Tag: աշխատաժամանակ

Աշխատողի աշխատավարձը փոփոխվել է

Հայկ․

Բարև ձեզ: Աշխատողի աշխատավարձը փոփոխվել է փետրվարի 11-ից՝ կապված աշխ. պայմանների փոփոխության հետ: Այս դեպքում ճի՞շտ է փետրվար ամսվա աշխատավարձի հետևյալ հաշվարկը. մինչև փետրվարի 11-ը աշխատած օրերի համար՝ հին աշխատավարձը բաժանել փետրվարի աշխ. օրերի վրա և բազմապատկել աշխատած օրերի քանակ: Իսկ փետրվարի 11-ից հետո նույն կերպ հաշվել նոր աշխատավարձով: Եվ գումարել իրար։

Տաբելի լրացման վերաբերյալ

Աննա․

Բարև Ձեզ: Հարցս հետևյալն է․ աշխատակիցը ստացել է ծանուցագիր վարժական հավաքներին մասնակցելու վերաբերյալ՝ 25 օրացուցային օր: Աշխատաժամանակի հաշվարկի տեղեկագրում (տաբելում) բացակա՞ է դրվելու, թե՞ ոչ, քանի որ նա պետք է վարձատրվի օրենքով սահմանված կարգով: Կանխավ շնորհակալություն:

Աշխատաժամանակի ամրագրում պայմանագրում

Արմինե․

Բարև Ձեզ, հարգելի՛ ոլորտի մասնագետներ, խնդրում եմ պատասխանել հետևյալ հարցին. եթե մասնավոր պահնորդական ծառայության անվտագության աշխատակիցը աշխատում է 21:00-09:00 մեկ օր հանգստյան օր, կամ 2 օր իրար հաջորդող 21:00-09:00 և 2 օր հանգստյան օրեր ընդհանուր յուրաքանչյուր հերթափոխային օր 12 ժամ և ընդմիջումը ներառյալ վճարվում է, ամսվա կտրվածքով լինում է 15 կամ 16 օր, և ընդհանուր 168 կամ 192 ժամ, ուստի այս աշխատաժամանակը աշխատանքային պայմանագրում ո՞ր ռեժիմի տակ պետք է ամրագրել, արդյո՞ք համարվում է աշխատաժամանակի գումարային հաշվարկ: Նախապես շնորհակալություն։

Բացակայություններ աշխատանքից

Վազգեն․

Մեկ տարվա մեջ աշխատակիցը քանի՞ ժամ կարող է օրինական բացակայել աշխատանքից:

Հերթափոխով աշխատող պահակ

Լիլի․

Բարև Ձեզ: Խնդրում եմ օգնել հետևյալ հարցում․

Հանրակրթական դպրոցում հերթափոխով աշխատող պահակը տոնական օրերին արդյո՞ք կրկնակի պետք է վարձատրվի, և եթե այո, ապա հաշվարկն ինչպե՞ս է արվում։ Տոնական ժամերի մեջ կան նաև գիշերային ժամեր, որի համար 30 տոկոս է տրվում հավելում: Շնորհակալություն:

Եկամտային հարկի զրոյական հաշվարկ

Արեգա․

Բարև Ձեզ, Խնդրում եմ ինձ ուղղություն ցույց տվեք։

Ունեմ այսպիսի հարց․ ընկերությունը զբաղվում է արտադրանքի վերամշակմամբ և միայն պատրաստի արտադրանքի արտահանմամբ: Դեկտեմբեր ամսին ընկերությունը արտահանում չի ունեցել, հետևաբար արտադրամասի աշխատողները չեն աշխատել:

Հարց 1. կարո՞ղ եմ եկամտային հարկի հաշվետվության մեջ արտադրամասի աշխատողներից յուրաքանչյուրի Աշխատավարձ և դրան հավասարեցված այլ վճարումներ [1.6] տողում գրել -0, իսկ Փաստացի աշխատած ժամեր [1.15] տողում՝ գրել-0:

Եթե ոչ, ապա ինչպե՞ս վարվեմ: Խնդրում եմ ինձ շտապ օգնեք: Կանխավ շնորհակալություն։

Տնօրենի ընդունում ոչ լրիվ աշխատաժամանակով

Սուսաննա․

Բարև ձեզ: Հնարավո՞ր է ՍՊԸ-ի տնօրենին ոչ լրիվ աշխատաժամանակով ընդունել աշխատանքի:

Աշխատավարձը որոշելու ձևը

Հայկ․

Բարև Ձեզ: Աշխատանքային օրենսգրքով պահանջվում է աշխատանքային պայմանագրում նշել աշխատավարձը որոշելու ձևը: Կարելի՞ է օրինակ սահմանել ամսական դրույքաչափ 80 000 դրամ (պահումներից հետո 60 000 ) այն դեպքում, երբ շաբաթական աշխատաժամանակի տևողությունը 12 ժամ է: Խախտում կդիտվի՞: Ժամավճար չեմ ուզում սահմանել, քանի որ ամեն ամիս տարբեր մեծություններ կստացվի: Կխնդրեմ ուղղորդել: Շնորհակալություն։

Հարկադիր պարապուրդ

Սվետլանա․

Մանկապարտեզի հիմնանորոգման պատճառով աշխատակիցները գտնվում են հարկադիր պարապուրդում, սակայն մեկ խմբով՝ 2 դաստիարակ և 1օգնական, աշխատում ենք: Արդյո՞ք կարող ենք ժամանակ առ ժամանակ աշխատանքին ներգրավված աշխատակիցներին փոխարինել չներգրավված աշխատակիցներով, եթե այո, ապա խնդրում եմ տալ հրամանի ձևը և հիմքը:

Վարորդի աշխատաժամանակ

Արմինե․

Բարև ձեզ։ Եթե վարորդը զբաղվում է միջազգային բեռնափոխադրումներով, կարելի՞ է արդյոք պայմանագրում նշել, որ նրա աշխատանքային գրաֆիկը ոչ նորմավորված է: Եվ այդ դեպքում աշխատաժամանակի հաշվարկի թերթիկում ինչպե՞ս հաշվարկել նրա աշխատաժամանակը: Շնորհակալություն։

Գործուղման վերաբերյալ

Լուսինե․

Բարև Ձեզ, հարցս գործուղման մեկնելուն է վերաբերվում։ Գործուղման մեկնելու և այնտեղից վերադառնալու ժամանակահատվածը գերազանցում է իմ աշխատաժամանակը ( աշխատում եմ 9-ից 6-ը, բայց մեկնում եմ 7-ին և վերադառնում 10-ին): Խնդրում նշեք՝ կա՞ արդյոք օրինական հիմք հավելավճար ստանալու։

Երկրից դուրս մեկնել եմ գործուղման, վերադարձել առավոտյան 5-ին, նույն օրը 9-ին խնդրել են ներկայանալ աշխատանքի, իմ վերադարձի օրն արդյո՞ք չի համարվելու գործուղման վերջին օր։

Աշխատանք համատեղությամբ

Հովհաննես․

Բարև ձեզ, ես համատեղությամբ աշխատում եմ երկու դպրոցում։ 11 ժամ մի դպրոցում, 16 ժամ մյուս դպրոցում։ Ուզում եմ իմանալ՝ օրենքով թույլատրվու՞մ է արդյոք 5-օրյա աշխատանքային շաբաթվա մեջ 2 օր գնալ մի դպրոցը, 3 օր՝ մյուս դպրոցը։ Կա՞ ամրագրված օրենք աշխատանքային օրենսգրքում։ Կանխավ շնորհակալություն։

Աշխատաժամանակի փոփոխություն

Սոնա․

Բարև Ձեզ։ Խնդրում եմ տեղեկացնել՝ հնարավո՞ր է աշխատակցի աշխատաժամանակը փոխել, օրինակ շաբաթական 10 ժամից դարձնել 40 ժամ, օրական 8 ժամ գրաֆիկով, սակայն աշխատավարձային փոփոխություն չկատարել։ Շնորհակալություն։

Նորմալ աշխատաժամանակ

Անդրանիկ.

Հուլիս ամիսը պետք է աշխատեմ 240 ժամ, որքա՞ն է կազմում նորմալ աշխատաժամանակը և որքա՞ն է արտաժամյան։ Աշխատում եմ 10 հերթափոխ, 24 ժամյա գրաֆիկով։ Խնդրում եմ օգնել մեզ ստանալ օրենքով հասանելի աշխատավարձ։ Կոնկրետ այս ամիս մինչև 213 ժամ միայն դրույքաչափ 27-ի համար արտաժամյա։

Աշխատանքի տևողություն

Լուսինե․

Բարև ձեզ։ Խնդրում եմ օգնեք հասկանամ՝ խանութը աշխատելու է 08.00-00.00։ Ցանկանում եմ աշխատող գրանցել, բայց չեմ հասկանում՝ ժամայինը ո՞նց պետք է լինի, խնդրում եմ ուղղություն տալ։

Վճարում հավելյալ աշխատանքի համար

Արմեն․

Բարև Ձեզ։ Հերթափոխով աշխատանքի դեպքում, եթե աշխատակացիներից մեկը արձակուրդի մեջ է, մյուս աշխատակիցները ավելի խիտ գրաֆիկով են աշխատում, արդյո՞ք գործատուն պետք է վճարի հավելյալ աշխատանքի համար։ Եթե այո, ապա ինչպե՞ս հաշվարկել։

Աշխատողն աշխատել է 210 ժամ

Հայկուշ.

Եթե հնոցապանը ամսվա ընթացքում աշխատել է 210 ժամ, ինչպե՞ս կարելի է վարձատրել։

Լրացուցիչ պարտականություններ

Ռուզաննա․

Բարև Ձեզ: Կազմակերպությունը ունի բանվորի 0,5 հաստիք զբաղեցնող աշխատակից։ Կարո՞ղ ենք նրա վրա դնել նույն կազմակերպությունում պահնորդի ծառայությունների մատուցման պարտականությունները:

Ժամավճարի դրույքաչափ

Եթե խանութի վաճառողուհին աշխատում է ոչ լրիվ աշխատաժամանակով` շաբաթը 30 ժամ, ժամավճարը կարո՞ղ եմ 450 դրամ գրել։

Ատամնաբուժական գործունեություն

Թ․

Հարգելի հաշվապահներ, Ձեր օգնության կարիքն ունեմ։ Խնդրում եմ պատասխանեք։

1. Ատամնաբուժականի մենեջերի հետ կարո՞ղ եմ կնքել պայմանագիր, աշխատաժամանակը նշեմ ամսվա մեջ 30 ժամ և վարձատրվող մաքուր 500 դրամ + ժամի համար։ Բժշկի հետ կնքել պայմանագիր 30 ժամ մաքուր 1 000 դրամի։ Արդյո՞ք չեմ խախտում նվազագույն աշխատավարձի մասին օրենքի 2.1 կետը։

2․ Եվ հաջորդ հարցը՝ բժիշկը, ով նաև տվյալ ԱՁ է, աշխատում է իր ատամնաբուժարանում, պե՞տք է գրանցել որպես աշխատող։

Աշխատանք համատեղությամբ

Անի․

Բարև Ձեզ։ Ես գիտեմ, որ օրենքը թույլ է տալիս համատեղությամբ աշխատել օրը 12 ժամ (ներառյալ հանգստի ժամերը և ընդմիջումը), բայց նաև շաբաթվա կտրվածքով 48 ժամ։ Այսինքն, ես չե՞մ կարող շաբաթվա մեջ աշխատել 5 օր 12- ական ժամով, քանի որ այն կգերազանցի 48 ժամը և կկազմի 60 ժամ։ Խնդրում եմ նշել` այդ դեպքում ես ինչպիսի՞ պայմանագիր պետք է կնքեմ, որպեսզի հնարավորություն ունենամ աշխատել շաբաթական 60 ժամ երկու տարբեր աշխատավայրերում։ Նախապես շնորհակալ եմ։

Հաշվապահ համատեղությամբ

Գայանե․

Բարև Ձեզ, ես ունեմ էսպիսի մի հարց․ կարո՞ղ եք ինձ օգնել, եթե ես հաշվապահ եմ և լրիվ դրույքով գրանցված եմ կազմակերպությունում, այսինքն շաբաթական 40 ժամ, կարո՞ղ եմ նաև գրանցվել երկու այլ կազմակերպություններում կես-կես դրույքով։

Հարկադիր պարապուրդ

Բարև Ձեզ։

Խնդրում եմ ինձ ասել․ հարկադիր պարապուրդի ընթացքում տնօրենը իրավունք ունի՞ աշխատողին պարտադրել ներկայանալ աշխատանքի և մնալ աշխատավայրում 8 ժամ աշխատանքային գրաֆիկով։

Աշխատաժամանակ գրանցման հայտում

Հայարփի.

Բարև ձեզ, հարգելի հաշվապահներ։ Կօգնե՞ք հասկանալ՝ աշխատողի գրանցման հայտում (Ձև 79) շաբաթական տևողություն դաշտը ոչ լրիվ աշխատաժամանակի դեպքում մոտավոր թի՞վ ենք նշում, քանի որ անհայտ է որ օրը ինչքան կաշխատի ժամավճարով աշխատողը։ Նախապես շնորհակալ եմ։

Վեցօրյա աշխատանքային շաբաթ

Կարինե.

Խնդրում եմ պատասխանեք` կարո՞ղ է արդյոք կազմակերպությունը աշխատել որոշ աշխատողների համար հնգօրյա, մյուսների համար վեցօրյա աշխատանքային շաբաթով, և արդյո՞ք դա չի համարվի հանգստյան օրերին աշխատողներին աշխատանքի ներգրավելու արգելք։ Տեղեկացնեմ նաև, որ աշխատաժամանակի առավելագույն տևողությունը չի անցնում շաբաթվա ընթացքում 48 ժամը:

Ժամավճարով պայմանագիր

Հայարփի.

Հարգելի հաշվապահներ, ինչպե՞ս վարել հաշվառումը ժամավճարով վարձատրվող դասապատրաստողների, եթե ընդունվելուց կնքվում է աշխատանքային պայմանագիր և շաբաթական ժամ ֆիքսվում և նույն ժամը նշվում 79 ձև հայտի մեջ, սակայն ամեն ամիս տարբեր լինում։ Արդյո՞ք սահմանվում է արտաժամյա, եթե տարբերվում է պայմանագրի գրաֆիկից։ Ինչպե՞ս կարգավորել որպեսզի ճիշտ լինի։ Շնորհակալություն

Գրանցման հայտ

Աննա.

Հարգելի հաշվապհներ, եթե աշխատողի գրանցման հայտում նշվել է ոչ լրիվ աշխատաժամանակ, շաբաթական ժամը 12 ժամ, և նշվել համատեղությամբ աշխատանք, սա նորմա՞լ է։

Աշխատաժամանակի տևողություն

Սոնա.

Հարգելի գործընկերներ, ողջույն։ Եթե ունենք հերթափոխային շաբաթական 40 ժամ գրանցված աշխատակից, ով նաև ուզում է ներքին համատեղությամբ այլ հաստիք նույնպես զբաղեցնել, ինչպե՞ս կարող ենք իրականացնել գրանցման գործընթացը, կամ այն հնարավո՞ր է, թե՞ ոչ, քանի որ, ըստ աշխատանքային օրենսգրքի նույն կամ տարբեր գործատուների մոտ համատեղությամբ կարող է օրական 12 ժամ աշխատել։ Կանխավ շնորհակալ եմ։

Աշխատաժամանակի փոփոխություն

Գոհար.

Բարև ձեզ, հարգելի հաշվապահներ։ Եթե աշխատողի աշխատաժամանակը լրիվ դրույքից դարձնենք կես, ինչպե՞ս կատարեմ այդ փոփոխությունը։

Շրջհարկով աշխատող Ա/Ձ հարկեր

Մարի.

Բարև Ձեզ։ Եթե սեպտեմբերի 1-ից աշպատողի աշխատաժամը 1 ժամով կրճատել ենք, կարո՞ղ եմ արդյոք հայտը ուղարկել մինչև հոկտեմբերի 20-ը:
2. Եթե գրանցվել եմ Ա/Ձ՝ շրջանառության հարկով աշխատող, և դեռ օգոստոսից ոչ մի գործունեություն չեմ իրականացրել, պե՞տք է արդյոք 5 000 եկամտայինն ու սոցը ամսական վճարել, թե՞ տարեկան էլ կարող եմ վճարել։ Պարզապես գործունեություն չիրականացրած ամիսների համար չվճարեմ: Եվ պե՞տք է արդյոք նոյեմբերի 20-ին ուղարկեմ զրոյական հաշվետվություն:
Կանխավ շնորհակալություն

Աշխատանք համատեղությամբ

Արմինե.

Բարև Ձեզ։ Խնդրում եմ պարզաբանել՝ հնարավո՞ր է արդյոք, աշխատողը հիմնական աշխատավայրում աշխատի 4 ժամ/օր, իսկ համատեղությամբ մեկ այլ գործատուի մոտ՝ 8 ժամ/օր։ Այսինքն՝ չգերազանցի 12-ժամյա օրական տևողությունը։ Խնդրում եմ նաև ԱՕ կանոնակարգող հոդվածի համարն էլ հուշեք։ Շնորհակալություն։

Նվազեցում շրջանառության հարկից

Գոհար.

Բարև ձեզ, հարգելի հաշվապահներ։
1. Կարո՞ղ եմ հիմնադիր տնօրենի աշխատավարձը եկամտայինի հաշվետվության մեջ լրացնեմ 68 000դր և քանի՞ ժամ լրացնեմ շաբաթական աշխատանքային ժամը։
2. Հարգելի հաշվապահներ, արդյո՞ք միկրոձեռնարկատիրոջ կողմից դուրս գրվող հաշվարկային փաստաթուղթը հիմա կարո՞ղ եմ շրջհարկով գործող բանջարեղենի խանութի ծախսերում ընդգրկեմ։

Վերջնահաշվարկ

2020թ․ հունվարի 8-ից մինչև 2022 սեպտեմբերի 01-ը աշխատակիցն աշխատելէ ՏՏ ոլորտի արտոնագրով աշխատող ՍՊԸ-ում՝ 5-օրյա գրաֆիկով, սկզբում ոչ լրիվ աշխ․ժամանակով, վերջին մեկ տարուց ավելին նորմալ տևողությամբ։ Այս ընթացքում երբևէ արձակուրդ չի գնացել։ Ինչպե՞ս է հաշվարկվում վերջնահաշվարկը այս դեպքում։ Նշեմ նաև, որ ոչ լրիվ աշխ․ժամանակով աշխատելիս, զուգահեռաբար աշխատել է մեկ այլ ՍՊԸ-ում նույնպես ոչ լրիվ աշխ․ժամանակով։ Չօգտագործված արձակուրդային օրերն ինչպե՞ս են հաշվարկվում ոչ լրիվ աշխատաժամանակի դեպքում։

Աշխատաժամանակի հաշվարկ

Կարինե2.

Բարև Ձեզ։ Խնդրում եմ ասեք՝ դպրոցում ուսուցչի աշխատաժամանակի հաշվարկը ըստ աղյուսակի ո՞վ է հաշվում և ո՞վ է պատասխանատու։

Աշխատանք համատեղությամբ

Արտյոմ.

Բարև Ձեզ։ Պետք է ընդունենք մաքրուհի, աշխատելու է ամեն օր 1 ժամ, ստանալու է ամսական 10 000 դրամ աշխատավարձ։ Միաժամանակ ինքը աշխատում է մի քանի տեղերում նման գրաֆիկով։ Հարց․ ինչպե՞ս ձևակերպել, քանի՞ ժամ նշել տեղեկագրում և ինչպե՞ս վարձատրել։ Շնորհակալություն։

Աշխատանք համատեղությամբ

Անահիտ.

Բարև Ձեզ։ Եթե աշխատակիցը մեկ այլ տեղ անցել է աշխատանքի ոչ լրիվ աշխատաժամանակով, իսկ հիմնական աշխատավայրում լրիվից դարձել է ոչ լրիվ աշխատաժամանակով աշխատող, գրանցման հայտում հիմնական աշխատավայրի համար պե՞տք է նշել համատեղությամբ՝ այո, թե՞ մնա՝ ոչ։

Աշխատաժամանակի հետ կապված

Ալլա.

Բարև ձեզ։ Կես դրույքով դպրոցում աշխատողը քանի՞ ժամ պետք է մնա դպրոցում (ուսուցչի օգնական)։ Աշխատավարձը 34 հազար դրամ է։

Եթե աշխատողի հաստիքը կրճատվել է

Արմինե.

Բարև ձեզ, հարգելիներս։ Մի հարց ունեմ. եթե աշխատողի հաստիքը կրճատվել է և նա օգոստոսի 1-ից չի աշխատում, նրան արձակման նպաստ և վերջնահաշվարկ հասնու՞մ է՝ 2֊ը միասին։
2. Կասե՞ք՝ 0,625 և 0,75 դրույքի աշխատաժամանակը 9 ժամային աշխատանքի դեպքում, աշխատանքը քանիսի՞ն է ավարտվում։
Նախապես շնորհակալություն։

Նվազագույն աշխատավարձ

Նարե․

Բարև ձեզ։ Մեկ հարց․ եթե 20ժ է գրանցված՝ շաբաթական, նվազագույնը ինչքա՞ն պետք է լինի գրանցված աշխատավարձը, շրջանառության համակարգով ենք աշխատում: 47 000 լինի նորմա՞լ է։

Աշխատաժամանակի կրճատում

Ռուզաննա.

Բարև ձեզ։ Եթե աշխատողը դիմում է ներկայացրել իր աշխատաժամանակը կրճատելու վերաբերյալ, ապա աշխատանքային օրենսգրքի ո՞ր հոդվածով կարելի է այդ փոփոխությունը հիմնավորել։

Աշխատանք համատեղությամբ

Անահիտ Ղարիբյան.

Բարև Ձեզ։ Կասեք՝ հաշվապահները կարո՞ղ են աշխատել մի քանի դպրոց ր մանկապարտեզում՝ համատեղելով, գերազանցելով 12 ժամը՝ օրական։ Շնորհակալություն։

Աշխատաժամանակի նորմալ տևողություն

Աննա.

Քանի՞ ժամն է համարվում լրիվ աշխատանքային ժամ՝ 8-12ժամ, թե՞ 24, եթե միջին աշխատավարձը սահմանված է 68 000 ՀՀ դրամ։

Գիշերային աշխատավարձ

Հայկուշ․

Հերթափոխի պահակի գիշերային հաշվարկը կատարելիս հաստիքը բաժանում ենք 173.6, որպեսզի ստանանք 1 ժամվա արժեքը։ Արդյոք ճի՞շտ ենք հաշվարկում, ո՞ր որենքով է կարգավորում այդ հոդվածը։ Խնդրում եմ պարզաբանել։

Աշխատաժամանակի տևողություն

Աննա.

Բարև ձեզ։ Ո՞ր դեպքերում է կարելի սահմանել 40 ժամից ավել աշխատաժամանակ։ Եվ հավելյալ աշխատած ժամերի համար ինչպե՞ս է կատարվում վճարումը։

Աշխատանք համատեղությամբ

Շուշան Դարբինյան.

Կարո՞ղ է արդյոք աշխատողը համատեղությամբ աշխատել 18-ից մինչև հաջորդ օրվա ժամը 18-ը, ժամը 24-ից մինչև հաջորդ օրը ժամը 24-ը։ Շնորհակալություն։

Փոխտնօրենի ժամային դրույքաչափ

Ռուզաննա․

Բարև Ձեզ։ Խնդրում եմ պատրաստել՝ արդյո՞ք փոխտնօրենը կարող է աշխատել կես դրույքաչափով, օրը 4 ժամ, համատեղության կարգով։
Կանխավ շնորհակալ եմ։

Քանի՞ ժամ պետք է աշխատի բուժքույրը

Սեդա․

Բարև ձեզ։ Կարո՞ղ եք ասել՝ մանկապարտեզի բուժքույրը քանի՞ ժամ պետք է աշխատի, եթե դրույքաչափը 0,75 է, մանկապարտեզն աշխատում է 8 ժամ։

Դրոշմանիշային վճար

Սոֆա․

Բարև Ձեզ։ Մի հարց՝ եթե աշխատողը գրանցված է ոչ լրիվ դրույքով, աշխատավարձը եկամտային հարկի հաշվարկում 60 000 է, մաքուր աշխատավարձը հուլիսի 1-ից, որ փոխանցեմ, 1 500 դրոշմանիշային վճարը պիտի հանե՞մ:
Շնորհակալ եմ։

Ժամային դրույքաչափ

Անուշ.

Բարև Ձեզ: Խնդրում եմ պատասխանեք հետևյալ հարցին․ որքա՞ն է կազմում ներկայում գործող ժամավճարային դրույքաչափը։ Շնորհակալություն։

Աշխատաժամանակի ամրագրում

Արմինե.

Հարգելի մասնագետներ, խնդրում եմ ինձ օգնել հետևյալ հարցում. անվտանգության աշխատակցի հետ աշխատանքային պայմանագիր կնքելիս, աշխատանքային ժամերը ինչպե՞ս ամրագրել, եթե աշխատելու է տարբեր հերթափոխային գրաֆիկներով, օրինակ՝ 2 օր ցերեկային՝ 09:00-21:00, 2 օր գիշերային՝ 21:00-09:00, կամ օրը մեջ գիշերային՝ 21:00-09:00, հաշվի առնելով այն հանգամանքը, որ 8-ժամյա աշխատակիցների համար աշխատաժամերը ամրագրելը ավելի հստակ է երևում /օրինակ՝ հնգօրյա է նշվում և շաբաթական 40 ժամ/, իսկ հերթափոխային աշխատակցինը ինչպե՞ս պարզ հասկանալի կերևա, քանի որ շաբաթական կազմելու է 36 ժամ կամ 48 ժամ: Խնդրում եմ, կարո՞ղ եք ձևակերպումը շարադրել: Կանխավ շնորհակալություն: