Tag: շրջանառության հարկ

Գործունեության դադարեցում և վերսկսում

Հովհաննես․

Բարև ձեզ։ ԱՁ բացվել է 2023 դեկտեմբերի 25-ին, հունվարի 12 ին շրջհարկի հայտարարություն եմ ուղարկել և նույն օրը ԱՁ անորոշ ժամանակով դադարեցրել եմ, իսկ մարտի 2 ին վերսկսել։ Խնդրում եմ ինձ ասեք՝ ե՞րբ և ի՞նչ հարկեր և վճարներ պետք է անեմ։ Շնորհակալություն։

Շահութահարկի և սոցիալական վճարի պարտավորություն

Գայանե․

Բարև Ձեզ, հարգելի հաշվապահներ։ ՍՊԸ-ն գործում է շրջհարկով, էլեկտրական մոնտաժման աշխատանքներ է իրականացնում, կան գրանցված երկու աշխատող և տնօրեն։ Հարցս հետևյալն է՝ բացի աշխատավարձերի հարկերից, շրջանառության հարկից բացի, պե՞տք է ամեն ամիս 5 000 դրամ սոցիալական վճար և 5 000 դրամ շահութահարկ վճարվի։ Նախապես շնորհակալ եմ։

Էլեկտրոմոբիլի ձեռքբերում

Ջուլիա․

Բարև ձեզ, հարգելի հաշվապահներ։ ՍՊԸ փետրվար ամսին գնել է լիզինգով էլէկտրոմոբիլ և հիմա ցանկանում է ամբողջությամբ փակել լիզինգը.

1. Ե՞րբ մեքենան կհարմարվի ընկերության սեփականությունը

2. Հնարավո՞ր է արդյոք կատարել այսպիսի գործարք ֆիզ․ անձի և ընկերության մեջ՝ փոխանակելով մեքենան համարժեք մեքենայի հետ, թե՞ միևնույն է դա դիտարկվում է որպես օտարում, և այդ պարագայում պետք է դուրս գրել հաշիվ վավերագիր և վճարել 5% հարկը (Ընկերությունն աշխատում է շրջհարկի դաշտում)։

Շրջանառության հարկի դիմում

Մարիամ․

Ողջույն, խնդրում եմ ասել՝ ինչպե՞ս և որտե՞ղ նոր բացված ԱՁ-ն տա շրջանառության հարկի դիմումը։ Թաքսսերվիսի կայքում չի թողնում ֆայլը ներբեռնել, բոլոր տվյալները ճիշտ են լրացված։ ՊԵԿ պե՞տք է գնալ և դիմում գրել։

Գնորդը ջնջել է հաշիվը

Գայանե․

Բարև Ձեզ, հարգելի հաշվապահներ, այսպիսի իրավիճակում եմ հայտնվել: Հաշվարկային հաշիվ եմ գրել ապրիլ ամսին և մայիս ամսից անցել եմ ԱԱՀ դաշտ, դիմացի կողմը ամիսներ անց ասեց, որ համաձայն չի և հաշիվը չի ստորագրի, ես շրջանառության հարկի 2-րդ եռ. հաշվետվությունը արդեն ուղարկել էի և մի քանի ամիս ԱԱՀ հաշվետվություններն էլ էի ուղարկել: Հիմա նայում եմ՝ այդ հաշվի դիմաց գրված է ջնջված, ի՞նչ անել այս դեպքում:

Կանխիկ գումարի ելքագրում

Վահագն․

Բարև Ձեզ։ Ինձ հետաքրքիր է Ձեր կարծիքը։ Անհատ Ձեռնարկատերը, որն աշխատում է շրջանառության հարկի դաշտում, ԱՁ-ի հետ չկապված իր անձնական ծախսերի համար իրավունք ունի՞ խանութի կանխիկ գումարից գումար վերցնել կանխիկ, թե՞ դա էլ կդիտվի անկանխիկ գործառությունների մասին օրենքի խախտում։

Բեռնափոխադրումների գործունեություն

Արման․

Ա/Ձ-եմ, աշխատում եմ շրջանառության հարկով, մատուցում եմ ծառայություն իմ անձնական բեռնատարով։ Շրջանառության հարկի հաշվետվության մեջ նշում եմ այլ գործունեություններ տողի դիմաց և վճարում 5 տոկոս շրջանառությունից հարկ։

ՀԱՐՑ․ Շրջանառության հարկի հաշվետվության ո՞ր տող դիմաց պետք է ցույց տամ իմ ծախսային մասը, քանի որ մի տարածքից մյուս տարածք բեռը տեղափոխելիս ծախսվում է մեծ քանակությամբ դիզելային վառելիք։

Նախապես շնորհակալություն։

Միկրոձեռնարկատերը գույք է ներմուծել

Հարութ․

Հարգելի հաշվապահներ, խնդրում եմ պատասխանեք հետևյալ հարցերին.

Մարզում գրանցված ԱՁ-ն աշխատում է որպես միկրոձեռնարկատեր։ Ներմուծել է գույք արտահանման նպատակով, բայց մինչ օրս չի արտահանել։

Հարց 1․ Շրջանառության դաշտում աշխատելու դեպքում կարո՞ղ է կատարել վերը նշված գույքի արտահանում և շրջանառության գումարը նվազեցնել ներմուծված գույքի ձեռքբերման գնով, թե՞ պետք է վճարի 5% շրջ. հարկ, քանի իր այդ գույքը ձեռք է բերել միկրոձեռնարկատեր եղած ժամանակահատվածում

Հարց 2. Հարկման ընդհանուր համակարգում աշխատելու դեպքում կարո՞ղ է մաքսային մարմնին վճարված ԱԱՀ-ն դեբետագրել

Հացի փռի գործունեություն

Աննա․

Բարև Ձեզ։ Եթե հացի փռում թխվում է նաև այլ հացաբուլկեղեն, որը նաև սպասարկվում է սրահում, այդ դեպքում կարո՞ղ է հացի վաճառքը որպես արտադրություն ձևակերպել, իսկ մնացած սնունդը` հանրային սնունդ։ Նշեմ, որ հանրային սննդի հայտարարություն չի տրվել։ Այդ դեպքում հացի վաճառքից շրջանառության հարկի դրույքաչափը կլինի 3.5՞, իսկ մնացածի մասով` 5%՞։

ԱՁ վաճառում է գյուղմթերք

Անահիտ․

Բարև ձեզ, խնդրում եմ ասեք՝ եթե ԱՁ աշխատում է շրջանառության հարկի դաշտում, վաճառում է գյուղմթերք, և եթե չունի ձեռքբերում շուկայից, բացի 5 տոկոսից վճարու՞մ է նաև 20 տոկոս եկամտային հարկ։

Միկրոձեռնարկատիրության սուբյեկտ կամ շրջանառության հարկ վճարող համարվելու համար դիմումները հանձնելու վերջնաժամկետ

Հարգելի գործընկերներ,

2024թ. փետրվարի 20-ը շրջանառության հարկով աշխատելու համար դիմելու, ինչպես նաև միկրոձեռնարկատիրության սուբյեկտ համարվելու համար դիմում ներկայացնելու վերջնաժամկետն է: Պետք է հանձնել.

Ձև N 201. Շրջանառության հարկ վճարող համարվելու վերաբերյալ հայտարարություն – 2024թ-ին շրջանառության հարկ վճարող համարվելու համար

Ձև N 257. Միկրոձեռնարկատիրության սուբյեկտ համարվելու վերաբերյալ հայտարարություն – 2024թ-ին միկրոձեռնարկատիրության սուբյեկտ համարվելու համար

Նվազեցումներ շրջանառության հարկից

Վահագն․

Բարև Ձեզ։ ԱՁ-ն աշխատում է շրջանառության հարկով և զբաղվում է ավտոպահեստամասերի վաճառքով։ Շրջանառության հարկի հաշվարկման ժամանակ իրացման շրջանառության 5 տոկոսից նվազեցվում է ձեռքբերումների 4 տոկոսը, որոնց մեջ մտնում է հարկային հաշվով ձեռք բերումները, հաշիվ վավերագրով ձեռք բերումները։ Հիմա հարց՝ ՀԴՄ կտրոններով ձեռք բերումները նույնպե՞ս նվազեցվում են։

Ա/Ձ-ն զբաղվելու է հացի արտադրությամբ

Հարգելի հաշվապահներ, ես Արցախի հաշվապահ եմ, մի քանի հարց ունեմ, շատ շնորհակալ կլինեմ, եթե օգնեք։ Ա/Ձ-ն զբաղվելու է հացի արտադրությամբ.

  1. Հացի արտադրամասը ի՞նչ հարկով է հարկվում (միկրո՞յի` եթե տարեկան չի գերազանցի 24 մլն և եթե գերազանցի՝ շրջանառության հա՞րկ)
  2. ի՞նչ հաշվետվություններ պետք է ներկայացնի (ամսական, եռամսյակային,տարեկան)
  3. և ի՞նչ հավելյալ գործողություններ պիտի արվի, օրինակ՝ պե՞տք է գրանցվի սննդի անվտանգության ծառայությունում)

Արդյո՞ք մայրը կզրկվի նպաստից

Նարե․

Հարգելի մասնագետներ, խնդրում եմ օգնել ճիշտ կողմնորոշվելու այսպիսի իրավիճակում․

Երեխան 2023թ-ի ծնունդ է։ Մայրը վարձու աշխատող է՝ գտնվում է խնամքի արձակուրդում, ստանում է նպաստ 31 600 դրամ։ Մայրը ցանկանում է իր դիմումի համաձայն ազատվել աշխատանքից, այսինքն դուրս գալ վարձու աշխատողի կարգավիճակից։ Այնուհետև պետռեգիստրում գրանցվի որպես անհատ ձեռներեց և հաշվառման կանգնի ՊԵԿ-ում։ Աշխատելու է, գործունեություն է ծավալելու հարկման շրջհարկի դաշտում և համաձայն օրենքի վճարելու է ամսական սոցվճար։ Խնդրում եմ պատասխանել ճի՞շտ եմ մտածում՝

1․ Մայրը այս պարագայում չի՞ զրկվի նպաստից

2․ Նպաստ կստանա 37 500 դրամ՝ որպես աշխատող նպաստառու։

3․ Վերոգրյալի դրական պատասխանի դեպքում, արդյոք կա՞ լրացուցիչ թղթերի ներկայացման անհրաժեշտություն։ Եթե այո, ապա խնդրում եմ ուղղորդել՝ ի՞նչ թղթեր են անհրաժեշտ ներկայացնել online տարբերակով և որտե՞ղ։

Կանխավ շնորհակալություն պատասխանի համար։

Շուկայից ձեռքբերում

Անահիտ․

Բարև Ձեզ: Կազմկերպությունն աշխատում է շրջանառության հարկով:

  1. Միակողմանի գնման ակտով ձեռքբերումների համար ազատվա՞ծ է եկամտային հարկ տալուց:
  2. Հանրային սննդի շրջհարկից միակողմանի գնման ակտով ձեռքբերումները նվազեցվու՞մ են:
  3. Մինչև 300 000 մեկ հատը և ամսական մինչև 3 մլն պե՞տք է լինի գնման ակտերի գումարը:

Շնորհակալություն նախապես։

Հարկատեսակի դիմում ներկայացնելու ժամկետը լրացել է

Վարդան․

Բարի օր։ Բացել ենք ԱՁ հունվարի 16-ին։ ԱՁ-ն զբաղվելու է ՏՏ ծառայությունների մատուցմամբ։ Դիմում ներկայացնելու 20-օրյա ժամկետը լրացել է կիրակի օրը։ Այսօր կարո՞ղ եմ հարկատեսակի համար դիմում ներկայացնել։

Գործունեություն Wildberries հարթակում

Լուսինե․

Բարև Ձեզ, էսպիսի մի հարց․ եթե ֆիզ․ անձը ուզում է դառնալ իրավաբանական անձ և համագործակցել Wildberries – ի հետ, բայց ապրանքը գնել Չինաստանից և ուղարկել անմիջապես ՌԴ-ի ՎԲ: Ապրանքը Հայստանի չմտնի: Արդյո՞ք հնարավոր է։ էս դեպքում ՍՊԸ, թե՞ Ա/Ձ, կարո՞ղ է շրջանառության հարկի դաշտում գործել, և ո՞նց ձևակերպել գործողությունների ճիշտ հերթականությունը: Կանխավ շնորհակալ եմ:

ԱՁ զբաղվում է գյուղմթերքի առևտրով

Անահիտ․

Բարև ձեզ, հարգելիներս։ Ա/Ձ, որը զբաղվում է գյուղմթերքի մանրածախ առևտրով, ի՞նչ դրույքաչափով պիտի վճարի շրջանառության հարկը, և քանի որ փաստաթուղթ չի ունենա ձեռք բերումների, ի՞նչ լրացուցիչ հարկային պարտավորություններ կառաջանան։

Տեխզննման գործունեություն

Աննա․

Հարգելի հաշվապահներ, կասե՞ք՝ շրջանառության հարկով աշխատող ՍՊԸ ցանկանում է իրականացնել տեխզննման գործունեություն։ Ի՞նչ հարկեր և վճարներ պետք է վճարի: Կանխավ շնորհակալություն։

Տարածքի վարձակալություն

Արմինե․

Բարև Ձեզ, հարգելի մասնագետներ։ Կխնդրեի պատասխանել.

Շրջհարկի դաշտում գործող ԱՁ եմ։ Արտադրամասը՝ համաձայն գրավոր պայմանագրի, վարձակալել եմ ռեզիդենտ ֆիզ անձից։ Հարցերս հետևյալն են․

Հարց 1․ Վարձավճարի եկամտային հարկը ԱՁ-ն պետք է հաշվարկի և փոխանցի բյուջե՝ այն ցույց տալով եկամտային հաշվետվության համապատասխան տողում, թե՞ քաղաքացի ֆիզ անձը հաշվառվի ՊԵԿ-ում և հայտարարգրի հիման վրա կատարվի փոխանցումը։

Հարց 2. Քանի, որ շրջհարկով եմ աշխատում, և վարձակալական վճարը ԱՁ-ի համար ծախս չի (այսինքն չի պակասեցվելու շրջհարկից), պարտադի՞ր է կադաստրում հաշվառվելը կամ նոտարական վավերացումը։

Շրջանառության հարկ ԱՊՊԱ հատուցումից

Ելենա․

Բարև ձեզ: Կազմակերպությունը (ՍՊԸ) աշխատում է շրջանառության հարկով: Ապահովագրական կազմակերպությունից ստացել է ԱՊՊԱ հատուցում 20 000դր․։ Այդ գումարը արդյո՞ք պետք է հարկվի շրջանառության հարկով։

Ապրանքի մնացորդ ընդհանուր դաշտ անցնելիս

Տիգրան․

Բարև Ձեզ։ Ես շրջանառության հարկով աշխատող ԱՁ եմ, ուզում եմ անցնել ընդհանուր դաշտ։ Պահեստում ունեմ ապրանքային մնացորդ, որը ձեռք եմ բերել ՌԴ-ից և սահմանին վճարել եմ ԱԱՀ։ Ես կարո՞ղ եմ այդ ապրանքը մուտք անեմ որպես սկզբնական մնացորդ։ Դրա համար ինչ որ բան պե՞տք է վճարեմ։ Եվ այդ ապրանքի ԱԱՀ-ն ինձ կհաշվանցեն, թե՞ ոչ։ Եթե հնարավոր է՝ ուղղություն ցույց տվեք՝ ինչ անեմ, որ այդ մնացորդի ձևակերպումը ճիշտ լինի և կրկնակի չհարկվի։

Շահութահարկի հաշվարկի լրացման կարգ

Նարինե․

Ամուսինս ԱՁ է, զբաղվում է արևային վահանակների տեղադրման աշխատանքներով։ Նախորդ տարիներին աշխատել է միկրոձեռնարկատիրության դաշտում, սակայն նոյեմբերի 24-ից գերազանցեց 24 մլն շեմը, ու անցանք շրջանառության հարկի դաշտ։ Հիմա շահութահարկի հաշվարկը լրացնելու խնդիր ունեմ, լրացման ձևը չեմ հասկանում, որ խնդրեմ, կօգնե՞ք։

Շրջանառության հարկ վճարողի դիմում

Հայկ․

Բարև Ձեզ։ Նորաբաց ԱՁ-ն գործունեություն չէր ծավալել, ԱԱՀ համակարգում էր ու հանձնում էր 0-ական հաշվետվություններ: Այս տարվանից ուզում եմ դիմում ներկայացնել շրջ. հարկի համակարգ անցնելու համար: Դիմումն հիմա ներկայացնելուց կարո՞ղ եմ նշել, որ 2024-ի Հունվարի 1-ից համարվեմ շրջանառության հարկ վճարող:

ԱՁ ցանկանում է հիփոթեքային վարկ վերցնել

Սամսոն․

Բարև Ձեզ, Ա/Ձ-ն հանդիսանում է շրջանառության հարկ վճարող (5% շրջանառությունից +120 000 շահութահարկ և սոց․ տարեկան) և մատուցում է ՏՏ ոլորտի ծառայություններ արտերկրի կազմակերպությանը։ Այլ աշխատողներ չկան, մենակ է աշխատում։ Ա/Ձ-ն պատրաստվում է բանկից հիպոթեքային վարկ վերցնել։

Հարց 1. Ի՞նչ հարկատեսակի պետք է նա անցնի, որպեսզի կարողանա դիմել ՊԵԿ եկամտային հարկի հետ վերադարձի համար

Հարց 2. Եթե կա այդպիսի հնարավորություն, ի՞նչ դրույքաչափով հարկեր պետք է նա սկսի վճարել նոր հարկման համակարգում

Հարց 3. Երբ հիպոթեքի ժամկետը լրանա, կարո՞ղ է նա նորից հետ վերադարձ կատարել շրջանառության հարկի համակարգին

Ձեռքբերում գյուղացուց

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։

Դադարեցված ԱՁ հաշվետվություններ

Հայկ․

Բարև ձեզ: Շրջհարկով աշխատող ԱՁ-ն 2023թ. հունվարի 19-ին ներկայացրել է գործունեությունը դադարեցնելու հայտը: Հանձնվել է միայն 2023թ. 1-ին եռ. շրջհարկի հաշվարկը: Արդյո՞ք 2024թ. պետք է հանձնել 240 և 244 ձևերը: Եվ արդյո՞ք առաջանում է դրոշմանիշային վճար: Շնորհակալություն։

Վերանորոգման ծառայություններ

Նաիրա․

Բարև Ձեզ։ Ես վերանորոգման ծառայություններ եմ ցանկանում առաջարկել, ԱՁ պետք է բացեմ։ Տվյալ դեպքում գործունեությունը համարվում է միկրոձեռնարկատիրություն, թե՞ շրջանառության հարկ պետք է վճարել։

Ձեռքբերում շուկայից

Աննա․

Հարգելի հաշվապահներ, շրջհարկով աշխատող ՍՊԸ -ն շուկայից ապրանք է գնել (մինչև 300 000), գնման ակտով դրամարկղից ելքագրելու թղթակցող հաշիվը 2282 ճի՞շտ է։

Մեքենայի ձեռքբերում ֆիզ. անձից

Լուսինե․

Հարգելի հաշվապահներ, խնդրում եմ օգնել տվյալ հարցում: Հունիս ամսին կազմակերպությունը, որն աշխատում է շրջանառության հարկով, և հիմնական գործունեությունը արտադրությունն է, ֆիզ․ անձից գնել է ավտոմեքենա։ Եկամտային հարկի հաշվարկի մեջ ներառել եմ, իսկ արդյո՞ք շրջանառության հարկի 3-րդ եռամսյակի հաշվետվության մեջ նույնպես պետք է ցույց տալ։

Ավանդից ստացված տոկոսների հարկում

Ելենա․

Բարև Ձեզ։ Կազմակերպությունը աշխատում է շրջհարկով։ Ազատ գումարը դրել է բանկում որպես ավանդ։ Այդ ավանդից ստացված տոկոսները հարկվու՞մ են եկամտային հարկի 10%-ով և շրջանառության հարկի 5%-ով (որպես այլ եկամուտ շրջանառության հարկի հաշվարկի 16 տողում), թե՞ 10% (որպես տոկոս շրջանառության հարկի հաշվարկի 11 տողում)։ Կանխավ շնորհակալ եմ։

Ավտոլվացման կետ

Խնդրում եմ պատասխանել՝ ավտոլվացման կետը կարո՞ղ է հարկվել շրջանառության հարկի 5% դրույքաչափով։

Շնորհակալություն։

ԱՁ դրոշմանիշային վճար

Ջուլիա․

Բարև Ձեզ։ ԱՁ-ն 2023թ․ մինչև մայիս ամիսը աշխատել է միկրոյի դաշտում, շրջանառությունը՝ 5 միլիոն դրամ, որից հետո անցել է շրջանառության հարկի դաշտ։ Հիմա միկրոձեռնարկատիրության ժամանակահատվածում պետք է վճարի 24 000 դրամ դրոշմանիշ, իսկ շրջանառության հարկի դաշտում աշխատելու համար տարեկան 40 000 շահութահարկ, 40 000 սոցիալական վճար +120 000 էլի՞ դրոշմանիշ։

Օրավարձով բնակարանների տրամադրման գործունեություն

Արթուր․

Բարև Ձեզ։

Ուզում եմ իմանալ՝ օրավարձով բնակարանների տրամադրման գործունեությունը կարո՞ղ է համարվել հյուրատնային գործունեություն I55 տնտեսական դասակրգչի տակ և հարկվել շրջանառությոան հարկով 5% ով։

ԱՁ – ների եկամուտների մասին հայտարարագիր

Վահագն․

ԱՁ-երը, որոնք աշխատում են միկրոձեռնարկատիրության կամ շրջանառության հարկի դաշտում, 2023թ-ի համար պե՞տք է ներկայացնեն եկամուտների մասին հայտարարագիր, թե՞ այդ օրենքը ԱՁ-երին կվերաբերվի 2025թ-ից։

Wildberries հարթակում գործունեություն

Լաուրա․

Բարև Ձեզ։ Wildberries – ի սպսարկման կետը ծառայություններ է մատուցում` ներկրում, արտահանում, աշխատում է շրջանառության հարկով, չունի գրանցված աշխատողներ, բացվել է նոյեմբերի 25-ից, դեռևս մեկ գործարք է կատարել։ Խնդրում եմ ասեք՝ բացի եռամսյակային շրջանառության հարկի հաշվարկից ուրիշ ի՞նչ հաշվետվություն պետք է ներկայացնել, և ո՞րն է դասակարգիչ կոդը։

Արդյո՞ք կլինի փոխկապակցվածություն

Լուսինե․

Բարև Ձեզ, ունեմ ՍՊԸ, որը գտնվում է դադարի մեջ։ Ֆիզ․ անձով ապրանք եմ բերել, մաքսատանը ասեցին, որ պետք է բացվի Ա/Ձ, որ կարողանանք ապրանքը մաքսազերծել: Ուզում եմ հասկանալ՝ արդյո՞ք կարող եմ գործել շրջանառության հարկով: Փոխկապակցվածություն չի՞ դիտարկվի։

Շրջանառության հարկ 2024

Կիմ․

Ա/Ձ-ն հարկվում է ԱԱՀ-ով, ցանկանում ենք 2024 թվականը փոխել շրջանառության հարկի հարկատեսակով, խնդրում եմ ասել՝ ի՞նչ հայտարարություններ պետք է ներկայացնել և ե՞րբ պետք է ներլայացնել։ Կանխավ շնորհակալ եմ։

Կահույքի արտադրամաս

Անա․

Բարև ձեզ, մեկ հարց ունեմ, կխնդրեյի պատասխանել․ ցանկանում եմ հիմնել կահույքի արտադրամաս՝ հիմնականում փայտից, առանց որևէ այլ նյութերի, ամառանոցների, տաղավարների և նմանատիպ կահույք։ Կարո՞ղ եք ասել՝ ի՞նչ դասիչով պետք է գրանցեմ ընկերությունը, և արդյո՞ք կարող եմ բացել ԱՁ և աշխատել շրջհարկով։ Շնորհակալություն։

ԱՁ գերազանցել է 24 միլիոնի շեմը

Քսենիա․

Բարև ձեզ։ Հարգելի հաշվապահներ, միկրոյով աշխատող ԱՁ-ն 24 միլիոնի շեմը գերազանցել է 5 օր առաջ, եթե ՇՀ 201 ձևի մեջ նշվում է այն օրը, որի դրությամբ դեռ շեմը չէր անցել, ուրեմն կարո՞ղ է հաջորդ տարի ևս համարվել միկրո։

Ա/Ձ ցանկանում է կատարել մաքրման աշխատանքներ

Սյուզան․

Բարև Ձեզ։ Ա/Ձ ցանկանում է կատարել մաքրման աշխատանքներ, ո՞րն է ճիշտ․

1․ Միկրոձեռնարկատիրությա՞ն, թե՞ շրջ․ հարկի հայտը ներկայացնի։ Այս պահին կազմակերպության հետ պետք է աշխատի, հետագայում տան մաքրման ծառայություններ պետք է կատարի։

2․Բանկային հաշիվ բացելուց հետո կարո՞ղ են փոխանցումները հաշվին կատարվել, թե՞ ՀԴՄ է հարկավոր։

ԱՁ-ը կազմակերպում է համերգ

Հասմիկ․

ԱՁ-ը կազմակերպում է համերգ, կարո՞ղ է աշխատել շրջանառության հարկով, և քանի՞ տոկոսով է հարկվելու՝ 10, թե՞ 5։

Էլոսի և մատնահարդարման ծառայություններ

Նաիրա․

Բարև Ձեզ, ես սեփական տարածք ունեմ, ցանկանում եմ Էլոսի և մատնահարդարման ծառայություններ մատուցել։ Միկրոձեռնարկատիրակա՞ն գործունեություն է, թե՞ վճարելու եմ շրջանառության հարկ։

Հանրային սննդի գործունեություն դպրոցում

Մարիամ․

Դպրոցի բուֆետը ո՞ր տնտեսական դասկակարգիչով ավելի ճիշտ կլինի որ աշխատի, շրջանառության հարկ վճարող է, հանրային սնունդ է լինելու։ Կհաշվառվենք սննդի անվտանգության կայքում։ Իսկ աշխատողը որևէ բուժ․ զննում պե՞տք է անցնի, թե՞ ոչ։ Բացի դա կա՞ էլի որևէ պայման, որ պետք է ծանոթանալ։ Կանխավ շնորհակալ եմ։

Գազալցակայանը կարո՞ղ է աշխատել շրջ. հարկով

Անահիտ.

Գազալցակայանը կարո՞ղ է աշխատել շրջանառության հարկով, եթե տարեկան շրջանառությունը 115 մլն շեմը չի գերազանցել։

Ատամնաբուժարանի գործունեություն

Նելլի․

Բարև Ձեզ։ Ա/Ձ բացել է ստոմատոլոգիական կլինիկա, աշխատում է շրջանառության հարկի դաշտում։ Ինչպե՞ս պետք է վարել հաշվապահությունը, եթե ապահովագրական ընկերությունների հետ է աշխատելու։ Եվ կարո՞ղ եք օրենքի հղում տալ՝ առանձնահատկություններին ծանոթանալլու համար։ Կանխավ շնորհակալ եմ։

Ավտոպահեստամասերի առք ու վաճառք

Ժաննա․

Բարև Ձեզ, հարգելի հաշվապահներ, խնդրում եմ խորհուրդ տալ․ ֆիզ․ անձը ցանկանում է զբաղվել ավտոպահեստամասերի առք ու վաճառքով, ի՞նչ գրանցի՝ ՍՊԸ, թե՞ ԱՁ, և ո՞ր հարկման տեսակը ընտրի՝ ԱԱՀ, թե՞ շրջանառության հարկ։

Եկամտային հարկ վարձավճարից

Կարեն․

Բարև Ձեզ: Շրջանառության հարկով աշխատող ՍՊԸ-ն կամ ԱՁ-ն ֆիզ․ անձից վարձակալել է տարածք։ Այս դեպքերում ո՞վ է վճարելու եկամտային հարկը, և քանի՞ տոկոս։ Ո՞ր հոդվածով առաջնորդվել։

Այլ գործունեության ավելացում

Աննա․

Հարգելի հաշվապահներ, եթե շրջանառության հարկով աշխատող ՍՊԸ, որի գործունեթյան տեսակն է կանոնավոր ուղևորափոխադրում, ունի նաև այլ գործունեություն՝ տեխզննման կայան, որն իր մեքենաների համար կատարում է տեխզննումներ , այս դեպքում ի՞նչ լրացուցիչ հաշվետվություններ հանձնելու և հարկային պարտավորություններ են առաջանում։

ԱՁ հարկային պարտավորություններ

Գևորգ․

Բարև ձեզ։ Ի՞նչ ամսական կամ տարեկան վճար ունի շրջանառության հարկով աշխատող ԱՁ-ն, որը չունի գրանցված աշխատող։