Tag: էլեկտրոնային

e-invoicing սևագրերի ստորագրում

Մերի․

Ողջույն, հարգելի հաշվապահներ, խնդրում եմ պարզաբանել հետևյալ հարցս․՝ e-Invoicng համակարգում 2 ամիս առաջ դուրս եմ գրել հաշվարկային փաստաթղթեր և պահպանել սևագրեր բաժնում, այժմ ցանկանում եմ ստորագրել, համակարգը թույլ չի տալիս, եթե նոր փոփոխության մեջ նշվում է, որ կարող ենք նախկինում դուրս գրված հաշիվները ստորագրել, ապա ինչու՞մն է խնդիրը։ Նախապես շնորհակալություն։

Արտահանման հաշիվ

Գայանե․

Բարև Ձեզ, խնդրում եմ օգնեք, քանի որ առաջին անգամ եմ արտահանում կատարում: Արտահանում ենք մեր արտադրանքը ԱՄՆ: Պե՞տք է գրեմ հաշիվ վավերագիր, եթե այո, ինչպե՞ս եմ լրացնում, նշել եմ ՀՎՀՀ պարտադիր չէ, բայց առաքման հասցե է ուզում, ինչպե՞ս անեմ։

Լիազորի վերականգնում

Աիդա․

Ինչպե՞ս կարող եմ վերականգնել Էլեկտրոնային հաշվետվությունների համակարգում Լիազորի մուտքանունը և գաղտնաբառը։ Շնորհակալություն։

Ուղեկցող փաստաթուղթ

Մայա․

Բարև Ձեզ։ Շրջհարկով աշխատող Ա/Ձ-ն գնման ընթացակարգի արդյունքում՝ համաձայն պայմանագրի, բոլոր աշխատանքային օրերի համար իրականացնում է մթերքի առաքում թվով 10 դպրոցների։ Ամեն օր մինչև առաքումը, յուրաքանչյուր դպրոցի համար դուրս է գրվում e-invoicing ծրագրով էլեկտրոնային հաշիվ վավերագիր։ Ամեն օր առաքվող մթերքը ուղեկցվում է նաև երկկողմանի ստորագրվող՝ ըստ պայմանագրի պահանջվող թղթային տարբերակով հանձնման – ընդունման ակտով։ Այսինքն ստացվում է ամսվա կտրվածքով՝ միջին հաշվարկով, դուրս է գրվում 210-230 էլեկտրոնալին հաշիվ և նույնքան էլ թղթային հանձնման-ընդունման ակտ։

Հարգելի հաշվապահներ, Ձեր խորհրդատվության կարիքն եմ զգում այս հարցում։ Հնարավո՞ր է արդյոք ամեն օրվա առաքմանն ուղեկցող փաստաուղթ բավարարվել միայն թղթային հանձնման-ընդունման ակտով՝ դուրս չգրելով հաշիվ վավերագիր կամ տեղափոխման այլ էլեկտրոնային փաստաթուղթ։ ՀՏ-ի օրենքների խախտում չի՞ դիտվի արդյոք միայն ամսվա վերջում կամ հաջորդ ամսվա սկզբին՝ յուրաքանչյուր դպրոցի համար (հիմք ընդունելով այդ թղթային հանձնման-ընդունման ակտերի հանրագումարը) e-invoicing ծրագրով դուրս գրվի ընդամենը մեկ հատ էլեկտրոնային հաշիվ վավերագիր՝ ամբողջ ամսվա համար։ Եթե փաստացի ունեք այսպիսի իրավիճակ՝ խնդրում եմ արձագանքեք, կիսվեք Ձեր փորձով։ Հատկապես, եթե անցել եք ՀՏ-ի կողմից ստուգում այս պարագայում։

Կանխավ շնորհակալ եմ բոլոր արձագանքների և խորհուրդների համար։

Հանձնում-ընդունում

Կարապետ․

Խնդրւմ եմ ասեք՝ ՀՀ հարկային օրենսդրությունով պարտադի՞ր է հանձնման-ընդունման ակտի թղթային տարբերակի առկայությունը, թե՞ կարող ենք ստորագրություններն ու կնիքները կազմակերպել էլեկտրոնային՝ էլ․ փոստով միմյանց ուղարկելու միջոցով։

