Tag: հաշվետվություն

ՀԴՄ-ի հաշվետվության հետ կապված

Գարեգին.

Բարև Ձեզ: Վերջերս ձեռք եմ բերել նոր սերնդի ՀԴՄ, ո՞վ կարող է ասել, թե պարտադիր է արդյո՞ք ամեն օր Z հաշվետվություն հանել: Թեժ գիծ եմ զանգահարել, այնտեղից պատասխանեցին, որ՝ այո, պարտադիր է, մեջ բերելով ինչ որ օրենքի կետ: Բայց մի փոքր կասկածներ կան, քանզի այս ՀԴՄ-ները հնարավորություն ունեն ցանկացած օրերի կտրվածքով Z հաշվետվություն հանել: Շնորհակալություն:

0

Գործուղման հաշվետվության ձև

TikGev.

Բարև Ձեզ: Կարո՞ղ եք տալ գործուղման հաշվետվության ձև
tigevorgyan շնիկ hotmail.com

0

ՍՊԸ-ի հաշվետվությունների վերաբերյալ

Բարի օր:
Գիտեմ, որ մյուս ամիս պետք է հաշվետվություններ ներկայացնել նոր բացված ՍՊԸ համար: Կասեք, էլ ի՞նչ  պետք է ներկայացնել:

0

ԱԱՀ-ի հաշվետվության վերաբերյալ

Liana.

Բարև Ձեզ: Հարցս հետեւյալն է: Ավելացված արժեքի հարկի հաշվետվության մեջ արդյո՞ք ՀԴՄ ձեռքբերման ծախսերը 16.67 են հաշվանցվում, ինչպե՞ս պետք է լրացնեն հաշվետվության մեջ:

0

Շահութահարկի հաշվետվության լրացման հետ կապված

Գրիգոր.

Բարև Ձեզ: Շահութահարկի հաշվարկի /ձև 240/ 8-րդ բաժնում արագամաշ առարկաների շարժը, ո՞ր տողում է ցույց տրվում:

0

ՍՊԸ-ի գործունեության ժամանակավոր դադարեցման հետ կապված

Գոռ.

Բարև Ձեզ, հարգելի հաշվապահներ:

Ես ունեմ 2015 թվականին գրանցված ՍՊԸ, որը գրանցման պահից մինչ օրս ոչ մի տեսակի գործունեություն չի իրականացրել: Հանգամանքների բերումով տվյալ ՍՊԸ-ի աշխատանքի անհրաժեշտությունը վերացել է գրանցման հաջորդ օրից: Ներկա պահին ցանկանում եմ տվյալ ՍՊԸ-ի գործունեությունը ժամանակավոր դադարեցնել, իսկ հետագայում ընդհանրապես լուծարել:
Հարկ վճարողների համակարգում այս պահին ՍՊԸ-ի կարգավիճակը ներկայացված է որպես “Նոր գրանցված”:
Հարկային տեսչության գրասենյակում ինձ ասացին, որ գործունեության դադարեցման համար նախ պետք է պատրաստել և էլեկտրոնային տարբերակով ուղարկել գրանցման օրից մինչ այս պահը բոլոր այսպես կոչված “զրոյական” հաշվետվությունները, 15-ից մինչ 18 թվականը եռամսյակային և 18-ից մինչ օրս ամենամսյա կտրվածքով, հետո պետք է տնօրենին ազատել պաշտոնից և դրանից հետո ուղարկել դիմում՝ գործունեության դադարեցման վերաբերյալ /եթե չեմ սխալվում Ձև 207/:

Հարցս հետևյալն է՝ ո՞վ կարող է ինձ օգնել այս հարցում, իհարկե համապատասխան վարձատրության դիմաց, և մոտավոր ինչքա՞ն ժամանակ կտևի այդ գործընթացը:

Կանխավ շնորհակալ եմ:

0

Պե՞տք է լրացնել առհաշիվի հաշվետվություն

Hayk.

Բարև Ձեզ, հարգելի հաշվապահներ:
Կասեք խնդրեմ, եթե ՍՊԸ-ն տնօրենին առհաշիվ գումար է տալիս, բայց ոչ թե կանխիկ, այլ ընկերությանը պատկանող բանկային քարտից` տնօրենի կողմից կանխիկացնելու տարբերակով, ապա այդ գումարների ծախսման կամ չծախսման համար պե՞տք է լրացնել առհաշիվի հաշվետվություն:
Նախապես շնորհակալություն:

0

Արդյո՞ք անհրաժեշտ է ներկայացնել վիճակագրական ձև 1-ը

Ռազ.

Բարև ձեզ: Եթե բացել ենք ԱՁ և ներկայացրել Վիճակագրական վարչություն ձև 4-ը, բայց դեռ ոչ մի գործունեություն չենք արել, պետք է մյուս ամսվա մինչև 10-ը ներկայացնե՞նք ձև 1-ը:

0

Ի՞նչ հաշվետվություն պետք է ներկայացնել

Արամ.

Բարև Ձեզ: Կարո՞ղ եք օգնել: Ա/Ձ-ն աշխատում է շրջանառության հարկով և գրանցված աշխատող չունի: Կասեք բացի շրջանառության հարկի ներկայացումից էլ ի՞նչ հաշվետվություն պետք է ներկայացնի, և ժամկետըները կգրե՞ք:
Շնորհակալ եմ շատ:

0

Արդյո՞ք հիմնադրամը պետք է ամեն ամիս ԱԱՀ-ի հաշվետվություն ներկայացնի

Կարեն․

Բարև Ձեզ։
Արդյո՞ք հիմնադրամը պետք է ամեն ամիս ԱԱՀ-ի հաշվետվություն ներկայացնի, թե՞ ոչ։
Նախապես շնորհակալություն։

0

Հացաբուլկեղենի արտադրությամբ զբաղվող Ա/Ձ-ի հաշվետվության վերաբերյալ

Անահիտ.

Բարև Ձեզ: Եթե Ա/Ձ-ն աշխատում է միկրոձեռնարկատերի դաշտում, արտադրում է հացաբուլկեղեն, եռամսյակը մեկ պե՞տք է ներկայացնի 215 Հաշվետվություն ապրանքների, այդ թվում՝ օգտակար հանածոների և դրանց արտադրատեսակների արտադրության և շրջանառության ֆիզիկական ծավալների ու գների վերաբերյալ ձևը:

0

Արդյո՞ք ենթակա են հարկման ակտիվներին վերաբերող շնորհներից եկամուտները

Hayk.

Բարև Ձեզ, հարգելի հաշվապահներ: Հարցս հետևյալն է. Շրջհարկով աշխատող ՍՊԸ-ի համար ակտիվներին վերաբերող շնորհներից եկամուտները արդյո՞ք ենթակա են հարկման, և եթե այո, ապա ո՞ր հոդվածով և շրջհարկի հաշվարկի, ո՞ր տողում պետք է արտացոլել:
Շնորհակալություն:

0

Աշխատավարձը և կոմունալ վճարները ո՞ր տողում պետք է լրացնել

Գայանե.

Բարև Ձեզ, հարգելի հաշվապահներ: Ձև 2՝ ֆին. արդյունքների մասին հաշվետվությունում /1-ին և 2-րդ եռամսյակների/ աշխատավարձը և կոմունալ վճարները կասեք, ո՞ր տողում պետք է լրացնել:

0

Ա/Ձ-ն ուզում է զբաղվել ջրեղենի և հյութերի վաճառքով

Ani.

Բարև Ձեզ: Ես ուզում եմ Ա/Ձ բացել, որը կզբաղվի ջրեղենի և հյութերի վաճառքով: Ի՞նչ փաստաթղթեր են անհրաժեշտ լինելու, և ի՞նչ հաշվետվություներ եմ կատարելու:

0

Շահութահարկի հաշվետվության վերաբերյալ

Հարգելի հաշվապահներ, ինձ շտապ անհրաժեշ է փորձառու հաշվապահի աջակցություն շահութահարկի հաշվետվությունը ճշտված հանձնելու համար։ Եթե խմբում կան հաշվապահներ, որոնք վճարովի հաշվետվությունը կկազմեն` խնդրում եմ նշեք հեռախոսահամար։

0

Արդյո՞ք ձեռքբերման 16․67%-ը չի հաշվանցվում

Անի.

Բարև ձեզ։ Հարցս վերաբերում է ԱԱՀ-ի հաշվարկի 260 ձևի լրացմանը։ Եթե կազմակերպությունը ՀԴՄ կտրոնով ձեռքբերում է ունեցել, նշվել է ՀՎՀՀ-ն և կանխիկ գործարք չի համարվում, արդյո՞ք ձեռքբերման 16․67%-ը չի հաշվանցվում։
Կանխավ շնորհակալ եմ:

1+

XML-ի օրինակ

Հարգելի հաշվապահներ, ո՞վ կարող է ինձ ուղարկել եկամտային հարկի հաշվետվության տեղեկության ներբեռման XML-ի օրինակ /Ծրագրից հաշվետվությունների ներկայացման էլեկտրոնային համակարգ ներբեռնելու համար/։
Կանխավ շնորհակալ եմ:

0

Ինչպե՞ս վարվել ԱԱՀ-ի դեբետի հետ

Nver.

Հարգելի գործընկերներ, ուզում եմ լսել Ձեր կարծիքը այս իրավիճակի վերաբերյալ: Բեռներ փոխադրող ԱՁ-ն հարկվում է ԱԱՀ-ով, ժամանակին հայտ չներկայացնելու պատճառով: Լրացրել է հարկային հայտարարագիրը, ուղարկել ՊԵԿ, ներմուծման 20 %-ը վճարել բյուջե: ԱԱՀ-ի ամսական հաշվետվությունում առաջանում է ներմուծման հաշվանցման ենթակա ԱԱՀ, բայց քանի որ տվյալ անձը առք ու վաճառքով չի զբաղվում, այլ ծառայություն է մատուցում ֆիզիկական անձերին, հետևաբար ԱԱՀ-ի հաշվետվության վաճառքի մասով լրացնելու որևէ բան չի ունենում: Հիմա ինչպե՞ս վարվել ԱԱՀ-ի դեբետի հետ և ինչպե՞ս շտկել տվյալ իրավիճակը:

0

Եկամտային հարկի հաշվետվության 1.10 սյունակի վերաբերյալ

Rob.

Բարև Ձեզ: Խնդրում եմ ասեք՝ ինչպե՞ս առաջնորդվեմ հետևյալ հարցում. մայրության նպաստը հաշվարկել եմ, ստացվել է 550 000 դրամ, հիմա այս թիվը եկամտային հարկի հաշվետվության 1.10 սյունակում պե՞տք է դրվի, որից հաշվարկի եկամտային հարկը, իսկ 1.11 սյունակում, ո՞ր թիվը պետք է գրվի:

1+

Ինչպե՞ս կատարել լիազորի փոփոխումը

Արամ․

Բարև Ձեզ։ Կարող եք ասել՝ texservice-ի լիազորի փոփոխումը ինչպե՞ս կարող եմ անել։ Պե՞տք է լիազորագիր տրվի, որ հարկայինով կարողանամ ստորագրություն անել։

0

Եթե ազատումից հետո աշխատակիցները մնացել են որպես գրանցված աշխատող

Բարև Ձեզ։ Ներեցեք՝ կարո՞ղ եք ասել, եթե համայնքապետարանը 2017թ. խոշորացել է և այդ ժամանակահատվածից սկսած մինչև այսօր, համայնքապետարանը մուտք չի գործել էլեկտրոնային հաշվետություների համակարգ: Հիմա խնդիրը կայանում է նրանում, որ աշխատողները, որոնք խոշորացման ժամանակ ազատվել են աշխատանքից, մնացել են գրանցված աշխատող այդ համակարագում: Ինչպե՞ս կարող ենք այդ սխալը ուղղել, եթե մուտք չի լինում հին օգտատիրոջ հաշվով:

0

Ֆինանսական արդյունքների մասին հաշվետվություն ձև 2

Գայանե․

Բարև ձեզ, հարգելի հաշվապահներ։ ՀԿ-ի համար ֆինանսական արդյունքների մասին հաշվետվության ձև 2-ը կօգնե՞ք լրացնել։ Խնդրում եմ, հեռախոսահամար գրեք, զանգեմ։ Շնորհակալ եմ։

0

ՀԴՄ-ի հետ կախված

Գայանե.

Բարև Ձեզ, հարգելի հաշվապահներ: Մարզում գործող խաղալիքների խանութ է, միկրոյով է գործում: Ամեն ամիս ՀԴՄ-ի 60 Ձև-ը ներկայացվել է: Դրա անհրաժեշտությունը կար արդյո՞ք, եթե չկա, այդ դեպքում կասե՞ք հետագա քայլերը և ՀԴՄ սարքի հետ կապված, և հաշվետվության, որովհետև ամեն ամիս ներկայացվել է հաշվետվությունը:
Շնորհակալություն:

0

Շրջանառության հարկով աշխատող Ա/Ձ-ի վերաբերյալ

Բարի օր: Խնդրում եմ բացատրեք քայլ առ քայլ՝ ինչպե՞ս գրանցվեմ որպես Ա/Ձ և իմ հետագա հաշվետվությունները ու՞ր եմ ներկայացնելու: Ես թարգմանիչ եմ, աշխատելու եմ շրջհարկով, առանց աշխատողի: Կանխավ շնորհակալ եմ:

0

ՏՏ ոլորտում ՍՊԸ բացելու համար

Բարև Ձեզ: Ցանկանում եմ բացել ՍՊԸ, որը իր գործունեությունը ծավալելու է ՏՏ ոլորտում։
Հարցեր.
1/ Արժե՞ արդյոք հենց այս տեսակը ընտրել:

2/ Ի՞նչ վճարներ են պետք կատարել բացելուց:

3/ Ի՞նչ պարտադիր վճարներ կան ՍՊԸ-ն բացելուց հետո, երբ դեռևս աշխատակիցներ չկան:

4/ Ի՞նչ ժամկետներում է տեղի ունենում ամբողջ գործընթացը:

5/ Նվազագույն ծախսերը ամսական ինչքա՞ն են այդ բացված ՍՊԸ-ն “սպսարկելու” համար /հարկեր, տուրքեր/:

6/ Ի՞նչ հաշվետվություններ են պետք ներկայացվեն ամեն ամիս, կամ որտե՞ղ կարող եմ գտնել ցանկը:

7/ ՏՏ ոլորտի համար ի՞նչ արտոնություններ են նախատեսված այս պահին:

0

Ի՞նչ հաշվետվություններ պետք է ներկայացնել

Gayane Harutyunyan.

Բարև Ձեզ։ Ես հուլիս ամսին բացել եմ Ա/Ձ և պետք է աշխատեմ միկրոյով։ Կուզենայի իմանալ` ի՞նչ հաշվետվություններ պետք է ներկայացնեմ։

0

Հնարավո՞ր է որ չգա ֆիսկալներին վարչական տույժ

Անի.

Բարև Ձեզ: Հարկատուն չի ներկայացրել ֆիսկալի 60 համարը, որը 0 է: Մեկ ամիս է ու դեռ ծանուցում չկա, հնարավո՞ր է որ չգա ֆիսկալներին վարչական:

0

Շրջանառության հարկի հաշվետվությանը սխալ է ներկայացվել

Ani.

Բարև Ձեզ: Մի հարց ունեմ. շրջանառության հարկի 2 եռամսյակի՝ Հաշվետու եռամսյակում հանրային սննդի ոլորտում իրականացվող գործունեությունից ստացվող եկամուտների տողում ես չեմ նկատել, որ ինքնուրույն թիվ է գրվում ծրագրով և այդ ահռելի թվով ես հաշվետվություն եմ ուղարկել, արդյունքում կուտակվեց մեծ թվով պարտք, կատարեցի ճշտում, բայց այդ պարտքը չի կորել դեռ: Հնարավո՞ր է, որ մնա այդպես պարտք, թե՞ սպասեմ մի քանի ժամ մինչև ուղղվի ծրագիրը:

0

Ինչպե՞ս կազմել հաշվետվություն

Սամվել.

Բարև Ձեզ: Ներեցեք ես մի հարց ունեմ. կցանկանայի իմանալ, թե ի՞նչ գործիքի միջոցով կարող եմ կազմել հաշվետվություն:

0

Ինչպե՞ս հաշվետվություն ներկայացնել

Mariam.

Բարև Ձեզ։ Ինչպե՞ս կարող եմ ներկայացնել հաշվետվություն հունվարից մինչև հուլիս ամիսների համար։ Խոսքս վերաբերում է մանկապարտեզին։ Որտեղ կա սնունդ և այլ ծախսեր։ Պարզապես կուզեմ հաշվելու ձևը իմանալ կամ մոտավոր նմուշ լինի, մի գուցե հասկանամ։

0

Ա/Ձ-ն ի՞նչ հաշվետվություն պետք է ներկայացնի

Ani.

Բարև Ձեզ: Կարո՞ղ եք օգնել հետևյալ հարցում. եթե ԱՁ-ն չի դադարեցրել իր գործունեությունը, ունի գրանցված աշխատող, որը գտնվում է ֆիզ. արձակուրդում, սակայն ներկա պահին շրջանառություն չունի, ի՞նչ հաշվետվություն պետք է ներկայացվի և ի՞ նչ պարտավորություններ ունի:

0

Ինչպե՞ս հաշվարկել վիճակագրական արժեքը

Բարև Ձեզ, հարգելի հաշվապահներ: Ինձ կասեք՝ ինչպե՞ս հաշվարկել ԵՏՄ-ից մի բեռնափոխադրման 8 տարբեր ԱՏԳ ունեցող ապրանքների վիճակագրական արժեքը վիճ. հաշվետվության մեջ լրացնելու համար, և ի՞նչ գործակցով բաշխել բեռնափոխադրման ծախսը 8 ԱՏԳ-ի համար:

0

Ինչպե՞ս պետք է հաշվարկել հարկերը

Araqsya.

Ա/Ձ-ն աշխատանքի է ընդունել բանվորների, ովքեր պետք է աշխատեն ընդամենը 7օր։ Աշխատանքային պայմանագրում գրված է, որ վարձատրությունը գործավարձային է՝ 1 օրը 6 000 դրամ։ Ինչպե՞ս պետք է հաշվարկել հարկերը, և պետք է եկամտային հարկի հաշվետվություն ուղղարկել, թե՞ ոչ։

0

Արդյո՞ք պարտադիր է եռամսյակային հաշվետվություն ներկայացնելը

Բարև Ձեզ, խնդրում եմ կասեք, եթե ԱՁ-ն աշխատում է նոր սերնդի ՀԴՄ-ով և համարվում է շրջհարկ վճարող, ապա պարտադի՞ր է եռամսյակային հաշվետվություն ներկայացնելը:

0

Լիցենզիայի համար վճարվել է պետ. տուրք

Արմինե.

Ա/Ձ-ն զբաղվում է դեղորյաքի վաճառքով, վճարվել է 50 000 լիցենզիայի համար պետ. տուրք, վճարումը որպես գերավճար արտացոլված է միասնական հաշվում, ես ինչ ո՞ր հաշվետվություն պետք է հանձնեմ, որպեսզի փակվի այդ գումարը:

0

Ոչ ռեզիդենտին վճարված շահութահարկի գումարի մասին հաշվարկ

Բենիամին.

Բարև Ձեզ: Ցանկանում եմ լրացնել 209 ձևը. Հաշվարկ՝ ոչ ռեզիդենտին վճարված շահութահարկի գումարի մասին: Կասեք խնդրեմ Facebook-ի և Google-ի ծախսերը, որ կոդերի տակ լրացնեմ: Եթե հնարավոր է` նաև հղում տվեք օրենքին: Շնորհակալ եմ:

0

Անաշխատունակության թերթիկ

Բարև Ձեզ: Հիմնարկի աշխատակիցը հուլիսի 7-ից ինքնամեկուսացվել է, գիտեմ, որ անաշխատունակության թերթիկ է բացվել, բայց ինձ դեռ չի ներկայացվել, քանի որ ընթացքի մեջ է: Հարցս հետևյալն է. հարկայինի հաշվետվության հետ ի՞նչ անեմ, ամսվա վերջ, երբ թերթիկը փակեն և նա ներկայանա աշխատանքի, հուլիս ամսվա եկամտային հարկի հաշվետվության մեջ ցույ՞ց տամ այս աշխատողի անաշխատունակությունը սկսելու և ավարտելու ժամանակահատվածը`  կարո՞ղ է վարչական պատասխանատվության ենթարկվեմ:
Կանխավ շնորհակալ եմ:

0

240 ձևի հաշվետվության վերաբերյալ

Լուսինե․

Բարև բոլորին, ինչպե՞ս է հաշվարկվում Ձև 240-ի 107 տողի հարկման գումարը։

0

Ինչպե՞ս աշխատող գրանցել մեկ օրով

Բարև Ձեզ: Ա/Ձ-ն շրջհարկով է աշխատում: Մեկ օրով աշխատող է պետք գրանցել: Ինչպե՞ս գրանցել աշխատողին և ինչպե՞ս ազատել նրան։ Ի՞նչ հարկային հաշվետվություններ պետք է ներկայացնել։
Շնորհակալություն։

0

ՀԿ-ն պե՞տք է ներկայացնի հաշվետվություն, եթե ազատված է ԱԱՀ-ից

Բարև Ձեզ, եթե ՀԿ-ն ազատված է ԱԱՀ-ից, պե՞տք է արդյոք հաշվետու ամսվան հաջորդող ամսվա 20-ը ներառյալ ներկայացնի հաշվետվություն` ԱԱՀ-ի ազատված տողում նշելով մատուցած ծառայությունից ստացված եկամուտների չափը։ Թե՞ իմաստ չունի։

0

ՀԿ-ն չի հանձնել հասարակական կազմակերպությունների գործունեության վերաբերյալ հաշվետվությունը

Արմինե․

Հարգելի հաշվապահներ, ՀԿ-ն ծանուցագիր է ստացել, որ չի հանձնել հասարակական կազմակերպությունների գործունեության վերաբերյալ հաշվետվությունը։ Արդյո՞ք պետք է հանձնել նշված հաշվետվությունը, եթե հանրային միջոցներից ստացված գումարները չեն գերազանցել 5 միլիոն դրամը։ Եվ այդ դեպքում ո՞ր համարի հաշվետվությունը պետք է հանձնել՝ “246. Հաշվետվություն՝ հասարակական կազմակերպությունների գործունեության”, թե “251. Հաշվետվություն՝ հասարակական կազմակերպությունների գործունեության”։ Շնորհակալություն։

0

Ի՞նչ է հարկավոր նեղ մասնագիտական դասընթացներ իրականացնելու և եռալեզու վկայական տալու համար

Nona.

Բարև Ձեզ: Կասեք` ի՞նչ է հարկավոր նեղ մասնագիտական դասընթացներ իրականացնելու և եռալեզու վկայական տալու համար: Արդյո՞ք հնարավոր է բացել ԱՁ և գործել միկրոձեռնարկատիրության համակարգում: Տարեկան Ֆինանսական հաշվետվությունների կազմումը ո՞ր դեպքում է պարտադիր:

0

Շրջհանառության հարկի և ԱԱՀ-ի հաշվետվությունների լրացման հետ կապված

Բարև Ձեզ: Ինձ կարո՞ղ եք օգնել:

Մինչև մայիսի 7-ը աշխատել ենք շրջհարկով: Հետո մեկ այլ կազմակերպություն է բացել մեր տնօրենը 100% բաժնեմասով  մայիսի 7-ին, և դարձել ենք ԱԱՀ-ով հարկվող, քանի որ կազմակերպությունները դարձել են փոխկապակցված:
Ապրիլ ամսին շրջանառություն չենք ունեցել, բայց ունեցել ենք կանխավճարի հետվերադարձ 200 000դր.: Մինչև մայիսի 6-ը շրջանառությունը եղել է 115 000 դր.:
Հիմա հարցս. 2եռ. համար ինչպե՞ս ձևակերպեմ շրջհարկի հաշվետվությունը, որ 115 ցույց տամ: 115 000 գրե՞մ, իսկ 200 000 փոխեմ 1եռ.-ից հանեմ, թե՞ 0-ական գրեմ:
2 հարց. ԱԱՀ 260 ձևի մեջ 18 տողի Ա բաժնում (ՀՀ տարածքում ձեռք բերված ապրանքների և ծառայությունների հարկման բազա)  բացի e-invoicing-ի հաշիվներից, աշխատավարձից և ՀՄ մաշվածքից էլ ի՞նչ հաշիվներ են ներառվում:
Նախապես շատ շնորհակալ եմ:

1+

Ո՞ր եռամսյակի հաշվետվության մեջ պետք է ներառվի հուլիսին դուրս գրված հաշիվը

Աշխատում եմ շրջհարկով։ Առաքվել է ապրանք հունիսին, հաշիվը դուրս եմ գրել հուլիսին։ Վճարումը ևս պետք է կատարվի հուլիսին։ Ո՞ր եռամսյակի մեջ ներառեմ։

0

Եթե արտոնագրային հարկով աշխատած Ա/Ձ-ն ԱԱՀ-ի ամսական զրոյական հաշվետվություն չի ներկայացրել

Արփինե․

Բարև Ձեզ։ Մի հարց, եթե ԱՁ-ն 2019 թվականին գործունեություն է ծավալել բացառապես արտոնագրային հարկով։ Եվ փաստացի համարվել ԱԱՀ վճարող, սակայն չի ներկայացրել ԱԱՀ-ի ամսական զրոյական հաշվետվություն։ Դա ինչ ո՞ր վարչական պարտավորություն է առաջացնում։ Նախապես շնորհակալ եմ։

0

Արդյո՞ք “Նաիրի Ինշուրնս”-ի ապահովագրության գործակալը կարող է շրջհարկի դիմում ներկայացնել

Աննա.
Բարև Ձեզ: Մի հարց. արդյո՞ք կարող եմ շրջհարկի դիմում ներկայացնել և շրջանառության հարկի հաշվետվություններ ներկայացնեմ` այլ ծառայություններ 5%-ով, եթե Նաիրի Ինշուրնս ապահովագրության գործակալ եմ:

0

Հասարակական կազմակերպությունների հաշվետվություններ

Գևորգ․

Բարև ձեզ։ Հարգելի կոլեգաներ և հաշվապահներ, խնդրում եմ ասել՝ հասարակական կազմակերպությունների հաշվետվությունները ո՞ր կայքով են հանձնում:

1+

ՍՊԸ-ն ի՞նչ հարկային պարտավորություն ունի դրամաշնորհի հետ կապված

Gayane.

Հարգելի հաշվապահներ, խնդրում եմ օգնեք հետևյալ հարցում․ ՍՊԸ-ի գործունեության ոլորտը մշակույթն է, շրջհարկով է աշխատում։ Հիմա հարցս. այդ մշակութային, ստեղծագործական ծրագրերի համար ոմն կազմակերպությունը բարեգործական դրամաշնորհ է տրամադրում։ ՍՊԸ-ն ի՞նչ հարկային պարտավորություն ունի այդ գումարի հետ կապված։ Խնդրում եմ բոլոր տեսակի հաշվետվության ձևերը գրեք, այդ թվում նաև տարեկան։ Շատ շնորհակալ կլինեմ։

0

ՍՊԸ-ն շահաբաժինների վճարման որոշում է ընդունել

Hayk.

Բարև Ձեզ: Շրջ. հարկով աշխատող ՍՊԸ-ն 2020թ. հունիսին որոշում է ընդունել շահաբաժինների վճարման: Այդ որոշման հիման վրա պետք է 2020թ. հունիս ամսվա եկամտային հարկի հաշվետվության մեջ` Բաժին II-ում ներկայացնեմ շահաբաժնի և եկամտային հարկի չափը։ Իսկ կարո՞ղ եմ արդյոք վճարումը կատարել 2020թ․ դեկտեմբերին՝ կանխիկ եղանակով։ Կա՞ որևէ օրենսդրական սահմանափակում։ Նախապես շնորհակալություն։

0