Tag: աշխատավարձ

Աշխատողի աշխատավարձը փոփոխվել է

Հայկ․

Բարև ձեզ: Աշխատողի աշխատավարձը փոփոխվել է փետրվարի 11-ից՝ կապված աշխ. պայմանների փոփոխության հետ: Այս դեպքում ճի՞շտ է փետրվար ամսվա աշխատավարձի հետևյալ հաշվարկը. մինչև փետրվարի 11-ը աշխատած օրերի համար՝ հին աշխատավարձը բաժանել փետրվարի աշխ. օրերի վրա և բազմապատկել աշխատած օրերի քանակ: Իսկ փետրվարի 11-ից հետո նույն կերպ հաշվել նոր աշխատավարձով: Եվ գումարել իրար։

Դրոշմանիշային վճար

Տաթևիկ․

Հարգելի գործընկերներ, եթե աշխատողը աշխատում է ժամավճարով՝ 1 ժամը 1 000 դրամ (ներառյալ հարկերը), ու՞մից պետք պահվի դրոշմանիշային վճարը։

Աշխատավարձի ավանսի ձևակերպումներ

Նելլի․

Բարև Ձեզ։ Խնդրում եմ օգնել ինձ տալ աշխատավարձի ավանսի ճիշտ ձևակերպումները։

Աշխատավարձի փոխանցում բիզնես քարտին

Սուսաննա․

Բարև Ձեզ: Խնդրում եմ պատասխանել մի հարցիս: ՍՊԸ-ն բացելիս բանկում 2 հաշվեհամար են տվել, որից մեկը ընթացիկ հաշիվ, որը բացված է տնօրենի անունով, ու տվել են տնօրենին այդ հաշվեհամարի բիզնես քարտը: Հիմա կարո՞ղ եմ այդ հաշվեհամարին տնօրենի աշխատավարձը փոխանցել, թե՞ դա ՍՊԸ-ինն է, և տնօրենը պետք է իր համար առանձին հաշվեհամար բացի։

Փոխառության տրամադրում ՍՊԸ-ին

Էդուարդ․

Ողջույն։ Նորաբաց ՍՊԸ է, գրանցման ամսաթիվ 20.02.24, կանոնադրական կապիտալ 3դր: Միակ հիմնադիրն ու գործադիր տնօրենը ես եմ, տնօրենի աշխատանքային գրանցումը 21.02.24, շաբաթական աշխատաժամանակը 6 ժամ: Գործունեություն և եկամուտ դեռևս չկա: Փետրվարի համար պետք է տամ ինձ 9 օրվա աշխատավարձ, աշխատավարձը պետք է տամ` ՍՊԸ-ին փոխառություն տալով: Օգնեք հասկանալ ողջ գործընթացը:

Հարց 1․ ո՞նց եմ իրականացնելու փոխառությունը
Հարց 2․ ո՞նց և նվազագույնը ինչքա՞ն գումար կարող եմ փոխանցել ինձ որպես աշխատավարձ Հարց 3․ ո՞նց և ե՞րբ եմ կատարելու փոխանցված աշխատավարձի համար հարկերի վճարումը (եկամտային հարկ, սոցիալական վճար և դրոշմանիշային վճար)

Հիմնադրամի տնօրենի համար գրանցման հայտ չի ներկայացվել

Իլոնա․

Բարև Ձեզ, հարգելի կոլլեգաներ, հարցս վերաբերվում է հիմնադրամներին: Հիմնադրամը գրանցվել է 2023թ նոյեմբերին, գործնեություն չի ծավալել, աշխատող չի ունեցել։ Միայն տնօրենը պետ. ռեգիստրում նշված էր 22.11.2024թ: Փաստացի գործնեությունը սկսել է հունվարից 2024թ., ոչ մի հաշվետվություն դեռ չկա հանձնված: Կասե՞ք՝ որտեղի՞ց սկսել , և արդյո՞ք տնօրենի համար աշխատողի հայտ չներկայացնելը խնդիր է լինելու: Նշեմ նաև, որ այդ ամիսների համար աշխատավարձ չի ստացել տնօրենը ու չի ստանալու:

Աշխատանքային պայմանների փոփոխություն

Մայիս․

Բարև Ձեզ:

1․ Ընկերությունն ունի աշխատակից, ով այս պահին ծնողական արձակուրդում է (2 տարի), ով նախատեսում է վերականգնվել սեպտեմբերի 1-ին: Նրա վերջին պայմանագրով ամբողջ դրույքի համար իր աշխատավարձը եղել է 250 000 ՀՀ դրամ: Վերջին տարվա ընթացքում Ընկերության աշխատավարձերի սանդղակը փոփոխվել է, և իր դիպլոմի և փորձի պայմաններում աշխատավարձը նոր հաշվարկով պետք է նվազի: Արդյո՞ք կարող է աշխատակցին առաջարկվել ավելի վատ աշխատանքային պայմաններ, ծնողական արձակուրդից վերադառնալու պարագայում, եթե աշխատանքային օրենսգրքով պահանջվում է պահպանել հաստիքը և նույն պայմանները:

2․ Ո՞ր դեպքերում Գործատուն կարող Աշխատողին ազատել աշխատանքից Աշխատանքային օրենսգրքի 111-րդ հոդվածի հիմքով։

Աշխատանքից ազատում ԱՕ 113-րդ հոդվածի 1-ին մասի 5-րդ կետի հիմքով

Հայկ․

Բարև Ձեզ: Գործատուն ցանկանում է աշխատողին ազատել ԱՕ 113-րդ հոդվածի 1-ին մասի 5-րդ կետի հիմքով, այսինքն աշխատանքային պարտականությունները թերի կատարելու համար:

Հարց 1. Ծանուցումը քանի՞ օր առաջ պետք է ուղարկել:

Հարց 2. եթե աշխատողը հրաժարվում է առձեռն ստորագրել ծանուցումը, ապա փոստային առաքումով ուղարկելը բավարար հի՞մք է ազատելու համար:

Հարց 3. եթե աշխատողը այլևս չի ներկայանում աշխատանքի, ապա այդ օրերի համար աշխատավարձի հաշվարկ չի՞ կատարվում:

Տնօրենը օտարերկրացի է

Եվա․

Կասե՞ք՝ եթե կազմակերպության տնօրենը Վրաստանի քաղաքացի է, ինչպե՞ս պետք է գրանցել, և ի՞նչ հարկեր է վճարելու։

Փոխարինող աշխատողի աշխատավարձ

Մայիս․

Բարև Ձեզ: Այսպիսի իրավիճակ. Անձը բուժաշխատող է և յուրաքանչյուր ամիս վերցնում է 8 հերթափոխ: Անհրաժեշտություն է առաջացել բացակայող ցերեկային աշխատողին փոխարինելու և, Աշխատողը իր 8 հերթափոխի փոխարեն վերցնում է 4 հերթափոխ և 1 ամիս փոխարինում է ցերեկային աշխատողին: Սակայն երբ գալիս է աշխատավարձ ստանալու ժամանակը, Աշխատողին հայտնում են, որ նա ստանալու է աշխատավարձ միայն 4 հերթափոխի համար, իսկ փոխարինելու համար աշխատավարձ չի տրամադրվում: Հարց՝ ո՞ր նորմով է կարգավորվում արձակուրդ գնացած աշխատողի փոխարեն վերջինիս փոխարինող աշխատողի աշխատավարձ ստանալու կարգը:

Աշխատակիցը ունենում է ուշացումներ

Սոնա․

Բարև բոլորին։ Խնդրում եմ օգնեք։ Ինչպե՞ս կարող եմ վարվել աշխատանքից պարբերաբար ուշացող աշխատակցի հետ, որպես կարգի հրավիրելու մեթոդ կարո՞ղ եմ պահում անել աշխատավարձից, և դա ինչպե՞ս պետք է կազմակերպեմ օրենքով։

Դրոշմանիշային վճար

Ժասմեն․

Ժամավճարով աշխատող դասախոսի դեկտեմբերի աշխատավարձը կազմում է 655 դրամ: Ո՞վ է վճարելու դրոշմանիշային վճարը:

Հերթափոխով աշխատող պահակ

Լիլի․

Բարև Ձեզ: Խնդրում եմ օգնել հետևյալ հարցում․

Հանրակրթական դպրոցում հերթափոխով աշխատող պահակը տոնական օրերին արդյո՞ք կրկնակի պետք է վարձատրվի, և եթե այո, ապա հաշվարկն ինչպե՞ս է արվում։ Տոնական ժամերի մեջ կան նաև գիշերային ժամեր, որի համար 30 տոկոս է տրվում հավելում: Շնորհակալություն:

ՏՏ ոլորտի նորաստեղծ ԱՁ

Նարինե․

Հարգելի հաշվապահներ, ՏՏ ոլորտի նորաստեղծ ԱՁ-ն շրջանառության հարկի ոլորտում է: Պետք է ծառայություն մատուցի արտասահմանում գնտվող ՀՀ քաղաքացու: Համագործակցությունն կարող է կրել շարունակական բնույթ, այսինքն աշխատավարձի պես ամեն ամիս ֆիքսված գումար փոխանցվի ՀՀ-ից:

Այս դեպքում հաշիվ վավերագիր դուրս գրելն պատվիրատու ֆիզ. անձի անձնագրային տվյալներով բավարա՞ր է: Արդյո՞ք պայմանագիր էլ է պետք: Քանի որ թղթային ստորագելու տարբերակ չկա, ինպե՞ս կարելի է կնքել:

Հավելավճարները հաշվի առնվու՞մ են արձակուրդային հաշվարկելիս

Կարեն․

Բարև Ձեզ։ Խնդրում եմ ասեք՝ արդյո՞ք նախկինում ամեն ամիս ստացված հավելավճարները հաշվի են առնվում արձակուրդայինի գումարը հաշվարկելիս։

Հավելավճար գիտական աստիճանի համար

Արմեն․

Գիտական աստիճանի համար տրվող հավելավճարը արդյո՞ք հարկվում է, եթե այո, ապա ի՞նչ կարգով։

Եկամտային հարկի զրոյական հաշվարկ

Արեգա․

Բարև Ձեզ, Խնդրում եմ ինձ ուղղություն ցույց տվեք։

Ունեմ այսպիսի հարց․ ընկերությունը զբաղվում է արտադրանքի վերամշակմամբ և միայն պատրաստի արտադրանքի արտահանմամբ: Դեկտեմբեր ամսին ընկերությունը արտահանում չի ունեցել, հետևաբար արտադրամասի աշխատողները չեն աշխատել:

Հարց 1. կարո՞ղ եմ եկամտային հարկի հաշվետվության մեջ արտադրամասի աշխատողներից յուրաքանչյուրի Աշխատավարձ և դրան հավասարեցված այլ վճարումներ [1.6] տողում գրել -0, իսկ Փաստացի աշխատած ժամեր [1.15] տողում՝ գրել-0:

Եթե ոչ, ապա ինչպե՞ս վարվեմ: Խնդրում եմ ինձ շտապ օգնեք: Կանխավ շնորհակալություն։

Նորաբաց ՍՊԸ

Միքայել․

Բարև Ձեզ, հարգելի գործընկերներ։ Խնդրում եմ օգնել հետեվյալ հարցերում․

• ՍՊԸ գրանցելու օրը կնքելու եմ պայմանագիր տնօրենի հետ։ Հարց – պարտավո՞ր է արդյոք ՍՊԸ-ն պաշտոնապես տեղեկացնել որևէ պետական մարմնին տնօրենին աշխատանքի վերցնելու փաստի մասին։ Եթե այո, խնդրում եմ հուշել՝ ի՞նչ պետք է անել

• Որտե՞ղ պետք է ընտրել հարկման տարբերակը – ԱԱՀ վճարող և այլն

• Ի՞նչ հաշվետվություն է պետք հանձնել։ Մոտակա երեք ամիսը գործունէություն չի ծավալվելու, լինելու է միայն տնօրենի աշխատավարձ և հարկեր

Փոխառության մարում աշխատավարձի հաշվին

Մելինե․

Բարև ձեզ։ Հիմնադիր տնօրենին տրված փոխառությունը կարելի՞ է մարել նաև աշխատավարձի հաշվին։ Ի՞նչ ձևակերպում տալ։

Պարգևավճար

Արմենուհի․

Բարև Ձեզ։

Աշխատողին պարգևավճար տալու դեպքում վերջինս գումարվու՞մ է աշխատավարձին և նոր են հարկերը պահվում։

Կանխավ շնորհակալություն։

Как рассчитать среднюю зарплату?

Екатерина.

Здравствуйте. Новый сотрудник отработал 8 месяцев и ушел на больничный. До нас он больше нигде не работал (закончил учиться в университете). Как рассчитать среднюю зарплату для больничного, если стаж меньше 12 месяцев?

Աշխատողի համար նորից պետք է մայրության նպաստ հաշվել

Արմին․

Բարև Ձեզ, խնդրում եմ օգնել հետևյալ հարցում․

Ա/Ձ-ն աշխատում է միկրոյով։ Վարձու աշխատողը մինչև երեք տարեկան երեխայի խնամքի արձակուրդ է գնացել 2022 թվականի հուլիսից (տվյալ ժամանակահատվածում մայրության նպաստը հաշվարկվել է հաշվի առնելով միկրոյի համար սահմանված աշխատավարձից պահվող 5 000 դրամ եկամտային հարկը)։ Այժմ վարձու աշխատողի համար նորից պետք է մայրության նպաստ հաշվել, իսկ աշխատավարձից պահվում է 20% եկամտային հարկ։ Ինչպե՞ս հաշվարկեմ մարյության նպաստը (ֆիզից ֆիզը): Արդյո՞ք որպես միջին աշխատավարձ պետք է հիմք ընդունեմ 78 020 ՀՀ դրամը (խնամքի արձակուրդն սկսվելու ամսվան նախորդող ամսին աշխատանքային պայմանագրով սահմանված հիմնական աշխատավարձը):

Շնորհակալություն։

Աշխատավարձը որոշելու ձևը

Հայկ․

Բարև Ձեզ: Աշխատանքային օրենսգրքով պահանջվում է աշխատանքային պայմանագրում նշել աշխատավարձը որոշելու ձևը: Կարելի՞ է օրինակ սահմանել ամսական դրույքաչափ 80 000 դրամ (պահումներից հետո 60 000 ) այն դեպքում, երբ շաբաթական աշխատաժամանակի տևողությունը 12 ժամ է: Խախտում կդիտվի՞: Ժամավճար չեմ ուզում սահմանել, քանի որ ամեն ամիս տարբեր մեծություններ կստացվի: Կխնդրեմ ուղղորդել: Շնորհակալություն։

Ուսուցիչը ներկայացրել է հիվանդաթերթիկ

Լամարա․

Բարև ձեզ։ Խնդրում եմ պատասխանել։

Ուսուցիչը գնացել է մայրության արձակուրդ 140 օրով։ Նոր ուսուցիչ ընդունեցինք (ժամանակավոր, փոխարինող)։ Ոչ մի օր չհասցրեց գալ աշխատանքի։ Հիվանդանոց գնաց, վիրահատություն, բուժումներ։ Բերել է հիվանդանոցից թերթիկ։ Ի՞նչ անել 🤔🤷 Եթե դրույքի միջինով վճարեմ, ճիշտ կլինի՞։ Բայց քանի որ փոխարինող է՝ կասկածում եմ։ Օգնեք։

Գործակալության գործունեություն

Հակոբ․

Բարև ձեզ։ Ես ցանկանում եմ գործակալություն բացել բայց որպես ՓԲԸ, ի՞նչ է անհրաժեշտ, և ՓԲԸ ունենալու դեպքում ի՞նչ հարկային պարտավորություններ են առաջանում։ Լիցենզիա որպես այդպիսին հարկավո՞ր է գործունեությամբ զբաղվելու համար, թե՞ ոչ։ Եվ աշխատողնեիր համար ի՞նչ հարկային պարտավորություններ եմ ես կրելու։ Շնորհակալություն։

Պարգևավճար չվճարվող արձակուրդում գտնվելիս

Արմեն․

Բարև Ձեզ, ես երկու հարց ունեմ․

1․ Աշխատակիցը կարո՞ղ է չվճարվող արձակուրդում գտնվելու ընթացքում ստանալ պարգևավճար։

2․ Աշխատակցի հարգելի բացակայության օրերը վճարվու՞մ են, թե՞ ոչ։

Աշխատավարձը չի փոխանցվել

Նարին․

Բարև Ձեզ: Որպես աշխատող սեպտեմբերի կեսին գրանցած ֆիրմայում պետռեգիստր գրանցման հաջորդ օրը գրանցել ենք նաև աշխատող միայն տնօրեն, ոչ լրիվ աշխատաժամանակ շաբաթական 10 ժամ ՝ օրական 2 ժամ, ժամը 1 000դրամ: Տնօրենի հաշվետվությունը եկամտայինի մասով հոկտեմբերին տրվել է, հարկը վճարվել, բայց աշխատավարձի փոխանցում քարտին չի եղել, ինչպե՞ս կարող եմ շտկել խնդիրը։ Արդյո՞ք հնարավոր է սեպտեմբեր և հոկտեմբեր ամսվանը նշել բանկային փոխանցման մեջ, որպեսզի ճիշտ լինի։

Նպաստը ավել է վճարվել

Արփինե․

Բարև ձեզ: Հարգելիներս, խնդրում եմ կօգնե՞ք։ Աշխատողը 3 տարի խնամքի արձակուրդից հետո 9 ամիս աշխատելուց հետո նորից գնում է ֆիզ․ արձակուրդ, մայրության և ծննդաբերության նպաստը հաշվարկելիս միջին աշխատավարձի հաշվարկի մեջ ներառվել են նաև ֆիզ․ արձակուրդի գնալուն նախորդող ամսվա աշխատավարձը 3 տարեկան երեխայի խնամքի արձակուրդին նախորդող ամիսվա փոխարեն։ Որոնք եղել են տարբեր։ Որի արդյունքում հաշվարկված նպաստի չափը ավել է ստացվել, բայց նպաստը արդեն փոխանցվել է նպաստառուին: Ինչպե՞ս վարվել։ Արդյո՞ք պետք է կատարել վերահաշվարկ և գումարի ետպահում կատարել տվյալ անձի արձակուրդայինի հաշվարկից։ Նշեմ նաև, որ ֆիզ․ արձակուրդի ավարտից հետո նա պետք է օգտվի իրեն հասանելիք ամենամյա արձակուրդից։ Ինչպե՞ս է կատարվելու ավել վճարված գումարի ետգանձման ընթացակարգը ըստ հերթականության։

Գրանցման հայտ փորձաշրջանի դեպքում

Բարև ձեզ։

Եթե քաղաքացին ընդունվում է աշխատանքի և փորձաշրջան պետք է անցնի, արդյո՞ք պետք է նրա համար գրանցման հայտ լրացվի հարկայինում, և արդյո՞ք վարձատրվում է, եթե այո, ապա ինչպես է վարձատրվում:

Ֆիզիկական անձանց տարեկան եկամուտների հայտարարագիր

Ջուլիա․

Բարի օր։ Ֆիզիկական անձանց տարեկան եկամուտների հայտարարագրման հետ կապված․

1․ Հաշվետվության ձևը 163՞-ն Է

2. 2023-ի համար ներկայացնելու են բոլորը, ովքեր կազմակերպությունների 20 և ավել %-ի բաժնետե՞ր են (փաստորեն բոլոր նրանք, ում համար պետ․ ռեգիստր ներկայացրեցինք իրական շահառուի հայտարարագիր)

3. Ներկայացնելու՞ են բոլոր նրանք, ովքեր 20 մլն և ավել փոխառություն են ստացել, բայց ոչ թե այդ փոխառության գումարը, այլ հարկվող եկամուտները՝ աշխատավարձ, շահաբաժին․.., որոնք արդեն իսկ արտացոլված են ամսական եկամտայինի հաշվարկում

4․ Եթե ստացել են օրինակ 25 մլն փոխառություն, բայց մինչև 2023-ի վերջ ամբողջությամբ կամ մասամբ մարել են, ենթադրենք մնացորդը 0 կամ 5մլն է, էլի՞ ներկայացնելու են

Աշխատավարձի ուշացում

Սոֆյա․

Հարգելի հաշվապահներ, կազմակերպության աշխատակիցների աշխատավարձերի մասով հարկերի վճարումները և եկամտային հաշվետվությունները կատարվել են ժամանակին, սակայն աշխատակիցների աշխատավարձերը ուշացրել ենք երեք ամսով՝ պայմանավորված գրանտային ծրագրով ուշ փոխանցումներին: Ասացեք խնդրեմ՝ ի՞նչ խնդիր կառաջանա, եթե աշխատավարձերը ուշ փոխանցենք և ուշացման համար տույժեր չհաշվենք: Ի դեպ՝ ուշացված աշխատավարձի մասով պայմանագրում էլ չունենք նշված:

ՀԿ նախագահի վարձատրություն

Տիգրան․

Բարև Ձեզ, հարգելի հաշվապահներ։ “Կամավոր աշխատանքի մասին” օրենքի հետ կապված երկու հարց ունեմ։

1․ ՀԿ-ի նախագահը չի վարձատրվում։ Պե՞տք է կնքել նրա հետ կամավոր աշխատանքի մասին պայմանագիր , թե՞ չէ։

2․ ՀԿ-ի հիմնադիր-անդամը կատարում է ՀԿ-ի գրասենյակային աշխատանքները և նույնպես չի վարձատրվում։ Պե՞տք է նրա հետ կնքել կամավոր աշխատանքի մասին պայմանագիր, թե՞ չէ։

ՀԿ-ի նախագահը կարո՞ղ է վարձատրություն չստանալ, թե՞ պարտականությունները կատարելու համար պետք է անպայման վարձատրվի։

Արձակուրդի օրերը ավել են տրամադրվել

Լարիսա․

Ողջույն: Աշխատակիցն ազատվել է աշխատանքից, սակայն վերջնահաշվարկի ժամանակ պարզվել է, որ իրեն տրամադրված վճարովի արձակուրդային օրերը տրամադրվել են հասանելիք օրերի քանակից ավել, և վերջինս պարտք է գործատուին: Տեղյակ ենք, որ գանձման ընթացակարգը սահմանված է 213 հոդվածով, սակայն մեզ անհասկանալի է 214 հոդվածը։ Եթե հնարավոր է՝ խնդրում եմ պարզաբանել, նաև կուզեմ իմանալ ՀԾ ծրագրով ձևակերպման կարգը։ Կանխավ շնորհակալություն:

Դրոշմանիշային վճար

Աննա․

Շրջ․ հարկով աշխատող ԱՁ-ն, որի շրջանառությունը կազմել է 6-12 մլն, դրոշմանիշային վճար որքա՞ն պետք է վճարի՝ 102.000 դրա՞մ (խնդրում եմ ուղարկել օրենքից հղում), բայց արդեն մինչև 2024 թվականի ապրիլի 20-ը՞։ Ինչպես նաև՝ եթե ունի գրանցված աշխատակից 104.000 դրամ աշխատավարձով ( պահումները չհանված), ապա ամսական 3000 դրամ և՞ս պետք է վճարել աշխատողի համար որպես դրոշմանիշային վճար։

Արձակման նպաստի հաշվարկ

Սոնա․

Բարև ձեզ։ Կարո՞ղ եք ասել՝ արձակման նպաստը ինչպե՞ս հաշվեմ, մաքուր աշխատավարձի միջին օրականո՞վ, թե՞ հաշվարկայինով։

Նպաստ և վերջնահաշվարկ

Լամարա․

Բարի երեկո։ Խնդրում եմ պատասխանել։ Աշխատողը նոր է ընդունվել։ 4 աշխատանքային օր է եկել աշխատանքի և բերել է հիվանդության թերթիկ 15 աշխատանքային օր, ապա ազատվել աշխատանքից։ 4 օրվա համար հաշվարկվել է 9 100 դրամ աշխատավարձ (կեղտոտ)։ Ինչպե՞ս հաշվել նպաստը։ Հասնու՞մ է վերջնահաշվարկ (4 օրվա համար)։ Ու դա ինչպե՞ս հաշվել։

Աշխատավարձի կապիտալացում

Ժաննա․

Բարև Ձեզ, հարգելի հաշվապահներ։ Ասացեք խնդրեմ՝ արդյո՞ք հնարավոր է ծրագրավորողների աշխատավաձի ծախսերը կապիտալացնել նրանց ստեղծած ծրագրի վրա, որպես ոչ նյութական ակտիվ, և եթե այո, ապա հաշվապահական ձևակերպումները ինչպե՞ս տալ։ Շնորհակալություն։

Միջին աշխատավարձի հաշվարկ վերջնահաշվարկի համար

Քրիստինե․

Բարև բոլորին։ Աշխատողին վերջնահաշվարկ վճարելու համար կատարել ենք հաշվարկ, որտեղ միջին ամսականը կազմել է 53 000 դրամ։ Հաշվարկը կատարելու ենք ա՞յս թվով, թե՞ նվազագույն աշխատավարձի չափով՝ 104 000 դրամով։ Եվ ո՞ր օրենքի ո՞ր կետում է դա նշված, եթե միջին ամսականը փոքր է նվազագույն աշխատավարձից, ապա հաշվել նվազագույն աշխատավարձի չափով։ Շնորհակալ եմ։

Աշխատավարձը սխալ է վճարվել

Էլինա․

Հարգելի հաշվապահներ, խնդրում եմ օգնեք։ Խնդիրը հետևյալն է ՝ աշխատողի համար 2020 թվականին հանձնվել էր 206 857 անվանական աշխատավարձ , եկամտային հարկը 10 տոկոս ՝ 20 685 ։ 2023-ին պարզվում է, որ պիտի հարկվեր 23 տոկոս։ Լրացուցիչ ստուգելուց պարզվում է, որ աշխատավարձը 2020-ին պիտի հանձնվեր 148 993՝ 206 857-ի փոխարեն ։ Իրավունք չունեմ պակաս ցույց տալու, քանի որ 3 տարին անցել է։

Ինչպե՞ս պիտի ցույց տամ ՀԾ-ում հարկային պարտավորության ավելացում 2020 թվականի համար 2023 թվականին։ Արդյո՞ք պիտի գնամ հետ և ուղղեմ 2020 թվականի գրանցումները, թե կա ինչ-որ թղթակցություն, ըստ որի նախորդ ժամանակաշրջանի ճշտում է կարելի կատարել 2023ի մեջ ։ Կանխավ շնորհակալ եմ։

Նվազագույն աշխատավարձ

Լուսինե․

Բարև ձեզ, խնդրում եմ պատասխանեք հետևյալ հարցիս․ աշխատակիցն ամեն ամիս աշխատում է 96 ժամ, աշխատավարձը ֆիքսված 90 000 դրամ է: Սա նորմա՞լ է, թե՞ չի պահպանվում մինիմալ աշխատավարձի չափը։

Վերջնահաշվարկ

Արմինե․

Բարև Ձեզ, խնդրում եմ օգնել հետևյալ հարցով.

Աշխատակիցը, որը գտնվում էր մինչև երեք տարեկան երեխայի խնամքի արձակուրդում, արձակուրդը լրանալուց իր դիմումի համաձայն ազատվել է աշխատանքից։ Ինչպե՞ս հաշվել վերջնահաշվարկ, ո՞ր աշխատավարձը վերցնել մինջին աշխավարձը հաշվելիս։

Վարսավիրական գործունեություն

Հերմինե․

Բարև Ձեզ։ Խնդրում եմ օգնել։ Եթե վարսավիրանոցում աշխատում են նաև տարբեր ոլորտի աշխատողներ, նրանց դեպքում ի՞նչ աշխատավարձ պետք է սահմանվի, և ի՞նչ հարկեր պետք է պահվեն, և պետք է վճարումը կանխիկ կարո՞ղ է կատարվել։ Վարսավիրանոցը գործում է մարզում։

Շնորհակալություն։

Ընկերությունը ունի իրանցի աշխատակից

Կարեն․

Բարև Ձեզ։ Ընկերությունը ունի իրանցի աշխատակից, ով չունի ՀՀ անձնագիր, սոց․ քարտ, կացության քարտ։

Հարց 1․ Այդ աշխատակցի հետ կար՞ող եմ կնքել պայմանագիր

Հարց 2․ Առանց այդ փաստաթղթերի որքա՞ն ժամանակ կարող է աշխատել։

Հարց 3․ Այդ աշխատակցին վճարված աշխատավարձը պե՞տք է հարկեմ եկամտային հարկով 20 տոկոս՝ ցույց տալով եկամտային հարկի հաշվետվությունում այլ տողի մեջ։

Հարց 4․ Շահութահարկից կար՞ող եմ նվազեցնել այդ աշխատավարձը։

Աշխատանք նախարարության միջնորդությամբ

Սիրանուշ․

Բարև Ձեզ։

Սոցապ նախարարության միջնորդությամբ աշխատանք գտնելիս արդյո՞ք աշխատավարձի հարկերը վճարում է պետությունը։

Արդյո՞ք հավելավճարը պարտադիր է

Եվա․

Եթե կազմակերպությունում աշխատողների թիվը չի գերազանցում 3-ը, բայց ունի գրանցված գանձապահ-վաճառողուհի պաշտոնով աշխատակից, այս դեպքում պարտադի՞ր է 30% հավելում տալ աշխատողին։

Միջին օրական աշխատավարձի հաշվարկ

Գայանե․

Բարև Ձեզ։ Եթե վերջնահաշվարկ եմ կատարում, միջին օրականը հաշվարկելիս մայրության նպաստը ընդգրկվու՞մ է հաշվարկի մեջ: Կանխավ շնորհակալ եմ։

Դրոշմանիշային վճար

Բարև ձեզ։ Ինչպե՞ս ստուգել դրոշմանիշային ամենամսյա վճարի չափը որպես աշխատող։

Կանխիկի սահմանափակումների հետ կապված

Անի․

Բարև ձեզ, խնդրում եմ օգնել. կարո՞ղ է արդյոք կազմակերպությունը ֆիզ. անձի հետ կնքած քաղաքացիաիրավական պայմանագրով մատուցված 20 000 դրամ ծառայության վճարը վճարել կանխիկ եղանակով:

Աշխատաժամանակի փոփոխություն

Սոնա․

Բարև Ձեզ։ Խնդրում եմ տեղեկացնել՝ հնարավո՞ր է աշխատակցի աշխատաժամանակը փոխել, օրինակ շաբաթական 10 ժամից դարձնել 40 ժամ, օրական 8 ժամ գրաֆիկով, սակայն աշխատավարձային փոփոխություն չկատարել։ Շնորհակալություն։

Դրոշմանիշային վճարը վճարում է գործատուն

Նարե․

Հարգելի հաշվապահներ, եթե աշխատողների աշխատավարձից չի կատարվում դրոշմանիշային վճարի պահում, այլ գործատուն դրոշմանիշային վճարը համապատասխանաբար հաշվարկում և վճարում է իր միջոցների հաշվին` կամովի, արդյո՞ք դա օրենքի խախտում է։