Պարտադի՞ր է POS տերմինալի ձեռք բերումը

Վահե․

Բարև ձեզ, հարգելի հաշվապահներ։ Ես ուզում եմ բացել ԱՁ էլեկտրոնիկայի օնլայն վաճառքներ իրականացնելու համար։ Ընկերս ունի ՍՊԸ, որը օնլայն հարթակ է տրամադրում ավտոմատացված վաճառքների համար։ Իր կայքում կա POS տերմինալ, որով պետք է կատարվի վաճառքը։ Եթե իմ բիզնեսը միայն օնլայն հարթակում է, և ես ոչ մի տեսակ POS տերմինալ չունեմ, արդյո՞ք կարող եմ գործարկել բիզնեսը, թե՞ պարտադիր է POS-ի ձեռք բերումը։ Կանխավ շնորհակալ եմ։

Լիազորի և օգտվողի գրանցում

Քնարիկ․

Բարև ձեզ, եթե ԱՁ-ն շրջհարկի դիմում չի տվել, անցել է ԱԱՀ-ի դաշտ, հիմա պետք է թաքսում գրանցել որպես լիազոր և օգտագործող հաշվետվությունները ուղարկելու համար, ինձ ի՞նչ փաստաթղթեր են հարկավոր, ու եթե դիմում ձև կա, խնդրեմ ուղարկեք։

Առցանց առևտուր

Վահան․

Բարև ձեզ։ Ես էլեկրոնային աևտրի օնլայն հարթակ ունեմ, որտեղ պետք է համագործակեմ տարբեր հագուստի, էլեկտրոնիկայի և զարդերի խանութների հետ։ Վճարումները ստանալու եմ միայն բանկերի կողմից տրված օնլայն տերմինալներով։ Կայքում ցանկացած վճարում կատարելիս գումարը անցնում է իմ հաշիվ, հետո նոր ես պիտի փոխանցեմ այն գործընկեր կազմակերպությունների հաշիվ։ Առաքումները կազմակերպում են գործընկեր կազմակերպությունները։ Ես որպես միջնորդ որոշակի տոկոս եմ պահելու վաճառքներից։

Ինչպե՞ս կազմակերպեմ այս գործըթացը հաշվապահական առումով։ Կարո՞ղ եմ արդյոք գումարը ստանալ, միջնորդավճարը պահեմ ու նոր փոխանցեմ գործընկերներիս, թե՞ պետք է ամբողջությամբ վաճառքի գումարը փոխանցեմ, հետո օրինակ ամսվա վերջ հաշիվ ներկայացնեմ։

Ենթադրում եմ, որ շրջհարկով ճիշտ կլինի աշխատել։

Նորաբաց ՍՊԸ հաշվետվություններ

Կարինե․

Բարի օր։

Ես ծանոթ չեմ ՀՀ հարկային օրենսդրությանը, խնդրում եմ պատասխանել․ գրանցվել է կազմակերպություն (ՍՊԸ), որը դեռ չի գործում, բայց սույն տարում կգործի։ Տեղյակ եմ, որ պիտի հայտարարություն տամ ԱԱՀ-ով հարկման մասին և դադարեցման դիմում ներկայացնեմ։ Խնդրում եմ ասել՝ online.taxservice.am ծրագրում որտե՞ղ պետք է արվեն այդ գործողությունները։

Փոխանցում էլեկտրոնային ստորագրության համար

Աննա․

Բարև ձեզ, հարգելի հաշվապահներ։ ՍՊԸ իր հաշվեհամարից փոխանցում է կատարել տնօրենի էլ ստորագրության համար։ Կասե՞ք խնդրեմ՝ սա խնդիր կառաջացնի՞, թե՞ պետք է դիմել էկենգ, որպեսզի հաշիվ դուրս գրեն, կանխավ շնորհակալ եմ:

