Архив по этикетке: բանկ

Май 14 2020

Ինչպե՞ս է փաստաթղթավորվում ավանդների տոկոսների մասով եկամտային հարկի հաշվարկն ու վճարումը

Արայիկ.

Բարև ձեզ, հարգելի կոլեգաներ: Ֆիզիկական անձանց կողմից բանկում ներդրած ավանդների տոկոսների մասով եկամտային հարկի հաշվարկն ու վճարումը ինչպե՞ս է փաստաթղթավորվում:

Май 14 2020

Արդյո՞ք անհրաժեշտ է բանկային հաշիվ բացել

Արմեն.

Բարև ձեզ: ՍՊԸ-ն բացելուց հետո պե՞տք է նաև բացել ինչ-որ առանձնահատուկ բանկային հաշվեհամար, թե՞ արդեն գործող հաշվեհամարը կարելի է կցել ՍՊԸ-ին և վերջ:

Май 13 2020

Արդյո՞ք անձը կստանա մայրության նպաստ, եթե բանկում ունի չմարված պարտավորություն

Իրինա.

Բարև ձեզ: Կարո՞ղ եմ իմանալ՝ եթե հղին ունի բանկերի հետ կապված չկատարած պարտավորություններ, բանկն իրավունք ունի՞ ֆիզ. արձակուրդի գումարի վրա կալանք դնի: Նախապես շնորհակալություն:

Май 08 2020

10-րդ միջոցառման շահառուն չի կարողանում ստանալ աջակցության գումարը

Ռուզաննա.

Միկրոձեռնարկատիրությամբ զբաղվող անձը չեզոքացման միջոցառման 10-րդ ծրագրի շահառու է, սակայն բանկը չի վճարում, քանի որ ունի Նուռ քարտի պարտք, ու՞մ կարող եմ դիմել, խնդրում եմ, պատասխանեք:

Апр 13 2020

Կազմակերպությունը սխալմամբ այլ գործընկերոջն է փոխանցում կատարել

Բենիամին․

Բարև ձեզ։
A կազմակերպությունը B ՍՊԸ-ին պետք է կատարեր վճարում թուղթ գնելու համար։ Բանկում սխալմամբ լրացրել է C ՍՊԸ-ի տվյալները և B ՍՊԸ-ի հ/ա և ամսաթիվը։ Արդյունքում վճարվել է C-ին B-ի փոխարեն։ Ի՞նչ անել։ Շնորհակալություն։

Янв 05 2020

Փոխանցվում է արդյո՞ք ավանդը ավանդատուի ժառանգներին

Արթուր.

Բարև ձեզ: Ո՞վ կիմանա՝ եթե ավանդատուն բանկում ունի ավանդ ու, ցավոք սրտի, մահացելա, նրա ավանդը կորու՞մ է, թե՞ հասնում է իր ժառանգներին, ո՞վ կմանրամասնի: Կանխավ շատ շնորհակալ եմ:

Сен 11 2019

Արտարժույթի կանխիկ մուտք բանկային հաշվին

Գոռ․

Բարև ձեզ: Իրավաբանական անձի կամ անհատ ձեռնարկատիրոջ բանկային հաշվին կարո՞ղ են արդյոք արտարժույթ կանխիկ մուտք անել, և խնդրում եմ, այս հարցի շուրջ որևէ օրենսդրական կետ ասեք:

Авг 20 2019

Ձևակերպում

Հայկ.

Բարև ձեզ: Բանկը վարկ է տրամադրել և ավանդ ներգրավել, խնդրում եմ, կասե՞ք հաշվապահական ձևակերպումները:

Июл 24 2019

Ի՞նչ ձևակերպում տալ ՀԾ-ում

Նունե.

Բարև ձեզ: Մեր ՀՈԱԿ-ին, որը աշխատում է ՀԾ-ով (հանրային հատված) փոխանցել են 1 000 000 դրամ գումար (բարեգործություն միջազգային մրցաշարին մասնակցելու համար), որից կանխիկացրել ենք 997 009 դրամը, իսկ 2 991 դրամը պահվել է բանկի կանխիկացման տոկոս: Ինչպե՞ս հանրային հատվածի ՀԾ-ով ձևակերպեմ այս մուտքը:

Նախապես շնորհակալություն:

Июл 17 2019

Արդյո՞ք ՀԿ-ն կարող է ավանդ բացել բանկում

Անուշ.

Բարև ձեզ:

Ես ներկայացնում եմ հասարակական կազմակերպություն: Արդյո՞ք ՀԿ-ն կարող է ավանդ բացել բանկում, եթե այո, ի՞նչ պարտավորություններ կունենանք հարկային տեսչության մոտ:

Фев 20 2019

ԱԱՀ հաշվարկի լրացման հետ կապված

Քրիստինե.

Բարև ձեզ: Իմ հարցը հետևյալն է. արդյո՞ք բանկի կանխիկացման միջնորդավճարները և այլ բանկային ծախսերը ներառվում են ԱԱՀ հաշվարկում` “18. ՀՀ տարածքում ձեռք բերված ապրանքների և ծառայությունների” տողում: Շնորհակալություն:

Дек 06 2018

Բանկում դոլարի արտարժույթային դիրքը կարճ է

Gor.

Բարև ձեզ:
Բանկում դոլարի արտարժույթային դիրքը կարճ է: Դրամը արժեզրկվում է: Արտարժույքի վերագնահատումը ինչպիսի՞ ազդեցություն կունենա բանկի վրա` դրական, բազասական, թե՞ չեզոք, և կբացատրե՞ք: Շնորհակալություն:

Сен 27 2018

Ապառիկի ձևակերպում

Սիրվարդ.

Բարև ձեզ:

Ինչպե՞ս պետք է ձևակերպել խանութից վաճառած ապառիկը, գումարը ստանում ենք բանկից:

Авг 01 2017

ԱԱՀ հաշվարկի լրացման հետ կապված

Արմեն.

Հարգելի հաշվապահներ, արդյո՞ք ԱԱՀ հաշվարկի մեջ ՀՀ տարածքում ձեռքբերված ապրանքների և ծառայությունների տողում պետք է արտացոլել ստացված վարկի համար բանկին վճարված տոկոսները, միջնորդավճարները, կանխիկացման համար գանձնված գումարները: Շնորհակալություն:

Июн 23 2017

Կազմակերպությունը ստացել է երկարաժամկետ վարկ

Lilit.

Բարև ձեզ: Խնդրում եմ օգնեք գրել այս խնդիրը:
Ստորև բերված տվյալների հիման վրա ձևակերպել երկարաժամկետ վարկի ստացման, մարման և տոկոսային ծախսերի հաշվառման գործառնությունները: Որոշել փոխառության ծախսումների կապիտալացման դրույքը և կապիտալացման ենթակա գումարը:

Տվյալներ. Վարչական նոր մասնաշենքի կառուցման համար 01.02.200x թ. կազմակերպությունը ստացել է առևտրային բանկից երկարաժամկետ վարկ` 8.000.000 դրամ գումարով, 4 տարի մարման ժամկետով 20% տոկոսադրույքով: Վարկի գումարը մուտքագրվել է հաշվարկային հաշվում: Վարկի և տոկոսների մարումը կատարվում է անուիտետով, ըստ կազմված ժամանակացույցի, յուրաքանչյուր տարվա վերջում: 2 ամիս անց ստացված գումարից 4.000.000 դրամը 10 ամիս ժամկետով տրամադրվել է այլ կազմակերպությանը որպես փոխառություն, տարեկան 10% տոկոսադրույքով: Վերը նշվածվարկի գումարից բացի շենքի շինարարության համար օգտագործվել է 1.000.000 դրամ ընդհանուր նպատակներով ներգրավված փոխառությունից: Փոխառությունը ներգրավվել է 200x թ. մարտի 1-ին պարտատոմսերի թողարկման և տեղաբաշխման ճանապարհոց` 3.000.000 դրամ գումարով, 2 տարի ժամկետով, տարեկան 16% տոկոսադրույքով, յուրաքանչյուր տարվա վերջում վճարումներ կատարելու պայմանով: Շենքի կառուցումը ավարտվել է 2-րդ տարվա վերջում, որից հետո վարկի տոկոսների կապիտալացումը դադարեցվել է:

Мар 19 2017

Ա կազմակերպությունը բանկին է հանձնում Բ կազմակերպության նկատմամբ իր 500 000 դրամի պահանջը ֆակտորինգային պայմանագրով

Անահիտ.

Բարև ձեզ, հարգելի հաշվապահներ:
Հարցս վերաբերվում է բանկերում հաշվապահական հաշվառման վարմանը.
Ենթադրենք Ա կազմակերպությունը բանկին է հանձնում Բ կազմակերպության նկատմամբ իր 500 000 դրամի պահանջը ֆակտորինգային պայմանագրով (90%-ով): Ի՞նչ հաշվապահական ձևակերպումներ պետք է տա բանկը պայմանագիրը կնքելու պահին ու Բ կազմակերպության կողմից պարտավորությունը մարելուց հետո:
Կանխավ շնորհակալություն:

Сен 06 2016

Կազմակերպության տնօրենը բանկից գումար է կանխիկացրել

Արսինե.

Կազմակերպության տնօրենը բանկից գումար է կանխիկացրել և մի քանի րոպե անց նույն գումարը նորից մուտքագրել հաշվին: Այսինքն՝ կանխիկացված գումարը փաստացի չի մուտքագրվել և չի ելքագրվել դրամարկղից: Խնդրում եմ ասեք՝ տվյալ դեպքում դրամարկղային գրքում գրանցվու՞մ է մուտքն ու ելքը, թե՞ ոչ:

Կանխավ շնորհակալություն:

Апр 29 2016

Արդյո՞ք գործարքը կհամարվի կանխիկ

Հակոբ.

Բարև ձեզ: Խնդրում եմ ասեք, եթե ՍՊԸ-ն առհաշիվ անձի միջոցով բանկում կատարել է վճարումներ գազի և լույսի համար (3 000 000 դրամից ավել գումար մեկ ամսվա ընթացքում), արդյո՞ք համարվում է կանխիկ գործարք: Կանխավ շնորհակալություն:

Апр 26 2016

Կանխիկացում արտարժութային հաշվարկային հաշվից

Կարեն.

Հարգելի գործընկերներ, արդյո՞ք կազմակերպությունը կարող է կանխիկացում կատարել դոլարային հաշվարկային հաշվից: Շնորհակալություն:

Апр 17 2016

Արդյո՞ք Ա/Ձ-ն կարող է նշել ֆիզ. անձի բանկային հաշվեհամարը

Ստյոպ.

Բարև ձեզ: Եթե Ա/Ձ-ն մատուցել է ծառայություն և պետք է հաշիվ-ապրանքագիր դուրս գրի էլեկտրոնային, բայց չունի բանկային հաշիվ, արդյո՞ք կարելի է, որ Ա/Ձ-ն հաշվում նշի իր ֆիզ. անձի բանկային հաշիվը:

Фев 23 2016

Վճարումը համարվում է կանխի՞կ, թե՞ անկանխիկ

214

Arsine.

ՍՊԸ-ն ձեռք է բերել 400 000 (ներառյալ ԱԱՀ) ապրանք, որի դիմաց դուրս է գրվել հարկային հաշիվ: Եթե դրա դիմաց վճարումը կատարվի ոչ թե ՍՊԸ-ի հաշվարկային հաշվից, այլ մեկ այլ բանկից, որում չունի հաշիվ, ապա տվյալ դեպքում նման վճարումը համարվում է կանխի՞կ, թե՞ անկանխիկ: Խնդրում եմ նաև տալ ձևակերպումները և եթե հնարավոր է` նաև հղում կատարել օրենքի համապատասխան հոդվածին:

Կանխավ շնորհակալություն:

Янв 18 2016

Եթե ՍՊԸ հիմնադրի հաշիվների վրա ԴԱՀԿ կալանք կա

Milena.

Բարև ձեզ:
Եթե ՍՊԸ հիմնադրի հաշիվների վրա ԴԱՀԿ կալանք կա, կալանքը տարածվու՞մ է ընկերության բանկային հաշվի վրա, եթե այն ընկերության տնօրենի անունով է: Այս դեպքում ինչպե՞ս հարկային պարտավորություն կատարի տնօրենը: Հարկավոր է լիազորել այլ անձի, ով մինչ ամսի 20-ը տնօրենի փոխարեն կվճարի հարկայինին գումարը: Ի՞նչ տարբերակ կառաջարկեք:

Июн 09 2015

Ի՞նչ թղթակցություն կիրառել

Հեղինե.

Ողջույն, հարգելի հաշվապահներ: Ես մի հարցի առաջ եմ կանգնած, խնդրում եմ օգնեք: Մեր կազմակերպության դոլարային հաշվից գումար ենք հաշվանցել մեր կազմակերպության դրամային հաշվին: Ի՞նչ թղթակցող հաշվով ելք անել դոլարային հաշվից և ի՞նչ թղթակցող հաշվով մուտք անել դրամային հաշվին:

Мар 03 2015

Կազմակերպության հիմնադիրը հաշվարկային հաշվին գումար է մուտքագրել

Արսինե.

Հարգելի հաշվապահներ, խնդրում եմ օգնեք.

ՍՊԸ-ի հիմնադիրը, որը գրանցված չէ կազմակերպությունում որպես աշխատող, ՍՊԸ -ի բանկում ունեցած հ/հ-ին գումար է մուտքագրել:

Հարցս հետևյալն է.
1. Այդ գումարը որպես ներդրում ձևակերպե՞մ, թե՞ կարող եմ որպես երկարաժամկետ փոխառություն ձևակերպել:
2. Կարո՞ղ եմ արդյոք այդ գումարը դրամարկղից կանխիկ վերադարձնել հիմնադրին:

Фев 05 2015

Արդյո՞ք գումարը կարող է համարվել առհաշիվ գումար

Կարեն.

Բարև ձեզ։
Խնդրում եմ պատասխանել, թե բանկային փոխանցումով գումարը համարվու՞մ է առհաշիվ գումար:

Շնորհակալություն:

Мар 26 2014

Գումարը ետ է վերադարձել բանկի հաշվեհամարին

Հեղինե.

Հարգելի հաշվապահներ, խնդրում եմ օգնեք սկսնակ հաշվապահին: Հարցս հետևյալն է. սխալ փոխանցման պատճառով գումարը ետ է վերադարձել բանկի հաշվեհամարին: Բանկային գումարների շարժը ցույց տալու ժամանակ ի՞նչ թղթակցող հաշվով ցույց տալ վերադարձած գումարը մուտքում: Նախապես շատ շնորհակալություն:

Фев 09 2014

Կազմակերպությունը ցանկանում է ավանդ ներդնել բանկում

Լյուդմիլա.

Բարև Ձեզ, հարգելի հաշվապահներ: Խնդրում եմ օգնեք հետևյալ հարցում.
ՍՊԸ-ն ուզում է բանկում ավանդ ներդնել որպես իրավաբանական անձ: Ինձ կասե՞ք, թե հաշվապահորեն ի՞նչ գործողություններ պետք է անեմ, և եթե հնարավոր է` համապատասխան հղում կատարեք: Արդյո՞ք ստացված տոկոսներից բանկն է եկամտային հարկի պահում կատարում:

Ноя 11 2013

Բանկի ներքին աուդիտի որակավորման քննության տեստեր

Եսթեր.

Խնդրում եմ հուշեք` որտե՞ղ կարող եմ գտնել բանկի ներքին աուդիտի որակավորման քննության տեստերը:

Июн 21 2013

ՍՊԸ գործունեություն է ծավալել մինչև 2013 հունվար

Lili.

Բարև ձեզ, հարգելի հաշվապահներ, խնդրում եմ օգնել հետևյալ հարցում.

ՍՊԸ բացվել է 2012 սեպտեմբերին, գործունեություն է ծավալել մինչև 2013 հունվար, վարձու աշխատողների հետ պայմանագրերը լուծվել են 2012-ին, հիմնադիրը և տնօրենը նույն անձն է, տնօրենի հետ պայմանագիրը դադարեցվել է 2013 հունվարին, քանի որ անորոշ էին գործունեության ծրագրերը, էլեկտրոնային ներկայացվել են եռամսյակային և տարեկան հաշվետվություններ ապրիլին, կատարվել են բանկային փոխանցումներ բյուջե ապրիլին և հունիսին, սակայն մինչ օրս գործունեությունը ժամանակավոր չի դադարեցվել: Կարո՞ղ էր հիմնադիրը կատարել բանկային փոխանցումներ, և ինչպիսի՞ պարտավորություններ կառաջանան: Խնդրում եմ հնարավորինս շտապ պատասխանել:

Կանխավ շատ շնորհակալ եմ:

Июн 07 2013

Կարո՞ղ է արդյոք կազմակերպությունը փոխառություն տրամադրել իր աշխատակիցներին

Արտաշ.

Բարև ձեզ:

Իմ հարցը հետևյալն է՝ կարո՞ղ է արդյոք ընկերությունը փոխառություն տրամադրել իր աշխատակիցներին տոկոսով, ինչպես տրամադրում են, օրինակ, բանկերը, թե՞ օրենքով ինչ-որ տեղ ֆիքսված է, որ պետք է բանկ կամ վարկային կազմակերպություն լինել նման գործունեությամբ զբաղվելու համար, կամ նման գործունեությունը լիցենզավորման ենթակա է:

Շնորհակալություն:

Мар 05 2013

Հաշվարկային հաշիվ օտարերկրյա պետությունում

Կարեն.

Բարև ձեզ: Հայաստանում գրանցված ՍՊԸ-ն կարո՞ղ է հաշիվ բացել արտասահմանյան բանկում (օր.` ԱՄՆ-ի կամ ԱՊՀ երկրների): Նախապես շնորհակալություն:

Фев 07 2013

Բանկի գլխավոր հաշվապահի որակավորում

Եսթեր.

Խնդրում եմ ինձ օգնեք` որտեղի՞ց կարող եմ գտնել ԿԲ-ում բանկի գլխավոր հաշվապահի լիցենզիա հանելու համար տրվող քննության հարցաշարը: Կանխավ շնորհակալություն:

Янв 12 2013

Որակավորման քննության հարցաշար

Վարդան.

Խնդրում եմ հուշեք` որտե՞ղ կարող եմ գտնել բանկի ներքին աուդիտի որակավորման քննության հարցաշար:

Дек 22 2012

Բանկերի հաշվային պլան

Անի.

Բարև Ձեզ, ինձ շտապ անրաժեշտ է հաշվային պլան` նախատեսված բանկերի համար: Խնդրում եմ ուղարկեք իմ էլ. փոստին: Նախապես շատ շնորհակալ եմ:

Май 17 2012

Որքա՞ն կկազմի տուգանքը

ԱՆՆԻ.

Հարգելի հաշվապահներ, կասե՞ք` ինչքան տուգանք է սահմանվում, եթե ես կանխիկ դրամարկղից վերցրել եմ գումար և վճարում եմ կատարել բանկով 372 568 դրամի:

Апр 04 2012

Ակտիվների դասակարգումը առևտրային բանկերում

Նարե.

Հարգելի հաշվապահներ, խնդրում եմ պատասխանել իմ հարցին. առևտրային բանկերում ակտիվները դասակարգվու՞մ են արդյոք ոչ ընթացիկի և ընթացիկի: Եթե այո, ապա խնդրում եմ նշել, թե ակտիվներից յուրաքանչյուրը որ խմբին է պատկանում: Կանխավ շնորհակալություն:

Сен 28 2011

Ու՞մ անունով տալ հրամանը

Ն.Ա.

Հարգելի հաշվապահներ, հարցս հրատապ է: ՍՊԸ-ի հիմնադիրը գործող տնօրենին, որի պայմանագրի ժամկետը չի լրացել, նշանակել է արտադրության պետ, իսկ գլխավոր հաշվապահին` տնօրեն: Խնդրում եմ ասեք, թե ինչպես և ում անունով հրամանը տալ, և ինչպե՞ս այդ փաստն արձանագրել 2-ի աշխատանքային գրքույկում: Եվ հետագա քայլերը ինչպե՞ս է կատարվում: Տեղեկացվու՞մ է պետ. ռեգիստրին, հարկային մարմիններին և բանկին: Կա՞ն ուրիշ այլ քայլեր, բացի վերոնշյալից: