Tag: հաշվետվություն

ԱՁ-ն ստացել է վարկ

Վահագն․

ԱՁ-ն ստացել է վարկ իր բանկային հաշվին, որի մի մասը փոխանցվել է իր անձնական ֆիզ. անձի հաշվին, որպես ԱՁ-կողմից տրամադրված անտոկոս փոխառություն ֆիզ անձին (իրեն)։ Այդ փոխառությունը վերադարձվում է մաս-մաս ԱՁ-ի հաշվեհամարին։

Հարց․ թույլատրելի՞ է օրենքի տեսանկյունից։ Այդ փոխառության վերաբերյալ պե՞տք է ինչ որ հաշվետվություն ներկայացնել։ Փոխառությունը չի գերազանցում 20 000 000 դրամը)։ ԱՁ-ն աշխատում է շրջ. հարկի դաշտում։

Սուրճի սարքի շահագործում

Գայանե․

Բարև Ձեզ, հարգելի հաշվապահներ։ ԱՁ-ն գովազդային վահանակներ է պատրաստում, գործում է շրջհարկով, ունի մեկ աշխատող, որպես գրաֆիկ դիզայներ։ Հարցս հետևյալն է․ նաև ունի սուրճի ապարատ, հունվարից է տեղադրել սուրճի ապարատը։ Ես ամեն ամիս սուրճի ապարատի հետ կապված հաշվետվություն ունեմ ներկայացնելու, թե՞ ոչ։ Ամեն ամիս աշխատողի համար 189 ձևը ներկայացնում եմ, ուղղակի սուրճի ապարատի հետ կապված չգիտեմ՝ ինչ պետք է անեմ։ Եռամսյակային և տարեկան հաշվետվության մեջ ինչպե՞ս եմ ցույց տալու։ Կանխավ շնորհակալություն։

Ֆիզ. անձը ծառայություն է մատուցում ՍՊԸ-ին

Քրիստինա․

Բարև ձեզ, հարգելի կոլեգաներ, կասե՞ք՝ եթե ՍՊԸ-ն ֆիզ․ անձի հետ պայմանագրի հիման վրա գործարք է անում, ֆիզ․ անձը պետք շինարարական ծառայություններ մատուցի ՍՊԸ-ին, հիմա հարցս՝ եկամտային հարկը քանի՞ տոկոս կկազմի, և հաշվետվության մեջ եկամտայինի 2-րդ բաժնի ո՞ր կոդի տակ պետք է ցույց տալ։

Հաշվետվություն կանխիկացվող գումարների մասին

Հովհաննես․

Բարև Ձեզ, հարգելի հաշվապահներ։ Մի այսպիսի հարց ունեմ՝ արդյո՞ք ճիշտ է, որ ՍՊԸ բանկային հաշիվներից ելքագրվող գումարների համար պետք է ներկայացնել հաշվետվություն, թե դրանք ինչի համարեն ծախսվում, և եթե այո ապա, ո՞ր հաշվետվության ձևի մասին է խոսքը և ի՞նչ պարբերականությամբ պետք է իրականացվի։

Վարչական տուգանք հաշվետվությունը չներկայացնելու համար

Աստղիկ․

Բարև բոլորին։ Այսպիսի հարց ունեմ։ Ես պետք է տարեկան հաշվետվություն ներկայացնեմ, սակայն ներկայացնելու համար նախատեսված ժամկետը անցել է։ Խոսքը այս հաշվետվության մասին է` «ՋՐՕԳՏԱԳՈՐԾՄԱՆ ՄԱՍԻՆ» ՁԵՎ N 2-ՏԱ (ՋՈՒՐ) (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ, որի ներկայացման ժամկետը մինչև փետրվարի 25-ն է, ընդ որում վաղն ենք (28) ներկայացնելու, ուզում էի իմանալ՝ վարչական տուգա՞նք է գալու դրա համար և եթե այո, կգա, ապա որքա՞ն գումարի սահմանում։

Գնորդը ջնջել է հաշիվը

Գայանե․

Բարև Ձեզ, հարգելի հաշվապահներ, այսպիսի իրավիճակում եմ հայտնվել: Հաշվարկային հաշիվ եմ գրել ապրիլ ամսին և մայիս ամսից անցել եմ ԱԱՀ դաշտ, դիմացի կողմը ամիսներ անց ասեց, որ համաձայն չի և հաշիվը չի ստորագրի, ես շրջանառության հարկի 2-րդ եռ. հաշվետվությունը արդեն ուղարկել էի և մի քանի ամիս ԱԱՀ հաշվետվություններն էլ էի ուղարկել: Հիմա նայում եմ՝ այդ հաշվի դիմաց գրված է ջնջված, ի՞նչ անել այս դեպքում:

Նպաստի արտացոլում հաշվետվությունում

Սոնա․

Բարև Ձեզ։ Արդյո՞ք հիվանդության նպաստը հաշվետվության մեջ լրացվում է ըստ ամիսների, թե՞ անաշխատունակության ժամանակահատվածը լրացվում է ամբողջովին, իսկ հետո հետպահում արվում։

Կանխավ շնորհակալ եմ։

Договор займа

Екатерина.

Добрый день. Организация имеет договор займа с грузинской организацией. Поэтому договору грузинская организация должна заплатить армянской проценты по займу. Подскажите, пожалуйста:

1) по какой ставке налога на прибыль облагаются проценты?
2) берется ли в зачет налог, уплаченный в Грузии?
3) какой документ нужен с грузинской стороны об оплате налога? нужно ли его заверять апостилем?
4) какую отчетность нужно будет сдать и в какие сроки?

Заранее огромное спасибо!

Բեռնափոխադրումների գործունեություն

Արման․

Ա/Ձ-եմ, աշխատում եմ շրջանառության հարկով, մատուցում եմ ծառայություն իմ անձնական բեռնատարով։ Շրջանառության հարկի հաշվետվության մեջ նշում եմ այլ գործունեություններ տողի դիմաց և վճարում 5 տոկոս շրջանառությունից հարկ։

ՀԱՐՑ․ Շրջանառության հարկի հաշվետվության ո՞ր տող դիմաց պետք է ցույց տամ իմ ծախսային մասը, քանի որ մի տարածքից մյուս տարածք բեռը տեղափոխելիս ծախսվում է մեծ քանակությամբ դիզելային վառելիք։

Նախապես շնորհակալություն։

Հիմնադրամի հաշվետվություններ

Նարինե․

Բարև Ձեզ։ Ես հիմնադրել եմ բարեգործական հիմնադրամ, խնդրում եմ ինձ ուղղություն տալ, թե ինչ հաշվետվություններ պետք է հանձնել ամսական և տակեկան։ Նախապես շնորհակալ եմ։

Շահութահարկի կանխավճար

Անի․

Բարև ձեզ, հարգելի մասնագետներ: Հարցս հետևյալն է.

Մեր Ընկերությունը ԱԱՀ վճարող կազմակերպություն է: 2022թ. վնասով ենք աշխատել, հետևաբար 2023թ. ընթացքում շահութահարկի եռամսյակային կանխավճարներ չենք կատարել:2023թ. շահույթով ենք աշխատել, բայց դեռևս շահութահարկի հաշվետվություն չենք ներկայացրել: 2024թ. 1-ին եռամսյակի շահութահարկի կանխավճարը ե՞րբ պետք է վճարել։

Շահութահարկի հաշվարկ

Նաիրա․

Ողջույն, ինձ անհրաժեշտ է շահութահարկի լրացման կարգի հրահանգը, այսինքն՝ որ տողում ինչ ենք գրում: Փաստաբանները ինչպե՞ս պետք է լրացնեն շահութահարկի հաշվարկը, լրացման ձևը կօգնե՞ք։ Շնորհակալություն:

3 000 դրամ սոցիալական վճար

Քնարիկ․

Բարև ձեզ, եթե հունվարին հայտ ենք ներկայացրել մինչև երեք տարեկան երեխայի նպաստի արձակուրդի, հունվարի եկամտային հարկի հաշվետվության մեջ ցույց չե՞մ տալու 3 000 դրամը, տողը ակտիվ չէ, ինքն էլ ինքնաշխատ չի լրացվում, ինչը ՞ կարող է խնդիր լինել։

Ի՞նչ դասակարգիչ ընտրել

Մարինե․

Բարև ձեզ։ Ա/Ձ-ն հանրային սննդի ոլորտում գործունեությունը իրականացնում է Արագածոտնի մարզում, 2022թ․ 240 ձև հաշվետվությունում դասակարգիչը եղել է I56101, հիմա չի թողնում՝ «Եկամուտները` ըստ գործունեության տեսակների» աղյուսակ, տող 1 – Ձեր կողմից նշված դասակարգիչը գոյություն չունի։ Ի՞նչ դասակարգիչ պետք է դնեմ։
Կանխավ շնորհակալություն։

ԲՏԱ նախարարության հաշվետվություն

Վահե․

Բարև Ձեզ։ Որևէ ծանուցում չեմ ստացել, սակայն այսպես ասած լսելով իմացա նման հաշվետվության մասին:

ԱՁ-ն շրջհարկի դաշտում է, գործունեության ոլորտն է 62.01.0 (Ծրագրային ապահովման մշակում): Աշխատում է բացառապես ՀՀ -ում։ Ծառայությունը մատուցվում է ՀՀ տարածքում: Հետևաբար ԲՏԱ հավաստագիր ստանալու կարիք չկա:

Հարց- 1. Արդո՞ք պարտադիր է տվյալ հաշվետվության ողղակումը իմ պարագայում

2. Եթե այո , ապա ի՞նչ է սպասվում, եթե հաշվետու ամսվա հաջրդող 5 աշխատանքային օրն արդեն անցել է

3. Արդո՞ք տվյալ հաշվետվությունն չուղարկելու հետևանքով կկրեմ պատասխանատվություն, եթե ԲՏԱ-ի կողմից չունեմ որևէ ծանուցում:

P.S. ԱՁ- գրանցվել է 02.01.2024-ին և գործունեություն ծավալվել է առնվազն այս ամիս:

Անշարժ գույքի վարձակալություն

Արմինե․

Բարև Ձեզ: Մենք ունենք ԱՁ և աշխատում ենք շրջանառության հարկով: Վարձակալությամբ անշարժ գույք ենք տվել ԱՁ-ին: Վարձակալության պայմանագիրը նոտարով հաստատված չէ: Խնդրում եմ ասել՝ 2023թ-ի և 2024թ-ի համար եթե դեռ չեմ ներկայացրել ոչ մի հաշվետվություն, ի՞նչ պետք է անել։ Եվ արդյո՞ք պարտադիր է նոտարով հաստատել պայմանագիրը։

ԱՁ աշխատում է ՏՏ ոլորտում

Հայկ․

Բարև ձեզ։ ԱՁ-ն որը զբաղվում ՏՏ-ով, աշխատում է շրջանառության հարկով: ԱՁ-ն ծառայություններ է մատուցում արտասահմանյան ընկերությանը և ստանում աշխատավարձ արտաժույթով: Հիմա ամեն անգամ գումար ստանալուց անհրաժե՞շտ է, որ հաշիվ դուրս գրվի, թե՞ նման իրավիճակում կարիք չկա հաշիվ գրելու, այլ միայն եռամսյակը մեկ հաշվետվություն ներկայացնել։

Ֆիզ. անձանց եկամուտների հայտարարագրում

Եվա․

Բարև Ձեզ։ Կասե՞ք՝ ֆիզ․ անձանց եկամտի հայտարարագրման մասով ի՞նչ հաշվետվություն պետք է ուղարկել։ Ի՞նչ ժամկետում։ Եվ չներկայացնելը ի՞նչ հետևանքներ կունենա։ Եվ ֆիզ․ անձանց ՀՎՀՀ ինչպե՞ս կարող ենք վերցնել, եթե ֆիզ անձը ՀՀ-ում չէ։

Հիշեցում միկրոձեռնարկատիրության սուբյեկտների համար

Հարգելի գործընկերներ, 2024թ. փետրվարի 1-ը միկրոձեռնարկատիրության սուբյեկտի՝ 2023թ․ իրացման շրջանառության վերաբերյալ հաշվետվության ներկայացման վերջնաժամկետն է։ Պետք է հանձնել ձև N 256. “Հաշվետվություն միկրոձեռնարկատիրության սուբյեկտի իրացման շրջանառության վերաբերյալ”:

ՀՀ Հարկային օրենսգիրք, Հոդված 270. Միկրոձեռնարկատիրության սուբյեկտների կողմից հարկային հաշվարկներ ներկայացնելը․

Միկրոձեռնարկատիրության սուբյեկտ համարվող ռեզիդենտ առևտրային կազմակերպությունները և անհատ ձեռնարկատերերը (բացառությամբ բացառապես Օրենսգրքի բաղկացուցիչ մասը կազմող հավելված 3-ով սահմանված գործունեության տեսակների մասով միկրոձեռնարկատիրության սուբյեկտ համարվող անհատ ձեռնարկատերերի) մինչև հարկային տարվան հաջորդող հարկային տարվա փետրվարի 1-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում հաշվետվություն` նախորդ հարկային տարվա ընթացքում գործունեության բոլոր տեսակների մասով իրացման շրջանառության վերաբերյալ:

Տարածքի վարձակալություն

Նարե․

Բարև Ձեզ։ Հարգելի հաշվապահներ, խնդրում եմ պատասխանել վարձակալության հետ կապված մի քանի հարցի`

1. Եթե ԱԱՀ-ով աշխատող ՍՊԸ-ն տարածք վարձակալի շրջ. հարկով աշխատող ՍՊԸ-ից, ապա իր մոտ հարկային պարտավորություններ չի առաջանա չէ՞, միայն ստացված հաշիվ վավերագրի գումարը պետք է ներառել ԱԱՀ հաշվարկի մեջ` որպես ՀՀ տարածքում ստացված ծառայություն։

2. Վերոնշյալ դեպքում վարձակալության պայմանագիրը պե՞տք է հաստատվի կադաստրում, և վարձավճարի նվազագույն չափը պե՞տք է լինի կադաստրային արժեքի 2,5%-ից ոչ պակաս` տարվա կտրվածքով։

3. Եթե շրջ. հարկով աշխատող ՍՊԸ-ի տարածքը հիմնադիր-տնօրենի սեփական տարածքն է և ՍՊԸ-ին տրված է անհատույց, ապա պե՞տք է տնօրենի` որպես ֆիզ. անձի հետ կնքվի անհատույց վարձակալության պայմանագիր, իսկ տնօրենն էլ ուղղակի պե՞տք է հարկայինում հայտարարություն ներկայացնի, որ տարածքը տրամադրել է անհատույց հիմունքներով։

Հյուրատան գործունեություն

Լուսինե․

Բարև Ձեզ։ Խնդրում եմ օգնել հասկանալ հետևյալ նրբությունը։ Դեռևս 2020 թվականից գրանցված եմ որպես ֆիզ անձ, միկրոձեռնարկատեր։ Բնակարանը որպես հյուրատուն եմ շահագործում։ Ամեն տարի հանձնել եմ հաշվետվություն ԱՁ չհանդիսանալու վերաբերյալ, նշելով 13-րդ կետը՝ զբոսաշրջային տների միջոցով հյուրանոցային ծառայությունների մատուցում։ Արդյո՞ք հիմա պետք է այլ հաշվետվություն հանձնեմ, և ի՞նչ նրբություններ և փոփոխություններ կան։ Կանխավ շնորհակալություն։

Ձև 163 – ի փոխարեն

Դիանա․

Բարև Ձեզ, հարգելի հաշվապահներ, խնդրում եմ պատասխանեք՝ Ձև 163 – ի փոխարեն ո՞ր ձևն ենք ներկայացնելու ՊԵԿ: Շնորհակալություն։

Ազատման գրանցման հայտը չի ներկայացվել

Նարեկ․

Բարև Ձեզ։ Ընկերության աշխատակիցը դուրս է եկել աշխատանքից 3 ամիս առաջ, բայց աշխատանքի ազատման հայտ չենք ներկայացրել։ Կասե՞ք՝ ի՞նչ անել, որ մինիմալ ռիսկային լինել։ Ազատման հայտ ուղարկեմ 3 օր հետին ամսաթվով և ճշգրտեմ եկամտային հարկի հաշվետվությունները աշխատակցի աշխատավարձը զրո գրելով, թե՞ երեք ամիս հետին ամսաթվով ազատեմ աշխատակցին՝ ճշգրտելով նաև եկամտային հարկի հաշվետվությունները՝ աշխատակցի աշխատավարձը զրո գրելով։

Շահութահարկի հաշվարկի լրացման կարգ

Նարինե․

Ամուսինս ԱՁ է, զբաղվում է արևային վահանակների տեղադրման աշխատանքներով։ Նախորդ տարիներին աշխատել է միկրոձեռնարկատիրության դաշտում, սակայն նոյեմբերի 24-ից գերազանցեց 24 մլն շեմը, ու անցանք շրջանառության հարկի դաշտ։ Հիմա շահութահարկի հաշվարկը լրացնելու խնդիր ունեմ, լրացման ձևը չեմ հասկանում, որ խնդրեմ, կօգնե՞ք։

Եկամտային հարկի զրոյական հաշվարկ

Արեգա․

Բարև Ձեզ, Խնդրում եմ ինձ ուղղություն ցույց տվեք։

Ունեմ այսպիսի հարց․ ընկերությունը զբաղվում է արտադրանքի վերամշակմամբ և միայն պատրաստի արտադրանքի արտահանմամբ: Դեկտեմբեր ամսին ընկերությունը արտահանում չի ունեցել, հետևաբար արտադրամասի աշխատողները չեն աշխատել:

Հարց 1. կարո՞ղ եմ եկամտային հարկի հաշվետվության մեջ արտադրամասի աշխատողներից յուրաքանչյուրի Աշխատավարձ և դրան հավասարեցված այլ վճարումներ [1.6] տողում գրել -0, իսկ Փաստացի աշխատած ժամեր [1.15] տողում՝ գրել-0:

Եթե ոչ, ապա ինչպե՞ս վարվեմ: Խնդրում եմ ինձ շտապ օգնեք: Կանխավ շնորհակալություն։

Նորաբաց ՍՊԸ

Միքայել․

Բարև Ձեզ, հարգելի գործընկերներ։ Խնդրում եմ օգնել հետեվյալ հարցերում․

• ՍՊԸ գրանցելու օրը կնքելու եմ պայմանագիր տնօրենի հետ։ Հարց – պարտավո՞ր է արդյոք ՍՊԸ-ն պաշտոնապես տեղեկացնել որևէ պետական մարմնին տնօրենին աշխատանքի վերցնելու փաստի մասին։ Եթե այո, խնդրում եմ հուշել՝ ի՞նչ պետք է անել

• Որտե՞ղ պետք է ընտրել հարկման տարբերակը – ԱԱՀ վճարող և այլն

• Ի՞նչ հաշվետվություն է պետք հանձնել։ Մոտակա երեք ամիսը գործունէություն չի ծավալվելու, լինելու է միայն տնօրենի աշխատավարձ և հարկեր

Հաշվի չեղարկում

Էվա․

Ողջույն, հարցս հետևյալն է․ դեկտեմբեր ամսվա մատուցած ծառայության հաշիվը դուրս է գրվել հունվար ամսին, հակառակ կողմի ամփոփը ուղարկելու օրը: Կարո՞ղ եմ արդյոք այն չեղարկել և դուրս գրել դեկտեմբերի 31-ով, իրենց պահանջն է: Ասեմ, որ արդեն 4-րդ եռամսյակի հաշվետվությունները ուղարկել եմ: Եթե հնարավոր է, խնդրում եմ ասել՝ ի՞նչ տարբերակով: Կախավ շնորհակալ եմ:

Միկրոձեռնարկատիրության տարեկան հաշվետվության ո՞ր տողը լրացնել

Վահագն․

Բարև Ձեզ։ ԱՁ-ն զբաղվում է ավտոտեխսպասարկմամբ։ Միկրոձեռնարկատիրության հաշվետվության 256 ձևում լրացվելու է “ծառայությունների մատուցում” տողը, թե՞ “աշխատանքների կատարում” տողը։

ԲՏԱ նախարարություն ներկայացվող հաշվետվություն

Ալլա․

Բարև Ձեզ։ ՏՏ ոլորտի բոլո՞ր ԱՁ-ներն են ներկայացնում հաշվետվություն ԲՏԱ նախարարություն: Եթե այո՝ ի՞նչ հաշվետվություններ են, և ե՞րբ պետք է ներկայացնել։

Հարկատեսակի դիմումներ դադարեցման դեպքում

Գոհար․

Բարև Ձեզ։ Մի քանի հարց ունեմ, խնդրում եմ օգնեք․

  1. Եթե ԱՁ կամ ՍՊԸ-ն դադարեցված է եղել, այս տարվա համար պե՞տք է հարկատեսակի համար հայտեր ներկայացնել և փակել 2023-ի տարեկան հաշվետվություններն
  2. ԱԱՀ-ով աշխատող ԱՁ-ի շրջանառությունն 0 է եղել։ Տարեկան ի՞նչ հաշվետվություն և հարկային պարտավորություն ունի

ԱՁ-ն տարածք է վարձակալել ֆիզ. անձից

Հարութ․

Բարև Ձեզ, հարգելի հաշվապահներ, խնդրում եմ ինձ օգնել հետևյալ հարցում. ԱՁ-ն տարածք է վարձակալել ֆիզ. անձից, արդյո՞ք պայմանագրի սկիզբ է համարվում հարկային մարմնում հատարարագրման օրը, և վարձավճարը կարող եմ վճարել ամբողջ տարվանը դեկտեմբեր ամսին և հանձնել հաշվետվություն միայն այդ ամսվա համար, թե՞ պետք է ներկայացնել զրոյական հաշվետվություն մյուս ամիսների համար, և կարո՞ղ է արդյոք ԱՁ-ն վարձավճարը ֆիզ անձին վճարել կանխիկ։

Վարձակալության հաշվետվություն

Կարեն․

163 ձևը գործում էր մինչև 31․12․2023 թվականը, այժմ ո՞ր ձևով պետք է տալ վարձակալության եկամտային հարկի հաշվետվությունը։

ԱԱՀ հաշվանցման ձևակերպումներ

Արթուր․

Բարև ձեզ, սիրելի խմբակիցներ։ ԱԱՀ-ի հաշվետվություն է ներկայացվել մարտ ամսին, որտեղ ներմուծման ԱԱՀ-ն հաշվացվել է, սակայն գումարը վճարվել է 20-ից հետո, դեկտեմբեր ամսին եկել է ծանուցում, որ տրվի ուղղում՝ հաշվանցվի այն ամսում, որ ամսում որ վճարվել է։ Խնդրում եմ օգնել տալ հաշվապահական ձևակերպումները։

Վիճակագրական հաշվետվություններ

Սուսաննա․

Բարև Ձեզ։ Կասե՞ք՝ ՍՊԸ-ն ի՞նչ վիճակագրական հաշվետվություններ է ներկայացնում։

Ֆիզ. անձի հաշվետվություններ և հարկեր

Արարատ․

Բարև ձեզ, հարգելի հաշվապահներ, խնդրում եմ օգնել մի հարցում: Ես ԱՁ չհանդիսացող ֆիզիկական անձ եմ, 258 ձևից բացի ի՞նչ հաշվետվություններ պետք է ներկայացնեմ և ի՞նչ վճարումներ պետք է իրականացնեմ, պե՞տք է արդյոք վճարեմ դրոշմանիշային վճար: Շրջանառությունս 2 մլն դրամ է ընդամենը: Կանխավ շնորհակալ եմ։

Մեքենայի ձեռքբերում ֆիզ. անձից

Լուսինե․

Հարգելի հաշվապահներ, խնդրում եմ օգնել տվյալ հարցում: Հունիս ամսին կազմակերպությունը, որն աշխատում է շրջանառության հարկով, և հիմնական գործունեությունը արտադրությունն է, ֆիզ․ անձից գնել է ավտոմեքենա։ Եկամտային հարկի հաշվարկի մեջ ներառել եմ, իսկ արդյո՞ք շրջանառության հարկի 3-րդ եռամսյակի հաշվետվության մեջ նույնպես պետք է ցույց տալ։

Հիմնադրամի հաշվետվություն

Մելինե․

Բարև, հարգելի հաշվապահներ։ Խնդրում եմ օգնել հիմնադրամների կողմից հրապարակվող հաշվետվության հետ կապված։ Մասնավորապես, եթե 2023թ․ հիմնադրամը ստացել է դրամաշնորհ և իրականացրել ծրագիր, այդ գումարը շահութահարկի հաշվետվության մեջ արտացոլվու՞մ է այլ եկամուտներում և համապատասխանաբար դուրս գրվում այլ ծախսերով, թե՞ ինչպես։

ԱՁ գործունեություն չի իրականացրել

Բարև Ձեզ։ Ես ՏՏ ոլորտի աշխատող եմ, երեք ամիս առաջ բացել եմ ԱՁ, դրանից հետո այն օգտագործելու կարիք չի եղել, սակայն չեմ հրաժարվել ԱՁ֊ից, ուզում եմ իմանալ, թե այդ դեպքում ի՞նչ պարտավորություններ ունեմ, արդյո՞ք որևէ հարկ վճարելու, հաշվետվություններ ներկայացնելու կարիք կա։ Եթե այո, ապա ի՞նչ գործիքներ կան դրանք իրականացնելու համար, ու ի՞նչ տուգանքներ խախտումների դեպքում, եթե նախորդ ամիսներին որևէ վճարում չեմ իրականացրել։

ԱՁ դադարեցում

Նամի․

Բարև ձեզ, ես ԱՁ եմ բացել մի քանի ամիս առաջ, բայց ընդհանրապես ոչ մի շրջանառություն չեմ ունեցել, հաշվետվություն էլ չեմ ներկայացրել։ Կարո՞ղ եմ սառեցնել, և ունե՞մ արդյոք որևէ տույժ հաշվետվություն չներկայացնելու համար։

Հաշվետվություն փոխառությունների մասով

Արման․

Հարգելի հաշվապահներ, արդյո՞ք ստացված փոխառությունների մասով ֆիզ․ անձինք պետք է որևէ հաշվետվություն ներկայացնեն 2023թ-ի համար։ Շնորհակալություն։

ՍՊԸ վարձակալել է տարածք

Արմ․

Բարև Ձեզ։ Եթե ՍՊԸ-ն վարձակալել է տարածք, ապա հաշվետվության ո՞ր ձևը պետք է հանձնել և ե՞րբ։

Wildberries հարթակում գործունեություն

Լաուրա․

Բարև Ձեզ։ Wildberries – ի սպսարկման կետը ծառայություններ է մատուցում` ներկրում, արտահանում, աշխատում է շրջանառության հարկով, չունի գրանցված աշխատողներ, բացվել է նոյեմբերի 25-ից, դեռևս մեկ գործարք է կատարել։ Խնդրում եմ ասեք՝ բացի եռամսյակային շրջանառության հարկի հաշվարկից ուրիշ ի՞նչ հաշվետվություն պետք է ներկայացնել, և ո՞րն է դասակարգիչ կոդը։

Լեզուների դասավանդում ֆիզ. անձի կողմից

Վահագն․

Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։

ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։

Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։

ԱԱՀ հաշվետվության լրացման կարգ

Բաբկեն․

Բարև ձեզ, հարգելի հաշվապահներ։ ԱՁ եմ և ունեմ մսի խանութ։ Սխալի պատճառով միկրոձեռնարկատիրությունից անցել եմ ընդհանուր հարկման դաշտ։ Որ խնդրեմ՝ կասե՞ք 260 հաշվետվության լրացման կարգը, և ո՞ր տողում պետք է գրեմ ՀԴՄ շրջանառության թիվը, և մնացած տողերում ի՞նչ լրացնեմ: Նախապես շնորհակալություն:

Կանոնադրական կապիտալի համալրման ձևակերպում

Լիլիթ․

Եթե ընկերությունը ստեղծվել է 2021թ. ու կանոնադրական կապիտալի համալրման ձևակերպում չի տվել, հաշվետվությունները ներկայացրել է առանց դրա, հնարավո՞ր է ճշգրտում անել։

Անշարժ գույքի վարձակալության հաշվետվություն

Սուսաննա․

Բարև Ձեզ։ Խնդրում եմ ասեք՝ անշարժ գույքը վարձակալության տվող ֆիզ. անձը բացի 163 ձևից ուրիշ հաշվետվություն ու՞նի հանձնելու։

ՀԴՄ ներկայացվող պահանջներ

Վահագն․

2024թ.-ին ՀԴՄ կտրոնի վրա անվանացանկի առկայությունը, դեռևս պարտադիր է միայն 24 000 000 շրջանառությունը գերազանցելու դեպքու՞մ։ Եվ այդ ի՞նչ պահանջ կա ՀԴՄ-ով էլեկտրոնային հաշվետվության արտահանման հետ կապված։

Ո՞ր ամսվա ԱԱՀ հաշվարկում արտացոլել գումարը

Գայանե․

Բարև Ձեզ, էսպիսի մի հարց՝ եթե ներմուծման հայտարարարագիրը բացվել է նոյեմբերին և վճարումը տեղի է ունեցել նույնպես նոյեմբերին, բայց բաց թողում տեղի չի ունեցել, ԱԱՀ-ի հաշվետվության մեջ դա ո՞ր ամսվա մեջ ենք պակասեցնում։ Շնորհակալություն։

Գրանցվել որպես լիազոր

Օլյա․

Բարև ձեզ։ Ես պիտի սկսեմ աշխատել ԱՁ ձեռնարկատիրոջ մոտ որպես հաշվապահ, բայց քանի որ վերջին թարմացումներին ծանոթ չեմ ու նախկինում ԱՁ հաշվապահություն չեմ վարել, չգիտեմ՝ ինչպես գրանցվել լիազորի գրասենյակում, կհուշե՞ք քայլերը։