Category: Աշխատավարձ, կադրեր

Իգոր.

Բարև Ձեզ, կարո՞ղ եք ինձ աշխատանքի ընդունման հրամանի օրինակելի ձև ուղարկել, կանխավ շնորհակալություն:

Արթուր.

Բարև ձեզ: Աշխատողին տրամադրել եմ արձակուրդ (20 օր) 01/02/2013-28/02/2013: Կարո՞ղ եք օգնել` ես այդ գումարը ամսի քանիսի՞ն վճարեմ, և այդ գումարը եկամտային հարկի հաշվետվությունում փետրվար ամսում ցույց տա՞մ: Հաշվարկի համար պետք է վերցնել 01/02/2012-31/01/2013 ժամանակահատվա՞ծը: Եվ ես կարո՞ղ եմ տրամադրել ոչ թե 20 օր, այլ 22օր: Շնորհակալություն:

helen.

Հարգելիներս, հարցս հետևյալն է, խնդրում եմ արագ արձագանքել. ֆիզ արձակուրդի գումարը շահութահարկում ծախս չեմ կարող չէ՞ համարել և նվազեցնել:

Լիաննա.

2013թ-ից անաշխատունակության նպաստները հաշվարկելիս 2012թ. բաժին ընկնող ամիսների աշխատավարձերին պե՞տք է ավելացնել սոց. հատկացման գումարները, թե՞ ոչ:

Արմենուհի.

Բարև Ձեզ:

Եթե տվյալ անձն 3 տարի աշխատել է հարկային կոդ չունեցող միջազգային կազմակերպությունում և սեփական նախաձեռնությամբ աշխատանքից ազատվելու դիմում է ներկայացրել, ըստ ՀՀ Աշխատանքի օրենսգրքի բացի չօգտագործված արձակուրդայինից, արձակման նպաստ կարո՞ղ է պահանջել, թե՞ ոչ: Եթե այո, ապա ի՞նչ չափով:

Կանխավ շնորհակալություն,
Արմենուհի

Նարինե.

Հարգելի գործընկերներ, խնդրում եմ ինձ ուղարկեք գլխավոր տնօրենի տեղակալի և կազմակերպության իրավաբանի պայմանագրի ձևեր, կանխավ շնորհակալ եմ:

Լյուդմիլա.

Բարև Ձեզ: Հարգելի հաշվապահներ, մինչև 2013թ-ը օտարերկրացիների հարկումը եկամտահարկով տարբերվում էր ՀՀ քաղաքացիներից: Հարց` 2013թ-ի հունվարի 1-ից օտարերկրացիների հարկումը եկամտային հարկով ի՞նչ դրույքաչափով է կատարվում: Խնդրում եմ կատարել համապատասխան հղում, եթե հնարավոր է: Շնորհակալ եմ կանխավ:

Ռուզան.

Քանի՞ աշխատանքային օր ունի 2013թ-ի մարտ ամիսը:

Նվարդ.

Ինչպիսի՞ հաշվապահական ձևակերպում տալ հիվանդության նպաստի վերաբերյալ: Կանխավ շնորհակալություն:

Աստղիկ.

Գործուղման օրապահիկից եկամտահարկ պահվու՞մ է:

Վարյա.

Խնդրում եմ տալ հստակ պատասխան` եթե ես հաշվապահ եմ, ունե՞մ իրավունք ազատ գրաֆիկով աշխատելու, և ինչպե՞ս է կատարվում վարձատրությունը: Կանխավ շնորհակալություն:

AnnA.

Հարգելի հաշվապահներ, կարո՞ղ եք ասել` եթե իմ աշխատանքային պայմանագրի ժամկետը լրանում է սեպտեմբեր ամսին, կարո՞ղ է արդյոք գործատուն չերկարացնի իմ պայմանագիրը, եթե ես հղի եմ և պատրաստվում եմ նոյեմբերին գնալ ֆիզ. արձակուրդ, կանխավ շնորհակալ եմ:

Թամարա.

Հարգելի հաշվապահներ, եթե ես հանդիսանում եմ ՍՊԸ հիմնադիր և տնօրեն (որպես տնօրեն պայամանագիր չկա կնքված և աշխատավարձ սահմանված չէ), վճարելու՞ եմ եկամտային հարկ: Եթե ընկերությանը ես որպես տնօրեն տալիս եմ փոխառություն, պե՞տք է արդյոք ձևակերպել ինչ որ փաստաթուղթ, փոխառության պայմանագիր:

Շնորհակալություն`
Թամարա

Անի.

Աշխատողը կազմակերպությունում աշխատել է 2012թ. նոյեմբերի 1-ից և հղիության ու ծննդաբերության արձակուրդ, ըստ բյուլետենի, գնում է հունվարի 31-ից: Ո՞ր ամսվա հաշվետվությունում պետք է ներկայացնեմ նրա նպաստը: Արդյո՞ք խնդիր չի առաջանա, որ չի աշխատել լրիվ 3 ամիս: Եվ այդ արձակուրդի ընթացքում եկամտային հարկ հաշվարկվու՞մ է, թե՞ ոչ: Մի հարց էլ` բյուլետեն բերել է 140 օրվա, բայց նա ունենալու է զույգ երեխաներ, այսինքն՝ պետք է հասներ 180 օր: Ինչպե՞ս վարվեմ: Հիմա նշե՞մ ու հաշվարկե՞մ ըստ 140 օրերի, հետո, երբ բերի մնացած 40 օրվա բյուլետենը, վճարեմ տարբերությունը:

Հարություն.

Հարգելի կոլեգաներ, հարցս կապված է վարձու աշխատողների գրանցման հայտերի ներկայացման հետ: Արդյո՞ք այսուհետ` այսինքն 2013թ. հունվարի 1-ից սոց. ապ. հայտեր չենք ներկայացնելու նոր աշխատողների համար: Որքանով հասկացա` ոչ, սակայն բազմաթիվ ուղեցույցների և իրազեկումների մեջ չեմ հանդիպել նշում դրա մասին: Ինչպես նաև, նախկինում ներկայացնում էինք ձև 5 աշխատողի ստաժի վերաբերյալ: Արդյո՞ք դրա ներկայացումը ուժի մեջ է:

Narine.

Խնդրում եմ օգնեք` ինչպե՞ս է պետք հաշվարկել արձակուրդային գումարը, եթե արձակուրդը ընկնում է դեկտեմբերի կեսից մինչև հունվարի կեսը ընկած ժամանակահատվածում եկամտային հարկի նոր օրենքի գործածման պայմաններում:

Նաիրա.

Հղիության և ծննդաբերության նպաստը 2013թ.-ի փոփոխություններով ինչպե՞ս եք հաշվարկում, որպեսզի հղին չտուժի: Շնորհակալություն:

Անուշ.

Ինչպե՞ս է կատարվում վերջնահաշվարկը 2013թ. հունվարի 1-ից հետո:

Շողեր.

Հարգելի գործընկերներ, խնդրում եմ օգնեք: Ենթադրենք աշխատողը ազատվել է աշխատանքից 2012 թվականի սեպտեմբեր ամսին, և նա ունի 2 տարվա չօգտագործած արձակուրդ: Վերջնահաշվարկ է կատարվել, և գումարը կազմել է ենթադրենք 250.000 դրամ: Վերջնահաշվարկը չի վճարվել մինչև այսօր` գործատուի կամայական վերաբերմունքի պատճառով (չեմ ուզում, չեմ տալիս): Խնդրում եմ ասել` օրեկան քանի՞ տոկոս տույժ է հաշվարկվում: Խնդրում եմ ներկայացնել օրենսգրքի համապատասխան հոդվածը:

Նաիրա.

Ո՞վ կարող է ինձ տրամադրել հղիության և ծննդաբերության նպաստի հաշվարկման ֆայլ:

Ռոման.

Բարև Ձեզ, կոլեգաներ:

Համաձայն “Եկամտային հարկի և պարտադիր կուտակային վճարի անձնավորված հաշվառման մասին” ՀՀ օրենքի 19-րդ հոդվածի 2-րդ մասի` գործատուները, սույն օրենքի 10-րդ հոդվածի 4-րդ մասով նախատեսված` վարձու աշխատողներն ու պայմանագրային եկամուտ ստացողները սույն օրենքով սահմանված տվյալները առաջին անգամ ներկայացնում են մինչև 2013 թվականի փետրվարի 20-ը` 2013 թվականի հունվար ամսվա համար (խոսքը գնում է աշխատողների գրանցման հայտերի մասին):

Իսկ աշխատանքից ազատվելիս անհրաժե՞շտ է արդյոք գրանցման հայտում փոփոխություն կատարել:

Ակնկալում եմ Ձեր աջակցությունը:

Լիաննա.

2013թ-ից անաշխատունակության նպաստները հաշվարկելիս 2012թ. բաժին ընկնող ամիսների աշխատավարձերին պե՞տք է ավելացնել սոց. հատկացման գումարները, թե՞ ոչ:

ԱՐԱՅԻԿ.

Կոմպետենտ մարդիկ, խնդրում եմ օգեք, մի մատչելի բանաձև տվեք, որով կարողանամ հաշվել աշխատավարձից եկամտային հարկի գանձման եղանակն ու կարգը: Նոր փոփոխությունները մոլորեցրել են: Խնդրում եմ օգնեք:

Աննա.

Բարև Ձեզ, հարգելի հաշվապահներ: Կարո՞ղ եք ասել` արդյո՞ք կարող է պաշտպանության նախարարության աշխատակիցը մեկ այլ տեղ աշխատել համատեղությամբ: Կա՞ն արդյոք որոշակի սահմանափակումներ` կապված զբաղեցրած պաշտոնների հետ, և ընդհանրապես կառավարության որևէ որոշում կամ օրենք, որը կսահմանի նման կարգի որոշակի ցուցակ: Կանխավ շնորհակալություն:

Ս.Հ.

Հարգելի գործընկերներ, արդյո՞ք սահմանափակումներ կան ՍՊԸ-ի աշխատողների աշխատավարձը դրամարկղից վճարման համար, թե՞ ոչ: Հատկապես նկատի ունեմ՝ 100 000 ՀՀ դրամից բարձր աշխատավարձ ստացողների համար գոյություն ունի՞ նման օրենք, թե՞ եթե աշխատողը 100 000 դրամից բարձր աշխատավարձ է ստանում, դա անպայման պետք է վճարվի` աշխատողի բանկային հաշվին փոխանցում կատարելով: Կանխավ շնորհակալ եմ:

Անի.

Հարգելի հաշվապահներ, ձեր օգնության կարիք ունեմ: Կազմակերպությունը աշխատողների աշխատավարձի վճարումը կատարում է անկանխիք: Այս դեպքում պե՞տք է տաբելում նշում անել (եթե այո, ապա ինչպե՞ս), թե՞ աշխատանքային պայմանագրում գրել հաշվեհամարը, որին էլ փոխանցվելու է աշխատավարձը: Կանխավ շնորհակալություն:

Գործատու.

Ես գործատու եմ: Իմ աշխատողի հետ կնքել եմ 3 ամսյա աշխատանքային պայմանագիրը, որից հետո տեղեկացել եմ, որ նա հղի է: Իրականում նրա ծառայությունների կարիքը չունեի, այլ միայն օգնելու համար 3 ամսով ընդունել էի աշխատանքի, թեև նախկինում ինձ մոտ աշխատել է, հետո աշխատանքային պայմանագիրը դադարեցվել է: Ընթացքում մի երեխա էլ էր ունեցել, օրենքով ամեն ինչ վճարել էի, մինչև 3 տարեկանների խնամքի համար ամեն ինչ տրամադրել էի, հետո օրենքով ազատել էի: Երկար շամանակ չէր աշխատում, խնդրեց, որ 3 ամսով ընդունեմ: Ընդունեցի, հետո 2 ամիս անց ներկայացրել է ֆիզ. արձակուրդ գնալու դիմում, և գնացել է ֆիզարձակուրդ: Արդեն երեխան մեկ տարեկանից ավելի է, ու նա շարունակ ինձանից տեղեկանքներ է ուզում, որ աշխատում է ինձ մոտ, բայց գտնվում է ֆիզարձակուրդում` սոց. ապ. ներկայացնելու, տարբեր ծառայություններից օգտվելու և այլնի համար, արձակուրդ է ուզում և այլն: Իրականում ես նրա ծառայությունների կարիքը չունեմ, խնդրել է ընդունել աշխատանքի 3 ամսով, հետո իմացել եմ, որ հղի է, չեմ առարկել, բայց շարունակ խանգարում է տեղեկանքներ պահանջելով և հետո էլ հավանաբար աշխատատեղը վերականգնելու համար: Հավանաբար` օրենքին լավ տեղյակ չեմ, ու բարությունս շարունակվում է չարաշահվել:

Խնդրում եմ, խորհուրդ տվեք, ինչպե՞ս կարող եմ նրան ազատել աշխատանքից այս պահին կամ հետագայում, որպեսզի խնդիրներ չունենամ:

Շնորհակալություն:

Աստղիկ.

Խնդրում եմ օգնեք: Աշխատանքային գրքույկում լրացված է միայն ռուսերեն բաժնում, որից հետո աշխատողը գրանցված է եղել գործազրկության կենտրոնում, այդ գրանցումը ևս կատարվել է ռուսերեն բաժնում: Այժմ պետք է ես գրանցում կատարեմ: Ինձ հետաքրքիր` է ես պե՞տք է ռուսերեն գրանցումը թարգմանած գրանցեմ հայերեն բաժնում, ուղարկեմ գործազրկության կենտրոնն իր գրանցումն կատարի, նոր ես գրանցեմ իմ կազմակերպությունում:

Շնորհակալություն:

Տիգրան.

Բարև Ձեզ: Եթե աշխատող պետք է ընդունվի աշխատանքի համատեղության կարգով, ինչքա՞ն նվազագույն աշխատավարձ կարող ենք գրել և պայմանագրում աշխատանքային շաբաթվա մեջ քանի՞ ժամ կարող ենք գրել: Շնորհակալություն:

Դիանա.

Բարև ձեզ, ես կցանկանայի իմանալ, թե կադրերի բաժնի տեսուչը ինչ հաշվետվություն է ուղարկում ՀՀ Կենտրոնական Բանկ: