թ. նա աշխատել է 0.75 դրույքով, իսկ 2020թ. հունվարից՝ 1 դրույքով: Արձակուրդայինի միջին ամսականը (որի մեջ ներառված են արձակուրդի պահանջ առաջանալու ամսվան նախորդող վերջին տասներկու ամիսների լրիվ աշխատավարձը, իսկ պարգևատրումները՝ 1/12 մասով) կազմել է այս պահին գործող նվազագույն աշխատավարձից ցածր: Արդյո՞ք պետք է հիմք ընդունել այս պահին գործող նվազագույն ամսական աշխատավարձը:

Май 28 2020

Կարո՞ղ է արդյոք անձը դառնալ «Դայակ պետության հաշվին» ծրագրի շահառու

Սիրանուշ.

Բարև ձեզ: Ես աշխատում եմ դպրոցում, հիմա ֆիզ. արձակուրդում եմ, երեխաս 1 տարեկան է, ցանկանում եմ վերադառնալ աշխատանքիս, ուզում եմ իմանալ որպես դայակ կարո՞ղ եմ մայրիկիս գրանցել, որքա՞ն է վճարվում, և դպրո՞ցն է վճարում դայակին, թե՞ պետությունը: Նախապես շնորհակալություն:

Май 28 2020

Արձակուրդի մեկնում համատեղությամբ աշխատանքի դեպքում

Անի․

Բարև ձեզ: Կարո՞ղ եք օգնել. համատեղությամբ աշխատելու դեպքում հնարավո՞ր է հիմնական աշխատավայրից գնալ ամենամյա արձակուրդ, իսկ մյուս կազմակերպությունում մնալ աշխատանքի մեջ։

Предыдущие сообщения «