Tag: անաշխատունակություն

Նպաստի արտացոլում հաշվետվությունում

Սոնա․

Բարև Ձեզ։ Արդյո՞ք հիվանդության նպաստը հաշվետվության մեջ լրացվում է ըստ ամիսների, թե՞ անաշխատունակության ժամանակահատվածը լրացվում է ամբողջովին, իսկ հետո հետպահում արվում։

Կանխավ շնորհակալ եմ։

Արդյո՞ք մայրը կզրկվի նպաստից

Նարե․

Հարգելի մասնագետներ, խնդրում եմ օգնել ճիշտ կողմնորոշվելու այսպիսի իրավիճակում․

Երեխան 2023թ-ի ծնունդ է։ Մայրը վարձու աշխատող է՝ գտնվում է խնամքի արձակուրդում, ստանում է նպաստ 31 600 դրամ։ Մայրը ցանկանում է իր դիմումի համաձայն ազատվել աշխատանքից, այսինքն դուրս գալ վարձու աշխատողի կարգավիճակից։ Այնուհետև պետռեգիստրում գրանցվի որպես անհատ ձեռներեց և հաշվառման կանգնի ՊԵԿ-ում։ Աշխատելու է, գործունեություն է ծավալելու հարկման շրջհարկի դաշտում և համաձայն օրենքի վճարելու է ամսական սոցվճար։ Խնդրում եմ պատասխանել ճի՞շտ եմ մտածում՝

1․ Մայրը այս պարագայում չի՞ զրկվի նպաստից

2․ Նպաստ կստանա 37 500 դրամ՝ որպես աշխատող նպաստառու։

3․ Վերոգրյալի դրական պատասխանի դեպքում, արդյոք կա՞ լրացուցիչ թղթերի ներկայացման անհրաժեշտություն։ Եթե այո, ապա խնդրում եմ ուղղորդել՝ ի՞նչ թղթեր են անհրաժեշտ ներկայացնել online տարբերակով և որտե՞ղ։

Կանխավ շնորհակալություն պատասխանի համար։

Աշխատողը ներկայացրել է անաշխատունակության թերթիկ

Հայկ․

Հարգելի կոլեգաներ, ընկերությունը ներքին հրամանով աշխատանքային տարվա և օրվա սկիզբ է համարել 2024թ հունվարի 8-ը, աշխատողը ներկայացրել է անաշխատունակության թերթիկ՝ 02․01․2024-08․01․2024 ժամանակահարվածի համար։ Հարցս հետևյալն է՝ վճարելու՞ են արդյոք այդ օրերի համար, քանի որ կառավորության որոշումով աշխատանքային օրերի սկիզբ է մարվում ամսի 8-ը։

Աշխատանքից ազատում երեխայի խնամքի արձակուրդի ընթացքում

Մարի․

Բարև ձեզ։ Ես հիմա երեխայի խնամքի արձակուրդում եմ, բալիկս 5 ամսական է։ Ինձ բանավոր տեղեկացրել են, որ հաստիքս կրճատվելու է ֆինանսական դժվարությունների պատճառով։ Կարո՞ղ է գործատուն ինձ հեռացնել աշխատանքից խնամքի արձակուրդի ընթացքում։ Եթե այո, փոխհատուցում նախատեսվա՞ծ է։ Եթե ոչ, ապա ե՞րբ կկարողանա` բալիկի 1 տարեկան, թե՞ 3 տարեկան դառնալուց հետո։

Как рассчитать среднюю зарплату?

Екатерина.

Здравствуйте. Новый сотрудник отработал 8 месяцев и ушел на больничный. До нас он больше нигде не работал (закончил учиться в университете). Как рассчитать среднюю зарплату для больничного, если стаж меньше 12 месяцев?

Աշխատողի համար նորից պետք է մայրության նպաստ հաշվել

Արմին․

Բարև Ձեզ, խնդրում եմ օգնել հետևյալ հարցում․

Ա/Ձ-ն աշխատում է միկրոյով։ Վարձու աշխատողը մինչև երեք տարեկան երեխայի խնամքի արձակուրդ է գնացել 2022 թվականի հուլիսից (տվյալ ժամանակահատվածում մայրության նպաստը հաշվարկվել է հաշվի առնելով միկրոյի համար սահմանված աշխատավարձից պահվող 5 000 դրամ եկամտային հարկը)։ Այժմ վարձու աշխատողի համար նորից պետք է մայրության նպաստ հաշվել, իսկ աշխատավարձից պահվում է 20% եկամտային հարկ։ Ինչպե՞ս հաշվարկեմ մարյության նպաստը (ֆիզից ֆիզը): Արդյո՞ք որպես միջին աշխատավարձ պետք է հիմք ընդունեմ 78 020 ՀՀ դրամը (խնամքի արձակուրդն սկսվելու ամսվան նախորդող ամսին աշխատանքային պայմանագրով սահմանված հիմնական աշխատավարձը):

Շնորհակալություն։

Ուսուցիչը ներկայացրել է հիվանդաթերթիկ

Լամարա․

Բարև ձեզ։ Խնդրում եմ պատասխանել։

Ուսուցիչը գնացել է մայրության արձակուրդ 140 օրով։ Նոր ուսուցիչ ընդունեցինք (ժամանակավոր, փոխարինող)։ Ոչ մի օր չհասցրեց գալ աշխատանքի։ Հիվանդանոց գնաց, վիրահատություն, բուժումներ։ Բերել է հիվանդանոցից թերթիկ։ Ի՞նչ անել 🤔🤷 Եթե դրույքի միջինով վճարեմ, ճիշտ կլինի՞։ Բայց քանի որ փոխարինող է՝ կասկածում եմ։ Օգնեք։

Աշխատակիցը ներկայացրել է հիվանդության թերթիկ

Սոնա․

Բարև Ձեզ, խնդրում եմ օգնեք։ Աշխատակիցը ներկայացրել է հիվանդության թերթիկ 30․10․23-07.11․23թ-ն, և այն շարունակվել է մինչև 14․11․2023թ-ն։ Եթե արդեն հոկտեմբեր ամիսը հաշվարկվել և վճարվել է, նաև եկամտային հարկի և սոց․ վճարի հաշվետվությունը հանձնվել է, ի՞նչ գործողություններ պետք է կատարել։

Նպաստ և վերջնահաշվարկ

Լամարա․

Բարի երեկո։ Խնդրում եմ պատասխանել։ Աշխատողը նոր է ընդունվել։ 4 աշխատանքային օր է եկել աշխատանքի և բերել է հիվանդության թերթիկ 15 աշխատանքային օր, ապա ազատվել աշխատանքից։ 4 օրվա համար հաշվարկվել է 9 100 դրամ աշխատավարձ (կեղտոտ)։ Ինչպե՞ս հաշվել նպաստը։ Հասնու՞մ է վերջնահաշվարկ (4 օրվա համար)։ Ու դա ինչպե՞ս հաշվել։

Աշխատողին հաշմանդամության կարգ են տվել

Անի․

Բարև Ձեզ։

Եթե աշխատողը 176 օր գտնվում է ժամանակավոր անաշխատունակության մեջ, և հիմա նրան երկրորդ կարգի հաշմանդամություն են տվել, կարելի՞ է նրան ազատել աշխատանքիս օրենսգրքի 113 հոդվածի 7-րդ մասով:

Աշխատողը ճանաչվել է հաշմանդամ

Անի․

Բարև Ձեզ։

Եթե աշխատողը ամիսներ շարունակ եղել բյուլետենի մեջ, ու հիմա իր վերջին բյուլետենը ավարտվել է սեպտեմբերի 15-ին, ու իրեն պետք է արդեն երկրորդ կարգի հաշմանդամ ճանաչեն, չի կարող աշխատել, ինչպե՞ս է կարգը, ե՞րբ պետք է նրան ազատել աշխատանքից ու ո՞ր հոդվածի հիման վրա, ո՞ր ամսաթվով, բյուլետենի մեջ գրված է, որ ավարտվում է սեպտեմբերի 15-ին, ուր որ պետք է ներկայանա աշխատանքի սեպտեմբերի 16-ին:

Տնօրենը նաև դասընթացավար է

Սոֆյա․

Բարև Ձեզ, հարգելի հաշվապահներ։ ՍՊԸ-ի տնօրենը տվյալ կազմակերպությում կատարում է նաև դասընթացավարի աշխատանք (պայմանագրին կից համաձայնագրով): Նա հոկտեմբերի 01-ին տեղափոխվելու է արտերկիր վերապատրաստման ծրագրով: Սակայն շարունակելու է աշխատել որպես դասընթացավար հեռավար: Իսկ նոյեմբեր ամսին գնալու է մայրության արձակուրդի, բայց շատ հավանակն է, որ այդ ժամանակ դեռ վերադարձած չի լինի: Ի՞նչ անել․

1. Տնօրենի համար ուղարկել ճշտված գրանցամն հայտ և դադարեցում տալ տնօրենի աշխատանքին, սակայն շարունակի մնալ որպես դասընթացավար: Արդյոք կարո՞ղ է նա որոշ ժամանակ հեռավար աշխատել որպես դասընթացավար

2. Նշանակել տնօրենի ժամանակավոր պաշտոնակատար:

3. Պե՞տք է արդյոք զբաղվել տնօրենի մայրության արձակուրդի ձևակերպման հարցերով, եթե արտերկրից մեզ ուղարկվի անաշխատունակության թերթիկ: Կա՞ն արդյոք գումարը վճարելու ժամկետներ այդ մասով, եթե աշխատակիցը հանրապետությունից բացակայում է:

Թեստ – Որքա՞ն կկազմի գումարը (թեստ #19)

296
Created on By Accountant.am

Թեստ - Որքա՞ն կկազմի գումարը (թեստ #19)

1 / 10

Սոցիալական վճար կատարող վարձու աշխատողը աշխատում է հնգօրյա աշխատանքային գրաֆիկով, և նրա պայմանագրային աշխատավարձը կազմում է 180 000 դրամ: Հաշվառման ենթակա տասներկու ամիսների ընթացքում ունեցել է 5 օրվա անաշխատունակության նպաստ՝ 11 429 դրամի (առանց եկամտային հարկի պահումի) չափով, իսկ նպաստի ամսվա աշխատավարձը կազմել է 135 000 դրամ:

Որքա՞ն կկազմի աշխատողի համար հաշվարկվող արձակուրդային վճարը 10 աշխատանքային օրվա համար:

2 / 10

Վարձու աշխատողը աշխատում է ոչ լրիվ աշխատաժամանակով՝ շաբաթական մինչև 20 ժամ տևողությամբ, նրա վճարման ենթակա ամսական աշխատավարձը կազմում է 37 500 դրամ, և նա չունի այլ գործատուի կողմից վճարված եկամուտ հաշվառման ենթակա տասներկու ամիսների ընթացքում: Աշխատել է յոթ ամիս:

Որքա՞ն կկազմի աշխատողի համար հաշվարկվող մայրության նպաստը:

3 / 10

Սոցիալական վճար չկատարող վարձու աշխատողը աշխատել է 15 օր, նրա պայմանագրային աշխատավարձը կազմում է 250 000 դրամ: Որքա՞ն կկազմի նրա վճարման ենթակա աշխատավարձը, եթե ամիսն ունի 22 աշխատանքային օր:

4 / 10

Անհրաժեշտ է հաշվարկել 4 օրվա անաշխատունակության նպաստ վարձու աշխատողի համար: Նա աշխատել է ինը ամիս՝ վեցօրյա աշխատանքային գրաֆիկով, 200 000 դրամ պայմանագրային աշխատավարձով: Հաշվառման ենթակա ամիսների ընթացքում ունեցել է 2 օրվա անաշխատունակության նպաստ՝ 4 267 դրամի (առանց եկամտային հարկի պահումի) չափով, իսկ նպաստի ամսվա աշխատավարձը կազմել է 180 000 դրամ:

5 / 10

Վարձու աշխատողի աշխատավարձը կազմում է 150 000 դրամ: Կազմակերպությունում աշխատել է տասը ամիս, որոնց ընթացքում նրա համար հաշվարկվել է արձակուրդային վճար՝ 71 429 դրամ, արձակուրդի ամսվա աշխատավարձը կազմել է 75 000 դրամ, մեկ անգամ ստացել է պարգևավճար պայմանագրային աշխատավարձի չափով: Հաշվառման ենթակա տասներկու ամիսների ընթացքում ստացել է եկամուտ այլ գործատուի կողմից՝ երկու ամիս՝ ամսական 120 000 դրամի չափով: Որքա՞ն կկազմի աշխատողի համար հաշվարկվող մայրության նպաստը:

6 / 10

Վարձու աշխատողի համար սահմանված է ժամային դրույքաչափ՝ 900 դրամ: Ամսվա ընթացքում աշխատել է 174 ժամ, որից 10 ժամը՝ արտաժամ, ինչպես նաև ևս 8 ժամ տոնական:

Որքա՞ն կկազմի աշխատողի ամսվա աշխատավարձը:

7 / 10

Սոցիալական վճար չկատարող վարձու աշխատողը աշխատում է վեցօրյա աշխատանքային գրաֆիկով, և նրա պայմանագրային աշխատավարձը կազմում է 130 000 դրամ: Հաշվառման ենթակա տասներկու ամիսների ընթացքում ունեցել է 10 օրվա արձակուրդային վճար՝ 52 000 դրամի (առանց եկամտային հարկի պահումի) չափով, արձակուրդի ամսվա աշխատավարձը կազմել է 65 000 դրամ:

Որքա՞ն կկազմի աշխատողի համար հաշվարկվող արձակուրդային վճարը 15 աշխատանքային օրվա համար:

8 / 10

Վարձու աշխատողը միկրոձեռնարկատիրության սուբյեկտի աշխատակից է, և նրա ամսական աշխատավարձը կազմում է 100 000 դրամ: Որքա՞ն կկազմի աշխատողի համար հաշվարկվող մայրության նպաստը:

9 / 10

Վարձու աշխատողի համար սահմանված է ժամային դրույքաչափ՝ 750 դրամ: Ամսվա ընթացքում աշխատել է 158 ժամ, որից 8 ժամը՝ գիշերային:

Որքա՞ն կկազմի աշխատողի ամսվա աշխատավարձը:

10 / 10

Անհրաժեշտ է հաշվարկել 8 օրվա անաշխատունակության նպաստ վարձու աշխատողի համար: Նա աշխատել է վեց ամիս՝ հնգօրյա աշխատանքային գրաֆիկով, 450 000 դրամ պայմանագրային աշխատավարձով: Հաշվառման ենթակա տասներկու ամիսների ընթացքում ստացել է եկամուտ այլ գործատուի կողմից՝ երեք ամիս՝ ամսական 150 000 դրամի չափով:

Your score is

The average score is 54%

0%

Փոխարինող աշխատողի նպաստ

Էմմա․

Բարև Ձեզ։ Խնդրում եմ օգնեք հասկանալ՝ արդյո՞ք գործատուն ճիշտ է վարվել, և օրենքով այդպես է։ 2021թ․ ուսումնական հաստատությունում ընդունվել էի ժամանակավոր աշխատանքի, փոխարինում էի ֆիզարձակուրդում գտնվող աշխատակցին։ 2022 թ․ հունիսի 3-ին ես նույնպես գնացի ֆիզարձակուրդ։ Բալիկս ծնվեց օգոստոսի 6-ին, և երբ լրացավ նրա ծննդյան 70 օրը, դիմեցի գործատուիս մայրության նպաստ ստանալու համար անհրաժեշտ փաստաթուղթը վերցնելու, որ աշխատել եմ ուսումնական հաստատությում, և ինձ ասացին, որ չեն կարող տրամադրել դա, քանի որ նախկին աշխատակիցը վերադարձել է, և ես ինքնստինքյան ազատվել եմ աշխատանքից։ Արդյո՞ք դա օրինական է, և ես էլ չեմ կարող ստանալ մինչև 2 տարեկան երեխայի խնամքի նպաստը։ Կանխավ շնորհակալ եմ օգնելու համար։

Քանի՞ օրվա համար հաշվել նպաստը

Գրիգոր․

Աշխատակիցը իրար հաջորդող ժամանակաշրջանների համար անաշխատունակության թերթիկներ է ներկայացրել մի քանի հատ, արդեն լրացել է 200 օրը: Քանի՞ օրվա համար պետք է վճարում կատարեմ (եթե կարելի է, խնդրում եմ հղում ուղարկեք): Կանխավ շնորհակալ եմ:

Համատեղությամբ աշխատողի նպաստ

Շուշան․

Բարև ձեզ, համատեղությամբ աշխատողը գնացել է հղիության և մայրության արձակուրդ, ներկայացրել բուլետենի պատճենը, ստացել է իր նպաստի գումարը հիմնական աշխատավայրից, հիմա հարց՝ եկամտային հարկի հաշվետվությունում ի՞նչ պետք է գրի գործատուն, եթե ինքը չի վճարել, միայն նպաստի ամսաթվերը լրացնել չի թողնում:

Հիվանդության թերթիկի վերաբերյալ

Անի․

Բարև ձեզ։

Աշխատողը քանի՞ օր կարող է հիվանդության թերթիկ ներկայացնել ընդհատումներով և առանց ընդհատումների:

Մայրության նպաստ

Կարինե․

Աշխատակցին տրվել է մայրության նպաստ, 01.03.2023-02.08.2023թթ գտնվելու է հղիության և ծննդաբերության արձակուրդում։ Երեխան ծնվել է մարտի 9-ին, եկամտային հարկի հաշվետվությամբ ներկայացվել է նպաստը գումարով և ժամկետով։ Հետագա քայլը ո՞րն է լինելու։ Աշխատակիցն ասում է՝ երեխայի ծննդյան 70 օրը լրացել է, ու պետք է ինչ որ հայտ ներկայացնեմ, որ ինքն էլ սոցապում դիմում գրի։ Չեմ հասկանում՝ ինչի մասին է խոսքը․ առաջին անգամ եմ առնչվում ֆիզարձակուրդի հարցերի։

Աշխատակիցը վնասվել է աշխատանքի ընթացքում

Իրինա.

Բարև Ձեզ, ընկերներ: Խնդրում եմ պատասխանեք, եթե աշխատակիցը վնասվել է աշխատանքի ժամանակ և ներկայացրել անաշխատունակության թերթիկ, ի՞նչ քայլեր են դրան հաջորդում: Նախապես շնորհակալություն։

Մայրության նպաստի հաշվարկ

Գրիգոր․

Բարև Ձեզ: Աշխատակիցը ֆիզ․ արձակուրդ է գնացել 2023թ․ ապրիլի 01 -ից, սակայն պայմանագիրը կնքված է որոշակի ժամկետով՝ մինչև 2023թ․ հուլիսի 31-ը ներառյալ: Հարց՝ քանի՞ օր ենք հաշվարկում մայրության նպաստը՝ 122 օր, այսինքն մինչև հուլիսի 31-ը (պայմանագրի ավարտը), թե՞ 140 օր: Եթե 140 օր, ապա հաշվարկը ինչպե՞ս ենք կատարում, նախորդ 12 ամիսների համար հաշվարկված եկամուտների միջինով՝ 140 օրվա համար, թե 122 օրվա համար՝ նախորդ 12 ամիսների համար հաշվարկված եկամուտների միջինով, իսկ մնացած 18 օրվա համար՝ մինիմումի կեսով:

1024-Ն որոշումը հստակ չի սահմանում: Նախկինում տալիս էինք մինչև պայմանագրի ավարտը, իսկ մնացած օրերը մինիմում աշխատավարձի կեսով հաշվարկում էր սոցիալական ծառայությունը, հիմա կարծես թե փոխվել է, սակայն որևէ կետ չեմ գտնում, եթե նման փորձ ունեցել եք, խնդրում եմ կիսվեք:

Շնորհակալություն:

Նպաստի հաշվարկ

Վարսենիկ․

Բարև Ձեզ, հարգելի հաշվապահներ։ Խնդրում եմ ասեք՝ միկրոյով աշխատող ԱՁ-ի վարձու աշխատողի հիվանդության նպաստը ո՞ր թվից է հաշվարկվում՝ նախորդ 12 ամիսների միջինից, թե՞ նվազագույն աշխատավարձի 50%-ից ։ Շնորհակալություն։

Արձակուրդի երկարացում

Կարին․

Բարև Ձեզ, հարգելի գործընկերներ: Խնդրում եմ ասեք՝ արձակուրդի ընթացքում, ընտանիքի չափահաս անդամին խնամելու անաշխատունակության թերթիկի առկայության դեպքում (7օր), արդյո՞ք արձակուրդի ժամկետը երկարացվում է և ի՞նչ կարգով է իրականացվում վճարում: Շնորհակալություն:

Երեխայի խնամքի նպաստ

Լուսինե.

Բարև ձեզ։ Կներեք ինձ մի հարց է հետաքրքիր։ Ես աշխատում եմ մանկապարտեզում որպես փոխարինող դաստիարակ, բայց հիմա գտնվում եմ ֆիզ. արձակուրդի մեջ։ Ապրում եմ գյուղում և ստանում եմ 63 000 դրամ։ Հիմա ուզում եմ շուտ վերադառնամ աշխատանքի՝ նախքան երեխայիս երկու տարեկան դառնալը, այս դեպքում ես կստանա՞մ այդ գումարը, թե՞ մենակ արդեն իմ աշխատավարձը։ Ինձ ասում են, որ կստանամ այդ 63 000 դրամի կեսը, այսինքն՝ միայն գյուղաբնակի գումարը և իմ աշխատավարձը։ Արդյո՞ք այդպես լինում է։

Դեկրետ փորձաշրջանի ընթացքում

Լարիսա.

Բարև ձեզ։ Եթե փորձաշրջանով ընդունված աշխատողը մինչև փորձաշրջանի ավարտը ֆիզ բյուլետեն է ներկայացնում, արձակուրդից հետ վերադառնալիս արդյո՞ք փորձաշրջանը անցած է համարվում։ Շնորհակալություն։

Երեխայի խնամքի նպաստ

Արևիկ․

Բարև ձեզ։ Ես նոր եմ ունեցել փոքրիկիս, դեռ 10 օր է, դիմումը ներկայացրել եմ միանվագ գումարը ստանալու, հիմա 3 ամսով պետք է անհատ ձեռներեցը բացեմ։ Ինձ պետք է հասկանալ՝ կապ ունի՞ մայրության նպաստի հետ, թե՞ ոչ, կարո՞ղ եմ հանգիստ բացել, թե՞ խնդիրներ կարող են լինել, և չստանամ փոքրիկի ամսական նպաստը, որը տրվում է մինչև 2 տարեկան։

Մայրության նպաստ

մայրության նպաստ

Ու՞մ է վճարվում մայրության նպաստ

Ովքե՞ր իրավունք ունեն ստանալ մայրության նպաստ ։ Մայրության նպաստի իրավունք ունեն գործատուների հետ աշխատանքային հարաբերությունների մեջ գտնվող ֆիզիկական անձինք, անհատ ձեռնարկատերերը և նոտարները, ինչպես նաև չաշխատող անձինք, որոնց համար, սակայն, մայրության նպաստը հաշվարկվում է նվազագույն ամսական աշխատավարձի հիսուն տոկոսից, իսկ վարձու աշխատողների, ինքնուրույնաբար իրենց աշխատանքով ապահոված անձանց մայրության նպաստը հաշվարկվում է միջին ամսական աշխատավարձից (եկամտից):

Մայրության նպաստ – հաշվարկման կարգը

Նպաստի նշանակման համար հիմք է համարվում բժշկական հաստատության կողմից տրվող ժամանակավոր անաշխատունակության թերթիկը, որում նշված է լինում հղիության և ծննդաբերության սկիզբն ու ավարտը: Վարձու աշխատողը թերթիկը ներկայացնում է գործատուին, իսկ

Կարդալ ավելին “Մայրության նպաստ”

Ձևակերպում ՀԾ-ում

Ալիսա․

Բարև Ձեզ, դեկտեմբերի 23-ին ամսվա ամբողջ հերթապահությունների համար վարձատրվել է աշխատակիցը , սակայն դեկտեմբերի 26-ին վաղաժամ ծննդաբերության պատճառով վերջի 2 հերթապահությունը չի կատարվել: ՀԾ ծրագրում անց եմ կացրել իր անաշխատունակության թերթիկը, ինչպե՞ս կարող եմ ՀԾ-ում ձևակերպել նրա գումարի հետ վերադարձը։

Երեխայի խնամքի նպաստ

Գոհար.

Բարև ձեզ, հարգելի հաշվապահներ։ Ըստ նոր փոփոխված օրենքի, եթե ֆիզում գտնվող մայր է /ԱՁ բացի/, ապա կարող է շարունակել օգտվել խնամքի նպաստից։ Նշեմ, որ 1.5 տարի է ֆիզարձակուրդում։ Նաև կասեք, եթե ցանկանում է ծաղիկների օնլայն վաճառքով զբաղվել, կարո՞ղ է միկրոյով գործել և հդմ չկիրառել, այլ միայն փոխանցումով աշխատել։

ԱՁ մայրության նպաստ

Լիլիթ.

Շրջհարկ վճարող ԱՁ-ի տարեկան շրջանառությունը 58 մլն է կազմել, մայրության նպաստը վճարվել Է 156579, նվազագույն աշխատավարձի 50%-ից Է կատարվել հաշվարկը։ Արդյո՞ք ճիշտ է հաշվել սոցապը, և ո՞ր դեպքում է ամսական հաշվարկման բազան վերցվում շահութահարկի հարկման բազա համարվող եկամուտը 12 բաժանելու միջոցով ։ Շնորհակալ եմ նախապես։

Անաշխատունակության նպաստ

Աստղիկ․

Հարգելի գործընկերներ, մի հարց էլ ես ունեմ՝ կապված աշխատողի երկարատև անաշխատունակության հետ։ 140 և ավելի օր աշխատողը, մնալով անաշխատունակության մեջ, վերադարձել է աշխատանքի՝ փակված անաշխատունակության թերթիկով, սակայն դեռևս ապաքինված չէ։

Հարց1 ․ Անաշխատունակության թերթիկ նորից ներկայացնելու դեպքում ընկերությունը կատարելու՞ է արդյոք վճարում՝ անաշխատունակության թերիթիկի համաձայն, ունի՞ այդ իրավունքը, թե՞ ոչ։

Հարց 2․ Եթե չի վճարում, ապա ինչպե՞ս է վարվում՝ համաձայն օրենքի։

Կանխավ շնորհակալություն։

Գրանցման հայտում լրացումներ

Սոնա․

Բարև Ձեզ։ Խնդրում եմ ասեք՝ անաշխատունակության թերթիկի դեպքում աշխատողի հայտի հետ կապված ի՞նչ գործողություններ պետք է կատարվի։

Արձակման նպաստ վճարվու՞մ է

Անահիտ․

Բարև ձեզ, հարգելի գործընկերներ, խնդրում եմ պարզաբանում հետևյալ դեպքում։

Աշխատողի հետ կնքված է եղել որոշակի ժամկետով աշխատանքային պայմանագիր,
դրանից հետո նա գտնվել է անաշխատունակության արձակուրդում։ 120 օրը լրանալուց հետո բժշկական հանձնաժողովը ժամկետը երկարացնելու որոշում է կայացրել, պայմանագիրը երեք ամսով է կնքված եղել, քանի որ անաշխատունակության մեջ է եղել պայմանագիրը չի լուծվել, վերադարձել է աշխատանքի ծանուցում եմ տվել, որ պայմանագիրը տաս օր հետո լուծվելու է, բայց քանի որ ունեցել է չօգտագործված ամենամյա արձակուրդ, տրամադրել եմ արձակուրդը և պայմանագիրը լուծել եմ արձակուրդի ավարտի հաջորդ օրը, կատարել եմ վերջնահաշվարկ, եթե 60 օր հետո չեմ ազատել, արձակման նպաստ վճարվու՞մ է, թե՞ ոչ, և օրենքով ճի՞շտ է կատարվածը։

Աշխատողը 140 օր չի ներկայացել աշխատանքի

Աստղիկ․

Բարև Ձեզ, Հարգելիներս!! Ունեմ Ձեր օգնության կարիքը։ Եթե, օրինակ, Աշխատողն արդեն 140 օր աշխատանքի չի հաճախում՝ անաշխատունակության պատճառով։ Համաձայն ՀՀ ԱՕ-ի պատրաստվում եմ ծանուցել, որ 60 օր հետո ազազտված է աշխատանքից (տասնհինգ տարուց ավելի աշխատողին` 60 օր առաջ)։

Հարց․ 1 Արձակման նպաստը (միջին օրական աշխատավարձի քառասունչորսապատիկի չափով) տրամադրվում է վերջնահաշվարկի հե՞տ։

Հարց 2․ Մինչև ազատումը, այդ 60 օրվա սպասման ժամանակահատվածում աշխատողին ի՞նչ է տրվում, աշխատավա՞րձ, թե՞ այլ վճար, եթե արդեն անաշխատունակ չէ, ուղղակի գործատուն գտնում է, որ աշխատողի երկարատև անաշխատունակության հետևանքով, եթե աշխատողը ժամանակավոր անաշխատունակության պատճառով աշխատանքի չի ներկայացել ավելի քան 120 օր անընդմեջ կամ վերջին տասներկու ամսվա ընթացքում` ավելի քան 140 օր։

Կանխավ շնորհակալություն։

Անաշխատունակության օրեր

Մարիա․

Բարև Ձեզ։ Ես հունվարի 5-ին հաշմանդամության 3-րդ կարգ եմ ստացել, սակայն բուժումս դեռ պետք է շարունակեմ փետրվար, մարտ ամիսներին: Ես ցանկանում եմ իմանալ՝ քանի՞ օր կարող եմ ևս բյուլետենի մեջ լինել:

Միջին աշխատավարձի հաշվարկ

Անժելա.

Բարև ձեզ։ Ֆիզ. արձակուրդի գումարը հաշվելիս, երբ 12 ամսվա ընդհանուր եկամտի մեջ կա նաև քաղիրավական կազմակերպությունից ստացած աշխատավարձ, դա նույնպես հաշվու՞մ են որպես եկամուտ, թե՞ ոչ։

Բյուլետեն դեկրետից հետո

ՀԵՐՄԻՆԵ.

Բարև Ձեզ։ Խնդրում եմ օգնել։ Եթե աշխատողը երեխայի խնամքի արձակուրդից հետո ներկայանում է աշխատանքի ու գնում բյուլետեն՝ ինչպե՞ս է հաշվարկվում նպաստը։ Խնդրում եմ նաև օրենքի հղում տալ։

Հիվանդության թերթիկ

Բարև Ձեզ:

Հարգելի հաշվապահներ, խնդրում եմ օգնել:

Աշխատակիցը ներկայացրել է անաշխատունակության թերթիկ 18.11.2022թ-27.11.2022թ համար, ըստ օրենքի վերջին փոփոխությունների՝

1. արդյո՞ք առաջին օրվանից վճարումը  լինելու է գործատու կողմից, թե՞ երկրորդ օրվանից սկսած։

2. Արդյո՞ք սոցիալական ապահովության վճարների հաշվետվությունում պետք է արտացոլվի հիվանդության արձակուրդի մասին ինֆոն, եթե այո, ինչպե՞ս։

3. Ի՞նչ թղթեր է պետք ներկայացնել և որտեղ պետության կողմից հասանելիք վճարումը ստանալու համար։

4. Եթե աշխատակիցը վերջին 12 ամիսներին անընդմեջ աշխատել է երկու տարբեր կազմակերպություններում, պե՞տք է արդյոք ներառել երկու կազմակերպություններում ստացած եկամուտները միջինի հաշվարի մեջ, թե՞ ոչ:

Բացակայություն բյուլետենից առաջ

Արմինե.

Բարև Ձեզ։ Եթե աշխատողն ունի 1 օր բացակա անաշխատունակության թերթիկից առաջ, ապա այդ բյուլետենը վճարվելու՞ է, թե՞ ոչ։ Եվ կնշե՞ք հիմքը։

Նպաստն ավել է եկամտային հարկից

Մարգարիտա.

Բարև Ձեզ։ Մայրության նպաստն ավել է քան տվյալ ամսվա եկամտային հարկը։ Ինչպե՞ս պետք է ստանալ տարբերությունը։

Արձակուրդի օրեր

Անի․

Բարև Ձեզ։

Եթե աշխատողը իրեն հասանելիք 20 օրվա արձակուրդից 10 օր է օգտվել 2020 թվականին և դրանից հետո անցել է երեխայի խնամքի արձակուրդի, 2022 թվականի ապրիլից նորից անցել է աշխատանքի: Հիմա նա կարո՞ղ է օգտվել իր մնացած 10 օրվա արձակուրդից, թե ոչ, և արդյո՞ք նրա արձակուրդում գտնվելու օրերի համար արձակուրդ է ձևավորվում թե ոչ:

Միկրոձեռնարկատիրության աշխատողի մայրության նպաստ

Տաթև.

Բարև Ձեզ։ Խնդրում եմ պատասխանեք հարցիս։ Ես հղի եմ և շուտով գնալու եմ ֆիզ. արձակուրդ։ Աշխատում եմ միկրոձեռնարկությունում։ Իսկ հաշվապահը 99%-ով ասում է, որ միկրոն ֆիզ. արձակուրդի գումար չի տրամադրում։ Եվ եթե ստանալու եմ, դիմումը ձևը ինչպե՞ս իմանանք, և ո՞վ պետք է դա ճշտի։ Խնդրում եմ մանրամասնել։ Կանխավ շնորհակալ եմ։

Միջին աշխատավարձի հաշվարկ

Գոհար.

Հաշվապահներ ջան, ձեր խորհրդի կարիքն ունեմ։ Երեխայի խնամքի արձակուրդից մայրը վերադարձել է աշխատանքի: Երեխայի 2 տարին լրացել է օգոստոսի 19-ին, աշխատանքի է անցել հոկտեմբերի 1-ից: Հոկտեմբեր ամսվա մեջ արդեն ունի 8 օրվա բյուլետեն: Ի՞նչ միջինով է հաշվարկվում բյուլետենը: Ամսական աշխատավարձը 60 000 դրամ է: Շնորհակալություն:

Աշխատանքային պայմանագրի լուծում

Դավիթ.

Կարո՞ղ է արդյոք գործատուն իր նախաձեռնությամբ լուծել աշխատանքային պայմանագիրը պարապուրդի ընթացքում։
2. Կարո՞ղ է արդյոք գործատուն աշխատանքից ազատման ԾԱՆՈՒՑՈՒՄ ուղարկել ժամանակավոր անաշխատունակության մեջ գտնվող աշխատակցին։

Դեկրետ գնալու դեպքում

Գոհար.

Բարև ձեզ, հարգելի հաշվապահներ։ Խնդրումեմ օգնեք, եթե աշխատողը գնում է ֆիզ, ապա դրանից հետո եկամտային հարկի 0-ական պե՞տք է ներկայացնեմ միջև 140 օր լրանալը։ Նաև լրանալուց հետո պետք է գրանցման հայտով ներկայացնե՞մ՝ խնամքի արձակուրդը։

Երեխայի խնամքի արձակուրդ

Վաղինակ.

Բարև Ձեզ: Եթե հիմնական աշխատողը վերադառնում է աշխատանքի մինչև 3 տարեկան երեխայի խնամքի արձակուրդից և նրան փոխարինող աշխատողը նրա վերադարձից 10 օր առաջ գնացել է հղիության և ծննդաբերության արձակուրդ, ի՞նչ է տեղի ունենում փոխարինող աշխատողի հետ հիմնական աշխատողի վերադառնալուց հետո: Արդյո՞ք նա ետ է կանչվում արձակուրդից և ազատվում աշխատանքից հիմնական աշխատողի վերադառնալու օրը, թե՞ նրա ազատումը հետաձգվում է մինչև հղիության և ծննդաբերության արձակուրդի ավարտը:

Բյուլետենի հետ կապված

Մարիամ.

Բարև ձեզ։ Կներեք, ինչքա՞ն ժամանակ պետք է աշխատած լինել, որ բացել բյուլետեն։

Դեկրետ գնալու վերաբերյալ

Լուսինե.

Հարգելի հաշվապաներ, խնդրում եմ ասացեք, աշխատողը չի ցանկանում գնալ ֆիզ. արձակուրդ, ուզում է աշխատել մինչև երեխայի ծնվելը: Արդյոք իրավունք ունի՞, և այդ դեպքում ինչպե՞ս է հաշվարկվում արձակուրդի օրերը:

Եկամտային հարկի հաշվարկ

Լիլիթ.

Բարև Ձեզ։ Մայրության նպաստը փոխանցելուց հետո հաջորդ ամիս եկամտային հարկի հաշվետվության մեջ ի՞նչ ենք լրացնում այդ աշխատողի բաժնում և ի՞նչ թուղթ պետք է ներկայացնենք սոցապ։

Ա/Ձ դեկրետ

Լուսինե.

Բարև ձեզ: Խնդրեմ ինձ հստակ պատասխան կտա՞ք, եթե Ա/Ձ-ն՝ միկրոյի հարկման դաշտում աշխատող, 15.10.2022 գնալու է ֆիզ. արձակուրդ, ե՞րբ պետք է Ա/Ձ դադարեցում տամ։

Անաշխատունակության թերթիկ բարդ ծննդաբերության դեպքում

Անուշ.

Բարև ձեզ։ Հաշվապահներ ջան, բարդ ծննդաբերության դեպքում 15 օրվա համար անաշխ. թերթիկի ներկայացնելը ժամկետային սահմանափակում ունի՞։
Օրենքում ինչքան փնտրեցի չգտա նման կետ։ 140 օրը լրանալուց հետո է վճարվում, թե՞ կարող է երեխայի ծնվելուց մեկ շաբաթ հետո վճարվի։