Архив по этикетке: մաշվածություն

Июл 01 2020

Հաշվապահական խնդիր

Սոնա․

Բարև Ձեզ: Հարգելիներս, խնդրում եմ օգնել լուծելու հետևյալ խնդիրը: Կանխավ՝ շնորհակալ եմ:

“Ա” ՀԿ-ն հիմնադրվել է 2019թ.-ին: 2019թ.-ի շրջանառությունը կազմել է 62 մլն դրամ: Կազմակերպությունը 2020թ. ԱԱՀ վճարող համարվելու վերաբերյալ հայտարարություն չի ներկայացրել: Հաշվետու ժամանակաշրջանում իրականացրել է հետևյալ գործարքները՝

Եկամուտներ՝ հ/հ Գործարք գումար/հազ. դրամ/

1.Անհատույց ստացված արտ. սարքավորում 15 000
2.Ծառայությունների մատուցումից եկամուտ 48 000
3.Ապրանքների իրացումից եկամուտ 58 000
4.Վարձակալությունից եկամուտ 18 000

Ծախսեր՝ հ/հ Գործարք գումար /հազ. դրամ/

  1. Հիմնական միջոցների մաշվածություն 12 000
    2.Ծառայությունների մատուցման հետ կապված ծախսեր 32 000
    3.Ապրանքների ինքնարժեք 62 000
    4.Աշխատավարձ 6 600

Լրացուցիչ ինֆորմացիա՝ 1.Սարքավորումը ստացել 01.04.2020թ.-ին:
2.Արտադրական սարքավորումը շահագործման է հանձնվել 01.05.2020թ., սակայն տեղակայման և գործարկման նշանակալի աշխատանքներ չի պահանջվել։
3.Եկամուտները հաշվեգրվել են վերը նշված հաջորդականությամբ:
4.Բոլոր ծախսերի մասով եղել են ծախսերը հիմնավորող փաստաթղթեր:

Որոշել 2020թ. -ի հարկվող շահույթը և շահութահարկի գումարը:

Июн 29 2020

Համակարգչային տեխնիկան հիմնական միջոց է, թե՞ արագամաշ առարկա

Saten․

Բարև Ձեզ։ Կարո՞ղ եք պատասխանել․ գնել եմ համակարգչի մկնիկ 5 000 դրամ և ստեղմնաշար 25 000 դրամ։ Դրանք պե՞տք է դիտեմ որպես հիմ. միջոց թե՞ արագամաշ առարկա։
Պե՞տք է դասեմ մինչև 50 000 դրամ արժողությամբ հմ-ի դասում և ծախսագրեմ նույն պահին 713-111, թե՞ դիտեմ որպես համակարգչային տեխնիկա և մաշվածք հաշվեմ 1 տարի։

Июн 10 2020

Հաշվապահական խնդիր մաշվածության վերաբերյալ

Մարա.

Բարև ձեզ։ Խնդրում եմ օգնել ինձ լուծել այս խնդիրը։ Կանխավ շնորհակալություն։

Լուծել խնդիրը․
Սոթքի ոսկու հանքը 2008թ.-ի հունիսի 15-ին ձեռք է բերել բուլդոզերներ $ 100 000 ընդհանուր արժեքով: Ենթադրվում է, որ դրանք ծառայելու են 5 տարի, որից հետո վաճառվելու են $ 20 000-ով: Հաշվել բուլդոզերների տարեկան մաշվածությունը՝ օգտագործելով ուղիղ գծային, նվազող մնացորդի և տարիների գումարի մեթոդները:

Июн 04 2020

Ֆինանսական վարձակալություն

Ֆինանսական վարձակալության՝ լիզինգի ժամանակ, մաշվածության ծախսը ո՞վ է տալիս՝ վարձատու՞ն, թե՞ վարձակալը: Շնորհակալություն:

Май 13 2020

Լուծել հաշվապահական խնդիրները

Հովհաննես.

Խնդրում եմ ձեզ, օգնեք լուծելու հետևյալ խնդիրը՝
1. որոշել՝ տրված տնտեսական գործառնությունները հաշվեկշռում ինչպիսի փոփոխություններ են առաջացնում,
2. ձևակերպել տնտեսական գործառնությունները:

Գործառնություների բովանդակությունը՝
1. հաշվարկվել է արտադրական սարքավորումների մաշվածությունը՝ 350 000 դրամ,
2. շենքը կառուցողների համար հաշվարկվել է աշխատավարձ՝ 185 000 դրամ,
3. ձևակերպված է գրասենյակի շենքի նորոգման ծախսումների կապիտալացումը՝ 720 000 դրամ,
4. հիմնական միջոցը ժամանակավորապես հանվել է շահագործումից սկզբնական արժեքով՝ 2 550 000 դրամ,
5. հաշվետու ժամանակաշրջանի վերջում անավարտ շենքի կառուցման ծախսումների փակում՝ 230 000 դրամ:

Նախօրոք շնորհակալություն:

Май 03 2020

ԱՁ-ն ցանկանում է երրորդ երկրից սարքավորում ներմուծել

Հրաչյա.

Բարև ձեզ: Ես անհատ ձեռներեց եմ, մոտ 8 ամիս (բժշկական օգնություն և սպասարկում) հարկվում եմ շրջ. հարկով: Ուզում եմ երրորդ երկրից ներմուծել սարքավորում, ենթակա է հարկման (մաքսազերծման) ԱԱՀ-ով 20 %: Կարո՞ղ եմ ես օգտվել ամորտիզացիայից, մաշվածության ծախսերից ԱԱՀ-ի վճարի ժամանակ, թե՞ պետք է անմիջապես վճարեմ ԱԱՀ-ն: Կանխավ շնորհակալ եմ:

Апр 10 2020

Որքա՞ն է գույքի օգտակար ծառայության ժամկետը

Սաթեն․

Բարև Ձեզ, խնդրում եմ պատասխանեք․ շրջանառության հարկով աշխատող կամակերպությունը շուկայից գնել է 45 000 դրամ արժեքով գրասենյակային գույք։ Որքա՞ն է օգտակար ծառայության ժամկետը, ի՞նչ ձևակերպում տամ, և ինչի՞ համար է 947 հաշիվը։

Мар 10 2020

Ինչպե՞ս հաշվարկել մաշվածությունը հիմնական միջոցի վերակառուցումից հետո

Աննա.

Բարև ձեզ: Խնդրում եմ, օգնեք հասկանամ՝ հիմնական միջոցի վերակառուցումից հետո ինչպե՞ս են հաշվում ամորտիզացիան այդ տարվա և մնացած տարիների համար:

Фев 14 2020

ԱՁ-ն վարձակալությամբ տեխնիկա է տրամադրել

Թեհմինա.

Բարև ձեզ: Խնդրում եմ, պատասխանեք՝ եթե ԱՁ-ն գրանցվել է 2019թ. մարտին, ԱԱՀ վճարող է, հոկտեմբերի և դեկտեմբերի դուրս է գրել տեխնիկայի վարձակալության հաշիվ, 362 500 և 262 500 դրամի: Շահութահարկի կախավճար չեմ վճարել։ Տեխնիկայի արժեքը 24 մլն է, տարեկան մաշվածությունը՝ 2 400 000, ամսվանը՝ 200 000, քանի որ տեխնիկա ձեռք եմ բերել ապրիլին, հաշվել եմ 9 ամսվա մաշվածություն 9*200 000, 1 800 000: Ծախսս գերազանցում է եկամուտին, ստացվում է՝ աշխատել եմ վնասով: 244 հաշվետվության մեջ շահութահարկի հարկման բազան ի՞նչ լրացնեմ։ 240 հաշվետվության մեջ ամորտիզացիայի ծախսը ո՞ր տողում լրացնեմ:

Ноя 29 2019

Կազմակերպությունը ձեռք է բերել ձմեռային անվադողեր իրեն պատկանող ավտոմեքենայի համար

Արմինե.

Հարգելի մասնագետներ, կազմակերպությունը ձեռք է բերել ձմեռային անվադողեր իրեն պատկանող ավտոմեքենայի համար: Արդյո՞ք այդ անվադողերի համար վճարվող գումարը կարելի է ծախսագրել, թե՞ դա պետք է գումարել (կապիտալացնել) հիմնական միջոցի արժեքին և ամորտիզացնել: Եվ ինչպե՞ս է որոշվում, թե որ տարբերակով պետք է ձևակերպել: Շնորհակալություն:

Ноя 26 2019

Ինչպե՞ս հաշվարկել շինության մաշվածությունը

Անահիտ Հարոյան.

Բարև ձեզ: Խնդրում եմ, ասեք՝ երկաթ-բետոնյա շինության մաշվածության տոկոսը ինչպե՞ս պետք է որոշենք:

Կանխավ շնորհակալություն:

Ноя 13 2019

Ինչպե՞ս կատարել մաշվածության հաշվարկ

Անուշ.

Բարև ձեզ: Կենսաբանական ակտիվները, օրինակ՝ ծառերը, համարվու՞մ են մաշվող հիմնական միջոցներ, եթե այո, ապա ինչպե՞ս հաշվել ծառի մաշվածությունը, օրինակ՝ ձեռք եմ բերել 20 000 ՀՀ դրամ արժողությամբ ծառ, ինչպե՞ս տամ թղթակցությունները: Ու հանրային հատվածի հաշվապահություն է, և դրա համար են պետք թղթակցություններ:

Կանխավ շնորհակալություն:

Июл 27 2019

Կազմակերպությունը ձեռք է բերել գույք

231

Արմեն.

Հարգելի գործընկերներ, կազմակերպությունը (հյուրանոցային գործունեություն) ձեռք է բերել հեռուստացույցներ, սառնարաններ, կահույք և դռներ հյուրանոցի համար: Արդյո՞ք դրանք ավելացվում են հիմնական միջոցի արժեքին, թե՞ միանգամից դիտարկվում են ծախս:

Շնորհակալություն:

Июл 27 2019

Մաշվածության հաշվարկ ՀՄ վերագնահատման դեպքում

Մելինե Պ.

Բարև ձեզ: Հիմնական միջոցի առաջին վերագնահատումից հետո երկրորդ վերագնահատման ժամանակ մաշվածություն հաշվարկվում է ըստ սկզբնակա՞ն արժեքի, թե՞ վերագնահատված արժեքի: Այսինքն` եթե հիմնական միջոցի սկզբնական արժեքը եղել է 300 հազ. դրամ, առաջին վերագնահատումից հետո սկզբնական արժեքը դարձել է 407 հազ. դրամ, երկրորդ վերագնահատման ժամանակ մաշվածություն հաշվելու եմ ըստ 300-ի՞, թե՞ 407-ի:

Мар 26 2019

Մաշվածության հաշվարկի վերաբերյալ

Գոհար.

Բարև ձեզ: Խնդրում եմ գրեք՝ 2018թ.-ի համար քանի տոկոսով է հաշվարկվում տրանսպորտային միջոցի ամորտիզացիան տարեկան: Կանխավ շնորհակալություն:

Июл 26 2017

Հարկային հաշվառում. ինչպե՞ս է իրականացվում

Дек 26 2016

Մաշվածքի հաշվարկման մեթոդների վերաբերյալ

Մարիամ.

Բարև ձեզ, հարգելի կոլեգաներ: Ինձ կասե՞ք, թե որն է ոչ նյութական ակտիվների հաշվառման գծային մեթոդը և նվազող մնացորդի մեթոդը:

Авг 09 2016

Օգտակար ծառայության ժամկետներ

Տիգրան.

Խնդրում եմ ասել` գյուղատնտեսական տեխնիկայի և մյուս հիմնական միջոցների օգտակար ծառայության ժամկետները մաշվածության հաշվարկի համար որտեղի՞ց կարող եմ գտնել:

Апр 11 2016

Հիմնական միջոցի մաշվածության հաշվարկի հետ կապված

227

Company.

Ընկերությունը 2008թ. հուլիսին ձեռք է բերել տպագրական սարքավորում 100 մլն. սկզբնական արժեքով: Հետագա տարիներին մաշվածությունը ձևակերպվել է անհավասարաչափ բաժիններով (տարեկան մաշվածության գումարը ստացվել է ավելի քիչ, քան կարող էր հաշվարկվել գծային մեթոդով), չնայած շահութահարկի հաշվարկում քաղաքականությունը նշվել է գծային մեթոդով: Արդյունքում վերջնական մաշվածության ժամկետը ստացվել է ոչ թե 2013թ. հուլիսը, այլ 2014թ. դեկտեմբերը:

Հարց.
Հարկային առումով գծային մեթոդից շեղումը կարո՞ղ է դիտարկվել խախտում և ի՞նչ պատասխանատվություն կարող է կիրառվել:

Апр 11 2016

ՀՄ մաշվածության հաշվարկ

Լիլիթ.

Բարև ձեզ, հարգելի կոլեգաներ:
Խնդրում եմ օգնեք ինձ հետևյալ հարցում. ՊՈԱԿ-ը հիմնական միջոց է ստացել անհատույց հոկտեմբեր ամսին, դեկտեմբերին ամորտիզացիան հաշվելիս ինչպե՞ս հաշվել նոր հ/մ-ի ամորտիզացիան (երկու ամսվա համար, թե՞…):
Կանխավ շնորհակալ եմ:

Янв 08 2016

Ընկերությունը ունի գործառնական վարձակալությամբ հիմնական միջոց

Արսինե.

Ընկերությունը աշխատում է ԱԱՀ-ով: Ընկերությունը ունի գործառնական վարձակալությամբ հիմնական միջոց (մեքենաներ): Ըստ մեքենաների շահագործման պայմանագրի դրանց հիմնական վերանորոգումը կատարվում է Ընկերության կողմից: Մեքենայի արժեքը ըստ պայմանագրի կազմում է 2 000 000 ՀՀ դրամ: Հարցս հետևյալն է՝

Եթե Ընկերությունը կատարել է օրինակ 600 000-ի ծախս, որից օրինակ 450 000-ը ավտոպահեստամասեր, իսկ 150 000-ը՝ ծառայության գումար, ապա նշված 450 000-ից 200 000-ը (2 000 000 * 10% = 200 000, համաձայն 11.04.2000 N161 որոշման) հանդիսանում է ծախս, իսկ 250 000-ը հաշվառվում է առանձին 154 հաշվով` որպես “Ոչ ընթացիկ ակտիվներ հետաձգված ծախսերի գծով”, թե՞ ամբողջ 600 000-ն էլ հանդիսանում է ծախս:

Сен 28 2015

Ինչպե՞ս ձևակերպել էլեկտրական սարքավորումների գումարը

231

Արմինե.

Հարգելի հաշվապահներ, խնդրում եմ օգնել ինձ հետևյալ հարցում:

Կազմակերպությունը պայմանագիր է կնքել ծառայություն մատուցող ընկերության հետ, համաձայն որի այդ ընկերությունը վերանորոգելու է կազմակերպության հաստոցները:

Հիմա տվյալ ընկերությունը մեզ դուրս է գրել` օրինակ Հ/Ա 150 000 դրամի չափով (հաստոցի համար անհրաժեշտ էլեկտրական սարքավորումների գինը): Սակայն հաստոցի օգտակար ծառայության ժամկետը ավարտվել է, և տարվա սկզբի դրությամբ հաշվեկշռում գրանցված մնացորդային արժեքը կազմում է 2 000 դրամ:

Հարց. հաստոցի վերանորոգման համար անհրաժեշտ էլեկտրական սարքավորումների գումարը ինչպե՞ս ձևակերպեմ:

Апр 08 2015

Որքա՞ն է ՀԴՄ – ի ամորտիզացիոն ժամկետը

226

Arsine.

Հարգելի հաշվապահներ,
ՍՊԸ-ն 2014թ-ի հոկտեմբերին ձեռք է բերել նոր սերնդի ՀԴՄ 60 000 դրամով: Արդյո՞ք այն հանդիսանում է հիմնական միջոց: Եթե այո, ապա որքա՞ն է դրա ամորտիզացիոն ժամկետը:

Կանխավ շնորհակալություն:

Фев 22 2015

Արդյո՞ք պետք է ԱԱՀ-ի գումարը միացնել ավտոմեքենայի արժեքին

Hayk.

Հարգելի հաշվապահներ, համաձայն ԱԱՀ օրենքի` կազմակերպության կողմից օգտագործման համար գնված ավտոմեքենայի ԱԱՀ-ն չի հաշվանցվում: Այդ դեպքում արդյո՞ք պետք է ԱԱՀ-ի գումարը միացնել ավտոմեքենայի արժեքին և ընդհանուր գումարով ամորտիզացնել: Եվ ստացվում է, որ ԱԱՀ-ն մաշվածությանը համամասնորեն ծախսագրվում է:

Янв 14 2015

Կազմակերպության հիմնական միջոցների մաշվածության գումարը մեծ թիվ է

Լուսինե.

Հարգելի հաշվապահներ, խնդրում եմ ինձ օգնեք: Կազմակերպության հիմնական միջոցների մաշվածության գումարը մեծ թիվ է իրենից ներկայացնում, և եթե այն վերագրում ենք ծախսերին, ապա ստացվում է, որ կազմակերպությունը աշխատել է վնասով, բայց իրականում դա այդպես չէ: Ինչպիսի՞ լուծում կարելի է տալ այս հարցին: Կանխավ շնորհակալություն:

Дек 16 2014

Արդյո՞ք ակտիվների վերագնահատում իրականացվում է միայն ֆինանսական հաշվառման համար

Erik.

Բարև ձեզ:
Կարո՞ղ եք ասել` արդյոք ես ճիշտ եմ, թե ոչ:
Հարկային բալանսում ակտիվները միշտ արտացոլվում են սկզբնական արժեքի և ամորտիզացիայի տարբերությամբ, չէ՞: Իսկ ակտիվների վերագնահատում իրականացվում է միայն ֆինանսական հաշվառման համար, այդպես չէ՞:

Апр 15 2014

ՀԴՄ-ների ամորտիզացիոն ժամկետ

Gohar.

Բարև ձեզ: Խնդրում եմ ասել` արդյո՞ք ՀԴՄ-ների համար սահմանված ամորտիզացիոն ժամկետ 1 տարին է: Կանխավ շնորհակալություն:

Апр 09 2014

ԱԱՀ վճարող ՍՊԸ-ն ձեռք է բերել մարդատար ավտոմեքենա, այնուհետև վաճառել է այն

Հ.Ա.

Հարգելի հաշվապահներ,
ԱԱՀ վճարող ՍՊԸ-ն ձեռք է բերել մարդատար ավտոմեքենա 10 մլն դրամով (ներառյալ ԱԱՀ-ն), ԱԱՀ-ն միացրել է արժեքին ու ամորտիզացրել, այնուհետև վաճառել է նշված ավտոմեքենան 7 մլն դրամով, մնացորդային արժեքը եղել է 8 մլն դրամ: Խնդրում եմ ասեք` ինչպիսի՞ հաշվապահական ձևակերպումներ պետք է տալ տվյալ դեպքում, և շահութահարկի ու ԱԱՀ-ի տեսանկյունից ի՞նչ պետք է անել: Կանխավ շնորհակալ եմ:

Дек 15 2013

Էքսկավատորների համար պե՞տք է հաշվարկել գույքահարկ

Գրիգոր.

Էքսկավատորների համար պե՞տք է հաշվարկել գույքահարկ: Եթե այո, ապա բեռնատա՞ր մեքենա է, թե՞ մարդատար (p.s. տեխ. վկայագրում ձիաուժ նշված չէ): Եթե ոչ, ապա քանի՞ տարով պետք է մաշեցնել:

Окт 15 2013

Ամորտիզացիոն ժամկետների նվազեցում

Գուրգեն.

Հարգելի գործընկերներ, խնդրում եմ պատասխանել հետևյալ հարցին.

Ընկերությունն իր հիմնական միջոցների համար սահմանել է ամորտիզացիոն ավելի երկար ժամկետ, քան սահմանված նվազագույն ժամկետը “Շահութահարկի մասին” ՀՀ օրենքում: Ներկայումս ընկերությունը ցանկանում է փոփոխել ամորտիզացիոն ժամկետը և սահմանել այն “Շահութահարկի մասին” ՀՀ օրենքում նշված ժամկետի չափով, այսինքն նվազեցնել: Արդյո՞ք հնարավոր է դա անել, և խնդրում եմ նշել իրավական հիմքերը:

Կանխավ շնորհակալ եմ:

Сен 28 2013

Հիմնական միջոցի դուրսգրում

Հայկ.

Հարգելի հաշվապահներ, խնդրում եմ, պատասխանեք՝ արդեն իսկ ամորտիզացված հիմնական միջոցի դուրսգրման (բալանսից հանելու) համար ի՞նչ է պետք անել:

Կխնդրեի մանրամասն բացատրել գործընթացը և ձևակերպումները:

Май 07 2013

Ինչպե՞ս հաշվարկել հիմնական միջոցների մաշվածությունը

Մարիանա.

Քաղաքապետարանում հիմնական միջոցների մաշվածությունը ինչպե՞ս հաշվարկել՝ օգտակար ծառայության տարիներո՞վ, թե՞ 12 %, 15 % և այլ տոկոսներով: Կանխավ շնորհակալություն:

Фев 17 2013

Կազմակերպությունը մեքենա է գնել ավտոսրահից

Լյուդմիլա.

Հարգելի հաշվապահներ, ՍՊԸ-ն մեքենա է գնել ավտոսրահից: Ի՞նչ ձևակերպումներ և ի՞նչ հարկեր ու հաշվետվություններ կարող են ավելանալ, մեքենայի ԱԱՀ-ն հաշվանցման կամ զրոյականի դեպքում ետ վերադարձման ենթակա՞ են: Տարվա ընթացքում ամորտիզացիա դուրս գրվու՞մ է մեքենայի համար: Մեկ հարց ևս` հիմնադիրը կարո՞ղ է փոխառություն տալ ՍՊԸ-ին այդ մեքենան ձեռք բերելու համար: Նախապես շնորհակալություն:

Дек 14 2012

Դասագրքերի մաշվածություն

Սեդա.

Դասագրքերի ամորտիզացիոն մասհանումների նորման քանի՞ տարի է:

Дек 05 2012

Ի՞նչ ձևակերպումներ պետք է տալ

Gayane.

Հարգելի կոլեգաներ, ասացեք խնդրեմ` հասարակական կազմակերպությունը ի՞նչ ձևակերպում պետք է տա.

– համակարգիչների մաշվածքի համար
– անդամավճարների համար

Նախապես շնորհակալ եմ:

Май 22 2012

Ամորտիզացիոն քաղաքականություն

Վարդուհի.

Խնդրում եմ բացատրել` ինչ է ամորտիզացիոն քաղաքականությունը:

Май 17 2012

Հիմնական միջոցի մաշվածության հաշվարկ

Աննա.

Հարգելի հաշվապահներ, խնդրում եմ պատասխանեք հետևյալ հարցիս. եթե իրավաբանական անձը ձեռք է բերում արդեն մաշված հիմնական միջոց, ապա կարիք կա՞ արդյոք հաշվարկել այդ հիմնական միջոցի համար մաշվածություն, եթե այո, ապա ինչպե՞ս: Խնդրում եմ, եթե գիտեք` օրենքում կա հարցիս վերաբերյալ հոդված, հղում արեք: Նախապես շնորհակալություն:

Мар 31 2012

Կազմակերպությունը պետք է վերանայի ՀՄ օգտակար շահագործման ժամկետը

Նունե.

Կազմակերպությունը ունի զրոյական մնացորդային արժեքով հաշվառվող հիմնական միջոցներ, հաշվապահական հաշվառման միջազգային ստանդարտ 16-ի 51 կետի համաձայն կազմակերպությունը պետք է վերանայի հիմնական միջոցների օգտակար շահագործման ժամկետը: Խնդրում եմ պարզաբանեք` որտեղ կարող եմ կարդալ նշված գործընթացի իրականացման կարգը, այսինքն` ինչպես է վերանայումից հետո հաշվարկվում ամորտիզացիան, կամ եթե տվյալ հիմնական միջոցի մնացորդային արժեքը զրո է, և կազմակերպությունը վերանայել է հիմնական միջոցի շահագործման ժամկետը և պետք է այն օգտագործի ևս 2 տարի, ապա այդ դեպքում ամորտիզացիա հաշվարկվու՞մ է, թե՞ ոչ: Նախապես շնորհակալություն 😳

Мар 23 2012

Շահութահարկի եռամսյակային կանխավճարների և նվազագույն շահութահարկի վերաբերյալ

N.

Բարև հարգելիներս: Ես սկսնակ հաշվապահ եմ: Խնդրում եմ օգնել: 2010թ. կազմակերպության շահութահարկը կազմել է զրո դրամ: Ըստ օրենքի կանխավճարներ ու եռամսյակային վճարներ չպետք է կատարվեն: Սակայն եթե որևէ ամսում թեկուզ 1000 դրամի եկամուտ ես ունեցել, պետք է նվազացնես մաքսիմում 50 տոկոս ամորտիզացիա, ու վճարես 1 տոկոս: 1 տոկոս վճարելիս ես փոխանցել եմ ընդհանուր շահութահարկի հաշվին, և դիտվել է որպես կանխավճար, ես ավելի ուշ պարզեցի, որ կա առանձին 1 տոկոսի համար հաշիվ: Արդյո՞ք ինչ որ խնդիրներ կառաջանան: Եվ մի հարց էլ: Իմ մուծած 1 տոկոսների ընդհանուր գումարը ավելին է, քան հաշվարկված շահութահարկը: Երևի դա էլ կմնա որպես գերավճար ապրիլի 15-ից հետո, այնպես չէ՞: Ու ես կարո՞ղ եմ արդյոք այս 1-ին եռամսյակում ստացված եկամտից դեռ 1 տոկոս չվճարել այդ գերավճարի հաշվին: Նախօրոք շնորհակալություն:

Мар 11 2012

ՍՊԸ-ն զբաղվում է տաքսու գործունեությամբ

Sofi.

Հարգելի կոլեգաներ, Ձեզ ուզում եմ հղել մի հարց.
ՍՊԸ-ն զբաղվում է տաքսու գործունեությամբ: 2005թ. ունենք ձեռք բերված մեքենաներ, որոնց մաշվածության ժամկետը 5 տարի է, 2010թ. դրանք մաշվել են: Ի սկզբանե, մաշվածությունը հաշվարկվել է գծային մեթոդով, բայց հաշվի չի առնվել մնացորդային արժեքը, 2010թ. վերջին այն 0 է: Հիմա մենք ցանկանում ենք վաճառել այդ մեքենաները: Հաշվապահորեն ինչպե՞ս կարող եմ վաճառել մնացորդային արժեք չունեցող մեքենան, ի՞նչ հարկատեսակներ կարող են առաջանալ: Շնորհակալություն:

Мар 07 2012

11-ՀՄ վիճակագրական հաշվետվություն

Anna.

Բարև ձեզ: Կարո՞ղ եք ինձ օգնել լրացնել հիմնական միջոցի 11-ՀՄ վիճակագրական հաշվետվություն: Ես ունեմ ընդամենը 2 հարց.
1-ին բաժին, ավելացումներ հաշվետու տարում, 5-րդ սյունակում (գործարկվել են նոր հիմնական միջոցներ) ես մեքենայի ձեռքբերմա՞ն գինը պետք է նշեմ, թե՞ 2011թ.մաշվածության գումարը:
4-րդ բաժին, հիմնական միջոցների միջին տարեկան արժեքը, 4-րդ սյունակում (հաշվետու տարում) գտնելու համար ես պե՞տք է առկայությունը տարեսկզբին + տարեվերջին և բաժանեմ 2, (այսինքն սյունակ 3+10/2)
Դա շատ շտապ է: Շնորհակալություն:

Мар 05 2012

Ի՞նչ է իրենից ներկայացնում փոխանցող հարմարանքը

N.

Հարգելիներս, ի՞նչ է իրենից ներկայացնում փոխանցող հարմարանքը, որն ըստ Շահութհարկի մասին օրենքի ամորտիզացվում է 20 տարում:

Фев 28 2012

Մաշվածության հաշվարկ

Ինեսսա.

Խնդրում եմ օգնեք ինձ ավտոմեքենաների մաշվածությունը հաշվարկելու հարցում: Մեր ՊՈԱԿ-ը ունի 3 մեքենա` Գազել – 2002թ.ձեռք բերված, Վազ 21214 – 2003թ.-ց և Տոյոտա – 2011թ.նոյեմբերին ձեռք բերված: Ինչպե՞ս հաշվարկել 2002թ.-ց անցած տարիների մաշվածությունը, քանի որ այն երբեք չի հաշվարկվել: Արդյո՞ք ՊՈԱԿ-ներում հաշվարկվում է մաշվածություն: Կանխավ շնորհակալություն:

Янв 30 2012

Ինչպե՞ս է հաշվարկվում հիմնական միջոցների մաշվածությունը

Աստղիկ.

Հարգելիներս, եթե գիտեք, պատասխանեք: Հարցս վերաբերվում է հիմնական միջոցներին:
Համակարգիչ, արժեքը 185000, գնվել է 2011թ մայիս ամսին
Տպիչ, 75000
Գրասենյակի աթոռ, արժեքը 1 հատի համար 15000 դրամ է, 6 հատ գնելու դեպքում` ընդ. 90000 դրամ, գնված հունիսին
Ինչպե՞ս է հաշվարկվում այս հիմնական միջոցների մաշվածությունը:
Կանխավ շնորհակալություն:

Ноя 01 2011

Հաշվարկվել է հիմնական միջոցների մաշվածություն

Ամալյա.

Խնդրում եմ օգնեք կատարել ձևակերպում: Հաշվարկվել է հիմնական միջոցների մաշվածություն 25000 դրամ: Դեբետում ի՞նչ է և կրեդիտում ի՞նչ է:

Сен 02 2011

Կազմակերպությունը գնել է բջջային հեռախոսներ

Ինեսա.

Հարգելի հաշվապահներ, օգնեք ինձ մի հարցում:
Կազմակերպությունը գնել է “Օրանժ” ընկերությունից բջջային հեռախոսներ, որի միավորի գինը 12000 դրամ է: Հարցս հետևյալն է, այդ հեռախոսները պետք է մուտքագրվի որպես ՀՄ՞ և ամորտիզացվի 1 տարում, թե՞ որպես առագամաշ առարկա: Կանխավ շնորհակալ եմ:

Авг 04 2011

Ամորտիզացիոն ծախսեր

Ինեսսա.

Խնդրում եմ բացատրել` ինչ է նշանակում ամորտիզացիոն ծախսեր, որտեղ պետք է ծախսվեն այդ հոդվածում նախատեսված գումարները:

Апр 14 2011

ԱԱՀ հաշվանցում

ԱՆՆԱ Ա.

Հարգելի հաշվապահներ, խնդրում եմ պատասխանեք, եթե շինարարական կազմակերպությունը ներմուծել է էքսկավատորներ իր գործունեության համար, որոնց համար հաշվարկված ԱԱՀ-ի վճարումը ԱԱՀ-ի օրենքի 6.1 հոդվածով հետաձգվել է մեկ տարով` մինչև 2011թ. մարտ ամիսը: ԱԱՀ-ի գումարը պետք է միացնե՞նք էքսկավատորի արժեքին և դրանից հաշվարկենք ամորտիզացիա, թե՞ 2011թ. ԱԱՀ-ի վճարումից հետո այդ գումարը կարող ենք հաշվանցել:
Կանխավ շնորհակալ եմ:

Апр 10 2011

Հիմնական միջոցների ամորտիզացիոն մասհանումներ

astxik.

Բարև ձեզ, հարգելի հաշվապահներ: Ես դեռ շահութահարկը չեմ ավարտել, խնդրում եմ օգնեք հետևյալ հարցում, հիմնական միջոցների ամորտիզացիոն մասհանումները ո՞ր տողում է գրվում, 0204 -ում էի ուզում գրել, սակայն այն իրացված հիմնական միջոցներին է վերաբերում:

Мар 25 2011

Մաշվածության հաշվարկ

Dina.

Ողջույն: Խնդրում եմ, օգնեք ինձ հաշվել հետևյալ սարքավորումների ամորտիզացիան`
1. պրինտեր` 65000 դրամ
2. սառնարան` 69000 դրամ
Նախապես շատ շնորհակալ եմ:

Предыдущие сообщения «