մատակարարման ամսաթիվ

Լիլիթ․

Եթե հաշիվ վավերագրով ապրանքի առաքումը լինում է օրինակ 30․08, բայց հաշիվը դուրս է գրվում 01․09, դա սխալ կհամարվի՞, թե՞ ոչ։

Անահիտ․

Հարգելի գործընկերներ, ի՞նչ պատասխանատվություն է կիրառվում այն դեպքում, երբ ապրանքների մատակարարման հարկային հաշվում նշված դուրսգրման ամսաթիվը 1 օր ուշ է մատակարարման ամսաթվից։

Հասմիկ․

Բարև Ձեզ, հարցս հետևյալն է․ “Ա” կազմակերպությունը սարքավորումների տեղադրման հարկային հաշիվ է դուրս գրում “Բ” կազմակերպությանը, սարքավորումները ձեռք է բերել “Ա” կազմակերպությունը, սակայն դուրս է գրել “Ծառայությունների մատուցման, աշխատանքների կատարման հարկային հաշիվ”, մատակարարման ամսաթիվը ավելի վաղ է, քան դուրս գրման ամսաթիվը։ Մատուցման հասցեն նույնն է։ “Լրացուցիչ տվյալներ” դաշտում նշվել են, թե ինչ նյութեր և սարքավորումներ են օգտագործվել աշխատանքների ընթացքում։ Արդյո՞ք ամենը ճիշտ է արված։

Հասմիկ․

Ապրանքների մատակարարման հարկային հաշիվը սխալմամբ գրվել է հաջորդ օրվա մատակարարման ամսաթվով, ընդ որում հաշվում կա նաև ծառայություն պարունակող տող։ Ինչ որ խնդիր կարո՞ղ է առաջանալ, անհրաժեշտություն կա՞ հաշիվը չեղյալ անելու, և էդ դեպքում ի՞նչ մատակարարման ամսաթվով պետք է դուրս գրել նորը:

Տաթև․

Բարև Ձեզ։ Հոկտեմբերի 4-ին դուրս է գրվել հաշիվ վավերագիր Օգոստոսի 14-ին մատուցած ծառայության համար ( որում առաքման ամսաթիվը նշվել է Օգոստոսի 14 )։ Հարց – շրջհարկի հաշվետվությունում սա պետք է ներառվի 3-րդ եռամսյակի մեջ՝ ըստ առաքման թվի, թե՞ 4-րդ եռամսյակի մեջ՝ ըստ հաշվի դուրս գրման ամսաթվի։ Նշեմ, որ գումարը ստացվել է Օգոստոսին։ Շնորհակալ եմ։

Սաթեն․

Հարգելի հաշվապահներ, հաշիվ վավերագրի (ծառայություն) դուրս գրման ամսաթիվը 29.12.22, իսկ մատակարարման ամսաթիվը 01.01.23։ Հաշիվը ո՞ր տարում ծախսագրեմ (աշխատում ենք ԱԱՀ-ով):

Հայկ.

Բարև Ձեզ: 2022թ. դեկտեմբերի համար ԱԱՀ հաշվարկ եմ լրացնում, ունեմ 03.01.2023թ. ամսաթվով ստացված հարկային հաշիվներ, որոնց մատակարարման ամսաթիվը սակայն 2022թ. դեկտեմբերին է վերաբերում: Հարկայինի ծրագիրը ավտոմատ լրացնելիս այդ հաշիվների գումարը չի ներառում , ի՞նչն է պատճառը: Խնդիր կլինի՞, եթե ես ձեռքով փոխեմ գումարը : Նախապես շնորհակալություն։