Архив по этикетке: փաստաթղթեր

Июн 24 2020

Ինչքա՞ն կկազմի ամսական եկամտահարկը

Anna.

Բարև Ձեզ։ Ամուսինս մասնագիտությամբ քարտաշ է և հիմա ցանկանում է Ա/Ձ բացել իր անունով։ Ամսական շարժը կազմում է 300 000-350 000 դրամ։ Հարցս հետևյալն է. ինչքա՞ն կկազմի եկամտահարկը ամսական և արդյո՞ք այդ գումարը բավարար է Ա/Ձ-ի համար։ Խնդրում եմ ասել` ինչ փաստաթղթեր են հարկավոր գրանցվելու համար:

Июн 24 2020

Պե՞տք է արդյոք տեղափոխման փաստաթուղթ գրել

Արփինե.

Բարև Ձեզ։ Եթե Ա/Ձ-ն ունի փաստաթղթերով ձեռքբերված և ներմուծված ապրանք և փոխում է գործունեության հասցեն, որը նշվել է հաշիվների մեջ, որպես առաքվող ապրանքների նշանակման վայր։ Պե՞տք է արդյոք տեղափոխման փաստաթուղթ գրել նոր հասցե տեղափոխելու և վաճառք իրականացնելու համար։ Նախապես շնորհակալ եմ։

Июн 23 2020

Կազմակերպությունը ԵՏՄ-ից ներմուծել է գյուղ․ ապրանք

Sergey.

Կազմակերպությունը ԵՏՄ-ից ներմուծել է գյուղ․ ապրանք ապրիլ ամսին: Հայտարարագիր,հայտարարություն և ԱԱՀ-ի հաշվետվություն չի ներկայացվել: ՀՏ-ից եկել է ծանուցում, ո՞վ կարող է օգնել լրացնել նշված փաստաթղթերը:

Июн 15 2020

Անձը ցանկանում է զբաղվել կիսաֆաբրիկատների արտադրությամբ

Լուսինե.

Բարի երեկո։ Ցանկանում եմ տանը պատրաստել կիսաֆաբրիկատ և տալ խանութներին։Ի՞նչ փաստաթղթեր են պետք և որտե՞ղ պետք է գրանցվել։ Նախապես շնորհակալություն։

Июн 13 2020

Ի՞նչ փաստաթղթեր պետք է տրամադրել առաքման մեքենային

Բարև ձեզ, հարգելի հաշվապահներ։ Իմ հարցը կայանում է հետևյալում․ մեծածախ առևտրով զբաղվող կազմակերպությունը ի՞նչ փաստաթղթեր պետք է տրամադրի ապրանքներն առաքող իր մեքենային, եթե դեռևս հայտնի չէ, թե որ գնորդն ինչ ապրանք է գնելու իր տեսականիից:

Կանխավ շնորհակալություն։

Июн 12 2020

Բնակելի տան վարձակալության պայմանագիր նոտարական կարգով կնքելու համար

Անդրանիկ․

Բարև Ձեզ։
Բնակելի տան վարձակալության պայմանագիր նոտարական կարգով կնքելու համար ի՞նչ փաստաթղթեր են պետք, ու՞մ ներկայությունն է պետք, և որքա՞ն գումար պետք է վճարել կնքելու համար։

Июн 12 2020

Սոց․ փաթեթի շրջանակներում հյուր ընդունելու համար

Կարինե․

Բարև Ձեզ: Խնդրում եմ ասեք՝ Հայաստանում գործող ցանկացած հյուրանոց և հյուրատուն իրավունք ունի՞ սոց․ փաթեթով հյուր ընդունել: Ի՞նչ թղթավարություն է հարկավոր դրա համար։

Июн 12 2020

Մթերային խանութ բացելու համար

Երվանդ․

Բարեվ ձեզ։ Ես ուզում եմ մթերային խանութ բացեմ իմ տարածքում, աշխատողը ես եմ լինելու։ Կասեք խնդրում եմ՝ ինչ թղթեր ու ինչ վճարներ են լինելու։

Июн 10 2020

Օտարերկրյա քաղաքացուն գրանցելու համար

Աշոտ․

Բարև ձեզ։ Ես ՌԴ քաղաքացի եմ։ Աշխատանքի վայրում ինձ գրանցելու համար կացության թուղթ և սոց. քարտ են ուզում։ Բայց ըստ այս օրենքի՝ ՀՕ 156-րդ հոդված՝
Հարկային գործակալները մինչև յուրաքանչյուր հարկային տարվան հաջորդող հարկային տարվա ապրիլի 20-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում նախորդ հարկային տարվա ընթացքում միայն պասիվ եկամուտներ ստացած ֆիզիկական անձանց, ինչպես նաև Հայաստանի Հանրապետությունում բնակության իրավունք (կացության կարգավիճակ) չունեցող օտարերկրյա քաղաքացիների կամ քաղաքացիություն չունեցող անձանց, նրանց եկամուտների, այդ եկամուտներից հաշվարկված և պահված եկամտային հարկի վերաբերյալ անհատական տեղեկություններ, բացառությամբ բանկային կամ ապահովագրական գաղտնիք համարվող տեղեկությունների:
Այսինքն՝ այդ փաստաթղթերը պարտադիր չե՞ն։

Июн 08 2020

ԱՁ-ն ցանկանում է զբաղվել բնակարանների վերանորոգմամբ

Արմեն․

Բարև ձեզ։ Ուզում եմ բացել ԱՁ բնակարանների վերանորոգման ոլորտում, պարտադի՞ր է լիցենզիա ստանալ գործունեություն ծավալելու համար։ Եվ որպես շրջանառության հարկ վճարող ի՞նչ ընթացակարգ պիտի լինի իրականացված աշխատանքներից ստացված գումարը հարկելու համար։ Նկատի ունեմ՝ կատարողական կամ ի՞նչ փաստաթղթեր են անհրաժեշտ։ Շնորհակալություն։

Июн 01 2020

Ի՞նչ փաստաթղթեր են անհրաժեշտ արտահանման համար

Արա.

Ինձ անհրաժեշտ է իմանալ՝ ի՞նչ փաստաթղթեր են անհրաժեշտ Մոսկվա կոշիկ արտահանելու համար:

Май 25 2020

Ի՞նչ փաստաթղթեր են անհրաժեշտ մսի վաճառքով զբաղվելու համար

Արուսյակ․

Բարև ձեզ։ Ցանկանում եմ զբաղվել մսի վաճառքով, բացել խանութ, աշխատելու եմ ինքս։ Ի՞նչ փաստաթղթեր են անհրաժեշտ։

Май 22 2020

Ստորագրել և կնքելը բավարա՞ր է հաստատման համար

Կարինե.

Բարև ձեզ: Ըստ ՀԿ-ի կանոնադրության կազմակերպության նախագահը պետք է հաստատի գործունեության և գույքի օգտագործման տարեկան հաշվետվությունը: Ստորագրել և կնքելը բավարա՞ր է հաստատման համար, թե՞ այլ փաստաթուղթ պետք է կազմվի:

Май 21 2020

Նյութածախսի վերաբերյալ փաստաթղթի ձև

Վերոնիկա.

Բարև ձեզ: Ինձ անհրաժեշտ է կազմել արտադրանքի (պաշտպանիչ դիմակի) նյութածախս: Ինձ նաև օգնած կլինեք, եթե տրամադրեք ցանկացած նյութածախսի օրինակ, փաստաթղթի ձև: Նախապես շնորհակալություն:

Май 20 2020

Պայմանագրի կամ համաձայնագրի ձև

Արման Հարությունյան.

Բարև ձեզ: Սիրելի ընկերներ, կա՞ այնպիսի պայմանագրի կամ համաձայնագրի ձև, որով երկու քաղաքացիներ կարող են կնքել այդ պայմանագիրը որպես գործատու և աշխատող: Ես չունեմ գրանցված ԱՁ կամ ՍՊԸ: Խնդրում եմ նաև պատասխանը ուղարկել arman.harutyunyan.95 շնիկ yandex.ru էլ. փոստին:
Նախապես շնորհակալություն:

Май 16 2020

Անձը ցանկանում է բանջարեղենի խանութ բացել

Իրինա.

Բարև ձեզ: Ես ցանկանում եմ բանջարեղենի փոքր խանութ բացել, վարձակալությամբ։ Գիտեմ, որ պետք է ԱՁ ունենամ։ Խնդրում եմ, ասեք՝ էլ ի՞նչ թղթեր են պետք, և աշխատելու ընթացքում ի՞նչ հարկեր պետք է վճարեմ։ Ինձ հետ ունենալու եմ մեկ աշխատող։

Май 16 2020

Ինչպե՞ս է հաշվարկվում մայրության նպաստը

Լաուրա.

Բարև ձեզ: Ես ունեմ սեփական ԱՁ և միակ գրանցված աշխատողն եմ։ Աշխատավարձիս չափը 68 000 դրամ է, և չունեմ հաշվապահ։ Կասե՞ք՝ ինչպե՞ս է հաշվարկվում դեկրետը, ի՞նչ փաստաթղթեր են պետք և ու՞ր ներկայացնել։ Նախապես շնորհակալ եմ։
Նաև նշեմ, որ ԱՁ-ն գործում է մոտ 3 տարի, զբաղվում է մաքրման ծառայությամբ և աշխատում է շրջ. հարկով։

Май 16 2020

Կազմակերպությունը ֆիզիկական անձի պատվերով ներմուծում է մեքենա

Արայիկ.

Բարև ձեզ, հարգելի կոլեգաներ: Հարց ավտոներմուծող կազմակերպությունների վերաբերյալ: Կազմակերպությունը ֆիզիկական անձի պատվերով ներմուծում է մեքենա, ինչպե՞ս է կատարվում փաստաթղթավորումը: Արդյո՞ք գործակալության կամ հանձնակատարի պայմանագիրը հիմք կլինի, որ կազմակերպությունը հարկվի միայն միջնորդավճարից, քանի որ ներմուծման ժամանակ հայտարարագրի մեջ նշվում է որպես ներմուծող կազմակերպության անունը:

Май 14 2020

Ինչպե՞ս է փաստաթղթավորվում ավանդների տոկոսների մասով եկամտային հարկի հաշվարկն ու վճարումը

Արայիկ.

Բարև ձեզ, հարգելի կոլեգաներ: Ֆիզիկական անձանց կողմից բանկում ներդրած ավանդների տոկոսների մասով եկամտային հարկի հաշվարկն ու վճարումը ինչպե՞ս է փաստաթղթավորվում:

Май 08 2020

Տեղափոխման փաստաթուղթը լրացնելու հետ կապված

Մերի.

Բարև ձեզ: Խնդրում եմ, ինձ կասե՞ք՝ եթե կազմակերպությունը ԱԱՀ վճարող է և գրում է հարկային հաշիվներ, ապա այս դեպքում տեղափոխման փաստաթուղթը ինչպե՞ս է գրում:

Май 04 2020

Ի՞նչ փաստաթղթեր են հարկավոր դրսում քաղցր բամբակ վաճառելու համար

Բարև ձեզ։ Ի՞նչ փաստաթղթեր են հարկավոր դրսում քաղցր բամբակ վաճառելու համար, ինչպիսի՞ հարկեր են գործում, և հարկավո՞ր է արդյոք ՀԴՄ։

Апр 30 2020

Կազմակերպությունը ներմուծում է կատարել ԵՏՄ-ից

Արտո․

Բարև ձեզ։ 2019թ. ապրիլին ԵՏՄ-ից ներմուծում եմ կատարել, հաշվետվությունը ներկայացրել ենք մայիսին, հետագայում պարզվել է, որ փոխարժեքի հետ կապված անճշտություն կա, և հաշվետվությունը ուղղելու կարիք ունի: Ճշգրտված տարբերակը ՊԵԿ-ը նոյեմբերին ընդունել է: Գործընկերը ասում է՝ Ձեր ներկայացրած հաշվետվությունը մենք չենք ստացել: Փաստաթղթերի կրկնօրինակներն ուղարկել եմ, բայց անօգուտ, հերքում են և հավելում, որ տուգանք են վճարել իմ պատճառով։ Ի՞նչ խորհուրդ կտաք, որո՞նք են իմ հետագա քայլերը։

Апр 28 2020

Աշխատողը չի ներկայանում աշխատանքի

Մարինա.

Բարև ձեզ: Մի հարց ունեմ. եթե աշխատողը ամբողջ օր չի ներկայանում աշխատանքի, և ամբողջ օր փորձում ենք իր հետ կապ հաստատել հեռախոսով, ինչի պատճառով տուժում է արտադրությունը, սակայն նա երկու օր և ավել կապի դուրս չի գալիս, ուստի ես 113-րդ հոդվածի 9-րդ կետով ազատելու դեպքում իր պահով ի՞նչ փաստաթղթեր պետք է պատրաստեմ:
Նախապես շնորհակալ եմ:

Апр 27 2020

Ավելացվել են փաստաթղթեր

“Փաստաթղթեր” բաժնում ավելացվել են հետևյալ փաստաթղթերը.

Հասարակական կազմակերպություն հիմնադրելու փաստաթղթեր

  • ՀԿ հիմնադրելու արձանագրություն
բեռնել
  • ՀԿ կանոնադրություն
բեռնել
  • ՀԿ կանոնադրության շապիկ
բեռնել

Апр 27 2020

Ի՞նչ փաստաթղթեր են անհրաժեշտ

Էդգար.

Բարև ձեզ: Ուզում եմ ձուկ մատակարարել խանութներին, ինձ կասե՞ք՝ ինչ փաստաթղթեր են անհրաժեշտ: Նախապես շնորհակալություն:

Апр 27 2020

Հասարակական կազմակերպությունը ցանկանում է հումանիտար օգնություն տրամադրել

Գևորգ.

Հասարակական կազմակերպությունը ցանկանում է հումանիտար օգնություն տրամադրել։ Ի՞նչ փաստաթղթեր պետք է կազմվի կազմակերպության կողմից, և հաշվապահությունը ի՞նչ պետք է հաշվի առնի օգնությունը տրամադրելիս։ Շնորհակալություն։

Апр 06 2020

Փոփոխվել է արտակարգ դրության ժամանակահատվածում գործատուի տեղեկանքի ձևը պարետի՝ 2020թ. ապրիլի 6-ի N 34 որոշմամբ

  • Արտակարգ դրության ժամանակահատվածում գործատուի տեղեկանք
  • բեռնել
  • Արտակարգ դրության ժամանակահատվածում տեղաշարժման թերթիկ
  • բեռնել

    Мар 17 2020

    Անձը ցանկանում է թխվածք պատրաստել և հանձնել խանութներին

    Լուսինե.

    Ես ցանկանում եմ բիզնես սկսել, բայց տանից, ասենք՝ ինչ-որ բաներ թխել և հանձնել խանութներին, ի՞նչ հերթականությամբ, ի՞նչ պետք է անել և խանութներ փաստաթուղթ պե՞տք է ներկայացնել։ ԱՁ-ն բացելուց հետո ի՞նչ փաստաթուղթ և ո՞վ է տալիս այն, որ ներկայացնեմ խանութ, և որ իմ արտադրանքը օրենքով վաճառվի։ Շնորհակալություն։

    Мар 16 2020

    Ի՞նչ փաստաթղթեր են անհրաժեշտ

    Ռազ.

    Բարև ձեզ։ Պատրաստվում եմ արտադրել կոմպոտ: Խնդրում եմ, ասեք՝ ի՞նչ փաստաթղթեր ու արտոնագրեր/թույլտվություններ են անհրաժեշտ օրենքով աշխատելու համար։

    Мар 11 2020

    ԱՁ-ն զբաղվելու է թխվածքի արտադրությամբ

    Սվետլանա.

    Բարև ձեզ: Ես 11.02.2020թ. գրանցել եմ ԱՁ, որը զբաղվելու է թխվածքի արտադրությամբ, ես առայժմ աշխատելու եմ մենակ: Ինչի՞ց սկսեմ, խնդրում եմ, մանրամասնեք: Եվ ի՞նչ փաստաթղթեր են անհրաժեշտ:

    Мар 04 2020

    Գյուղատնտեսական ապրանքի ներմուծում ՌԴ-ից

    Արփինե․

    Արդյո՞ք ազատված չէ գյուղատնտեսական ապրանքների ներմուծումը (ՌԴ-ից դրամաշնորհային ծրագրի շրջանակում) ԱԱՀ-ից և մաքսատուրքից, և ի՞նչ փաստաթղթեր են հարկավոր ներմուծման ժամանակ, եթե ապրանքը չի գնվում ինչ-որ մեկից և անհատույց է։

    Фев 22 2020

    Անձը ցանկանում է մրգային օղու և մսի խանութ բացել

    Անդրանիկ․

    Բարև ձեզ։ Պատրաստվում եմ բացել մրգային օղու և մսի խանութ։ Օղին վաճառվելու է միայն տնական գյուղացիներից մթերված մրգողի։ Միսը վաճառվելու է թե՛ հում, թե՛ խորոված։ Խնդրում եմ, ասեք՝ ի՞նչ փաստաթղեր ու արտոնագրեր/թույլտվություններ են անհրաժեշտ օրենքով աշխատելու համար։

    Фев 22 2020

    Ի՞նչ փաստաթղթեր է անհրաժեշտ ներկայացնել ՀՏ

    Էլեն․

    Բարև ձեզ: ԱՁ բացելուց հետո ի՞նչ փաստաթղթեր է անհրաժեշտ հարկային ներկայացնել և պետք է ներկայացվի 20 օրվա ընթացքում, թե՞ 20 աշխատանքային օրվա ընթացքում։

    Фев 04 2020

    Շաուրմայի կետ բացելու համար

    Դավիթ․

    Բարև ձեզ: Միտք ունեմ շինություն վարձակալելու և աշխատացնելու արագ սննդի կետ: Լինելու է միայն սնունդ, ավելի հստակ՝ շաուրմա: Կասե՞ք՝ ինչ է հարկավոր անել, և ինչ թղթեր են անհրաժեշտ: Նախապես շնորհակալություն։

    Фев 04 2020

    Որտեղի՞ց ձեռք բերել փաստաթղթերի ձևանմուշները

    Վաչե․

    Բարև ձեզ։
    Խնդրում եմ, մասնագետներ ջան, հուշեք՝ որտեղի՞ց կարող եմ ձեռք բերել հետևյալ փաստաթղթերի օրինակները: Խոսքը ՀՀ ներմուծում իրականացնելու համար անհրաժեշտ փաստաթղթերից մի քանիսի մասին է․

    1. Invoice
    2. CMR
    3. ANEX 3

    Фев 01 2020

    Ի՞նչ փաստաթղթեր են անհրաժեշտ

    Լյովա.

    Բարև ձեզ: Խնդրում եմ պատասխանել հետևյալ հարցին՝ եթե ես Թուրքիայից ապրանք եմ բերում և մաքսազերծում, հարկային ի՞նչ այլ փաստաթղթեր են ինձ հարկավոր ճիշտ աշխատելու համար: Նախապես հայտնում եմ շնորհակալություն, ուղղակի, ժող. ջան, ես սկսնակ եմ, նոր եմ Ա/Ձ բացել:

    Янв 29 2020

    Արդյո՞ք անձը կարող է հանդիսանալ միկրոձեռնարկատիրության սուբյեկտ

    Լուսինե․

    Բարև ձեզ: Կասե՞ք, խնդրեմ, եթե ԱՁ գրանցել եմ 2020թ․-ին, կարո՞ղ եմ հանդիսանալ միկրոբիզնեսի սուբյեկտ: Երևանում չի, վաճառում եմ ձեռագործ իրեր և մանկական հագուստ։ Ձեռքբերման փաստաթուղթ չունեմ, ինքս եմ գործում և ձեռք բերում 3-րդ երկրից՝ առցանց վաճառողներից:

    Янв 13 2020

    Կարելի՞ է արդյոք փաստաթղթերը ստորագրել սև գրիչով

    Անուշ.

    Բարև ձեզ: Վճարային տեղեկագիրը կարո՞ղ են աշխատողները ստորագրել սև գրիչով: Աշխատողների մեծ մասը ստորագրել է սևով, անհրաժեշտություն կա՞ վերաստորագրելու: Նաև քաղաքացիաիրավական պայմանագրով աշխատողների ակտերն են ստորագրվել սևով:

    Дек 18 2019

    Հարկային հաշվի և հաշիվ վավերագրի տարբերությունները

    Գարեգին.

    Բարի օր բոլորին: Ո՞վ կարող է պարզաբանել՝ «հարկային հաշիվ» և «հաշիվ վավերագիր» հասկացությունների մեջ կա՞ որևէ տարբերություն, և եթե այո, ապա որո՞նք են դրանք: Կանխավ շնորհակալություն:

    Дек 07 2019

    Դաշտային պայմաններում կամ տեղափոխման (տեղաշարժման) բնույթ կրող աշխատանքներում աշխատողների կողմից կատարվող ծախսերը

    Կարեն.

    Բարև ձեզ: ՀՀ կառավարության 711-Ն որոշման համաձայն՝ դաշտային պայմաններում կամ տեղաշարժման աշխատանքներում աշխատողների կողմից կատարվող ծախսերը նվազեցվում են: Հարցս հետևյալն է՝ նշված ծախսերը ո՞ր փաստաթղթերում պետք է արտացոլվեն:

    Дек 05 2019

    Ի՞նչ փաստաթղթեր են անհրաժեշտ ընտանեկան բիզնեսի գրանցման համար

    Լիլիթ.

    Բարև ձեզ: Կասե՞ք՝ ինչ փաստաթղթեր են անհրաժեշտ ընտանեկան բիզնեսի գրանցման համար:

    Ноя 05 2019

    Ի՞նչ փաստաթուղթ պետք է լրացնել

    Վիլեն․

    Բարև ձեզ: Խնդրեմ, կասե՞ք՝ գործուղված անձանց օրապահիկ և գիշերավարձ վճարելու վերաբերյալ ի՞նչ փաստաթուղթ պետք է լրացնել:

    Окт 15 2019

    Ինչպե՞ս կազմել արձանագրություն

    Աստղիկ.

    Բարև ձեզ: Ինձ կասե՞ք՝ ինչպես կազմել արձանագրություն սննդի ժամկետի լրանալու հետ կապված:

    Կանխավ շնորհակալ եմ:

    Сен 27 2019

    Անձը ցանկանում է զբաղվել մանր առևտրով

    Տիգրան.

    Բարև ձեզ: Ես ուզում եմ մանր առևտրով զբաղվել և պետք է ապրանքը բերեմ դրսից: Ի՞նչ թղթեր են հարկավոր, և հնարավո՞ր է արդյոք աշխատել հին ՀԴՄ սարքով։

    Сен 19 2019

    Ի՞նչ փաստաթղթեր են անհրաժեշտ

    Լիլիթ.

    Բարև ձեզ: Լիմոնադ և հաց վաճառելու համար ի՞նչ թղթեր են պետք: Ես միայն փորձաքննության եմ տարել և ունեմ ЕАС-ի թուղթը, այսինքն՝ ստանդարտների ինստիտուտ եմ տարել, այլ փաստաթուղթ պե՞տք է:

    Авг 28 2019

    Ի՞նչ փաստաթղթեր են անհրաժեշտ կնիք պատվիրելու համար

    Սոնա.

    Բարև ձեզ: Ասացեք, խնդրեմ, ի՞նչ փաստաթղթեր են անհրաժեշտ կնիք պատվիրելու համար:

    Կանխավ շնորհակալություն:

    Авг 24 2019

    ՍՊԸ տնօրեն փոխելու համար

    Հայկ.

    Բարև ձեզ: ՍՊԸ տնօրեն փոխելու համար ի՞նչ փաստաթղթերի փաթեթ է հարկավոր, ո՞վ կարող է տրամադրել:

    Авг 21 2019

    Ի՞նչ փաստաթղթեր են անհրաժեշտ

    Սուսաննա.

    Բարև ձեզ։ Կարո՞ղ եք նշել՝ պետական մանկապարտեզում ինչ փաստաթղթեր են անհրաժեշտ։ Շնորհակալություն։

    Июл 22 2019

    Մանկական զարգացման և ժամանցի կենտրոն բացելու համար

    Սոնա.

    Բարև ձեզ: Կցանկանայի իմանալ՝ ինչ փաստաթղթեր են անհրաժեշտ մանկական զարգացման և ժամանցի կենտրոն բացելու համար: Արդյո՞ք անհրաժեշտ է հավաստագիր, ինչպե՞ս պետք է վճարվեն հարկերը:

    Նախապես շնորհակալ եմ:

    Июл 21 2019

    Ի՞նչ փաստաթղթեր են անհրաժեշտ կաթնամթերքի արտադրության համար

    Դավիթ.

    Ի՞նչ փաստաթղթեր են անհրաժեշտ կաթնամթերքի արտադրության համար:

    Предыдущие сообщения «