«

»

Май 23 2020

Շրջանառության հարկի հաշվետվությունը թերի է ներկայացվել

Արփինե.

Բարև ձեզ։ Շրջանառության հարկի առաջին եռամսյակի հաշվետվության մեջ չի լրացվել 5.7 կետը՝ նախորդ եռամսյակներում ապրանքների ձեռքբերման ծախսերի մասով հարկի գումարից չնվազեցված և փոխանցված գումար։ Խնդրում եմ, կասե՞ք՝ ինչպես ճիշտ վարվել, այդպես թողնել, երկրորդ եռամսյակում ավելացնե՞լ, թե՞ ճշգրտող հաշվետվություն է պետք ուղարկել:

0

17 մեկնաբանություն

Перейти полю для комментария

  1. marieta
    marieta

    Ներկայացրեք ճշգրտող հաշվետվություն, ինձ մետ նման խնդիր եղել է:

    0

    1. Аватар
      Արփինե

      Ուշացում չի համարվի, չէ՞:

      0

  2. Аватар
    Սոնյա Բաղդասարյան

    Բարև Ձեզ: Ներկայացրեք ճշգրտված հաշվետվություն:

    0

  3. Tigran
    Tigran

    Իրավունք ունեք մինչև հարկային ստուգումը կամ սխալներ ինքնուրույն հայտնաբերելու դեպքում ներկայացնել ճշգրտված հաշվարկներ, որի ներկայացման դեպքում որևէ վարչական տույժ չի կիրառվի:

    0

    1. Аватар
      Արփինե

      Շնորհակալ եմ շատ, բայց գրանցել չի լինում, բերում է՝ «հաշվետվության ստուգումը չի հաջողվել»։

      0

      1. Tigran
        Tigran

        Որպես նոր հաշվետվություն կազմեք, հին լրացվածը մի խմբագրեք, ու ներքևում կարող է հարցնել՝ «պահպանել այս տեսքով», պտիչկան դրեք ու գրանցեք:

        0

        1. Аватар
          Արփինե

          Որպես նոր եմ փորձել ճիշտն ասած, ներքևում ոչինչ չի բերում, վերևի հատվածում դա է բերում։ Հնարավոր է կապի խնդիր է համակարգում, կրկին կփորձեմ։ Շատ շնորհակալ եմ։

          0

          1. Аватар
            Արփինե

            Կներեք մի բան էլ հարցնեմ, էս հաշվետվության ճշգրտումից մեր հարկի թիվը չի փոխվելու, ապրանքի վաճառք չենք ունեցել , հարկը՝ ծառայության մատուցումից է առաջացել, հնարավոր է ՞ որ դրա համար չի լինում ուղարկել ճշգրտողը՞

            0

          2. Tigran
            Tigran

            Այո, պատճառը ծառայության մատուցումից եկամտի մեջ է, քանի որ շրջ. հարկի թվից հարկի որոշ չափով նվազեցման հնարավորություն տրված է առևտրով, հանրային սննդի գործունեությամբ զբաղվողներին: Առևտրի դեպքում՝ 4 տոկոսի չափով, իսկ հանրային սննդի դեպքում՝ 3 տոկոսի չափով, իսկ ՊԵԿ հաշվետվությունների ծարագրային համակարգը ավտոմատ կարգով է նկատի առնում նվազեցումների հաշվով էլ փաստաթղթերը, իսկ Ձեր դեպքում ծառայությունից է, որը ստանդարտ 5 տոկոսով է հարկվելու: Իսկ տարածքի վարձակալության հաշվով ավելացնեմ՝ եթե անգամ ֆիզ. անձի է պատկանում պայմանագրի հիման վրա, որպես հարկային գործակալ Դուք եք վճարելու նրա անվամբ 10 տոկոս եկամտային հարկը և 165 համարի հաշվետվությամբ ներկայացնելու:

            0

  4. Аватар
    Արփինե

    Մի հարց էլ 165 ձևի մասին. ԱՁ-ն տարածք է վարձակալել նոտարով հաստատված ֆիզ. անձից (այս դեպքում՝ հորից) 26.08.2019թ., բայց գործունեություն այդ տարածքում սկսել է 2020 թվականից, կարո՞ղ է արդյոք չներկայացնել 165 հաշվետվությունը:

    0

    1. Alla
      Alla

      ՀՕ Հոդված 156. Եկամտային հարկի հաշվարկները և այլ փաստաթղթերը ներկայացնելը

      5,Հարկային գործակալները մինչև յուրաքանչյուր հարկային տարվան հաջորդող հարկային տարվա ապրիլի 20-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում նախորդ հարկային տարվա ընթացքում միայն պասիվ եկամուտներ ստացած ֆիզիկական անձանց, ինչպես նաև Հայաստանի Հանրապետությունում բնակության իրավունք (կացության կարգավիճակ) չունեցող օտարերկրյա քաղաքացիների կամ քաղաքացիություն չունեցող անձանց, նրանց եկամուտների, այդ եկամուտներից հաշվարկված և պահված եկամտային հարկի վերաբերյալ անհատական տեղեկություններ։
      Քանի որ դուք նախորդ տարում եկամուտներ չեք վճարել ֆիզ անձին ձեր պայմանագրի շրջանակներում, ապա հաշվարկ ներկայացնելու կարիք չկա։

      0

      1. Аватар
        Արփինե

        Շնորհակալ եմ շատ:

        0

    2. Tigran
      Tigran

      Արփինե տարածքի վարձակալության դեպքում օրենքի պահանջ է՝ ոչ հարկային, որ այն գրանցված լինի կադաստրում, որի մասին տվյալները կադաստրը տրամադրում է հարկայինին, այնպես որ իմացեք եթե 2019-ի հաշվով խնդիր եթե չկա, ապա 2020-ի հաշվով նկատի առեք:

      0

      1. Аватар
        Արփինե

        Շնորհակալ եմ շատ, անպայման, ուղղակի ասել էին, որ տվյալ մարդու անունով գրանցված ԱՁ-ին է պատկանում տարածքը, հետևաբար դա պետք է ԱՁ-ն ներկայացներ իր եռամսյակայինի հաշվետվության մեջ, բայց հաշիվ դուրս չէին գրել, խնդրեցի ճշտեն՝ ինչու՞, և պարզվեց, որ տարածքը տվյալ մարդուն որպես ֆիզ. անձ է պատկանում։

        0

      2. Аватар
        Արփինե

        Բարև ձեզ: Կներեք, վարձավճարի հետ կապված արձանագրություն էին ուղարկել, զանգեցի համապատասխան բաժին (արձանագրություն կազմած), ասեցին, որ պետք է 189 ձևում 2019թ. նույնպես ներառեմ և ուղարկեմ, իսկ այսուհետ ամեն ամիս, բայց նաև տարեկան 165 ձևը։ Հարցրեցի՝ բայց էդպես կրկնակի հարկ չի՞ առաջանա։ Ասեցին, որ չի առաջանա։

        0

        1. Tigran
          Tigran

          Ճիշտ են ասել, 165 ձևը ընդամենը տեղեկություններ տալու մասին է, իսկ վճարումները և պահումները որպես հարկային գործակալ 189 ձևով է:

          0

  5. Karine
    Karine

    Բարև ձեզ։ Ինքնուրույնաբար հայտնաբերված և ճշտված հաշվետվությունը վարչական հետևանքներ չի առաջացնում։ Նույն ժամանակաշրջանի համար ներկայացրեք նոր ճշտված հաշվետվություն։

    0

Մեկնաբանել

Վաստակի՛ր գումար՝ այս նյութը մեկնաբանելով

Աջակցություն կայքին idram ID 796528160