Tag: էլեկտրոնային հաշվետվություն

Հաշվետվությունների ինքնաշխատ լրացման կարգ

Արթուր․

Հարգելի կոլեգաներ, հարցս վերաբերում է էլեկտրոնային հաշվետվությունների, մասնավորապես ԱԱՀ և ակցիզային հարկի միասնական հաշվարկի ինքնաշխատ լրացման կարգին։ Որքանո՞վ է համակարգը ճիշտ լրացնում գումարները հաշվետվության մեջ, արդյո՞ք այն Ձեզ օգնում է հաշվետվությունները լրացնելու ժամաանակ, թե՞ այնուամենայնիվ կատարում եք որոշակի ուղղումներ։ Հետաքրքիր կլինի լսել տարբեր կարծիքներ այս հարցի հետ կապված։

Էլեկտրոնային հաշվետվության ստորագրում

Մանե.

Հաշվետվությունների ներկայացման էլ. համակարգում փաստաթուղթը փորձում եմ ստորագրել, բայց գրվում է ստորագրության ստուգումը չի հաջողվել, կխնդրեի օգնել:

Գրանցման հայտի լրացում

Սյուզի․

Բարև Ձեզ։ Կասե՞ք խնդրեմ՝ էլեկտրոնային հաշվետվությունների համակարգով աշխատողին ազատելու համար միայն աշխատանքային հարաբերությունների ավարտ ամսաթիվը նշում ենք ու գրանցե՞լ ենք տալիս։

240 ձև հաշվետվության լրացման հետ կապված

Արմինե.

Հարգելի հաշվապահներ, խնդրում եմ օգնեք ինձ: Հարկայինի 240 ձևի 8-րդ բաժնի տեսքը հետևյալն է. ակտիվներ 16 տող. 3 սյուն 1 126 507, 16.5 պակասեցվել է 1 010 451, մնացորդ 116 056: Պարտավորություններ բաժնում՝ 22.3 1 010 451, 22.5՝ պակասեցվել է 1 010 451, այլ կրեդիտորական պարտքեր՝ 27.3 1 160 56: Խնդրում եմ ասեք՝ ի՞նչ պետք է գրեմ չբաշխված շահույթ տողում: Կանխավ շնորհակալ եմ:

Լիազորի գրանցում

Միքայել․

Բարև Ձեզ, խնդրում եմ օգնեք․ ԱՁ-ն գրանցվել է, էլեկտրոնային տարբերակով պետք է լիազոր գրանցել մեկ այլ անձի, հնարավո՞ր է արդյոք։ Թե՞ այս պարագայում պետք է ներկայանալ հարկային և թղթային դիմում ներկայացնել։

Ավելացված արժեքի հարկի և ակցիզային հարկի միասնական հաշվարկի լրացման հետ կապված

Յանա․

260. Ավելացված արժեքի հարկի և ակցիզային հարկի միասնական հաշվարկ հաշվետվությունը լրացնելիս 18-րդ կետը լրացնելիս վերցնում ենք տվյալ ամսում ստորագրված հաշիվ ապրանքագրերը, թե՞ տվյալ ամսում մատակարարվածը: Եթե հունվար ամսվա մատակարարվածը, օրինակ էլեկտրաէներգիան, ստացել եմ փետրվարին, ինչպե՞ս արտացոլեմ հունվար ամսվա հաշվետվության մեջ:

Հիմնադրամների տարեկան զրոյական հաշվետվության ներկայացման վերաբերյալ

Ռուզաննա Ղազարյան.

Բարև ձեզ: Մի քանի օր առաջ ես ինքս ինտերնետում կարդացի հիմնադրամների տարեկան զրոյական հաշվետվության էլեկտրոնային կարգով ներկայացման ժամկետների մասին, որտեղ նշված էր, որ հաշվետվությունը պետք է ներկայացվի մինչև հունիս ամիսը: Դեռ նշված էլ էր, որ ցանկալի է, որ հաշվետվությունը ներկայացվի ժամկետի ավարտից 20 օր առաջ: Սակայն հիմա այդ իրավական ակտը չեմ գտնում: Մինչև հունիս ամսվա սկիզբը հաշվետվություն ներկայացնելու մասին ինձ բանավոր ասացին նաև Ազդարարում, ուր ես գնացել էի ս/թ մարտ ամսվա սկզբին, հաշվետվությունն այնտեղ ներկայացնելու համար: Խնդրում եմ, օգնեք գտնել այդ իրավական փաստաթուղթը:

Ինչու՞ չի երևում լրացված և ուղարկված հաշվետվությունները

Janna.

Բարև Ձեզ: Ինչու՞ մուտք գործելով համակարգ /taxservice/, ես չեմ տեսնում լրացված և ուղարկված հաշվետվությունը:

Ի՞նչ հաշվետվություն պետք է հանձնել “Դայակ՝ պետության աջակցությամբ” ծրագրի համար

Մարիա.

Բարև Ձեզ: Ներեցեք ես 2020 թվականի դեկտեմբերի 15-ին պայմանագիր եմ կնքել դայակի հետ և օգտվում եմ “Դայակ պետության աջակցությամբ” ծրագրից: Խնդրում եմ ինձ կասե՞ք՝ ինչ հաշվետվություն պետք է ներկայացնեմ:

Ինչպե՞ս գրանցել լիազոր

Գայանե.

Հարգելի հաշվապահներ, հաշվետվությունների ներկայացման էլեկտրոնային համակարգի օգտվողը կա, սակայն լիազորը չկա: Ինչպե՞ս բացեմ լիազոր: Պ՞ետք է դիմեմ տարածքային հարկային տեսչություն: Շնորհակալ եմ:

Կազմակերպությունը գնել է մեքենա ֆիզ. անձից

Քրիստինե.

Բարև Ձեզ։ Կազմակերպությունը գնել է մեքենա ֆիզ. անձից 3 ամիս առաջ և չի տվել եկամտային հարկի հաշվետվություն։ Ի՞նչ տուգանք կառաջանա ճշտում տալուց հետո, եթե առաջացող հարկի գումարը գերազանցելու է 200 000 դրամը։ Եվ ի՞նչ հետևանք կլինի, եթե հաշվետվություն չուղարկվի։

Անձը փոխել է նույնականացման քարտը

Սուրեն.

Բարև ձեզ, Ա/Ձ գրանցելուց մի քանի օր անց (Ա/Ձ փաստաթղթում նշված է id card – ի սերական համրը) PIN և PUK կոդերի չլինելու պատճառով դիմել եմ անձնագրային բաժանմունք նոր id card ստանալու համար, որպեսզի կարողանամ ակտիվացնել էլ․ ստորագրություն, և հիմա ՊԵԿ -ին 20 օրյա ժամկետում միկրոձեռնարկատիրության սուբյեկտ համարվելու վերաբերյալ Էլեկտրոնային հաշվետվություն պետք է ներկայացնեմ, և ստացվում է, որ նոր id card -իս սերիական համարը տարբերվում է Ա/Ձ – փաստաթղթում նշված նախքին id card -ի սերիական համարից։ Հարցս հետևյալն է, դա կարո՞ղ է համարվի սխալ և հաշվետվությունը չնդունվի, քանի որ id card -ի տարբեր սերիական համարներ են երևալու և ի՞նչ անել եթե դա սխալ է դիտարկվելու, 20 օրյա ժամկետի ավարտին մնացել է 10 օր, նախապես շնորհակալություն:

Ի՞նչ հաշվետվություն պետք է ներկայացնի ՀԿ-ն և ի՞նչ ժամկետներում

Sofya.

Բարև Ձեզ:
Այսպիսի հարցով եմ դիմում Ձեզ:
Խնդրում եմ ասեք ի՞նչ հաշվետվություն պետք է ներկայացնենք և ի՞նչ ժամկետներում, եթե.

ՀԿ-ն բացվել է 2016թ-ի դեկտեմբերին և գործունեության դադար է տվել և ներկայացրել շահութահարկի 0-ական հաշվետվություն:

2020թ-ի նոյեմբերին վերաբացման հայտ է ներկայացրել:

2020թ-ի դեկտեմբեր ամսին ՀԿ-ին բարեգործական ծրագիր իրականացնելու նպատակով եվրոպայից գումար են փոխանցել /փոխանցումը կատարվել է մասնավոր դպրոցի տնօրենի կողմից/:

Ծրագիրը իրենից ներկայացրել է ամանորյա նվերների տուփերի տրամադրում Արցախցի երեխաներին:

Աշխատողներ չկան, պարզապես կամավորական հիմունքներով կազմակերպել ենք ծրագրի իրականացումը:

2021թ-ի փետրվարի 9-ին ՀԿ-ն գործունեության դադարի դիմում է ներկայացրել:

Կանխավ շնորհակալություն:

ԱԱՀ-ի հաշվարկի հետ կապված

Արամ.

Բարև Ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում: Սեպտեմբեր ամսին ունեցել է ապրանքի ձեռքբերում և՛ հարկային հաշվով, և՛ հաշիվ վավերագրով, սակայն ԱԱՀ-ի հաշվարկի մեջ միայն 18 տողում լրացրել է միայն հարկային հաշվի թիվը և ԱԱՀ-ն: Արդյո՞ք կա որևէ խախտում տվյալ դեպքում:

Հաշվետվությունների լրացման հետ կապված

Ալինա.

Բարև Ձեզ: Ա/Ձ եմ, չունեմ գրանցված աշխատող, համարվում եմ սոց. վճարող և աշխատում շրջհարկով: Եթե չեմ սխալվում պետք է լրացնեմ 240 և 244 ձևերը, բայց առաջին անգամ եմ հանձնելու ու չեմ կարողանում լրացնել (((
Կարո՞ղ եք լրացված նմուշ ուղարկել կամ ուղղորդել՝ ո՞նց լրացնեմ, ո՞ր տողերը:

Շրջանառության հարկ վճարող Ա/Ձ համար տարեկան հաշվետվությունների ցանկ

Արամ.

Հարգելի հաշվապահներ, խնդրում եմ ասել շրջանառության հարկ վճարող ԱՁ համար տարեկան հաշվետվությունների ցանկը և ներկայացման ժամկետները: Նախապես շնորհակալություն:

Ինչպե՞ս ուղղել հաշվետվությունը

Էմիլի.

Հարգելի հաշվապահներ, մի հարց ունեմ: Արձակուրդայինը և աշխատավարձը միասին կազմել է 500 000 և ավել գումար, բայց դրոշմ. սխալմամբ պահվել է 7 000 դրամ, 8 500-ի փոխարեն: ՊԵԿ ներկայացվող հաշվետվության մեջ ինչպե՞ս ուղղել սա:

Արդյո՞ք անհրաժեշտ է բնապահպանական հարկի և բնօգտագործման վճարների միասնական հարկային հաշվարկ ներկայացնելը

Անահիտ.

Բարև Ձեզ, հարգելի հաշվապահներ:
Բեռնասայլակի ռետինե անվադողերի, նոր օդախցերի և շինարարական ապակե ցանցի համար բնապահպանական հարկի և բնօգտագործման վճարների միասնական հարկային հաշվարկ պե՞տք է ներկայացնեմ։
Կհուշե՞ք, որի համար ո՞ր տողը պետք է լրացնեմ։
Կանխավ շնորհակալ եմ։

Արդյո՞ք դրամաշնորհները ենթակա են լրացման հաշվետվությունների մեջ

Վարդան.

ՍՊԸ-ն ստացել է դրամաշնորհներ կորոնավիրուսի 5-րդ, 18-րդ և 21-րդ ծրագրերի շրջանակներում։
1. Արդյո՞ք այդ գումարները ենթակա են լրացման ԱԱՀ-ի ամսական հաշվետվության մեջ: Եթե այո, ապա ո՞ր տողում՝ 13, և ո՞ր հիմքով:
2. Արդյո՞ք այդ գումարները ենթակա են լրացման շահութահարկի հաշվետվության մեջ: Համարվում են արդյո՞ք շահութահարկի հաշվարկման նպատակով նվազեցվող, թե՞ ոչ:

Նախապես շնորհակալություն։

Ի՞նչ հաշվետվություններ պետք է հանձնել ձկնաբուծարանի գործունեության իրականացման համար

Luiza.

Բարև Ձեզ: Մենք ունենք ձկնաբուծարան և վաճառք ենք կատարել՝ ձուկ, ուղարկելով հաշվարկային հաշիվներ: Հիմա ես ի՞նչ հաշվետվություն պետք է ուղարկեմ հարկային: Մինչ այդ եռամսյակը մեկ ներկայացրել ենք բնապահպանական հարկի մասին հաշվետվություն, բայց փաստորեն 2-րդ հարկատեսակն է չէ՞ առաջացել:

Ի՞նչ հաշվետվություն պետք է հանձնել “Դայակ՝ պետության աջակցությամբ” ծրագրի համար

Գայանե.

Բարև Ձեզ, հարգելիներս: Խնդրում եմ օգնեք հետևյալ հարցում: “Դայակ պետության աջակցությամբ” ծրագրից օգտված անձի համար ի՞նչ հաշվետվություն պետք է ուղարկվի և ի՞նչ ժամկետում: Խնդրում եմ մանրամասն հերթական քայլերով նշեք:
Շաաատ շնորհակալ եմ:

Ի՞նչ հաշվետվություններ պետք է հանձնել ՀԿ համար

Նարինե.

Բարև Ձեզ: Խնդրում եմ պատասխանել, ի՞նչ հաշվետվություններ պետք է տալ հասարակական կազմակերպությունների համար:
Կանխավ շնորհակալություն:

Եկամտային հարկի հաշվետվության լրացման հետ կապված

Լիանա.

Բարև Ձեզ: Խնդրում եմ՝ կօգնե՞ք։ Աշխատողը աշխատել է 16.07.2020-ից և ազատվել է 18.01.2021-ին։ Չի ստացել արձակուրդ։ Հունվար ամսվա եկամտային հաշվետվության 189 ձևի մեջ ո՞ր տողում պետք է գրեմ հունվար ամսվա աշխատավարձը, և ո՞ր տողում վերջնահաշվարկը /այս պարագայում արձակուրդայինը/:

Աշխատանքից ազատման հետ կապված

Էմիլի.

Հարգելի հաշվապահներ, մեկ հարց ունեմ: Կարո՞ղ են աշխատողին ազատել աշխատանքից հրամանով՝ վճարվի վերջնահաշվարկ: Բայց անցել է մեկ ամիս, այդ մարդուն ցույց է տալիս ու նա ներկայում աշխատող է: Ինչի՞ց կարող է լինել:

Ի՞նչ խնդիր կարող է առաջանալ հարկերը սխալմամբ շատ վճարելու դեպքում

Մարինա.

Բարև Ձեզ: Դեկտեմբեր ամսվա եկամտային հաշվետվությունը ճշգրտելու անհրաժեշտություն կա, քանի որ քաղաքացիաիրավական աշխատողների ստացած եկամուտը սխալ եմ հաշվարկել՝ ավելի շատ եմ հաշվարկել, քան կա։ Հարկերը վճարված են։ Սա ի՞նչ խնդիր կարող է առաջացնել։

244 հաշվետվության վերաբերյալ

Լիլիթ.

Ողջույն!

Խնդրում եմ` պարզաբանել, թե ո՞ր կետերը/դաշտերը լրացնել 2020թ-ի համար 244 հաշվետվության մեջ 2020թ-ի սեպտեմբեր 8-ից գրանցված Ա/Ձ-ի համար, որը մինչ տարվա վերջ աշխատել է ԱԱՀ դաշտում։
Նշեմ, որ գործունեությունը սկսելուց ի վեր որևէ եկամուտ չի ստացվել։

Շնորհակալություն

Միկրոձեռնարկատիրության սուբյեկտի գործունեության հետ կապված

Արա.

Կազմակերպությունը հանդիսանում է միկրոձեռնարկատիրության սյուբեկտ։ Կազակերպություններին մատուցել է բեռնափոխադրման ծառայություն, սակայն նաև մեկ կազմակերպության վաճառել է մետաղական դռներ։ Հիմա հաշվետվություն ուղղարկելու ժամանակ դա պե՞տք է ցույց տրվի, դա կհանդիսանա պատճառ, որ կազմակերպությունը այս տարի չկարողանա գործել միկրոյի դաշտում:

Ա/Ձ-ն ներմուծում է կատարել ՌԴ-ից

Անի.

Բարև Ձեզ, հարգելի հաշվապահներ: Շրջանառության հարկի դաշտում գործող Ա/Ձ-ն կատարել է ներմուծում Ռուսաստանից և ներմուծման տարանցման հայտարարագրի մեջ նշված է՝ ՊՐԻՆՑԻՊԱԼ, կազմակերպության անվանում։ Այս դեպքում ո՞նց պետք է կատարվի հաշվետվությունների ներկայացումը և հարկի վճարումը, ո՞վ պետք է վճարի ներմուծումից առաջացող ԱԱՀ-ն, և այս Ա/Ձ-ն, այսինքն՝ ծառայությունների մատուցման համա՞ր է հարկվելու, եթե կարող եք գրել հեռախոսահամար մանրամասն ճշտեմ, շտապ է:

Ինչպե՞ս ծրագրից հեռացնել լիազորին

Բարև Ձեզ:

Իմ Ա/Ձ-ն գրանցել եմ 2020թ-ին և ID չունենալու պատճառով լիազորագրով իմ փոխարեն առաջին հաշվետվությունը ներկայացվել է մեկ այլ անձի կողմից: Խնդրում եմ՝ օգնեք, ինչպե՞ս կարող եմ այդ անձին որպես լիազոր անձ հեռացնել Tax Service կայքից, որպեսզի կարողանամ հաշվետվությունն ուղարկել իմ անունով /էլ. ստորագրության համար ծրագրային համապատասխան կարգավորումներն արել եմ:/

256, 257 հաշվետվությունների վերաբերյալ

Անի․

Բարև Ձեզ։
Կարո՞ղ եք ասել՝ միկրոձեռնարկատիրության սուբյեկտ համարվելու համար նախ պե՞տք է հանձնեմ 257 ձևը հետո նոր 256-ը։

Հիմա փորձում եմ 256-ը չի թողում հանձնեմ։

ՀԴՄ-ի հետ կապված

Գայանե.

Բարև Ձեզ, հարգելի հաշվապահներ: ՀԴՄ եմ գնել, ասել են 100 ձևը պետք է լրացվի, 100 ձևը ուղարկել եմ, իսկ 101 ձևը ե՞րբ պետք է ուղարկվի: Շնորհակալություն

Միկրոձեռնարկատիրության սուբյեկտի իրացման շրջանառության հաշվետվության լրացման հետ կապված

Արմինե.

Բարև Ձեզ: Կարո՞ղ եք ինձ օգնել:
Իմ Ա/Ձ-ն աշխատում է միկրոձեռնարկատիրական գործունեությամբ: Խնդրում եմ ասել՝ միայն 256 ձևով եմ ուղարկում հաշվետվությունը և նեքևի դասիչը ինչպե՞ս լրացնեմ, եթե զբաղվում եմ տպագրական ծառայություններով: Նախապես շնորհակալ եմ:

Արդյոք ճի՞շտ է ընտրվել գործունեության տեսակի կոդը

Բարև Ձեզ: Սեպտեմբերի 30-ին ես գրանցել եմ շրջանառության հարկով սոցիալական մեդիա մարքեթինգի ծառայություններ մատուցելու Ա/Ձ, աշխատողներ չունեմ: Խնդրում եմ Ձեզ հուշել՝ ի՞նչ կետեր պետք է լրացնեմ 232 ձև-ի մեջ, եթե չեմ սխալվում ինձ վերաբերվում է 16-րդ կետը։
Նաև կասե՞ք ճիշտ եմ ընտրել գործունեության տեսակի կոդը՝ M73120 և տեսակարար կշիռ (%) դաշտում արդյո՞ք պետք է լրացնեմ 100։
Կանխավ շնորհակալություն:

Ի՞նչ հաշվետվություններ պետք է հանձնի ԱԱՀ-ով աշխատով կազմակերպությունը

ԱԱՀ-ով հարկվող կազմակերպությունը ի՞նչ հաշվետվություններ պետք է ներկայացնի 2020թ.-ի համար, եթե գրանցվել է 2020թ.-ի սեպտեմբերից, սակայն գործունեություն չի իրականացրել:

“Գործունեության տեսակ” բաժնի լրացման հետ կապված

Միկրոձեռնարկատիրոջ սուբյեկտի կողմից ներկայացվող թիվ 256 հաշվետվության մեջ ներքևի հատվածում կա գործունեության տեսակ բաժին: Խնդրում եմ օգնեք հասկանալու. ի՞նչ պետք է լրացվի այդ մասում. բաժին… հատված… խումբ… դաս… Գործունեությունը ծառայություն է:

Գրանցման հայտի վերաբերյալ

Նարինե.

Սիրելի հաշվապահներ, խնդրում եմ օգնեք՝ վարձու աշխատողին նույնպես պե՞տք է գրանցել գրանցման հայտով /79 համարի հաշվետվությամբ/:

Արդյոք հնարավո՞ր է շահութահարկի հաշվարկ չներկայացնել

Անի.

Հարգելի հաշվապահներ, եթե ՀԿ-ի եկամուտները միայն դրամաշնորհներից են, ապա կարո՞ղ է շահութահարկի հաշվարկ չներկայացնել, թե՞ պետք է ներկայացնի զրոյական հաշվարկ:

ՀԴՄ կտրոնի հետ կապված

Meline.

Բարև Ձեզ: Եթե կազմակերպությունը ձեռք է բերում ապրանք, որի դիմաց տրվում է ՀԴՄ կտրոն, որում նշված է կազմակերպության ՀՎՀՀ-ն, դա ինչ որ հաշվետվության մեջ ցույց տրվու՞մ է:

Ե՞րբ պետք է գրել ազատման հրամանը

Ani.

Բարև Ձեզ: Եթե աշխատողի աշխատանքային պայմանագրի ժամկետն ավարտվում է նոյեմբերի 15-ին, ե՞րբ պետք է գրել ազատման հրամանը և, որ օրով պե՞տք է նրան ազատել հարկայինի էջում:

Արդյո՞ք ներմուծման հայտարարագրի մեջ պետք է ապրանքները առանձնացնել ըստ գների

Վիգեն.

Բարև Ձեզ, հարգելի հաշվապահներ։ Հարցս հետևյալն է։ Կազմակերպությունը ԵՏՄ-ից ներմուծում է ունեցել։ Տարանցման հայտարարագրի մեջ նշված է մեկ տեսակի ատգաա ծածկագիր, սակայն հաշիվ ֆակտուրայի մեջ տարբեր գներ է գրված, այսինքն՝ նույն ատգաա-ով ապրանքից ներմուծվել է մի քանի տեսակի և տարբեր գներ։ Հարցս հետևյալն է՝ արդյո՞ք ներմուծման հայտարարագրի մեջ պետք է առանձնացնել ըստ գների, թե՞ կարող եմ ընդամենը գրել ամբողջ ապրանքի քանակը ըստ չափման միավորի և ամբողջ գումարը:

ԵՏՄ ներմուծման հայտարարությունը ուղարկելիս սխալ է բերում

Լարիսա.

Բարև Ձեզ: ԵՏՄ ներմուծման հայտարարությունը ուղարկելիս բերում է՝ հաշվետվության ուղարկման ժամանակ տեղի են ունեցել սխալներ՝ addDeclarationError հաղորդագրությունը: Խնդրում եմ օգնել: Հեռ. 091005930:

Գնման ակտերի վերաբերյալ

Անի․

Բարև Ձեզ, հարգելի հաշվապահներ։ Ցանկանում եմ ճշտեք իմացածս գնման ակտերի վերաբերյալ։ 1. Գնման ակտի 20% դրույքաչափը միակողմանի գնման ակտին է չէ՞ վերաբերում և հարկման ընդհանուր համակարգում գործող կազմակերպությունը կամ ԱՁ-ն են այդ հարկը վճարում։ 2. Երբ միակողմանի գնման ակտով շրջհարկի ռեժիմում կամ միկրոձեռնարկատեր հարկ վճարողը գնում է ապրանք ֆիզիկական անձից, արդյո՞ք ոչ ոքի մոտ 3. Երկկողմանի գնման ակտի դեպքում միայն հարկման ընդհանուր դաշտում գտնվելու դեպքում է առաջանու՞մ 10% եկամտային հարկ, և խնդրում եմ ասեք այս հարկերը, որ համարի հաշվետվության մեջ են լրացվում։ 4. Կարող են արդյո՞ք 2 ԱՁ չհանդիսացող ֆիզիկական անձինք կազմել գնման ակտ և արդյո՞ք կհարկվեն նրանք։

Ֆինանսական վարձակալության պայմանագրի հետ կապված

Ani.

Հարգելի հաշվապահներ, արդյո՞ք ֆինանսական վարձակալության պայմանագիր կարող է կնքել մի կազմակերպությունը մեկի հետ, իր օգտագործած հիմնական միջոցը դուրս գրելով իր հաշվեկշռից, թե՞ միայն բանկերն են իրավասու։ Մեկ հարց ևս, երբ միկրոձեռնարկատիրության դաշտում աշխատող ՍՊԸ-ն կնքում է գործառնական վարձակալության պայմանագիր, այդ պայմանագրից եկամտային հարկը արդյո՞ք ինչ-որ հաշվետվության մեջ ցույց է տրվելու, թե ուղղակի վճարվելու է միասնական հաշվին:

Արդյո՞ք ֆինանսական հաշվետվություններից կազմվում է նաև դրամական հոսքերի մասին հաշվետվություն

Ani.

Բարև Ձեզ, հարգելի հաշվապահներ: 2 հարց ունեմ: 1. Արդյո՞ք բոլոր կազմակերպությունների դեպքում ֆինանսական հաշվետվություններից կազմվում է նաև դրամական հոսքերի մասին հաշվետվությունը: 2. Ի՞նչ առանձնահատկություններ ունի ՀԿ-ի հաշվապահությունը, գիտեմ, որ ՀԿ-ները գործում են ընդհանուր հարկման դաշտում, արդյո՞ք չեն ներկայացնում ԱԱՀ-ի հաշվարկ և արդյո՞ք ստացված դրամաշնորհները չեն հարկվում շահութահարկով: Գիտեմ նաև, որ հաշվետվություն են ներկայացնում գործունեության մասին յուրաքանչյուր տարի մինչև մայիսի 30-ը։ Կազմվում է արդյո՞ք հաշվեկշիռ, ֆին. արդյունքների մասին հաշվետվություն, դրամական հոսքի: Կան արդյո՞ք այլ հաշվետվություններ:

ՍՊԸ-ի գործունեության ժամանակավոր դադարեցման հետ կապված

Գոռ.

Բարև Ձեզ, հարգելի հաշվապահներ:

Ես ունեմ 2015 թվականին գրանցված ՍՊԸ, որը գրանցման պահից մինչ օրս ոչ մի տեսակի գործունեություն չի իրականացրել: Հանգամանքների բերումով տվյալ ՍՊԸ-ի աշխատանքի անհրաժեշտությունը վերացել է գրանցման հաջորդ օրից: Ներկա պահին ցանկանում եմ տվյալ ՍՊԸ-ի գործունեությունը ժամանակավոր դադարեցնել, իսկ հետագայում ընդհանրապես լուծարել:
Հարկ վճարողների համակարգում այս պահին ՍՊԸ-ի կարգավիճակը ներկայացված է որպես “Նոր գրանցված”:
Հարկային տեսչության գրասենյակում ինձ ասացին, որ գործունեության դադարեցման համար նախ պետք է պատրաստել և էլեկտրոնային տարբերակով ուղարկել գրանցման օրից մինչ այս պահը բոլոր այսպես կոչված “զրոյական” հաշվետվությունները, 15-ից մինչ 18 թվականը եռամսյակային և 18-ից մինչ օրս ամենամսյա կտրվածքով, հետո պետք է տնօրենին ազատել պաշտոնից և դրանից հետո ուղարկել դիմում՝ գործունեության դադարեցման վերաբերյալ /եթե չեմ սխալվում Ձև 207/:

Հարցս հետևյալն է՝ ո՞վ կարող է ինձ օգնել այս հարցում, իհարկե համապատասխան վարձատրության դիմաց, և մոտավոր ինչքա՞ն ժամանակ կտևի այդ գործընթացը:

Կանխավ շնորհակալ եմ:

Աշխատողի ընդունման և ազատման վերաբերյալ

Էմիլի Թովմասյան.
Հարգելի հաշվապահներ, մի հարց ունեմ. քաղիրավական աշխատող ընդունելու ժամանակ Tax Forms-ով ընդունում, և աշխատանքը վերջացնելուց հետո ազատու՞մ ենք: Նախապես շնորհակալ եմ:

XML-ի օրինակ

Հարգելի հաշվապահներ, ո՞վ կարող է ինձ ուղարկել եկամտային հարկի հաշվետվության տեղեկության ներբեռման XML-ի օրինակ /Ծրագրից հաշվետվությունների ներկայացման էլեկտրոնային համակարգ ներբեռնելու համար/։
Կանխավ շնորհակալ եմ: