Архив по этикетке: վարսավիրական

Июн 01 2020

Ո՞րն է ԱՁ գործունեության տեսակը ըստ տնտեսական գործունեության դասակարգչի

Եվա.

Բարև ձեզ: Կասե՞ք, խնդրում եմ, եթե ԱՁ-ն գործունեություն է ծավալում որպես խանութ և որպես վարսավիրանոց, ի՞նչ դասակարգիչ պետք է լինի:

Май 27 2020

ԱՁ գործունեության վայրում շենքի մուտքերը տարբեր են

Եվա․

Բարև ձեզ։ Ասեք, խնդրում եմ, եթե ցանկանում եմ ԱՁ-ն բացել երկհարկանի շենքում, սակայն շենքի մուտքերը տարբեր են՝ առաջին հարկում վարսավիրանոց, երկրորդում՝ խանութ, ի՞նչ պետք է անեմ։ Կարո՞ղ եմ աշխատացնել՝ բացելով մեկ ԱՁ:

Апр 13 2020

Միկրոձեռնարկատիրության սուբյեկտ հանդիսացող ԱՁ-ն ի՞նչ հաշվետվություն պետք է ներկայացնի

Լուսինե․

Միկրոձեռնարկատիրության սուբյեկտ հանդիսացող ԱՁ-ն ի՞նչ հաշվետվություն պետք է ներկայացնի, եթե չունի գրանցված աշխատող և մատուցում է վարսավիրական ծառայություն։ Կանխավ շնորհակալ եմ։

Мар 05 2020

Անձը ցանկանում է վարսահարդարման ծառայություններ մատուցել

Անի.

Ցանկանում եմ վարսահարդարման ծառայություններ մատուցել իմ տանը, նաև գնալ հաճախորդների տներ։ Կասե՞ք՝ ի՞նչ հարկեր պետք է վճարեմ։

Շա՜տ շնորհակալություն:

Фев 24 2020

Ի՞նչ հարկային պարտավորություններ կան գործունեությունը դադարեցրած ԱՁ համար

Վերգինե․

Բարև ձեզ։
ԱՁ բացել եմ հունվարի 13 և դադարեցրել փետրվարի 20 սույն թվականի։ Ունե՞մ հարկային վճարումներ, թե՞ ոչ։ Բացվել է գեղեցկության սրահ, սակայն չի գործել։ Աշխատել է մի քանի օր։ Խնդրում եմ ասել՝ ի՞նչ վճարում պիտի անեմ։

Фев 11 2020

Ի՞նչ վճարումներ պետք է կատարել վարձու աշխատողի համար

Լիանա․

Բարև ձեզ, խնդրում եմ կասեք՝ միկրոձեռնարկատիրության սուբյեկտի դեպքում, որը գեղեցկության սրահ է, վարձու աշխատողի համար ինչ վճարում պետք է արվի, և նվազագույնը ինչքան աշխատավարձ պետք է գրվի։ Եթե ԱՁ-ն 1989թ-ին է ծնվել, իր համար սոց․ պե՞տք է վճարի։

Янв 14 2020

Անձը ցանկանում է գեղեցկության սրահ բացել

Արամ.

Բարև ձեզ: Ք.Աբովյանում ուզում եմ բացել գեղեցկության սրահ, որտեղ լինելու է 1 մատնահարդար և 1 դիմահարդար: Ինչպե՞ս գրանցվենք հարկայինում, որ վճարները մինիմալ լինեն: Այս ոլորտում սկսնակ ենք և հարկերից տեղյակ չենք: Նախապես շնորհակալություն:

Янв 08 2020

Փոփոխություններ վարսավիրական գործունեությամբ զբաղվելու հարկման հետ կապված

Լուսինե.

Բարև ձեզ, հարգելի հաշվապահներ ջան: Նախկինում աշխատել եմ արտոնագրային հարկով, խնդրում եմ ձեզ, մանրամասն ասեք, թե վարսավիրական գործունեությամբ զբաղվելու դեպքում ինչքա՞ն հարկ պետք է վճարեմ և ի՞նչ հաշվետվություն ներկայացնեմ: Նշեմ, որ ունեմ գրանցված 3 աշխատող: Շրջանառությունն էլ չի գերազանցում տարեկան 1 000 000 դրամը:

Янв 07 2020

Անձը ցանկանում է վարսավիրանոց բացել

Լիլիթ.

Ցանկանում եմ վարսավիրանոց բացել, որտեղի՞ց սկսել, խնդրում եմ օգնել: Նախապես շնորհակալություն:

Дек 18 2019

Կարո՞ղ է ԱՁ-ն համարվել միկրոձեռնարկատիրության սուբյեկտ

Լուսինե.

Բարև ձեզ։ Կարո՞ղ եք օգնել հետևյալ հարցում․
Մատնահարդարման սրահը 2 ամիս իրականացրել է նյութերի վաճառք, բայց այլևս չի իրականացնելու վաճառք, կատարվելու է նյութերի ներմուծում միայն սրահի օգտագործման համար։ Կարո՞ղ է 2020թ․-ից ԱՁ-ն համարվել միկրոձեռնարկատիրության սուբյեկտ, նշեմ, որ 24 մլն-ի շեմը չի գերազանցում։

Дек 18 2019

Արտոնագրային հարկը դուրս է գալիս կիրառությունից: Ինչպե՞ս է աշխատելու կազմակերպությունը

Լուսինե.

Հարգելի հաշվապահներ, ունեմ ԱՁ, զբաղվում եմ վարսավիրական գործունեությամբ: Աշխատում ենք արտոնագրային հարկով, որը այլևս, ինչպես հասկացա, չի գործելու 2020 թվականից: Խնդրում եմ, ինձ օգնեք իմանալ՝ ինչ հարկատեսակով պետք է աշխատենք և ինչպես: Նշեմ նաև, որ ունենք նաև գրանցված 3 աշխատող:

Ноя 16 2019

Ի՞նչ է իրենից ներկայացնում միկրոբիզնեսի համակարգը

Գարիկ.

Միկրոբիզնեսը հունվարի 1-ից ազատվում է հարկերից: Այս մասին ԱԺ-ում 2020 թվականի պետական բյուջեի նախագծի քննարկման ժամանակ ասաց ՀՀ վարչապետ Նիկոլ Փաշինյանը: Օրենքը ուժի մեջ կմտնի 2020թ հոունվարի 1-ից:

Հարգելի հաշվապահներ, հանդիսանում եմ Ա/Ձ, ունեմ գեղեցկության սրահ, գործունեությունս սկսել եմ 10.10.2018թ.-ին։ Հարկերը (եկամտային հարկ, սոց․ վճար և մնացած ամբողջ մուծումները), մի կերպ վճարելով ամսական հարկային պարտավորությունները՝ 10.10.2019թ.-ին դադարեցրեցի Ա/Ձ գործունեությունը և փակեցի սրահը: Խնդրում եմ, պարզաբանեք օրենքի հետ կապված որոշ մանրամասներ, օրինակ՝ հարկերից ազատումը կոնկրետ ի՞նչ է ներկայացնում իրենից։ Սրահը, աշխատելով մոտավորապես մեկ տարի, միջինը կունենա 1 450 000 – 1 950 000 ՀՀ դրամ շրջանառություն։

Окт 31 2019

Ի՞նչ հարկատեսակով է աշխատելու վարսավիրանոցը 2020թ․ հունվարի 1-ից հետո

Հասմիկ․

Բարև ձեզ: Կասե՞ք, խնդրեմ, 2020թ.-ից վարսավիրանոցը (միայն Ա/Ձ-ն է) ի՞նչ հարկատեսակով է աշխատելու։

Окт 02 2019

ԱՁ-ն մատուցելու է նաև համակարգչային ծառայություններ

Արևիկ.

Բարև ձեզ: Ես ուզում եմ ճշտել՝ ինչպես ԱՁ-ն 2-րդ ծառայությունը գրանցի հարկայինում։ Հիմա գրանցված է վարսավիրություն, ուզում ենք ավելացնել համակարգչային ծառայություններ։ Քայլերի հաջորդականությունը կասե՞ք:

Շնորհակալություն։

Сен 10 2019

Ինչպե՞ս է հարկվելու նորաբաց ԱՁ-ն

Սուսաննա.

Բարև ձեզ: Ես մատնահարդար եմ և ունեմ նոր բացված ԱՁ: Կցանկանայի իմանալ՝ իմ եկամուտի քանի տոկոսն է հարկվելու:

Июл 17 2019

Վարսավիրական գործունեություն իրականացնելու համար

Սիլվա.

Խնդրում եմ ասել՝ վարսավիրական գործունեություն իրականացնելու համար բացի արտոնագրային վճարից ի՞նչ վճարներ է կատարելու ԱՁ-ն:

Янв 20 2019

ԱՁ զբաղվելու է մատնահարդարման ծառայությունների մատուցմամբ

Լուսինե.

Բարև ձեզ: Տան պայմաններում զբաղվում եմ մատնահարդարման ծառայությունների մատուցմամբ: Ցանկանում եմ բացել Ա/Ձ: Կասեք` ի՞նչ վճարումներ պետք է անեմ, ի՞նչ տարեկան հաշվետվություն պետք է ներկայացնեմ: Կանխավ շնորհակալ եմ:

Ноя 05 2018

Վարսավիրական գործունեության հարկեր

Կամո.

Բարև ձեզ։
Ես իմ բակում ուզում եմ բացել տղամարդկանց վարսավիրանոց, խնդրում եմ ասել` ինչ հարկեր եմ վճարելու, աշխատելու եմ ինքս: Նախապես շնորհակալություն:

Окт 22 2018

Սահմանված ժամկետներ շրջանառության հարկով աշխատելու համար

Պավել Հ.

Բարև ձեզ: Ես գրանցվել եմ որպես ԱՁ 1 շաբաթ առաջ, բայց դեռ հարկայինում ոչ մի բան չեմ ներկայացրել: Կա՞ն արդյոք սահմանված ժամկետներ, որի ընթացքում հարկայոնում չհաշվառվելու դեպքում (ՀԴՄ-ով) ստիպված կլինեմ աշխատել ԱԱՀ-ով։ Ուղղակի լսել եմ նման բան, ցանկացա ճշտեմ:

Գեղեցկության սրահի համար է, եթե դա նշանակություն ունի:

Շնորհակալություն:

Июн 25 2018

Գեղեցկության սրահ բացելու համար

Լուսինե.

Բարև ձեզ: Մի հարց ունեմ. ուզում եմ ԱՁ բացեմ և գեղեցկության սրահ բացեմ: Հարկը ինչպե՞ս պետք է վճարեմ` տարածքի քառ. մետրով, թե՞ ՀԴՄ հսկիչ սարք են տալիս եկամտի տոկոսով:

Дек 13 2017

Նոր ՀԴՄ գրանցման հետ կապված

Nune.

Ես անհատ ձեռնարկատեր եմ, գործունեությունս վարսավիրական ծառայությունների մատուցումն է: Իմ նոր սերնդի ՀԴՄ հետ տեխնիկապես և ծրագրային պրոբլեմներ են առաջացել, և երկար ժամանակ է հարկավոր, որպեսզի համապատասխան ծառայությունները վերանորոգեն: Նրանք, որպեսզի աշխատանքներս չընդհատվեն, առաջարկում են ժամանակավորապես փոխարինող նոր սերնդի ՀԴՄ մինչև իմ ՀԴՄ վերանորոգելը:

Խնդրում եմ օգնեք` ի՞նչ դիմումներ պետք է (էլեկտրոնային տարբերակով, թե անձամբ) ներկայացնեմ տարածքային հարկային մարմին, որպեսզի փոխարինող ՀԴՄ-ն ժամանակավորապես գրանցեն: Կամ ի՞նչ գործողություններ կատարեմ: Կանխավ շնորհակալություն:

Сен 11 2017

Կոսմետոլոգի և լազերային էպիլացիայի ծառայություններ

Սերգեյ.

Բարև ձեզ:

Կարո՞ղ եք ինձ հուշել` կոսմետոլոգի և լազերային էպիլյացիայի ծառայությունները արտոնագրային վճարով հարկվու՞մ են, թե՞ ոչ:

Мар 19 2017

Գեղեցկության սրահի հարկային պարտավորություններ

Ռաֆայել.

Հարգելի հաշվապահներ, խնդրում եմ հուշել, թե ինչպիսին են գեղեցկության սրահի հարկային պարտավորությունները: Ունի 3 աշխատող` ԱՁ-ն ներառյալ:

Авг 02 2016

Անձը ցանկանում է աշխատել վարսավիրանոցում որպես կոսմետոլոգ

Նաիրա.

Ես ցանկանում եմ աշխատել գործող վարսավիրանոցում՝ որպես կոսմետոլոգ, տարածքի վարձակալությամբ: Ա/Ձ-ի հետ պայմանավորվածության արդյունքում հարկային բոլոր ծախսերը պետք է հոգամ ինքս: Խնդրում եմ ասել` ամսական ինչքա՞ն գումար պետք է վճարեմ: Կանխավ շնորհակալություն:

Ноя 30 2015

Վարսավիրական գործունեություն իրականացնելու համար

Հովո.

Հարգելիներս, խնդրում եմ, մի հարցով օգնեք. սկսնակ վարսավիր եմ և ուզում եմ աշխատել օրենքի սահմաներում, սակայն ամենամատչելի հարկերով: Խնդրում եմ, օգնեք՝ ինչի՞ց սկսեմ, և ո՞րը կլինի ամենահարմար հարկի տեսակը, աշխատելու եմ մենակ, աշխատողներ չեմ ունենալու: Նախապես շնորհակալություն:

Апр 29 2015

ԱՁ-ն ցանկանում է վարսավիրանոց բացել

Տաթև.

Բարև ձեզ:

Ցանկանում եմ բացել վարսավիրանոց, ունեմ մի քանի հարց:
1. Արտոնագրային վճարը, որ օրենքում գրված է 45 000 դրամ՝ եռամսյակային կտրվածքով, դա 1 վարսավիրի համա՞ր է, այսինքն՝ եթե ես ունեմ 3 աշխատող, պետք է վճարեմ 3 * 45 000՞:
2. Եթե վարսավիրանոցս գտնվում է Երևան քաղաքի կենտրոնում, արտոնագրային վճարը մնու՞մ է 45 000 դրամ:
3. Սոց. վճար ես պետք է կատարեմ ամեն ամիս 5 000 դրամ և վե՞րջ: Վարսավիրներիս սոց. վճարը ո՞նց պետք է կատարվի:
4. Կա՞ ինչ-որ դեպք, որ ես պետք է եկամտային հարկ վճարեմ:
5. Եթե ես ԱՁ-ի տերն եմ ու նաև աշխատում եմ իմ վարսավիրանոցում, ինձ է՞լ է պետք գրանցել որպես աշխատող ու վճարել 45 000 դրամ:

Фев 09 2015

Գեղեցկության սրահի հաշվապահական հաշվառում

Արփի.

Բարև: Սկսնակ հաշվապահ եմ, ուզում եմ վարել գեղեցկության սրահի հաշվապահություն: Խնդրում եմ ասեք` ինչպե՞ս կարող եմ վարել կամ ինտերնետում որտե՞ղ կարող եմ գտնել օգտակար ինֆորմացիա: Շնորհակալություն:

Июн 16 2014

Գեղեցկության սրահի հարկման առանձնահատկություններ

Մարինե.

Հարգելի հաշվապահներ, խնդրում եմ օգնել ինձ հետևյալ հարցում. ի՞նչ հարկատեսակներով է աշխատում Երևանում գտնվող գեղեցկության սրահը, և ի՞նչ հաշվետվություններ պետք է ուղարկվեն: Կանխավ շնորհակալ եմ:

Апр 16 2014

Վարսավիրական ծառայությունների մատուցում

208

Սևակ.

Բարև ձեզ, ցանկանում եմ գրանցել ԱՁ կամ ՍՊԸ և մատուցել վարսավիրական ծառայություններ, կցանկանայի կոնկրետ իմանալ` ինչքա՞ն արտոնագրային վճար պետք է վճարեմ, եթե ունեմ մեկ ախատող, բացի արտոնագրային վճարից ուրիշ ի՞նչ հարկեր պետք է վճարեմ և ի՞նչ չափով, վարսահարդարի հետ աշխատանքային պայմանագիր պե՞տք է կնքել, թե՞ ոչ: Կանխավ շնորհակալություն:

Фев 24 2014

ԱՁ-ն կարո՞ղ է աշխատել մեկ ՀԴՄ-ով

226

Գայանե.

Բարև Ձեզ: Ա/Ձ-ն իր գործող գրախանութին կից առանձին բաժնով բացում է վարսավիրանոց: ԱՁ-ն կարո՞ղ է աշխատել մեկ ՀԴՄ-ով, բայց երկու բաժիններով` բաժին 1 և բաժին 2: Շնորհակալություն:

Авг 13 2013

Վարսավիրանոցի հաշվապահական հաշվառում

Հ.Ա.

Բարև Ձեզ, հարգելի հաշվապահներ:
Առաջարկել են վարել վարսավիրանոցի հաշվապահությունը, սակայն այդ ոլորտի հաշվապահությանը ծանոթ չեմ: Վարսավիրանոցը պետք է նոր բացվի, ԱՁ է լինելու, և առայժմ 1 աշխատող է գրանցվելու: Խնդրում եմ հուշեք` ինչի՞ց պետք է սկսել նորաբաց վարսավիրանոցի հաշվապահությունը, ի՞նչ հաշվետվություններ պետք է ներկայացնել, և ի՞նչ կարժենա այդ տեսակ վարսավիրանոցի հաշվապահություն վարելը:

Апр 26 2013

Արտոնագրային վճար վարսավիրական գործունեության համար

Ani.

Բարև Ձեզ, հարգելի հաշվապահներ: Ես Ձեր օգնությանն եմ դիմում հետևյալ հարցով: Վարսավիրանոցի համար ինչպե՞ս է հաշվարկվում արտոնագրային վճարը եռամսյակի համար: Կանխավ շնորհակալ եմ:

Апр 03 2013

ԱՁ զբաղվում է վարսավիրական գործունեությամբ

Ժաննա.

Սիրելի հաշվապահներ, խնդրում եմ օգնեք ինձ մի հարցում: Ա/Ձ ցանկանում է բացել վարսավիրանոց: Գիտեմ, որ հարկվելու է արտոնագրային վճարով: Ավելի մանրամասն կասե՞ք` ամսական կամ եռամսյակային ի՞նչ հաշվետվություններ պետք է ներկայացնի Ա/Ձ-ն: Նախապես շատ շնորհակալ եմ:

Окт 03 2012

Ի՞նչ հարկատեսակով է աշխատելու կազմակերպությունը

Արման.

Բարև ձեզ: ՍՊԸ նոր բացված մասնաճյուղը աշխատում է առանց ԱԱՀ, կատարում է կոսմետոլոգիական գործունեություն: Խնդրում եմ պատասխանեք` ի՞նչ հաշվետվություն պետք է հանձնել հարկային, և ի՞նչ հարկատեսակով է աշխատելու կազմակերպությունը: Շնորհակալություն:

Июн 29 2012

Վարսավիրական ծառայությունների մատուցում

Գայանե.

Բարև Ձեզ, ցանկանում եմ գրանցել ԱՁ և մատուցել վարսավիրական ծառայությոուններ, կցանկանայի իմանալ` ինչ քայլեր են անհրաժեշտ այն գրանցելու համար: Արդյո՞ք անհրաժեշտ է լիցենզիա, եթե վարսավիրանոցում մատուցելու են կոսմետոլոգիական ծառայություններ Գերմանիայից ներմուծված սարքավորումների միջոցով:

Май 12 2012

ԱՁ գրանցում սոց. ապ. հիմնադրամում

Վարդան.

Բարև Ձեզ: Ես այսպիսի մի հարց ունեմ. 2011 դեկտեմբերի 12-ին գրանցել եմ ԱՁ ու ամեն ամիս մուծել եմ սոց. վճար հանդիսացող 5000 դրամը: Գործնեությունը սկսել եմ իրականացնել ս.թ. հունվարի 1-ից: Ասեմ, որ ԱՁ իրականացնում է վարսավիրական գործնեություն և աշխատում է հաստատագրված վճարով: Գնացել եմ թաղապետարանի համապատասխան բաժին (ինչպես իրենք են ասում 101 սենյակ), որպեսզի գրանցեմ աշխատողներին` մայիս ամսից: Ինձ ասել են, որ ես պետք է ինձ գրանցեի որպես աշխատող, որը չեմ արել (ԱՁ ես եմ), ուստի պետք է դրա համար վճարեմ տուգանք գրանցման օրվանից ինձ չգրանցելու և իմ սոց. վճարը չմուծելու համար: Խնդրում եմ ինձ ուղղություն տալ այս հարցում: Արդյո՞ք ես պետք է ինձ գրանցեի որպես աշխատող, եթե այո, ապա 5000 սոց. վճարը ինչի՞ համար էի մուծում, և եթե ես իրոք խախտում եմ կատարել, ապա ինչպե՞ս է հաշվարկվում այդ սոց. վճարը և տուգանքի չափը: Կանխավ շնորհակալություն:

Май 03 2012

ԱՁ զբաղվում է վարսավիրական ծառայությունների մատուցմամբ

Մերի.

Հարգելի կոլեգաներ, խնդրում եմ օգնեք: ԱՁ-ն հարսանյաց զգեստի վարձույթի սրահին կից նաև որոշել է մատուցել վարսավիրական ծառայություններ` 2 վարսավիր աշխատանքի ընդունելով: Կասե՞ք ինձ, ինչպիսի հարկատեսակների հետ է գործ ունենալու ԱՁ-ն, և ո՞ր օրենքով է կանոնակարգվում վարսավիրական ծառայությունների մատուցման հետ կապված հարկային դաշտը, եթե Հաստատագրված վճարների մասին օրենքի վերջին փոփոխություններում վարսավիրական ծառայությունների մատուցմանը վերաբերող կետը դուրս է եկել:

Мар 16 2012

Վարսավիրական գործունեություն

Ռոբերտ.

Ես անհատ ձեռնարկատեր եմ, զբաղվում եմ վարսավիրական գործունեությամբ, աշխատում եմ մենակ: Հարց` ես վճարելու՞ եմ սոց. վճար և պե՞տք է ունենամ ՀԴՄ:

Мар 11 2012

ԱՁ-ն աշխատում է հաստատագրված վճարով

Anna.

Բարև Ձեզ: Խնդրում եմ օգնել հետևյալ հարցում. ԱՁ-ն աշխատում է հաստատագրված վճարով(վարսավիրանոց): Արդյո՞ք պետք է ներկայացվի ֆիզիկական անձի տարեկան եկամուտների պարզեցված հաշվարկ, և ի՞նչ կարգով պետք է լրացվի, կանխավ շնորհակալ եմ:

Фев 06 2012

Վարսավիրական ծառայությունների մատուցում

Մարիշ.

Բարև ձեզ: Գրանցված եմ որպես Ա/Ձ, գործունեության տեսակը` վարսավիրական ծառայություն, ունեմ 3 աշխատող: Խնդրում եմ օգնել: Ի՞նչ հարկով եմ հարկվելու և ի՞նչ հաշվետվություններ պետք է ներկայացնեմ: Նախապես շնորհակալ եմ:

Янв 21 2012

Աշխատանքային պայմանագրի օրինակ

Irina.

Ինձ անհրաժեշտ է վարսահարդարի հետ կնքվող աշխատանքային պայմանագրի օրինակ, խնդրում եմ աջակցել:

Янв 15 2012

Վարսավիրանոցը ի՞նչ տարեկան հաշվետվություններ է հանձնում

Արմինե.

Հարգելիներս, խնդրում եմ օգնեք ինձ հետևյալ հարցում` վարսավիրանոցը ի՞նչ տարեկան հաշվետվություններ է հանձնում, և եթե նույն ԱՁ-ն նաև հարսանեկան պարագաների վաճառքով է զբաղվում, ի՞նչ պիտի հանձնի այդ դեպքում: Շնորհակալություն:

Дек 07 2011

Նորաբաց վարսավիրանոցի հաշվապահական հաշվառում

LILIT.

Խնդրում եմ օգնեք: Ես սկսնակ հաշվապահ եմ և պետք է վարեմ վարսավիրանոցի հաշվապահություն: Բացի հաստատագրված վճարի մասին հաշվետվությունից ի՞նչ հաշվետվություններ, տեղեկություններ պետք է ներկայացնել հարկային տեսչություն (վարսավիրանոցը նորաբաց է):

Ноя 14 2011

Ի՞նչ հաշվետվություններ պետք է ներկայացնել

Արմինե.

Բարև Ձեզ: Ես սկսնակ հաշվապահ եմ: Խնդրում եմ ինձ օգնել հետևյալ հարցում: Ի՞նչ հաշվետվություններ և ի՞նչ ժամանակահատվածում պետք է ներկայացնել վարսավիրանոցի համար: Կանխավ շնորհակալ եմ:

Окт 24 2011

Որքա՞ն նպաստ պետք է ստանա աշխատողը

Լուսինե.

50 000 դրամ աշխատավարձով վարսավիրանոցում 6 ամիս գրանցված աշխատող համարվող վարսավիրը գնալու է դեկրետ: Կստանա՞ արդյոք հղիության նպաստ և որքա՞ն:

Сен 12 2011

Ավելացվել են փաստաթղթեր

“Փաստաթղթեր” բաժնում ավելացվել են հետևյալ փաստաթղթերը.

  • Հայտարարություն հանրային սննդի ոլորտում իրականացվող գործունեության համար հաստատագրված վճարի հաշվարկման ելակետային տվյալի և ուղղիչ գործակիցների մասին
  • Հայտարարություն հանրային սննդի ոլորտում իրականացվող գործունեության սահմանային չափի ցուցանիշների մասին
  • Հայտարարություն բաղնիքների և ցնցուղարանների կազմակերպման ոլորտում իրականացվող գործունեության համար հաստատագրված վճարի հաշվարկման ելակետային տվյալի և ուղղիչ գործակցի մասին
  • Հայտարարություն հյուրանոցային տնտեսության օբյեկտների գործունեության համար հաստատագրված վճարի հաշվարկման ելակետային տվյալի և ուղղիչ գործակցի մասին

Կարդալ ավելին … »

Мар 21 2011

Վարսավիրական ծառայությունների մատուցում

Լուսինե.

Հարգելի հաշվապահներ, ես Ա/Ձ եմ և ունեմ վարսավիրանոց,այն աշխատում է հաստատագրված վճարով, արդյո՞ք ես պետք է հաշիվ-ապրանքագիր վերցնեմ, օրինակ, երբ ներկեր եմ գնում, և արդյո՞ք պետք է շրջանառություն հանեմ ամսվա կտրվածքով: Խնդրում եմ խորհրդի կարգով օգնեք, թե ինչպիսի հաշվապահական փաստաթղթեր վարեմ: Կանխավ շնորհակալություն:

Мар 10 2011

Հաստատագրված վճարի հաշվարկ

Աննա.

Բարև ձեզ։ Խնդրում եմ, ստուգեք՝ ճիշտ եմ կատարել հաստատագրված վճարի հաշվարկը:
Վարսավիրանոցը ունի 1 վարսավիր և 1 մատնահարդար: Ամսվա աշխատանքային օրերը հաշվարկվել է 27 օր: Վարսավիրանոցը գտնվում է Երևան քաղաքում, որի ուղղիչ գործակիցը 1,0 է: Վարսավիրական ծառայությունների մատուցման գործունեության հաստատագրված վճարի ամսական չափը հաշվարկվում է ելակետային տվյալների և համապատասխան ուղղիչ գործակցի արտադրյալի 420-ապատիկի չափով՝ դրամական արտահայտությամբ:
Իսկ սպառողական գների ինդեքսը նախորդ տարվա հետ համեմատ կազմել է 110,6 %: Տվյալ դեպքում հաստատագրված վճարը տվյալ ամսվա համար հավասա՞ր է
ՀՎ=Պ+Տ+Օր+Գ+Ա=420*2*27*1,0*1,1=24948դրամ։
Ճի՞շտ եմ կատարել հաշվարկը:

Янв 12 2011

Ի՞նչ հաշվետվություններ պետք է հանձնի վարսավիրանոցը

Լիանա.

Մեր վարսավիրանոցը աշխատում է հաստատագրված վճարով և ունի աշխատողներ, կարո՞ղ եք ասել, թե ի՞նչ հաշվետվություն պետք է ներկայացնենք եռամսյակային և տարեկան:

Июл 15 2010

Վարսավիրական գործունեության վերաբերյալ

Գայանե.

Բարև Ձեզ: Ասեք խնդրեմ, վարսավիրական գործունեության դեպքում գոյություն ունի սահմանային չափերի վերաբերյալ հայտարարություն, ինչպես օրինակ դա կա հանրային սննդի գործունեության դեպքում, և եթե այո, դրա ժամկետները: Կանխավ շնորհակալ եմ:

Предыдущие сообщения «