Արդյո՞ք աշխատանքային գրքույկները դուրս են գալիս շրջանառությունից

Արմեն.

Գործընկերներ, ճի՞շտ է արդյոք, որ աշխատանքային գրքույկները դուրս են գալիս շրջանառությունից, և դրանք պետք է հանձնել Աշխատանքի և սոցիալական հարցերի նախարարություն:

0

Ֆեյսբուքյան մեկնաբանություններ

Accountant.am
Author: Accountant.am

3 thoughts on “Արդյո՞ք աշխատանքային գրքույկները դուրս են գալիս շրջանառությունից

  1. ՀՀ աշխատանքի եւ սոցիալական հարցերի նախարարության սոցիալական ապահովության պետական ծառայությունը (այսուհետ՝ Ծառայություն) ներկայումա միջոցներ է ձեռնարկում անհատ քաղաքացիների եւ գործատուների մոտ գտնվող աշխատանքային գրքույկների թվայնացումն ապահովելու եւ պետական կենսաթոշակային համակարգի տվյալների շտեմարան ներառլու ուղղությամբ: Ինչպես հայտնի է, 2017թ. հունվարի մեկից աշխատանքային գրքույկները դուրս են եկել գործածությունից:

    ՀՀ Կառավարության համապատասխան որոշումների հիման վրա բուն թվայնացման գործընթացն սկսվելու է 2017թ.-ի ապրիլ ամսից եւ տեւելու է մինչեւ 2019թ. հունվար ամիսը:

    2017թ.-ին նախատեսվում է թվայնացնել 100 եւ ավելի աշխատող ունեցող գործատուների մոտ պահվող աշխատանքային գրքույկները:

    Գործընթացն սկսվելու է ժամանակացույցի համաձայն, ինչը հրապարակվել է ssss.am կայքում: Ժամանակացույցով սահմանված ժամկետները կարող են վերանայվել Ծառայության տարածքային բաժնի եւ գործատուի միջեւ փոխհամաձայնեցման դեպքում:Գործատուների վրա լրացուցիչ որեւէ ծանրաբեռնվածություն այս առումով չի լինելու: Մինչեւ համապատասխան աշխատանքային գրքույկների ներկայացումը Ծառայությունն իր տարածքային ստորաբաժանումների միջոցով կապ կհաստատի յուրաքանչյուր գործատուի հետ՝ ընթացքը սահուն ապահովելու նպատակով:

    Միաժամանակ տեղեկացնում ենք, որ գործատուները, մինչեւ իրենց մոտ վարվող աշխատանքային գրքույկները Ծառայության տարածքային բաժին ներկայացնելը, աշխատանքային գրքույկում լրացված վերջին էջից հետո պետք է նշեն աշխատանքային գրքույկի լրացված բոլոր էջերի թիվը եւ ստորագրեն (կնիքի առկայության դեպքում՝ նաեւ կնքեն)՝ նշելով ստորագրողի եւ կնքողի զբաղեցրած պաշտոնը, անունը եւ ազգանունը (ՀՀ Կառավարության որոշում 18.08.2016 N 882-Ն): Ցանկացած կեղծ տեղեկատվություն առաջացնելու է ՀՀ օրենսդրությամբ նախատեսված պատասխանատվություն:

    Թվայնացման արդյունքում էապես կբարելավվի կենսաթոշակային եւ սոցիալական այլ ծառայությունների որակն ու հասցեականությունը, ինչպես նաեւ կնվազեն առկա բազմաթիվ ռիսկեր, այդ թվում՝ կոռուպցիոն:

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *