Վարդան.
Բարև Ձեզ: Ես այսպիսի մի հարց ունեմ. 2011 դեկտեմբերի 12-ին գրանցել եմ ԱՁ ու ամեն ամիս մուծել եմ սոց. վճար հանդիսացող 5000 դրամը: Գործնեությունը սկսել եմ իրականացնել ս.թ. հունվարի 1-ից: Ասեմ, որ ԱՁ իրականացնում է վարսավիրական գործնեություն և աշխատում է հաստատագրված վճարով: Գնացել եմ թաղապետարանի համապատասխան բաժին (ինչպես իրենք են ասում 101 սենյակ), որպեսզի գրանցեմ աշխատողներին` մայիս ամսից: Ինձ ասել են, որ ես պետք է ինձ գրանցեի որպես աշխատող, որը չեմ արել (ԱՁ ես եմ), ուստի պետք է դրա համար վճարեմ տուգանք գրանցման օրվանից ինձ չգրանցելու և իմ սոց. վճարը չմուծելու համար: Խնդրում եմ ինձ ուղղություն տալ այս հարցում: Արդյո՞ք ես պետք է ինձ գրանցեի որպես աշխատող, եթե այո, ապա 5000 սոց. վճարը ինչի՞ համար էի մուծում, և եթե ես իրոք խախտում եմ կատարել, ապա ինչպե՞ս է հաշվարկվում այդ սոց. վճարը և տուգանքի չափը: Կանխավ շնորհակալություն:
Վարդան ջան, վարսավիրական գործունեությունը արտոնագրային վճարով հարկվող գործունեություն է, ոչ թե հաստատագրված: Եթե դու գրանցվել ես որպես անհատ ձեռներեց, ապա արդեն գրանցված աշխատող ես և արդեն դա արել ես 2011 դեկտեմբերին, ավել ոչինչ: Եթե գործատու ես, աշխատողներիդ գրանցիր միայն, իսկ 5000 դրամը դա կանխավճար է սոցին, քանի որ դու աշխատող ես գրանցված:
Հարգելի Վարդան, խոսքը նրա մասին չէ, որ Դուք ինքներդ Ձեզ որպես աշխատող գրանցեիք, ուղղակի որպես ԱՁ պետք է անհատական հաշիվ բացելու մասին հայտ ներկայացնեիք, եթե դա չեք արել, պետք է վճարեք վարչական տուգանք:
Եթե կարելի է, խնդրում եմ Արմենին ճշտել, ԱՁ-ի անհատական հաշիվ բացելու հայտի ներկայացման ժամկետը և վարչական տուգանքի չափը: Շնորհակալություն:
Համաձայն 938-Ն որոշման նոր պետական գրանցում ստացած կազմակերպությունները` իրենց հետ աշխատանքային հարաբերությունների մեջ գտնվող անձանց համար, ինչպես նաև անհատ ձեռնարկատերերը և նոտարները պարտավոր են տարածքային կենտրոն հայտ ներկայացնել պետական գրանցման օրվանից հետո` 2 ամսվա ընթացքում:
Վարչական տուգանքը` 15 000 – 20 000 դր: