Ինչպե՞ս հաշվել մայրության նպաստը

Մայրության նպաստը հաշվարկելիս նախ պետք է հաշվարկել միջին ամսական աշխատավարձը, որն է` անաշխատաունակությունն առաջանալու ամսվան նախորդող տասներկու հերթական օրացուցային ամիսների եկամուտը 12 բաժանելով (ՀՀ Օրենքը ժամանակավոր անաշխատաունակության և մայրության նպաստների մասին հոդ. 22 մաս 7), այնուհետև այդ մեծությունը պետք է համեմատել անաշխատունակությունն առաջանալու օրվա դրությամբ սահմանված նվազագույն աշխատավարձի տասնհինգապատիկի հետ, եթե միջին աշխատավարձը մեծ է այդ գումարից, ապա նպաստը հաշվարկվում է նվազագույն աշխատավարձի տասնհինգապատիկից (հոդ.22 մաս 5, մաս6): Նպաստը վճարվում է հղիության և ծննդաբերության արձակուրդի ժամանակահատվածի բոլոր օրացուցային օրերի համար (հոդ. 11 մաս 1):