10 խորհուրդ սկսնակ հաշվապահին: Ավելացրե´ք Ձերը:

Գրքեր

1. Առաջինը, ինչ պետք է հիշել. մասնագետները նույնպես եղել են սկսնակ:
2. Հաճախե´ք դասընթացների: Շատ կարևոր է հաճախել որակյալ դասընթացների: Հիշե´ք, որ նույնիսկ մասնագետներն են երբեմն կարիք ունենում հաճախելու դասընթացների` վերապատրաստվելու և ինչ որ նոր բաներ սովորելու, փորձով փոխանակվելու համար:

3. Մի´ թողեք այսօրվա գործը վաղվան : Այս ասացվածքը լսած կլինեն շատերը: Սակայն հաշվապահական հաշվառման բնագավառում այն ունի առավել կարևոր նշանակություն:
4. Ավելացրե´ք Ձեր մասնագիտական գիտելիքները մշտապես: Նույնիսկ եթե Դուք հաշվապահի օգնական եք, և Ձեզ տրված է աշխատանքի մի նեղ շրջանակ, պետք չէ սահմանափակել գիտելիքները այդ շրջանակով: Փորձե´ք պատկերացնել կազմակերպության գործունեության ընդհանուր պատկերը: Ավելորդ չի լինի հարցնել անմիջական ղեկավարին, թե արդյոք Դուք ճիշտ եք ընկալում ձեռնարկությունում կատարվող այս կամ այն գործընթացը հաշվապահական հաշվառման տեսանկյունից:
5. Ավելացրե´ք Ձեր մասնագիտական փորձը: Օգտագործե´ք ցանկացած հնարավորություն մասնագիտական փորձը մեծացնելու համար: Հիշե´ք` պրակտիկան լավագույն ուսուցիչն է:
6. Տեսություն: Ճիշտ է` լավագույն ուսուցիչը պրակտիկան է, սակայն պետք չէ թերագնահատել տեսության դերը: Կարդացե´ք գրքեր, հոդվածներ, ավելացրե´ք Ձեր տեսական գիտելիքները բոլոր հնարավոր ճանապարհներով:
7. Կարդացե´ք օրենքներ: Շատ կարևոր է տեղյակ լինել օրենքներից, դրանցում կատարված վերջին փոփոխություններից: Բացի դա` ծանոթացե´ք օրենքների պարզաբանումներին:
8. Կրկնակի ստուգում: Ստուգե´ք տվյալները, որտեղ դա հնարավոր է, տարբեր փաստաթղթերով: Օրինակ, շրջանառու տեղեկագրում դրամարկղի մնացորդը պետք է համապատասխանի դրամարկղի փաստաթղթերում գրված մնացորդի հետ:
9. Հարցրե´ք: Ձեզ հուզող հարցերը տվե´ք դասախոսին, փորձառու հաշվապահներին, հարկային ոլորտի աշխատողներին կամ գրե´ք դրանք այստեղ…
10. Եղե´ք աշխատասեր:

Աղբյուր` accountant.am

7+

Ֆեյսբուքյան մեկնաբանություններ

Accountant.am
Author: Accountant.am

9 thoughts on “10 խորհուրդ սկսնակ հաշվապահին: Ավելացրե´ք Ձերը:

  1. 1. Ունակ եղեք ապացուցելու, որ Ձեր ձևակերպումները, գործարքները գրագետ ու հիմնավոր են:
    2. Լավ հաշվապահ լինելով՝ հնարավոր է՝ Դուք էլ մեծ գրող երգիծաբան դառնաք, Հ.Պարոնյանը Ձեզ օրինակ:

    1+
  2. Բիզնես անգլերեն սովորեք՝ միջազգային կազմակերպություններում աշխատանք գտնելու հնարավորություն ունենալու համար:

    1+
  3. Հաշվապահն առաջին հերթին պետք է տարբեր իրավիճակներում կարողանա ճիշտ կողմնորոշվել շատ արագ:

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *