ՊԵԿ-ի պատվիրակությունն այցելել է Միացյալ Թագավորություն

Փետրվարի 21-22-ը ՀՀ կառավարությանն առընթեր պետական եկամուտների կոմիտեի պատվիրակությունը` ՊԵԿ նախագահ Գագիկ Խաչատրյանի գլխավորությամբ աշխատանքային այցով ժամանել էր Լոնդոն, որտեղ հանդիպումներ է ունեցել Միացյալ Թագավորության հարկային համակարգի ղեկավար Դեվիդ Հարթնետի (David Hartnett) և KPMG Global աուդիտորական ընկերության հարկային բաժնի ղեկավար Լաֆլին Հիքնեի (Laughlin Hickney) հետ:

ԱԳՆ մամուլի և տեղեկատվության վարչության հաղորդմամբ, Միացյալ Թագավորության հարկային համակարգի ղեկավարի հետ հանդիպումների ընթացքում քննարկվել են երկու երկրների հարկային համակարգերի միջև տեղեկատվության և փորձի փոխանակմանը, ՀՀ հարկային համակարգի ծառայողներին ՄԹ հարկային համակարգում վերապատրաստման նպատակով պարբերական գործուղումների իրականացմանը վերաբերող հարցեր:

Կողմերն անդրադարձել են նաև Պետական եկամուտների կոմիտեի կողմից վերջին տարիների ընթացքում իրականացված բարեփոխումներին, մասնավորապես` Հայաստանի հարկային համակարգում տեղեկատվական տեխնոլոգիաների զարգացման ընթացքին:

Աղբյուր` panorama.am

Կիսվել՝

Facebook մեկնաբանություններ

Հետևել այս նյութին
Ստանալ նամակ
guest
0 Մեկնաբանություն
Inline Feedbacks
Դիտել բոլոր մեկնաբանությունները