Tag: եկամտային հարկ

Ֆիրմային անվանման գրանցում

Հայկուհի․

Բարև Ձեզ, խնդրում եմ պատասխանել հետևյալ հարցին․ եթե ֆիրմային անունը գրանցենք հիմնադիր տնօրենի անունով, կազմակերպության կողմից անունը օգտագործելու համար կարո՞ղ ենք կազմել անհատույց օգտագործման պայմանագիր, այդ դեպքում եկամտային հարկ կառաջանա՞, թե՞ ոչ: Շնորհակալ եմ։

Ինքնահաշիվ գրելու պարտականություն

Աննա․

Բարև Ձեզ։ Եթե կազմակերպությունը ծրագրավորման ծառայություն է ստանում ՌԴ ռեզիդենտ ֆիզիկական անձից, պե՞տք է գրել ինքնահաշիվ, և արդյո՞ք եկամտային հարկի վճարման պարտականություն առաջանում է `որպես հարկային գործակալ։

ՏՏ ոլորտի աշխատակիցների եկամտային հարկ

Դուխիկ.

Արդյո՞ք հաստատվել է ՏՏ ոլորտի աշխատակիցների 5% եկամտային հարկ վճարելու նախագիծը, եթե կազմակերպությոան եկամուտը նախորդ տարում 80% գոյացել է արտասահմանից։

Գործունեության դադարեցում

Ռուբ.

Բարև ձեզ, եթե ՍՊԸ-ն ցանկանում է գործունեության ժամանակավոր դադար տալ անորոշ ժամկետով, սակայն ունի ֆիզ․ արձակուրդում գտնվող աշխատակից և պարտավորություն դրոշմանիշային վճարի գծով, ապա կարո՞ղ է ներկայացնել դիմումը թե՞ ոչ, և արդյո՞ք ֆիզ․ արձակուրդում գտնվող աշխատակցի գծով ամեն ամիս պետք է ներկայացվի եկամտային հարկի զրոյական հաշվետվություն, թե՞ ոչ։ Կանխավ շնորհակալություն։

Արդյո՞ք առաջանում է եկամտային հարկի պարտավորություն

Արեգա․

Ընկերության հիմնադիր տնօրենը անտոկոս փոխառություն է տրամադրում ընկերությանը:

Հարց․ այս դեպքում եկամտային հարկի պարտավորություն առաջանու՞մ է, թե՞ ոչ։

Ձեռքբերում ֆիզ. անձից

Արեն․

Բարև ձեզ: Կազմակերպությունը, որն աշխատում է շրջանառության հարկով, ֆիզիկական անձից ձեռք է բերել մարկտկոցներ՝ թվով 3 հատ: Օրենքի խախտում կա՞ տվյալ գործարքի մասով հարկ չհաշվարկել և չվճարելը։ Օրենսգրքի ո՞ր կետով առաջնորդվել։

Նվազագույն աշխատավարձ

Լուսինե․

Բարև Ձեզ։ ԱՁ-ն աշխատել է որպես միկրոձեռնարկատիրություն, հունիսի 1 ից անցել Է շրջհարկի, գրանցված աշխատակցի աշխատավարձը էղել է 90 000 դրամ ներառյալ հարկերը, կասե՞ք խնդրում եմ՝ հունիս ամսվա աշխատավարձը արդեն հաշվենք մինիմալ 104 000 -ո՞վ։

ԱՁ հարկեր

Գայանե․

Բարև Ձեզ, հարգելի հաշվապահներ։ Հուլիսի 1-ից միկրոյի դաշտում գրանցված աշխատողների հարկերը 20% եկամտային հարկն է դարձել, 5% կուտակայինը։ Ճի՞շտ եմ հասկացել, որ ԱՁ-ի համար էլ է 5 000 դրամ շահութահարկ, 5 000 դրամ սոց վճարվում, ինչպես օրինակ շրջանառության հարկի դեպքում է։ Կանխավ շնորհակալություն։

Ձեռքբերում ֆիզ. անձից

Ջուլիա․

Բարև ձեզ, հարգելի հաշվապահներ։ ԱԱՀ դաշտում աշխատող ընկերությունը արտադրության համար հումքը գնում է ֆիզ․ անձից, լինում է առք ու վաճառքի պայմանագիր, երկկողմանի գնաման ակտ։ Եկամտային հաշվետվության մեջ 2-րդ տողում պե՞տք է ցույց տալ, և 10՞ % է հարկվում այդ դեպքում։

Եկամտային հարկ շուկայից ձեռքբերման դեպքում

Ալլա․

Բարև ձեզ, հարգելի հաշվապահներ, այսպիսի հարց․ եթե շրջանառության հարկով աշխատող ԱՁ-ն շուկայից ձեռքբերումներ է կատարում, եկամտային հարկի պարտավորություն առաջանու՞մ է։

Եկամտային հարկի հաշվարկի լրացման վերաբերյալ

Մանե․

Բարև ձեզ: ԱՁ-ն աշխատում է միկրոյով: Վարձակալել է տարածք ֆիզ. անձից: Եկամտայինի հաշվետվության մեջ համակարգը թույլ չի տալիս որպես այլ եկամուտ լրացնեմ: Արդյո՞ք տեխնիկական խնդիր է, թե՞ միկրոն իրավունք չունի այլ եկամուտ ցույց տալու։

Ձեռքբերման թղթակցություններ

Կարեն․

Բարև Ձեզ։ ԱԱՀ-ով աշխատող կազմակերպությունը ձեռք է բերել շուկայից ապրանքներ, գիտեմ, որ պետք է վճարի 20 տոկոս եկամտային հարկ։ Կասե՞ք՝ ինչպիսի հաշվապահական թղթակցություններ պետք է տամ։

Ձեռքբերում շուկայից

Աննա․

Բարև ձեզ, հարգելի հաշվապահներ։ Շուկայից ձեռքբերում կանխիկով՝ յուրաքանչյուր գործարքը 300 000 և ամսական 3 մլն չգերազանցող, ՍՊԸ-ների համար թույլատրելի են, չէ՞, և որից վճարվում է եկամտային հարկ 20%:

Զրոյական հաշվետվություն պե՞տք է ուղարկել

Mary.

Բարև Ձեզ, խնդրեմ կասե՞ք՝ եթե քաղաքացիական պայմանագրով ծառայություն մատուցողին մի ամիս վճարում չենք կատարում, պե՞տք է արդյոք զրոյական եկամտային հարկի հաշվետվություն ուղարկել:

Եկամտային հարկ օրապահիկից

Կարեն․

Բարև Ձեզ։ Երբ աշխատակիցներին օրապահիկ է վճարում ՍՊԸ-ն, այդ վճարը եկամտային հարկով հարկվու՞մ է։ Եթե այո, եկամտային հաշվետվությունում ո՞ր տողում ենք նշում։

Գործուղման ծախսեր

Հայկուհի․

Բարև Ձեզ, խնդրում եմ պատասխանեք հետևյալ հարցին. Կազմակերպության աշխատակիցը մեկնել է գործուղման, հյուրանոցի համար վճարել է կազմակերպության քարտով, գումարը գերազանցում է մեկ անձի համար նախատեսված սահմանաչափը: Բացի այն , որ ավել մասը ենթակա չէ շահութահարկի հարկման բազայից նվազեցման, նաև հարկում ենք եկամտային հարկո՞վ: Հյուրանոցի ինվոյսը ունենք:

Խաղավարի գրանցում

Գայանե․

Բարև Ձեզ, հարգելի հաշվապահներ։ ՀԿ-ն միջոցառում է կազմակերպել և խաղավար է հրավիրել։ Խաղավարը հարկային դաշտ մտած չի, ի՞նչ խորհուրդ կտաք՝ խաղավարը գրանցվի որպես ֆիզ անձ, հաշվեհամար բացի, փոխանցենք իր հաշվեհամարի՞ն, և այդ խաղավարը ինչքա՞ն եկամտային հարկ պետք է վճարի։ Շնորհակալություն։

Инвестиционный счет у зарубежных брокеров

Garnik.

Здравствуйте. Я хочу открыть инвестиционный счет у зарубежных брокеров (IB) из Армении, и у меня есть вопросы. Насколько мне известно налог на рост от акций в Армении 0% а на дивиденды 5% , если я реинвестирую дивиденды в акции в первый же год то эти 5% платить не нужно, верно? Если заполнить форму о избежании двойного налогообложения W-8BEN брокер США будет автоматически вычитать налог 10% ( он пойдет в Армению или Сша не знаю)

• Итак вопрос такой, нужно ли в моем случае вообще ежегодно отчитываться перед налоговой в Армении, если я не планирую выводить деньги с дивидентов и продажи акций в ближайшие как минимум 10 лет?

• Ели я не буду это делать то что мне будет, когда я захочу продать честь акций и перевести деньги от брокера США мне на счет в Армению?

165 ձևի լրացման հետ կապված

Լուսինե․

Շնորհակալ կլինեմ, որ պատասխանեք մի հարցի. Հարկային հաշվետվության 165-րդ ձև ֆիզիկական անձի եկամուտը գրվում է կեղտոտ գումարը , այսինքն ՍՊԸ-ն ֆիզ անձից վարձակալել է տարածք 200 000, հարկը վճարում է ՍՊԸ-ն, լրացման կարգով՝ գրում ենք 200 000, թե՞ միայն ֆիզ անձի եկամուտը 180 000, 20 000 առանձին, և շահաբաժինը էլի ընդհանու՞ր, թե՞ հարկերը պահած:

ԾՄ պայմանագրի եկամտային հարկ

Աշոտ․

Բարև Ձեզ։ Եթե քաղիրավական պայմանագիրը մի քանի ամիս է ներառում, բայց ըստ պայմանագրի վճարումը պետք է կատարվի վերջում, եկամտային հարկը նույնպե՞ս վերջում է հաշվարկվում և վճարվում, թե՞ բաժանվում է ամիսների մեջ։

Շահաբաժնի հայտարարում

Հեղինե․

Բարև ձեզ: Հարգելի հաշվապահներ, խնդրում եմ օգնեք. ՓԲԸ-ն, որն ունի միակ բաժնետեր, ունեցել է շահույթ 24 000 000 դրամ: Եթե հայտարարում է այդ շահույթի մասին և դրանից ցանկանում է ստանալ 10 000 000 դրամ, մնացածն ավելանում է կապիտալին:

Հարց. 1) 5 տոկոս հարկը վճարում է 10 000 000 -ից, թե՞ ամբողջ գումարից.

2) Տարվա ընթացքում ցանկացած ժամանակ կարո՞ղ է հայտարարել նախորդ տարվա շահույթի մասին և ստանալ այն ամբողջությամբ կամ մասնակի:

Շնորհակալություն:

Արդյո՞ք առաջանում է եկամտային հարկ

Էդուարդ․

Բարև Ձեզ։ Եթե ՌԴ-ից կազմակերպության անունից գումար ուղարկեն Հայաստանում ֆիզիկական անձի բանկային հաշվեհամարին, ստացող ֆիզիկական անձից եկամտային հարկ գանձվու՞մ է, թե՞ ոչ։

Եկամտային հարկի վերադարձ

Թինա․

Բարև Ձեզ, հարգելի հաշվապահներ։ ՏՏ ոլորտում եկամտային հարկին 50% վերադարձը ինչպե՞ս է ձևակերպվում։ Որպես եկամու՞տ, թե՞ հարկի նվազեցում։ Եվ 2-րդ հարցը՝ շահութահարկի առումով գումարը դիտարկվու՞մ է որպես եկամուտ։

Մայրության նպաստ

Կարինե․

Աշխատակցին տրվել է մայրության նպաստ, 01.03.2023-02.08.2023թթ գտնվելու է հղիության և ծննդաբերության արձակուրդում։ Երեխան ծնվել է մարտի 9-ին, եկամտային հարկի հաշվետվությամբ ներկայացվել է նպաստը գումարով և ժամկետով։ Հետագա քայլը ո՞րն է լինելու։ Աշխատակիցն ասում է՝ երեխայի ծննդյան 70 օրը լրացել է, ու պետք է ինչ որ հայտ ներկայացնեմ, որ ինքն էլ սոցապում դիմում գրի։ Չեմ հասկանում՝ ինչի մասին է խոսքը․ առաջին անգամ եմ առնչվում ֆիզարձակուրդի հարցերի։

Եկամտային հարկի դրույքաչափ ՏՏ ոլորտի համար

Lian.

Հարգելի հաշվապահներ, ՏՏ ոլորտի հավաստագիր ունեցող կազմակերպության աշխատակցի մայրության նպաստից եկամտային հարկը և՞ս հարկվում է 10% (ինչպես աշխատավարձի դեպքում)։

Օրապահիկի ձևակերպում

Կարեն․

Բարև Ձեզ։ Կազմակերպությունը օրապահիկ է տալիս աշխատակիցներին՝ օրական 6 000 ՀՀ դրամ։ Կխնդրեի հուշեք․

1․ Ի՞նչպես պետք է փաստաթղթավորեմ։

2․ Շահութահարկով ծախս համարվելու՞ է։

3․ Եկամտային հարկով հարկվելու՞ է։

Կխնդրեի ասեք նաև՝ օրապահիկի հետ կապված ո՞ր օրենքը կարդամ։

Ձևակերպումներ ծրագրում

Մելինե․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում (նոր եմ ձեռք բերել), օրինակ, տույժերի ծախսերին հաշվեգրումը, կամ ասենք միասնական հաշվում առկա գումարով եկամտային հարկի մարումը ի՞նչ փաստաթղթերով ձևակերպել, հիշարար օրդե՞ր։ Եվ ձեռք բերված կնիքը ի՞նչ փաստաթղթով մուտքագրել՝ հիմնական միջո՞ց, թե՞ արագամաշ առարկա: Շնորհակալություն։

Եկամտային հարկի օգտագործում

Հեղինե․

Բարև ձեզ, խնդրում ասեք՝ տարիներ շարունակ աշխատած և կուտակած եկամտային հարկը ինչ որ նպատակի համար հնարավո՞ ր է օգտագործել։ Եթե այո, խնդրում եմ օգնել և ուղղություն ցույց տալ։

Արձակուրդը երկու ամսվա մեջ է

Նարե․

Հարգելի հաշվապահներ, եթե արձակուրդը երկու ամսվա մեջ է՝ հաշվետվությունը պետք է հանձնել ըստ ամիսների առանձի՞ն։

Ընկերությունը վճարում է ֆիզ. անձին

Լևոն․

Բարի օր: Եթե ընկերությունը գործակալության պայմանագրով վճարում է մասնավոր անձին, ընկերությունը պե՞տք է եկամտային հարկ պահի, թե՞ մասնավոր անձը վճարում է ինքնուրույն:

Բժշկական ապահովագրության ձևակերպումներ

Անի․

Բարև ձեզ։ Հասարակական կազմակերպությունն աշխատակիցների համար ձեռք է բերել բժշկական ապահովագրություն: Մեկ անձին բաժինը ընկնող գումարը ամսվա կտրվածքով 18 300 դրամ է։ Ըստ օրենքի՝ 10 000 դրամը նվազեցվում է, իսկ գերազանցող մասը հարկվում։ Հաշվապահական ի՞նչ ձևակերպումներ են տրվում այս դեպքում։ Կանխավ շնորհակալություն։

Վարձավճարի նվազեցում

Արեն․

Ողջույն, հարգելի հաշվապահներ: Խնդրում եմ օգնել հետևյալ հարցում: Տեղեկատվական տեխնոլոգիաների ոլորտում աշխատող կազմակերպությունը ֆիզիկական անձից վարձով ձեռք է բերել գրասենյակային տարածք առանց նոտարական կամ կադաստրային վավերցման: Ամսական վարձավճարը կազմում է 285 000 դրամ: Կազմակերպությունն աշխատում է ընդհանուր հարկման դաշտում: Պայմանագիրը նշված է 1 տարի ժամկետով: Հիմա խնդրում եմ ասեք՝ կարո՞ղ է կազմակերպությունը ամբողջ տարվա վարձավճարի գումարը նվազեցնել համախառն եկամտից։

Եվ հաջորդ հարցս՝ տարածքը վարձակալությամբ տրամադրվում է ողջ գույքով, ներառյալ համակարգիչներ: Պայմանագրի մեջ որ նշվի՝ տարածքը հանձնվում է ամբողջ գույքով, դա բավարա՞ր է, թե՞ այլ կարգավորումներ կան: Նշեմ, որ 2023 թվականի դեկտեմբեր ամսին վճարվելու է ամբողջ գումարը տարվա և 10 տոկոս հարկը վճարվի, սա անկանխիկի խախտում չի կարող չէ՞ դիտվել, քանի որ 12 ամիսների վճարն է վճարում, թե՞ սխալվում եմ։

Շրջհարկի նվազեցումներ

Կարեն․

Բարև Ձեզ։ Շրջանառության հարկով աշխատող ԱՁ-ն գնել է 5 000 000 դրամի սարքավորում ֆիզ․ անձից, որից հետո այդ սարքավորումը արտահանել է։ 10 տոկոսը որպես գույքից եկամուտ ֆիզ․ անձի փոխարեն եկամտային հարկ ԱՁ-ն վճարել է։ Կարո՞ղ է այդ 5 000 000 դրամի 4 տոկոսը շրջհարկից ծախս ճանաչել։

Եկամտային հարկի պարտավորություն

Գայանե․

Բարև Ձեզ, կասե՞ք խնդրեմ. Եթե կազմակերպությունը աշխատում է շրջ. հարկով, ունի ֆիզ.անձից վարձակալություն, այս դեպքում, որպես հարկային գործակալ 10% պե՞տք է վճարել, և նույն հարցը՝ ֆիզ. անձից գնում կատարելիս եկամտային հարկ վճարվելու՞ է, թե՞ ոչ:

Հարկեր նվիրատվության ժամանակ

Գոհար․

Բարև Ձեզ։ Աշխատում եմ շրջ. հարկի 5 տոկոս դաշտում։ Հիմնական միջոցը նվիրատվություն եմ անում տղայիս, ճի՞շտ եմ հարկում – 10 տոկոս կադաստրային արժեքի և 10 տոկոս եկամտային հարկ։ Խնդրում եմ ասեք։

Ի՞նչ հաշվետվություն պետք է ներկայացնել

Պավել․

Բարև ձեզ: ՍՊԸ-ն գրանցվել է 2023թ. մարտին, աշխատելու է ԱԱՀ-ի դաշտում, բայց գործունեություն դեռ չի իրականացնում: Գրանցված է միայն տնօրենը, որը հանդիսանում է ՌԴ քաղաքացի: Խնդրում եմ պարզաբանեք. 2023թ. I եռամսյակի և 2023թ. մարտ ամսվա համար ի՞նչ հաշվետվություններ են պետք ներկայացնել հարկային մարմին: ԱԱՀ-ի մասով ներկայացվել է 264. Հայտարարություն` ԱԱՀ վճարող համարվելու և որպես ԱԱՀ վճարող հաշվառվելու վերաբերյալ, 260. Ավելացված արժեքի հարկի և ակցիզային հարկի միասնական հաշվարկ (2020 թ․-ից) (զրոյական): Իսկ ին՞չ հաշվետվություն պետք է ներկայացվի տնօրենի համար: Կանխավ շնորհակալություն:

Ֆիզ. անձը ավտոմեքենա է վաճառել

Գոհար․

Բարև ձեզ, հարգելի հաշվապահներ։ Ինձ կօգնե՞ք հասկանամ, թե ի՞նչ անեմ ֆիզ․ անձի կողմից ավտոմեքենայի օտարման ժամանակ առաջացած հարկային պարտավորության համար։ Պետք է ԱՁ բացի, և ներկայացնեմ 163 ձևը ու էլի փակե՞մ։

Ենթավարձակալության եկամտային հարկ

Վիկա․

Բարև ձեզ։ Որ խնդրեմ կօգնե՞ք մի հարցով․ ՍՊԸ ֆիզ․ անձից տարածք է վարձակալել և ՍՊԸ-ն այդ տարածքից մեկ սենյակ վարձակալության է տալիս միկրոյով աշխատող Ա/Ձ-ին, ստացվում է 3 անձի այս դեպքում 10 տոկոս տարածքի վարձակալությունից եկամտային հարկ ո՞վ պետք է վճարի և օրենքի ո՞ր հոդվածն է, որ խնդրեմ՝ կասե՞ք:

ԱՁ մատուցում է շինարարական ծառայություններ

Անուշ․

Բարև Ձեզ, բանիմաց հաշվապահներ ջան։ ԱՁ-ն, որը մատուցում է շինարարական ծառայություն, կարո՞ղ է․

1․Մինչև հուլիսի 1-ը աշխատել միկրոյով, որպեսզի աշխատողի համար ավելորդ եկամտային հարկ չտա

2․ Հոիլիսի 1-ից, որ անցնի շրջ․ հարկի, հայտարարությունը ե՞րբ պետք է տա

3․ Շրջ․ հարկի դեպքում ի՞նչ հաշվետվություններ է հանձնելու և ի՞նչ հարկեր է վճարելու և հարկերի վճարման հավեշվետու ժամանակաշրջանը ե՞րբ է։

Շնորհակալություն։

ՍՊԸ փետրվարին ծառայություն չի մատուցել

Նանա.

Բարև Ձեզ։ ՍՊԸ-ն մատուցում է ծառայություններ, ունի գրանցված 1 աշխատող: Այնպես է ստացվել, որ փետրվար ամսվա ընթացքում ծառայություն չի մատուցել և եկամուտ չունի, հետևաբար աշխատողին չի վճարելու աշխատավարձ: Հարց. եկամտային հարկի զրոյական հաշվետվություն պե՞տք է ուղարկել, թե՞ ոչ։

Տոկոսի արտացոլում հաշվարկի մեջ

Ալինա․

Բարև Ձեզ։ Երբ կազմակերպությունը իր հաշվարկային հաշվում եղած ազատ գումարները դնում է բանկում որպես ավանդ, արդյունքում ստացված տոկոսները շրջանառության հակի հաշվարկի մեջ պե՞տք է ներառվի, թե՞ ոչ։ Եթե այո՝ խնդրում եմ ասեք օրենքի ո՞ր հոդվածով և հաշվարկի ո՞ր տողում։ Ասեմ նաև, որ բանկը եկամտային հարկը պահել է։ Կանխավ շնորհակալություն։

Վերջնահաշվարկի արտացոլում

Անի․

Վերջնահաշվարկը եկամտային հարկի հաշվետվության լրացման ժամանակ հաշվեգրման թե՞ դրամարկղային մեթոդն է կիրառվում։

Գույքի ձեռքբերում ֆիզ. անձից

Լաուրա․

Բարի օր եմ մաղթում։ Եթե ֆիրման ֆիզ․ անձից գնում է գույք, ի՞նչ փաստաթղթով է դա իրականացվելու, և ֆիզ․ անձի համար քանի՞ տոկոս ի՞նչ հարկի պահում պետք է կատարվի։ Նախապես շնորհակալ եմ օգնելու համար։

Փոխառության և շահաբաժնի փոխմարում

Հայկ․

Բարև Ձեզ, հարգելի մասնագետներ: Ցանկանում եմ իմանալ՝ կա՞ արդյոք հստակ պարզաբանում իմ հարցի հետ կապված: Եթե ՍՊԸ-ն իր հիմնադրին, որը նաև 100% մասնակից է, ունի տրված փոխառություն՝ անկանխիկ եղանակով՝ 145 հաշվի վրա, միաժամանակ կտ-ական պարտք շահաբաժինների մասով՝ 529 հաշվի վրա: Կարելի՞ է կատարել այդ հաշիվների փոխմարում՝ իհարկե 5% եկամտային հարկը պահելով և վճարելով բյուջե: Եթե այո, ապա ի՞նչ հիմնավորմամբ, և ի՞նչ փաստաթղթեր պետք է կազմել: Շնորհակալ եմ։

Հաշվետվությունների վերջնաժամկետներ

Լուսինե․

Հարգելի հաշվապահներ, խնդրում եմ գրել հետևյալ հաշվետվությունների վերջնաժամկետները․

  • 165. Տեղեկություններ՝ ֆիզիկական անձանց եկամուտների և եկամտային հարկի մասին
  • 240․ Հաշվարկ՝ ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի
  • 244․ Հաշվարկ՝ անհատ ձեռնարկատիրոջ և նոտարի սոցիալական վճարի
  • 273. Այլ պետություններում գրանցված կազմակերպություններին վճարված եկամուտների, եկամուտների վճարման ամսաթվի, այդ եկամուտներից հաշվարկված և պահված շահութահարկի վերաբերյալ տեղեկություններ

Օգնության արտացոլում հաշվետվության մեջ

Նարա․

Բարև Ձեզ։ Ունեմ այսպիսի հարց․ աշխատակցին ընտանիքի անդամի մահվան դեպքով տրվել է միանվագ դրամական օգնություն։ Եկամտային հարկի մասին օրենքի հոդված 6․ կետ 21 համարվում է նվազեցվող եկամուտ։ Եկամտային հարկի հաշվետվության մեջ որտե՞ղ պետք է ցույց տալ այդ գումարը, եթե 1․9 մեջ չի ընդունվում 5% ավել գումարի արտացոլում։ Շնորհակալություն։

Եկամտային հարկ առաջանու՞մ է

Lilia.

Բարև բոլորին, ինձ ո՞վ կարող է ասել՝ միկրոձեռնարկատիրության սուբյեկտը եթե չփաստաթղթավորված ձեռքբերում ունի, 20 տոկոս եկամտային հարկ առաջանու՞մ է։

Աշխատողի ազատում աշխատանքից

Մելինե․

Բարև ձեզ։ Եթե աշխատողին ազատել են հունվարի 1-ի դրությամբ, բայց ձև 79 հանձնել ենք հունվարի 5-ին, խախտում կա՞։ Հունվարի եկամտային հարկի հաշվարկում բերում է նաև այդ ազատվածի անունը։

ԱՁ-ն կանաչի է արտադրում

Մարիամ․

Բարև ձեզ։ Կարող է մի քիչ շատ լինեն հարցերս, բայց կխնդրեյի պատասխանեյիք․ ԱՁ-ն կանաչի է արտադրում և աշխատում է միկրոյի դաշտում, մարտի 1 ից ուզում է անցնել շրջ. հարկի: Շրջ․ հարկի հայտը տալուց հետո ի՞նչ հաշվետվություններ պետք է լրացվեն։ Աշխատող չունի, սոց․ վճարող չէ, և կա վարձակալած տարածք։ 189 ձևը պե՞տք է լրացնեմ վարձավճարի համար: Ներմուծումը և այլ ծախսերը կարո՞ղ եմ նվազեցնել հարկից: Նախապես շնորհակալ եմ։

Սոց․ վճար դեկրետում գտնվողի համար

Գայանե․

Բարև Ձեզ, հարգելի հաշվապահներ։ Հասարակական կազմակերպությունը մեկ տարվա ծրագիր է շահել, և աշխատանքի ենք ընդունել հոգեբան, ով հիմա երեխայի է սպասում։ Ծրագրի ավարտից հետո, երբ աշխատողը գտնվի երեխայի խնամքի արձակուրդում, ՀԿ-ի նախագահը պետք է ամեն ամիս 3 000 դրամ սոց վճար անի չէ՞ տվյալ աշխատողի համար։ Բայց այստեղ խնդիրը կայանում է նրանում, որ կազմակերպությունը միջոց չունի վճարելու։ ՀԿ -ն զբաղվում է հատուկ խնամքի երեխաների ծառայությամբ: Իրավունք ունե՞նք խնամքի արձակուրդում գտնվող աշխատակցին ազատել։ Եվ մի հարց էլ՝ ֆիզի գումարը, եթե տվյալ ամսվա եկամտային հարկը չի բավականացնում, կարո՞ղ եմ երկու կամ երեք ամսում վճարել: Շնորհակալ եմ։