Tag Archive: մաշվածություն

Jul 26 2017

Հարկային հաշվառում. ինչպե՞ս է իրականացվում

Dec 26 2016

Մաշվածքի հաշվարկման մեթոդների վերաբերյալ

Մարիամ.

Բարև ձեզ, հարգելի կոլեգաներ: Ինձ կասե՞ք, թե որն է ոչ նյութական ակտիվների հաշվառման գծային մեթոդը և նվազող մնացորդի մեթոդը:

Sep 30 2016

Կազմակերպությունը ձեռք է բերել գույք

231

Արմեն.

Հարգելի գործընկերներ, կազմակերպությունը (հյուրանոցային գործունեություն) ձեռք է բերել հեռուստացույցներ, սառնարաններ, կահույք և դռներ հյուրանոցի համար: Արդյո՞ք դրանք ավելացվում են հիմնական միջոցի արժեքին, թե՞ միանգամից դիտարկվում են ծախս: Շնորհակալություն:

Aug 09 2016

Օգտակար ծառայության ժամկետներ

Tigran.

Խնդրում եմ ասել` գյուղատնտեսական տեխնիկայի և մյուս հիմնական միջոցների օգտակար ծառայության ժամկետները մաշվածության հաշվարկի համար որտեղի՞ց կարող եմ գտնել:

Aug 03 2016

Ֆիրմային անվանում

Բարև ձեզ, ես մի հարց ունեմ. եթե ֆիրմային անվանումը դառնում է ոչ նյութական ակտիվ՝ ձևակերպումը, գինը, մաշվածքի դրույքաչափը ո՞նց է հաշվարկվում:

Apr 11 2016

Հիմնական միջոցի մաշվածության հաշվարկի հետ կապված

227

Company.

Ընկերությունը 2008թ. հուլիսին ձեռք է բերել տպագրական սարքավորում 100 մլն. սկզբնական արժեքով: Հետագա տարիներին մաշվածությունը ձևակերպվել է անհավասարաչափ բաժիններով (տարեկան մաշվածության գումարը ստացվել է ավելի քիչ, քան կարող էր հաշվարկվել գծային մեթոդով), չնայած շահութահարկի հաշվարկում քաղաքականությունը նշվել է գծային մեթոդով: Արդյունքում վերջնական մաշվածության ժամկետը ստացվել է ոչ թե 2013թ. հուլիսը, այլ 2014թ. դեկտեմբերը:

Հարց.
Հարկային առումով գծային մեթոդից շեղումը կարո՞ղ է դիտարկվել խախտում և ի՞նչ պատասխանատվություն կարող է կիրառվել:

Apr 11 2016

ՀՄ մաշվածության հաշվարկ

Լիլիթ.

Բարև ձեզ, հարգելի կոլեգաներ:
Խնդրում եմ օգնեք ինձ հետևյալ հարցում. ՊՈԱԿ-ը հիմնական միջոց է ստացել անհատույց հոկտեմբեր ամսին, դեկտեմբերին ամորտիզացիան հաշվելիս ինչպե՞ս հաշվել նոր հ/մ-ի ամորտիզացիան (երկու ամսվա համար, թե՞…):
Կանխավ շնորհակալ եմ:

Jan 08 2016

Ընկերությունը ունի գործառնական վարձակալությամբ հիմնական միջոց

Arsine.

Ընկերությունը աշխատում է ԱԱՀ-ով:
Ընկերությունը ունի գործառնական վարձակալությամբ հիմնական միջոց (մեքենաներ): Ըստ մեքենաների շահագործման պայմանագրի դրանց հիմնական վերանորոգումը կատարվում է Ընկերության կողմից: Մեքենայի արժեքը ըստ պայմանագրի կազմում է 2 000 000 ՀՀ դրամ: Հարցս հետևյալն է.

Եթե Ընկերությունը կատարել է օրինակ 600 000-ի ծախս, որից օրինակ 450 000-ը ավտոպահեստամասեր, իսկ 150 000-ը ծառայության գումար, ապա նշված 450 000-ից 200 000-ը (2 000 000 * 10% = 200 000, համաձայն 11.04.2000 N161 որոշման) հանդիսանում է ծախս, իսկ 250 000-ը հաշվառվում է առանձին 154 հաշվով` որպես “Ոչ ընթացիկ ակտիվներ հետաձգված ծախսերի գծով”, թե՞ ամբողջ 600 000-ն էլ հանդիսանում է ծախս:

Sep 28 2015

Ինչպե՞ս ձևակերպել էլեկտրական սարքավորումների գումարը

231

Արմինե.

Հարգելի հաշվապահներ, խնդրում եմ օգնել ինձ հետևյալ հարցում:

Կազմակերպությունը պայմանագիր է կնքել ծառայություն մատուցող ընկերության հետ, համաձայն որի այդ ընկերությունը վերանորոգելու է կազմակերպության հաստոցները:

Հիմա տվյալ ընկերությունը մեզ դուրս է գրել` օրինակ Հ/Ա 150 000 դրամի չափով (հաստոցի համար անհրաժեշտ էլեկտրական սարքավորումների գինը): Սակայն հաստոցի օգտակար ծառայության ժամկետը ավարտվել է, և տարվա սկզբի դրությամբ հաշվեկշռում գրանցված մնացորդային արժեքը կազմում է 2 000 դրամ:

Հարց. հաստոցի վերանորոգման համար անհրաժեշտ էլեկտրական սարքավորումների գումարը ինչպե՞ս ձևակերպեմ:

Apr 08 2015

Որքա՞ն է ՀԴՄ – ի ամորտիզացիոն ժամկետը

226

Arsine.

Հարգելի հաշվապահներ,
ՍՊԸ-ն 2014թ-ի հոկտեմբերին ձեռք է բերել նոր սերնդի ՀԴՄ 60 000 դրամով: Արդյո՞ք այն հանդիսանում է հիմնական միջոց: Եթե այո, ապա որքա՞ն է դրա ամորտիզացիոն ժամկետը:

Կանխավ շնորհակալություն:

Feb 22 2015

Արդյո՞ք պետք է ԱԱՀ-ի գումարը միացնել ավտոմեքենայի արժեքին

Hayk.

Հարգելի հաշվապահներ, համաձայն ԱԱՀ օրենքի` կազմակերպության կողմից օգտագործման համար գնված ավտոմեքենայի ԱԱՀ-ն չի հաշվանցվում: Այդ դեպքում արդյո՞ք պետք է ԱԱՀ-ի գումարը միացնել ավտոմեքենայի արժեքին և ընդհանուր գումարով ամորտիզացնել: Եվ ստացվում է, որ ԱԱՀ-ն մաշվածությանը համամասնորեն ծախսագրվում է:

Jan 14 2015

Կազմակերպության հիմնական միջոցների մաշվածության գումարը մեծ թիվ է

Լուսինե.

Հարգելի հաշվապահներ, խնդրում եմ ինձ օգնեք: Կազմակերպության հիմնական միջոցների մաշվածության գումարը մեծ թիվ է իրենից ներկայացնում, և եթե այն վերագրում ենք ծախսերին, ապա ստացվում է, որ կազմակերպությունը աշխատել է վնասով, բայց իրականում դա այդպես չէ: Ինչպիսի՞ լուծում կարելի է տալ այս հարցին: Կանխավ շնորհակալություն:

Dec 16 2014

Արդյո՞ք ակտիվների վերագնահատում իրականացվում է միայն ֆինանսական հաշվառման համար

Erik.

Բարև ձեզ:
Կարո՞ղ եք ասել` արդյոք ես ճիշտ եմ, թե ոչ:
Հարկային բալանսում ակտիվները միշտ արտացոլվում են սկզբնական արժեքի և ամորտիզացիայի տարբերությամբ, չէ՞: Իսկ ակտիվների վերագնահատում իրականացվում է միայն ֆինանսական հաշվառման համար, այդպես չէ՞:

Apr 15 2014

ՀԴՄ-ների ամորտիզացիոն ժամկետ

Gohar.

Բարև ձեզ: Խնդրում եմ ասել` արդյո՞ք ՀԴՄ-ների համար սահմանված ամորտիզացիոն ժամկետ 1 տարին է: Կանխավ շնորհակալություն:

Apr 09 2014

ԱԱՀ վճարող ՍՊԸ-ն ձեռք է բերել մարդատար ավտոմեքենա, այնուհետև վաճառել է այն

Հ.Ա.

Հարգելի հաշվապահներ,
ԱԱՀ վճարող ՍՊԸ-ն ձեռք է բերել մարդատար ավտոմեքենա 10 մլն դրամով (ներառյալ ԱԱՀ-ն), ԱԱՀ-ն միացրել է արժեքին ու ամորտիզացրել, այնուհետև վաճառել է նշված ավտոմեքենան 7 մլն դրամով, մնացորդային արժեքը եղել է 8 մլն դրամ: Խնդրում եմ ասեք` ինչպիսի՞ հաշվապահական ձևակերպումներ պետք է տալ տվյալ դեպքում, և շահութահարկի ու ԱԱՀ-ի տեսանկյունից ի՞նչ պետք է անել: Կանխավ շնորհակալ եմ:

Dec 15 2013

Էքսկավատորների համար պե՞տք է հաշվարկել գույքահարկ

Գրիգոր.

Էքսկավատորների համար պե՞տք է հաշվարկել գույքահարկ: Եթե այո, ապա բեռնատա՞ր մեքենա է, թե՞ մարդատար (p.s. տեխ. վկայագրում ձիաուժ նշված չէ): Եթե ոչ, ապա քանի՞ տարով պետք է մաշեցնել:

Oct 15 2013

Ամորտիզացիոն ժամկետների նվազեցում

Գուրգեն.

Հարգելի գործընկերներ, խնդրում եմ պատասխանել հետևյալ հարցին.

Ընկերությունն իր հիմնական միջոցների համար սահմանել է ամորտիզացիոն ավելի երկար ժամկետ, քան սահմանված նվազագույն ժամկետը “Շահութահարկի մասին” ՀՀ օրենքում: Ներկայումս ընկերությունը ցանկանում է փոփոխել ամորտիզացիոն ժամկետը և սահմանել այն “Շահութահարկի մասին” ՀՀ օրենքում նշված ժամկետի չափով, այսինքն նվազեցնել: Արդյո՞ք հնարավոր է դա անել, և խնդրում եմ նշել իրավական հիմքերը:

Կանխավ շնորհակալ եմ:

Sep 28 2013

Հիմնական միջոցի դուրսգրում

Hayk.

Հարգելի հաշվապահներ, խնդրում եմ պատասխանեք. արդեն իսկ ամորտիզացված հիմնական միջոցի դուրս գրման (բալանսից հանելու) համար ի՞նչ է պետք անել:

Կխնդրեի մանրամասն բացատրել գործընթացը և ձևակերպումները:

May 07 2013

Ինչպե՞ս հաշվարկել հիմնական միջոցների մաշվածությունը

Mariana.

Քաղաքապետարանում հիմնական միջոցների մաշվածությունը ինչպե՞ս հաշվարկել` օգտակար ծառայության տարիներո՞վ, թե՞ 12 %, 15 % և այլ տոկոսներով: Կանխավ շնորհակալություն:

Feb 17 2013

Կազմակերպությունը մեքենա է գնել ավտոսրահից

Լյուդմիլա.

Հարգելի հաշվապահներ, ՍՊԸ-ն մեքենա է գնել ավտոսրահից: Ի՞նչ ձևակերպումներ և ի՞նչ հարկեր ու հաշվետվություններ կարող են ավելանալ, մեքենայի ԱԱՀ-ն հաշվանցման կամ զրոյականի դեպքում ետ վերադարձման ենթակա՞ են: Տարվա ընթացքում ամորտիզացիա դուրս գրվու՞մ է մեքենայի համար: Մեկ հարց ևս` հիմնադիրը կարո՞ղ է փոխառություն տալ ՍՊԸ-ին այդ մեքենան ձեռք բերելու համար: Նախապես շնորհակալություն:

Dec 14 2012

Դասագրքերի մաշվածություն

Սեդա.

Դասագրքերի ամորտիզացիոն մասհանումների նորման քանի՞ տարի է:

Dec 05 2012

Ի՞նչ ձևակերպումներ պետք է տալ

Gayane.

Հարգելի կոլեգաներ, ասացեք խնդրեմ` հասարակական կազմակերպությունը ի՞նչ ձևակերպում պետք է տա.

– համակարգիչների մաշվածքի համար
– անդամավճարների համար

Նախապես շնորհակալ եմ:

May 22 2012

Ամորտիզացիոն քաղաքականություն

Վարդուհի.

Խնդրում եմ բացատրել` ինչ է ամորտիզացիոն քաղաքականությունը:

May 17 2012

Հիմնական միջոցի մաշվածության հաշվարկ

Աննա.

Հարգելի հաշվապահներ, խնդրում եմ պատասխանեք հետևյալ հարցիս. եթե իրավաբանական անձը ձեռք է բերում արդեն մաշված հիմնական միջոց, ապա կարիք կա՞ արդյոք հաշվարկել այդ հիմնական միջոցի համար մաշվածություն, եթե այո, ապա ինչպե՞ս: Խնդրում եմ, եթե գիտեք` օրենքում կա հարցիս վերաբերյալ հոդված, հղում արեք: Նախապես շնորհակալություն:

Mar 31 2012

Կազմակերպությունը պետք է վերանայի ՀՄ օգտակար շահագործման ժամկետը

Նունե.

Կազմակերպությունը ունի զրոյական մնացորդային արժեքով հաշվառվող հիմնական միջոցներ, հաշվապահական հաշվառման միջազգային ստանդարտ 16-ի 51 կետի համաձայն կազմակերպությունը պետք է վերանայի հիմնական միջոցների օգտակար շահագործման ժամկետը: Խնդրում եմ պարզաբանեք` որտեղ կարող եմ կարդալ նշված գործընթացի իրականացման կարգը, այսինքն` ինչպես է վերանայումից հետո հաշվարկվում ամորտիզացիան, կամ եթե տվյալ հիմնական միջոցի մնացորդային արժեքը զրո է, և կազմակերպությունը վերանայել է հիմնական միջոցի շահագործման ժամկետը և պետք է այն օգտագործի ևս 2 տարի, ապա այդ դեպքում ամորտիզացիա հաշվարկվու՞մ է, թե՞ ոչ: Նախապես շնորհակալություն 😳

Mar 23 2012

Շահութահարկի եռամսյակային կանխավճարների և նվազագույն շահութահարկի վերաբերյալ

N.

Բարև հարգելիներս: Ես սկսնակ հաշվապահ եմ: Խնդրում եմ օգնել: 2010թ. կազմակերպության շահութահարկը կազմել է զրո դրամ: Ըստ օրենքի կանխավճարներ ու եռամսյակային վճարներ չպետք է կատարվեն: Սակայն եթե որևէ ամսում թեկուզ 1000 դրամի եկամուտ ես ունեցել, պետք է նվազացնես մաքսիմում 50 տոկոս ամորտիզացիա, ու վճարես 1 տոկոս: 1 տոկոս վճարելիս ես փոխանցել եմ ընդհանուր շահութահարկի հաշվին, և դիտվել է որպես կանխավճար, ես ավելի ուշ պարզեցի, որ կա առանձին 1 տոկոսի համար հաշիվ: Արդյո՞ք ինչ որ խնդիրներ կառաջանան: Եվ մի հարց էլ: Իմ մուծած 1 տոկոսների ընդհանուր գումարը ավելին է, քան հաշվարկված շահութահարկը: Երևի դա էլ կմնա որպես գերավճար ապրիլի 15-ից հետո, այնպես չէ՞: Ու ես կարո՞ղ եմ արդյոք այս 1-ին եռամսյակում ստացված եկամտից դեռ 1 տոկոս չվճարել այդ գերավճարի հաշվին: Նախօրոք շնորհակալություն:

Mar 11 2012

ՍՊԸ-ն զբաղվում է տաքսու գործունեությամբ

Sofi.

Հարգելի կոլեգաներ, Ձեզ ուզում եմ հղել մի հարց.
ՍՊԸ-ն զբաղվում է տաքսու գործունեությամբ: 2005թ. ունենք ձեռք բերված մեքենաներ, որոնց մաշվածության ժամկետը 5 տարի է, 2010թ. դրանք մաշվել են: Ի սկզբանե, մաշվածությունը հաշվարկվել է գծային մեթոդով, բայց հաշվի չի առնվել մնացորդային արժեքը, 2010թ. վերջին այն 0 է: Հիմա մենք ցանկանում ենք վաճառել այդ մեքենաները: Հաշվապահորեն ինչպե՞ս կարող եմ վաճառել մնացորդային արժեք չունեցող մեքենան, ի՞նչ հարկատեսակներ կարող են առաջանալ: Շնորհակալություն:

Mar 07 2012

11-ՀՄ վիճակագրական հաշվետվություն

Anna.

Բարև ձեզ: Կարո՞ղ եք ինձ օգնել լրացնել հիմնական միջոցի 11-ՀՄ վիճակագրական հաշվետվություն: Ես ունեմ ընդամենը 2 հարց.
1-ին բաժին, ավելացումներ հաշվետու տարում, 5-րդ սյունակում (գործարկվել են նոր հիմնական միջոցներ) ես մեքենայի ձեռքբերմա՞ն գինը պետք է նշեմ, թե՞ 2011թ.մաշվածության գումարը:
4-րդ բաժին, հիմնական միջոցների միջին տարեկան արժեքը, 4-րդ սյունակում (հաշվետու տարում) գտնելու համար ես պե՞տք է առկայությունը տարեսկզբին + տարեվերջին և բաժանեմ 2, (այսինքն սյունակ 3+10/2)
Դա շատ շտապ է: Շնորհակալություն:

Mar 05 2012

Ի՞նչ է իրենից ներկայացնում փոխանցող հարմարանքը

N.

Հարգելիներս, ի՞նչ է իրենից ներկայացնում փոխանցող հարմարանքը, որն ըստ Շահութհարկի մասին օրենքի ամորտիզացվում է 20 տարում:

Feb 28 2012

Մաշվածության հաշվարկ

Ինեսսա.

Խնդրում եմ օգնեք ինձ ավտոմեքենաների մաշվածությունը հաշվարկելու հարցում: Մեր ՊՈԱԿ-ը ունի 3 մեքենա` Գազել – 2002թ.ձեռք բերված, Վազ 21214 – 2003թ.-ց և Տոյոտա – 2011թ.նոյեմբերին ձեռք բերված: Ինչպե՞ս հաշվարկել 2002թ.-ց անցած տարիների մաշվածությունը, քանի որ այն երբեք չի հաշվարկվել: Արդյո՞ք ՊՈԱԿ-ներում հաշվարկվում է մաշվածություն: Կանխավ շնորհակալություն:

Jan 30 2012

Ինչպե՞ս է հաշվարկվում հիմնական միջոցների մաշվածությունը

astxik.

Հարգելիներս, եթե գիտեք, պատասխանեք: Հարցս վերաբերվում է հիմնական միջոցներին:
Համակարգիչ, արժեքը 185000, գնվել է 2011թ մայիս ամսին
Տպիչ, 75000
Գրասենյակի աթոռ, արժեքը 1 հատի համար 15000 դրամ է, 6 հատ գնելու դեպքում` ընդ. 90000 դրամ, գնված հունիսին
Ինչպե՞ս է հաշվարկվում այս հիմնական միջոցների մաշվածությունը:
Կանխավ շնորհակալություն:

Nov 01 2011

Հաշվարկվել է հիմնական միջոցների մաշվածություն

Ամալյա.

Խնդրում եմ օգնեք կատարել ձևակերպում: Հաշվարկվել է հիմնական միջոցների մաշվածություն 25000 դրամ: Դեբետում ի՞նչ է և կրեդիտում ի՞նչ է:

Sep 02 2011

Կազմակերպությունը գնել է բջջային հեռախոսներ

Ինեսա.

Հարգելի հաշվապահներ, օգնեք ինձ մի հարցում:
Կազմակերպությունը գնել է “Օրանժ” ընկերությունից բջջային հեռախոսներ, որի միավորի գինը 12000 դրամ է: Հարցս հետևյալն է, այդ հեռախոսները պետք է մուտքագրվի որպես ՀՄ՞ և ամորտիզացվի 1 տարում, թե՞ որպես առագամաշ առարկա: Կանխավ շնորհակալ եմ:

Aug 04 2011

Ամորտիզացիոն ծախսեր

Ինեսսա.

Խնդրում եմ բացատրել` ինչ է նշանակում ամորտիզացիոն ծախսեր, որտեղ պետք է ծախսվեն այդ հոդվածում նախատեսված գումարները:

Apr 14 2011

ԱԱՀ հաշվանցում

ԱՆՆԱ Ա.

Հարգելի հաշվապահներ, խնդրում եմ պատասխանեք, եթե շինարարական կազմակերպությունը ներմուծել է էքսկավատորներ իր գործունեության համար, որոնց համար հաշվարկված ԱԱՀ-ի վճարումը ԱԱՀ-ի օրենքի 6.1 հոդվածով հետաձգվել է մեկ տարով` մինչև 2011թ. մարտ ամիսը: ԱԱՀ-ի գումարը պետք է միացնե՞նք էքսկավատորի արժեքին և դրանից հաշվարկենք ամորտիզացիա, թե՞ 2011թ. ԱԱՀ-ի վճարումից հետո այդ գումարը կարող ենք հաշվանցել:
Կանխավ շնորհակալ եմ:

Apr 10 2011

Հիմնական միջոցների ամորտիզացիոն մասհանումներ

astxik.

Բարև ձեզ, հարգելի հաշվապահներ: Ես դեռ շահութահարկը չեմ ավարտել, խնդրում եմ օգնեք հետևյալ հարցում, հիմնական միջոցների ամորտիզացիոն մասհանումները ո՞ր տողում է գրվում, 0204 -ում էի ուզում գրել, սակայն այն իրացված հիմնական միջոցներին է վերաբերում:

Mar 25 2011

Մաշվածության հաշվարկ

Dina.

Ողջույն: Խնդրում եմ, օգնեք ինձ հաշվել հետևյալ սարքավորումների ամորտիզացիան`
1. պրինտեր` 65000 դրամ
2. սառնարան` 69000 դրամ
Նախապես շատ շնորհակալ եմ:

Feb 22 2011

Արդյո՞ք հաշվարկվում է մաշվածություն

Հելեն.

Բարև Ձեզ, հարգելի հաշվապահներ:
Ես դպրոցի հաշվապահ եմ: Ուզում եմ իմանալ, հիմնական միջոցների մեջ մտնող գրականության (գեղարվեստական) մաշվածք հաշվարկվու՞մ է, թե՞ ոչ:

Feb 18 2011

Եթե կազմակերպությունը գնել է մեքենա

Hripsime.

Բարև Ձեզ, հարգելի հաշվապահներ: Խնդրում եմ ասեք, եթե կազմակերպությունը գնել է մեքենա և այն դեռևս չի օգտագործել, կարելի՞ է արդյոք հաշվարկել ամորտիզացիա և այդ գումարը նվազեցնել շահույթից:

Feb 17 2011

ՀՄ մաշվածություն

Ամալյա.

Ինչպե՞ս հաշվարկել հիմնական միջոցների մաշվածությունը: Եթե հնարավոր է օրինակի վրա բացատրել:

Dec 05 2010

Հիմնական միջոցի վաճառք

Քրիստինե.

Բարև Ձեզ հարգելի հաշվապահներ: Շատ եմ խնդրում, օգնեք ինձ ճիշտ կատարեմ ընկերության ավտոմեքենայի վաճառքը: ՍՊԸ-ն ՓՄՁ է և ԱԱՀ -ով չի հարկվում, և իրեն պատկանող մեքենան 2003 թ-ի է, ամբողջությամբ ամորտիզացվել է: Այժմ ՍՊԸ-ն վաճառվելուց ի՞նչ հարկային պարտավորություն ունի և կարող է արդյոք կանխիկ վաճառք կատարել և այդ դեպքում ՀԴՄ-ո՞վ: Մեքենայի վաճառքի մինիմալ առժեքը ինչքա՞ն կարող է լինել: Շնորհակալություն…

Dec 01 2010

Հասարակական կազմակերպություն

ANIL.

Հարգելի կոլլեգաներ,
Կազմակերպությունը հասարակական կազմակերպություն է, ունի իր բալանսի վրա ավտոմեքենա, որը սարքին չէ, և մաշվածքը դուրս է եկել, հիմա ուզում ենք դուրս գրել այն:
Խնդրում եմ ասեք, ի՞նչ գործընթաց է դա, ի՞նչ փաստաթղթավորում պետք է անել, ինչ որ մեկը դուրս գրե՞լ է ավտոմեքենա:
Կանխավ շնորհակալ եմ:

Nov 26 2010

Ավտոմեքենայի վաճառք

Քրիստինե.

Բարև Ձեզ հարգելի հաշվապահներ: Շատ եմ խնդրում, օգնեք ինձ ճիշտ կատարեմ ընկերության ավտոմեքենայի վաճառքը: ՍՊԸ-ն ՓՄՁ է և ԱԱՀ -ով չի հարկվում, և իրեն պատկանող մեքենան 2003 թ-ի է, ամբողջությամբ ամորտիզացվել է: Այժմ ՍՊԸ-ն վաճառվելուց ի՞նչ հարկային պարտավորություն ունի և կարող է արդյոք կանխիկ վաճառք կատարել և այդ դեպքում ՀԴՄ-ո՞վ: Մեքենայի վաճառքի մինիմալ արժեքը ինչքա՞ն կարող է լինել: Շնորհակալություն…

Nov 20 2010

Հիմնական միջոցի վաճառք

R.A.

Բարև Ձեզ, հարգելի հաշվապահներ, մեր ընկերությունն հանդիսանում է ԱԱՀ վճարող և պետք է վաճառի իր ՀՄ-ը` էքսկավատորը ֆիզ. անձի այն գնով, ինչ գնով որ այն ձեռք է բերել տարիներ առաջ` 560.000 ՀՀ դրամ, այս գումարն ամբողջովին ամորտիզացվել է: Այս դեպքում ընկերության մոտ առաջանում է ԱԱՀ-ի պարտավորություն: Պետք է արդյոք ընկերությունը ԴՄՕ-ի հետ դուրս գրի նաև հարկային հաշիվ:

Nov 01 2010

Ծառայողական մեքենան կատարել է համապատասխան վազք

Բարև Ձեզ:

Հարգելի հաշվապահներ,

Ծառայողական մեքենան կատարել է համապատասխան վազք, և անվադողերը ենթակա են փոփոխման: Դրա համար հատուկ հանձնաժողովի կողմից կազմվել է թերության ակտ: Բոլորս էլ գիտենք, որ յուրաքանչյուր անվադող ունի իր գործարանային համարը: Հարցս հետևյալն է.
նոր անվադողերի փոփոխման ժամանակ կատարողական ակտում պարտադի՞ր է նշել հին և նոր անվադողերի համարները և ինչու՞:
Շնորհակալություն:

Oct 02 2010

Մաշվածություն

Կարինե.

Ասացեք խնդրեմ հաշվողական տեխնիկայի մաշվածության դրույքաչափը:

Sep 17 2010

Ֆինանսական վարձակալություն

Hripsime.

Հարգելի հաշվապահներ, մեր ընկերությունը /ԱԱՀ վճարող/ լիզինգով ձեռք է բերել ավտոմեքենա: Ես իրավունք ունեմ արդյոք դրա հետ կապված վճարվելիք տոկոսները որպես ծախս նվազեցնեմ շահույթից, և արդյոք իրավունք ունեմ կատարել ամորտիզացիոն մասհանումներ, դրանք հնարավոր է նվազեցնել շահույթից, թե՞ ոչ: Ի՞նչ ամորտիզացիոն նվազագույն ժամկետ է նախատեսված ավտոմեքենաների համար:
Կանխավ շնորհակալություն:

Jun 17 2010

ՀՄ-ի մաշվածքի մեթոդի փոփոխում

Ինչպե՞ս կատարել ՀՄ-ի մաշվածքի մեթոդի փոփոխում ՀԾ-Հաշվապահություն ծրագրում (գծայինից արտադրական):

Jun 11 2010

Սարքավորման մաշվածություն

Նաիրա.

Ես կուզեի իմանալ էլ. սարքավորումների ,որի արժեքն է 70000 դրամ որքան տարի է մաշվածության օգտագործման ծառայության ժամկետը: Նախապես շնորհակալություն:

May 18 2010

Մաշվածության հաշվարկ

Նարինե.

Խդրում եմ օգնել, ինչպես հաշվել աշխատանքային գործիքների` բահերի, դռելի, քլունգների և բալգարկայի մաշվածությունը: Կանխավ շնորհակալություն:

Older posts «