թղթակցություն

Լիլիթ.

Հարգելի գործընկերներ, խնդրում եմ օգնել լուծել այս խնդիրը։ Պայմանագրի համաձայն <<Լույս>> ԲԲԸ-ն իր ժամանակավորապես ազատ դրամական միջոցները տրամադրել է <<Քվանտ>> ՍՊԸ-ին որպես փոխառություն` 2 000 000 դրամ գումարով: Փոխառությունը տրամադրվել է 2016թ. փետրվարի 1-ից` 2 տարի ժամկետով, տարեկան 15% տոկոսադրույքով: Փոխառության հիմնական գումարի և տոկոսների մարումը կատարվել է միանվագ վճարման կարգով՝ փոխառության ժամկետի վերջում: Վճարված գումարները մուտքագրվել են <<Լույս>> ԲԲԸ-ի հաշվարկային հաշվին: Ձևակերպել գործարքը և ըստ տարիների ճանաչված տոկոսային եկամուտը: Ցույց տալ յուրաքանչյուր տարվա վերջին տրված փոխառության զուտ մնացորդը:

Անուշ.

Բարև ձեզ։ Կազմակերպության հիմնադիրը (տնօրենը) իրավունք ունի՞ կազմակերպության դրամարկղ մուտքագրել գումար՝ աշխատավարձ վճարելու նպատակով։

Եվ կազմակերպության տնօրենի կողմից հաշվին մուտքագրված փոխառությունը ինչպե՞ս է ձևակերպվում։

Անուշ.

Բարև ձեզ։ Կազմակերպությունը աշխատում է շրջ․ հարկի համակարգում։ Ինչպիսի՞ թղթակցություններով կարող եմ դուրս գրել անհուսալի կրեդիտորական և դեբիտորկան պարտքերը։

Մելինե.

Ողջույն, հարգելի հաշվապահներ։ Խնդրում եմ օգնել։ Մեր ՍՊԸ-ն զբաղվում է ծառայությունների մատուցմամբ։ Պայմանագիր կնքելով բիլայն ընկերության հետ իրենցից գնել ենք 100 սիմ քարտեր (1900դր. փաթեթ), գումարը փոխանցում ենք ամեն ամիս քանի հատ քարտ ակտիվացրել ենք, այդ չափով։ Իսկ իրենք էլ յուրաքանչյուր ամիս մեզ որոշակի գումար (միջնորդավճար) են փոխանցում դրա դիմաց։ Հիմա սրանց ձևակերպումները կօգնեք։ Շնորհակալ եմ։

Արեգա.

Հարցս ուղղում եմ գործող հաշվապահներին և կանխավ հայտնում շնորհակալություն:

Հարցի բովանդակությունը հետևյալում է. ԱԱՀ վճարող կազմակերպությունը 27.10.22թ. ԱԳԲԱ ԼԻԶԻՆԳ ՎԱՐԿԱՅԻՆ ԿԱԶՄԱԿԵՐՊՈՒԹՅԱՆ հետ կնքել է լիզինգի (վերականգնող էներգիայի ) պայմանագիր: Լիզինգի առարկա հանդիսացով առարկայի արժեքը կազմում է՝ 26 920 000 դրամ, 27.10.22թ. վճարվել է՝

ա. կանխավճար՝ 4 000 000դրամ,

բ. ապահովագրավճար՝ 116000 դրամ:

31.10.22թ ԱԳԲԱ ԼԻԶԻՆԳ ՎԿ դուրս է գրել հարկային հաշիվ՝ անվանումը Չափի միավ քանակը արժեքը ԱԱՀ ընդամենը՝

Մեկնարկային ամիս 1 3333333.3 666666.7 4000000

վարձավճար

վարձավճար ամիս 1 376114.1 75222.8 451336.9

Տոկոսագումար ամիս 1 40188.5 0 40188.5

ընդամենը 3749635.9 741889.5 4495525.4

Խնդրում եմ տալ բոլոր հաշվապահական ձևակերպումները։

Ալիսա.

1)Ձեռք են բերվել նյութեր 600.000 դրամի, վճարումը կատարվել է բանկային փոխանցմամբ։

2)60.000 դրամի նյութեր օգտագործվել են իրացման բաժնում։

3)Տրվել է կանխավճար 4000.000դր, որի դիմաց ձեռք է բերվել 7000.000դր ապրանքներ, մնացածը մնալով պարտք։

4)200.000 դր արժողությամբ նյութերը փոխանակվել են համարժեք ապրանքների հետ։

5)Ստացվել է կանխավճար 3000.000դր, որի դիմաց մատակարարվել է 3000.000դրամ արժողությամբ ապրանքները 4000.000դրամով, մնացածը մնալով պարտք։

Ինչպե՞ս ձևակերպեմ։

Գրիգոր.

Բարև Ձեզ: Խնդրում եմ գրեք բուհի դասախոսների աշխատավարձի (ծախսի հաշիվն է պետք) հաշվարկի հաշվապահական հաշիվների թղթակցությունը և քաղիրավական պայմանագրի դեպքում հաշվապահական հաշիվների թղթակցությունը:

Ֆիզիկական անձը ցանկանում է ՍՊԸ-ում ներդրում իրականանցնել։ Ինչպե՞ս կարելի է տալ հաշվապահական ձևակերպումները։

Հասմիկ.

Բարև ձեզ, հարգելի հաշվապահներ: «Դեբիտորական պարտքեր» հաշվում ինչպե՞ս ձևակերպել տրված և ստացված զեղչերը: Կանխավ շնորհակալություն:

Սոնա.

Բարև Ձեզ։ 3 տարվա ընթացքում կառուցված շենքի ամբողջական շահագործման հանձնումը ինչպե՞ս պետք է ձևակերպել։

Գրիգոր.

Հիմնադրամը (ԲՈՒՀ) պետ բյուջեից ստանում է անվճար սովորող ուսանողների կրթաթոշակը և ինքը վճարում ուսանողներին: Հարցս հետևյալն է. արդյո՞ք այդ ստացված և վճաված գումարները պետք է համարել հասույթ և ծախս: Երկու հաշվապահներ տարբեր կարծիքներ ունենք: Եթե այո, ապա ցույց ե՞նք տալիս ԱԱՀ-ի հաշվետվությունում, թե՞ միայն շահութահարկի հաշվետվության «այլ եկամուտներ» և «այլ ծախսեր» տողերում: Խնդրում եմ գրեք նաև հաշվապահական թղթակցությունները: Եթե կան հաշվապահներ, որոնք աշխատում են այդ ոլորտում, խնդրում եմ կիսվեք Ձեր փորձով: Շնորհակալություն:

Արմեն․

Դպրոցական տարիքի երեխա ունեցող աշխատակիցներին ընկերության ադմինիստրացիան որոշել է տրամադրել նյութական օգնություն։ Ինչպե՞ս ձևակերպել նյութական օգնության գումարները։

Մարի․

Բարև Ձեզ։ Խնդրում եմ օգնեք՝ ինչպե՞ս տամ հաշվապահական ձևակերպումը, երբ գործատուի հաշվին է վճարվել դրոշմանիշային վճարը:

Հայկ.

Բարև Ձեզ: Այսպիսի իրավիճակում եմ հայտնվել. 2021թ. ամբողջությամբ վճարվել է մեքենայի ԱՊՊԱ գումարը՝ հաշվարկային փաստաթղթի հիման վրա: Այս տարի այդ մեքենան օտարվել է: Ապահովագր. ընկերությունը վերահաշվարկի արդյունքում գումարի ավել մասը հետ է փոխանցել մեր բանկային հաշվին: Այդ գործարքը հաշվապահորեն ինչպե՞ս ձևակերպեմ: Նախապես շնորհակալություն։

Արև.

Բարև Ձեզ: ՍՊԸ-ն ձեռք է բերել է 3-րդ երկրից 2017թ-ի օգտագործված էքսկավատոր: Մատակարարի հաշիվ ապրանքագրում գինը նշված է 52մլն դրամ, գնահատողի կողմից գնահատվել է 61մլն դրամ, մաքսայինը ներմուծման արժեք սահմանել է 56 մլն դրամ: Խնդրում եմ օգնեք ձևակերպումների հարցում:

Անի.

Բարև ձեզ։ Կօգնե՞ք՝ ձևակերպում տալ.
1. Տնօրենը դրամարկղից գումար է վերցրել (անձնական ծախսերի համար)։
2. Դրամարկղից գումար է վերցվել ադմինիստրացիայի համար նախատեսված սուրճի գնման համար։