Հաշվարկային փաստաթուղթ դուրս գրելը պարտադի՞ր է

Շուշան․

Բարև Ձեզ։ Եթե շրջհարկով աշխատող ԱՁ-ն էլեկտրոնային ծառայությունների դիմած վճարում է ստանում բանկային հաշվին (բանկային-քարատային փոխանցումներով, տելսել կամ այլ տերինալով), ապա հաշվարկային փաստաթուղթ դուրս գրելը պարտադի՞ր է։

Ճի՞շտ եմ հասկանում, որ Հարկային օրենսգրքի 56 հոդվածի 2-րդ մասով ասվում է, որ բնակչությանը մատուցվող ծառայության համար պարտադիր չէ, եթե ծառայություն ստացողը չի պահանջում։ Իսկ եթե պարտադիր է, ապա փաստորեն ծառայություն ստացողը պիտի տրամադրի իր անձնագրային, բանկային տվյալները և հասցեն։

ՀԴՄ և POS տերմինալ ունենալը պարտադի՞ր է

Շուշանիկ․

Բարև Ձեզ։ Եթե շրջհարկով գրանցված ԱՁ-ն աշխատում է օնլայն, մատուցում է միայն էլեկտրոնային ծառայություն և կանխիկ վճարումներ առհասարակ չի նախատեսում (նախատեցվում է միայն փոխանցում հաշվեհամարին), ապա ՀԴՄ և POS տերմինալ ունենալը պարտադի՞ր է։ Շնորհակալություն։

Հաշիվների ստորագրում

Անահիտ․

Բարև Ձեզ, ես ունեմ խնդիր քարտի հետ և չեմ կարողանում եմ ստորագրել հաշիվ ապրանքագրերը։ Ինձ անհրաժեշտ է հաշվապահ, ով կարող է ստորագրել 3-4 հաշիվ ապրանքագիր ամսվա ընթացքում։

Էլեկտրոնային ՀԴՄ

Նունե․

Բարև ձեզ։ Ես միկրոբիզնես եմ, օնլայն կուրսեր եմ վաճառելու առցանց։ Կայքի համար օգտագործելու եմ հայկական համակարգ՝ ucraft կամ uteach։ Իրենք ուղիղ ինտեգրվում են մեր բանկերի հետ, բայց էլեկտրոնային ՀԴՄ չունեն ավտոմատիզացված։ Իմ տպավորությամբ, իրենցից օգտվողներն այդ էլեկտրոնային ՀԴՄ-ները չեն ուղարկում։ Հիմա կասե՞ք խնդրում եմ՝ դա պարտադիր պայման է։

Հաշիվները ուշ են հաստատվել

Հայկ․

Բարև ձեզ, հարգելի մասնագետներ: Մարտ ամսվա համար ներկայացրել եմ ԱԱՀ հաշվարկ, և հաշվանցել եմ մարտ ամսվա ձեռքբերումների ԱԱՀ-ն, սակայն ինվոյսինգում այդ հաշիվները մի քանի օր անց եմ հաստատել: Օրենքի խախտում կա՞, և ինչպե՞ս կարելի է շտկել: Շնորհակալություն։

Կրիպտոարժույթի առք և վաճառք

Գևորգ Ղահրամանյան․

Բարև ձեզ։ Ես զբաղվում եմ կրիպտոարժույթի առք ու վաճառքով միջազգային կրիպտոարժույթի բորսաներում, կխնդրեի պարզաբանենք՝ առք ու վաճառքից ստացված եկամուտներից ես ինչպե՞ս և ի՞նչ հարկատեսակով պետք է հարկվեմ։ Նախապես շնորհակալ եմ։

Էլեկտրոնային ստորագրություն

Անի․

Բարև Ձեզ։ Գրանցված եմ որպես Ա/Ձ և աշխատում եմ սոցիալական մեդիա մարքեթինգի ոլորտում (մենակ)։ Մեկ շաբաթ առաջ ID քարտս փոխել եմ, հիմա չեմ կարողանում ստորագրեմ e-invoicing համակարգում։ Կասե՞ք՝ ինչ անել։ Կանխավ շնորհակալություն։

Հարկատեսակի դիմում

Էլինա․

Բարև ձեզ։ ԱՁ եմ գրանցել։ Ասեցին՝ հարկային հայտ պետք է ներկայացնեմ հարկատեսակի հետ կապված, բայց ես ID չունեմ դեռ։ Ասեցին, որ կարող եմ լիազորել նրան ով ունի։ Կարո՞ղ եք օգնել, թե դա ինչպես է կատարվում։ Ու ո՞ր հարթակից պետք է ուղարկեմ հայտը։ Շնորհակալ եմ նախապես։

Ուսումնական կենտրոնի վճարումներ

Մարիամ․

Բարի երեկո, հարգելի հաշվապահներ։ Հարցս հետևյալն է` նորաբաց ուսումնական կենտրոնը պիտի աշխատի միկրոյի դաշտում, ծառայությունների դիմաց վճարը ինչպե՞ս պիտի վերցնի, ինչպե՞ս է ճիշտ պայմանագիր կնքի ծնողի հետ, ըստ դրա ծնողը վճարի բանկում ԱՁ հաշվեհամարին, թե՞ հաշիվ-ապրանքագիր պիտի դուրս գրի, և արդյո՞ք այս բնագավառի համար հաշիվ-ապրանքագիր դուրս է գրվում, թե՞ ոչ։ Ո՞րն է ճիշտ, օգնեք անփորձիս։ Շնորհակալ կլինեմ պատասխանելու համար։

Ինքնազբաղված անձ

Կարինե․

Բարև ձեզ, ես մատուցելու եմ թարգմանչական ծառայություններ: Կարո՞ղ եմ գրանցվել որպես ինքնազբաղված անձ և էլեկտրոնային հաշիվներ դուրս գրել կազմակերպությանը։ Եթե այո, ապա ինչքա՞ն հարկ պետք է վճարեմ ստացված գումարից։ Նախապես շնորհակալություն:

Հաշվի չեղարկում

Արմին․

Ողջույն։ Եթե հաշիվ դուրս գրելուց սխալ է նշվել մատակարարման ամսաթիվը, ո՞ր կետը պետք է նշել հաշիվը չեղյալ անելու ժամանակ։ Եվ արդյո՞ք դա խնդիր կարող է առաջացնել հետագայում։

Մասնակցություն պետական մրցույթի

Արթուր․

Բարև ձեզ։ Պետական մրցույթին մասնակցելու համար պետք է էլ․ ստորագրություն, որը ես չունեմ (ԱՁ)։ Ինչպե՞ս կարող եմ մասնակցել մրցույթին, հնարավո՞ր է լիազորել այլ անձի, որպեսզի իմ փոխարեն գնային առաջարկ ներկայացնի կամ էլ․ ստորագրություն դնի։

Ինչպե՞ս ապաակտիվացնել լիազորին

Լիլիթ․

Բարև Ձեզ, հարգելի հաշվապահներ: Կարո՞ղ եք ասել՝ ինչպե՞ս ապաակտվացնել լիազորի գրասենյակի 2 լիազորներից մեկին:

Միջազգային էլեկտրոնային առևտուր

Սուսաննա․

Բարև Ձեզ։ Ունեմ Ա/Ձ, զբաղվում եմ միջազգային էլեկտրոնային առևտրով։ Ներկա պահին ոչ մի վաճառք չի իրականացվել։ Վճարում եմ տարբեր միջազգային ծրագրերի համար կայքում անխափան տեխնոլոգիական ապահովում իրականացնելու համար։ Եվ այդ բոլոր ծախսերը թղթակցում է իմ բիզնես հաշվի հետ։ Ինձ հետաքրքրում է․

1․ Ի՞նչ թույլտվություն է անհրաժեշտ ՀՀ-ում միջազգային առևտուր իրականացնելու համար։ Եվ ո՞ր գործադիր մարմինը պետք է այն տրամադրի

2․ ԱԱՀ հաշվետվության մեջ այդ ծախսերը, որ ես կատարել եմ միջազգային հարթակներում, չի՞ գրանցվելու իմ կողմից ներկայացվող ամսական հաշվետվությունների մեջ։

Կանխավ շնորհակալություն։

Փոխվել է տնօրենը

Վերոնիկա․

Խնդրում եմ ասեք՝ եթե տնօրենը փոխվել է, կարելի՞ է էլեկտրոնային հաշվետվությունների համակարգում թողնել լիազորը և միայն նոր օգտվող գրանցվել։

Լիազորի տվյալներ

Միլենա․

Բարև Ձեզ։ Եթե ԱՁ-ի լիազորի տվյալները մոռացել եմ, ինչպես կարող եմ այն վերականգնել։

Ակտը ծանուցվել է էլեկտրոնային եղանակով

Արայիկ․

Բարև ձեզ, հարգելի հաշվապահներ: Կազմակերպությունը 2022թ. Հունիս ամսին դիմել է բանկ ՀԴՄ POS տերմինալի ակտիվացման համար: 2022թ. Հոկտեմբերի 6-ին ՊԵԿ տեսուչների կողմից կատարվել է ստուգում, և փաստացի տվյալ պահին դեռ պոսը ակտիվ չի եղել: Անկանխիկի խախտման ակտ է կազմվել 300.000 դրամ: Ակտը ծանուցվել է էլեկտրոնային տարբերակով: Լիազորի գրասենակից նոր ծանուցումների բաժինը, որով երևում են ակտերը, չի ակտիվացվել և փաստացի չի իմացվել ակտի ծանուցման օրը: Ծանուցումից երկու ամիս անց ակտը միասնական հաշվում երևացել է որպես պարտք: Ի՞նչ կարելի է անել տվյալ դեպքում։

Էլեկտրոնային հաշվետվությունների մուտքանուն / գաղտնաբառ

Տաթև․

Բարև Ձեզ, հարգելի հաշվապահներ: Հարկայինի ծրագրի մուտքանունը ու գաղտնաբառը հարկայի՞նն է տալու, թե՞ ինքս կարող եմ գրանցվել։

Օնլայն առևտուրը որպես միկրոձեռնարկատիրություն

Դավիթ․

Բարև ձեզ։ Ես արդեն մի 10 օր է որպես Ա/Ձ եմ գրանցվել։ Զբաղվելու եմ շարֆերի և գլխարկների արտադրությամբ։ Արտադրանքը վաճառելու եմ Instagram, Facebook, և Liooli.am հարթակներում միայն անկանխիկ եղանակով։ Խնդրում եմ ասեք՝ կարո՞ղ եմ ես միկրոձեռնարկություն լինել, և ՀԴՄ սարք պե՞տք է, թե՞ ոչ։ Իսկ եթե ՀԴՄ սարք պետք չի, ի՞նչ էլեկտրոնային համակարգով է իմ շրջանառությունը տեսնելու հարկայինը։

Հաշվետվություն միկրոձեռնարկատիրության սուբյեկտի իրացման շրջանառության վերաբերյալ

Մարիաննա․

Բարև ձեզ, հարգելի հաշշվապահներ: Խնդրում եմ ասել՝ միկրոձեռնարկատիրության համար ձև 256. Հաշվետվություն՝ միկրոձեռնարկատիրության սուբյեկտի իրացման շրջանառության վերաբերյալ, ավտոմատ երևո՞ւմ է, ուղղակի միկրոյով հաշվետվություն չեմ արել ոչ մի անգամ, 3 տարի է միայն շրջհարկով ԱՁ-ի և ՍՊԸ-ի հաշվետվություններ եմ տվել:

Դրամարկղային գրքում գործարք է բաց թողնվել

Մելինե․

Հարգելի հաշվապահներ, հարցս դրամարկղային գրքի վարման հետ է կապված։ Եթե երկու ամիս առաջ գործարք է բաց թողնվել և գրքում չի լրացվել, հիմա ինչպե՞ս վարվել։ Ներկայացնեմ իրավիճակը՝ դրամարկղի գիրքը էլեկտրոնային է։ Սակայն երեք ամիս առաջ հանվել էին կանխիկով բոլոր գործարքները, ՀԴՄ-ն, բայց գիրքը չենք փակել։ Դրանից հետո վարկ ենք ստացել կանխիկով և այն դրամարկղ չի մուտքագրվել։ Ինչպե՞ս է ճիշտ վարվել հիմա։ ՍՊԸ-ն աշխատում է շրջհարկով։

Հաշվետվությունների ստորագրում

Աննա.

Բարև Ձեզ։ Հնարավո՞ր է արդյոք «ՀԱՐԿԱՅԻՆ ՄԱՐՄԻՆ ՀԱՇՎԵՏՎՈՒԹՅՈՒՆՆԵՐՆ ԷԼԵԿՏՐՈՆԱՅԻՆ ԵՂԱՆԱԿՈՎ ՆԵՐԿԱՅԱՑՆԵԼՈՒ ՄԱՍԻՆ» պայմանագիրը file-online.taxservice.am-ում գրանցվելիս ստորագրել առանց eSign համակարգի: Օրինակ՝ տպել-ստորագրել-սքանավորել, տարբերակով կամ էլ ուրիշ էլեկտրոնային ստորագրությամբ:

2) Կասեք, նույնականացման քարտը ընթերցող սարքը հասարակ usb card reader է: Հնարավո՞ր է սովորական էլեկտրոնիկա վաճառող խանութից գնել և օգտագործել քարտն ակտիվացնելու և ստորագրությունների համար։

Ծրագրի արտահանում

Անահիտ․

Բարև ձեզ հարգելի հաշվապահներ։ ԱԱՀ-ով աշխատող ընկերությունը դեպի Ռուսաստան ծրագիր է վաճառել (արտահանել) ֆիզ անձին, քանի որ այն իրականացվել է էլեկտրոնային եղանակով, հայտարարագիր չկա, միայն հաշիվ ապրանքագիր և պայմանագիր է կազմվել։
Հարցս հետևյալն է՝
1․ Արտահանման հայտարարգիրը կազմելու համար որպես արտահանման ամսաթիվ ո՞րը կարող եմ հիմք ընդունել
2․ արդյո՞ք այդ փաստաթղթերը բավարար են արտահանում ձևակերպելու համար
3․ և եթե այդ ֆիզ անձը հարկեր չի վճարելու, առանց իր հարկերի վճարման ծանուցումը մեզ ուղարկելու, ես կարո՞ղ եմ այն ամեն դեպքում ձևակերպել որպես 0% դրույքաչափով հարկվող գործարք

Եթե արտահանումը կատարվել է էլեկտրոնային եղանակով, ծրագրային ապահովում է, այդ դեպքում ինչպես պետք է ձևակերպել արտահանումը և լրացնել հայտարարագիրը արտահանման, եթե չկա ապրանքային հայտարարագիր կամ ավիաբեռնագիր։

Որպես լիազոր մուտք գործելու համար

Արթուր․

Բարև Ձեզ։ Կարո՞ղ եք օգնել․ 274 ձևից օգտվելու համար պետք է որպես լիազոր մուտք գործեմ, բայց չի ստացվում։ Կարողանում եմ մուտք գործել որպես օգտվող, բայց ոչ որպես լիազոր: Ինչպե՞ս մուտք գործեմ որպես լիազոր:

Հաշվետվությունների էլեկտրոնային համակարգ

Բարև Ձեզ։
Կհուշեք՝ ինչպե՞ս գրանցվել էլեկտրոնային հաշվարկային համակարգում։

Վճարում Իդրամով

Արթուր.

Բարև Ձեզ։ Վաճառքի կետում վճարումը իդրամով ստանալու դեպքում ի՞նչ հդմ կտրոն պետք է տրամադրել հաճախորդին։ Նշեմ, որ իդրամը այդ գումարները մեր բանկային հաշվին է փոխանցում։

Էլեկտրոնային դիմում ներկայացնելու հետ կապված

Անի.

Բարև Ձեզ, հարգելի հաշվապահներ։ Ա/Ձ բացվել է 2014 թվականից, բայց գործունեություն չի ձեռնարկվել, իսկ 01.08.2022թ. որոշել ենք աշխատենք, հիմա բացել ենք e-invoicing և օնլայն հաշվետվությունը, բայց չեմ կարողանում հայտարարություն տամ, որ աշխատելու ենք շրջհարկով և ՀԴՄ գրանցեն, ֆայլերը ակտիվ չեն: Կարո՞ղ եք ուղղություն ցույց տալ՝ ի՞նչ անեմ։ Նախապես շնորհակալություն։

Ներմուծման հայտարարագիր

Անի.

Բարև Ձեզ։ Խնդրում եմ ասեք՝ ինչպե՞ս են լրացնում ներմուծման հարկային հայտարարագիրը, դա լրացվում է հարկային ծրագրով, թե՞ բրոքերներն են լրացնում ձեռքով։ Եթե հարկային ծրագրով, խնդրում եմ ասեք՝ ի՞նչ հաշվետվության ձև է։

Ճշգրտող հաշիվ

Աննա.

Հարգելի հաշվապահներ, եթե հունիսի 10-ին ստացել ենք ապրանքներ՝ պահեստի մուտքով, ապա եթե այդ հաշիվը ստորագրվել է մինչև հուլիսի 20-ը, ապա հաշվանցում եմ և հաշվարկի մեջ ցույց եմ տալիս։ Որից հետո, եթե դիմացի կողմը մեզ գրել է ճշգրտող հաշիվ՝ հուլիսի 5-ին, ասենք նվազեցումով, ապա 20-ով նվազեցումը ցույց եմ տալիս հուլիսի 20-ին, թե՞ օգոստոսի 20-ին։
Շնորհակալ կլինեմ պատասխանի համար։

Վաճառք հաշվարկային փաստաթղթով

Երվանդ.

Շրջ. հարկով հարկվող ՍՊԸ-ն իրավունք ունի՞ ֆիզ. անձին վաճառել ապրանքներ ըստ հաշվարկային փաստաթղթի և ստացված հասույթի դիմաց տրամադրելու դրամարկղային մուտքի օրդերի անդորրագիր:

Չստորագրված էլ. հաշիվներ

Աննա.

Բարև Ձեզ։ Հարցս այսպիսին է.
եթե աշխատողիը գրանցված է Tax Servis համակարգում և E-invoicing-ով հաշիվներ է գրում և ստորագրում, բայց պայմանագիրը աշխատանքային չեն ստորագրում, դա ի՞նչ հետևանք կարող է ունենալ։ Այսինքն՝ պայմանագրի չստորագրվելու պատճառը ի՞նչը կարող է լինել։
E-invoicing-ով գրված հաշիվների վերաբերյալ կարո՞ղ է պատասխանատվություն առաջանալ աշխատողի մոտ։
Միայն կնիքը, կազմակերպության կողմից դրված, ստորագրության հավասա՞ր է, թե՞ ոչ։

Էլեկտրոնային դրամարկղային գիրք

Նարեկ․

Հարգելի հաշվապահներ, հարցս հետևյալն է․ եթե կազմակերպությունը գործունեության ընթացքում կատարել է կանխիկով գործառնություններ, դրամարկղի գիրքը թղթային է, հիմա լրացել է։ Ներկայումս կանխիկով գործառնություն չի իրականցնում, բայց հնարավոր է որ հետագայում իրականացնի՝ ի՞նչ խորհուրդ կտաք, էլեկտրոնային դրամարկղային գիրք գրանցել, թե՞ ոչ, և եթե դժվար չի նաև ի՞նչ որ ուղեցույց ուղարկեք, թե ինչպես վարել էլեկտրոնային դրամարկղային գիրքը։ Կանխավ շնորհակալ եմ։

Հաշվետվությունների էլեկտրոնային համակարգ

Անի.

Բարև բոլորին։ Եթե նոր բացել ենք կազմակերպություն՝ ինչպե՞ս պետք է գրանցվել taxservice և e_invoicing համակարգում։

Գործուղում ՀՀ տարածքում

Անի.

Խնդրում եմ ուղղություն տալ. 1. եթե աշխատակիցներին գործուղում ենք Շիրակի մարզ, բայց նույն օրը հետ են գալիս, հաշվետվություն գրու՞մ են, եթե միայն օրապահիկն է: Ի՞նչ է անհրաժեշտ գործուղում ձևակերպելու համար: 2. Գործուղվել են 2 աշխատակից ՀՀ Տավուշի մարզ, Իջևան, աշխատանքների կատարման համար, սակայն մնացել են այնտեղ գիշերելու: Հյուրանոցից հաշիվ են դուրս գրել էլեկտրոնային: Ինչպե՞ս վարվել գործուղման հաշվետվության հետ:

Աշխատանքային գրքույկի վերականգնում

Լիանա.

Բարև Ձեզ։
Ես ունեմ 8 տարվա աշխատանքային փորձ, այս պահին լինելով նաև Ռուսաստանի քաղաքացի, պատրաստվում եմ Մոսկվայում աշխատել։ Գործատուն ինձանից ուզում է իմ աշխատանքային գրքույկը, որը Հայաստանի իմ գործատուն կորցրել է։
Ինչպե՞ս կարող են ձեռք բերել իմ աշխատանքային գրքույկի ինֆորմացիան, թեկուզ էլէկտրոնային տարբերակով։

Մաքսային հայտարարագիր

Ալբերտ.

Ֆինանսատնտեսական ոլորտի, հարգելի մասնագետներ.
մաքսային հայտարարագրի էլեկտրոնային տարբերակը կազմելու ՀՍՏԱԿ ՈՒՂԵՑՈՒՅՑ, ցավոք, գոյություն չունի: Առկա է, ԱՊՐԱՆՔՆԵՐԻ ՄԱՍԻՆ ՀԱՅՏԱՐԱՐԱԳՐԻ
ԼՐԱՑՄԱՆ ԿԱՐԳԻ ՄԱՍԻՆ ՀՐԱՀԱՆԳ, որը որոշակիորեն բացահայտում է էլեկտրոնային հայտարարագիր լրացնելու ձևը, սակայն ոչ ամբողջական և լիարժեք: Առկա են որոշակի տարբերություններ, ԼՐԱՑՄԱՆ ԿԱՐԳԻ ՄԱՍԻՆ ՀՐԱՀԱՆԳԻ և Մաքսային հայտարարագրի էլեկտրոնային տարբերակի ձևի միջև, որը որոշակի անորոշություն է ստեղծում:
Կարո՞ղ եք օգնել մաքսային հայտարարագրի էլեկտրոնային տարբերակ կազմել:
Նույն խնդիրն առկա է ԲՏԱ Նախարարությունից կապի միջոցի ներմուծման համար անհրաժեշտ լիցենզիա ստանալու համար, հայտի էլեկտրոնային տարբերակի և այդ հայտի լրացման ուղեցույցում առկա տեղեկատվության միջև։

Առաջին հաշվետվության հանձնում

Արման․

Բարև Ձեզ։
ՀՎՀՀ ստանալուց հետո ֆիզ անձը առաջին անգամ պետք է ներկայացնի տարեկան հաշվետվություն: Ի՞նչ եղանակով են ձեռք բերվում ՀՆէՀ մուտք գործելու գաղտաբառը և օգտվողի անունը:

Հաշիվ վավերագիր

Ելենա.

Բարև Ձեզ։ Հաշիվ վավերագիր եմ լրացնում արտասահմանյան կազմակերպության համար, նշել եմ «ՀՀ օրենսդրությամբ սահմանված դեպքերում ՀՎՀՀ ունենալը պարտադիր չէ» կետը։ Կազմակերպության անվանումը, գտնվելու վայրը հայերենով լրացրել եմ։ Սակայն «Ծառայության մատուցման ծավալի և վճարման գումարի հաշվարկը» աղյուսակը չեմ կարողանում լրացնել՝ համակարգը չի թողնում։ Ի՞նչն է պատճառը, ի՞նչ պետք է անել։ Կանխավ շնորհակալ եմ։