Անի.
Բարև ձեզ, հարգելի մասնագետներ: Խնդրում եմ, օգնեք, շտապ է պետք:
Հիմնարկի լուծարման արդյունքում կատարվել է վերջնահաշվարկ, բայց գումարը ըստ իս քիչ է հաշվարկված: Ի՞նչ տվյալներ տրամադրեմ, որ լիարժեք հաշվարկ արվի: Ասեմ, որ 16.07.2001թ. ընդունվել եմ աշխատանքի, այս նոյեմբեր ամսին եղել եմ արձակուրդում:
Հարգելի Անի, հաշվարկի համար անհրաժեշտ է.
1. 2001թ.-ից մինչև աշխատանքից ազատման օրը որքան անգամ եք վճարովի արձակուրդում եղել և քանի օրով,
2. աշխատանքից ազատման ամսվանը նախորդող 12 ամիսների եկամտի (աշխատավարձի) չափը: Պարտադիր նշեք` հաշվարկային աշխատավարձի չափն է, թե վճարվող,
3. հնգօրյա աշխատանքային շաբաթով եք աշխատում, թե վեցօրյա,
4. պաշտոնը
5. աշխատանքից ազատման ամսաթիվը
Ե՞րբ եք ընդունվել աշխատանքի, ինչքա՞ն եք ամեն ամիս ստացել, ե՞րբ եք ազատվել ու արձակուրդ ո՞ր ամիսներին եք գնացել:
Շաբաթական քանի՞ օր եք աշխատել, և չօգտագործված արձակուրդի օրերը:
Հարգելի Անի, քանի որ Դուք աշխատանքից ազատվում եք կազմակերպության լուծարման հոդվածով, Ձեզ պետք է վճարեն նաև արձակման նպաստ մեկ ամսվա միջին աշխատավարձի չափով (համաձայն աշխատանքային օրենսգրքի հոդված 129, կետ 1): Նշեմ նաև, որ արձակման նպաստից հարկեր չեն պահվում: