Tag: ձեռքբերում

Եկամտային հարկ շուկայից ձեռքբերումների դեպքում

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ ԱՁ է բացվել հանրային սննդի, մարզում է, ներկայացվել է միկրոյի հայտարարություն։ Կասե՞ք՝ բացի աշխատողների 189 ձևից ի՞նչ հաշվետվություններ կան հանձնելու։ ՀԴՄ-ն POS ծառայությունով է։ Եվ կասե՞ք՝ երբ սննդամթերք ենք գնում, պարտադի՞ր պետք է հաշիվ գրեն, և եթե փաստաթղթով ձեռք չբերենք, ապրանքը պետք է 20 % եկամտային հարկ վճարե՞նք։ Երբվանից է գործում այդ օրենքը։ Խնդրում եմ օրենքի հղում տալ։ Նախապես շաաատ շնորհակալ եմ, հարգելիներս։

Էլեկտրոմոբիլի ձեռքբերում

Ջուլիա․

Բարև ձեզ, հարգելի հաշվապահներ։ ՍՊԸ փետրվար ամսին գնել է լիզինգով էլէկտրոմոբիլ և հիմա ցանկանում է ամբողջությամբ փակել լիզինգը.

1. Ե՞րբ մեքենան կհարմարվի ընկերության սեփականությունը

2. Հնարավո՞ր է արդյոք կատարել այսպիսի գործարք ֆիզ․ անձի և ընկերության մեջ՝ փոխանակելով մեքենան համարժեք մեքենայի հետ, թե՞ միևնույն է դա դիտարկվում է որպես օտարում, և այդ պարագայում պետք է դուրս գրել հաշիվ վավերագիր և վճարել 5% հարկը (Ընկերությունն աշխատում է շրջհարկի դաշտում)։

Համակարգչի ձեռքբերում ԱՁ կողմից

Դավիթ.

Բարև Ձեզ։ ԱՁ-ն աշխատանքի համար պետք է պատվիրի էժան համակարգիչ, մոտ 450$ արժեքով, ԱՁ-ի քարտով: Աշխատում է շրջ. հարկով: Հաշվի առնելով, որ մաքսային պարտավորվածություն չի առաջանում, խնդիր չի՞ առաջանա Հայաստան առաքող ընկերության ծառայությունից անձնական accountով օգտվելու դեպքում: Թե՞ պետք է ամեն դեպքում ներմուծումն որևէ կերպ ձևակերպել կամ ԱՁ-ի անունն արտացոլել: Արդյո՞ք հնարավոր է գնումն որպես ծախս ձևակերպել:

Նվազեցումներ շահութահարկի հաշվարկի ժամանակ

Հայկ․

Հարգելի հաշվապահներ, այսպիսի հարց ունեմ: 2023թ նոյեմբեր-դեկտեմբեր ամիսներին ունեցել եմ ԱԱՀ-ով ձեռքբերումներ (նյութեր՝ ծառայություններ մատուցելու նպատակով): ԱԱՀ-ի հաշվետվություններում կատարել եմ այդ ձեռքբերումների ԱԱՀ-ի չափով հարկի պակասեցում: Սակայն եթե նյութերի քիչ մասն եմ միայն օգտագործել, մյուս մասը երևում է որպես մնացորդ՝ 01.01.2024թ. դրությամբ: Հարց. շահութահարկի բազան հաշվելիս պետք է պակասեցնել այնքան, որքան ծախսվել է, թե՞ ամբողջությամբ, որքան ձեռք է բերվել 2023թ. ընթացքում:

Վարսավիրանոցի ձեռքբերումները առանց փաստաթղթի են

Եվա․

Խնդրեմ կասե՞ք՝ եթե անհատ ձեռնարկատերը զբաղվում է վարսավիրական ծառայություններով և միկրոյի դաշտում է աշխատում, այս դեպքում ձեռքբերված նյութերի համար եթե առանց փաստաթղթի է, խնդիր կունենա՞։

ԱՁ վաճառում է գյուղմթերք

Անահիտ․

Բարև ձեզ, խնդրում եմ ասեք՝ եթե ԱՁ աշխատում է շրջանառության հարկի դաշտում, վաճառում է գյուղմթերք, և եթե չունի ձեռքբերում շուկայից, բացի 5 տոկոսից վճարու՞մ է նաև 20 տոկոս եկամտային հարկ։

Նվազեցումներ շրջանառության հարկից

Վահագն․

Բարև Ձեզ։ ԱՁ-ն աշխատում է շրջանառության հարկով և զբաղվում է ավտոպահեստամասերի վաճառքով։ Շրջանառության հարկի հաշվարկման ժամանակ իրացման շրջանառության 5 տոկոսից նվազեցվում է ձեռքբերումների 4 տոկոսը, որոնց մեջ մտնում է հարկային հաշվով ձեռք բերումները, հաշիվ վավերագրով ձեռք բերումները։ Հիմա հարց՝ ՀԴՄ կտրոններով ձեռք բերումները նույնպե՞ս նվազեցվում են։

Շուկայից ձեռքբերում

Անահիտ․

Բարև Ձեզ: Կազմկերպությունն աշխատում է շրջանառության հարկով:

  1. Միակողմանի գնման ակտով ձեռքբերումների համար ազատվա՞ծ է եկամտային հարկ տալուց:
  2. Հանրային սննդի շրջհարկից միակողմանի գնման ակտով ձեռքբերումները նվազեցվու՞մ են:
  3. Մինչև 300 000 մեկ հատը և ամսական մինչև 3 մլն պե՞տք է լինի գնման ակտերի գումարը:

Շնորհակալություն նախապես։

Կազմակերպության ձեռքբերումները շուկայից են

Եվա․

Խնդրում եմ կասե՞ք՝ եթե կազմակերպությունը զբաղվելու է արտադրությամբ և ձեռքբերումների մեծ մասը անելու է շուկայից, այսինքն հաշիվ չի ստանալու, այդ դեպքում 2025թ-ից շրջանառության հարկի դաշտում աշխատելու դեպքում կհարկվի ձեռքբերման գնից, թե՞ միայն ապրանքների առք ու վաճառքի դեպքում է դա։

Մարդատար մեքենայի ԱԱՀ հաշվանցում

Սեդա․

Բարև Ձեզ։ Եթե ԱԱՀ վճարող կազմակերպությունը 2024թ սրահից ձեռքբերի մարդատար ավտոմեքենա, ԱԱՀ-ն ե՞րբ պետք է հաշվանցենք:

Ձեռքբերում գյուղացուց

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։

Կանխիկ գնում

Ալմաստ․

Բարև ձեզ։ Նոր բացված ՍՊԸ-ն խանութ է կարո՞ղ է ապրանք գնելիս վճարել կանխիկով, և էլեկտրոնային դրամարկղի գրքում ելքի օրդեր պետք է ձևակերպել։

Մեքենայի ձեռքբերում ֆիզ. անձից

Լուսինե․

Հարգելի հաշվապահներ, խնդրում եմ օգնել տվյալ հարցում: Հունիս ամսին կազմակերպությունը, որն աշխատում է շրջանառության հարկով, և հիմնական գործունեությունը արտադրությունն է, ֆիզ․ անձից գնել է ավտոմեքենա։ Եկամտային հարկի հաշվարկի մեջ ներառել եմ, իսկ արդյո՞ք շրջանառության հարկի 3-րդ եռամսյակի հաշվետվության մեջ նույնպես պետք է ցույց տալ։

Հանրային սնունդ 2024

Թամարա․

Բարև Ձեզ, հարգելի հաշվապահներ։ ԱՁ զբաղվում է հանրային սննդով (ռեստորան), 2024թ․ հունվարի 1-ից գնման ակտով ձեռքբերումը պարտադիր է դառնում: Հիմնականում մսամթերքը գնում ենք Սիթիից և այլ խանութներից: Ասացեք խնդրեմ՝ մեզ տրված ՀԴՄ կտրոնները կարո՞ղ են հիմք դառնալ գնման ակտով չգնելու համար:

Ավտոմեքենայի յուղերի առք ու վաճառք

Հասմիկ․

Բարև ձեզ, հարգելի հաշվապահներ։ Հարցս վերաբերում է ավտոմեքենայի յուղերի առք ու վաճառքին։ Պարտադի՞ր է արդյոք յուղման կետի համար յուղը ձեռք բերել բացառապես հաշվարկային փաստաթղթերով։ Կա՞ համապատասխան օրենքի հղում։

Ձեռքբերում շուկայից

Կարեն.

Բարև Ձեզ։ Շուկայից (առանց փաստաթղթի) ԱԱՀ վճարող ԱՁ-ն ձեռք է բերել 180 000 ՀՀ դրամի ապրանք։ Կասե՞ք՝ հաշվապահական ձևակերպումները ինչպե՞ս տալ։

ԱՁ հաշվի քարտով գնումների կատարում

Անի․

Ողջույն։ Արդյո՞ք ԱՁ-ի հաշվի քարտով գնումներ կատարելիս, հետագայում որպես ծախս ձևակերպելու հնարավորություն ունենալու համար, պարտադիր է նշել, որ ԱՁ-ի համար է կամ օնլայն քարտի անունն լրացնելիս նշել ԱՁ:

Իմ հասկանալով՝ պարտադիր չէ: ԱՁ-ն համարվում է Ֆիզ. անձ և իր գույքով է պատասխանատու: Բացի այդ, բիզնես հաշիվ ունենալն օրենքով պարտադիր չէ, զուտ ցանկալի է հարկային գործերն հեշտացնելու համար: Այս տրամաբանությամբ, ստացվում է՝ նույնիսկ անձնական հաշվից բիզնեսի ծախս անելն ընդունելի պետք է լինի: Իսկ բիզնես հաշվից ծախսն, նույնիսկ առանց ԱՁ նշելու, ինքնին ենթադրում է բիզնեսի ծախս:

Հողատարածքի ձեռքբերում ֆիզ. անձից

Շողեր․

Կազմակերպությունը շրջ․ հարկով է աշխատում, հողատարածք է գնում ֆիզ․ անձից, ի՞նչ պարտավորություններ են առաջանում, և որպես հարկային գործակալ արդյո՞ք հաշիվ պետք է դուրս գրել։

Ձեռքբերում ֆիզ. անձից

Վահան․

Բարև ձեզ, հարգելի հաշվապահներ։ Ես իմ ԱՁ-ով ուզում եմ ֆիզիկական անձից մոպեդ գնել, գինը 300․000 դրամից քիչ է։ Կասե՞ք՝ ի՞նչ հաշվապահական միջամտություն է հարկավոր, և արդյո՞ք ինչ-որ ձև հարկվելու է։ ԱՁ-ն միկրոյով է աշխատում հիմա։ Նախապես շնորհակալ եմ։

Ինչպե՞ս կազմել առհաշիվ հաշվետվությունը

Նարե․

Բարև Ձեզ։ Հարգելի հաշվապահներ, եթե կազմակերպության աշխատողին փոխանցվել է գումար կազմակերպության մեքենայի նորոգման համար, ինչպե՞ս պետք է կազմել առհաշիվի հաշվետվություն, եթե բոլոր ծառայություններն ու ապրանքները ձեռք են բերվել շուկայից առանց ՀԴՄ կտրոնների։

Ձեռքբերում ՌԴ-ում

Աննա․

Բարև ձեզ, հարգելի հաշվապահներ։ Կազմակերպությունը աշխատում է շրջանառության հարկով։ Ռուսաստանից ֆիզ․ անձից ձեռք է բերում տրանսպորտային միջոց, որի համար պետք է վճարի կանխիկ գումար, կասե՞ք՝ սա ինչքանո՞վ է հակասում մեր կանխիկ գործարքների սահմանափակմանը։

ԱԱՀ ավելացում

Քրիստինա․

Բարև Ձեզ։ Եթե կատարվում է ԱԱՀ-ի ավելացում (նախկինում որ միացվել է ձեռքբերումների արժեքին), այդ ավելացումը 16․67%-ով կատարում եմ ինքնարժեքի արժեքի նկատմամբ, թե՞ վաճառքի գնի նկատմամբ։

ԱԱՀ հաշվարկի 18-րդ տող

Քրիստինա․

Բարև ձեզ։ ԱԱՀ-ի հաշվարկի մեջ 18-րդ տողում գրվում է ՀՀ-ում մեր ձեռքբերումների ընդհանուր արժեքը ԱԱՀ-ն ներառյա՞լ։ Հետո կողքը նոր առանձնացված ԱԱՀ-ն։

ՀՄ ձեռք է բերվել գնման ակտով

Քրիստինա․

Բարև Ձեզ։ Եթե հիմնական միջոցը ձեռք է բերված գնման ակտով ,ապա դրա մաշվածքի ծախսը շահութահարկի հաշվարկման ժամանակ չի՞ նվազեցվի։

Շրջանառության հարկի հաշվարկ

Անահիտ․

Բարև Ձեզ:

Սպանդանոցը աշխատում է շրջ. հարկով, կատարում է սպանդանոցային ծառայություն, որի համար տպում է ՀԴՄ և հասույթի 5% վճարում է որպես հարկ, բացի սպանդանոցային ծառայությունից զբաղվում է նաև մսի առք ու վաճառքով՝ գյուղացիներից գնման ակտով, Ձև1 բժշկական փաստաթղթով և համայնքապետարանի տեղեկանքով գնում է կենդանի անասուններ, գումարն էլ անկանխիկ ձևով փոխանցում է գյուղացիների բանկային քարտերին, սպանդանոցում մորթում է, որից հետո ամբողջական մսամթերքը հաշվարկային փաստաթղթով ուղարկում է հանրային սննդի կետեր։

Խնդրում եմ ինձ ասեք՝ այս դեպքում ապրանքների ձեռք բերման գումարը ծախս համարվու՞մ է, և կարո՞ղ է սպանդանոցը այս վաճառքներից հարկվի 1.5%-ով, կանխավ շնորհակալություն:

Ձեռքբերում ֆիզ. անձից

ՋՈՒԼԻԱ.

Բարի երեկո, հարգելի հաշվապահներ։ Շրջհարկի դաշտում աշխատող Ա/Ձ-ն առք ու վաճառքի պայամանագրով ապրանք է գնել ֆիզ. անձից, տվյալ գործարքը հարկվում է 10% եկամտային հարկով, և արդյոք ֆիզ. անձին վճարված եկամուտների մասով համարվում եմ հարկային գործակալ։ Ի՞նչ անել, որպեսզի հետագայում խնդիր չառաջանա նաև ֆիզ. անձի համար։

Շուկայից ձեռքբերում շրջ. հարկ վճարողի կողմից

Հայկուհի․

Բարև Ձեզ, խնդրում եմ օրենքի հղում տալ՝ որտե՞ղ կարդամ, որ շրջանառության հարկ վճարողները շուկայից ձեռքբերման ժամանակ եկամտային հարկով չեն հարկվում։

Ձեռքբերում ֆիզ. անձից

Արեն․

Բարև ձեզ: Կազմակերպությունը, որն աշխատում է շրջանառության հարկով, ֆիզիկական անձից ձեռք է բերել մարկտկոցներ՝ թվով 3 հատ: Օրենքի խախտում կա՞ տվյալ գործարքի մասով հարկ չհաշվարկել և չվճարելը։ Օրենսգրքի ո՞ր կետով առաջնորդվել։

Ձեռքբերում ֆիզ. անձից

Ջուլիա․

Բարև ձեզ, հարգելի հաշվապահներ։ ԱԱՀ դաշտում աշխատող ընկերությունը արտադրության համար հումքը գնում է ֆիզ․ անձից, լինում է առք ու վաճառքի պայմանագիր, երկկողմանի գնաման ակտ։ Եկամտային հաշվետվության մեջ 2-րդ տողում պե՞տք է ցույց տալ, և 10՞ % է հարկվում այդ դեպքում։

Եկամտային հարկ շուկայից ձեռքբերման դեպքում

Ալլա․

Բարև ձեզ, հարգելի հաշվապահներ, այսպիսի հարց․ եթե շրջանառության հարկով աշխատող ԱՁ-ն շուկայից ձեռքբերումներ է կատարում, եկամտային հարկի պարտավորություն առաջանու՞մ է։

Ձեռքբերման թղթակցություններ

Կարեն․

Բարև Ձեզ։ ԱԱՀ-ով աշխատող կազմակերպությունը ձեռք է բերել շուկայից ապրանքներ, գիտեմ, որ պետք է վճարի 20 տոկոս եկամտային հարկ։ Կասե՞ք՝ ինչպիսի հաշվապահական թղթակցություններ պետք է տամ։

Ձեռքբերում շուկայից

Աննա․

Բարև ձեզ, հարգելի հաշվապահներ։ Շուկայից ձեռքբերում կանխիկով՝ յուրաքանչյուր գործարքը 300 000 և ամսական 3 մլն չգերազանցող, ՍՊԸ-ների համար թույլատրելի են, չէ՞, և որից վճարվում է եկամտային հարկ 20%:

Ապրանքի վաճառք գնման ակտով

Էդիտ․

Բարև ձեզ, հարգելի հաշվապահներ։ Կխնդրեմ օգնել այսպիսի մի հարցում: Ֆիզ անձը, ով ներմուծել է էլեկտրոնային սիգարետներ ԵՏՄ-ից, կարո՞ղ է ՍՊԸ-ի վրա այդ քանակը վաճառել գնման ակտով: Եվ արդյո՞ք ՍՊԸ -ն այդ ակտը կարող է ծախսագրել որպես ապրանքների ինքնարժեք: Կանխավ շնորհակալություն։

ՀՄ ձեռքբերում ֆիզ. անձից

Ջուլիա․

Բարև ձեզ, հարգելի հաշվապահներ։ Հարցս հետևյալն է՝ ԱԱՀ դաշտում աշխատող ընկերությունը ֆիզ անձից հիմնական միջոց է ձեռքբերում 1 000 000 դրամ արժեքով, ինչպիսի՞ հարկային պարտավորություններ կառաջանան։

ՀՄ ձեռքբերում

Կարինե․

Բարև ձեզ, եթե նորաբաց ՍՊԸ-ի հիմնադիրը մեկ անձ է և հիմնական միջոց է ձեռք բերել փոխառությունով, ինչպե՞ս պետք է վերադարձնել։

Ապրանքի ակցիզ

Էդ․

Բարև Ձեզ, հարգելի հաշվապահներ: Կխնդրեմ ինձ օգնել հետևյալ հարցում: Ձեռք եմ բերել ակցիզով դրոշմավորվող ապրանք, սակայն առանց ակցիզի: Կարո՞ղ եմ արդյոք ՊԵԿ դիմում ներկայացնեմ և ստանամ ակցիզ, եթե տվյալ ապրանքի ձեռքբերման համար չունեմ փաստաթղթեր:

Եվ եվս մեկ հարց – եթե ակցիզավորման ենթակա ապրանքները գնում եմ գնման ակտով, շուկայից, և այն նույնպես ակցիզավորված չէ, արդյո՞ք ես գնման ակտը կարող եմ համարել հիմնավորող փաստաթղթուղթ և ՊԵԿ-ին ակցիզի ստացման համար հայտ ներկայացնեմ:

Կանխավ շնորհակալություն։

Որոշել վաճառքից շահույթը/վնասը

Կարինե.

Ձևակերպել հիմնական միջոցների՝ որպես վաճառքի համար պահվող դասակարգումը, իրական արժեքով վերաչափումը և դրանց վաճառքի հետ կապված գործառնությունները։ Որոշել և ձևակերպել վաճառքից շահույթը կամ վնասը։

Տվյալներ․

Հաստոցների սկզբնական արժեքը 600․000 դրամ, օգտակար ծառայությունը սահմանվել է 5 տարի, մնացորդային արժեքը 0, մաշվածությունը հաշվարվել է գծային մեթոդով։ Ձեռքբերումից երկու տարի անց հաստոցները վերադասակարգվել են որպես վաճառքի համար պահվող։ 6 ամիս հետո կատարվել է դրանց վերաչափումն իրական արժեքով՝ հանած վաճառքի ծախսումները, որոնք սահմանվել է 380․000 դրամ։ Տարվա վերջում հաստոցները վաճառվել են 420.000 դրամով՝ գումարած ԱԱՀ։ Վաճառքից գումարը ստացվելու է առաջիկա ամսվա ընթացքում: Դրամարկղից վճարվել է միջնորդավճար հաստոցների վաճառքի համար՝ 9600 դրամ, ներառյալ՝ ԱԱՀ-ն։

Գույքի ձեռքբերում ֆիզ. անձից

Ռուզաննա․

Բարև ձեզ։ ՍՊԸ-ն գույք է ցանկանում ձեռք բերել (բեռնատար) ֆիզ. անձից։ Խնդրում եմ ասել՝ ինչպե՞ս պետք է գրանցումներն անել, և ի՞նչ վճարներ կան։

ՍՊԸ-ն գնել է անշարժ գույք և հողամաս ֆիզ. անձից

Satik.

ԱԱՀ վճարող ՍՊԸ-ն գնել է անշարժ գույք և հողամաս ֆիզ անձից։

Հարց․ Ձևակերպումները ինչպե՞ս պետք է տալ՝ առանձին անշարժ գույքի համար և հաշվել մաշվածությունը, և առանձին հողամասի՞ համար։ Հողամասի ձեռք բերումը միանգամից կարո՞ղ եմ ծախսագրել և ի՞նչ գումարով՝ կադաստրային արժեքո՞վ, թե՞ ձեռք բերման արժեքով։

Շրջհարկի նվազեցումներ

Կարեն․

Բարև Ձեզ։ Շրջանառության հարկով աշխատող ԱՁ-ն գնել է 5 000 000 դրամի սարքավորում ֆիզ․ անձից, որից հետո այդ սարքավորումը արտահանել է։ 10 տոկոսը որպես գույքից եկամուտ ֆիզ․ անձի փոխարեն եկամտային հարկ ԱՁ-ն վճարել է։ Կարո՞ղ է այդ 5 000 000 դրամի 4 տոկոսը շրջհարկից ծախս ճանաչել։

Եկամտային հարկի պարտավորություն

Գայանե․

Բարև Ձեզ, կասե՞ք խնդրեմ. Եթե կազմակերպությունը աշխատում է շրջ. հարկով, ունի ֆիզ.անձից վարձակալություն, այս դեպքում, որպես հարկային գործակալ 10% պե՞տք է վճարել, և նույն հարցը՝ ֆիզ. անձից գնում կատարելիս եկամտային հարկ վճարվելու՞ է, թե՞ ոչ:

Կազմակերպությունը ձեռք է բերել համակարգիչ

Անի․

Բարև Ձեզ։ Կազմակերպությունը ձեռք է բերել համակարգիչ EBAY կայքից և այն ստացել է փոստից, վճարումն էլ կատարել է Ընկերության բիզնես քարտով։ Այդ դեպքում պե՞տք է ինչ որ կերպ հայտարարագրել այդ համակարգիչը՝ հետագայում վաճառելիս ծախս ճանաչելու համար։

ԱԱՀ հաշվետվության ճշգրտում

Նարե.

Բարև Ձեզ։ Հարգելի հաշվապահներ, ԵՏՄ անդամ պետությունից կազմակերպությունը անցած տարի հուլիսին ձեռք է բերել համակարգչային ծրագիր, որի ԱԱՀ- 0 է եղել։ ԱԱՀ-ի հաշվետվությունում պե՞տք է արդյոք ձեռք բերումը երևա, և եթե այո, ապա ի՞նչ պետք է անել, ինչպե՞ս ճշգրտել հաշվետվությունը։

Գույքի ձեռքբերում ֆիզ. անձից

Լաուրա․

Բարի օր եմ մաղթում։ Եթե ֆիրման ֆիզ․ անձից գնում է գույք, ի՞նչ փաստաթղթով է դա իրականացվելու, և ֆիզ․ անձի համար քանի՞ տոկոս ի՞նչ հարկի պահում պետք է կատարվի։ Նախապես շնորհակալ եմ օգնելու համար։

Շուկայից գնված օգտագործված գույք

Լիլիթ․

Մի հարց ունեմ․ ՀԿ ծախսերի մեջ կարո՞ղ եմ ներառել շուկայից գնված օգտագործված գույքը և ներառեմ ՀԿ-ի բալանսում։

Եկամտային հարկ առաջանու՞մ է

Lilia.

Բարև բոլորին, ինձ ո՞վ կարող է ասել՝ միկրոձեռնարկատիրության սուբյեկտը եթե չփաստաթղթավորված ձեռքբերում ունի, 20 տոկոս եկամտային հարկ առաջանու՞մ է։

ԱԱՀ հաշվանցում

Գայանե․

Բարև Ձեզ, խնդրում եմ օգնեք այս հարցում․ Կազմակերպությունը աշխատել է ԱԱՀ դաշտում, ձեռքբերումների ԱԱՀ հաշվանցվել է։ Եթե 2023թ աշխատի շրջ․ հարկի դաշտում, և գրենք կատարողական ակտ, որտեղ օգտագործվել են անցյալ տարվա ձեռք բերված նյութերը, ես այդ նյութերի հաշվանցված ԱԱՀ -ի հետ ինչ որ պրոբլեմ կունենա՞մ։

ԱԱՀ դիմումի ժամկետներ

Լիլիթ․

Բարև Ձեզ։ ԱԱՀ-ով աշխատող կազմակերպությունը 2022թ.-ին չի գերազանցել 115 մլն. ՀՀ դրամը:

1. արդյո՞ք պետք է հայտարարությունը ներկայացվեր մինչև հունվարի 20-ը

2. եթե չեմ ներկայացրել և հիմա եմ ներկայացնում հունվարի 1, 2 օրերի համար, ի՞նչ հարկատեսակով եմ համարվում հարկվող

3. եթե չտամ հայտարարություն մինչև փետրվարի 20-ը, այսինքն չե՞մ կարողանալու ձեռքբերված ԱԱՀ-ն հաշվանցել։

Խնդրում եմ հարցին պատասխանելու դեպքում, նշել հոդվածը, որով առաջնորդվում եք: Կանխավ շնորհակալ եմ:

Շրջանառության հարկի նվազեցում

Կարեն․

Բարև Ձեզ։ Շրջ․ հարկով աշխատող ԱՁ-ն ֆիզ․ անձից ձեռք է բերել սարքավորում, որը հետո արտահանել է։ Որպես հարկային գործակալ ֆիզ․ անձի փոխարեն վճարել է եկամտային հարկ։ Շրջանառության հարկի հաշվարկի ժամանակ կարո՞ղ եմ նվազեցնել ձեռքբերման գնի 4%-ը, և ո՞ր հոդվածով է դա հիմնավորվելու։

Տարայի վաճառք

Ռոման․

Բարև ձեզ: Հանրային սննդի գործունեություն իրականացնող կազմակերպությունը աշխատում է շրջանառության հարկով: Ունի հյութի ստացված հաշիվ: Հյութի ձեռքբերումը ներառում է ծախսերի մեջ, դրանից հետո հյութի դատարկ շիշը վաճառում է: Շշի վաճառքը պե՞տք է դիտարկել առևտուր և հարկել 5 տոկոսով։