Տնօրենը նաև դասընթացավար է
Սոֆյա․
Բարև Ձեզ, հարգելի հաշվապահներ։ ՍՊԸ-ի տնօրենը տվյալ կազմակերպությում կատարում է նաև դասընթացավարի աշխատանք (պայմանագրին կից համաձայնագրով): Նա հոկտեմբերի 01-ին տեղափոխվելու է արտերկիր վերապատրաստման ծրագրով: Սակայն շարունակելու է աշխատել որպես դասընթացավար հեռավար: Իսկ նոյեմբեր ամսին գնալու է մայրության արձակուրդի, բայց շատ հավանակն է, որ այդ ժամանակ դեռ վերադարձած չի լինի: Ի՞նչ անել․
1. Տնօրենի համար ուղարկել ճշտված գրանցամն հայտ և դադարեցում տալ տնօրենի աշխատանքին, սակայն շարունակի մնալ որպես դասընթացավար: Արդյոք կարո՞ղ է նա որոշ ժամանակ հեռավար աշխատել որպես դասընթացավար
2. Նշանակել տնօրենի ժամանակավոր պաշտոնակատար:
3. Պե՞տք է արդյոք զբաղվել տնօրենի մայրության արձակուրդի ձևակերպման հարցերով, եթե արտերկրից մեզ ուղարկվի անաշխատունակության թերթիկ: Կա՞ն արդյոք գումարը վճարելու ժամկետներ այդ մասով, եթե աշխատակիցը հանրապետությունից բացակայում է:
Ֆրիլանս գործունեություն
Վազգեն․
Բարև Ձեզ, ցանկանում եմ ֆրիլանս գործունեություն ծավալել արտասահմանյան հարթակներում։ Մատուցելու եմ ծրագրավորման ծառայություններ։ Արդյո՞ք պարտադիր է հարկեր վճարել այդ դեպքում։
Աշխատանք համատեղությամբ
Հովհաննես․
Բարև ձեզ, ես համատեղությամբ աշխատում եմ երկու դպրոցում։ 11 ժամ մի դպրոցում, 16 ժամ մյուս դպրոցում։ Ուզում եմ իմանալ՝ օրենքով թույլատրվու՞մ է արդյոք 5-օրյա աշխատանքային շաբաթվա մեջ 2 օր գնալ մի դպրոցը, 3 օր՝ մյուս դպրոցը։ Կա՞ ամրագրված օրենք աշխատանքային օրենսգրքում։ Կանխավ շնորհակալություն։
Գործունեության դադարեցում
Հովհաննես․
Բարև ձեզ։ Մոտ երեք տարի է վարձակալությամբ տվել ենք բնակարան ՆԳՆ աշխատակցի և մուծել հարկեր 10%-ի չափով: Դրա համար բացել ենք ՀՎՀՀ հաշիվ, այժմ որոշել ենք դադարեցնել վարձակալության պայմանագիրը, քանի որ վարձակալը ազատում է բնակարանը, ուստի և կասեցնել ՀՎՀՀ հաշիվը: Խնդրում եմ պատասխանեք՝ ի՞նչ անհրաժեշտ փաստաթուղթ է պետք ներկայացնել ՊԵԿ ՀՎՀՀ հաշվեհամարը փակելու համար:
Գործատուն իրավունք ունի՞ ազատել աշխատակցին
Գևորգ․
Բարև Ձեզ, հարգելի մասնագետներ։ Հարցս հետևյալն է․ ենթադրենք աշխատողը դիմում է գրել օգոստոսի 26-ին և ուզում է հենց նույն օրն էլ ազատվել աշխատանքից։ Նշեմ, որ նա լիակատար նյութական պատասխանատու անձ է։ Գործատուն իրավունք ունի՞ լուծել պայմանագիրը։ ՀՀ ԱՕ հոդված 112-ը կարդացել եմ, բայց ճիշտն ասած չեմ կողմնորոշվում, հետևաբար խնդրում եմ միայն օրենսգրքի հոդվածին հղում չտալ, եթե հնարավոր է՝ կիսվեք Ձեր իմացածով։ Կանխավ շնորհակալություն։
Ֆիրմային անվանման գրանցում
Արթուր․
Բարև Ձեզ։ Ես ցանկանում եմ իմ բրենդը գրանցել օրինական ձևով։
Պարտավորագրի մակագրում
Անի․
Բարև Ձեզ։ Երբ աշխատողը ստորագրում է անվտանգության կանոնների պահպանման պարտավորագիրը, տնօրենը պե՞տք է մակագրի, թե՞ ոչ:
Որքա՞ն ավելացնել ինքնարժեքին
Սաթենիկ․
Բարև ձեզ։ Ես ԱՁ վերականգնել եմ, հիմա փնտրում եմ հաշվապահ, ով կօգնի ու նաև կվարի հաշվապահությունս։ Եվ հարց․ եթե հաշվել եմ ինքնարժեք, քանի % պետք է ավելացնեմ (հարկ, աշխատավարձ), ինչպե՞ս է արվում այդ հաշվարկը։
ՀԿ-ն որպես հարկային գործակալ
Հասմիկ․
Բարի օր, բոլորին։ ՀԿ-ն ֆիզ անձին գումար նվիրատվություն անելիս որպես հարկային գործակալ հանդիսանու՞մ է, թե՞ ոչ ։
Wildberries – ում գործունեությունից առաջացող հարկեր
Աննա․
Բարև Ձեզ, հարգելի՛ հաշվապահներ։ Ինձ պետք է որևէ մեկի խորհուրդը, ով զբաղվում է Wildberries-ի հաշվապահությամբ։ Ի՞նչ տեսակի հարկեր, տուրքեր պետք է վճարվի։ Դե, աշխատողների եկամտային հարկից, սոց․ վճարից, դրոշմանիշային վճարից բացի, և ճիշտը Ա/Ձ, թե՞ ՍՊԸ-ով գործունեությունն է։
Գործունեություն Wildberries հարթակում
Գայանե․
Բարև Ձեզ։ Ես հարց ունեմ Wildberries-ի հետ կապված։
Wildberries-ում վաճառք է կատարվում, պատվերները արվում են և՛ արտերկրից, և՛ ՀՀ-ից։ Ապրանքները տրվում են լոգիստիկ կազմակերպության, և այդ կազմակերպությունն էլ պատվերները հասցնում է պատվիրատուներին։ Հարցս հետևյալն է՝ դա ձևակերպվում է որպես վաճառք և պետք է հաշիվ գրել e-invoicing համակարգով, թե՞ արտահանում ձևակերպել։
Հանրային հատվածի հաշվապահի որակավորման քննության հարցաշար
Մարիաննա․
Խնդրում եմ ինձ ուղարկել հանրային հատվածի հաշվապահի որակավորման քննության թեստային հարցաշարը:
Լրացուցիչ աշխատանք
Անի․
Բարև Ձեզ։
Եթե աշխատողն աշխատանքի է ընդունվել հաստիքով, և աշխատանքի ընթացքում անհրաժեշտություն է առաջացել, որ նա իր համաձայնությամբ աշխատանքի ավարտից հետո կատարի մեկ այլ աշխատանք, այս դեպքում ինչպե՞ս կարելի է վարվել՝ տալ ներքին հրաման, որ համաձայն է ընդգրկվել այլ աշխատանքներում, թե՞ նրա հետ կնքել երկրորդ աշխատանքային պայմանագիր, թե՞ ուղղակի դիմում վերցնել, որ համաձայն է այլ աշխատանք կատարել:
Կենսաթոշակի հաշվարկ
Արթուր․
Բարև Ձեզ, պատասխանեք խնդրեմ․ համատեղությամբ իրականցված աշխատանքի ժամանակահատվածը կարո՞ղ է հաշվարկվել երկարամյա ծառայության աշխատանքային կենսաթոշակ նշանակելու դեպքում։
Դեբիտորական պարտքի հաշվառում
Մարիաննա․
Խնդրում եմ ասել, թե հանրային հատվածում դեբիտորական պարտքերը հաշվառելիս տրված զեղչը հանու՞մ ենք, թե՞ ոչ։
Աշխատանքային գրքույկի էլեկտրոնային տարբերակ
Եվա․
Ինչպե՞ս կարող եմ ձեռք բերել աշխատանքային գրքույկի էլեկտրոնային տարբերակը:
Հրուշակեղենի արտադրություն
Դմիտրի․
Բարև Ձեզ, հարգելի հաշվապահներ։ Պլանավորում ենք սկսել հրուշակեղենի արտադրություն (մարմելադ, իրիս և այլն)։ Հարկավո՞ր է արդյոք ամեն ապրանքատեսակ գրանցել հարկայինում կամ ինչ որ այլ տեղ։ Կանխավ շնորհակալություն։
Պատվերը կատարվել է ֆիզ. անձի անունով
Արսեն․
Ժող ջան, սենց խնդիր ա. ապրանք եմ պատվիրել մեծաքանակ, բայց մոռացել եմ ԱՁ-ի անունով պատվիրեմ ու ֆիզ անձի անունով եմ պատվիրել, ֆիզ անձի բանկային քարտով: Էս քանի օրը կհասնի մաքսային, հնարավո՞ր ա ինչ որ ձև փոխեմ ԱՁ-իս վրա։
Հագուստի ներմուծում
Լիա․
Բարև Ձեզ։ Ես ունեմ ԱՁ (միկրոբիզնես)։ Որ խնդրեմ, կասե՞ք՝ հագուստ ներմուծելու համար և ընդհանրապես, ի՞նչ հարկեր պիտի վճարեմ։
Դրոշմանիշային վճար
Բարև ձեզ։ Ինչպե՞ս ստուգել դրոշմանիշային ամենամսյա վճարի չափը որպես աշխատող։
ՀՀ ԱՕ 84-րդ հոդվածի 14 կետ
Գևորգ․
Բարև Ձեզ, հարգելի մասնագետներ։ ՀՀ աշխատանքային օրենսգրքի հետ կապված հարց ունեմ։ ՀՀ ԱՕ 84-րդ հոդվածի 14 կետ՝ աշխատանքային հարաբերությունների հետ կապված` գործատուի և աշխատողի կողմից միմյանց ծանուցելու եղանակները պետք է պարտադիր ներառվեն աշխատանքային պայմանագրում։ Ասացեք խնդրեմ՝ կոնկրետ ո՞րը պետք է ներառվի, յուրաքանչյուր հոդված իր ծանուցման եղանակներն ունի, հնարավո՞ր է արդյոք այդքանը ներառել։
Կանխիկի սահմանափակումների հետ կապված
Անի․
Բարև ձեզ, խնդրում եմ օգնել. կարո՞ղ է արդյոք կազմակերպությունը ֆիզ. անձի հետ կնքած քաղաքացիաիրավական պայմանագրով մատուցված 20 000 դրամ ծառայության վճարը վճարել կանխիկ եղանակով:
Միկրոձեռնարկատիրություն համարվելու վերաբերյալ
Գոհար․
Բարև ձեզ: 2 բաժնետեր ունեցող ՍՊԸ-ն՝ յուրաքանչյուրը 50% բաժնեմաս, կարո՞ղ է համարվել միկրոձեռնարկատիրություն, եթե չի գերազանցում 24 միլիոնը։
Ինչպե՞ս վարել անալիտիկ հաշվառում
Նոննա․
Բարև ձեզ: Հարկային օրենսգրքով նախատեսված անալիտիկ հաշվառումը վերաբերվու՞մ է արդյոք միկրոձեռնարկատերերին: Եվ եթե այո՝ ինչպե՞ս պետք է վարել այն:
Վճար 4% դրույքաչափով
Լիլիթ․
ԱԱՀ վճարողը շահութահարկ վճարելուց հետո վճարում է նաև ԱԱՀ-ի հարաբերությունը շրջանառությանը վճար 4% չափով։ Նմանատիպ հարկային վճար կա՞։ Եթե այո, ապա որտե՞ղ կարելի է այդ մասին կարդալ, ավելի ստույգ։
Սննդի շղթայի օպերատորի գրանցման վերաբերյալ
Լիլիթ․
Հարգելի հաշվապահներ,
Տնտեսվարողը զբաղվում է սպասքի ու տան պարագաների մանրածախ առևտրով, սակայն ՍՆՆԴԻ ՇՂԹԱՅԻ ՕՊԵՐԱՏՈՐԻ ԳՐԱՆՑՄԱՆ ՎԵՐԱԲԵՐՅԱԼ ծանուցում է ստացել հարկային տեսչությունից։ Արդյո՞ք պետք է գրանցվել, թե՞ ոչ։
Ձեռքբերում ՌԴ-ում
Աննա․
Բարև ձեզ, հարգելի հաշվապահներ։ Կազմակերպությունը աշխատում է շրջանառության հարկով։ Ռուսաստանից ֆիզ․ անձից ձեռք է բերում տրանսպորտային միջոց, որի համար պետք է վճարի կանխիկ գումար, կասե՞ք՝ սա ինչքանո՞վ է հակասում մեր կանխիկ գործարքների սահմանափակմանը։
ԱՁ եկամուտ
Եվա․
Խնդրում եմ կասե՞ք՝ ԱՁ իր ծառայության դիմաց ստացել է դոլլարով գումար, դա որպես անձնական եկամուտ կարո՞ղ է փոխանցել իր անձնական հաշվեհամարին, թե՞ պարտադիր պետք է ՀՀ դրամով փոխանցի, և եթե դժվար չէ՝ հղում կարո՞ղ եք տալ օրենքի կետին։
Երեխայի խնամքի նպաստ
Արփինե․
Ողջույն, ունեցել եմ ԱՁ, միաժամանակ ինքս եղել եմ գրանցված աշխատող։ Այժմ ինձ իմ հիմնական աշխատանքից կրճատել են, և ես այսօր դադարեցրեցի ԱՁ գործունեությունը։ Երեխաս 1.5 տարեկան է, եթե դիմեմ խնամքի նպաստի համար, կընդունվի՞ դիմումս, կարո՞ղ եմ ստանալ նպաստ մինչև երեխայի երկու տարեկան լրանալը։
Միկրոձեռնարկատեր ԱՁ մայրության նպաստ
Արևիկ․
Բարև ձեզ, հարգելի հաշվապահներ։ Ձեր օգնության կարիքն ունեմ. Անհատ Ձեռներեց եմ, աշխատում եմ միկրոձեռնարկատիրության դաշտում, չունեմ աշխատող և գտնվում եմ հղիության գրեթե 7-րդ ամսում։ Ինձ արդյո՞ք հասնում է Մայրության նպաստ, և պետք է կասեցնե՞մ գործունեությունս, ի՞նչ տեղեկանք պետք է ներկայացնեմ բուժ․ հաստատություն։