Tag: հաշվարկային հաշիվ

Հաշվետվություն կանխիկացվող գումարների մասին

Հովհաննես․

Բարև Ձեզ, հարգելի հաշվապահներ։ Մի այսպիսի հարց ունեմ՝ արդյո՞ք ճիշտ է, որ ՍՊԸ բանկային հաշիվներից ելքագրվող գումարների համար պետք է ներկայացնել հաշվետվություն, թե դրանք ինչի համարեն ծախսվում, և եթե այո ապա, ո՞ր հաշվետվության ձևի մասին է խոսքը և ի՞նչ պարբերականությամբ պետք է իրականացվի։

Տնօրենն անձնական միջոցներից կանխիկ գումար է մուտքագրել հաշվին

Մարինե․

Խնդրում եմ օգնեք։ Տնօրենն անձնական միջոցներից կանխիկ գումար է մուտք արել լինզինգի հաշվին։ Ինչպե՞ս ձևակերպեմ՝ մուտք դրամարկղ, փոխառության վերադարձ, ապա դրամարկղից լիզինգի վճարու՞մ։

Նորաբաց ՍՊԸ

Միքայել․

Բարև Ձեզ, հարգելի գործընկերներ։ Մի քանի հարց ունեմ․

– Արդյո՞ք ճիշտ եմ հասկանում, որ ՍՊԸ բացելուց հնարավոր է ընտրել G46.4 Տնտեսական գործունեության դասակարգիչը։ Ի նկատի ունեմ՝ պարտադիր չէ ավելի կոնկրետ կոդ ընտրել (օրինակ G46.4x կամ G46.4x.x)։

– ՍՊԸ բանկային հաշիվը ՍՊԸ գրանցելուց ինչքա՞ն ժամանակ հետո պետք է բացել։

– Ի՞նչ եղանակով է կանոնադրական կապիտալի գումարը նստում ՍՊԸ հաշվին։ Ի՞նչ պետք է անի ՍՊԸ դրա համար։

– Կարո՞ղ է արդյոք ՍՊԸ հիմնադիրը անտոկոս վարկ տալ ՍՊԸ-ին, որպեսզի Հիմնադրի մոտ անիմաստ շահութահարկ չստեղծվի վարկը վերադարձնելիս։

Կանխիկ գումարի կուտակում դրամարկղում

Արմինե․

Բարի օր, հարգելի հաշվապահներ, խնդրում եմ օգնել։ ՍՊԸ-ն աշխատում է շրջանառության հարկով, 2021թ-ից մինչ օրս կազմակերպության հաշվարկային հաշվից գումարներ են ելքագրվել դրամարկղ (հիմնականում ծախսվել են անձնական նպատակով` հիմնադիր ու տնօրեն նույն անձն է), ինչպես նաև ժամանակ առ ժամանակ դրամարկղից ելքագրվել է հաշվարկային հաշիվ։ Ինչպե՞ս ճիշտ ձևակերպել այդ գումարները, եթե ստեղծման օրից առ այսօր շահաբաժին չի վճարվել, նույնիսկ շահույթ չի հաշվարկվել (արդյոք դա պարտադի՞ր է)։ Նախապես շնորհակալ եմ։

Հաշվի համալրում տերմինալի միջոցով

Հայկ․

Բարև Ձեզ: ՍՊԸ հիմնադիր և տնօրեն հանդիսացող անձը բանկի տերմինալով կատարել է ընկերության հաշվի համալրում: Արդյո՞ք ճիշտ կլինի դա ձևակերպել որպես նրան մինչ այդ տրված փոխառությունների մարում, եթե բանկի քաղվածքում նպատակը նշված է հաշվի համալրում: Եթե ոչ, ապա ի՞նչ ձևակերպել (դրամարկղում բավարար գումար չկա դրամարկղից ելք ցույց տալու համար): Շնորհակալություն։

Ռուսական ընկերության հաշիվ ՀՀ-ում

Գայանե․

Բարև Ձեզ: Ասացեք խնդրեմ՝ ռուսական կազմակերպությունը իրավունք ունի՞ Հայաստանյան որևիցե բանկում բացել հաշիվ: Շնորհակալ եմ։

Հաշվի համալրում հիմնադրի կողմից

Անահիտ․

ՍՊԸ-ի հիմնադիրը, ով գրանցված չէ որպես աշխատող ՍՊԸ-ում, կարո՞ղ է ՍՊԸ-ի դրամարկղից գումար մուտք անել ՍՊԸ-ի բանկային հաշվեհամարին։

Կանխիկացում հաշվից

Թամարա․

Բարև Ձեզ։ Ասացեք խնդրեմ՝ հաշվարկային հաշվից դրամարկղ կանխիկի մուտքագրումը (աշխատավարձ վճարելու և մանր ծախսերի համար) և ընթացքում դրամարկղից հաշվարկային հաշիվը համալրելը դիտարկվու՞մ է որպես Անկանխիկ գործառնությունների մասին օրենքի խախտում: Շնորհակալություն։

Հաշվարկային հաշվի համալրում

Լիանա.

Բարև ձեզ։ ՍՊԸ-ն աշխատում է ԱԱՀ-ի դաշտում։ Հիմնադիր-տնօրենը ՍՊԸ-ի հաշվարկային հաշվին ինչպե՞ս կարող է գումար մուտք անել։ 1․ Որպես ներդրու՞մ։ 2․ Անտոկոս փոխառությու՞ն։ 3․ Դրամարկղի գիրք և կանխիկ գործարքներ չունի, կարո՞ղ է համալրում անել։

ՍՊԸ-ն ստացել է բիզնես քարտ

Ելենա․

Բարև Ձեզ։ Այսպիսի հարց։ ՍՊԸ ունի հաշվարկային հաշիվ և հիմա ստացել է բիզնես քարտ։ Հնարավո՞ր է դրամարկղից գումարի մուտք անել բիզնես քարտի հաշվարկային հաշվին, թե՞ սկզբից հարկավոր է մուտքագրել ՍՊԸ-ի հաշվարկային հաշվին և այնտեղից փոխանցել բիզնես քարտի հաշվին։ Կանխավ շնորհակալ եմ։

Հիմնադրամը գիրք է վաճառում

Դիաննա.

Հիմնադրամը գիրք է հրատարակում և վաճառում։ Ինչպե՞ս կարելի է ցույց տալ այդ վաճառքը հարկային դաշտում, եթե գնորդը ֆիզ․ անձ է և գնել է կանխիկ եղանակով։ Դրամարկղային գիրք պահելու դեպքում ՀԴՄ պե՞տք է, իսկ ինչպե՞ս ձևակերպել հաշվարկային հաշիվ մուտք անելու համար։

Ավտոմեքենայի օտարում

Արփի.

Բարև Ձեզ։ Մեր կազմակերպությունը հունիս ամսին ձեռք է բերել ավտոմեքենա, իսկ հիմա ցանկանում ենք վաճառել ՌԴ քաղաքացու, պայմանագիրը կնքվել է, բայց ոչ նոտարական հաստատմամբ։ Ցանկանում էի իմանալ, հիմա պե՞տք է հաշվարկային հաշիվ դուրս գրել, թե՞ ուղղակի որպես օտարում ցույց տալ շրջ․ հարկի հաշվարկի մեջ։

Բժշկական ապրանքը ԱԱՀ-ից ազատված չէր

Անահիտ․

Բարև ձեզ, ԱԱՀ-ով աշխատող ընկերությունը բժշկական կենտրոնին հաշվարկային հաշիվ է դուրս գրել մի քանի անգամ նախորդ տարվանից, բայց այդ բժշկական ապրանքը ԱԱՀ-ից ազատված չէր, ի՞նչ կարելի է անել, եթե մինչ այժմ էլ հարկայինից ծանուցում չի ստացվել, չեղյալ անել, նորից գրել չենք կարող։

Կանխիկի ստացում մինչև 300 000 դրամ

Արա․

Բարև ձեզ, հարգելի հաշվապահներ։ Եթե ընկերությունը ֆիզիկական անձանց տվյալներով դուրս է գրում հաշվարկային փաստաթուղթ, և գումարը չի գերազանցում 300 000 դրամը, արդյո՞ք չի կարող դա կանխիկ ստանալ, այլ պետք է փոխանցվի միայն հաշվարկային հաշվին։

Վճարումը կհամարվի՞ անկանխիկ

Նարեկ․

Բարև Ձեզ։ Եթե դիմացի կողմին կանխիկ գումար ենք տալիս, ով մեր անունից գումարը մուտք է անում իրենց բանկային հաշիվ, դա մեր կողմից կհամարվի՞ անկանխիկ վճարում։

Դրամարկղային գրքի վարում

Աննա.

Բարի երեկո։
Սիրելի հաշվապահներ, եթե հայտնաբերվել է, որ դրամարկղի գրքում 4 ամիս առաջ մեկ գործարք չի մուտքագրվել (հաշվարկային հաշվի համալրում է եղել), ըստ այդմ սխալ է գնացել հանրագումարի տողերը, ինչպե՞ս վարվել հիմա, ինչպե՞ս ուղղել։ Խնդրում եմ կիսվել անձնական փորձով։

Հաշվարկային հաշվի դուրսգրում

Լուսի.

Բարև Ձեզ։ ԱՁ-ն, որն ունի գեղեցկության սրահ, աշխատում է միկրոյով, կարո՞ղ է արդյոք ծառայությունների մատուցման հաշվարկային հաշիվ դուրս գրել՝ պրակտիկայի անցկացում:
Եվ ես մեկ հարց՝ ՀՀ լիցենզավորման օրենքի համաձայն, եթե գեցեկության սրահը ունի կոսմետոլոգիական ծառայություն և կատարում է միայն էլոս մազահեռացում, ներարկումներ, մեզոթերապիա և նմանատիպ այլ ծառայություններ չի մատուցում, անհրաժե՞շտ է արդյոք լիցենզիա հանել։

Վերագնահատումից առաջացած եկամուտ

Անահիտ.

Հարգելիներ, իսկ տարվա վերջին օրով կազմակերպության USD բանկային հաշվի վերագնահատումից առաջացած եկամուտը կարո՞ղ ենք եկամուտ նշել շահութահարկում: Ձևակերպումը՝ դբ 41251 կր 2531 – USD 604350:

Տալ հաշվապահական ձևակերպումներ

Լիլիթ.

Ողջույն բոլորին: Խնդրում եմ օգնել ձևակերպել հետևյալ գործառնությունները.
1. Առաքվել է արտադրանք գնորդին 1800դրամ: Գնորդը պարտավորվել է վճարել 30 օրվա ընթացքում 2700.0 դրամ:
2. Պատրաստի արտադրանքը բեռնաթափող բանվորներին հաշվարկվել է աշխատավարձ:
3. Որոշել իրացումից ստացված շահույթը կամ վնասը:
4. Հաշվարկային հաշվում ստացվել է գնորդներից 250.0 դրամ:
5. Հաշվարկված աշխատավարձից պահվել է պակասորդի դիմաց 50.0 դրամ:
6. Լուծարվել է մաշված տնտեսական գույքը: Գույքի սկզբնական արժեքը 200.0 դրամ է, կուտակված մաշվածությունը 180.0 դրամ:
7. Պահեստ է մուտքգրվել գույքի լուծարքից ստացված վառելանյութը:
Եվս մի քանիսը.
1. Հիմնական արտադրությունից ստացված պատրաստի արտադրանքը մուտքագրվել է պահեստ փաստացի ինքնարժեքով:
2. Հաշվարկային հաշվից վճարվել է վարձատուին վարձավճարը գործառնական վարձակալությամբ ստացված շենքի համար:
3. Չօգտագործվող սարքավորումը հանվել է շահագործումից և վերադասակարգվում է որպես վաճառքի համար պահվող: Սարքավորման սկզբնական արժեքը 220.0 դրամ է, կուտակված մաշվածությունը 160.0 դրամ:

ԱԱՀ-ից ազատված գործարքներ

Անահիտ.

Բարև ձեզ, հարգելի հաշվապահներ: Բժշկական ջերմաչափերը ԱԱՀ-ից ազատվա՞ծ են, ԱԱՀ-ով աշխատող ընկերությունը կարո՞ղ է հաշվարկային հաշիվ դուրս գրել այդ ապրանքներով։
Կանխավ շնորհակալ եմ:

Տարեկան շրջանառություն

Վարդան.

Բարև Ձեզ, հարգելի հաշվապահներ: Ունեմ 2 հարց․ Ա/Ձ-ն, որը զբաղվում է մրգային (խաղողի) օղու արտադրությամբ, հաշվարկային հաշիվ դուրս գրելիս (միկրո է), ակցիզային հարկի գումար տողում 1լ օղու համար հարկ 824դր. է նշվում, և տարեկան շրջանառության չափը որոշելիս, եթե գործարքները կատարվել են կանխիկ և փոխանցում տարբերակով` կանխիկի համար լրացուցիչ թղթաբանություն հարկավո՞ր է հաշվարկում ներառելու համար։ Կանխավ շնորհակալ եմ։

Տալ հաշվապահական ձևակերպումներ

Լիլիթ.

Բարև ձեզ: Խնդրում եմ օգնել ձևակերպել հետևյալ գործառնությունները.
1. Հաշվետու անձի կողմից վճարվել է վաճառված նյութերի տեղափոխման համար:
2. Հաշվարկային հաշվից բացվել է ակրեդիտիվ մատակարարի հետ հաշվարկներ կատարելու համար:
3. Ձեռք են բերվել ոչ նյութական ակտիվներ փոխանակելով սեփական արտադրության արտադրանքի հետ:

Որոշել իրացումից ստացված շահույթը կամ վնասը

Կարինե.

Օգնեք ձևակերպել արտադրանքի վաճառքի հետ կապված գործառնությունները, որոշելով իրացումից ստացված շահույթը կամ վնասը: Գնորդներին վաճառվել է պատրաստի արտադրանք: Հասույթը՝ կանխիկ գումարով 250 000դր., գումարած 20% ԱԱՀ, մուտքագրվել են դրամարկղ: Ապառիկ վաճառվել է 1 400 000դրամի արտադրանք՝ գումարած 20% ԱԱՀ: Վաճառված արտադրանքի փաստացի արտադրական ինքնարժեքը կազմել է 1 000 000դրամ: Վաճառքի հետ կապված կատարվել են հետևյալ ծախսումները՝ փաթեթավորման նյութեր՝ 52 000դր., աշխատավարձ փաթեթավորող բանվորներին՝ 150 000, տրանսպորտային կազմակերպությանը հաշվարկային հաշվից փոխանցվել է 96 000դր., ներառյալ` ԱԱՀ, գովազդի համար ստացվել է հաշիվը՝ 60000դր., գումարած` ԱԱՀ:

Ոչ նյութական ակտիվի ամորտիզացիա

Կարինե.

Օգնեք հաշվարկել ոչ նյութական ակտիվի ամորտիզացիան օգտակար ծառայության բոլոր տարիների համար, ձևակերպել ակտիվի դուրսգրման, մուտքագրման, ամորտիզացիայի գործառնությունները: Ձեռք է բերվել արտոնագիր, որի արժեքը 760 000 է, ներառյալ` ԱԱՀ, գումարը վճարվել է հաշվարկային հաշվից, օգտակար ծառայությունը՝ 10տարի, ամորտիզացիան հաշվարկվել է գծային եղանակով, օգտակար ծառայության ժամկետի ավարտին արտոնագիրը դուրս է գրվել կազմակերպության հաշվեկշռից:

Հաշվարկային հաշիվ է գրվել բարեգործական հիմնադրամին

Անահիտ.

Բարև ձեզ, հարգելի հաշվապահներ:
ԱԱՀ-ի դաշտում աշխատող ընկերության կողմից հաշվարկային հաշիվ է գրվել բարեգործական հիմնադրամին: ԱԱՀ-ի հաշվետվության մեջ դա ո՞ր տողում և ո՞ր հոդվածի տակ է պետք գրել։
Կանխավ շնորհակալ եմ։

Հաշվարկային հաշվից դրամարկղ

Ռուբ.

 

Բարև ձեզ: Եթե կազմակերպությունը իր բանկային հաշվից 300 000 դրամը գերազանցող գումար է մուտք անում իր դրամարկղ, ապա դա օրենքի խախտու՞մ համարվում է, թե՞ ոչ ։

Հաշվարկային հաշիվ բացելու վերաբերյալ

Կարինե.

Բարև ձեզ: Բանկում հաշվարկային հաշիվ՝ ոչ քարտային, բացելը, բակերի համար պարտադի՞ր է, եթե այո, խնդրում եմ ասել օրենսդրական հիմք: Բանկ կա, որ ասում է պարդադիր է, բանկ կա՝ ոչ:

ԱԱՀ հաշվետվություն

Սյուզի.

ԱԱՀ-ի և ակցիզայինի հաշվարկի մեջ ԱԱՀ դեբետ թվի մեջ ստացված հաշվարկային հաշիվները պետք է ստորագրված լինի՞, որ կարողանանք ներառել։ Եվս մեկ հարց. նախորդ ամսվա չստորագրված հաշիվները, եթե հաջորդ ամսում ստորագրենք՝ դրանք ևս կարո՞ղ ենք հաշվել ԱԱՀ դեբետում:

Շրջհարկի հաշվարկ

Լիաննա.

Ողջույն, սիրելի հաշվապահներ։ Մի հարց եմ ուզում տամ, որպես հաշվապահությանը հեռվից ծանոթ մեկը։ Եթե իմ ՍՊԸ-ն աշխատում է շրջհարկով, և հարկվում է 16 կետով (այլ գործունեությունից եկամուտներ)։ Ես այստեղ պետք է լրացնեմ իմ ՀԴՄ-ով ստացված շրջանառության թիվը, այո՞։ Հիմա հարցս, եթե ես մեկ այլ ՍՊԸ-ի հետ աշխատում եմ հաշիվ-վավերագրով, գումարը փոխանցում են իրենք հաշվարկային հաշվով, ես այդ գումարի թիվը պետք է գումարե՞մ իմ ՀԴՄ թվին հաշվարկի ժամանակ (այդ գումարի համար ՀԴՄ տպվու՞մ է, թե՞ ոչ)։

Բանկային հաշիվ ԱՁ համար

Դիանա․

Բարև ձեզ։ ԱՁ-ն ծառայություն է մատուցում և աշխատում է շրջհարկով, դուրս է գրում հաշվարկային փաստաթղթեր: Հարցս հետևյալն է. ԱՁ-ն պե՞տք է ունենա բանկային հաշիվ։ Շնորհակալ եմ նախապես։

Հաշվի դուրսգրում միկրոձեռնարկատիրության սուբյեկտ հանդիսանալու դեպքում

Արթուր․

Բարև ձեզ, միկրոձեռնարկություն ենք, հաճախորդը իրավաբանական անձ է, պատվերի գումարը պետք է փոխանցումով անի, ի՞նչ քայլեր պետք է մենք անենք։ Միայն հաշվեհամարը տանք, թե՞ հարկավոր է հաշիվ ապրանքագիր էլ դուրս գրել։

Արդյոք կա՞ անհրաժեշտություն ելքերը և մուտքերը գրանցել դրամարկղի գրքում

ՍՊԸ-ն աշխատում է ԱԱՀ դաշտում։ Դրամական շարժը եղել է բացառապես հաշվարկային հաշվից։ Արդյոք կա՞ անհրաժեշտություն ելքերը և մուտքերը գրանցել դրամարկղի գրքում՝ ձևակերպելով մուտքի և ելքի օրդերներ։

Տալ հաշվապահական ձևակերպումներ

Syuzanna.

Բարև Ձեզ:
Խնդրում օգնեք հաշվապահորեն ձևակերպել.
1. Անավարտ արտադրության սկզբնական մնացորդը տեղափոխվել է հիմնական արտադրության հաշվին՝ 495 դրամ։
2. Հիմնական արտադրության համար կատարվել են հետևյալ ծախսերը՝
ա) նյութեր՝ 700 դրամ
բ) հաշվարկային հաշվից փոխանցվել է տեխնոլոգիական նպատակներով ծախսված էլեկտրաէներգիայի արժեքը՝ 70 դրամ (ներառյալ ԱԱՀ)
գ) hաշվարկվել է մաշվածություն արտադրական նշանակության հիմնական միջոցների համար՝ 185 դրամ:
3. Հաշվարկել աշխատավարձ
ա) տնօրենին 120 դրամ
բ) հաշվապահին 100 դրամ
գ) արտադրամասի վարպետին 90 դրամ
դ) 10 բանվորից յուրաքանչյուրին 55 դրամ
ե) արտադրանքի առաքման բաժնի աշխատակցին 60 դրամ:
4. Հաշվարկված աշխատավարձից կատարվել են համապատասխան օրենսդրական ակտերով պահանջվող պարտադիր պահումներ:
5. Հաշվարկային հաշվում ստացվել է աշխատավարձի վճարման համար անհրաժեշտ գումարը:
6. Դրամարկղից վճարվել է աշխատավարձ, բայց մեկ բանվոր հիվանդության պատճառով չի ստացել:
7. Անհատույց ստացել է 100 դրամի բանվորական արտահագուստ, որը բաժանվել է բանվորներին, 6 ամիս անց այն դուրս է գրվել շահագործումից:
8. Հաշվետու ժամանակաշրջանի վերջում գույքագրմամբ որոշել և անավարտ արտադրանքին է վերագրվել հիմնական արտադրությունում կուտակած ծախսումների 20%-ը, 10% դիտվել է խոտան և դուրս է գրվել համապատասխան ձևով:
9. Արտադրությունից ստացվել և պահեստ է մուտքագրվել 130 հատ պատրաստի արտադրանք, փաստացի արտադրական ինքնարժեքով (որոշել ինքնարժեքը):
10. Գնորդին առաքվել է 75 հատ պատրաստի արտադրանք։ Վաճառքի գինը սահմանելիս նախատեսվել է 60% շահույթ (առանց ԱԱՀ-ի):
11. Հաշվարկային հաշվում գնորդներից ստացվել է ապառիկ վաճառքից հասույթը։
12. Կազմակերպությունը հաշվետու ժամանակաշրջանում հաշվարկային հաշվում ստացել է բանկի կարճաժամկետ վարկ, 1 տարի ժամկետով 1 000 դրամ: Տարեկան 18% տոկոսադրույքով։
13. Գործառնական վարձակալության պայմանագրով 5-րդ տարում 500 դրամով տրվել է վարձակալության շենք, որի սկզբնական արժեքը 2 000 դրամ է, պ/ժ 10 տարի, կադաստրային արժեքը 3 000 դրամ:
14. Գույքագրման ժամանակ հայտնաբերվել է 100 դրամի նյութերի պակասորդը, որը վերագրվել է նյութական պատասխանատու անձին: Նյութերի շուկայական արժեքը 115 դրամ է:
15. Հաշվարկային հաշվից վճարվել է առհաշիվ անձին գործուղման նպատակով 170 դրամ։ Գործուղումից վերադառնալով անձը ներկայացրել է կանխավճարային հաշվետվություն, որի համաձայն հիմնավորված ծախսերը կազմել են 210 դրամ։
16. Ձեռք է բերվել ապառիկ համակարգիչ 310 դրամ ներառյալ ԱԱՀ-ն, որի գումարը վճարվել է հաշվարկային հաշվից։ Այն օգտագործվել է վարչական նպատակներով։
17. Հարկային հաշվով վաճառել է մնացորդային արտադրանքը 60% շահույթով։

Ի՞նչ նվազեցումներ կարելի է անել ԱԱՀ-ից

Գայանե.

Հարգելի հաշվապահներ, կասեք խնդրում եմ՝ ՍՊԸ-ի գործունեությունը արվեստն է: Հարց 1. եթե արդեն ուշացրել են հայտարարությունը միկրոյի դաշտի, 20 օրը անցել է ու ավտոմատ հայտնվել են ԱԱՀ-ի դաշտում, անհրաժեշտություն կա՞ նորից ԱԱՀ հայտարարություն ներկայացնել: Հարց 2. երեխաներից գանձված գումարից կարո՞ղ եմ հաշվարկային հաշվից կանխիկացնել աշխատավարձ վճարելու համար, թե՞ միայն փոխանցումով պիտի աշխատավարձ վճարվի: Հարց 3. ԱԱՀ-ից ի՞նչ նվազեցումներ կարող եմ անել: Հարց 4. եթե այս ամիս վիրուսի պատճառով չգործի՝ զրոյական հաշվետվություն եմ ներկայացնելու՞: Շաատ շնորհակալ եմ:

Արդյո՞ք պետք է գրել ստորագրված հաշիվների շրջանառությունը, թե՞ ամբողջ շրջանառությունը

Ռուզաննա.

Բարև ձեզ, հարցս այսպիսին է. ստացված հ/հ մի մասն եմ ստորագրել, որ քիչ հաշվանցեմ։ Հիմա 18Ա կետում գրում եմ ստորագրված հաշիվների շրջանառությունը, թե՞ ամբողջ շրջ-նը, բայց ԱԱՀ-ն ստորագրվածինը։ Եվ հարց 2. հաջորդ ամիս տեղափոխված ԱԱՀ-ն հաշվանցելու համար պե՞տք է ստորագրվի 21-30 ժամանակաշրջանում:

ԱՁ հաշվարկային հաշվից գումարի փոխանցում նույն ֆիզիկական անձին

Nar.

Բարև Ձեզ։ ԱՁ հաշվարկային հաշվից գումար կարո՞ղ եմ փոխանցել նույն անձի ֆիզիկական հաշվին։ Դա գործարք համարվու՞մ է։

Կազմել մանրածախ առևտրում ապրանքների շարժի գործառնությունների ձևակերպումները

Մելինե․

Բարև ձեզ։
Խնդրում եմ կազմել մանրածախ առևտրում ապրանքների շարժի գործառնությունների ձևակերպումները․
1. Վերաձևակերպվել է մատակարարից ձեռք բերված և վճարված ապրանքներին վերաբերող ԱԱՀ գումարը:
2. Ապրանքների վաճառքից ստացված գումարը հանձնվել է խնայբանկի դրամարկղ՝ կազմակերպության հաշվարկային հաշվում մուտքագրելու համար:
3. Ապրանքների վաճառքից խնայբանկի դրամարկղ հանձնված գումարը մուտքագրվել է կազմակերպության հաշվարկային հաշվում:
Կանխավ շնորհակալություն։

Ինչպե՞ս վարել դրամարկղային գիրքը

Նաիրա.

Բարև ձեզ: Կասե՞ք, խնդրեմ, ինչպես վարել դրամարկղային գիրքը, եթե ՍՊԸ-ն գործարքները կատարում է հաշվարկային հաշվից, օնլայն տարբերակով: Շնորհակալություն:

Ինչպե՞ս ձևակերպել

Հակոբ.

Հարգելի հաշվապահներ, ինչպե՞ս ձևակերպեմ՝
օգտագործման համար ձեռք է բերվել մարդատար ավտոմեքենա, որի համար վճարվել է հաշվարկային հաշվից։

Գումարի փոխանցում այլ անձի անունից

Արմեն.

Հարգելի գործընկերներ, կազմակերպության տնօրենը արդյո՞ք իրավունք ունի այլ կազմակերպության կամ ֆիզ. անձի անունից բանկից գումար փոխանցի իր կազմակերպության հաշվեհամարին: Նշեմ, որ փոփանցման փաստաթղթերում երևում է վճարողի անունը, իսկ նպատակ դաշտում` թե ում անունից է փոխանցվել գումարը: Շնորհակալություն:

Կազմակերպության տնօրենը հաշվին գումար է մուտք արել

Նառա.

Բարև ձեզ: Խնդրում եմ, օգնեք ինձ:
Կազմակերպության տնօրենը հաշվին գումար է մուտք արել: Ազգային արժույթի դրամարկղում ինչպե՞ս պիտի ձևակերպեմ և հաջորդ ամիս վերադարձնեմ:

Կազմակերպության տնօրենը բանկից գումար է կանխիկացրել

Արսինե.

Կազմակերպության տնօրենը բանկից գումար է կանխիկացրել և մի քանի րոպե անց նույն գումարը նորից մուտքագրել հաշվին: Այսինքն՝ կանխիկացված գումարը փաստացի չի մուտքագրվել և չի ելքագրվել դրամարկղից: Խնդրում եմ ասեք՝ տվյալ դեպքում դրամարկղային գրքում գրանցվու՞մ է մուտքն ու ելքը, թե՞ ոչ:

Կանխավ շնորհակալություն:

Կանխիկացում արտարժութային հաշվարկային հաշվից

Կարեն.

Հարգելի գործընկերներ, արդյո՞ք կազմակերպությունը կարող է կանխիկացում կատարել դոլարային հաշվարկային հաշվից: Շնորհակալություն:

Ին՞չ հաշվապահական ձևակերպումներ պետք է տալ

Գևորգ.

Ողջույն, հարգելի գործընկերներ: Խնդրում եմ օգնեք ինձ տալու հետևյալ գործառնության հաշվապահական ձևակերպումները.

փետրվարի 1-ին կազմակերպությունը բանկից ստացել է կարճաժամկետ վարկ` 10․000 USD (դոլլար) և երկարաժամկետ վարկ 20.000.000 AMD (դրամ): Ին՞չ հաշվապահական ձևակերպումներ պետք է տալ: Կանխավ շնորհակալություն:

Արդյո՞ք Ա/Ձ-ն կարող է նշել ֆիզ. անձի բանկային հաշվեհամարը

Ստյոպ.

Բարև ձեզ: Եթե Ա/Ձ-ն մատուցել է ծառայություն և պետք է հաշիվ-ապրանքագիր դուրս գրի էլեկտրոնային, բայց չունի բանկային հաշիվ, արդյո՞ք կարելի է, որ Ա/Ձ-ն հաշվում նշի իր ֆիզ. անձի բանկային հաշիվը:

Արդյո՞ք տնօրենը իրավունք ունի փոխառություն վերցնել հաշվարկային հաշվից

Արմինե.

Բարև ձեզ: Խնդրում եմ պատասխանել. կազմակերպության (ՓԲԸ) տնօրենը իրավունք ունի՞ փոխառություն վերցնել կազմակերպության հաշվարկային հաշվից: Եթե այո, ապա փոխառության պայմանագրում ո՞վ է ստորագրելու որպես տնօրեն: Խնդրում եմ հնարավորինս շուտ պատասխանել:

Վճարումը համարվում է կանխի՞կ, թե՞ անկանխիկ

214

Arsine.

ՍՊԸ-ն ձեռք է բերել 400 000 (ներառյալ ԱԱՀ) ապրանք, որի դիմաց դուրս է գրվել հարկային հաշիվ: Եթե դրա դիմաց վճարումը կատարվի ոչ թե ՍՊԸ-ի հաշվարկային հաշվից, այլ մեկ այլ բանկից, որում չունի հաշիվ, ապա տվյալ դեպքում նման վճարումը համարվում է կանխի՞կ, թե՞ անկանխիկ: Խնդրում եմ նաև տալ ձևակերպումները և եթե հնարավոր է` նաև հղում կատարել օրենքի համապատասխան հոդվածին:

Կանխավ շնորհակալություն: