Գրիշա.
Ես 75 տարեկան եմ։ Թոշակի անցել եմ 2011 թվականի հունիսի 20֊ին։ Աշխատանքային ստաժը կազմել է 43 տարի 5 ամիս 24 օր։ Եվ շարունակել եմ աշխատել մինչ 2022 թվականի ապրիլի 15 ներառյալ։ Ստաժը կազմում է 54 տարի 5 ամիս 19 օր։ 5 ամիս 19 օրը մնացել է, որպես պոչ և ֆինանսական հաշվարկին չի մասնակցել։ ԻՆՉՈ՞Ւ
ներկայացրեք նորից վերահաշվարկի դիմում,իսկ ինչու պետք է սոցապից պատասխանեն,եթե գրանցված աշխատող եք եղել դա պետք է հաշվի առնվեր,
Համաձայն «ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՊԵՏԱԿԱՆ ԿԵՆՍԱԹՈՇԱԿՆԵՐԻ ՄԱՍԻՆ» ՀՀ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎԵԼՈՒ ՄԱՍԻՆ» որոշման հավելված 2-ի՝ կենսաթոշակի չափը հաշվարկելիս (վերահաշվարկելիս)` աշխատանքային ստաժի հանրագումարի մեջ (տարի, ամիս, օր) մինչև 6 ամսվա (180 օրվա) ժամանակահատվածը չի հաշվառվում, իսկ 6 ամսվանից ավելի ժամանակահատվածը հաշվառվում է որպես մեկ տարվա ստաժ:
Այսինքն Ձեզ ընդամենը պակասում է 11-12 օր, որպեսզի Ձեր նշած 5 ամիս 19 օր «պոչը» դառնա 6 ամիս և Ձեր ստաժը ավելանա 1 տարով:
Եթե հնարավորություն ունեք որևէ տեղ թեկուզ 1 ամսով գրանցվեք և հարցը կլուծվի: