Tag: լիցենզիա

Թարմ քամված հյութերի վաճառք

Կարեն․

Պլանավորում եմ զբաղվել թարմ քամված հյութերի վաճառքով՝ օգտագործելով միայն միրգ։ Վաճառքը լինելու է խանութից կամ առաքման միջոցով 2-5 լիտրանոց շշերով։ Ի՞նչ թույլտվություն/լիցենզիա է անհրաժեշտ լինելու։ Ի՞նչ հարկեր եմ վճարելու։

Արդյո՞ք անհրաժեշտ է լիցենզիա

Մանե․

Բարև Ձեզ։ Ցանկանում եմ բացել լեզվի կենտրոն, որի ընդունելությունը լինելու է 5 տարեկանից, լինելու է շաբաթական 2-3 օր 1.5-2 ժամով անգլերենի ուսուցում։ Հարկայինում գրանցվելու ենք որպես ԱՁ, ունեմ նաև համապատասխան բարձրագույն կրթություն։ Հարց՝ Նախարարությունից ինձ լիցենզիա պե՞տք է։ Եվս մեկ անգամ շեշտեմ, որ սա զարգացման կենտրոն չի, այլ լեզվի կենտրոն 5 տարեկան և բարձր տարիքի անձանց համար։ Նախապես շնորհակալություն։

Ներքին հարդարման ծառայություններ

Վարդան․

Բարև Ձեզ, սիրելի հաշվապահներ։ Բնակարանների ներքին հարդարման ոլորտում վերանորոգման ծառայություններ եմ ուզում մատուցել (սալիկապատւմ, ջրագծերի անցկացում, պատերի և առաստաղի նրոգում և այլն)։ ԱՁ պետք է բացեմ։ Տվյալ գործունեության ոլորտը արդյո՞ք համարվում է միկրոձեռնարկատիրություն։ Ի՞նչ հարկ պետք է վճարեմ, ու արդյո՞ք լիցենզիա անհրաժեշտ է, թե՞ ոչ։

Արդյո՞ք անհրաժեշտ է լիցենզիա

Նաիրա․

Բարև Ձեզ, հարգելի հաշվապահներ։ Եթե ուզում եմ Ա/Ձ բացել և տանը առողջարանային մերսման ծառայություններ մատուցել, լիցենզիա պե՞տք է։

Արդյո՞ք անհրաժեշտ է լիցենզիա

Արև․

Բարև Ձեզ, հարգելի հաշվապահներ։ Եթե ուզում եմ Ա/Ձ բացել և տանը ասեղային մազահեռացում անել, կասե՞ք՝ լիցենզիա պետք է։

Ավտոմեքենայի խնամքի միջոցների արտադրություն

Եվա․

Բարև Ձեզ, կազմակերպությունը զբաղվելու է ավտոնյութերի (յուղեր, խնամքի նյութեր, ժանգ հեռացնող հեղուկներ, ապակի մաքրող հեղուկ) արտադրությամբ: Խնդրում եմ կասե՞ք՝ այս գործունեության համար լիցենզիա կամ պարտադիր փորձաքննություն կա՞։

Գործակալության գործունեություն

Հակոբ․

Բարև ձեզ։ Ես ցանկանում եմ գործակալություն բացել բայց որպես ՓԲԸ, ի՞նչ է անհրաժեշտ, և ՓԲԸ ունենալու դեպքում ի՞նչ հարկային պարտավորություններ են առաջանում։ Լիցենզիա որպես այդպիսին հարկավո՞ր է գործունեությամբ զբաղվելու համար, թե՞ ոչ։ Եվ աշխատողնեիր համար ի՞նչ հարկային պարտավորություններ եմ ես կրելու։ Շնորհակալություն։

Ոչ նյութական ակտիվի ձեռքբերում

Մարիամ․

Բարև ձեզ, հարգելի հաշվապահներ։ Կազմակերպությունը ձեռք է բերել ոչ նյութական ակտիվ` համակարգչային արտոնագիր Power Bi 20 օր ժամկետով` ծրագրային ապահովմամբ զբաղվող հայկական ընկերությունից։ Այս դեպքում ի՞նչ ձեւակերպում տալ ոչ նյութական ակտիվի համար, եթե այն ընդամենը 20 օրով է տրամադրվում և փոքրարժեք է։

Հրուշակեղենի պատրաստում տանը

Սյուզաննա․

Ողջույն,

Ցանկանում եմ տեղեկանալ՝ արդյո՞ք օրինական է, տանը պատրաստվող տորթեր/հրուշակեղենի օնլայն բիզնես ունենալ: Արդյո՞ք որևի լիցենզիա կամ ԱՁ բացելը անհրաժեշտ է:

Աղցան վաճառելու համար

Հովհաննես․

Բարև ձեզ: Ես ուզում եմ աղցան վաճառել սուպերմարկետներում: Կասե՞ք՝ ի՞նչ լիցենզիա կամ թույլտվության պետք է ունենալ, և պե՞տք է արդյոք սնունդը բժշկական հետազոտում անցի։

Հաշվապահի լիցենզավորման քննության հարցաշար

Եվա․

Բարև Ձեզ, խնդրում եմ կասե՞ք՝ ինչպե՞ս գտնել հաշվապահի լիցենզավորման համար քննությունների հարցերը։

Կոսմետոլոգիական ծառայություններ

Արտավազդ.

Բարև Ձեզ: ԱՁ-Ն միկրոյի դաշտում է աշխատում և ցանկանում է նաև իրականացնել կոսմետոլոգիական ծառայություններ, նախատեսվում է տեղադրել էլոս մազահեռացման սարք։

  1. Արդյոք այս դեպքում կարո՞ղ ենք աշխատել միկրոյով։
  2. Արդյո՞ք պետք է լիցենզիա։
  3. Եթե աշխատողն է իր հետ բերում սարքը և լիցենզիա ունի, այս դեպքում ինչպե՞ս վարվել։

Արդյո՞ք գործունեությունը ենթակա է լիցենզավորման

Հերմինե․

Բարև Ձեզ, հարցս լիցենզավորման ենթակա գործունեության տեսակներին է վերաբերվում: Տեսախցիկների տեղադրում, կամ արտաքին լուսավորում, այս գործունեության տեսակները նշված չեն լիցենզավորման ենթակա գործունեության տեսակների ցանկում, բայց քաղաքաշինության նախարարությունից ասում են, որ լիցենզավորվող գործունեության տեսակներ են: Խնդրում եմ հուշել՝ որտե՞ղ կարդամ: Շնորհակալություն։

Արդյո՞ք լիցենզիայի պահանջ կա

Վահագն․

ԱՁ-ն գրանցել եմ որպես Ավտոմեքենաների տեխնիկական սպասարկում և նորոգում, պետռեգիստրում։ ՀԴՄ գրանցման հայտում 101 ձևում գործունեության տեսակը տվել եմ ավտոտեխսպասարկման կայան, քանի որ ուրիշ կետ չկար, կամ պետք է նշեյի այլ։ Հիմա ՊԵԿ-ի էջում Անհատական տվյալներ էջում լիցենզավորվող ոլորտներ բաժնում հայտնվել է գրություն. Ավտոմեքենաների տեխնիկական սպասարկում և նորոգում 100տոկոս: Արդյո՞ք դա նշանակում է, որ իմ գործունեության համար լիցենզավորման պահանջ կա։ Բայց ես գիտեմ, որ այդպիսի պահանջ չկա։

Դիզելային վառելիքի վաճառք

Նվարդ․

Բարև Ձեզ։

Դիզելային վառելիքի առք ու վաճառքով չզբաղվող կազմակերպությունը կարո՞ղ է արդյոք վաճառել պահեսում առկա դիզելի մնացորդը, թե՞ դրա համար անհրաժեշտ է լիցենզիա։

Ներմուծում Չինաստանից

Արսեն․

Բարև ձեզ, մասնագետներ ջան: Չինաստանից ցանկանում եմ մեծաքանակ խաղալիքներ ներմուծել, որի մեջ կոնֆետներ կան:

Նախ կխնդրեմ մաքսազերծման հետ կապված օգնեք, ինչպե՞ս է հաշվարկվելու: Նաև կցանկանամ իմանալ՝ արդյո՞ք ինչ որ լիցենզիա կամ անվտանգության թղթեր հարկավոր են, քանի որ կոնֆետներ կան մեջը։ Հայաֆիկացում արվելու՞ է, թե՞ ոչ, դրոշմապիտակ կպցվելու՞ է, թե՞ ոչ։

Եվ նաև կխնդրեմ ասեք՝ հարկային դաշտում ո՞ր ձևով ավելի օգտակար կլինի գրանցվել, երկու հոգով ենք ցանկանում զբաղվել: Շնորհակալություն նախապես։

Շինարարական գործունեության լիցենզիա

Արթուր․

Հարգելի գործընկերներ, խնդրում եմ պատասխանել՝ ի՞նչ է անհրաժեշտ շինարարության լիցենզիա ստանալու համար։ Գիտեմ, որ պետք է վճարել տարեկան 80 000 պետ․ տուրք։ Իսկ ո՞ր հաշվեհամարին։ Իսկ անհրաժե՞շտ է արդյոք ունենալ գրանցված մասնագետներ, որոնք ունեն համապատասխան կրթություն։ Եվ ընդհանրապես՝ ինչպե՞ս է ընթացակարգը։ Կանխավ շնորհակալություն։

Տաքսի ծառայության գործունեություն

Հայկ․

Բարև Ձեզ, հարգելիներ։ Կխնդրեմ ուղղորդել հետևյալ հարցում։ Եթե անձը ցանկանում է տաքսոպարկ բացել, այսինքն՝ միջնորդ դառնալ վարորդների և տաքսի ընկերության միջև, և ստանալ գործարքներից տոկոսներ։ Դրա համար ի՞նչ հերթական քայլեր պետք է անել, արդյո՞ք լիցենզիա պետք է, թե ոչ։ Եթե կան փորձ ունեցողներ, խնդրեմ կիսվեք ինֆորմացիայով։ Շնորհակալություն։

Աստղագուշակի ծառայության հարկեր

Lia.

Բարև Ձեզ: Աստղագուշակների խորհրդատվություն, հոգևոր խորհրդատվություն, խաղաքարտերով գուշակելու ծառայությունների մատուցման համար անհրաժե՞շտ են լիցենզիաներ, և ի՞նչ հարկատեսակով կարող է աշխատել: Նախապես շնորհակալություն։

Նախագծային աշխատանքների կատարում

Նաիրա․

Բարև Ձեզ, հարգելի հաշվապահներ: Նախագծային աշխատանքով զբաղվող ՍՊԸ բացելու համար ինչպիսի՞ հաջորդական քայլեր պետք է իրականացնել, աշխատողների գրանցում ե՞րբ պետք է կատարել, ինչպես նաև լիցենզիա ստանալու համար ի՞նչ է անհրաժեշտ։

Ինքնահաշիվ լիցենզիա ձեռքբերելու դեպքում

Nina.

Բարև Ձեզ, հարգելի հաշվապահներ։ Համաձայն Հարկային օրենսգրքի 40-րդ հոդվածի՝ բաժանորդագրային հիմունքներով մատուցվող ծառայությունների (մասնավորապես, համակարգչային ծրագրերից, տվյալների բազաներից, արտոնագրերից, լիցենզիաներից, ծանուցումներից, թույլտվություններից, առևտրային նշաններից, ապրանքային նշաններից, հեղինակային իրավունքներից և համանման այլ իրավունքներից օգտվելու ծառայությունների) մատուցման պահ է համարվում յուրաքանչյուր ամսվա վերջին օրը, իսկ եթե այդ ծառայությունների մատուցման պայմանագրերում նախատեսված են ծառայությունների մատուցման այլ ժամկետներ (փուլեր), ապա այդ ծառայությունների մատուցման պահ է համարվում այդ ժամկետների (փուլերի) վերջին օրը:

Եթե կազմակերպությունը լիցենզիան գնում է 1 տարի ժամկետով, այս դեպքում պե՞տք է ամեն ամիս ինքնահաշիվ գրել, թե՞ մեկ անգամ լիցենզիայի ժամկետը լրանալու ժամանակ։ Նախապես շնորհակալություն:

Շինարարական կազմակերպության լիցենզիա

Լուսինե․

Բարև Ձեզ: Շինարարական կազմակերպությանը, որը զբաղվելու է ասֆալտապատման աշխատանքներով, լիցենզիա անհրաժե՞շտ է ,թե՞ ոչ։ Կանխավ շնորհակալ եմ:

Экспорт мебельной продукции

Давид.

Здравствуйте! Пишу на русском, но можно отвечать на армянском:

1. Какие сертификаты нужны для экспорта мебельной продукции из Армении в Германию?

2. Есть ли компании, которые занимаются помощью в сборе документов и подаче заявлений на получение таких лицензий? Если да – то прошу обозначить какие. Спасибо!

Ոչ նյութական ակտիվի մաշվածք

Ռուբեն․

Բարև ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում: 2022 թ. Հուլիս ամսին պետության կողմից ստացել է լիցենզիա գործունեության իրականացման համար 1 տարի ժամկետով 500 000 դրամ: 2022 թվականի նոյեմբեր ամսին դադարեցրել է գործունեությունը: Հարց՝ ոչ նյութական ակտիվի մաշվածքը 2022 թվականի համար ամբողջությամբ ծախսագրելու դեպքում կլինի՞ որևէ խնդիր։

ՀԿ նախագահը որպես ԱՁ

Լիլիթ․

Բարև ձեզ։ Արդյո՞ք ՀԿ նախագահը կարող է որպես ԱՁ գրանցվել կամ հիմնադրել ՍՊԸ։ Հարցը նրանում է, որ ՀԿ-ն սեմինարներ է կազմակերպում բժշկական թեքվածությամբ,այսինքն ձեռնարկատիրական գործունեությամբ է զբաղվում, հիմա պետք է ստանա լիցենզիա՝ վերականգնողական կենտրոն բացի, բայց չենք ուզում ՀԿ-ով անել, այլ ՍՊԸ-ով կամ ԱՁ-ով։

Պահնորդային ծառայությունը որպես միկրո

Նունե.

Բարև Ձեզ։ Խնդրեմ կասե՞ք՝ պահնորդային ծառայությունը կարո՞ղ է չէ միկրոձեռնարկատեր լինի։ Օրենքով նայում եմ՝ կարծես լինում է, մեկ էլ լիցենզիայի վճարը, եթե լիցենզիա չտրամադրեն վերադարձվու՞մ է։

Պահածոների արտադրություն և վաճառք

Տաթև․

Բարև Ձեզ, խնդրում եմ ասեք՝ պահածոներ պատրաստելու և վաճառելու համար (մուրաբաներ) անհրաժե՞շտ է արդյոք լիցենզիա։

Սոսինձ ներմուծելու համար

Հարություն․

Հարգելի մասնագետներ, սոսինձ ներմուծելու համար լիցենզիա կամ հատուկ թույլտվությու՞ն է պահանջվում։

Գարեջրի վաճառքի լիցենզիա

Քրիստինա.

Բարև ձեզ։ Խնդրում եմ ասեք՝ նոր բացված ԱՁ-ի համար գարեջրի վաճառքի լիցենզիա է պետք՝ ո՞նց ստանամ արագ։ Իրենց կայքով 2 օր ա փորձում եմ չի ստացվում, dimum.yervan.am կայքով եմ դիմում, չի ստացվում։

Ինտերնետ կապի վերավաճառք

Մերի․

Բարև Ձեզ, հարգելի հաշվապահներ։ Կազմակերպությունը զբաղվելու է ինտերնետ կապի վերավաճառքով (հանդիսանալու է ինտերնետ պրովայդեր), արդյո՞ք պետք է լիցենզիա ստանա, թե՞ հանդիսանալով վերավաճառող՝ կարող է չլիցենզավորվել, և ո՞ր հարկման համակարգում կարող է գործել , կա՞ն արդյոք այլ առանձնահատկություններ։ Կանխավ շնորհակալ եմ։

Անդյո՞ք գործունեությունը հանրային սնունդ է

Հայկ.

Բարև Ձեզ։ Անձը ցանկանում է փոքրիկ բիզնես սկսել, մասնավորապես՝ զբոսայգում հոթ-դոգ, ֆրի, պոպկորն պատրաստել և վաճառել։ Այս գոծունեությունը արդյո՞ք հանրային սնունդ է, ի՞նչ հարկատեսակով կաշխատի, և ճիշտ է ԱՁ բացելը, թե՞ ՍՊԸ։ Եվ արդյո՞ք լիցենզիա հարկավոր է։ Խնդրեմ ուղղորդել։

Ծրագրավորման դասընթացների լիցենզիա

Բարև ձեզ։ Ծրագրավորման դասընթացները կարո՞ղ է լինել միկրո, և լիցենզավորման ենթակա է, թե՞ ոչ։

Դասապատրաստում իրականացնելու համար

Միլենա.

Բարև ձեզ։ Վարձակալված տարածքում 1-9-րդ դասարանների երեխաների հետ իրականացնելու եմ դասապատրաստում: Կասե՞ք, խնդրեմ, լիցենզիա անհրաժե՞շտ է ունենալ։ Եթե այո, ապա ինչպե՞ս կարող եմ դիմել լիցենզիա ստանալու համար։ Նշեմ, որ դասապատրաստումն իրականացնելու եմ միայնակ, այլ աշխատողներ չեն ընդգրկվելու։ Ի՞նչ իրավական կարգավիճակ է անհրաժեշտ ունենալ խնդիրներից խուսափելու համար։ Նախապես շնորհակալ եմ։

Դեղատան լիցենզիայի դադարեցում

Մաշա․

Ողջույն, հարգելի հաշվապահներ։ Որևէ մեկը դեղատան լիցենզիաի գործողության դադարեցման հայտով դիմե՞լ է ԱՆ, եթե այո, հայտի կամ դիմումի ձև կխնդրեի։ Կանխավ շնորհակալ եմ։

Համակարգչային դասընթացների կազմակերպում

Նարեկ․

Հարգելի հաշվապահներ, հարցս հետևյալն է․ կազմակերպությունը նոր է գրանցվել, և զբաղվելու է համակարգչային դասընթացներով, դասակարգիչը՝ P85.59.3, taxservice-ում նշված գործունեության դասակարգիչը ցույց է տալիս որպես լիցենզավորվող ոլորտ, կխնդրեմ հուշել՝ արդյո՞ք անհրաժեշտ է ստանալ լիցենզիա, և եթե այո, ապա ո՞ր պետական մարմին դիմել։

Ուսումնական կենտրոն բացելու համար

Վաղարշակ.

Ցանկանում եմ ուսումնական կենտրոն բացել պահնորդներին դասընթացներ տալու և վերջում ստուգարքներից հետո տալ համապատասխան որակավորման վկայական։ Այս գործընթացի համար ինձ որպետ Ա/Ձ որևէ մեկից լիցենզի՞ա պետք է ստանամ։

Հարկային դաշտի ընտրություն

Մանե.

Բարև բոլորին։ Գեոդեզիա և չափագրում գործունեությամբ զբաղվող Ա/Ձ-ն չի կարո՞ղ չէ միկրո լինել, ու մե հարց՝ արդյո՞ք լիցենզիա պետք է ունենա։

Շինարարական լիցենզիայի վերաբերյալ

Լիլիթ.

Բարև ձեզ։ Ո՞վ է տեղյակ, շինարարական լիցենզիա ունեցողին կարո՞ղ է ծառայություն մատուցել չունեցողը, այսինքն՝ գործն անում է լիցենզիա ունեցողը, բայց աշխատանքներում ներառել է այլ Ա/Ձ-ի ու աշխատողների։

Սրճարան բացելու համար

Նառա.

Բարև Ձեզ։ Կխնդրեմ օգնել հետևյալ հարցերում։
Կազմակերպություն է ուզում ստեղծվել, որը գործունեություն է ծավալելու հանրային սննդի ոլորտում, խոսքը մասնավորապես փոքր սրճարան բացելու մասին է։ Ի՞նչ քայլեր պետք է կատարվի հաշվապահի կողմից։
Փոքր-ինչ տեղյակ լինելով՝ ենթադրում եմ, որ պետք է գրանցվի ֆիրման, էլեկտրոնային ակտիվացումները կատարվի 20 օրվա ընթացքում, նաև առանձին ստանա լիցենզիա տարածքի հարկայինից, պետք է ձեռք բերի հդմ սարք…
(Եթե վերոնշյալում կան ճշգրտումներ խնդրում եմ նշել կամ հաստատել գրածս ինֆորմացիան)։
1. Ի՞նչ հարկեր է վճարվում ամսական և տարեկան։
1.1 վճարու՞մ է հաստատագրված վճար։
1.2 Հանրային սննդի դեպքում միկրո լինել ըստ օրենսդրության չի կարող և պետք է դիմել որպես շրջհարկ վճարո՞ղ։
2. Ի՞նչ հաշվետվություններ է ներկայացվում ամսական և տարեկան։
3. Որպես կանոն մինիմում ինչպիսի՞ աշխատավարձ է ունենում փոքր սրճարանի հաշվապահությամբ զբաղվող հաշվապահը:

Բենափոխադրման միջնորդային գործունեություն

Նարեկ.

Հարգելի հաշվապահներ, հարցս հետևյալն է. կազմակերպությունը բացի հիմնական գործունեությունից, ուզում է զբաղվել նաև միջազգային բեռնափոխադրումների միջնորդային գործունեությամբ։ Բեռնափոխադրվող ապրանքները մի երկրից տեղափոխվելու են այլ երկիր, առանց ՀՀ սահման հատելու, երկաթուղային գծերով։ Խնդրում եմ ուղղորդել՝ անհրաժեշտ է ի՞նչ որ թույլտվություն կամ լիցենզիա նման գործունեությամբ զբաղվելու համար։ Նշեմ նաև, որ տեղափոխվող ապրանքների արժեքը ամբողջությամբ պատվիրատուի կողմը փոխանցելու է միջնորդ կազմակերպությանը, որն էլ իր հերթին փոխանցելու է մատակարար կազմակերպությանը։ Կխնդրեմ մանրամասն մեկնաբանել։

Համատեղ գործունեության

Արա.

Հարգելի հաշվապահներ, մի հարց ունեմ կապված համատեղ գործունեության հետ։ ԱԱՀ վճարող և շրջ․ հարկ վճարող ընկերությունները ցանկանում են համատեղ մասնակցել պետական տենդերի։ Ըստ էության աշխատանքների կատարումը կատարվելու է շրջ․ հարկ վճարող ընկերության կողմից, իսկ ԱԱՀ վճարողը միայն պայմանագրով սահմանված %-ի դիմաց տալու է իր լիցենզիան։ Ըստ 32-րդ հոդվածի 3-րդ մասի հարկայինում հաշվետու անձ լինելու առավելությունը տրվում է ԱԱՀ վճարողին, բայց այս պարագայում ինչպե՞ս է կատարվելու հարկերի վճարումը և՛ շրջ․ հարկ վճարող ֆիրմայի դեպքում, և՛ ԱԱՀ վճարողի դեպքում։ Նշեմ նաև, որ գործերը ըստ պայմանագրի վարվելու են շրջ․ հարկ վճարող ընկերության կողմից։ Կխնդրեի տալ մանրամասն պատասխան։ Նախապես շնորհակալություն։

ՀՈԱԿ լիցենզիա ստանալու համար

Անահիտ.

Ընկերներ, ՀՈԱԿ-ի լիցենզիա ստանալու համար ո՞ր մարմնին պետք է դիմել։ Մանկապարտեզի մասին է խոսքը։

Ներկրման լիցենզիա ստանալու համար

Դավիթ.

Բարև Ձեզ։ Կարող եք ասել՝ որտե՞ղ դիմեմ ներկրման լիցենզիա ստանալու համար, լիցենզիայի մասին օրենքի 43-րդ հոդվածի “առևտուր” բաժնի համաձայն՝ այդպիսի լիցենզիայի տեսակ գոյություն ունի, նաև ավտոդիլերի լիցենզիան է հետաքրքրում կամ ավտոբրոքերի:
Եթե կարո՞ղ եք՝ հասցեներն էլ կխնդրեմ նշեք։ Շնորհակալություն։

Հաշվապահական խորհրդատվություն

Երվանդ.

ՍՊԸ հիմնադիրը իրավունք ունի՞ արդյոք այդ ընկերությանը մատուցել հաշվապահական հաշվառման գծով խորհրդատվություն, թե՞ ոչ, և այդ խորհրդատվությունը լիցենզավորված գործունեություն է, թե՞ ոչ: ՍՊԸ-ի կողմից անհատույց իրացվող ապրանքների արժեքը արդյո՞ք ամբողջությամբ համարվում է եկամուտ։

Լիցենզիա հաշվապահների համար

Անի․

Բարև ձեզ։ Խնդրում եմ ասեք՝ 2023 թվականից որպես գլխավոր հաշվապահ աշխատելու համար պարտադի՞ր է արդյոք լիցենզիա ունենալը։

Դասապատրաստման կենտրոն բացելու համար

Անահիտ.

Բարև Ձեզ։ Ցանկանում եմ 1-ից 4-րդ դասարանի աշակերտների հանար դասապատրաստման կենտրոն բացել։ Կասեք՝ ի՞նչ փաստաթղթեր են անհրաժեշտ, որտե՞ղ պետք է դիմեմ, և արդյո՞ք լիցենզիավորում պետք է։

Լիցենզիայի ստացման դեպքում

Արտակ.

Բարև Ձեզ։ Կազմակերպությունը ստացել է շինարարության լիցենզիա։ Ինչպե՞ս հաշվապահորեն արտացոլեմ վճարումը և ամորտիզացիան։

Հաշվարկային հաշվի դուրսգրում

Լուսի.

Բարև Ձեզ։ ԱՁ-ն, որն ունի գեղեցկության սրահ, աշխատում է միկրոյով, կարո՞ղ է արդյոք ծառայությունների մատուցման հաշվարկային հաշիվ դուրս գրել՝ պրակտիկայի անցկացում:
Եվ ես մեկ հարց՝ ՀՀ լիցենզավորման օրենքի համաձայն, եթե գեցեկության սրահը ունի կոսմետոլոգիական ծառայություն և կատարում է միայն էլոս մազահեռացում, ներարկումներ, մեզոթերապիա և նմանատիպ այլ ծառայություններ չի մատուցում, անհրաժե՞շտ է արդյոք լիցենզիա հանել։

Գործունեության դասակարգիչ

Լիլիթ.

Բարև Ձեզ: Ա/Ձ զբաղվելու է արտաքին գովազդով, գրանցելուց գործունեության տեսակը նշվել է՝ 73.11.0 Գովազդային գործակալություններ: Կասեք՝ դա ճի՞շտ է և որևիցէ լիցենզիա պետք է այս պարագայում:

Համակցված կերերի արտադրություն իրականացնելու համար

Գրիգոր․

Բարև Ձեզ, հարգելի հաշվապահներ: “Համակցված կերերի արտադրություն” գործունեության համար ի՞նչ առանձնահատկություններ կան: Գործունեությունը լիցենզավորման ենթակա՞ է, թե՞ ոչ: Բացի ԱԱՀ, շահութահարկի, եկամտային հարկի հաշվետվություններից, ուրիշ ի՞նչ հաշվետվություններ կան, և բացի ՍԱՊԾ-ում գրանցվելուց, ուրիշ ի՞նչ պարտավորություններ կան: Խնդրում եմ, եթե կան հաշվապահներ, որոնք վերոնշյալ գործունեությամբ կազմակերպության հաշվապահական հաշվառում են վարում, հնարավորինս մանրամասնեք։ Շնորհակալություն: