Քրիստինե․

Բարև Ձեզ: Մեր ՍՊԸ լիզինգով մեքենա է ձեռք բերել, ի՞նչ հաշվապահական ձևակերպումներ է անհրաժեշտ կատարել: Քանի որ մեքենայի սեփականության իրավունքը լիզինգ տրամադրող ընկերությանն է, ես չեմ կարող չէ՞ այն որպես հիմնական միջոց դիտել: Լիզինգի մարելու համար ամսական արված վճարումները, ապահովագրական վճարները, գույքահարկը ծախսերի մեջ կարո՞ղ եմ ներառել: Նշեմ, որ մեր ընկերությունը ԱԱՀ վճարող է: Շնորհակալություն:

Julia.

Բարև ձեզ, հարգելի հաշվապահներ, արդյո՞ք կարող է ԱԱՀ դաշտում աշխատող ՍՊԸ-ն զբաղվել տարբեր արտադրությամբ (լուսամուտ, խողովակ, նմուշարկման տարա և այլն)։

Ալլա․

Բարև ձեզ, հարգելի հաշվապահներ:

Խնդրում եմ օգնել հետևյալ հարցում: ՍՊԸ-ն, որն աշխատում է ԱԱՀ-ի դաշտում, իր տնտեսական գույքը անհատույց վարձակալությամբ հանձնել է ԱՁ-ին, որն աշխատում է շրջանառության հարկի դաշտում, հանրային սնունդ է կազմակերպում: Այս գործարքից ինչպիսի՞ հարկային պարտավորություններ է առաջանանում ՍՊԸ-ի մոտ։ ՍՊԸ-ն կարո՞ղ է ամորտիզացիա հաշվարկել։ Շնորհակալություն:

Աշոտ․

Բարև Ձեզ, եթե ԱԱՀ գումարը հաշվանցման ենթակա չէ (ՀԴՄ կտրոնով ձեռք է բերվել 30 000 դրամ արժեքով գործիք, որի 5 000-ը ԱԱՀ է), ի՞նչ ձևակերպում տալ, շնորհակալություն։

Կարեն․

Բարև Ձեզ։ Ֆիզ անձը երկու ամիս առաջ Ռուսաստանից մեքենա է ներմուծել, մաքսայինից ասել են, որ պետք է հարկ վճարի։ Ճի՞շտ եմ հասկանում, որ պետք է ԵՏՄ ներմուծման հայտարագիր ներկայացնի, և ինվոյսի արժեքի 20 տոկոսի համար ԱԱՀ վճարի։

Շուշանիկ․

Բարև ձեզ, հարգելի գործընկերներ, խնդրում եմ պատասխանել մի հարցի: Ընկերությունը զբաղվում է ներմուծմաբ՝ ներմուծում է ապրանքը Հայաստան և այնուհետև անմիջապես արտահանում ՌԴ, որի արդյունքում մնում է ԱԱՀ գերավճար ՀՀ տարածքում: Կարո՞ղ ենք այդ գերավճարը հետ վերադարցնել: Կանխավ շնորհակալ եմ։

Տավրոս․

ՌԴ քաղաքացին Բագրատաշենի անցակետում չի կարողացել ստանալ ԱԱՀ-ի չափով գումարը։ Մաքսային աշխատողը ասել է, թե ապրանքները պետք է լինեն փաթեթավորած և ինչ որ TAX FREE պիտակներով։ Փաթեթավորումը եղել է ապրանքի գործարանային տուփերով, որը մաքսայինի համար բավարար չի եղել։ Ո՞ր օրենքն է կանոնակարգում ապրանքի փաթեթավորումը TAX FREE-ի դեպքում։

Արսեն․

Բարև ձեզ։ ՌԴ-ից ներմուծողը շրջհարկով աշխատող ԱՁ է, ի՞նչ խնդիր կարող է լինել տվյալ ապրանքը ԱԱՀ-ով աշխատող խանութին մատակարարելուց։

Թ․

Բարև Ձեզ, փորձառու հաշվապահներ։ Խնդրում եմ պատասխանեք՝ եթե ԱՁ աշխատում է ԱԱՀ-ով, վարձակալությամբ տալիս է տեխնիկա, հիմա նոր տեխնիկա է գնում նորից, ԱԱՀ-ով աշխատող մեկ այլ կազմակերպությունից, այդ վճարած ԱԱՀ-ն կարո՞ղ է հաշվանցել, երբ այդ տեխնիկան էլ տա վարձակալությամբ, և դուրս գրի ԱԱՀ-ով հաշիվ։

Աննա.

Բարև Ձեզ, հարգելի հաշվապահներ։ Մի հարց կխնդրեի պարզաբանել. Ա կազմակերպությունը Բ կազմակերպությանը գործակալական պայմանագրով տալիս է ապրանք վաճառի։ Գործակալը ապրանքը վաճառում է իր անունից։ Հասկանալի է, որ գործակալ հանդես եկող ընկերությունը պետք է գործի ԱԱՀ-ի դաշտում, իսկ պրինցիպալ հանդես եկող կազմակերպությունը, եթե դիմացի կողմի հետ գործակալը գործարքն անում է իր անունից (հդմ-ով վաճառք է իրականցնում, ամսվա վերջում հաշվետվությամբ ցույց տալիս վաճառքը, որի համար դուրս է գրվում հաշվարկային փաստաթուղթ)։ Արդյո՞ք ճիշտ է։

Կարինե.

Ձևակերպել հիմնական միջոցների՝ որպես վաճառքի համար պահվող դասակարգումը, իրական արժեքով վերաչափումը և դրանց վաճառքի հետ կապված գործառնությունները։ Որոշել և ձևակերպել վաճառքից շահույթը կամ վնասը։

Տվյալներ․

Հաստոցների սկզբնական արժեքը 600․000 դրամ, օգտակար ծառայությունը սահմանվել է 5 տարի, մնացորդային արժեքը 0, մաշվածությունը հաշվարվել է գծային մեթոդով։ Ձեռքբերումից երկու տարի անց հաստոցները վերադասակարգվել են որպես վաճառքի համար պահվող։ 6 ամիս հետո կատարվել է դրանց վերաչափումն իրական արժեքով՝ հանած վաճառքի ծախսումները, որոնք սահմանվել է 380․000 դրամ։ Տարվա վերջում հաստոցները վաճառվել են 420.000 դրամով՝ գումարած ԱԱՀ։ Վաճառքից գումարը ստացվելու է առաջիկա ամսվա ընթացքում: Դրամարկղից վճարվել է միջնորդավճար հաստոցների վաճառքի համար՝ 9600 դրամ, ներառյալ՝ ԱԱՀ-ն։

Կարեն.

Բարև Ձեզ։ Կխնդրեի ասեք՝ ԼՂՀ-ից ստացված հաշիվների ԱԱՀ-ի հաշվանցման կարգը, և ո՞ր օրենքը կարդամ դրա հետ կապված։

Արեն.

Բարև ձեզ, հարգելի հաշվապահներ: ՀՀ ռեզիդենտ կազմակերպությունը Ղազախստանի Հանրապետության ռեզիդենտ կազմակերպությունից ձեռք է բերել ծրագրի օգտագործման իրավունք: Ղազախստանի Հանրապետության կազմակերպությունից ստացել են ռեզիդենտությունը հավաստող տեղեկանք: Այդ տեղեկանքը բավարա՞ր է արդյոք ոչ ռեզիդենտի շահութահարկից ազատվելու համար։ Նաև հավելյալ հարց, եթե ծրագրի օգտագործման իրավունքը տրամադրվել է 8 ամիս ժամկետով, ոչ ռեզիդնետի ԱԱՀ-ի մասով մատակարարի անունից հաշիվ դուրս գրել և ԱԱՀ վճարել, կարո՞ղ ենք 8 ամսյա ժամկետը, երբ ավարտվի այդ ժամանակ կատարել։

Տիգրան․

Հարգելի հաշվապահներ, խնդրում եմ հայտնել Ձեր կարծիքը հետևյալ հարցի վերաբերյալ: ՏՏ ոլորտում գործող ՀՀ կազմակերպությունը, ով գործում է հարկման ընդհանուր համակարգում և ունի ՏՏ ոլորտի հավաստագիր, ծառայություններ է մատուցում օտարերկրյա կազմակերպություններին և, քանի որ ՀՀ-ից դուրս է ծառայության մատուցումը, ԱԱՀ-ի զրոյական դրույքաչափ է կիրառվում: Միաժամանակ կազմակերպությունը ՀՀ-ում տարածքի վարձակալությունից վարձակալան վճար է վճարում ՀՀ ռեզիդենտ ԱԱՀ վճարող հանդիսացող կազմակերպությանը և ներկայումս կուտակել է ԱԱՀ-ի դեբետ: Հարցս հետևյալն է՝ արդյո՞ք հնարավոր է կուտակված ԱԱՀ-ի դեբետը հետ ստանալ և եթե հնարավոր է՝ ի՞նչ կարգով է դա լինելու։

Ջուլիա․

Բարև ձեզ, հարգելի հաշվապահներ։

Ա/Ձ-ն սույն թվականի մարտին 3-րդ երկրից գնել է էքսկավատոր, որը ԱԱՀ-ից ազատված գործարքների մեջ էր, սակայն Ա/Ձ-ն ավտոմատ ընկել է ԱԱՀ հարկման դաշտ, խնդրում եմ ասեք՝ տվյալ պարագայում ինչպե՞ս կարելի է էքսկավատորը հանել Ա/Ձ վրայից, և ի՞նչ հարկային պարտավորություններ կառաջանան։

Կարեն․

Բարև Ձեզ։ Ընկերությունը աշխատում է ԱԱՀ-ով, ունի մեքենաներ, որոնք ցանկանում է վաճառել։ 1-ին մեքենային մնացել է 500 000 ՀՀ դրամ, որպեսզի մաշվի, այն պետք է վաճառի 1 500 000 ՀՀ դրամով։

2-րդ մեքենան ամբողջությամբ մաշվել է, պետք է վաճառի 1 000 000 ՀՀ դրամով։

Կասե՞ք՝ որքա՞ն ԱԱՀ և շահութահարկ պետք է վճարել։

Կարեն․

Բարև Ձեզ։ Ընկերությունը իր տարածքում կատարում է շինարարական աշխատանքներ, որի համար օգտագործվող շինանյութի համար հարկային հաշիվներ է ստանում։ Կասե՞ք՝ այդ հարկային հաշիվներում ստացված ԱԱՀ-ն կարո՞ղ եմ հաշվանցել, և ծախս ճանաչելու համար ինչպե՞ս պետք է փաստաթղթավորեմ։

Լիանա․

Բարև Ձեզ։ Ա/Ձ-ի (ԱԱՀ վճարող) գործունեությունը դադարեցվել է, հաշիվը փակվել։ Առկա է ԱԱՀ-ի դեբետային մնացորդ, որն առաջացել է հաշիվների ճշգրտումից։ Ինչպե՞ս կարող ենք գումարը հետ ստանալ։

Վազգեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում։ Եթե ՀՀ կազմակերպությունը ՀՀ-ում մշտական հաստատություն չունեցող ոչ ռեզիդենտ կազմակերպությունից ձեռք է բերել ծրագրի օգտագործման իրավունք, 1 տարի ժամկետով եւ վճարել այդ գործարքի ամբողջ գումարը ստացված վճարային հաշվի հիման վրա 10 000 $։ Տվյալ գործարքը հանդիսանու՞մ է ոչ նյութական ակտիվի ձեռքբերում։

Եթե ոչ նյութական ակտիվ է, ինքնահաշիվ պե՞տք է գրվի, թե՞ ոչ։ Եթե այո, ապա ե՞րբ գրել ինքնահաշիվը։ Օրենսգրքի համաձայն ծառայության մատուցման պահ է հանդիսանում ծառայություն մատուցողի կողմից ոչ նյութական ակտիվի սեփականության իրավունք փոխանցումը ծառայություն ստացողին, արդյո՞ք կարող եմ ստանալուց մեկ տարի անց գրել ինքնահաշիվ։ ԱԱՀ տույժեր կառաջանա՞ն, թե՞ ոչ։

Ըստ հարկային օրենսգրքի՝ եթե հնարավոր չէ դուրս գրել ինքնահաշիվ, ապա հարկ վճարողը ինքնահաշիվը կարող է գրել հաշվարկային կամ վճարային փաստաթուղթը փաստացի ստանալու օրը, տվյալ դրույթը ո՞ր դեպքերի համար է, և եթե փաստացի փոխանցվել է 10 000$ գործարքի գումարի մասով ոչ ռեզիդենտ կազմակերպությանը, արդյունքում 20 տոկոս պակաս պետք է փոխանցվի որպես հարկային գործակալ, տվյալ դեպքում ոչ ռեզիդնետը պարտավո՞ր է հաշիվ ուղարկել 10 000+20%, որի հիման վրա գրվի ինքնահաշիվը, թե՞ ոչ։ Եվ տվյալ նկարագրված դեպքում կարո՞ղ եմ ոչ նյութական ակտիվի մաշվածք հաշվարկել և ծախսագրել ստացման օրվանից, թե՞ ոչ։ Շնորհակալություն։

Կարեն․

Բարև Ձեզ։ ԱԱՀ-ով աշխատող ՍՊԸ-ն ցանկանում է գումար տալ իր աշխատակցին 1 600 000 ՀՀ դրամի չափով։ Եթե դա ձևակերպեմ որպես հավելավճար աշխատավարձ, պետք է հարկվե՞մ 25 տոկոսի չափով։ Կարո՞ղ եմ արդյոք դա ձևակերպել որպես փոխառության տրամադրում։ Այդ դեպքում պե՞տք է 16,67 տոկոսի չափով ԱԱՀ վճարե՞մ։

Paloma.

Good evening,

I’d be grateful if you could answer to my below questions:

1. If my company is buying Armenian products with VAT from Armenian company and when my company exports those products, how is the procedure to ask the VAT back (which I have paid)?

2. How long it will take to get the VAT back?

Thanks.

Ռուբեն․

Բարև ձեզ, հարգելի հաշվապահներ։ ՀՀ ռեզինդենտ կազմակերպությունը Ղրղզստանի կազմակերպությունից ստացել է թույլտվություն ՝ օնլայն հարթակի մուտքի, որի դիմաց վճարվել է գումար։ Տվյալ օնլայն հարթակի մուտքի համար ՀՀ ռեզիդենտ կազմակերպությանը էլ․ փոստով ուղարկվել է կոդեր օնլայն հարթակի մուտքի համար։ ՀՀ ռեզիդենտ կազմակերպությունը տվյալ օնլայն հարթակի միջոցով այլ օտարերկրյա կազմակերպություններին պետք է մատուցի էլեկտրոնային ծառայություններ։ Թույլտվության ժամկետը սահմանված է մեկ տարի։ Խնդրում եմ պատասխանել հետևյալ հարցերի։

Հարց 1․ այս գործարքը կդիտվի՞ որպես ՀՀ-ում մշտական հաստատություն չունեցող ոչ ռեզիդնետ կազմակերպության կողմից ՀՀ կազմակերպությանը ծառայության մատուցում։ Եթե այո, ապա արդյո՞ք պետք է ՀՀ կազմակերպությունը դուրս գրի ինքնահաշիվ

Հարց 2․ Ռեզիդենտության տեղեկանքը պահանջել և ստացել է ՀՀ ռեզիդենտ կազմակերպությունը։ Այս փաստաթուղթը բավարա՞ր է որպես հարկային գործակալ ոչ ռեզիդնետի շահութահարկի վճարումից ազատվելու համար

Հարց 3․ Եթե ծառայության մատուցման ավարտը մեկ տարի հետո է, եթե ինքնահաշիվը գրվի հաջորդ տարի, արդյո՞ք շահութահարկի մասով ծախսագրման խնդիրներ կարող ենք ունենալ։ Նշեմ, որ ՊԵԿ պարզաբանմամբ տվյալ գործարքը շահութահարկի տեսանկյունից դիտվելու է որպես ոչ նյութական ակտիվ

Հարց 4․ ԱԱՀ-ի հաշվետվության մեջ ե՞րբ և ինչպե՞ս արտացոլել տվյալ գործարքը

Տիգրան․

Բարև ձեզ: ԱՁ եմ, աշխատում եմ ՏՏ ոլորտում, մատուցում եմ ծրագրային ապահովում և մշակում ոչ Հայաստանում գտնվող կազմակերպությանը։ Մինչև 2023թ․ աշխատել եմ շրջանառության հարկով։ Չեմ իմացել, որ օրենքով սահմանված ժամկետներում պետք է ներկայացնեի հաշվետվություն, որպեսզի շարունակեմ շրջանառության հարկով հարկվելը։ Հիմա հարկվում եմ ԱԱՀ–ով։ Հարց․ իմ պարագայում ես ընկնու՞մ եմ ԱԱՀ-ի 0-ական դրույքաչափով հարկվող դաշտում, թե՞ ոչ՝ ըստ Օրենսգրքի 65-րդ հոդվածի 2 մասի 11-րդ կետի։ Շնորհակալություն։

Կարեն․

Բարև Ձեզ։ ԱՁ-ն 2022 թվականի 1-ին եռամսյակին աշխատել է շրջ հարկով, այնուհետև ապրիլ ամսին անցել է ԱԱՀ, 2023 թվականին կրկին սկսել է աշխատել շրջ հարկի դաշտում։

Հարց․ 2023 թվականին առաջին եռամսյակի հաշվարկում 2022 թվականին 1-ին եռամսյակի հաշվարկով առաջացած փոխհատուցվող գումարը կներառվի՞, թե՞ ոչ։ Կասե՞ք, թե որ հոդվածով է կարգավորվում այս հարցը։

Հայկ․

Բարև ձեզ, հարգելի մասնագետներ: Մարտ ամսվա համար ներկայացրել եմ ԱԱՀ հաշվարկ, և հաշվանցել եմ մարտ ամսվա ձեռքբերումների ԱԱՀ-ն, սակայն ինվոյսինգում այդ հաշիվները մի քանի օր անց եմ հաստատել: Օրենքի խախտում կա՞, և ինչպե՞ս կարելի է շտկել: Շնորհակալություն։

Պավել․

Բարև ձեզ: ՍՊԸ-ն գրանցվել է 2023թ. մարտին, աշխատելու է ԱԱՀ-ի դաշտում, բայց գործունեություն դեռ չի իրականացնում: Գրանցված է միայն տնօրենը, որը հանդիսանում է ՌԴ քաղաքացի: Խնդրում եմ պարզաբանեք. 2023թ. I եռամսյակի և 2023թ. մարտ ամսվա համար ի՞նչ հաշվետվություններ են պետք ներկայացնել հարկային մարմին: ԱԱՀ-ի մասով ներկայացվել է 264. Հայտարարություն` ԱԱՀ վճարող համարվելու և որպես ԱԱՀ վճարող հաշվառվելու վերաբերյալ, 260. Ավելացված արժեքի հարկի և ակցիզային հարկի միասնական հաշվարկ (2020 թ․-ից) (զրոյական): Իսկ ին՞չ հաշվետվություն պետք է ներկայացվի տնօրենի համար: Կանխավ շնորհակալություն:

Լիլիթ․

Բարի օր, հարգելի հաշվապահներ։ ԱԱՀ վճարող ՍՊԸ-ն մերմուծում է էլեկտրոմոբիլներ, վաճառքի նպատակով, վաճառելու է ֆիզ․ անձի։ Քանի որ էլեկտրոմոբիլները ազատված են ԱԱՀ-ից, այժմ պետք է հաշիվ վավերագիր դուրս գրել։ Հարցս․ ֆիզ անձը փոխանցում է մեքենայի գումարը, տեղափոխման գումարը և ընկերության շահույթը։ Հաշիվ վավերագրում դուրս է գրվում ամբողջը, թե՞ միայն էլեկտրոմոբիլի գումարը։ Շնորհակալություն։

Գտնել բեռնափոխադրող ընկերություն

Քրիստինա․

Բարև ձեզ։ Եթե շրջ․ հարկից անցում ենք կատարում ԱԱՀ-ի դաշտ ու եթե պահեստում ունենք ապրանքներ, որ ձեռք են բերվել ԱԱՀ-ով և ներառված են ինքնարժեքում (շրջ․ հարկի ժամանակ), կարո՞ղ եմ ԱԱՀ-ն վերականգնեմ վաճառքի ժամանակ։

Քրիստինա․

Բարև Ձեզ, հարգելի կոլեգաներ, էսպիսի հարց՝ եթե ձեռք է բերվել ապրանք, որը չի վաճառվելու, այլ օգտագործվելու է օֆիսում, ապա ձեռքբերումից առաջացած ԱԱՀ-ի դեբետը չե՞մ կարող հաշվանցել, ինչպե՞ս վարվել։

Ալլա․

Բարև Ձեզ, հարցս հետևյալն է․ ԱԱՀ-ով աշխատող կազմակերպությունը իրեն սեփականության իրավունքով պատկանող տարածքը տվել վարձակալության: Այդ տարածքի հոսանքի ու ջրի հարկային հաշիվները գրվում են վարձատուին, և վարձատուն ամեն ամիս կոմունալ ծախսերի փոխհատուցման նպատակով հարկային հաշիվ է դուրս գրում վարձակալին: Այս տարվանից համատիրությունից վարձատուն այդ տարածքի համար սկսել է առանց ԱԱՀ-ի հաշիվ ստանալ, և հարց է առաջացել՝ այդ առանց ԱԱՀ հաշիվը վարձատուն ինչպե՞ս պետք է դուրս գրի վարձակալից այդ գումարը հետ ստանալու համար: Պայմանագրով ֆիքսված է, որ բոլոր տեսակի վճարները՝ հոսանք, ջուր, աղբ, համատիրություն, վճարում է վարձակալը , բայց ԱԱՀ-ով աշխատող կազմակերպությունը կարո՞ղ է առանց ԱԱՀ հաշիվ դուրս գրել։

Գայանե․

Բարև Ձեզ։ Եթե ԱՁ տարվա կեսից դարձել է ԱԱՀ վճարող և պետք է ներկայացնի շահութահարկի հաշվարկ, ընտրում է ԱՁ նոտար բաժինը, թե՞ դա միայն նոտարներին է վերաբերում։

Կարեն․

Բարև Ձեզ։ ԱԱՀ-ով աշխատող Կազմակերպությունը լիզինգով ստացել է հիմնական միջոց, որի դիմաց լիզինգատուն գրել է լիզինգի հանձնման ընդունման ակտի հաշիվ։ Կապիտալ գումարը (առանց ԱԱՀ) 70 000 000 է, որը ձևակերպել եմ դ․տ 119 կտ 413։ Ամեն ամիս լիզինգատուն հաշիվ է գրում, որի մեջ ներաված է վարձավճարը, որի ընդհանուր գումարը ես արդեն ձևակերպել եմ, ինչպես նաև տոկոսագումարը։ Օրինակ, առաջին ամսվա համար գրվել է՝ 845 000 ՀՀ դրամ ԱԱՀ-ով վարձավճար և տոկոսագումար առանց ԱԱՀ 984 600 ՀՀ դրամ։ Հարց։ Այդ հաշիվները ո՞նց ճիշտ մուտքագրեմ և ի՞նչ գործառնություններ տամ։

Հասմիկ․

Բարև Ձեզ, խնդրեմ կասե՞ք՝ եթե բեռնատար մեքենա ենք ներմուծում Վրաստանից՝ իրացման նպատակով, հաշվանցվու՞մ է ԱԱՀ։

Աստղ․

Խնդրում եմ պատասխանել՝ ճի՞շտ եմ հասկանում․

ԱԱՀ–ով աշխատող կազմակերպությունը ստացել է ծրագրային ապահոմվան ծառայություններ ոչ ռեզիդենտ ընկերությունից: Այս դեպքում պե՞տք է կատարել հետևյալ քայլերը.

1) դուրս ենք գրում ինքնահաշիվ (հարկային հաշիվ մատակարարի անունից՝ դուրսգրման նախորդ օրվա ՀՀ ԿԲ-ի փոխարժեքով)

2) եթե ունենք կրկնակի հարկման համաձայնագիր, և ներկայացնում է ռեզիդենտության տեղեկանք, ներկայացնում ենք ոչ ռեզիդենտի շահութահարկի հաշվետվություն, սակայն դրանից հարկ չի առաջանում

3) ԱԱՀ-ի հաշվետվության մեջ ինքնահաշվի մասով և դեբետ է առաջանում և կրեդիտ, որը հաշվանցվում է և դառնում 0

Հասմիկ․

Բարև ձեզ։ ԵՏՄ ապրանք արտահանելիս օրենքի ո՞ր կետով է ընկերությունը պարտավոր պահանջել ԱԱՀ վճարումը հավաստող տեղեկանք։ Եթե ապրանքը վաճառել է ֆիզ անձի, կա՞ արդյոք այդ պահանջը։

Աննա․

Հարգելի հաշվապահներ, ՍՊԸ, որն աշխատում է շրջանառության հարկով, ցանկանում է ձեռք բերել ոչ վաճառքի նպատակով ԵՏՄ-ից ՆԵՐՄՈՒԾՎՈՂ` ԱԿՑԻԶԱՅԻՆ ՀԱՐԿՈՎ ՀԱՐԿՄԱՆ ՈՉ ԵՆԹԱԿԱ ԱՊՐԱՆՔ, ՈՐՈՆՑ ՆԵՐՄՈՒԾՈՒՄՆ ԱԶԱՏՎԱԾ Է ԱՎԵԼԱՑՎԱԾ ԱՐԺԵՔԻ ՀԱՐԿԻՑ։ Կասե՞ք խնդրեմ՝ եթե ՍՊԸ ԱԱՀ վճարող չէ, կարո՞ղ է օգտվել այս պայմանից, թե՞ պետք է ամպայման լինի ԱԱՀ վճարող։

Թինա․

Բարև Ձեզ։ ԵՏՄ երկրներից ձեռքբերված ծառայություններն ինչպե՞ս ենք ձևակերպում ԱԱՀ հաշվետվության և ոչ ռեզիդենտի շահութահարկի առումով: Պե՞տք է գրել ինքնահաշիվ, գումարը հարկե՞լ։

Թինա.

Բարև Ձեզ, հարգելի հաշվապահներ։ ԵՏՄ երկրներց ստացված ՏՏ ծառայությունները հարկային առումով ի՞նչ պարտավորություն է առաջացնում հաշվետվության և վճարների տեսանկյունից։ ԱԱՀ-ով աշխատող ընկերություն ենք։ Խնդրում եմ հղում տալ օրենքի հոդվածներին։ Շնորհակալ եմ պատասխանների համար։

Մելիք․

Բարև Ձեզ, սիրելի հաշվապահներ։ Մոռացել եմ շրջանառության հարկ վճարող համարվելու դիմումը ուղարկել, և Ա/Ձ-ն հայտնվել է ԱԱՀ դաշտում։ Հունվարին դուրս եմ գրել հաշիվ վավերագիր՝ համարելով շրջանառության հարկով հարկվող, ինչպես նաև ՀԴՄ կտրոններում չեմ առանձնացրել 16,67% ԱԱՀ-ն և ԱԱՀ-ից ազատված գործարքները։ Տվյալ պարագայում ինչպե՞ս վարվել և ինչպե՞ս լրացնել ԱԱՀ հաշվարկը։

Մելինե․

Բարև ձեզ, կհուշե՞ք խնդրում եմ․

1. Եթե կազմակերպությունը ծառայություն է մատուցում կամ ստանում, և գումարը փոխանցվում (ստացվում) է մինչև հաշիվ դուրս գրելը կամ ստանալը, դա պետք է որպես ստացված կամ տրված կանխավճար ձևակերպել, և հետո նո՞ր միայն ծախսագրել կամ եկամուտներում ճամաչել, թե՞ կարելի է միանգամից։

2․ Եթե մեր դուրս գրված հաշիվները դիմացի կողմը չի ստորագրել արդեն 2 ամիս է, ԱԱՀ-ի հաշվարկում ներառվելու՞ է հարկման բազայում, թե՞ ոչ։ Շնորհակալություն։

Մարիաննա․

Բարև ձեզ։ Ընկերությունը հանդիսանում է ներմուծող, նաև մանրամեծածախ վաճառող։ Ապրանքները ներմուծելիս մաքսազերծման ժամանակ ընկերությունը վճարում է ԱԱՀ։ Այդ ապրանքները հետո վաճառելիս ընկերությունը պետք է նորի՞ց վճարի ԱԱՀ ամբողջ վաճառված ապրանքի գումարի չափով, թե՞ տարբերության մասով ((վաճառքի գին – ինքնարժեք) x 20%)։ Նաև կարո՞ղ եք տեղեկությունով կիսվել վերադարձվող ԱԱՀ-ի մասին։ Շնորհակալ եմ։

Վահե․

Բարև Ձեզ, խնդրում եմ հնարավորության դեպքում օգնել պարզաբանել՝ արդյո՞ք ՍՊԸ-ն կհամարվի ԱԱՀ վճարող, եթե ԱԱՀ շեմը չի անցել, բայց միակ բաժնետեր ու տնօրեն հանդիսացող անձը որպես ֆիզիկական անձ ստացել է ՀՎՀՀ, որպեսզի բնակարանի վարձակալության դիմաց ստացված եկամուտներից եկամտային հարկ վճարի, պայմանագիրն էլ գրանցվի կադաստրում։ Շնորհակալություն։

Թամարա.

Բարև Ձեզ, հարգելի հաշվապահներ։ Ասացեք խնդրեմ, եթե շրջ. հարկով աշխատող Ա/Ձ դեկտեմբերին աահ-ով է աշխատել, շահութահարկի հաշվարկում 8 -րդ բաժինը լրացնու՞մ է, թե՞ ոչ։ Եվ ի՞նչ տուգանք է սահմանված այդ 1 ամիսը դրամարկղի գիրք չվարելը կամ գիրք չունենալը։ Շնորհակալություն։

Երվանդ․

Բարև Ձեզ, սիրելի հաշվապահներ: Հարցս հետևյալն է՝ Ա/Ձ-ն 2022 թվականի տարվա սկզբից համարվել է միկրոձեռնարկության աշխատող, սակայն 2022թ հուլիսից գերազանցել եմ 24 միլիոն ՀՀ դրամը և շրջանարության հարկի դիմում չեմ տվել: ՊԵԿ-ից ծանուցում եմ ստացել, որ 2022թ-ի համար ԱԱՀ հաշվետվություն ներկայացնեմ: Ես ուզում եմ հասկանալ՝ ԱԱՀ հաշվետվությունը պետք է ներկայացնել 24 միլոնը գերազանցելուց հետո՞, թե՞ ամբողջ 2022 թ-ի համար:

Նորա.

Բարև Ձեզ։ ՍՊԸ, որը աշխատելու է ավելացված արժեքի հարկով, երրորդ երկրից ներմուծել է ավտոմեքենա, որը վաճառելու է Ռուսաստանի դաշնությանը։ Ի՞նչ հարկեր են վճարվելու և ինչպե՞ս են հաշվարկվում։

Գտնել բեռնափոխադրող ընկերություն

Անի․

Բարև Ձեզ, հարգելիներս։ Խնդրում եմ օգնել Wildberries-ում վաճառողի հաշվառման հարցերում։ ԱՁ–ն դեռ չի բացվել, պլանավորում է իրականացնել օնլայն վաճառք Wildberries–ում։

1) Այս դեպքում վաճառողը ԱԱՀ, թե՞ շրջհարկի հայտ պիտի տա (կարո՞ղ եք օրենսգրքից հղում տալ):

2) Ամեն վաճառքից հետո e-invoicing-ով մատակարարի անունից պիտի՞ հաշիվ գրենք ֆիզ անձի անունով

3) Եթե վաճառքները (օնլայն գնորդները) նաև ՌԴ–ում են լիելու, ապա դա դիտարկվելու՞ է որպես արտահանում

4) Իսկ ինչու՞ պետք է հաշիվ գրենք Wildberries–ին (ինչպես նշված էր բազմաթիվ մեկանաբանությունում)։

5) Wildberries-ից առանձին թղթային հաշիվներ ստանալու դեպքում պե՞տք է գրվի ինքնահաշիվներ

Այս հարցում փորձառու ընկերներ Խնդրում եմ օգնեք։

Գոհար․

Բարև Ձեզ։ ԵՏՄ-ից ներմուծվել են հիմնական միջոցներ, որոնց տեղափոխումը իրականացրել է բեռնափոխադրող ընկերությունը: Ներկայացված ներմուծման հարկային հայտարարագրի համաձայն կատարվել է ԱԱՀ-ի վճարում: Ի՞նչ հաշվապահական ձևակերպումներ են տրվելու հիմնական միջոցների ձեռք բերման, ԱԱՀ-ի հաշվարկման և վճարման, բեռնափոխադման ծառայության դիմաց վճարման համար: ՍՊԸ-ն ԱԱՀ վճարող է:

Էլինա․

Հարգելի հաշվապահներ, խնդրում եմ հուշել՝ ԱԱՀ հետաձգում հասկացությունը ի՞նչ գործողություններ է պահանջում։ Խոսքը գնում է 2021թվականին ներմուծված որպես ՀՄ համակարգիչների մասին (8471 կոդով) ։ Ներմուծելու պահին ԱԱՀ չի վճարվել, պահանջ չի եղել։ Ենթադրել եմ, որ դա մեխանիկորեն է կատարվում։ Մաքսայինի թեժ գծի հետ խոսալուց, եթե ճիշտ հասկացա, պարզվում է, որ դիմում պիտի գրվեր, որպեսզի ԱԱՀ պարտավորությունը համարվեր հետաձգված։ Եվ հիմա, քանի որ դիմում չի գրվել, դա դուրս է գալիս, որ չկատարած հարկային պարտավորություն է, և պիտի գանձվի տույժերով ներառյալ, բայց միասնական հաշվում չունեմ ԱԱՀ մասով պարտավորություն։ Խնդրում եմ՝ ով ունեցել է ԱԱՀ-ի հետաձգման փորձ, արձագանքել, կանխավ շնորհակալ եմ։

Կարեն․

Բարև Ձեզ։ ԱԱՀ-ով աշխատող ԱՁ-ն լիզինգով ստացել է հիմնական միջոց։ Գույքի ձեռքբերման գինը՝ 57 600 000, կանխավճարի չափը՝ 5 760 000, պայմանագրի գումարը՝ 51 840 000։ Լիզինգային ընկերությունից ստացել ենք հարկային հաշիվ՝ վարձավճար 594 900 ներառյալ ԱԱՀ և տոկոսագումար 677 000 առանց ԱԱՀ։ Որ խնդրեմ՝ կասե՞ք, թե հաշվապահական ի՞նչ ձևակերպումներ պետք է տրվի։