Tag: մուտքի օրդեր

Դրամարկղային գրքում գրանցում 1 մուտքի օրդերով

Մելինե․

Հարգելի հաշվապահներ, ՍՊԸ-ն աշխատում է բիլինգային ծրագրով, օրվա ընթացքում կարող է լինել 40-50 վճարում կանխիկով, յուրաքանչյուր վճարման համար բիլինգային ծրագիրը տալիս է դրամարկղի մուտքի օրդեր: Ես կարո՞ղ եմ մեկ նոր օրդերով ամբողջ օրվա գումարը մուտք անեմ դրամարկղային գիրք։

Էլեկտրոնային դրամարկղային գրքի գրանցումներ

Լուսինե․

Հարգելի գործընկերներ, կազմակերպությունը ամեն օր ունենում է կանխիկ գործարքներ ՀԴՄ – ով։ 2024թ․ հունվարի 1-ից արդյո՞ք անհրաժեշտ է ամեն օր գրանցել դրանք էլեկտրոնային դրամարկղային գրքում, թե՞ հնարավոր է խմբավորել գործարքները որևէ կերպ։ Շնորհակալություն։

Էլեկտրոնային դրամարկղային գրքի լրացման կարգ

Կարեն․

Բարև Ձեզ։ 2024 թվականի հունվարի 1-ից դրամարկղային գիրքը դառնալու է էլեկտրոնային։ Կարո՞ղ եմ օրինակ 2024 թվականին հունվարի մուտքի և ելքի օրդերները գրանցեմ մի քանի ամիս հետո, թե՞ ամեն ամսվա վերջով պետք է տվյալ ամսվա գործարքների մուտքի և ելքի օրդերները գրանցեմ։

Մուտքի օրդեր ընդհանուր գումարով

Կարեն․

Բարև Ձեզ։ ԱԱՀ-ով աշխատող ֆիրման իրականացնում է մանրածախ վաճառք։ Օրենք թույլ տալի՞ս է արդյոք 5 օրվա կատարված մանրածախ վաճառքից կանխիկ ստացված ընդհանուր գումարի մուտքը գրանցեմ դրամարկղային գրքում, այլ ոչ թե ամենօրյա մանրածախ վաճառքից ստացված կանխիկ գումարը։

Ստորագրության բացակայություն փաստաթղթի վրա

Հայկ․

Բարև Ձեզ։ Խնդրեմ հուշեք՝ դրամարկղի մուտքի / ելքի օրդերների վրա եթե որոշ ստորագրություններ են բացակայում, օրինակ գանձապահի, դրա համար ի՞նչ պատասխանատվություն է նախատեսված։ Կանխավ շնորհակալություն։

Մեկ մուտքի օրդեր

Մելինե․

Հարգելի հաշվապահներ, օգնեք ճիշտ լրացնել դրամարկղային գիրքը։ ՍՊԸ-ն ծառայություն է մատուցում և օրական 8-15 բաժանորդից գումար է ստանում դրամարկղում։ Յուրաքանչյուր օրվա համար գանձապահը մեկ մուտքի օրդեր կազմի՞, թե՞ կարելի է նաև ամսական կտրվածքով։ Ամեն օրվա գումարը ճանաչում ենք անմիջապես եկամուտ։ Թե՞ պետք է ամսվա սկզբին բաժանորդների քանակով դեբիտորական պարտք ձևակերպել և արդեն ամեն օրվա ստացած գումարը ճանաչել պարտքի մարում։ Շնորհակալ կլինեմ, եթե ուղղորդեք։

Վաճառք հաշվարկային փաստաթղթով

Երվանդ.

Շրջ. հարկով հարկվող ՍՊԸ-ն իրավունք ունի՞ ֆիզ. անձին վաճառել ապրանքներ ըստ հաշվարկային փաստաթղթի և ստացված հասույթի դիմաց տրամադրելու դրամարկղային մուտքի օրդերի անդորրագիր:

POS տերմինալով գործարքներ

Արտակ Աբազյան․

Բարև Ձեզ։ Կխնդրեի օգնել հետևյալ հարցում․ կազմակերպությունը կիրառում է նոր սերնդի ՀԴՄ և այդ մեքենայի վրա ակտիվացրել է ՊՈՍ տերմինալ՝ ծառայությունը բանկային քարտերով առևտուր իրականացնելու համար։ Արդյո՞ք ՊՈՍ տերմինալով կատարված գործարքների ժամանակ պետք է տրամադրել ՀԴՄ կտրոն, արդյո՞ք ՊՈՍ տերմինալով կատարված գործարքների մասով պետք է կազմվի դրամարկղի մուտքի օրդեր ընդհանուր կանխիկ և անկանխիկ գործարքների մասով և մուտքագրվի դրամարկղ։

Հաշվապահը կատարում է նաև գանձապահի պարտականություններ

Արա.

Բարև ձեզ, հարգելի հաշվապահներ։ 1. Կազմակերպության աշխատակիցների քանակը չի գերազանցում երեքը և հաշվապահի վրա նաև դրված են գանձապահի պարտականությունները։ Հաշվապահը պատճենահանող թղթի օգնությամբ գանձապահին հատկացվող ստորագրության մասում ստորագել է, նշել ելքի և մուտքի օրդերների քանակը, սակայն որպես հաշվապահ դրամարկղի գրքում ստորագրել է առանց պատճենահանող թղթի։ Դա դրամարկղի գրքի լրացման սխալ համարվու՞մ է, թե՞ ոչ։ 2. Կարո՞ղ է արդյոք հաշվապահը մուտքի և ելքի օրդերների վրա գրված “գլխավոր հաշվապահ” հատվածում ստորագրել, այս դեպքում, երբ ընկերությունը փոքր է և որպես այդպիսին գլխավոր հաշվապահ չկա։ Շնորհակալություն։

Ներմուծման հետ կապված

Գրիգոր․

Բարև Ձեզ։ մի քանի հարց ունեմ. 1) երկքաղաքացիություն ունեցող անձը (ՌԴ և ՀՀ), որը ՌԴ-ում ունի ԱՁ, կարո՞ղ ՀՀ-ում է բացել ԱՁ: 2) ԵՏՄ-ից ներմուծման դեպքում մաքսային վիճակագրական հաշվեվությունը ներկայացնելու համար որտեղի՞ց ստանանք ծածկանուն և գաղտնաբառ և էլեկտրոնային եղանակով հնարավո՞ր է դա: 3) Ներմուծման դեպքում բացի հայտարարագիր, հայտարարություն և մաքսային վիճ. հաշվետվություն, շրջ. հարկի կամ ԱԱՀ-ի, ուրիշ ի՞նչ հաշվետվություններ պետք է հանձնենք: Խնդրում եմ վիճ. վարչության հաշվետվության մասին մանրամասն գրել (խոսքս լրացման կարգի մասին չէ, այլ թե ինչպե՞ս գրանցվել, ուղարկել): 4) Կարո՞ղ ենք արդյոք արտադրանքը վաճառել միայն հաշիվ դուրս գրելով, այդ թվում ֆիզիկական անձանց և մինչև 300 000 դրամի իրացման դեպքում վճարումը ընդունել դրամարկղով (դրամարկղի մուտքի օրդերով)։ Շնորհակալություն:

Հաշվապահություն վարելու համար

Անի․

Հարգելի՛ հաշվապահներ, հաշվապահություն վարելու համար ի՞նչ է անհրաժեշտ: Արդյո՞ք պարտադիր է թղթապանակում տպել և կարել մուտքի/ելքի օրդերները համապատասխան հաշիվ ապրանքագրերի հետ: Ուղղություն է պետք: Կազմակերպություններից մեկը զբաղվում է արտադրությամբ, մասնակցում է գնումների հայտարարված մրցույթներին, հիմնականում շահում է, իսկ մյուսը՝ հանրային սնունդ է՝ ռեստորանային համալիր: Շնորհակալություն։

Արտարժույթով գործարքներ

Ռոման․

Բարև ձեզ:

1․ Եթե կազմակերպության բանկային հաշվից կանխիկացում է կատարում լիազոր անձ, բայց կազմակերպությունում որպես աշխատող գրանցված չէ: Ի՞նչ խնդիրներ և հետևանքներ կարող է ունենալ համալիր ստուգման ժամանակ։

2․ Եթե կազմակերպությունը ունի ռուբլու հաշիվ և դրամարկղ, դրամարկղային մուտքի և ելքի օրդերները լրացնելիս կարո՞ղ է ռուսերեն լրացվել։

3․ Եթե շրջանառության հարկով աշխատող Ա/Ձ բանկի դոլլարային հաշվից կանխիկացում է կատարում դոլլարով, ի՞նչ խնդիրներ կարող է առաջանալ։

Ուղղում դրամարկղային գրքում

Լիաննա.

Հարգելի հաշվապահներ, եթե դրամարկղի մուտքի օրդերում համարը կրկնվել է և արդեն այդպես լրացվել է գրքում, ինչպե՞ս վարվել, ջնջում անել և ուղղել, թե՞ թողնել այդպես։

Դրամարկղի գրքի լրացման վերաբերյալ

Արփի․

Բարև Ձեզ, հարգելի հաշվապահներ։

Նախկին հաշվապահը դրամարկղի գիրքը լրացնելիս հաշվի չի առել, որ փոխվել է տարին, և շարունակել է օրդերների հերթական համարները։ Կասե՞ք՝ ինչ կարող եմ անել այս դեպքում, և ի՞նչ տուգանքներ կարող են առաջանալ։
Շնորհակալություն։

POS տերմինալով կատարվող գործարքներ

Արամ.

Բարև ձեզ: Հարցս վերաբերվում է պոստերմինալով կատարվող գործարքներին: Արդյո՞ք պոս տերմինալով կատարված գործարքների մասով պետք է կազմվի դրամարկղի մուտքի օրդեր:

Մանկապարտեզում վարձավճարների վերաբերյալ

Արմինե.

Բարև ձեզ: Մանկապարտեզի երեխաների վարձավճարները մինչ այս տարի հավաքում էին խմբերի դաստիարակները, վերջում ամսվա մեջ 2-3 անգամ դրամարկղային գրքում մուտք, ելք էր արվում տնօրենի ստորագրությամբ և վճարվում համայնքապետարանին։ Այս տարի մեզ ասացին, որ պետք է յուրաքանչյուր ծնողից անհատական վերցնել և դրամարկղային գրքում՝ մուտքի օրդերով ներկայացնել։ Մանկապարտեզն ունի 120 սան, կարծում եմ՝ այդ թվով վճարների դեպքում հնարավոր չէ խուսափել սխալներից, շփոթմունքներից և վերջապես դրանցից առաջացող տուգանքներից։ Ասացեք, խնդրում եմ, կարո՞ղ ենք առաջվա նման տնօրենի/դաստիարակի մոտ հավաքել, և տնօրենը փոխանցի հաշվապահին՝ ամսվա մեջ մի քանի անգամով մուտքի օրդերով գրանցել: Արդյո՞ք խախտում կլինի, ինչպե՞ս վարվել:
Հ.Գ. գանձապահ չունենք, միայն հաշվապահ է։

Արդյո՞ք մնացորդը դրամարկղային գրքում տեղափոխվելու է հաջորդ տարի

Մելինե.
Երբ ՍՊԸ տնօրենն անձամբ է վարում իր հաշվապահությունը մուտքի և ելքի փաստաթղթերում (մուտքի, ելքի օրդերներ) գլխավոր հաշվապահի, գանձապահի փոխարեն էլ՞ պետք է ստորագրի, թե՞ միայն կազմակերպության ղեկավարի տեղը։ Եվ եթե տարվա վերջում շահաբաժիններ չի հայտարարվել և չի վճարվել, դրամարկղի մնացորդը դրամարկղային գրքում տեղափոխվելու՞ է հաջորդ տարի, այո՞։ Շնորհակալ կլինեմ, եթե արձագանքեք:

Ի՞նչպես ձևակերպել դրամարկղի մուտքի անդորրագիրը

Ռոման.

Բարև ձեզ, հարգելի հաշվապահներ: Կազմակերպությունը 17.04.2021թ.-ին ծառայությունների մատուցման հաշիվ է դուրս գրել՝ մատակարարման ամսաթիվ 31.05.2021: Վճարումը կատարվել է 17.04.2021թ.-ին, և տրվել դրամարկղի մուտքի օրդերի անդորրագիր: Հարց. ինչպե՞ս ձևակերպել վճարումը՝ ստացված կանխավճար, թե՞ դ. պարտքի մարում:

Արդյոք կա՞ անհրաժեշտություն ելքերը և մուտքերը գրանցել դրամարկղի գրքում

ՍՊԸ-ն աշխատում է ԱԱՀ դաշտում։ Դրամական շարժը եղել է բացառապես հաշվարկային հաշվից։ Արդյոք կա՞ անհրաժեշտություն ելքերը և մուտքերը գրանցել դրամարկղի գրքում՝ ձևակերպելով մուտքի և ելքի օրդերներ։

Արդյոք կարելի՞ է կանոնադրական կապիտալը մաս-մաս օգտագործել

Էլինա.

Հարգելի հաշվապահներ/իրավաբաններ, խնդրում եմ ուղղեք, եթե սխալ կա և պատասխանեք հարցիս:
ՍՊԸ-ի հիմնադիրը ցանկացել է ներդրում կատարել՝ կանոնադրական կապիտալ։ Կազմվել է որոշում՝ հունվարին՝ 2020թ-ի, կանոնադրական կապիտալ 30 մլն մուտք անելու վերաբերյալ, և տարվա ընթացքում մաս-մաս մուտք է եղել դրամարկղ: Այսպիսով, դեկտեմբերին պիտի կազմվի 2-րդ որոշումը արդեն կանոնադրության փոփոխության վերաբերյալ և կատարվեն համապատասխան քայլերը ռեգիստրում /ներկայացվում են երկու որոշումները, կանոնադրության փոփոխությունը և բոլոր դրամարկղի մուտքի օրդերները/:
Եվ հարցս՝ արդյո՞ք կարելի է այդ մաս-մաս կատարված ներդրումները օգտագործել, օրինակ՝ աշխատավարձ տալ, թե՞ պիտի մնա գումարը դրամարկղում անփոփոխ մինչև չլրանա 30 մլն և կատարվի կանոնադրության փոփոխությունը:
ԿԱՆԽԱՎ ՇՆՈՐՀԱԿԱԼ ԵՄ:

Կանոնադրական կապիտալի վճարում հիմանդրի կողմից

Արամ.

Բարև Ձեզ: Հիմանդիրը ՍՊԸ-ն բացելիս ներդրել է 10 000 դրամ կանոնադրական կապիտալ: Արդյո՞ք դրա մասով պարտավոր եմ դրամարկղի մուտքի օրդեր պատրաստել և գրանցել դրամարկղի գրքում: Ձևակերպումը կլինի՞ դտ. 2511 կտ. 3111:

Դրամարկղային գրքի լրացման հետ կապված

Արման․

Հարգելի գործընկերներ, հարցս հետևյալն է․ կազմակերպության կանխիկ շրջանառությունը շատ քիչ է՝ ամսական 2-3 գործարք։ Կարելի՞ է արդյոք դրամարկղային գրքում 1 էջի վրա լրացնել եռամսյակային շրջանառությունը։ Որտե՞ղ է գրված, որ պետք է լրացվի 1 էջ 1 ամսվա համար։ Շնորհակալություն։

Կազմակերպությունը կարո՞ղ է չտրամադրել ՀԴՄ կտրոն

Աննա․

Բարև ձեզ: Կարո՞ղ եք տեղեկացնել՝ ԱԱՀ-ով չհարկվող կազմակերպությունը ծառայություններ մատուցելիս կանխիկ դրամ ընդունելիս իրավասու՞ է կազմել մուտքի օրդեր և, միաժամանակ ունենալով ՀԴՄ, չտպել կտրոն:

Կարո՞ղ է շրջ. հարկով աշխատող ՍՊԸ-ն վճարումներ ընդունել կանխիկ՝ առանց ՀԴՄ ապարատի

Հասմիկ.

Բարև ձեզ: Կասե՞ք՝ շրջ. հարկով աշխատող ՍՊԸ-ն կարո՞ղ է վճարումներ ընդունել կանխիկ՝ առանց ՀԴՄ ապարատի: Եթե այո, այդ դեպքում միայն դրամարկղի գիրք պետք է լրացվի՞ և տրվի դրամարկղի մուտքի օրդեր:

Կանխավ շնորհակալություն:

Ա/Ձ-ն զբաղվում է կահույքագործությամբ

Արամ.

Հարգելի մասնագետներ, հարցս հետևյալն է՝
ես հանդիսանում եմ Ա/Ձ, չունեմ ՀԴՄ սարք, զբաղվում եմ կահույքագործությամբ։ Հաճախորդից ստանում եմ բանկային փոխանցում, առաքման ժամանակ դուրս եմ գրում հաշիվ-ապրանքագիր։ Հասկացել եմ, որ կանխիկ վճարման դեպքում պետք է տամ դրամարկղի մուտքի օրդեր, բայց նախ ես չունեմ դրամարկղ, չունեմ կնիք, և հետո այնտեղ կա հաշվապահի ստորագրության տեղ և գանձապահի ստորագրության տեղ։ Ես որտե՞ղ պետք է ստորագրեմ, և արդյո՞ք առանց կնիքի այդ փաստաթուղթը կհամարվի վավեր։

Շնորհակալություն:

Կարո՞ղ է շրջհարկով աշխատող ՍՊԸ-ն վճարումներ ընդունել կանխիկ՝ առանց ՀԴՄ ապարատի

Հասմիկ.

Բարև Ձեզ: Կասեք շրջհարկով աշխատող ՍՊԸ-ն կարո՞ղ է վճարումներ ընդունել կանխիկ՝ առանց ՀԴՄ ապարատի: Եթե այո, այդ դեպքում միայն դրամարկղի գիրք պիտի լրացվի՞ և տրվի դրամարկղի մուտքի օրդեր:

Կանխավ շնորհակալություն:

Արդյո՞ք դրոշմակնիքը պարտադիր է

Հասմիկ.

Հարգելի հաշվապահներ, արդյո՞ք ճիշտ է, որ դրամարկղային մուտքի օրդերի վրա գանձապահը պետք է պարտադիր դրոշմակնիք դնի:

Թղթակցող հաշիվների արտացոլում դրամարկղային գրքում

Մարիամ.

Հարգելի հաշվապահներ, խնդրում եմ ասեք` մանրածախ առևտուրը գրանցելիս տալիս ենք դտ-711 կտ-216 / դտ-221 կտ 611 / դտ-251 կտ-221

Հարցս հետևյալն է` նշված դրամարկղի մուտքի օրդերի հիման վրա դրամարկղի գրքում ի՞նչ թղթակցող հաշիվ ենք գրում: Դրամարկղի գրքում լրացնում եմ հասույթ, հասույթի հաշիվը 611 է, բայց մուտքի օրդերում թղթակող հաշիվը 221 է: Կարծում եմ` բոլորն էլ վերը նշված ձևակերպումներն են տալիս, բայց դրամարկղի գրքում ինչպե՞ս են անում, տեղյակ չեմ:

Շնորհակալություն:

Եթե կազմակերպությունը կանխիկ ապրանք է վաճառում կամ ծառայություն է մատուցում այլ կազմակերպությանը

Հարություն.

Հարգելի կոլեգաներ, հարցս բազմիցս քննարկվել է, սակայն կցանկանայի վստահության համար լսել կարծիքներ: Եթե կազմակերպությունը կանխիկ ապրանք է վաճառում կամ ծառայություն է մատուցում այլ կազմակերպությանը, արդյո՞ք պետք է ՀԴՄ կտրոն տպել, թե՞ կարելի է դրամարկղի մուտքի օրդեր տրամադրել: Շնորհակալություն:

ՓՈՍ տերմինալով գործարքի դեպքում

Emily.

Խնդրում եմ օգնեք: ՓՈՍ տերմինալով գործարքի դեպքում ՀԴՄ-ում երևում է, որ գործարքի մի մասը անկանխիկ է: Հարցս հետևյալն է` եթե ՀԴՄ-ի Z հաշվետվության մեջ 50 000 է երևում, որից 20 000 տերմինալով գործարք է, ապա ինչպե՞ս կազմեմ ԴՄՕ-ն` 50 000, թե՞ 30 000, իմ կարծիքով` 30000-2511, քանի որ փաստացի այդքան է կանխիկը, 20 000 դե բնականաբար ձևակերպելու եմ բանկով` 25211:

Գումարի կանխիկացում

Էմմա.

Բարև ձեզ, հարգելի հաշվապահներ, ես ունեմ մի հարց` կանխիկացրել եմ գումար չեկային գրքույկով գործատուին փոխառության հետ վերադարձի համար: Արդյո՞ք գումարը անհրաժեշտ է մուտք անել դրամարկղ մուտքի օրդերով, այնուհետև ելքի օրդեր կազմել վճարելու ժամանակ: Նախապես շնորհակալություն:

Դրամարկղային գրքի լրացման հետ կապված

Ալբերտ.

Հարգելի հաշվապահներ, դրամարկղային գիրքը լրացնելիս արդյո՞ք կարելի է մեկ էջի վրա լրացնել ամբողջ տարվա մուտքի և ելքի օրդերները, դրանք այդքան էլ շատ չեն, ամեն ամիս մեկ կամ երկու փաստաթուղթ:

Որքա՞ն տուգանք կնշանակվի

Lusin.

ՍՊԸ-ն ամեն օր ՀԴՄ ֆիսկալ է հանում: Դրամարկղի գիրքն վերջացել էր, և ինչ-ինչ պատճառներով նորը չէր վերցվել: 22 օր է արդեն գումարները մուտք չեն արվում դրամարկղ: Եթե հարկայինի կողմից կնքվելուց հետո այդ քսաներկու օրվանն միանգամից մուտք անեմ դրամարկղ, որքա՞ն տուգանք կարող է հասնել դրա համար:

Ի՞նչ տուգանք է նախատեսված

Էմմա.

Հարգելիներս, խնդրում եմ օգնեք: Ես սկսնակ եմ: Դրամարկղային գիրքը լրացնելիս մի քանի ամսվա դրամարկղի ելքերը և մուտքերը լրացրել եմ մեկ էջի վրա: Դա սխա՞լ է: Ի՞նչ տուգանք է նախատեսված: Կանխավ շնորհակալ եմ:

Կազմակերպությունը գործունեություն է ծավալում երկու տարբեր հասցեներում

Արման.

Բարև ձեզ: Կազմակերպությունը գործունեություն է ծավալում երկու տարբեր հասցեներում, երկու տեղ ունի դրամարկղային ապարատ: Այդ դեպքում ես երկու օբյեկտներից ֆիսկալը գումարեմ և մեկ մուտքի օրդերով գրանցեմ դրամարկղային գրքի մեջ, թե՞ առանձին մ/0N1 և մ/օN75: Շնորհակալություն:

Ծառայության դիմաց չի տրվել ՀԴՄ կտրոն

Ռուզաննա.

Բարև Ձեզ: Եթե ՀԴՄ կտրոնը ծառայության դիմաց չի տրվել, արդյունքում ակտի հիման վրա ՍՊԸ-ն տուգանվել է համապատասխան ձևով, գումարը հարկային տեսուչը մուտքագրել է ՀԴՄ-ով և հանել Z հաշվետվություն: Այդ գումարը հետ է վերադարձվել տեսուչին, ինչը նշված է արձանագրության մեջ: Եթե այդ ծառայությունը չի մատուցվել և գումարը վերադարձվել է, ապա այդ գումարը համարվու՞մ է եկամուտ և դրամարկղային գրքում գրանցվելու՞ է, թե՞ ոչ: Եթե այո, ու՞մ անունից պետք է գրանցվի մուտքի օրդերը:

Դրամարկղային գրքի վարման վերաբերյալ

Anahit.

Հարգելի հաշվապահներ, խնդրում եմ պատասխանել հետևյալ հարցիս:
Կազմակերպությունը մատուցում է ծառայություններ, որից ստացված մարտ ամսվա հասույթը մուտքագրել եմ դրամարկղային գրքում, սակայն որոշակի գումար մարտ ամսվանից ստացել եմ ապրիլ ամսում, այդ դեպքում տվյալ գումարը ո՞ր ամսում պետք է մուտքագրեմ` մարտ, թե՞ ապրիլ ամսում: Կանխավ շնորհակալություն:

Գումարի մուտքագրում դրամարկղ

ԳՈՀԱՐ.

ՍՊԸ-ն ամեն օր ՀԴՄ ֆիսկալ է հանում: Հնարավո՞ր է դրամարկղի գրքում օրվա հասույթը գրանցում անել ոչ թե ամեն օր, այլ ասենք շաբաթը մեկ անգամ: Չնայած ես կարծում եմ, որ դրամարկղի շարժը պետք է երևա նույնիսկ րոպեի ճշգրտությամբ:

Կանխիկ գումարի մուտք դրամարկղ

ՍԵդա.

Խնդրում եմ պատասխանեք, ՓՄՁ-ով աշխատող հիմնարկությունը կարո՞ղ է ՀԴՄ-ի չեկերով դրամարկղի մուտքի օրդերները գրել 10-օրը մեկ:

Կազմակերպությունը փոխառություն է ստացել

Գուրգեն.

Բարև Ձեզ:
Կազմակերպությունը որպես փոխառություն ֆիզ. անձից ստացել է 2 մլն դրամ: Ասացեք խնդրեմ, կա՞ արդյոք իրավունք այդ չափի գումարը մուտքագրել դրամարկղ և որոշակի ժամանակ անց նույն չափի գումարը դրամարկղից վերադարձնել ֆիզ. անձին (մուտքի և ելքի օրդերներ): Եթե ոչ, ապա ինչպիսի՞ սահմանափակումներ են սահմանված օրենքով: Շնորհակալություն:

Կազմակերպությունը զբաղվում է մանրամեծածախ առևտրով

Gohar.

Բարև Ձեզ, հարգելի կոլեգաներ: Խնդրում եմ օգնել մի հարցում: Կազմակերպությունը զբաղվում է մանրամեծածախ առևտրով, գրանցված է ՀԴՄ, իրականացրել եմ ապրանքների վաճառք, գրել եմ Հ/Ա, գրանցել առաքման գրքում, վճարումը կանխիկ է կատարվել, գրել եմ դրամարկղի մուտքի օրդեր, արդյո՞ք ճիշտ եմ արել, պե՞տք է ԴՄՕ գրեի, թե՞ ՀԴՄ կտրոն տրամադրեի:
Կանխավ շնորհակալություն:

Կանխիկ վճարում ապրանքի դիմաց

Arpine.

Բարև Ձեզ, խնդրում եմ պատասխանեք, եթե կազմակերպությունը հաշիվ ապրանքագրով ձեռք է բերել ապրանք և վճարումը կատարել է կանխիկ ձևով իր աշխատակցի միջոցով (եթե չեմ սխալվում` միանգամից դիմացի կազմակերպության աշխատակցին վճարում ցույց տալու դեպքում նրա անձնագրային տվյալներն են պետք), այս դեպքում դրամարկղի ելքի օրդերում վճարման հիմքը և նպատակը տողում պե՞տք է գրել հ.ֆ, թե՞ դիմացի կազմակերպության մուտքի անդորրագրի տվյալները: Եվ ի՞նչ ձևակերպում պետք է տալ:

Դրամարկղային գործառնությունների վերաբերյալ

Տիրուհի.

Բարև ձեզ, կարո՞ղ եմ արդյոք անհատ ձեռներեցի համար լրացնել 300 գերազանցող դրամարկղի մուտքի օրդեր և եթե այո, խնդրում եմ նշեք օրդերի գումարի առավելագույն չափը, շնորհակալ եմ:

Դրամարկղային մուտքի և ելքի օրդերներ

Գայանե.

Բարև ձեզ:
Ձեզ գրում եմ խնդրանքով ինձ տրամադրել մուտքի և ելքի օրդերների անգլերեն և հայերեն ձևերը կամ որևէ կայք խորհուրդ տալ, որտեղից կարող եմ գտնել: Կանխավ շնորհակալություն:

Լրացվու՞մ է արդյոք ելքի օրդեր

Կարինե.

Բարև ձեզ, հարցս հետևյալն է. ես աշխատում եմ գրավատանը, կցանկանայի իմանալˋ հաճախորդին գրավի դիմաց գումարը տրամադրելիս ելքի օրդեր լրացվու՞մ է, թե՞ ոչ, և տոկոսները վճարելիս մուտքի օրդեր կազմվու՞մ է արդյոք: Յուրաքանչյուրը քանի՞ օրինակ:

Եթե կազմակերպությունը մատուցում է ծառայություն ֆիզիկական անձանց

Սիրարփի.

Եթե կազմակերպությունը մատուցում է ծառայություն ֆիզիկական անձանց համաձայն կնքված պայմանագրի, անհրաժե՞շտ է արդյոք գրել էլեկտրոնային հարկային հաշիվ, թե՞ բավարար է կատարել դրամարկղի մուտք:

Անհրաժե՞շտ է արդյոք տեղեկություններ ներկայացնել

Արթուր.

Բարև Ձեզ:
Խնդրում եմ պատասխանեք հետևյալ հարցիս, նախապես շնորհակալություն.
Ես գրանցված եմ որպես Ա/Ձ, չեմ համարվում ԱԱՀ վճարող: Երրորդ եռամսյակում ունեցել եմ ապրանքի ձեռքբերման ֆակտուրաներ (կանխիկ ԴՄՕ-ով), որոնց գումարը գերազանցում է 100000-ը, բայց ոչ 300000-ը, և տրված է կլազմակերպություններից, որոնք աշխատում են ԱԱՀ-ով (փաստաթղթում նշված է ԱԱՀ-ն):
Հարկայինից նամակ եմ ստացել որ երրորդ եռամսյակում ունեցել եմ գործարքներ, որոնց համար ԱԱՀ-ի մասին օրենքի 20-րդ հոդվածով պետք է տեղեկություն ներկայացնեմ հարկային:
Հարցս հետևյալն է. պե՞տք է արդյոք ես տեղեկություն ներկայացնեմ հարկային այդ ձեռքբերումների վերաբերյալ, թե՞ դա ուղղակի անճշտություն է ՀՏ-ի կողմից:

Հիմնական միջոցի վաճառք

R.A.

Բարև Ձեզ, հարգելի հաշվապահներ, մեր ընկերությունն հանդիսանում է ԱԱՀ վճարող և պետք է վաճառի իր ՀՄ-ը` էքսկավատորը ֆիզ. անձի այն գնով, ինչ գնով որ այն ձեռք է բերել տարիներ առաջ` 560.000 ՀՀ դրամ, այս գումարն ամբողջովին ամորտիզացվել է: Այս դեպքում ընկերության մոտ առաջանում է ԱԱՀ-ի պարտավորություն: Պետք է արդյոք ընկերությունը ԴՄՕ-ի հետ դուրս գրի նաև հարկային հաշիվ:

Կազմակերպությունը ցանկանում է զբաղվել դասընթացների կազմակերպմամբ

Էդգար.

Կազմակերպությունը ցանկանում է զբաղվել դիզայնի դասընթացների կազմակերպմամբ: Կխնդրեի ներկայացնել, ինչպես պետք է իրականացնել ուսանողների հաշվառումը, արդյոք անհրաժեշտ է մատյան վարել նրանց հաշվառման համար, ինչպե՞ս է այդ հարցը կարգավորվում: Ի՞նչ որոշմամբ, ո՞ր օրենքով: Ինչպե՞ս է հարկվում, որպես ծառայությա՞ն մատուցում: Արդյոք տրվում է ՀԴՄ կտրոն (տվյալ հասցեում արդեն կա ՀԴՄ), թե վարձը գանձվում է մուտքի օրդերով: Անհրաժե՞շտ է ուսանողների հետ կնքել պայմանագիր: Կխնդրեի մանրամասն պատասխանել: Կանխավ շնորհակալ եմ:

Կազմակերպությունը զբաղվում է մանրամեծածախ առևտրով

Sofia.

Բարև Ձեզ, հարգելի կոլեգաներ:
Խնդրում եմ օգնել մի հարցում, կազմակերպությունը զբաղվում է մանրամեծածախ առևտրով, վերջերս գրանցել եմ ՀԴՄ, իրականացրել եմ ապրանքների վաճառք, գրել եմ Հ/Ա, գրանցել առաքման գրքում, վճարումը կանխիկ է կատարվել, գրել եմ դրամարկղի մուտքի օրդեր, արդյոք ճիշտ եմ արել պետք է ԴՄՕ գրեի, թե ՀԴՄ-ով խփեի:
Կանխավ Շնորհակալություն: