Ոչ աշխատանքային օրեր

Irina.

Կխնդրեի Ձեզ ինձ ուղարկել օրացույց, ուր նշված են բոլոր ոչ աշխատանքային օրերը:

0

Ֆեյսբուքյան մեկնաբանություններ

Accountant.am
Author: Accountant.am

4 thoughts on “Ոչ աշխատանքային օրեր

  1. Հարգելի Իրինա, ԱՕ փոփոխության հետ միասին փոփոխվել է նաև տոն և հիշատակի օրերի ցանկը:
    Այժմ ուժի մեջ է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՈՆԵՐԻ ԵՎ ՀԻՇԱՏԱԿԻ ՕՐԵՐԻ ՄԱՍԻՆ ՀՀ օրենքը /ՀՕ-200 ուժի մեջ մտնելու ամսաթիվը-20.08.2001/:
    Ես առաջնորդվում եմ այդ ցուցակով:

    0
  2. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

    Օ Ր Ե Ն Ք Ը

    Ընդունված է Հայաստանի Հանրապետության

    Նախագահի առարկությամբ 2001 թվականի հունիսի 24-ին

    ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՈՆԵՐԻ ԵՎ ՀԻՇԱՏԱԿԻ ՕՐԵՐԻ ՄԱՍԻՆ

    Հոդված 1. Ամանոր և Ծննդյան տոներ` նշվում են դեկտեմբերի 31-ից հունվարի 2-ը ներառյալ (Ամանոր), հունվարի 3-ին, 4-ին և 5-ին (նախածննդյան տոներ) և հունվարի 6-ին (Սուրբ Ծնունդ և Հայտնություն), ոչ աշխատանքային oրեր:

    (1-ին հոդվածը խմբ. 10.12.09 ՀՕ-221-Ն)

    Հոդված 1.1. Սուրբ Ծննդյան և Հայտնության տոնին հաջորդող` Մեռելոց հիշատակի օր` նշվում է հունվարի 7-ին, ոչ աշխատանքային oր:

    (1.1 հոդվածը լրաց. 10.12.09 ՀՕ-221-Ն)

    Հոդված 2. Բանակի օր՝ նշվում է հունվարի 28-ին, ոչ աշխատանքային օր:

    (2-րդ հոդվածը լրաց. 20.11.02 ՀՕ-466-Ն)

    Հոդված 21. Մայրենի լեզվի օր՝ նշվոմ է փետրվարի 21-ին:

    (21 հոդվածը լրաց. 11.04.05 ՀՕ-80-Ն)

    Հոդված 22. Ադրբեջանական ԽՍՀ-ում կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օր` նշվում է փետրվարի 28-ին:

    (22 հոդվածը լրաց. 25.05.05 ՀՕ-105-Ն)

    Հոդված 3. Կանանց տոն՝ նշվում է մարտի 8-ին, ոչ աշխատանքային օր:

    Հոդված 4. Մայրության և գեղեցկության տոն` նշվում է ապրիլի 7-ին:

    (4-րդ հոդվածը խմբ. 07.05.02 ՀՕ-335)

    Հոդված 5. Ցեղասպանության զոհերի հիշատակի օր՝ նշվում է ապրիլի 24-ին, ոչ աշխատանքային օր:

    Հոդված 6. Աշխատանքի օր՝ նշվում է մայիսի 1-ին, ոչ աշխատանքային օր:

    Հոդված 7. Երկրապահի օր՝ նշվում է մայիսի 8-ին:

    Հոդված 8. Հաղթանակի և խաղաղության տոն՝ նշվում է մայիսի 9-ին, ոչ աշխատանքային օր:

    Հոդված 9. Հանրապետության տոն՝ նշվում է մայիսի 28-ին, ոչ աշխատանքային օր:

    Հոդված 10. Երեխաների իրավունքների պաշտպանության օր՝ նշվում է հունիսի 1-ին:

    Հոդված 101. Բռնադատվածների հիշատակի օր` նշվում է հունիսի 14-ին:

    (101 հոդվածը լրաց. 31.05.06 ՀՕ-100-Ն)

    Հոդված 11. Սահմանադրության օր՝ նշվում է հուլիսի 5-ին, ոչ աշխատանքային օր:

    Հոդված 12. Գիտելիքի և դպրության օր՝ նշվում է սեպտեմբերի 1-ին:

    (12-րդ հոդվածը փոփ. 11.04.05 ՀՕ-80-Ն)

    Հոդված 13. Անկախության տոն՝ նշվում է սեպտեմբերի 21-ին, ոչ աշխատանքային օր:

    Հոդված 13.1. Ուսուցչի օր` նշվում է հոկտեմբերի 5-ին:

    (13.1 հոդվածը լրաց. 05.10.10 ՀՕ-134-Ն)

    Հոդված 14. Թարգմանչաց տոն՝ նշվում է հոկտեմբերի երկրորդ շաբաթ օրը:

    Հոդված 15. Երկրաշարժի զոհերի հիշատակի օր՝ նշվում է դեկտեմբերի 7-ին:

    Հոդված 16. Սուրբ Վարդանանց տոն՝ բարի գործի և ազգային տուրքի օր՝ նշվում է Սուրբ Զատիկից 8 շաբաթ առաջ՝ հինգշաբթի օրը:

    Հոդված 17. Սուրբ Էջմիածնի տոն` նշվում է Սուրբ Զատիկից 64 օր հետո` կիրակի օրը:

    (17-րդ հոդվածը լրաց. 26.09.01 ՀՕ-228)

    Հոդված 18. Հայաստանի Հանրապետությունում կարող են նշվել նաև ավանդական և եկեղեցական տոներ, միջազգային օրեր, իսկ կառավարության որոշմամբ՝ մասնագիտական և այլ տոներ ու հիշատակի օրեր:

    (18-րդ հոդվածը փոփ. 26.09.01 ՀՕ-228, լրաց. 10.06.09 ՀՕ-148-Ն)

    Հոդված 19. Հայաստանի Հանրապետության տոների և հիշատակի օրերի հետ կապված՝ կառավարությունը կարող է աշխատանքային օրերը տեղափոխել:

    (19-րդ հոդվածը փոփ. 26.09.01 ՀՕ-228)

    Հոդված 20. Ազգային փոքրամասնություններին պատկանող՝ Հայաստանի Հանրապետության քաղաքացիները կարող են նշել իրենց ազգային տոները և հիշատակի օրերը, եթե դրանք չեն հակասում Հայաստանի Հանրապետության օրենսդրությանը:

    (20-րդ հոդվածը փոփ. 26.09.01 ՀՕ-228)

    Հոդված 21. Սույն օրենքն ուժի մեջ մտնելու պահից ուժը կորցրած ճանաչել 1996 թվականի մարտի 16-ի՝ «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքը՝ հետագա փոփոխություններով և լրացումներով հանդերձ:

    (21-րդ հոդվածը փոփ. 26.09.01 ՀՕ-228)

    Հոդված 22. Սույն օրենքն ուժի մեջ է մտնում պաշտոնական հրապարակման պահից:

    (22-րդ հոդվածը փոփ. 26.09.01 ՀՕ-228)

    Հայաստանի Հանրապետության
    Նախագահ
    Ռ. Քոչարյան

    Երևան
    6 օգոստոսի 2001 թ.
    ՀՕ-200

    0
  3. Հարգելի Իրինա, ես առաջնորդվում եմ այս ցուցակով:
    Հունվարի 1 -6 – Ամանորյա և Սուրբ ծնունդի տոներ

    Հունվարի 7 – Մեռելոց հիշատակի օր

    Հունվարի 28 – Բանակի օր

    Մարտի 8 – Կանանց օր

    Ապրիլի 24 – Ցեղասպանության զոհերի հիշատակի օր

    Մայիսի 1 – Աշխատավորների օր

    Մայիսի 9 – Հաղթանակի և խաղաղության օր

    Մայիսի 28 – Առաջին Հանրապետության օր

    Հուլիսի 5 – Սահմանադրության օր

    Սեպտեմբերի 21 – Անկախության օր

    Դեկտեմբերի 31 – Ամանոր

    Բացի վերը նշված պաշտոնական տոներից, ՀՀ Կառավարության որոշման համաձայն 2010թ.-ին աշխատանքային մի շարք երկուշաբթի օրերի փոխարեն աշխատանքային են հայտարարվել դրանց հաջորդող շաբաթ օրերը` ըստ հետևյալ ցուցակի.

    Ապրիլի 5-ի փոխարեն աշխատանքային է հայտարարվել ապրիլի 10-ը

    Հուլիսի 12-ի փոխարեն աշխատանքային է հայտարարվել հուլիսի 17-ը

    Օգոստոսի 16-ի փոխարեն աշխատանքային է հայտարարվել օգոստոսի 21-ը

    Սեպտեմբերի 13-ի փոխարեն աշխատանքային է հայտարարվել սեպտեմբերի 18-ը

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *