Tag: հաստատագրված

Ո՞ր գործունեություններն են իրականացվում արտոնագրային և հաստատագրված վճարներով

Դիանա.

Բարև Ձեզ: Ներեցե՛ք, խնդրում եմ ներկայացնել ՀՀ օրենքը հաստատագրված վճարի և արտոնագրային վճարի մասին, ո՞ր գործունեություններն են իրականացվում արտոնագրով և հաստատագրված վճարով:
Նախապես շնորհակալություն:

Կազմակերպությունը զբաղվում է բեռնափոխադրումներով

Արմեն.

Հարգելի գործընկերներ, մեր կազմակերպությունը զբաղվում է բեռնափոխադրումներով: Արդյո՞ք հաստատագրված վճարը դուրս է գալու 2018թ-ից, և այդ դեպքում ինչպե՞ս է հարկվելու բեռնափոխադրման գործունեությունը: Շնորհակալություն:

Ա/Ձ-ն էվակուատորով ծառայություն է մատուցելու

Աղունիկ.

Ա/Ձ-ն էվակուատորով ծառայություն է մատուցելու: Հաստատագրված վճարո՞վ, թե՞ շրջանառության հարկով է հարկվելու:

ԱՁ աշխատում է հաստատագրված վճարով

Վարդուշ.

Հարգելի մասնագետներ, խնդրում եմ ասեք, եթե Ա/Ձ-ն աշխատում է հաստատագրված վճարով` ի՞նչ հաշվետվություններ և ի՞նչ վճարումններ պետք է կատարի և ի՞նչ կտրվածքով, որ մարմիններին պետք է տա հաշվետվություն: Կանխավ շնորհակալ եմ:

2017թ-ից կգանձվի ԱԱՀ ներգնա տուրիստական փաթեթներից

Արամ.

Հարգելի գործընկերներ, որքանով տեղյակ եմ, 2017թ-ից կգանձվի ԱԱՀ ներգնա տուրիստական փաթեթներից:

Հարց. արդյո՞ք դա վերբերում է միայն ԱԱՀ-ով աշխատող տնտեսվարող սուբյեկտներին:

Եթե այո, արդյո՞ք չի ստացվի, որ ԱԱՀ-ով աշխատող տնտեսվարողի կողմից ներկայացված նույն տուրիստական փաթեթը ԱԱՀ մասով ավելին կարժենա, քան հաստատագրված հարկ վճարող տնտեսվարողինը:

Խնդրում եմ, պարզաբանեք:

Շնորհակալություն,

Արամ

Ինչպե՞ս է հարկվելու բեռնափոխադրումների գործունեությունը

261

Արտակ.

Հարգելի հաշվապահներ, մեր կազմակերպությունը զբաղվում է բեռնափոխադրումներով և վճարում է հաստատագրված վճար այդ գործունեության համար: Ճի՞շտ է արդյոք, որ 2018թ. հունվարի 1-ից ուժի մեջ մտնող հարկային օրենսգրքով հաստատագրված վճարը դուրս է գալիս: Այդ դեպքում ինչպե՞ս է հարկվելու բեռնափոխադրումների գործունեությունը: Նախապես շնորհակալություն:

Ինչպե՞ս է դուրս գրվելու հաշիվ-ապրանքագիրը

Արմինե.

Ասացեք խնդրեմ, կազմակերպությունը իրականացնում է միջպետական բեռնափոխադրումներ և աշխատում է հաստատագրված վճարով: Մինչև հիմա մենք գրել ենք մատուցված ծառայության դիմաց հաշիվ-ապրանքագիր, հիմա ինչպե՞ս ենք անելու, նորի՞ց հաշիվ ապրանքագիր ենք գրելու, թե՞ էլեկրտոնային ենք դուրս գրելու հաշիվը:

Կազմակերպությունը զբաղվում է բեռնափոխադրումներով

207

Արթուր.

Բարև ձեզ:

Ինձ անհրաժեշտ է հաշվապահական և հարկային տեղեկատվություն և խորհրդատվություն, թե միջազգային և միջշրջանային բեռնափոխադրում իրականացնելու համար ԱԱՀ-ով աշխատող ընկերություն է պետք բացել, թե՞ հաստատագրված վճարով, եթե.

1. Բեռնատար մեքենան սեփական է,
2. Բացվող ընկերությունը հանդիսանալու է միջնորդ բեռի տիրոջ և բեռնափոխադրում իրականացնողի միջև

Եթե հնարավոր է հանդիպել և ստանալ մանրամասն անհրաժեշտ և բավարար հաշվապահական և հարկային խորհրդատվությունը անմիջական բանավոր հարց ու պատասխանի միջոցով, ապա կոնտակտ թողեք, ես կկապվեմ Ձեզ հետ:

Շնորհակալություն:

Գործունեության դադարեցման էլեկտրոնային դիմում

Մհեր.

Բարև ձեզ: Ես ցանկանում եմ ժամանակավոր դադարեցնել ՍՊԸ գործունեությունը: Փորձում եմ լրացնել դիմում (59. ԴԻՄՈՒՄ-ՀԱՅՏԱՐԱՐՈՒԹՅՈՒՆ՝ Հաստատագրված վճար վճարողի գործունեության ժամանակավոր դադարեցման վերաբերյալ), բայց համար 3 դաշտը (Գործունեության տեսակը) միշտ դատարկ է մնում: Այդ դաշտում ոչ կարող եմ գրել, ոչ էլ ունեմ տարբերակներ, որ նրանից մեկը զատեմ: Այս ձևով չեմ կարողանում լրացնել դիմումը, միշտ ասում է` “Դաշտը չի կարող լինել դատարկ”: Խնդրում եմ հուշել` ինչպես վարվեմ: Նախապես շնորհակալ եմ:

Գազալցակայանը ցանկանում է աշխատել ԱԱՀ դաշտում

Գագիկ.

Բարև ձեզ, գազալցակայանը աշխատում է հաստատագրված վճարով, սակայն 2014 թվականից ցանկանում ենք անցնել ԱԱՀ հարկատեսակի: Ի՞նչ փաստաթղթեր է պետք ներկայացնել հարկային տեսչություն և ո՞ր օրենքի հիման վրա: Կանխավ շնորհակալություն:

Կազմակերպությունը բացում է ատամնաբուժարան և ռենտգենի կաբինետ

Arman.

Բարև ձեզ: Խնդրում եմ շտապ օգնեք: ՍՊԸ բացում է ատամնաբուժարան և ռենտգենի կաբինետ: Ի՞նչ հարկատեսակով է աշխատելու` հաստատագրվածով, թե՞ ոչ, և ունենալու՞ է ՀԴՄ ապարատ, այսինքն շրջանառության քանի՞ տոկոսն է գանձվելու և ի՞նչ հաշվետվություն պետք է հանձնեմ: Շնորհակալություն:

ԱՁ-ն զբաղվում է հագուստի մանրածախ և մեծածախ վաճառքով

Ռոբերտ.

Բարև Ձեզ, հարգելի հաշվապահներ:

Ես նոր գրանցված ԱՁ եմ, զբաղվում եմ հագուստի մանրածախ և մեծածախ վաճառքով: Վաճառքը կազմակերպում եմ տանից, 1 սենյակ տրամադրել եմ որպես վաճառասրահ: Ինձ հարկային մարմիններում տեղեկացրին, որ դրամարկղային մեքենա չի հասնում ինձ, քանի որ տարածքս գտնվում է 2 հարկում և “խանութի” սահմանված պահանջներին չի համապատասխանում: Աշխատում եմ մենակ, ուրիշ աշխատող չունեմ: Հարցերս հետևյալն են.

1) Ինչպե՞ս ես ցույց տամ իմ շրջանառությունը
2) Արդյո՞ք պետք է ներկայացնեմ ձեռք բերման որևէ թուղթ
3) Եվ հնարավո՞ր է ինձ հաստատագրված հարկ նշանակեն

իմ էլեկ. հասցեն է rob0408 շնիկ mail.ru.

Կանխավ շնորհակալություն պատասխանների համար:

Արդյո՞ք ԱՁ-ն վճարելու է ամսական 5000 դրամ

Arus.

Ըստ “Եկամտային հարկի մասին” ՀՀ օրենքի անհատ ձեռնարկատերը 2013թ.-ից վճարելու՞ է ամսական 5000 դրամ սոց. գումար, եթե հաստատագրված կամ արտոնագրված վճարով աշխատող չէ:

Սահմանային չափերի ցուցանիշների մասին հայտարարություն

Լիանա.

Մինչ արտոնագրային վճարին անցնելն եռամսյակը մեկ անգամ ներկայացնում էինք հայտարարություն ավտոտեխսպասարկման կայանների (կետերի) գործունեության համար սահմանային չափերի ցուցանիշների մասին: Ո՞վ կարող է հուշել` հաշվետվության այս ձևը պահպանվել է, թե՞ նոր ինչ-որ բան կա:

Շնորհակալություն:

ԱՁ գրանցում սոց. ապ. հիմնադրամում

Վարդան.

Բարև Ձեզ: Ես այսպիսի մի հարց ունեմ. 2011 դեկտեմբերի 12-ին գրանցել եմ ԱՁ ու ամեն ամիս մուծել եմ սոց. վճար հանդիսացող 5000 դրամը: Գործնեությունը սկսել եմ իրականացնել ս.թ. հունվարի 1-ից: Ասեմ, որ ԱՁ իրականացնում է վարսավիրական գործնեություն և աշխատում է հաստատագրված վճարով: Գնացել եմ թաղապետարանի համապատասխան բաժին (ինչպես իրենք են ասում 101 սենյակ), որպեսզի գրանցեմ աշխատողներին` մայիս ամսից: Ինձ ասել են, որ ես պետք է ինձ գրանցեի որպես աշխատող, որը չեմ արել (ԱՁ ես եմ), ուստի պետք է դրա համար վճարեմ տուգանք գրանցման օրվանից ինձ չգրանցելու և իմ սոց. վճարը չմուծելու համար: Խնդրում եմ ինձ ուղղություն տալ այս հարցում: Արդյո՞ք ես պետք է ինձ գրանցեի որպես աշխատող, եթե այո, ապա 5000 սոց. վճարը ինչի՞ համար էի մուծում, և եթե ես իրոք խախտում եմ կատարել, ապա ինչպե՞ս է հաշվարկվում այդ սոց. վճարը և տուգանքի չափը: Կանխավ շնորհակալություն:

ԱՁ-ն աշխատում է հաստատագրված վճարով

Տաթևիկ.

Ունեմ երկու հարց, խնդրում եմ պատասխանել.
1. Հաստատագրված վճարով աշխատող ԱՁ-ն իրավունք ունի՞ արդյոք դուրս գրել ԱԱՀ-ով հաշիվ և եթե ունի, ապա ի՞նչ է արվում այդ ԱԱՀ-ի գումարը:
2. Հաստատագրված վճարով աշխատող ԱՁ-ն ստացել և դուրս է գրել ԱԱՀ-ով հաշիվներ: ԱՁ-ի տարեկան եկամուտների հայտարարագրում Ծախսեր և Եկամուտներ տողերում գրվում է ներառյա՞լ ԱԱՀ գումարը:
Շնորհակալ եմ:

ԱՁ զբաղվում է վարսավիրական ծառայությունների մատուցմամբ

Մերի.

Հարգելի կոլեգաներ, խնդրում եմ օգնեք: ԱՁ-ն հարսանյաց զգեստի վարձույթի սրահին կից նաև որոշել է մատուցել վարսավիրական ծառայություններ` 2 վարսավիր աշխատանքի ընդունելով: Կասե՞ք ինձ, ինչպիսի հարկատեսակների հետ է գործ ունենալու ԱՁ-ն, և ո՞ր օրենքով է կանոնակարգվում վարսավիրական ծառայությունների մատուցման հետ կապված հարկային դաշտը, եթե Հաստատագրված վճարների մասին օրենքի վերջին փոփոխություններում վարսավիրական ծառայությունների մատուցմանը վերաբերող կետը դուրս է եկել:

Ոչ ռեզիդենտի շահութահարկի հաշվարկի ներկայացման ժամկետ

Մարի.

Հարգելի հաշվապահներ, չե՞ք օգնի այս հարցերի հետ կապված`
1. ոչ ռեզիդենտների շահութահարկի հաշվարկի ներկայացման ժամկետը
2. հաստատագրված վճարների հաշվարկի ներկայացման ժամկետները:

Նախապես շնորհակալություն:

Սահմանային չափերի հետ կապված

Արտակ.

Բարեվ ձեզ: Արտոնագրային վճար վճարողները ազատվե՞լ են արդյոք սահմանային չափերից և եռամսյակային հաշվետվություններից: Շնորհակալություն:

Ի՞նչ տարեկան հաշվետվություններ պետք է ներկայացնել

Անուշ.

Շահութահարկի դեպքում ներկայացնում են տարեկան հաշվարկ հաշվետվության տեսքով, իսկ ի՞նչ տարեկան հաշվետվություններ կամ նման կարգի փաստաթղթեր պետք է ներկայացնել հանրային սննդի ոլորտում հաստատագրված վճարով հարկվող գործունեություն իրականացնելու դեպքում: Կանխավ շնորհակալություն:

Նվազագույն շահութահարկի գումարը հաշվարկելու համար

Արման.

ՍՊԸ-ն ունի 2 տեսակի գործունեություն, որից մեկը հաստատագրված վճարով է հարկվում, մյուսը ԱԱՀ-ով: 2012-ի 1-ին եռամսյակի նվազագույն շահութահարկի գումարը հաշվարկելու համար հաստատագրվածով շրջանառությունը հաշվի առնվու՞մ է արդյոք 1% հաշվելուց, և 2011թ դեկտեմբերի, 2012-ի հունվարի և փետրվարի շրջանառությունի՞ց ես պետք է այն հաշվարկեմ: Շնորհակալություն պատասխանողներին:

ԱՁ-ն աշխատում է հաստատագրված վճարով

Anna.

Բարև Ձեզ: Խնդրում եմ օգնել հետևյալ հարցում. ԱՁ-ն աշխատում է հաստատագրված վճարով(վարսավիրանոց): Արդյո՞ք պետք է ներկայացվի ֆիզիկական անձի տարեկան եկամուտների պարզեցված հաշվարկ, և ի՞նչ կարգով պետք է լրացվի, կանխավ շնորհակալ եմ:

Արտաքին բուֆետի հարկման վերաբերյալ

Liana.

Հարգելի կոլեգաներ, ապրիլի 1-ից հանրային սնունդը հարկվելու է արտոնագրային վճարով, և “Հաստատագրված վճարների մասին” օրենքի Գլուխ 16 ուժը կորցրած է ճանաչվում: Իսկ ինչպե՞ս է հարկվելու “Հաստատագրված վճարների մասին” օրենքի Գլուխ 16-ի 35րդ-հոդված 2-րդ կետով սահմանված արտաքին բուֆետը: Նոր` “Արտոնագրային վճարների մասին” օրենքում նման կետ չկա, միայն սպասարկման սրահով է որոշվում, այն էլ սկսվում է մինչև 50մ քառակուսու համար, ուղղիչ գործակից չկա և եռամսյակի համար 225.000 դրամ: Իսկ եթե սպասարկման սրահ չունես, ինչպե՞ս է որոշվելու:

Բիլիարդ խաղի կազմակերպում

Կարեն.

Բարև ձեզ, խնդրում եմ ասեք` ինչպե՞ս է հաշվարկվում հաստատագրված վճարի մեծության չափը բիլիարդ խաղի կազմակերպման համար Արմավիրի մարզում: Նախապես շնորհակալություն:

Ավտոլվացման կետ

Գերաս.

Ես գրանցված եմ որպես Ա/Ձ, ունեմ ավտոլվացման կետ, որը հարկվում է հաստատագրված վճարով, և մեկ վարձու աշխատող: Ամսական ինչքա՞ն գումար պետք է վճարեմ հարկ և սոց.: Եվ եթե ես բացում եմ ամսի 20-ին, տարբրություն կա՞: Նախապես շնորհակալ եմ:

Ավտոլվացման կետի վերաբերյալ

Գերաս.

Բարև ձեզ: Մեկ հարց ձեզ. ես բացել եմ Ա/Ձ ավտոլվացման կետ ու հիմա ՀԴՄ-ն գրանցում են (արդեն 2 օր): Կարո՞ղ եմ մինչև ՀԴՄ-ն ինձ տալը աշխատացնեմ ավտոլվացման կետը: Եվ ևս մեկ հարց, եթե ՀԴՄ-ն ինձ վերադարցնեն ամսի 18-ին, և ես աշխատացնեմ ավտոլվացման կետը, հարկերը որքա՞ն և ե՞րբ պետք է մուծեմ: Ամբո՞ղջ ամսվանը: Խնդրում եմ ինձ օգնել:

Սահմանային չափը գերազանցելու դեպքում

Մարինե.

Բարև Ձեզ:
Խնդրում եմ ինձ օգնել հետևյալ հարցում: Ա/Ձ աշխատում է հաստատագրված հարկով հանրային սննդի սպասարկման ոլորտում (ակումբ): Խնդրում եմ ասեք` եթե սահմանային չափը գերազանցում ենք, ապա ի՞նչ հարկային պարտավորություններ են առաջանում: Կանխավ շնորհակալ եմ բոլոր պատասխանների համար:

Շահութահարկի հաշվարկի լրացում

Eva.

Բարև Ձեզ: Կխնդրեի օգնել` հաստատագրված վճարի դեպքում ինչպե՞ս է լրացվում պարզեցված շահութահակի հաշվետվությունը: Կանխավ շնորհակալութուն:

2012թ. հարկային օրենսդրության փոփոխություններ

Աղբյուր` Accountant.am

Այս հոդվածով ներկայացրել ենք հարկային օրենսդրության փոփոխությունների ընդհանուր պատկերը: Հարկային փոփոխությունների վերաբերյալ մանրամասն տեղեկություններ ստանալու համար կարող եք գրանցվել սեմինարի:

2012թ. հունվարի մեկից ուժի մեջ մտան մի շարք օրենսդրական փոփոխություններ, որոնք վերաբերում են Հարկերի, Շահութահարկի, Եկամտահարկի, Ակցիզային հարկի, Ավելացված Արժեքի հարկի, Պարտադիր սոցիալական ապահովության վճարների մասին օրենքներին, ինչպես նաև մի շարք այլ օրենքների: Կարդալ ավելին “2012թ. հարկային օրենսդրության փոփոխություններ”

Սահմանային չափերի ցուցանիշների մասին հայտարարություն

Եվա.

Հաստատագրված վճարի սահմանային չափի ցուցանիշների մասին հայտարարությունում սպասարկման մակերեսը ինչպե՞ս գրել, եթե եռամսյակի յուրաքանչյուր ամիս ունեցել է տարբեր սպասարկման մակերես: Կանխավ շնորհակալություն:

Հաստատագրված վճարի հաշվարկ

Աննա.

Բարև բոլորին: Խնդրում եմ, ստուգեք՝ արդյո՞ք ճիշտ եմ կատարել հաստատագրված վճարի հաշվարկը դեպի Լոռու մարզ բեռնափոխադրումներ իրականացնող ԱՁ-ի համար` 2000*1,5տ*1,4=4200 դրամ: Նախապես շնորհակալություն:

Սրճարանը ի՞նչ հարկով պետք է աշխատի

Մարի.

Հարգելի հաշվապահներ, կարո՞ղ եք օգնել: Սրճարանը ի՞նչ հարկով պետք է աշխատի: Կարո՞ղ է արդյոք աշխատել հաստատագրված վճարով: Նախապես շնորհակալություն:

Կազմակերպությունը աշխատում է և հաստատագրված վճարով, և համարվում է շահութահարկ վճարող

Mariam.

Հարգելի փորձառու հաշվապահներ, խնդրում եմ ինձ օգնեք հետևյալ հարցում: Կազմակերպությունը աշխատում է և հաստատագրված վճարով, և համարվում է շահութահարկ վճարող: Կարո՞ղ եք ինձ ասել և հիմնավորել, թե ինչպես ես պետք է հաշվարկեմ ստացված եկամուտը, որպեսզի շահութահարկի տարեկան հաշվետվությունը փակեմ: Արդյո՞ք հաստատագրված վճարից ստացված եկամուտը պետք է գումարեմ առևտրից ստացաված եկամուտին: Ես գտնում եմ, որ պետք է կատարեմ առանձին հաշվառում, և հաստատագրված վճարի համար կատարված ծախսերը և ստացված եկամուտները առանձնացնեմ, և շահութահարկը նվազեցնեմ միայն իրեն վերաբերվող ծախսերով, և հիմք ընդունեմ միայն այն եկամուտները, որոնք վերաբերվում են տվյալ ոլորտին: Խնդրում եմ ինձ հուշեք` արդյոք ճիշտ եմ: Եթե ոչ, գրեք ճիշտ տարբերակը: Նախապես շնորհակալություն:

Գործունեության ժամանակավոր դադարեցում

Կարինե.

Հարգելի կոլեգաներ, եթե կազմակերպությունը ունի ավտոտեխսպասարկման տեղամաս (երկու բոքս), այդ բոքսերի աշխատակիցները հունվարին ցանկանում են վերցնել չվճարվող արձակուրդ, այս դեպքում ես հունվարի համար կարո՞ղ եմ արդյոք երկու բոքսերի մասով դադարեցում տալ: Կանխավ շնորհակալ եմ:

Դրամարկղային գրքի գործառնություններ

Lina.

Հարգելի հաշվապահներ, խնդրում եմ ասեք, եթե հաստատագրված հարկ վճարելու համար դրամարղային ելքի օրդերով ելք է եղել 300.0 դրամ գերազանցող գումար, արդյո՞ք դա համարվում է սահմանափակումների խախտում:

Ավելացվել են փաստաթղթեր

“Փաստաթղթեր” բաժնում ավելացվել են հետևյալ փաստաթղթերը.

  • Հայտարարություն հանրային սննդի ոլորտում իրականացվող գործունեության համար հաստատագրված վճարի հաշվարկման ելակետային տվյալի և ուղղիչ գործակիցների մասին
  • Հայտարարություն հանրային սննդի ոլորտում իրականացվող գործունեության սահմանային չափի ցուցանիշների մասին
  • Հայտարարություն բաղնիքների և ցնցուղարանների կազմակերպման ոլորտում իրականացվող գործունեության համար հաստատագրված վճարի հաշվարկման ելակետային տվյալի և ուղղիչ գործակցի մասին
  • Հայտարարություն հյուրանոցային տնտեսության օբյեկտների գործունեության համար հաստատագրված վճարի հաշվարկման ելակետային տվյալի և ուղղիչ գործակցի մասին

Կարդալ ավելին “Ավելացվել են փաստաթղթեր”

Ավտոտեխսպասարկման գործունեության սահմանային չափերի վերաբերյալ

Edgar.

Հարգելի հաշվապահներ, խնդրում եմ պատասխանեք հետևյալ հարցին: Ավտոտեխսպասարկման կենտրոնը աշխատում է հաստատագրված վճարների հարկման դաշտում: Ունի 3 աշխատատեղ: Հաստատագրված վճարներով հարկման դաշտից դուրս գալու և ընդհանուր հարկման դաշտ ընկնելու համար իրացման շրջանառությունը ամսվա կտրվածքով պետք է գերազանցի 800.0՞, թե՞ 2400.0 դրամը:

Կազմակերպությունը զբաղվում է բեռնափոխադրմամբ

Գայանե.

Հարգելի հաշվապահներ, եթե կարող եք, պատասխանեք:

Կազմակերպությունը զբաղվում է բեռնափոխադրմամբ: Հաստատագրված հարկ վճարող կազմակերպությունը բացի եկամտահարկի և սոց. հաշվետվություններից ի՞նչ հաշվետվություններ է ներկայացնում (ամսական, եռամսյակային, տարեկան):

Կանխավ շնորհակալություն:

Հաշվետվությունների հանձնում էլեկտրոնային եղանակով

Lena.

Բարև Ձեզ, ինձ մի հարց է անհանգստացնում. ճի՞շտ է, որ այս եռամսյակից սկսած հաշվետվությունները էլեկտրոնային տարբերակով պետք է հանձնել անկախ նրանից, թե կազմակերպությունը ԱԱՀ վճարող է, թե ոչ (տվյալ դեպքում ՍՊԸ-ն հաստատագրվածով է աշխատում): Նախօրոք շնորհակալություն:

Կազմակերպությունը ՓՄՁ է

Մարի.

Հարգելի հաշվապահներ, խնդրում եմ ինձ օգնել հետևյալ հարցում: Մեր կազմակերպությունը ՓՄՁ է և վարում է դրամարկղի գիրք: Ապրանքի իրացումից ստացված հասւյթը գրանցվում է դրամարկղի գրքում, բայց միևնույն ժամանակ կազմակերպությունը աշխատում է նաև հաստատագրված վճարով: Խնդրում եմ ինձ օգնել: Ես պե՞տք է ևˊ վաճառքից ստացված գումարը գրանցեմ, ևˊ հաստատագրվածով աշխատող սպասարկման կետից ստացված գումարը: Երկուսն էլ ինձ համար հասույթ են համարվում: Կանխավ շնորհակալ եմ:

Շահութահարկի պարզեցված հաշվարկ

Դավիթ Ասատրյան.

Ինչքա՞ն է վարչական տուգանքը` 10000 դրամ, թե՞ 50000 դրամ, եթե հաստատագրված վճարով աշխատող ՍՊԸ-ն` ավտոտեխսպասարկում, չի հանձնել շահութահարկի պարզեցված հաշվարկը: Ի միջի այլոց, ասում են, որ հաշվետվությունների քանակը կրճատել են, սակայն այս դեպքում ավելանում է:

ԱԱՀ դեբետային մնացորդի միացում ՀՄ ինքնարժեքին

Anna.

Հարգելի կոլեգաներ, այսպիսի մի հարց: Կազմակերպությունը տվյալ պահին համարվում է ԱԱՀ վճարող, սակայն քանի որ պատրաստվում է գործունեության տեսակը փոխել, ընկնում է հաստատագրված վճարի տակ: ԱԱՀ հարկային դաշտում գտնվելու ժամանակահատվածում ներմուծել է հիմնական միջոցներ, որից էլ առաջացել է ԱԱՀ դեբետ: Հարցս հետևյալն է` ի՞նչ է լինելու այդ ԱԱՀ դեբետի հետ, արդյո՞ք այդ ԱԱՀ-ի գումարը պետք է միացնել հիմնական միջոցների արժեքին: Եթե օրենքի այդպիսի կետ կա, խնդրում եմ հղում տալ: Նախապես շնորհակալություն:

Պարտադիր սոցիալական ապահովագրության մասին օրենքի վերաբերյալ

Ֆլորա.

Հարգելի հաշվապահներ, պարզաբանեք, խնդրում եմ, պարտադիր սոցիալական ապահովագրության մասին օրենքի 5-րդ հոդվածի 5-րդ կետը. ԱԱՀ վճարող չհամարվող և արդյո՞ք միաժամանակ հաստատագրված վճար վճարող հանդիսացող անհատ ձեռնարկատերերի մասին է խոսքը, որոնք 3 տոկոս են կատարում տարեկան սոցը:

Հաշվապահական հաշվառման կազմակերպումը ատամնաբուժական կլինիկայում

Հակոբ.

Բարև Ձեզ: Խնդրում եմ ինձ ասել, թե ատամնաբուժական կլինիկաների հաշվապահությունը ինչպես է կատարվում: Արդյո՞ք նրանք ունեն շահութահարկի գծով արտոնություններ: Հաստատագրված հարկը նրանց վերաբերու՞մ է թե՞ ոչ: Ցանկացած տեղեկություն կարող է օգտակար լինել: Շնորհակալություն:

Ի՞նչ հարկային պարտավորություններ են առաջանում

Լևոն.

Բարև բոլորին:
Կխնդրեի ինձ օգնել: Ա/Ձ-ն գործում է հանրային սննդի ոլորտում, 2 աշխատող, զբաղեցրած տարածքը 24 քմ. է: Ի՞նչ հարկեր պետք է վճարել և որքա՞ն, և պե՞տք է արդյոք ՀԴՄ:
Կանխավ շնորհակալ եմ:

Հարկի հաշվանցում

Naira.

Եթե 2009թ.շահութահարկի փոխարեն վճարվել է շահութահարկի 1%-ի հաշվին, 2010թ. կազմակերպությունը աշխատել է հաստատագրված վճարով, արդյո՞ք կարող ենք այդ գումարը հաշվանցել այլ հարկատեսակների հաշվին:

Արդյոք կարելի՞ է հաշվանցել ԱԱՀ-ն

Nara.

Բարև ձեզ: Նշված գումարից կարելի՞ է հաշվանցել ԱԱՀ-ն անկախ այն բանից, որ ծառայության դիմաց ստացած հաշիվ-ֆակտուրայում ԱԱՀ առանձին չի նշվում և գրված է միայն հաստատագրված վճար:

Վարսավիրական ծառայությունների մատուցում

Լուսինե.

Հարգելի հաշվապահներ, ես Ա/Ձ եմ և ունեմ վարսավիրանոց,այն աշխատում է հաստատագրված վճարով, արդյո՞ք ես պետք է հաշիվ-ապրանքագիր վերցնեմ, օրինակ, երբ ներկեր եմ գնում, և արդյո՞ք պետք է շրջանառություն հանեմ ամսվա կտրվածքով: Խնդրում եմ խորհրդի կարգով օգնեք, թե ինչպիսի հաշվապահական փաստաթղթեր վարեմ: Կանխավ շնորհակալություն:

Բենզինի մանրածախ վաճառք

Եգոր.

Բարև ձեզ: Ձեզ կխնդրեի այս հարցիս պատասխանեք. բենզինի մանրածախ առևտրով զբաղվողի (գյուղական պայմաններում) մեկ խողովակի հաստատագրված վճարի չափը:

Ո՞ր հարկման դաշտում պետք է աշխատի ինտերնետ ակումբը

Արամայիս.

Ինտերնետ ակումբը համարվու՞մ է արդյոք համակարգչային խաղեր կազմակերպող և ենթակա՞ է արդյոք հաստատագրված վճարներով հարկմանը: