Դրոշմանիշային վճարը ո՞վ է վճարում

Նվազագույն աշխատավարձ ստացող աշխատողի համար դրոշմանիշային վճարը վճարում է գործատուն: Ներկայումս նվազագույն աշխատավարձը կազմում է 68 000 դրամ /առձեռն ստանալիք գումարը/:
Դրոշմանիշային վճար չեն վճարում այն անձինք, որոնք նույն գործատուի մոտ աշխատում են միայն մեկ աշխատանքային պայմանագրով, և տվյալ հաշվետու ժամանակաշրջանում ստացման ենթակա աշխատավարձը և դրան հավասարեցված այլ վճարումները հարկերը և պարտադիր այլ վճարները (ներառյալ՝ դրոշմանիշային վճարը) նվազեցնելուց հետո չի գերազանցում Հայաստանի Հանրապետության օրենսդրությամբ սահմանված նվազագույն աշխատավարձի չափը: Նշված անձանց փոխարեն դրոշմանիշային վճարները վճարվում են տվյալ անձանց աշխատավարձ վճարող գործատուի կողմից նրա միջոցների հաշվին: