Tag: փաստաթղթեր

Կրեդիտորական պարտքի փոխանցում երրորդ կողմին

Ժաննա․

Բարև Ձեզ, հարգելի հաշվապահներ, խնդրում եմ օգնել հետևյալ հարցում․

Եթե ՀՀ ռեզիդենտ ՍՊԸ-ն ունի կրեդիտորական պարտք ոչ ռեզիդենտ ՍՊԸ-ին, և այդ ՍՊԸ-ն զիջում է մեր պարտքը մեկ այլ ոչ ռեզիդենտ ՍՊԸ-ի։ Ասացեք խնդրեմ՝ ի՞նչ հաշվապահական ձևակերպումներ պիտի տամ, և ի՞նչ փաստաթղթեր են անհրաժեշտ, արդյո՞ք պետք է պարտքի փոխանցման եռակողմ համաձայնագիր։

Գործունեություն Wildberries հարթակում

Տիգրան․

Հարգելի հաշվապահներ, եթե ունեք փորձ վարելու Wildberries վաճառքներ իրականացնող անձի հաշվառումը, խնդրում եմ տրամադրեք տեղեկատվություն՝ ու՞մ պետք է դուրս գրվեն ապրանքների մատակարարման հաշվարկային փաստաթղթերը։ Wildberries օֆերտան սահմանում է, որ վաճառողը պետք է փոխանցի սեփականության իրավունքը Wildberries – ին։ Արդյո՞ք հաշվարակային փաստաթուղթը պետք է դուրս գրվի ՀՀ ում գրանցված Վայլդբերիզ ՍՊԸ-ին։ Խնդրում եմ նաև տրամադրել տեղեկատվություն, ստանու՞մ եք արդյոք Վայլդբերիզից հաշիվներ իրենց կողմից մատուցած ծառայությունների համար, թե՞ Ձեր կողմից դուրս գրվող հաշվարկային փաստաթղթերը դուրս եք գրում Վայլդբերիզի գանձած կամիսիայով պակաս թվով։

Վարսավիրանոցի ձեռքբերումները առանց փաստաթղթի են

Եվա․

Խնդրեմ կասե՞ք՝ եթե անհատ ձեռնարկատերը զբաղվում է վարսավիրական ծառայություններով և միկրոյի դաշտում է աշխատում, այս դեպքում ձեռքբերված նյութերի համար եթե առանց փաստաթղթի է, խնդիր կունենա՞։

Օտարերկրացին որպես ՍՊԸ հիմնադիր

Երվանդ․

Ողջույն: Խնդրում եմ պատասխանեք. կարո՞ղ է արդյոք այլ երկրի քաղաքացին (-ները) Հայաստանում հիմնադրել ՍՊԸ, եթե այո, ապա ի՞նչ փաստաթղթեր են պահանջվում գրանցման համար: Կանխավ` շնորհակալ եմ:

ԱՁ զբաղվում է գյուղմթերքի առևտրով

Անահիտ․

Բարև ձեզ, հարգելիներս։ Ա/Ձ, որը զբաղվում է գյուղմթերքի մանրածախ առևտրով, ի՞նչ դրույքաչափով պիտի վճարի շրջանառության հարկը, և քանի որ փաստաթուղթ չի ունենա ձեռք բերումների, ի՞նչ լրացուցիչ հարկային պարտավորություններ կառաջանան։

ՏՏ ոլորտի նորաստեղծ ԱՁ

Նարինե․

Հարգելի հաշվապահներ, ՏՏ ոլորտի նորաստեղծ ԱՁ-ն շրջանառության հարկի ոլորտում է: Պետք է ծառայություն մատուցի արտասահմանում գնտվող ՀՀ քաղաքացու: Համագործակցությունն կարող է կրել շարունակական բնույթ, այսինքն աշխատավարձի պես ամեն ամիս ֆիքսված գումար փոխանցվի ՀՀ-ից:

Այս դեպքում հաշիվ վավերագիր դուրս գրելն պատվիրատու ֆիզ. անձի անձնագրային տվյալներով բավարա՞ր է: Արդյո՞ք պայմանագիր էլ է պետք: Քանի որ թղթային ստորագելու տարբերակ չկա, ինպե՞ս կարելի է կնքել:

Կնիք ունենալու դեպքում

Գնել․

Ցանկանում եմ, որ իմ ԱՁ-ն կնիք ունենա։ Արդյո՞ք կնիք պատվիրելու դեպքում բոլոր գործարքներն ու փաստաթղթերը պետք է կնիքով հաստատել, թե՞ կարող եմ ըստ ցանկության կնիք դնել կամ չդնել, և միայն ստորագրությամբ հաստատել։

Ձեռքբերում գյուղացուց

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։

Ապառիկի ձևակերպում

Արթուր․

Բարև Ձե։ Եթե ԱՁ-Ն աշխատում է շրջհարկով և պետք է իրականացնի ապառիկ վաճառք, խնդրում եմ ասել 1. Արդյո՞ք պետք է գրվի հաշիվ Բանկի անունով, թե՞ գնորդի անունով պետք գրվի միայն, իսկ եթե գնորդի, ապա բանկի հետ ինչ որ թղթաբանության հարց առաջանու՞մ է։

Նշեմ նաև, որ առք վաճառք է իրականացնում, ինչպես նաև մատուցում տեղադրման ծառայություն, այս դեպքում տեղադրումը կհարկվի այլ-ով չէ՞, ճի՞շտ եմ հասկանում։

Financial Performance / by tax returns/acceptance by the tax authorities

Լիլիթ․

Բարև ձեզ։ Խնդրում եմ օգնել հասկանալ « Financial Performance / by tax returns/acceptance by the tax authorities » այս պահանջի ներքո ի՞նչ փաստաթղթեր պետք է ներկայցվեն և նաև բալանսի կամ profit and loss account -ի ձևաչափեր կան, որ կարող են հաստատվել ՊԵԿ-ի կողմից:

Wildberries – ում՝ որպես վաճառող

Լուսինե․

Բարև Ձեզ։ Wildberries-ում որպես վաճառող եմ: Կասե՞ք ընթացակարգը: Ա/Ձ եմ, քանի որ շրջանառությունս մեծ չի և ներմուծում էլ չեմ անում, հարկատեսակ ընտրել եմ շրջ. հարկը: Մինչև WB պահեստ հասնելը արդյո՞ք գրվում է ապրանքների տեղափոխման բեռնագիր: WB-ից գումարը ստանալուց հետո ապրանքների մատակարարման հաշիվ վավերագի՞ր է գրվում, թե՞ ծառայությունների մատուցման հաշիվ:

Կանխավ շնորհակալություն։

Ավելացվել են փաստաթղթեր

“Փաստաթղթեր” բաժնում ավելացվել են հետևյալ փաստաթղթերը.

  • Փոխադարձ հաշվարկների ստուգման ակտ

Ծախսի հիմնավորում

Անի Աբրահամյան․

Աշխատակիցը մասնակցել է մասնագիտական դասընթացների ու ներկայացրել է կտրոն։ Արդյո՞ք բավական է դա ծախսը որպես հիմնավորված ծախս ձևակերպելու համար։

Անշարժ գույքի վարձակալություն

Տիգրան․

Բարև ձեզ։ Խնդրում եմ ասել բոլոր գրոծողությունները՝ անշարժ գույքը վարձակալության հանձնելու համար կազմվող պայմանագրի համար։ Ենթադրենք՝ վարձակալի հետ կնքվեց պայամանգիր, ու՞ր պետք է ներկայացնել այդ պայամանգիրը և ի՞նչ փաստաթղթերի հետ։ Շնորհակալություն։

Ընկերությունն ունի մեկ մասնակից

Անի․

Հարգարժան ընկերներ, եթե ընկերությունն ունի մեկ մասնակից, մասնակիցների ժողովի արձանագրության փոխարեն ի՞նչ փաստաթուղթ է կազմվում։

Ե՞րբ են հաստատվում ԵՏՄ փաստաթղթերը

Աննա․

Հարգելի հաշվապահներ, կասե՞ք՝ ԵՏՄ ներմուծման հայտարարություն ու հայտարարագիրը լրացնելուց հետո “Ենթակա է հաստատաման” կարգավիճակն ինչքա՞ն ժամանակ է մնում: Կանխավ շնորհակալ եմ։

Վճարում ԱՁ քարտից

Էրիկ․

Բարև ձեզ, կխնդրեմ օգնեք։ ԱՁ ունեմ, կայք է ինֆորմատիվ, սերվերի վճար եմ կատարում գերմանական ընկերությունում ԱՁ քարտից։ Դրա համար ի՞նչ փաստաթուղթ է պետք ստեղծել, որպեսզի արտացոլվի կատարած ծախսերի մեջ հարկայինում։

Հիշարար օրդեր

Նարինե․

Բարև Ձեզ, ինձ հիշարար օրդերի օրինակ է հարկավոր, կարո՞ղ եք օգնել, նախապես շնորհակալություն։

Գործուղման փաստաթղթեր

Քրիստինե․

Բարև Ձեզ։

ՀՀ տարածքում գործուղման մեկնելու համար հաշվապահին ի՞նչ փաստաթեթեր է պետք պատրաստել։

Հանձնում-ընդունում

Կարապետ․

Խնդրւմ եմ ասեք՝ ՀՀ հարկային օրենսդրությունով պարտադի՞ր է հանձնման-ընդունման ակտի թղթային տարբերակի առկայությունը, թե՞ կարող ենք ստորագրություններն ու կնիքները կազմակերպել էլեկտրոնային՝ էլ․ փոստով միմյանց ուղարկելու միջոցով։

Տնօրենի գրանցում պետ. ռեգիստրում

Աննա․

Բարև Ձեզ։ Հարցս հետևյալն է․ նորաբաց ՍՊԸ-ն ունի մեկ հիմնադիր, և հիմնադիրը ուզում է աշխատանքի ընդունել մեկ այլ անձի, որպես տնօրեն։ Արդյո՞ք կարիք կա դիմել պետ․ ռեգիստր տնօրենին գրանցելու համար, և ի՞նչ թղթեր են հարկավոր։

Կանխավ շնորհակալ եմ։

Գործուղման փաստաթղթեր

Էլինա․

Հարգելի հաշվապահներ, եթե օտարերկրյա գործուղման մկնելու համար աշխատողին վճարվել է օրապահիկ (գիշերավարձը վճարել է կազմակերպությունը հաշվարկային հաշվից անմիջապես հյուրանոցին) ՝ սահմանված չափը չգերաանցող գումար, արդյո՞ք անհրաժեշտ են փաստացի կատարված ծախսերի հաշվետվությունը, գործուղման ծախսերը հաստատող փաստաթղթերը։

Նշված փասաթղթերի բացակայության դեպքում արդյո՞ք չի նվազեցվի օրապահիկի ծախսը շահութահարկի հաշվարկում։ Չէ՞ որ ՀՕ 111 Հոդվածը ասում է « 2. Անկախ սույն հոդվածի 1-ին մասի դրույթներից` ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի հարկման բազան որոշելիս թույլատրվում է առանց փաստաթղթերով հիմնավորման համախառն եկամտից նվազեցնել Օրենսգրքի 117-րդ հոդվածով սահմանված չափը չգերազանցող օրապահիկի, ինչպես նաև դաշտային պայմաններում և տեղափոխման (տեղաշարժման) աշխատանքների կատարման դեպքում` Կառավարության սահմանած չափը չգերազանցող չափով տրվող հատուցման գումարները:»

Ի՞նչ խնդիրներ եմ կարող ունենալ փաստացի կատարված ծախսերի հաշվետվություն և գործուղման ծախսերը հաստատող փաստաթղթեր չունենալու դեպքում։

Կանխավ շնորհակալ եմ։

Ծախսեր առանց հիմնավորող փաստաթղթերի

Շուշանիկ․

Ի՞նչ գումարի սահմաններում և ի՞նչ տիպի ծախս կարող է կատարել տնօրենը կազմակերպության հաշվից (շրջհարկով աշխատող, ծառայություն մատուցող կազմակերպության դեպքում), առանց ծախսը հիմնավորող փաստաթղթերի։

Գործուղման փաստաթղթավորում

Lucy.

Եթե գործուղման ծասերը հաշվարկվում են Կառավարության սահմանած չափը չգերազանցող օրապահիկի չափով, ապա արդյո՞ք պարտադիր է գործուղման հրամանների, գործուղման վակայականների և գործուղման ծախսերի հաշվետվությունների կազմումը։

Նվիրատվության չեղարկում

Գոհար․

Բարև Ձեզ։ Նվիրաբերություն ստացողը ցանկանում է գումարը ետ վերադարձնել և Նվիրաբերության պայմանագիրը չեղարկել։ Ինչպիսի՞ ճիշտ թղթաբանություն պետք է վարել՝ համաձայնագրով չեղարկել, թե՞ կողմերը պայմանագրի վրա գրեն “չեղարկել” ու ստորագրեն։

Ներմուծում Չինաստանից

Արսեն․

Բարև ձեզ, մասնագետներ ջան: Չինաստանից ցանկանում եմ մեծաքանակ խաղալիքներ ներմուծել, որի մեջ կոնֆետներ կան:

Նախ կխնդրեմ մաքսազերծման հետ կապված օգնեք, ինչպե՞ս է հաշվարկվելու: Նաև կցանկանամ իմանալ՝ արդյո՞ք ինչ որ լիցենզիա կամ անվտանգության թղթեր հարկավոր են, քանի որ կոնֆետներ կան մեջը։ Հայաֆիկացում արվելու՞ է, թե՞ ոչ, դրոշմապիտակ կպցվելու՞ է, թե՞ ոչ։

Եվ նաև կխնդրեմ ասեք՝ հարկային դաշտում ո՞ր ձևով ավելի օգտակար կլինի գրանցվել, երկու հոգով ենք ցանկանում զբաղվել: Շնորհակալություն նախապես։

Ներմուծման և արտահանման ձևակերպումներ

Լիլիթ․

Բարև ձեզ։ Ցանկանում եմ սովորել ներմուծում և արտահանում ձևակերպել՝ սկսած անհրաժեշտ փաստաթղթերի ցանկից: Որտեղի՞ց սկսեմ, կա՞ն նյութեր հասանելի ներկայացված: Շնորհակալ կլինեմ, եթե ուղղություն ցույց տաք:

Կամ գուցե կա՞ն արդյունավետ դասընթացներ:

Ուսումնական պրակտիկայի ձևակերպում

Iskan.

Բարև Ձեզ։ Գեղեղկության սրահ աշխատացնող ԱՁ-ն, որը աշխատում է միկրոյի տակ, ցանկանում է ուսումնական պրակտիկա անցկացնել 9-րդ դասարանը ավարտած աշակերտի համար։ Ինչպե՞ս պետք է այդ ամենը ձևակերպել, ի՞նչ փաստաթղթեր են հարկավոր, և արդյո՞ք պետք է հարկայինով դա ձևակերպել։ Կանխավ շնորհակալություն։

Վճարումը հավաստող փաստաթուղթ չկա

Lucy.

Կատարվել է ներմուծում։ Վճարման փաստաթուղթ չկա, առկա են միայն վաճառողի կողմից տրված ինվոյսները։ Այս պարագայում ի՞նչն է հանդիսանալու ապրանքի արժեքի վճարումը հավաստող փաստաթուղթը։

Գործուղման ծախսեր

Նարեկ․

Հարգելի հաշվապահներ, հարցս հետևյալն է՝ կազմակերպության աշխատակիցը կազմակերպությանը պատկանող մեքենայով գործուղվել է ՌԴ, ճանապարհի և մնացած բոլոր ծախսերը կատարել է իր գրպանից, վերադառնալուց ներակայացրել է սնունդի և վառելիքի ծախսերը հիմնավորող ՀԴՄ կտրոններ։

2335-Ն որոշումը ուսումնասիրել եմ, կխնդրեմ ուղղորդել՝ ինչպե՞ս կատարեմ ծախսերի փոխհատուցումը, ի՞նչ փաստաթղթեր են անհրաժեշտ պատրաստել բացի գործուղման հրամանից։

Նշեմ նաև, որ ծախսերը կատարվել են ռուբլով, իսկ հյուրանոցի գիշերավարձը հիմնավորող փաստաթղթեր առկա չեն։

Ապրանքի ակցիզ

Էդ․

Բարև Ձեզ, հարգելի հաշվապահներ: Կխնդրեմ ինձ օգնել հետևյալ հարցում: Ձեռք եմ բերել ակցիզով դրոշմավորվող ապրանք, սակայն առանց ակցիզի: Կարո՞ղ եմ արդյոք ՊԵԿ դիմում ներկայացնեմ և ստանամ ակցիզ, եթե տվյալ ապրանքի ձեռքբերման համար չունեմ փաստաթղթեր:

Եվ եվս մեկ հարց – եթե ակցիզավորման ենթակա ապրանքները գնում եմ գնման ակտով, շուկայից, և այն նույնպես ակցիզավորված չէ, արդյո՞ք ես գնման ակտը կարող եմ համարել հիմնավորող փաստաթղթուղթ և ՊԵԿ-ին ակցիզի ստացման համար հայտ ներկայացնեմ:

Կանխավ շնորհակալություն։

Подтверждение суточных расходов

Екатерина.

Добрый день! Сотрудник летит в РФ. Согласно Постановлению, суточные в день 51 доллар, проживание в день 94 доллара. В течение трех дней после возвращения сотрудник обязан предоставить подтверждающие документы. С документами на проживание проблем быть не должно, а вот суточные далеко не всегда подтверждаются какими – то документами… Что делать в таком случае? Или подтверждения документами требуют расходы только сверх 51 доллара? Спасибо.

Տնօրենի փոփոխություն

Նար․

Բարև Ձեզ։ Կասե՞ք խնդրեմ՝ եթե ՍՊԸ-ի գործունեությունը սառեցված է, սակայն անհրաժեշտ է փոխել տնօրենին, ի՞նչ փաստաթղթեր են անհրաժեշտ ներկայացնել պետ. ռեգիստրի տարածքային բաժին, և որքա՞ն վճարում է իրականացվում (խնդրում եմ նշել նաև վճարման եղանակն ու հաշվեհամարը)։ Շնորհակալ եմ։

Մասնակիցը հեռանում է ընկերությունից

Արսեն․

Բարև Ձեզ: ՍՊԸ-ն ունի երեք մասնակից, մասնակիցներից մեկը (ով տնօրեն չէ) ցանկանում է հեռանալ ընկերությունից: Նա այլևս բաժնեմաս չի ունենալու, նրա բաժնեմասը պետք է բաշխել մյուս երկու մասնակիցների միջև: Կհուշե՞ք՝ ի՞նչ փաստաթղեր է պետք ներկայացնել պետ. ռեգիստր անհրաժեշտ փոփոխությունները կատարելու համար (բաժնեմասի բաշխում մնացած երկու մասնակիցների միջև, մասնակցի հեռացում մասնակիցների ցանկից և այլն): Փաստաղթերը պետ. ռեգիստր է ներկայացնելու ՍՊԸ-ի տնօրենը: Շնորհակալություն:

Արդյո՞ք վճարվում է արձակման նպաստ

Վիկտորյա․

Եթե մի կազմակերպությունը մյուս կազմակերպութունը գնում է՝ աշխատակիցներին շարունակելով պահել նույն հաստիքներին, նույն աշխատավարձով և էական պայմաններով, արձակման նպաստ պե՞տք է վճարի, թե՞ ոչ, և աշխատանքային պայմանագրերը ո՞ր հոդվածով են լուծվում։ Ինչպե՞ս ճիշտ ձևակերպել և փաստաթղթավորել այս գործընթացը։

Հագուստի արտադրություն և արտահանում

Նարեկ․

Հարգելի հաշվապահաներ, ո՞վ կուղղորդի․ կազմակերպությունը զբաղվում է հագուստի արտադրությամբ և ուզում է արտադրված հագուստը արտահանել։ Կասե՞ք խնդրեմ՝ արտահանման համար ի՞նչ փաստաթղթեր պետք է ունենա կազմակերպությունը, որպեսզի սահմանին ցույց տա, որ հայկական արտադրության է հագուստը, և ի՞նչ տեղեկություններ պետք է պարունակվի հագուստի պիտակի վրա (QR, made in Armenia և այլն)։

Տուրիստական գործակալություն

Էլինա․

Բարև Ձեզ։
Ունեմ ԱՁ՝ տուրիստական գործակալություն։ Ես տուրօպերատորից փաթեթը վերցնում եմ ու վերավաճառում եմ հաճախորդին` արժեքի վրա ավելացնելով իմ միջնորդավճարը։ Հաճախորդը վճարում է ինձ, ես այդ գումարից հաշվանցում եմ ինձ հասանելիք մասը ու օպերատորին փոխանցում փաթեթի արժեքը (նետտո)։ Կասե՞ք խնդրում եմ՝ ես փաստաթղթային ի՞նչ պետք է անեմ (ինվոյս), ի՞նչ հաշիվ պետք է դուրս գրեմ։ Միկրո եմ։ Բայց եթե հաշիվ գրեմ հաճախորդին, ընդամենը մի 2 ամսում միկրոյից կթռնեմ ու գրեթե իմ միջնորդավճարի չափով պետք է հարկ վճարեմ։ Նախապես շնորհակալություն։

Экспорт мебельной продукции

Давид.

Здравствуйте! Пишу на русском, но можно отвечать на армянском:

1. Какие сертификаты нужны для экспорта мебельной продукции из Армении в Германию?

2. Есть ли компании, которые занимаются помощью в сборе документов и подаче заявлений на получение таких лицензий? Если да – то прошу обозначить какие. Спасибо!

Տնօրեն նշանակելու համար

Բարև ձեզ։ ՍՊԸ-ի փոխտնօրենին տնօրեն նշանակելու դեպքում ի՞նչ փաստաթղթեր են անհրաժեշտ պետռեգիստր ներկայացնելու համար:

Ապրանքը ՀՀ սահման չի հատելու

Տաթև․

Հարգելի հաշվապահներ հարցս հետևյալն է՝

Կազմակերպությունը աշխատում է ԱԱՀ-ով , և ցանկանում է մի երկրից ապրանք գնել և վաճառել մեկ այլ երկրի, ապրանքը ՀՀ սահման չի հատելու և ՀՀ-ի կազմակերպությունը հանդիսանում է միջնորդ, որի արդյունքում կունենա եկամուտ։ Խնդրում եմ ասել՝ այս ամենը օրենքին հակասու՞մ է, եթե ոչ, կասե՞ք՝ ինչպե՞ս է փաստաթղթավորվում այս ամենը։ Կանխավ շնորհակալ եմ

Գույքի ձեռքբերում ֆիզ. անձից

Լաուրա․

Բարի օր եմ մաղթում։ Եթե ֆիրման ֆիզ․ անձից գնում է գույք, ի՞նչ փաստաթղթով է դա իրականացվելու, և ֆիզ․ անձի համար քանի՞ տոկոս ի՞նչ հարկի պահում պետք է կատարվի։ Նախապես շնորհակալ եմ օգնելու համար։

Ներմուծում և արտահանում

Արև․

Հարգելի հաշվապահներ, ընկերությունը 2020թ․ շինարարական ապրանքներ է ներմուծել ՌԴ-ից և 2023թ․ ցանկանում է արտահանել Վրաստան։ Ինչպիսի՞ փաստաթղթեր է անհրաժեշտ պատրաստել։

Փոխառության և շահաբաժնի փոխմարում

Հայկ․

Բարև Ձեզ, հարգելի մասնագետներ: Ցանկանում եմ իմանալ՝ կա՞ արդյոք հստակ պարզաբանում իմ հարցի հետ կապված: Եթե ՍՊԸ-ն իր հիմնադրին, որը նաև 100% մասնակից է, ունի տրված փոխառություն՝ անկանխիկ եղանակով՝ 145 հաշվի վրա, միաժամանակ կտ-ական պարտք շահաբաժինների մասով՝ 529 հաշվի վրա: Կարելի՞ է կատարել այդ հաշիվների փոխմարում՝ իհարկե 5% եկամտային հարկը պահելով և վճարելով բյուջե: Եթե այո, ապա ի՞նչ հիմնավորմամբ, և ի՞նչ փաստաթղթեր պետք է կազմել: Շնորհակալ եմ։

Բանջարեղենի խանութ

Պարգև․

Բարև Ձեզ։ Մի հարցով եմ դիմում Ձեզ՝ ուզում եմ վարձակալությամբ բանջարեղենի խանութ բացեմ։ Որտե՞ղ պետք է գրանցվեմ, և ի՞նչ թղթեր են պետք։

Հանձնման-ընդունման ակտի ձև

Կարինե Իսկանդարյան․

Բարի օր: Ինձ անհրաժեշտ է գույքի (անշարժ և շարժական) հանձնման-ընդունման ակտի ձև: Շնորհակալ կլինեմ, եթե օգնեք:

Աշխատակիցը մեկնում է գործուղման

Հռիփսիմե․

Բարև Ձեզ: Խնդրում եմ օգնել հետևյալ հարցում․ եթե աշխատակիցը մեկնում է գործուղման, ինչպե՞ս պետք է հաշվեմ օրապահիկը և գիշերակացը, և ի՞նչ հարկային պարտավորություններ են առաջանում։ Հրամանից բացի ի՞նչ փաստաթղթեր պետք է կազմեմ։ Մի խոսքով մանրամասն ասեք՝ ի՞նչ պետք է անեմ։ Նախապես շնորհակալություն։

ՍՊԸ լուծարում

Կարեն․

Բարև Ձեզ։ ՍՊԸ-ն հաշվառումից հանելու համար ի՞նչ ընթացակարգ կա։ Ի՞նչ փաստաթղթեր պետք է ներկայացնենք։ Ո՞ր օրենքից կարող եմ օգտվել։

Հաշվապահական գործերի հանձնում-ընդունում

Անուշ․

Բարև Ձեզ։ Խնդրում եմ ասեք՝ ի՞նչ փաստաթղթեր պետք է պատրաստել գլխավոր հաշվապահի աշխատանքից ազատման, գործերի հանձնման-ընդունման ժամանակ։ Շնորհակալություն։

ՌԴ քաղաքացին ընդունվում է աշխատանքի

Արմինե․

Բարև Ձեզ։ Խնդրում եմ պարզաբանել՝ եթե ՌԴ քաղաքացի է ընդունվում աշխատանքի, բացի ՌԴ անձնագրից և սոց․ քարտից որևէ այլ փաստաթուղթ հարկավո՞ր է ներկայացնի (օրինակ՝ կացության քարտ)։ Կանխավ շնորհակալ եմ։